JKW-KABUM-17-TSA-002-008

🚧 This website is under continued development. We appreciate your patience!

Previous Text Back to Volume PageNext Text

Wylie title	gso ba rig pa'i lag len gyi skor
Location	mkhyen brtse'i bka' 'bum Volume 17, sde tshan 2, Text 8, Pages 217-223 (Folios 36a6 to 39a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gso ba rig pa'i lag len gyi skor. In 'jam dbyangs mkhyen brtse'i dbang po'i bka' 'bum, Vol. 17: 217-223. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

8 217-223	གསོ་བ་རིག་པའི་ལག་ལེན་གྱི་སྐོར། gso ba rig pa'i lag len gyi skor Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ན་མོ་གུ་ར་བེ། གསོ་བ་རིག་པའི་ལག་ལེན་གྱི་སྐོར་ལས། རྡོ་སྨན་རིགས་གར་འགྲོ་སར་འཇུ་རྩི་དར་སྨན་ཞེས། ཟེ་ཚྭ་དུག་འདོན་བྱས་པ་ཐུན་གཅིག །ཚྭ་ལ་ཆུ་བཅད་ཐུན་གཅིག་གཏོང་། སྔོ་སྨན་རྐྱང་པ་ལ་སྡེ་སྦྱོར་སྐབས་ལྟར་གྱི་ཁ་ཚར་བཏབ། ཟེ་ཚྭ་ལྕགས་སྐྱོགས་སུ་རྔོ་ནས་ཚག་སྒྲ་འོང་དུས་ཚུར་ལེན་ལ་དུག་འདོན། གོ་ཐལ་དང་རྒོད་ཐལ་ཞིབ་ཏུ་བྱས་ལ་སྐྱོགས་ནང་དུ་མེ་ལ་ཡུད་ཙམ་བརྔོས་ནས་སོ་སོར་གཏོང་ཆོག །གཟེ་མ་ལྕགས་སྐྱོགས་སུར་མགོ་ཚིག་ཙམ་བརྔོ། ། ༈ བཤལ་གྱི་ཕྱག་ལེན་ནི། སྦྱངས་མ་གཏོང་བའི་སྔོན་དུ་ཞག་གཉིས་གསུམ་ཚུན་བཏུང་བ་མ་གཏོགས་བཟའ་བ་སྤངས། དེ་ནས་གདོན་དང་འགྲུལ་སྲུང་། རླུང་གསང་དང་མཐིལ་བཞི་མར་དཀར་བྱུགས་ལ་ཙམ་པ་འདེབས། ནུབ་མོ་སྣ་སེལ། ཨ་རུ་མཆུ་རིང་། ལྕུམ་རྩ། ཆུ་མ་ཙི། རྒྱམ་ཚྭ། པི་ལིང་བཅས་ཆ་མཉམ་བཏུལ་བའི་བསྡུས་ཐང་བཏང་། ནམ་གུང་ཇ་སླ་མོ་ཅུང་ཞིག་བཏང་། ཐོ་རང་སྦྱོང་བྱེད་རིལ་བུ་སྲན་ཙམ་ལྔ་བདུན་དགུ་སོགས་ལྟོ་བ་དང་བསྟུན་རིགས་པས་དཔྱད་ལ་ཆུ་ཁོལ་གྱིས་ཕུལ་ཏེ་གཏང་། མི་སྐྱུག་པའི་ཐབས་གཞུང་ལྟར་བྱ། སྦྱོར་སྡེ་ནི་མགྲོན་པོ་ལམ་བཤལ་ལ་མཚོན་ན། ཨ་རུ་མཆུ་རིང་མེ་མུར་དུ་མ་ཚིག་ཙམ་བརྔོ། དུར་བྱིད་རྐང་ཤུན་ཕྲལ་ནས་ཡོས་ཚན་ནང་དུ་རྔུལ་ཆུ་འོང་ཙམ་བར་བརྔོ། དན་རོག་ཤུན་པ་དང་མཆུ་ཅུང་ཞིག་ཡོད་པ་དེ་དོར་ནས་སླ་ངར་ཙམ་པ་ཡམ་གཅིག་ཙམ་བཀོད་པའི་སྟེང་དུ་དན་རོག་བསྒྲིགས་སྟེང་དུ་ཙམ་པས་སྒྲིབ་ལ་ཙམ་པ་ཚིག་དན་རོག་མ་ཚིག་ཙམ་ནས་ལེན། ཤྲཱི་ཁཎྜ་མར་ཁུ་ནང་དུ་ཡུན་གཅིག་བཙོ་ལ་ཕྱུང་། ཐར་ནུ་རྐང་ཤུན་དོར་ལ་བ་ཆུ་རང་ནུབ་ཙམ་གྱི་ནང་དུ་བཙོ་ལ་ཁུ་བ་ཐིམ་པར་བྱ། དེ་ལྟར་དུག་འདོན་བྱས་པའི་སྨན་རྣམས་དང་། ལྕུམ་རྩ། སྔོན་བུའི་སྡོང་པོ། ཁྲོན་བུའི་རྩ་བ། དན་ཁྲ། དོང་གའི་འབྲས་བུ་རྣམས་ཁྲོལ་བུར་བརྡུངས་པ་སོ་སོ་ནས་ལག་པའི་སྲང་རེ་བ་ཆུ་བྲེ་བཞིའི་ནང་དུ་མེ་ཤེད་ཆུང་བར་བཙོ་ནས་ཚིག་མ་བཙགས་ཅིང་དྭངས་མས་ཁཎྜ་བྱས་ནས་རིལ་བུ་སྲན་མ་ཙམ་དྲིལ་ལ་གཏོང་། ཁ་བསྒྱུར་སོགས་གཞུང་ལྟར་རོ། ། ༈ གཏར་གའི་སྐབས་རྩ་གང་ཡིན་ལག་པའི་མཐེབ་འཛུབ་ཀྱིས་དམ་པར་བཟུང་ལ། དེ་མཚམས་ནས་སྨྱུག་ཁ་ལྟ་བུའི་སེན་རིས་བྱས་ནས་དེ་སྟེང་གཙག་བུ་གཟིར། ཁྲེབ་སྒྲ་གཉིས་བྱུང་ན་ཤ་དང་རྩ་ཕིགས་པའི་རྟགས་ཡིན་པས་བླངས། བཅད་རན་པ་ན་ཕྱིང་པ་ཆུར་བཅུར་བའི་ཚལ་བུ་སླན་ལ་བལ་ཐིག་གིས་བསྡམས། ཁྲག་ཆོད་དཀའ་ན་ཤིང་གཞོག་བསླན། གག་པའི་ལྕེ་ཟོར་གྱིས་རྩེ་མོ་ཟླ་གམ་རིང་ཐུང་ཕུན་གང་ཙམ་ཡོད་པའི་ཕྱེད་ཡན་དར་གྱིས་དཀྲི། དེ་ནས་ལྕེ་སྐྲངས་དབུས་སུ་གཞག་ལ་མཇུག་ནས་གྲི་ལྟག་ལྟ་བུས་བརྡེག་པས་རྣག་དོན་ཡོང་། དྲེག་རྩ་ནི་རྐང་པའི་མཐེ་བོང་དང་འཛུབ་མོའི་བར་གྱི་གར་ཤ་ན་ཡོད་པས། དྲེག་འབུག་གི་བུ་གར་དར་སྐུད་དམར་པོ་བརྒྱུས་ནས་ཕུག་ཅིང་འབུག་བླངས་རྗེས་དར་སྐུད་ཡར་མར་འདྲེན་ནས་མཐར་ཞབས་སུ་བླངས་ནས་དོར། ཕུག་གདན་འབོལ་འདྲ་བ་ཞིག་དགོས་སོ། ། ༈ མེ་བཙའི་དམ་ནི། མར་ནག །རྒྱུངས་པ། སྒོག་པ་གསུམ་སྦྱར་བ་དགོས། ༈ ཤ་བའི་མིག་རྐྱག་བདུག་པས་གདོང་སྲིན་སོགས་ལ་མཆོག་ཏུ་ཕན། སྲིན་གྱི་ནད་ཀྱིས་ཆུ་སེར་དང་རྣག་སོགས་ཤད་པའི་བུག་པ་བརྡོལ་ན། གྲོ་ཟན་ཤིན་ཏུ་སྲབ་མོ་མར་གོར་འདྲ་བ་གཉིས་ཀྱི་བར་དུ་བུ་རམ་གྱི་ལྡེ་གུ་བྱུགས་ལ་རྨ་ཁར་ཞག་གཅིག་སྦྱར་ནས་བཞག སྲིན་འབུ་ཡོད་ན་ཟན་ཁྲོལ་བུར་ཕུག་ཡོད་པས་འབུ་ཡོད་ཐག་ཆོད་དུས་དུག་འབྱར་ནི། གྲོ་ཟན་གོར་མོ་སྔར་ལྟར་གསུམ་བཅོས་ལ་ཟན་ཞབས་མའི་སྟེང་དུ་བོང་ནག །བར་མའི་ཞབས་ལ་བུ་རམ། བར་མའི་སྟེང་དུ་བུ་རམ། སྟེང་མའི་ཞབས་ལ་བོང་ནག་གི་སྡེ་དགུ་བྱུགས་ལ་སྦྱར་ཏེ་སུམ་བཅག་བྱས་པ་དེ་ཡང་ཡང་མ་སོད་བར་དུ་བསྐྱུར་ལ་བཞག འབུ་མེད་དུས་རུས་པ་བསྣད་མེད་ན་རང་སོས་འགྲོ། སྣད་ཡོད་ན་རུས་ཕྱེ་དོན་ཕྱིར་རྨ་ཁུང་དུ། རྒྱ་ཚྭ་སྡོང་རོས་ཆ་མཉམ་གྱི་ཕྱེ་མ་ཡང་བླུགས་ལ་རྨ་ཁར་ཤོག་བུ་སྦྱར་རུས་ཕྱེ་དོན་རྒྱབ་རྨ་སྨན་བྱའོ། ། ༈ སྐྲངས་པ་རྣག་ཏུ་འགུགས་ན། བྱུགས་པའི་དཀྱིལ་ཕུག་རོན་བྲུན་དང་ནས་སྔོན་ཕྱེ་མ་ཆུ་ཉུང་ངུར་བཙོས་ལ་ཐིག་ལེར་བ་ཀོ་ཙམ་དུ་བརྐུས་ལ་སྟེང་དུ་ཤོག་བུས་བཀབ་ལ་སྦྱར་ནས་རྣག་མ་སྨིན་བར་དུ་འཇོག་རང་རྡོལ་འཇུག་ན་དེ་ཡི་དཀྱིལ་ཕུག་ལ། ཕུག་རོན་བྲུན་ཆ་གཉིས་དེ་ཕྱེད་ཀྱི་དུང་ཐལ། ནས་སྔོན་ཕྱེ་མ། རྒྱ་ཚྭ། ཐར་ནུ་ནུས་བསྲེགས་རྣམས་ཞིབ་བཏགས་ལྡེ་གུ་འཐུག་པོ་བྱས་ལ་བཀུས་ནས་སྐྱི་མོས་བཀབ་ལ་ཆུ་ཡིས་རྒྱུན་དུ་ནེམ་པར་བྱ་ཞིང་ཞག་གཉིས་གསུམ་ནས་བརྡོལ་ལོ། །འཕྲལ་ཕུག་འདོད་ན་ཟངས་ཐུར་གྱིས་སྲེགས་ལ་ཕིགས་དགོས། ། ༈ ཟན་ཆང་ནི་ར་མྱེ། ལྕ་བ་གཟེ་མ་ལྕམ་པའི་འབྲས་བུ་རྣམས་སོ་སོར་ཁྱོར་གང་རེ་ཞིབ་བཏགས་ནས་སྔོན་རྗེན་འཐག་ཕུལ་དོ་དང་འདྲེས་པར་བསྲེས་ལ་ཆུ་བླུགས་ནས་ཟན་ལྟར་བརྫིས། ཐེབ་སྐྱུ་མང་དུ་བཟོས་ནས་ཆུ་དྲོན་རང་ནུབ་ཙམ་གྱིས་དྲོད་ཕབ་ལ་ཆང་ཕབ་ཅུང་ཟད་བཏབ་ནས་རྫ་བུམ་ནང་དུ་ཞག་གསུམ་དྲོ་སར་བསྙལ་ཞིང་ཆང་དྲི་སྣམ་དུས་ལང་པའི་ཚད་ཡིན་པས་བླངས་ལ་མར་ཁུའི་དྭངས་མ་བྲེ་གསུམ་གྱི་ནང་དུ་སྦྱར་ལ་ལྕ་སྒ་ཞིབ་བཏགས་ཁྱོར་གང་། བུ་རམ་སྲང་བཅུ་བཅས་བཏབ་དཀྲུགས་ཚུར་བླངས་ལ་ཞོ་ལྟར་འདྲེས་པར་བྱས་ནས་ལོངས་སྤྱད། ། ༈ པུཥྤ་སྦྲང་ཆང་ནི། མེ་ཏོག་གཡར་མོ་ཐང་གྲིབ་སྐམ་རྫ་བུམ་དུ་བླུགས་ནས་ཆུ་དྲོན་གྱིས་བསྙལ། རིམ་གྱིས་བསྲིངས་པའི་ཁུ་བ་བཞུར་སྟེ། དེ་ནང་སྦྲང་ཕུལ་གང་བཏབ་ནས་ཕབ་བཅས་ཞག་གསུམ་བསྙལ་བས་སྐྱུར་མནམ་པ་དང་ལྦུ་བ་ཆིལ་གྱིས་བྱུང་བ་ན་ལོངས་སྤྱད། ། ༈ བདུད་རྩི་ལྔ་ལུམ་ནི། བྲག་མཚེ་དང་ཤུག་པ་ཚེར་མ་ཅན། མཁན་པ་གསེར་མགོ་སུར་དཀར། འོམ་བུ་བཅས་རློན་ཐུས་བྱས་པ་སོ་སོར་ཁྲོལ་བུར་ཞིབ་ཏུ་བརྡུངས་ལ་རེ་རེ་ལ་ཕུལ་གྱིས་འཇལ་བའི་བྲེ་གང་རེ་བྱས་ནས་ཕྱོགས་གཅིག་ཏུ་སྤུངས་ལ་ཟངས་སྣོད་ཆེ་བར་བླུགས་ཅིང་། དེའི་སྟེང་དུ་ནས་སྔོན་ཕུལ་གང་བླུགས་ལ་བུལ་ཏོག་བཏབ་ཅིང་ཆུ་རང་ནུབ་ཙམ་དུ་བླུགས་ལ་ཐབ་ཏུ་བསྐོལ་ནས་ཡང་ཡང་ཆུ་སབ་ཅིང་ཁུ་བ་རང་ཐིམ་འགྲོ་དུས་བླངས་ལ་གྲངས་སུ་བཅུག་ནས་དྲོད་རྔ་ཡོད་དུས་ཆང་ཕབ་བཏབ་ཅིང་ཆང་ལྟར་ཞག་གསུམ་བསྙལ། དེ་དང་མཉམ་དུ་འབྲུ་ཆང་ཞིག་ཀྱང་བཙོ། དེ་ནས་གཟའ་སྐར་བཟང་པོ་ལ་བདུད་རྩི་ལྔ་ཡི་སྨན་སོབ་སྒྲ་དང་ཆང་དྲི་ལྟར་བྱུང་དུས་ཚུར་བླངས་ལ་ཁ་ཚར་གྱི་སྨན་རྩ་བ་ལྔ་དང་ཆུ་སེར་ཅན་ལ་མུ་ཟི་ཐུན་གཅིག་བཏབ་ནས་ཆང་བསྲིངས་ཁུ་བ་རང་ནུབ་ཙམ་བྱས་ནས་བསྐོལ་ཞིང་། སླར་ཚུར་བླངས་ཏེ་ཁ་བཅད་ནས་ཅུང་ཟད་བཞག །དེ་ནས་ཟངས་སྣོད་ཆེ་བ་བླུགས་ཅིང་སྔོ་ཁུ་དང་ཆུ་ཡིས་བུངས་བསྐྱེད་ལ་བསྐོལ་ཞིང་། དེ་ནས་ས་ལ་ལུས་དཀྱིལ་ཀྲུང་གི་ཚད་ཀྱིས་དོང་བྲུས་ལ་དེ་ནང་དུ་ཀོ་རློན་བཏིང་། ཟུར་རྣམས་དོང་ཁར་བརྒྱངས་ནས་དེ་ཡི་ནང་དུ་སྨན་གྱི་ཆུ་ཁོལ་བླུགས་ལ་ཉལ་ནས། དང་པོ་ཆུ་ཚན་དེས་མགོ་དང་ཁོག་སྟོད་བཀྲུས་ནས་ཉལ། སླར་ཅུང་ཟད་རེ་གྲང་དུས་ཐབ་ཀྱི་སྨན་ཁུ་ཚན་མོ་རེ་དང་བརྗེ་རེས་བྱེད་ནས་ཡུན་ཇེ་རིང་ལ་གཏོང་ནས་ལན་ལྔ་བདུན་དགུ་དང་བཅོ་ལྔ་ཕྱིན་ཡང་ཉལ་བར་བྱ། ཁྲག་དང་བད་ཀན་སོགས་སྟོད་དུ་འཕྱུར་སྙམས་བྱུང་ན་གསེར་ཐང་བརྒྱད་པ། ཨ་གར་སོ་ལྔ་སོགས་རིག་པས་དཔྱད་ལ་གཏོང་། མཚམས་སུ་ཤ་གསར་དང་ཕྱེ་ཐུག་དྲོད་བཅུད་ཅན་གྱི་ཟས་ཀྱང་ཁམས་དང་བསྟུན་ནས་བཏང་། ཉལ་ཚེ་རླངས་པ་ཕྱིར་མི་ཤོར་བར་གོས་ཀྱིས་ཀླུབས། ལུམ་འཇོག་མཐར་མར་དཀར་དང་ཕྱེ་བསྲེས་པས་བཀུ་མཉེ་བྱའོ། ། ༈ ཙནྡན་མར་ཁུ་ནི། ཤུག་པ་སྤ་མ་སྡོང་པོ་ཐང་ཆུ་ཅན་བཞོག་པ་དེ་རྫ་མའི་ནང་དུ་གང་བར་བླུགས། །ས་ལ་དོང་བྲུས་པའི་ནང་ནས་སྣོད་ཞིག་ཡར་འཛེད་ལ་སྟེང་དུ་རྡོ་ལེབ་ཁུང་བུ་བདུན་ཅན་གྱིས་ཁ་བཅད། དེ་སྟེང་རྫ་མ་ཤུག་པ་ཅན་ཁ་སྦུབས་ལ་ས་དོང་མཚམས་ནས་སྲུབ་མེད་པར་རྫ་མའི་ཕྱི་འདག་ཞལ་བྱས་ནས་སྐམ་དུ་བཅུག་ལ་སོལ་མེ་འབུད་ལ་ཉིན་གཅིག་ཙམ་བསྲེགས་པས་ཤུག་པའི་ཁུ་བ་རྡོ་ཡི་ཁུང་བུར་ཞུགས་ནས་དོང་གི་སྣོད་དུ་འཁྱིལ་བ་ཡིན་ནོ། ། ༈

[edit]

gso ba rig pa'i lag len gyi skor/ na mo gu ra be/__gso ba rig pa'i lag len gyi skor las/__rdo sman rigs gar 'gro sar 'ju rtsi dar sman zhes/__ze tshwa dug 'don byas pa thun gcig__/tshwa la chu bcad thun gcig gtong /__sngo sman rkyang pa la sde sbyor skabs ltar gyi kha tshar btab/__ze tshwa lcags skyogs su rngo nas tshag sgra 'ong dus tshur len la dug 'don/__go thal dang rgod thal zhib tu byas la skyogs nang du me la yud tsam brngos nas so sor gtong chog__/gze ma lcags skyogs sur mgo tshig tsam brngo/__/_!_bshal gyi phyag len ni/__sbyangs ma gtong ba'i sngon du zhag gnyis gsum tshun btung ba ma gtogs bza' ba spangs/__de nas gdon dang 'grul srung /__rlung gsang dang mthil bzhi mar dkar byugs la tsam pa 'debs/__nub mo sna sel/__a ru mchu ring /__lcum rtsa/__chu ma tsi/__rgyam tshwa/__pi ling bcas cha mnyam btul ba'i bsdus thang btang /__nam gung ja sla mo cung zhig btang /__tho rang sbyong byed ril bu sran tsam lnga bdun dgu sogs lto ba dang bstun rigs pas dpyad la chu khol gyis phul te gtang /__mi skyug pa'i thabs gzhung ltar bya/__sbyor sde ni mgron po lam bshal la mtshon na/__a ru mchu ring me mur du ma tshig tsam brngo/__dur byid rkang shun phral nas yos tshan nang du rngul chu 'ong tsam bar brngo/__dan rog shun pa dang mchu cung zhig yod pa de dor nas sla ngar tsam pa yam gcig tsam bkod pa'i steng du dan rog bsgrigs steng du tsam pas sgrib la tsam pa tshig dan rog ma tshig tsam nas len/__shrI khaN+Da mar khu nang du yun gcig btso la phyung /__thar nu rkang shun dor la ba chu rang nub tsam gyi nang du btso la khu ba thim par bya/__de ltar dug 'don byas pa'i sman rnams dang /__lcum rtsa/__sngon bu'i sdong po/__khron bu'i rtsa ba/__dan khra/__dong ga'i 'bras bu rnams khrol bur brdungs pa so so nas lag pa'i srang re ba chu bre bzhi'i nang du me shed chung bar btso nas tshig ma btsags cing dwangs mas khaN+Da byas nas ril bu sran ma tsam dril la gtong /__kha bsgyur sogs gzhung ltar ro/__/_!_gtar ga'i skabs rtsa gang yin lag pa'i mtheb 'dzub kyis dam par bzung la/__de mtshams nas smyug kha lta bu'i sen ris byas nas de steng gtsag bu gzir/__khreb sgra gnyis byung na sha dang rtsa phigs pa'i rtags yin pas blangs/__bcad ran pa na phying pa chur bcur ba'i tshal bu slan la bal thig gis bsdams/__khrag chod dka' na shing gzhog bslan/__gag pa'i lce zor gyis rtse mo zla gam ring thung phun gang tsam yod pa'i phyed yan dar gyis dkri/__de nas lce skrangs dbus su gzhag la mjug nas gri ltag lta bus brdeg pas rnag don yong /__dreg rtsa ni rkang pa'i mthe bong dang 'dzub mo'i bar gyi gar sha na yod pas/__dreg 'bug gi bu gar dar skud dmar po brgyus nas phug cing 'bug blangs rjes dar skud yar mar 'dren nas mthar zhabs su blangs nas dor/__phug gdan 'bol 'dra ba zhig dgos so/__/_!_me btsa'i dam ni/__mar nag__/rgyungs pa/__sgog pa gsum sbyar ba dgos/__!__sha ba'i mig rkyag bdug pas gdong srin sogs la mchog tu phan/__srin gyi nad kyis chu ser dang rnag sogs shad pa'i bug pa brdol na/__gro zan shin tu srab mo mar gor 'dra ba gnyis kyi bar du bu ram gyi lde gu byugs la rma khar zhag gcig sbyar nas bzhag__srin 'bu yod na zan khrol bur phug yod pas 'bu yod thag chod dus dug 'byar ni/__gro zan gor mo sngar ltar gsum bcos la zan zhabs ma'i steng du bong nag__/bar ma'i zhabs la bu ram/__bar ma'i steng du bu ram/__steng ma'i zhabs