JKW-KABUM-17-TSA-003-017

Previous Text Back to Volume PageNext Text

བླ་མ་བསྟན་གཉིས་སྐོར་གསུམ་སོགས་དཀྱིལ་ཐང་ཆེ་ཆུང་དྲུག་གི་བྲིས་བཀོད།

Wylie title	bla ma bstan gnyis skor gsum sogs dkyil thang che chung drug gi bris bkod
Location	mkhyen brtse'i bka' 'bum Volume 17, sde tshan 3, Text 17, Pages 574-579 (Folios 66b4 to 69a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bla ma bstan gnyis skor gsum sogs dkyil thang che chung drug gi bris bkod. In 'jam dbyangs mkhyen brtse'i dbang po'i bka' 'bum, Vol. 17: 574-579. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig
Cycle	བླ་མ་བསྟན་གཉིས་སྐོར་གསུམ་ (bla ma bstan gnyis skor gsum)

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །འདི་ནང་བླ་མ་བསྟན་གཉིས་སྐོར་གསུམ་དཀྱིལ་ཐང་ཆེ། ༡༽ བླ་མ་ཡིད་བཞིན་ནོར་བུ། ༢༽ ཕག་མོ་རིགས་བཞི། ༦༽ བཅས་ཆུང་བ་སྟེ་དཀྱིལ་འཁོར་དྲུག་གི་བཀོད་ཡིག་ཡོད་པ་ལ། །ཨོཾ་སྭ་སྟི། བླ་མ་བསྟན་གཉིས་སྐོར་གསུམ་གྱི་དཀྱིལ་ཐང་མ་གཞི་ཞི་དཀྱིལ་དུར་ཁྲོད་ཡོད་པ། རྟ་བབས་སྣམ་བཞི་མ་སོགས་སྤྱི་འགྲེ། ལྷ་བཀོད་དབུས་སུ་པདྨ་འདབ་བཞི་དབུས་མཐིང་། ཤར་དཀར་སོགས་ཕྱོགས་མདོག་གི་ལྟེ་བར་ཤོངས་ན་གཙོ་བོ་བླ་མ་གསང་འདུས་ཡབ་ཡུམ་ཙཀླིའི་བྲི་ཡིག་ལྟར། དེའི་ཁྲི་མདུན་དུ་ཞལ་ནང་ལ་ཕྱོགས་པའི་གཡས་སུ་འཁོར་ལོ་དཀར་པོ། གཡོན་དུ་གྲི་གུག་འཁོར་ལོའི་ཡུ་བ་ཅན། འདབ་བཞིར་ཤར་དུ་འཁོར་ལོ་དཀར་པོ་དང་། འཁོར་ལོའི་གྲི་གུག །ལྷོར་རིན་ཆེན་སེར། རིན་ཆེན་གྲི་གུག །ནུབ་པདྨ་དམར། པདྨའི་གྲི་གུག །བྱང་སྣ་ཚོགས་རྡོ་རྗེ། སྣ་ཚོགས་རྡོ་རྗེའི་གྲི་གུག །པདྨའི་གོང་རས་མུ་ཁྱུད་ལྗང་། དེ་ཡི་ཕྱི་རོལ་དུ་རིན་ཆེན་ཟུར་བརྒྱད་གསེར། གཞི་དང་མུ་ཁྱུད་གང་མཛེས། རིན་ཆེན་ཟུར་བརྒྱད་ལ་གསེར་གྱི་གཞིར་མཐིང་ལྟ་བུས་བཅད་པའི་ཧྲཱིཿ གཉིས་རེ་རྒྱ་ཡིག་ལཉྩ་ཤ་ཆེན། ཡི་གེ་དབུ་ཕྱིར་བསྟན། དེའི་ཕྱི་རིམ་ལ་མུ་ཁྱུད་ལྔ་ལ། དང་པོ་སྐུ་འཁོར་དཀར། གཉིས་པ་གསུང་དམར། གསུམ་པ་ཐུགས་མཐིང་། བཞི་པ་ཡོན་ཏན་སེར། ལྔ་པ་ཕྲིན་ལས་ལྗང་། མུ་ཁྱུད་རེ་རེ་ལ་ཟུར་ཐིག་རེ་རེའི་བར་དབུས་མཚངས་ཐིག་གི་གཡས་གཡོན་དུ་ཁེལ་བའི་པད་འདབ་ལྔ་རེ་བཅད་པའི་པད་འདབ། ༢༠ འདབ་རེ་རེའི་དབུས་སུ་པད་ཟླུམ་རེ་རེ་ལའང་འདབ་མ། ༢༠ རེ་ཡོད་པ་བཅད་ལུགས་གོང་ལྟར། ཁྱོན་འཁོར་ལོ་རེར་པད་ལྟེ། ༢༠ འདབ་མ། ༢༠༠ རེ། ལྟེ་བ་དང་འདབ་མར་ཕྱི་ནང་གི་གསེར་ཐིག་གཉིས་རེ། ལྷ་སྣམ་ཤར་དཀར་སོགས་སྤྱི་ལྟར་པ་ཏྲས་བརྒྱན་པའི་ཤར་སྒོའི་ནང་ཐད་གཡས་སུ་ཧྲཱིཿདཀར། གཡོན་དུ་ལྗང་། ལྷོར་དམར་སྐྱ། ནུབ་གཡས་མཐིང་། གཡོན་སྨུག །བྱང་དམར་ནག །ཡི་གེ་ཚོན་གྱིས་མ་བདེན་གསེར་གྱིས་བཅད་པའི་རྒྱ་ཡིག་ཤ་ཆེན་ནམ་རྐྱང་པ། སྒོ་བཞིར་ཤར་སྒོའི་དབུས་སུ་ཛཿདཀར། ལྷོར་ཧཱུྃ་སེར། ནུབ་བྃ་དམར། བྱང་ཧོཿ ལྗང་གུ་བྲི། ༢ ཚོན་ཐོ་སྤྱི་ལྟར་ལྷ་སྣམ་ཕྱོགས་མདོག །རྩིག་པ་བགོ་རིན་བྱུང་ན་ནང་ནས་ཕྱིར་རིམ་བཞིན་མཐིང་། སེར། དམར། ལྗང་། དཀར། མ་བྱུང་ན་ལྗང་སེར། འདོད་སྣམ་དམར། ཕ་གུ་སེར། དྲ་ཕྱེད་གཞི་མཐིང་ནག་ལ་གསེར་ཕྱི་དྲྭ་བ་དང་ཕྱེད་པ། ཤར་བུ་དཀར། འདའ་ཡབ་གསེར། རྟ་བབས་བང་རིམ་བཞིའི་འོག་མ་ནས་རིམ་པར་དམར། སྔོ། ལྗང་། སེར། འཁོར་ལོ་སོགས་གསེར། སྣ་ཚོགས་རྡོ་རྗེའི་རྭ་ཕྱོགས་མདོག །ཤར་སྒོའི་གཡས་གཡོན་དུ་གདུགས། ལྷོར་རྒྱལ་མཚན། ནུབ་གདུགས། བྱང་རྒྱལ་མཚན་གཉིས་རེ། ཕྱི་ཁྱམས་སུ་ཁྲུས་རྫིང་། དཔག་བསམ་ལྗོན་པ། སྐྱེད་མོས་ཚལ། རིན་པོ་ཆེའི་རི། མ་རྨོས་པའི་ལོ་ཏོག་སོགས་ཞིང་ཁམས་ཀྱི་བཀོད་པ་ལྟ་བུ་གང་མཛེས། མུ་ཁྱུད་ལྗང་། པདྨ་སྣ་ཚོགས། དུར་ཁྲོད་བར་མཐིང་སྐྱ། གཞི་ནག་པོར་གསེར་རིས་ཀྱི་བཀོད་པ་གང་མཚམས། རྡོ་ར་གཞི་ནག་པོར་གསེར་རིས། མེ་རི་པ་ཏྲ་རྩེ་མོ་གཡོན་བསྐོར་ཚོན་སྣ་སྤེལ་མའོ། །གོང་གཤམ་སྟེང་འོག་མ་གཏོགས་གཡས་གཡོན་དུ་མེད་པ་སྤྱི་གཡབ་གཡས་གཡོན་དུ་ཙཀླིའི་ཟུར་མཚལ་ལྟ་བུ་བྱུགས། སྟེང་འོག་ལ་མི་དགོས། འདི་ཐང་ཀ་ཆེ་ཚད་རེད་སྙམ་ནས་བྲིས་པ་ཡིན་ཀྱང་ད་ཆ་སྤྱི་འགྲེ་ལས་མི་དགོས་འདུག ། ༈ དཀྱིལ་ཆུང་། ༥༧ བླ་མ་ཡིད་བཞིན་ནོར་བུའི་དཀྱིལ་ཐང་ལ། ཞི་དཀྱིལ་རྟ་བབས་སྣམ་བཞི་དུར་ཁྲོད་མེད་པའི་སྤྱི་འགྲེ། ལྟེ་བར་པད་འདབ་བཞི། དེའི་ཕྱི་རོལ་དུ་རིན་ཆེན་ཟུར་བརྒྱད་གསེར། དབུས་སུ་གཙོ་བོ་བླ་མ་གསང་འདུས་རྡོ་རྗེ་འཆང་ཙཀླིའི་བྲི་ཡིག་ལྟར། དེའི་མདུན་དུ་ཕྱག་མཚན་འཁོར་ལོ། དྲིལ་བུ། མདུན་གྱི་འདབ་མར་རྡོ་རྗེ། དྲིལ་བུ། ལྷོར་རིན་ཆེན། དྲིལ་བུ། ནུབ་པདྨ། དྲིལ་བུ། བྱང་རྒྱ་གྲམ། དྲིལ་བུ། རིན་ཆེན་ཟུར་བརྒྱད་ལ་མདུན་ནས་བརྩམས་ཏེ་གཡས་བསྐོར་ཕྱག་མཚན་རྩེ་མོ་ཕྱིར་བསྟན། ཞལ་ནང་དུ་ཕྱོགས་པའི་རྡོ་རྗེ་དྲིལ་བུ༡། གསེར་གྱི་རྡོ་རྗེ་རྐྱང་པ་རྩེ་ལྔ༢། བདུད་རྩིའི་ཐོད་པ༣། ཁ་ཊྭཱྃ་རྩེ་གསུམ། ༤ མེ་ལོང་༥། ཐོད་པའི་ཌ་རུ༦། ཁྲོ་བོའི་རྡོ་རྗེ་རྩེ་དགུ་རྭ་གདེང་༧། རྡོ་རྗེ་དང་ཕུར་པ༨། སྒོ་བཞིར། ཛཿ མཐིང་། ཧཱུྃ། སེར། བྃ། དམར། ཧོཿ ལྗང་། ༡ ། ༈ ཕག་མོ་དཀར་མོ་དཀྱིལ་ཐང་ལ། ཞི་དཀྱིལ་དུར་ཁྲོད་ཡོད་པ་རྟ་བབས་སྣམ་བཞི་མ། དབུས་སུ་པདྨ་དཀར་པོ་འདབ་མ་བརྒྱད་པའི་ལྟེ་བར་པད། ཉི། བམ་རོའི་སྟེང་ཕག་མོ་དཀར། ཞི་འཛུམ་ཁྲོ་ཆགས་ཉམས། སྤྱན་གསུམ། མཆེ་གཙིགས། སྤྱི་གཙུག་ཕག་ཞལ། དར་དང་རིན་ཆེན་རུས་པའི་རྒྱན་སོགས་སྤྱི་འགྲེ། ཞབས་སྐྱིལ་ཀྲུང་ཕྱེད་པའི་གར་སྟབས། ཕྱི་རོལ་འོད་ཟེར་པ་ཏྲ། གཡས་རྡོ་རྗེའི་གྲི་གུག་གདེངས། གཡོན་ཚེ་བུམ་ཐུགས་ཀ །གྲུ་མོ་གཡོན་ཁ་ཊྭྃ་སོགས་ཕག་མོ་སྤྱི་ལྟར་རོ། །གཞན་དཀྱིལ་འཁོར་གྱི་བཀོད་པ་ཞི་དཀྱིལ་སྤྱི་ཁྱབ་ལྟར་རོ། ༢ །ཕག་མོ་སེར་མོ་ཞི་དཀྱིལ་གོང་གསལ་སྤྱི་འགྲེ་དུར་ཁྲོད་མེད་པའི་ཕྱི་རོལ་གྱི་ཁོར་ཡུག་དང་། ནང་གི་བར་ཁྱམས་ལ་ནོར་བུ་རིན་པོ་ཆེའི་རིགས་དང་། ནོར་བུ་ཆ་བདུན། གཏེར་བུམ། དཔག་བསམ་གྱི་ཤིང་སོགས་བཀོད་པ་གང་འོས། དབུས་སུ་གསེར་གྱི་པདྨ་འདབ་མ་བརྒྱད་པའི་ལྟེ་བར་པད་ཉི། བམ་རོའི་གདན་ལ་ཕག་མོ་གསེར་མདོག །ཕག་ཞལ་རྣ་ལྟག་གཡས་སུ་ཡོད་པ་མ་གཏོགས་གཞན་གོང་གི་ཕག་དཀར་ལྟར་ལ། སྒེག་ཅིང་རྒྱས་པའི་ཉམས། ནོར་བུའི་དོ་ཤལ་བཅས། གཡས་རིན་པོ་ཆེའི་གྲི་གུག་གདེངས། གཡོན་ནོར་བུས་གང་བའི་ཐོད་པ་ཐུགས་ཀ །ཕྱི་རོལ་ནོར་འཛིན་པ་ཏྲའོ། ༣ །པདྨ་མཁའ་འགྲོ་ལ་མེ་རི་པ་ཏྲ་དམར་ཤས་ཆེ་བ། རྡོ་ར། དུར་ཁྲོད་དང་བཅས་པའི་གཞལ་ཡས་ཟླ་གམ་དམར་པོ་སྒོ་གཅིག་ནུབ་བསྟན་རྟ་བབས་སྣམ་བཞི། དབུས་སུ་པད་དམར་འདབ་མ་བཞི་པའི་ལྟེ་བར་ཕག་མོ་དམར་མོ་ཆགས་ཉམས། གཡས་པདྨའི་གྲི་གུག་གདེང་། གཡོན་ཐོད་ཁྲག་ཐུགས་ཀ །རྣ་ལྟག་གཡོན་དུ་ཕག་ཞལ། པདྨ་དམར་པོའི་ཕྲེང་བ་འཕྱང་བ། གཞན་རྒྱན་ཆ་བཞུགས་སྟངས་སོགས་འདྲ། གདན་པད། ཉི། བམ། ཕྱི་རོལ་པདྨའི་པ་ཏྲ། འདབ་མ་བཞིར་རྡོ་རྗེའི་གྲི་གུག །རིན་པོ་ཆེའི་གྲི་གུག །འཁོར་ལོའི་གྲི་གུག །སྣ་ཚོགས་རྡོ་རྗེའི་གྲི་གུག་སོ་ནང་བསྟན། ཐམས་ཅད་ཁ་དོག་དམར་པོ། །ནུབ་སྒོའི་དབུས་སུ་པདྨ་དང་ཐོད་ཁྲག་གོ ༤ ལས་ཀྱི་མཁའ་འགྲོའི་བྲག་དཀྱིལ་ལ་ཕྱི་རོལ་དུ་མ་ཏྲཾ་གི་ཁོག་པ། དེའི་ལྟོ་བར་དྲག་མེ། རྡོ་ར། དུར་ཁྲོད་ཀྱི་དབུས་སུ་ཐོད་མཁར་ཟུར་གསུམ་སྟེ། དོན་དུ་གྲུ་གསུམ་དྲག་པོའི་མེ་འབར་བ་རྩེ་ཕྱིར་བསྟན་མུ་ཁྱུད་ལ་ཐོད་སྐམ་གྱི་ཕྲེང་བས་མཚན་པ། དེའི་དབུས་མཚོན་ཆའི་འཁོར་ལོ་རྩིབས་བརྒྱད་པ། དེའི་དབུས་སུ་མཚོན་འཁོར་རྩིབས་བཞི་པ། ལྟེ་བ་དང་རྩིབས་བཞི་ལ་ཐིག་ལེ་མཐིང་ནག །རྩིབས་བརྒྱད་མ་ཤར་ནས་བརྩམས་ཏེ་ཐིག་ལེ་དཀར་སྨུག༡། །དམར་ནག༢། སྨུག་ནག༣ །ནག་པོ༤། དམར་སྨུག༥ ལྗང་ནག༦ །ལྗང་སྨུག༧ །སྔོ་ནག །ཆོས་འབྱུང་གི་ཕྱི་ནང་བར་ཁྱམས་ཐམས་ཅད་དུ་ཁྲག་མཚོ་རིས་དང་། མགོ་ལག་གློ་སྙིང་རྒྱུ་མ་སོགས་འཇིགས་པའི་རི་མོ་ཅི་རིགས་བྲིའོ། ༥ ། ༈

[edit]

