JKW-KABUM-17-TSA-003-016

🚧 This website is under continued development. We appreciate your patience!

Previous Text Back to Volume PageNext Text

Wylie title	phyag rdor 'byung 'dul sogs kyi bris bkod
Location	mkhyen brtse'i bka' 'bum Volume 17, sde tshan 3, Text 16, Pages 571-574 (Folios 65a3 to 66b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. phyag rdor 'byung 'dul sogs kyi bris bkod. In 'jam dbyangs mkhyen brtse'i dbang po'i bka' 'bum, Vol. 17: 571-574. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

16 571-574	ཕྱག་རྡོར་འབྱུང་འདུལ་སོགས་ཀྱི་བྲིས་བཀོད། phyag rdor 'byung 'dul sogs kyi bris bkod Art - rtsom rig / ri mo / bris cha   ·   Guides to Paintings - bri yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཕྱག་རྡོར་འབྱུང་འདུལ་གྱི་རྩ་བའི་ཕྱག་རྒྱ། ཕྱག་གཡས་སྟེང་གཡོན་འོག་ཏུ་བྱས་པ་རྒྱབ་སྤྲད་པའི་སྲིན་ལག་གཉིས་ཕན་ཚུན་འཁྱུད་ཅིང་སྦྲེལ། མཛུབ་མོ་རྩེ་ཕུག་པ་ལྕགས་ཀྱུ་ལྟ་བུ། གུང་མོ་དང་མཐེ་ཆུང་ལག་མཐིལ་དུ་བཀུག་པའི་སོར་མོ་གཉིས་སོ་སོའི་མཐེབ་ཆེན་གྱིས་མནན་པའོ། ། ༈ མི་གཡོ་བ་སྔོན་པོའི་མངོན་རྟོགས་ནི། སྐུ་མདོག་སྔོན་པོ་གཡས་རལ་གྲི་མེ་འབར་དཔུང་གཡས་སྟེང་ཐད་དུ་སྡིགས་མཛུབ་ཀྱིས་འཕྱར། གཡོན་ཐུགས་ཀར་བསྡིགས་མཛུབ་མཛད་པ་ལ་རྡོ་རྗེའི་ཞགས་པས་དཀྲིས་པའི་སྣེ་མོ་ཕྲག་གོང་གཡོན་དུ་ལྡིང་། ཞལ་མཆེ་བ་གཙིགས་པའི་ཡ་སོས་མ་མཆུ་མནན་པ། སྤྱན་གསུམ་དམར་ལ་ཟླུམ་པའི་གཡས་པ་སྟེང་། གཡོན་པ་འོག །དབུས་མ་ཐད་ཀར་གཟིགས་པའི་ཉམས་ཅི་ལོ། དབུ་སྐྲ་ཐོར་ཚུགས་ནག་པོ་སྤྱི་བོར་བཅིངས་པ། རྒྱན་རིན་པོ་ཆེའི་རྒྱན་བརྒྱད། སྐུ་སྟོད་དར་ཡུག །སྐུ་སྨད་ཁ་དོག་སྣ་ཚོགས་ཀྱི་ཤམ་ཐབས། སྦྲུལ་དཀར་པོའི་སེ་རལ་ཁ། ཞབས་གཡས་རྟིང་པ་དང་། གཡོན་པུས་མོ་གདན་ལ་བཙུགས་སྟེ་བཞེངས་མ་སྟབས་སུ་མཛད་པ། གདན་པད་ཉི། ཕྱི་རོལ་དུ་མེ་ཕུང་དཀྱུས་འགྲེ། ཁྲོ་ཉམས་སྲིན་པོ་དང་གཤིན་རྗེ་ཁྲོས་པ་ལྟ་བུ་ཧ་ཅང་ཁྲོ་ཉམས་ཆེ་བ་མིན་པའི། ཁྲོ་བོ་གཏུམ་པོའི་ཉམས་ཅན་ཞིག་གལ་ཆེ། ། ༈ གཤིན་རྗེ་གཤེད་སེར་མོ་ནི། པདྨ་ཉི་མ་མ་ཧེ་དུད་ཁ་ཁྲོས་པའི་སྟེང་དུ། ཁྲོ་བོ་སྐུ་མདོག་སེར་ནག་ཞལ་གཅིག །ཕྱག་གཉིས། སྤྱན་གསུམ། དབུ་སྐྲ་སྨར་སྨིན་སོགས་ཁྲོ་ཉམས་སྤྱི་ལྟར། གཡས་རྡོ་རྗེའི་བེ་ཅོན་ཀྱི་རྩེར་ཐོད་པ་སྐམ་པོ་རྡོ་རྗེ་ཕྱེད་པའི་ཏོག་ཅན་གྱིས་མཚན་པ་འཕྱར་བ། གཡོན་སྡིགས་མཛུབ་ཐུགས་ཀར་གཏོད་པ། ཞབས་གཡོན་བརྐྱང་གི་དོར་སྟབས། དར་དང་། རིན་པོ་ཆེ་དང་། སྦྲུལ་རྒྱན་སྤྱི་འགྲེ། ཐོད་པ་སྐམ་པོ་ལྔ་རིན་པོ་ཆེའི་རྩེ་བྲན་ཅན་གྱིས་དབུ་རྒྱན་རློན་པ་ཁྲག་འཛག་པའི་དོ་ཤལ་སྟག་གི་ཤམ་ཐབས། གཤིན་རྗེ་ཁྲོས་པའི་ཉམས་ཕྱི་རོལ་དུ་དྲག་མེ་བཅས། ། ༈ རྟ་མགྲིན་དམར་པོ་པད་དབྱུག་ཅན་ནི། སྐུ་མདོག་དམར་ཆེན་སྨུག་མདངས་ཞད་ཙམ་ཡོད་པ་ཕྱག་གཡས་ཐོད་དབྱུག་པདྨ་ཆུ་སྐྱེས་དམར་པོས་མཚན་པའི་རྡོ་རྗེའི་དབྱུག་པ་དཔེ་རིས་བྲིས་པ་ལྟར་ནམ་མཁར་འཕྱར་བ། གཡོན་སྡིགས་མཛུབ་སྟ་ཟུར་གཡོན་དུ་བསྒྲེང་བའི་རྩེ་ལས་མེ་ལྕེ་ཞགས་པའི་ཚུལ་དུ་འཕྲོ་བ། ཞལ་གཅིག་ཕྱག་གཉིས། སྤྱན་གསུམ། ཞལ་གདངས། ལྗགས་འདྲིལ། མཆེ་གཙིགས་དབུ་སྐྲ་སྨར་སྨིན་སོགས་ཁྲོ་ཉམས་སྤྱི་ལྟར་ལ། དབུ་སྐྲ་སེར་པོ་གྱེན་དུ་བརྫེས་པའི་གཙུག་ན་རྟ་མགོ་ལྗང་གུ། རྔོག་མ་དམར་པོ་ཞུར་དཀར་པོ། ཕྲུམ་ཕྲུམ་སེར་པོ་ཅན་ཁ་གདངས་ཤིང་ནམ་མཁར་འཚེར་ཉམས། ཐོད་སྐམ་དབུ་རྒྱན། ཐོད་རློན་དོ་ཤལ། སྟག་ལྤགས་རློན་པའི་ཤམ་ཐབས། ཀླུ་བརྒྱད་སྦྲུལ་བརྒྱད་ཀྱི་རྣམ་པས་སྤྲས་པ་འབྱུང་འདུལ་ལྟར། སྦོམ་ཐུང་གསུས་པ་འཕྱང་བ། གཤིན་རྗེ་ཁྲོས་པའི་ཉམས་ཅན་གདན་པད་ཉི། བདུད་བཞིའི་སྟེང་ན་ཞབས་གཡོན་བརྐྱངས་ཤིང་དོར་སྟབས་ཅན། ཕྱི་རོལ་དུ་མེ་ཕུང་སོགས་སྤྱི་ལྟར། ། ༈ བདུད་རྩི་འཁྱིལ་བ་སྐུ་མདོག་ལྗང་སྔོན་གསར་མའི་ཁྲོ་ཉམས་སྤྱི་འགྲེ། ཕྱག་གཡས་སྡིགས་མཛུབ་ཀྱིས་སྣ་ཚོགས་རྡོ་རྗེ་ཡུ་བ་ཐུང་ཙམ་འཕྱར་བ། གཡོན་ཐུགས་ཀར་སྡིགས་མཛུབ་མཛད་པ། ཞབས་གཡོན་བརྐྱངས་ཤིང་དོར་སྟབས། དར་སྔོན་གྱི་སྟོད་གཡོག་སྟག་ལྤགས་ཀྱི་ཤམ་ཐབས། ཐོད་རྒྱན་དང་རིན་པོ་ཆེ་དང་སྦྲུལ་རྒྱན་སྤྱི་ལྟར། གདན་པད་ཉི་མེ་རི་བཅས། ། ༈ འབྱུང་འདུལ་ཐང་ཀ་དཔེ་འདི་མ་གཞི་སྐྱོན་མེད་ཀྱང་། ཉམས་གསར་མའི་ཁྲོ་ཉམས་སྤྱི་འགྲེ་ལེགས། འདི་གུར་མགོན་འདྲ་ལ་ཁད་རེད་སྣང་། རྩ་བའི་ཕྱག་རྒྱ་ནོར་བའི་བྲི་ཡིག་གོང་དུ་ཞིབ་ཆ་བཀོད་ལྟར་དགོས། སྦྲུལ་རྒྱན་བརྒྱད་ཅེས་གལ་ཆེར་གསུང་སྣང་ནའང་། དཔེར་ཅི་དྲན་བྲིས་པ་ལས་མེད་པས། སྟོབས་རྒྱུ་སྔོན་པོས་སྐྲ་ཆིངས། དགའ་བོ་ཉེ་དགའ་སེར་པོས་སྙན་རྒྱན། འཇོག་པོ་དམར་པོས་མགུལ་རྒྱན། མཐའ་ཡས་དཀར་པོས་ཚངས་སྐུད། ནོར་རྒྱས་དཀར་པོས་སྐེད་རྒྱན། རིགས་ལྡན་དཀར་པོ་དང་། དུང་སྐྱོང་དཀར་པོས་ཕྱག་བཞིའི་གདུ་བུ། པདྨ་དང་པད་ཆེན་དམར་པོས་ཞབས་གདུབ་བྱས་པའོ། །ཞབས་གནོན་དཔེ་ལྟར་རེད་འདུག །དར་སྔོན་པོའི་སྟོད་གཡོག་བཅས། ། ༈