la bong nag gi sde dgu byugs la sbyar te sum bcag byas pa de yang yang ma sod bar du bskyur la bzhag__'bu med dus rus pa bsnad med na rang sos 'gro/__snad yod na rus phye don phyir rma khung du/__rgya tshwa sdong ros cha mnyam gyi phye ma yang blugs la rma khar shog bu sbyar rus phye don rgyab rma sman bya'o/__/_!_skrangs pa rnag tu 'gugs na/__byugs pa'i dkyil phug ron brun dang nas sngon phye ma chu nyung ngur btsos la thig ler ba ko tsam du brkus la steng du shog bus bkab la sbyar nas rnag ma smin bar du 'jog rang rdol 'jug na de yi dkyil phug la/__phug ron brun cha gnyis de phyed kyi dung thal/__nas sngon phye ma/__rgya tshwa/__thar nu nus bsregs rnams zhib btags lde gu 'thug po byas la bkus nas skyi mos bkab la chu yis rgyun du nem par bya zhing zhag gnyis gsum nas brdol lo/__/'phral phug 'dod na zangs thur gyis sregs la phigs dgos/__/_!_zan chang ni ra mye/__lca ba gze ma lcam pa'i 'bras bu rnams so sor khyor gang re zhib btags nas sngon rjen 'thag phul do dang 'dres par bsres la chu blugs nas zan ltar brdzis/__theb skyu mang du bzos nas chu dron rang nub tsam gyis drod phab la chang phab cung zad btab nas rdza bum nang du zhag gsum dro sar bsnyal zhing chang dri snam dus lang pa'i tshad yin pas blangs la mar khu'i dwangs ma bre gsum gyi nang du sbyar la lca sga zhib btags khyor gang /__bu ram srang bcu bcas btab dkrugs tshur blangs la zho ltar 'dres par byas nas longs spyad/__/_!_puSh+pa sbrang chang ni/__me tog g.yar mo thang grib skam rdza bum du blugs nas chu dron gyis bsnyal/__rim gyis bsrings pa'i khu ba bzhur ste/__de nang sbrang phul gang btab nas phab bcas zhag gsum bsnyal bas skyur mnam pa dang lbu ba chil gyis byung ba na longs spyad/__/_!