bla ma bstan gnyis skor gsum sogs dkyil thang che chung drug gi bris bkod/ @#/_/'di nang bla ma bstan gnyis skor gsum dkyil thang che/__1)__bla ma yid bzhin nor bu/__2)__phag mo rigs bzhi/__6)__bcas chung ba ste dkyil 'khor drug gi bkod yig yod pa la/__/oM swa sti/__bla ma bstan gnyis skor gsum gyi dkyil thang ma gzhi zhi dkyil dur khrod yod pa/__rta babs snam bzhi ma sogs spyi 'gre/__lha bkod dbus su pad+ma 'dab bzhi dbus mthing /__shar dkar sogs phyogs mdog gi lte bar shongs na gtso bo bla ma gsang 'dus yab yum tsakli'i bri yig ltar/__de'i khri mdun du zhal nang la phyogs pa'i g.yas su 'khor lo dkar po/__g.yon du gri gug 'khor lo'i yu ba can/__'dab bzhir shar du 'khor lo dkar po dang /__'khor lo'i gri gug__/lhor rin chen ser/__rin chen gri gug__/nub pad+ma dmar/__pad+ma'i gri gug__/byang sna tshogs rdo rje/__sna tshogs rdo rje'i gri gug__/pad+ma'i gong ras mu khyud ljang /__de yi phyi rol du rin chen zur brgyad gser/__gzhi dang mu khyud gang mdzes/__rin chen zur brgyad la gser gyi gzhir mthing lta bus bcad pa'i hrIH__gnyis re rgya yig lany+tsa sha chen/__yi ge dbu phyir bstan/__de'i phyi rim la mu khyud lnga la/__dang po sku 'khor dkar/__gnyis pa gsung dmar/__gsum pa thugs mthing /__bzhi pa yon tan ser/__lnga pa phrin las ljang /__mu khyud re re la zur thig re re'i bar dbus mtshangs thig gi g.yas g.yon du khel ba'i pad 'dab lnga re bcad pa'i pad 'dab/__20__'dab re re'i dbus su pad zlum re re la'ang 'dab ma/__20__re yod pa bcad lugs gong ltar/__khyon 'khor lo rer pad lte/__20__'dab ma/__200__re/__lte ba dang 'dab mar phyi nang gi gser thig gnyis re/__lha snam shar dkar sogs spyi ltar pa tras brgyan pa'i shar sgo'i nang thad g.yas su hrIHdkar/__g.yon du ljang /__lhor dmar skya/__nub g.yas mthing /__g.yon smug__/byang dmar nag__/yi ge tshon gyis ma bden gser gyis bcad pa'i rgya yig sha chen nam rkyang pa/__sgo bzhir shar sgo'i dbus su dzaHdkar/__lhor hU~M ser/__nub ba~M dmar/__byang hoH__ljang gu bri/__2_tshon tho spyi ltar lha snam phyogs mdog__/rtsig pa bgo rin byung na nang nas phyir rim bzhin mthing /__ser/__dmar/__ljang /__dkar/__ma byung na ljang ser/__'dod snam dmar/__pha gu ser/__dra phyed gzhi mthing nag la gser phyi drwa ba dang phyed pa/__shar bu dkar/__'da' yab gser/__rta babs bang rim bzhi'i 'og ma nas rim par dmar/__sngo/__ljang /__ser/__'khor lo sogs gser/__sna tshogs rdo rje'i rwa phyogs mdog__/shar sgo'i g.yas g.yon du gdugs/__lhor rgyal mtshan/__nub gdugs/__byang rgyal mtshan gnyis re/__phyi khyams su khrus rdzing /__dpag bsam ljon pa/__skyed mos tshal/__rin po che'i ri/__ma rmos pa'i lo tog sogs zhing khams kyi bkod pa lta bu gang mdzes/__mu khyud ljang /__pad+ma sna tshogs/__dur khrod bar mthing skya/__gzhi nag por gser ris kyi bkod pa gang mtshams/__rdo ra gzhi nag por gser ris/__me ri pa tra rtse mo g.yon bskor tshon sna spel ma'o/__/gong gsham steng 'og ma gtogs g.yas g.yon du med pa spyi g.yab g.yas g.yon du tsakli'i zur mtshal lta bu byugs/__steng 'og la mi dgos/__'di thang ka che tshad red snyam nas bris pa yin kyang da cha spyi 'gre las mi dgos 'dug__/_!_dkyil chung /__57__bla ma yid bzhin nor bu'i dkyil thang la/__zhi dkyil rta babs snam bzhi dur khrod med pa'i spyi 'gre/__lte bar pad 'dab bzhi/__de'i phyi rol du rin chen zur brgyad gser/__dbus su gtso bo bla ma gsang 'dus rdo rje 'chang tsakli'i bri yig ltar/__de'i mdun du phyag mtshan 'khor lo/__dril bu/__mdun gyi 'dab mar rdo rje/__dril bu/__lhor rin chen/__dril bu/__nub pad+ma/__dril bu/__byang rgya gram/__dril bu/__rin chen zur brgyad la mdun nas brtsams te g.yas bskor phyag mtshan rtse mo phyir bstan/__zhal nang du phyogs pa'i rdo rje dril bu1/__gser gyi rdo rje rkyang pa rtse lnga2/__bdud rtsi'i thod pa3/__kha T+wA~M rtse gsum/__4__me long 5/__thod pa'i Da ru6/__khro bo'i rdo rje rtse dgu rwa gdeng 7/__rdo rje dang phur pa8/__sgo bzhir/__dzaH__mthing /__hU~M/__ser/__ba~M/__dmar/__hoH__ljang /__1_/_!_phag mo dkar mo dkyil thang la/__zhi dkyil dur khrod yod pa rta babs snam bzhi ma/__dbus su pad+ma dkar po 'dab ma brgyad pa'i lte bar pad/__nyi/__bam ro'i steng phag mo dkar/__zhi 'dzum khro chags nyams/__spyan gsum/__mche gtsigs/__spyi gtsug phag zhal/__dar dang rin chen rus pa'i rgyan sogs spyi 'gre/__zhabs skyil krung phyed pa'i gar stabs/__phyi rol 'od zer pa tra/__g.yas rdo rje'i gri gug gdengs/__g.yon tshe bum thugs ka__/gru