[edit]

phyag rdor 'byung 'dul sogs kyi bris bkod/ @#/_/phyag rdor 'byung 'dul gyi rtsa ba'i phyag rgya/__phyag g.yas steng g.yon 'og tu byas pa rgyab sprad pa'i srin lag gnyis phan tshun 'khyud cing sbrel/__mdzub mo rtse phug pa lcags kyu lta bu/__gung mo dang mthe chung lag mthil du bkug pa'i sor mo gnyis so so'i mtheb chen gyis mnan pa'o/____/_!_mi g.yo ba sngon po'i mngon rtogs ni/__sku mdog sngon po g.yas ral gri me 'bar dpung g.yas steng thad du sdigs mdzub kyis 'phyar/__g.yon thugs kar bsdigs mdzub mdzad pa la rdo rje'i zhags pas dkris pa'i sne mo phrag gong g.yon du lding /__zhal mche ba gtsigs pa'i ya sos ma mchu mnan pa/__spyan gsum dmar la zlum pa'i g.yas pa steng /__g.yon pa 'og__/dbus ma thad kar gzigs pa'i nyams ci lo/__dbu skra thor tshugs nag po spyi bor bcings pa/__rgyan rin po che'i rgyan brgyad/__sku stod dar yug__/sku smad kha dog sna tshogs kyi sham thabs/__sbrul dkar po'i se ral kha/__zhabs g.yas rting pa dang /__g.yon pus mo gdan la btsugs ste bzhengs ma stabs su mdzad pa/__gdan pad nyi/__phyi rol du me phung dkyus 'gre/__khro nyams srin po dang gshin rje khros pa lta bu ha cang khro nyams che ba min pa'i/__khro bo gtum po'i nyams can zhig gal che/____/_!_gshin rje gshed ser mo ni/__pad+ma nyi ma ma he dud kha khros pa'i steng du/__khro bo sku mdog ser nag zhal gcig__/phyag gnyis/__spyan gsum/__dbu skra smar smin sogs khro nyams spyi ltar/__g.yas rdo rje'i be con kyi rtser thod pa skam po rdo rje phyed pa'i tog can gyis mtshan pa 'phyar ba/__g.yon sdigs mdzub thugs kar gtod pa/__zhabs g.yon brkyang gi dor stabs/__dar dang /__rin po che dang /__sbrul rgyan spyi 'gre/__thod pa skam po lnga rin po che'i rtse bran can gyis dbu rgyan rlon pa khrag 'dzag pa'i do shal stag gi sham thabs/__gshin rje khros pa'i nyams phyi rol du drag me bcas/____/_!