_bdud rtsi lnga lum ni/__brag mtshe dang shug pa tsher ma can/__mkhan pa gser mgo sur dkar/__'om bu bcas rlon thus byas pa so sor khrol bur zhib tu brdungs la re re la phul gyis 'jal ba'i bre gang re byas nas phyogs gcig tu spungs la zangs snod che bar blugs cing /__de'i steng du nas sngon phul gang blugs la bul tog btab cing chu rang nub tsam du blugs la thab tu bskol nas yang yang chu sab cing khu ba rang thim 'gro dus blangs la grangs su bcug nas drod rnga yod dus chang phab btab cing chang ltar zhag gsum bsnyal/__de dang mnyam du 'bru chang zhig kyang btso/__de nas gza' skar bzang po la bdud rtsi lnga yi sman sob sgra dang chang dri ltar byung dus tshur blangs la kha tshar gyi sman rtsa ba lnga dang chu ser can la mu zi thun gcig btab nas chang bsrings khu ba rang nub tsam byas nas bskol zhing /__slar tshur blangs te kha bcad nas cung zad bzhag__/de nas zangs snod che ba blugs cing sngo khu dang chu yis bungs bskyed la bskol zhing /__de nas sa la lus dkyil krung gi tshad kyis dong brus la de nang du ko rlon bting /__zur rnams dong khar brgyangs nas de yi nang du sman gyi chu khol blugs la nyal nas/__dang po chu tshan des mgo dang khog stod bkrus nas nyal/__slar cung zad re grang dus thab kyi sman khu tshan mo re dang brje res byed nas yun je ring la gtong nas lan lnga bdun dgu dang bco lnga phyin yang nyal bar bya/__khrag dang bad kan sogs stod du 'phyur snyams byung na gser thang brgyad pa/__a gar so lnga sogs rig pas dpyad la gtong /__mtshams su sha gsar dang phye thug drod bcud can gyi zas kyang khams dang bstun nas btang /__nyal tshe rlangs pa phyir mi shor bar gos kyis klubs/__lum 'jog mthar mar dkar dang phye bsres pas bku mnye bya'o/__/_!_tsan+dan mar khu ni/__shug pa spa ma sdong po thang chu can bzhog pa de rdza ma'i nang du gang bar blugs/__/sa la dong brus pa'i nang nas snod zhig yar 'dzed la steng du rdo leb khung bu bdun can gyis kha bcad/__de steng rdza ma shug pa can kha sbubs la sa dong mtshams nas srub med par rdza ma'i phyi 'dag zhal byas nas skam du bcug la sol me 'bud la nyin gcig tsam bsregs pas shug pa'i khu ba rdo yi khung bur zhugs nas dong gi snod du 'khyil ba yin no/__/_!_