JKW-KABUM-17-TSA-002-009

Previous Text Back to Volume PageNext Text

བསྲེ་ཤིང་དུག་ལས་གྱུར་བའི་རེག་དུག་བཅོས་ཚུལ།

Wylie title	bsre shing dug las gyur ba'i reg dug bcos tshul
Location	mkhyen brtse'i bka' 'bum Volume 17, sde tshan 2, Text 9, Pages 223-226 (Folios 39a6 to 40b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bsre shing dug las gyur ba'i reg dug bcos tshul. In 'jam dbyangs mkhyen brtse'i dbang po'i bka' 'bum, Vol. 17: 223-226. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཨོཾ་སྭ་སྟི། བསྲེ་ཤིང་དུག་ལས་གྱུར་བའི་རེག་དུག་ལ། །བཅོས་ཐབས་ཁྱད་པར་གྱུར་པའི་སྦྱོར་སྡེ་ནི། དངུལ་ཆུ་༡ ༠༠ རྒྱ་མཚུར་༠ ༤༠ མཚལ་༠ ༦༠ ཟེ་ཚྭ༠ ༧༠ བཅས་དེ་རྣམས་ཞིབ་པར་བཏགས་ནས་ལྕགས་སྣོད་དུ་བླུགས། དཀར་ཡོལ་སྦུབས། བྱེ་མས་བར་མཚམས་བསྡམས་ནས་སྐམ་ལུགས་ལག་ལེན་ཉམས་མེད་མཐོང་དགོས། རྒྱ་བཅོས་ཀྱི་དཔེ་ཆར་ཁ་དཀར། བར་ལྗང་། གཏིང་གི་དམར་པོ་འོང་རྒྱུའི་དཀར་པོ་བྱུགས་སྨན། དམར་པོ་ཁོང་སྨན། ལྗང་གུ་སོ་ལ་བྱུགས་རྒྱུ་ཟེར་བ་གབ་སྦས་སྣ་ཚོགས་རེད། སོ་ལ་བྱུགས་ན་མི་ན་པའང་ན་འོང་། སྲེག་ལུགས་གཟེར་སྤོས་རེང་བུ་གསུམ་སོགས་ཡུན་ཟེར་ཡང་། སྐམ་ཐག་ཆོད་ནས་རྡོ་ཡིས་མནན། དཔལ་འབར་གྱི་མེས་ཁོལ་སྒྲ་མ་ཡལ་བར་ངང་བསྲིང་། དེ་རྣམས་གཟེར་སྤོས་ལྔ་ལ་ཚད་བཞག །སྤོས་རེང་དང་པོར་དཔལ་འབར་ལས་ཆུང་བ། གཉིས་པ་དེ་དང་འདྲ། གསུམ་པ་མེ་རང་། བཞི་པ་དེ་དང་འདྲ། ལྔ་པ་མེ་ཆུང་བ། གྲང་ཐག་ཆོད་པ་དང་ངང་རིང་གིས་འདག་པ་བཀོག་ནས་ལེགས་པའི་ཚད་ནི་ཁ་དམར། བར་ལྗང་། གཏིང་དཀར་པའོ། །ཁ་དམར་བར་ལྗང་ཡན་ཆི་བ་ཁ་ཇ་ལ་བཙོས་པས་རིལ་བུ་བྲ་རིལ་ཙམ་དྲིལ། དཀར་པོ་བྱུགས་སྨན་བྱེད། ཁ་ཡི་མེ་ཏོག་ལ་དངུལ་ཆུ་ཕྲན་བུམ་ཚིག་ཀྱང་སྐྱོན་ཆེ། སྨན་གཞོང་དུ་ཆི་བ་ཁ་དང་མཉམ་བཏགས་བྱས་པས་འདྲེས་འགྲོ་བས་མི་ལེགས། གཏིང་གི་དཀར་པོའི་དཀྱིལ་དུ་དངུལ་ཆུ་མ་ཚིག་པ་ཁ་སྔར་ལྟར་རྒྱབ། སྐམ་ཐག་ཆོད་ནས་གཟེར་སྤོས་གསུམ་གྱི་རིང་བསྲེག་བསྐྱར་བྱེད། དེ་རྗེས་གོང་དང་འདྲ། དངོས་གཞི་སྨན་བཏང་ལུགས་ཟས་ཞོག་སྔ་བྱས་ལ་སྲོད་ལ་རིལ་བུ་གསུམ་རེ་ཇ་ཐང་གར་སླ་སྙོམས་པ་བྱ་སྒང་དོ་ཙམ་ལོང་ལོང་ཁོལ་བས་བཏང་། དེ་མིན་ཆུ་བཀོལ་གྱིས་ཀྱང་རུང་། འཇུ་ཚོད་ལ་སྐྱུགས་གྲབས་བྱེད་ན་སྐྱུག་ནོན་གང་ཐུབ་བྱེད། འགྲིམ་ན་ཕན་ཆེ། འགྲིམ་གྲབས་ཀྱིས་རྒྱུ་མ་གཟེར་ཆེ་ན་ཆང་ཧུབ་དོ་གསུམ་འཐུང་ན་གཟེར་ཆག་འགྲོ། བཤལ་འོང་། མ་གཟེར་ན་ཆང་མི་བཏང་། སྨན་བཏང་ནས་ཞག་གཅིག་ནས་མཚན་མོ་སོ་ཤིང་འཛུག །ཞོག་དང་ཉིན་མོ་སོགས་ཇ་ཐང་། གོ་ཡུ། ཁྱི་ཝར་བཀོལ་གྲང་གིས་མཁུར་བཀང་འཆང་། དེས་ཁ་ལ་རྨ་མི་འོང་། སོ་རྩ་བརྟན། དེ་བྱས་ཀྱང་རྙིལ་སྐྲངས་ཆེ་ན། གསེར་མདོག །ཁྱི་ཝར། སྟར་བུ་རྣམས་ཕོན་ཆེ་བ། བིག་པན་ཨ་རུ་རའི་བཞི་ཆ། གླ་རྩི་དྲི་ཐོན་བཅས་ཀྱི་རྒྱུན་ཁྱེར་མཁུར་བཀང་བྱེད། ཁ་ནང་རྨ་བྱུང་ན་ལྡོང་རོས་ཀྱིས་བིག་པན་མདོག་འགྱུར་བར་བསྲེས་ལ་སྐམ་འདེབས་བྱེད། ན་ཚས་མ་བཏུབ་ན་ཆུ་ ཡི་མཁུར་བཀང་བྱེད། གཏིང་དཀར་དང་ཁྱི་ཝར། གོ་ཡུ། ཤ་རུ་ནུས་བསྲེགས་སོ་སོར་ཆ་གཉིས། བིག་པན་ཆ་གཅིག །གླ་རྩི་དྲི་ཐོན་བཅས་རློན་བྱུག་སྐམ་འདེབ་གང་བྱེད་རིག་པས་དཔྱད། ཉི་མར་ནན་གྱི་སྐམ་ན་ཕན་ཆེ། དེ་མིན་ཡང་བྱུག་ཆོག །ཟས་སྤྱོད་རྗེས་ལུག་ཤ་འཛེམ་རྒྱུ་མ་མཛད་ཀྱང་ཞག་བདུན་ཚྭ་དང་ལུག་ཤ་མ་འདྲེས་པའི་འབྲི་གཡག་གི་ཤ་ཟ་གང་ཐུབ། ནད་གཞི་གཞན་ལ་མ་གནོད་ན་ར་ཤས་ཀྱང་ཕན། ཇའང་སྨན་གཏའ་བྱས་པས་འཛེམ་མི་དགོས། སྨན་གཏང་ནས་ཞག་གཉིས་གསུམ་སོང་ན། ཟུངས་ངན་ན་ཞག་གཉིས་སྨན་ངལ་གསོ། དེ་ནས་ཟུངས་བསྟུན་གཏོང་། གསར་པ་ལ་ཐུན་ལྔ། གསུམ། ཕལ་ཆེར་བདུན་ལས་བཏང་མ་མྱོང་། ནད་རོ་རྙིང་པ་སྨན་ངལ་གསོ་ཐུན་གྲངས་མི་འདུག་པས་ཟུངས་ལ་བལྟ་ཤིང་གཏོང་། ཞག་བཅུ་གཉིས་ནས་ཚྭ་ཕྱེད་ཚྭ། ཉེར་གཅིག་ནས་ལུག་ཤ་མ་གཏོགས་འཛེམ་མི་དགོས་པ་ཁྱད་ཆོས། ཟུངས་ངན་དང་དོང་ག་མི་བདེ་པའི་རིགས་ལ་ཆང་བག་ཡོད་བཏང་ཆོག །ལུས་རབ་ལོ་གཅིག་གམ་ཟླ་བ་དགུ་བསྲུང་དགོས་ཀྱང་། ནད་གྲོལ་ནས་ཟླ་བ་གཉིས་གསུམ་ལས་འཛེམ་མི་དགོས། ཆུ་རྩ། ཡུང་བ། གུར་གུམ། དོམ་མཁྲིས། ཚྭ་ལ་བཏུལ་མ། ཤིང་མངར། ལུག་མུར། སྟོད་ཇ། ནི་ལ་ཐོ་ཋ། གླ་རྩི། སྟག་ཤ །དུང་ཐལ། འབྲུག་རུས། གོ་ཡུ། སྙིང་ཞོ་བསྲེག་ཐལ། རྒྱ་མཚལ་མེར་བསྲེགས་ཐལ། ར་ཁྲག་བཅས།། །། ༈