_rta mgrin dmar po pad dbyug can ni/__sku mdog dmar chen smug mdangs zhad tsam yod pa phyag g.yas thod dbyug pad+ma chu skyes dmar pos mtshan pa'i rdo rje'i dbyug pa dpe ris bris pa ltar nam mkhar 'phyar ba/__g.yon sdigs mdzub sta zur g.yon du bsgreng ba'i rtse las me lce zhags pa'i tshul du 'phro ba/__zhal gcig phyag gnyis/__spyan gsum/__zhal gdangs/__ljags 'dril/__mche gtsigs dbu skra smar smin sogs khro nyams spyi ltar la/__dbu skra ser po gyen du brdzes pa'i gtsug na rta mgo ljang gu/__rngog ma dmar po zhur dkar po/__phrum phrum ser po can kha gdangs shing nam mkhar 'tsher nyams/__thod skam dbu rgyan/__thod rlon do shal/__stag lpags rlon pa'i sham thabs/__klu brgyad sbrul brgyad kyi rnam pas spras pa 'byung 'dul ltar/__sbom thung gsus pa 'phyang ba/__gshin rje khros pa'i nyams can gdan pad nyi/__bdud bzhi'i steng na zhabs g.yon brkyangs shing dor stabs can/__phyi rol du me phung sogs spyi ltar/____/_!_bdud rtsi 'khyil ba sku mdog ljang sngon gsar ma'i khro nyams spyi 'gre/__phyag g.yas sdigs mdzub kyis sna tshogs rdo rje yu ba thung tsam 'phyar ba/__g.yon thugs kar sdigs mdzub mdzad pa/__zhabs g.yon brkyangs shing dor stabs/__dar sngon gyi stod g.yog stag lpags kyi sham thabs/__thod rgyan dang rin po che dang sbrul rgyan spyi ltar/__gdan pad nyi me ri bcas/____/_!_'byung 'dul thang ka dpe 'di ma gzhi skyon med kyang /__nyams gsar ma'i khro nyams spyi 'gre legs/__'di gur mgon 'dra la khad red snang /__rtsa ba'i phyag rgya nor ba'i bri yig gong du zhib cha bkod ltar dgos/__sbrul rgyan brgyad ces gal cher gsung snang na'ang /__dper ci dran bris pa las med pas/__stobs rgyu sngon pos skra chings/__dga' bo nye dga' ser pos snyan rgyan/__'jog po dmar pos mgul rgyan/__mtha' yas dkar pos tshangs skud/__nor rgyas dkar pos sked rgyan/__rigs ldan dkar po dang /__dung skyong dkar pos phyag bzhi'i gdu bu/__pad+ma dang pad chen dmar pos zhabs gdub byas pa'o/__/zhabs gnon dpe ltar red 'dug__/dar sngon po'i stod g.yog bcas/____/_!_