mo g.yon kha T+wa~M sogs phag mo spyi ltar ro/__/gzhan dkyil 'khor gyi bkod pa zhi dkyil spyi khyab ltar ro/__2__/phag mo ser mo zhi dkyil gong gsal spyi 'gre dur khrod med pa'i phyi rol gyi khor yug dang /__nang gi bar khyams la nor bu rin po che'i rigs dang /__nor bu cha bdun/__gter bum/__dpag bsam gyi shing sogs bkod pa gang 'os/__dbus su gser gyi pad+ma 'dab ma brgyad pa'i lte bar pad nyi/__bam ro'i gdan la phag mo gser mdog__/phag zhal rna ltag g.yas su yod pa ma gtogs gzhan gong gi phag dkar ltar la/__sgeg cing rgyas pa'i nyams/__nor bu'i do shal bcas/__g.yas rin po che'i gri gug gdengs/__g.yon nor bus gang ba'i thod pa thugs ka__/phyi rol nor 'dzin pa tra'o/__3__/pad+ma mkha' 'gro la me ri pa tra dmar shas che ba/__rdo ra/__dur khrod dang bcas pa'i gzhal yas zla gam dmar po sgo gcig nub bstan rta babs snam bzhi/__dbus su pad dmar 'dab ma bzhi pa'i lte bar phag mo dmar mo chags nyams/__g.yas pad+ma'i gri gug gdeng /__g.yon thod khrag thugs ka__/rna ltag g.yon du phag zhal/__pad+ma dmar po'i phreng ba 'phyang ba/__gzhan rgyan cha bzhugs stangs sogs 'dra/__gdan pad/__nyi/__bam/__phyi rol pad+ma'i pa tra/__'dab ma bzhir rdo rje'i gri gug__/rin po che'i gri gug__/'khor lo'i gri gug__/sna tshogs rdo rje'i gri gug so nang bstan/__thams cad kha dog dmar po/__/nub sgo'i dbus su pad+ma dang thod khrag go__4__las kyi mkha' 'gro'i brag dkyil la phyi rol du ma traM gi khog pa/__de'i lto bar drag me/__rdo ra/__dur khrod kyi dbus su thod mkhar zur gsum ste/__don du gru gsum drag po'i me 'bar ba rtse phyir bstan mu khyud la thod skam gyi phreng bas mtshan pa/__de'i dbus mtshon cha'i 'khor lo rtsibs brgyad pa/__de'i dbus su mtshon 'khor rtsibs bzhi pa/__lte ba dang rtsibs bzhi la thig le mthing nag__/rtsibs brgyad ma shar nas brtsams te thig le dkar smug1/__/dmar nag2/__smug nag3__/nag po4/__dmar smug5__ljang nag6__/ljang smug7__/sngo nag__/chos 'byung gi phyi nang bar khyams thams cad du khrag mtsho ris dang /__mgo lag glo snying rgyu ma sogs 'jigs pa'i ri mo ci rigs bri'o/__5_/_!