[edit]

bsre shing dug las gyur ba'i reg dug bcos tshul/ oM swa sti/__bsre shing dug las gyur ba'i reg dug la/__/bcos thabs khyad par gyur pa'i sbyor sde ni/__dngul chu 1_00__rgya mtshur 0_40__mtshal 0_60__ze tshwa0_70__bcas de rnams zhib par btags nas lcags snod du blugs/__dkar yol sbubs/__bye mas bar mtshams bsdams nas skam lugs lag len nyams med mthong dgos/__rgya bcos kyi dpe char kha dkar/__bar ljang /__gting gi dmar po 'ong rgyu'i dkar po byugs sman/__dmar po khong sman/__ljang gu so la byugs rgyu zer ba gab sbas sna tshogs red/__so la byugs na mi na pa'ang na 'ong /__sreg lugs gzer spos reng bu gsum sogs yun zer yang /__skam thag chod nas rdo yis mnan/__dpal 'bar gyi mes khol sgra ma yal bar ngang bsring /__de rnams gzer spos lnga la tshad bzhag__/spos reng dang por dpal 'bar las chung ba/__gnyis pa de dang 'dra/__gsum pa me rang /__bzhi pa de dang 'dra/__lnga pa me chung ba/__grang thag chod pa dang ngang ring gis 'dag pa bkog nas legs pa'i tshad ni kha dmar/__bar ljang /__gting dkar pa'o/__/kha dmar bar ljang yan chi ba kha ja la btsos pas ril bu bra ril tsam dril/__dkar po byugs sman byed/__kha yi me tog la dngul chu phran bum tshig kyang skyon che/__sman gzhong du chi ba kha dang mnyam btags byas pas 'dres 'gro bas mi legs/__gting gi dkar po'i dkyil du dngul chu ma tshig pa kha sngar ltar rgyab/__skam thag chod nas gzer spos gsum gyi ring bsreg bskyar byed/__de rjes gong dang 'dra/__dngos gzhi sman btang lugs zas zhog snga byas la srod la ril bu gsum re ja thang gar sla snyoms pa bya sgang do tsam long long khol bas btang /__de min chu bkol gyis kyang rung /__'ju tshod la skyugs grabs byed na skyug non gang thub byed/__'grim na phan che/__'grim grabs kyis rgyu ma gzer che na chang hub do gsum 'thung na gzer chag 'gro/__bshal 'ong /__ma gzer na chang mi btang /__sman btang nas zhag gcig nas mtshan mo so shing 'dzug__/zhog dang nyin mo sogs ja thang /__go yu/__khyi war bkol grang gis mkhur bkang 'chang /__des kha la rma mi 'ong /__so rtsa brtan/__de byas kyang rnyil skrangs che na/__gser mdog__/khyi war/__star bu rnams phon che ba/__big pan a ru ra'i bzhi cha/__gla rtsi dri thon bcas kyi rgyun khyer mkhur bkang byed/__kha nang rma byung na ldong ros kyis big pan mdog 'gyur bar bsres la skam 'debs byed/__na tshas ma btub na chu _yi mkhur bkang byed/__gting dkar dang khyi war/__go yu/__sha ru nus bsregs so sor cha gnyis/__big pan cha gcig__/gla rtsi dri thon bcas rlon byug skam 'deb gang byed rig pas dpyad/__nyi mar nan gyi skam na phan che/__de min yang byug chog__/zas spyod rjes lug sha 'dzem rgyu ma mdzad kyang zhag bdun tshwa dang lug sha ma 'dres pa'i 'bri g.yag gi sha za gang thub/__nad gzhi gzhan la ma gnod na ra shas kyang phan/__ja'ang sman gta' byas pas 'dzem mi dgos/__sman gtang nas zhag gnyis gsum song na/__zungs ngan na zhag gnyis sman ngal gso/__de nas zungs bstun gtong /__gsar pa la thun lnga/__gsum/__phal cher bdun las btang ma myong /__nad ro rnying pa sman ngal gso thun grangs mi 'dug pas zungs la blta shing gtong /__zhag bcu gnyis nas tshwa phyed tshwa/__nyer gcig nas lug sha ma gtogs 'dzem mi dgos pa khyad chos/__zungs ngan dang dong ga mi bde pa'i rigs la chang bag yod btang chog__/lus rab lo gcig gam zla ba dgu bsrung dgos kyang /__nad grol nas zla ba gnyis gsum las 'dzem mi dgos/__chu rtsa/__yung ba/__gur gum/__dom mkhris/__tshwa la btul ma/__shing mngar/__lug mur/__stod ja/__ni la tho Tha/__gla rtsi/__stag sha__/dung thal/__'brug rus/__go yu/__snying zho bsreg thal/__rgya mtshal mer bsregs thal/__ra khrag bcas//__//_!