JKW-KABUM-17-TSA-001-012

🚧 This website is under continued development. We appreciate your patience!

Previous Text Back to Volume PageNext Text

Wylie title	gsum pa sgra rig pa
Location	mkhyen brtse'i bka' 'bum Volume 17, sde tshan 1, Text 12, Pages 86-87 (Folios 43b3 to 44a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsum pa sgra rig pa. In 'jam dbyangs mkhyen brtse'i dbang po'i bka' 'bum, Vol. 17: 86-87. Khams sde dge rdzong sar dgon: Rdzong sar blo gros phun tshogs, 2020.
Genre	Linguistics - skad rigs

1 Texts in this Section (sde tshan or chos tshan)

12 86-87	གསུམ་པ་སྒྲ་རིག་པ། gsum pa sgra rig pa Linguistics - skad rigs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གསུམ་པ་ཚིག་ལ་རྣམ་པར་འཁྲུལ་བའི་ཕས་རྒོལ་གཞན་དག་ཚར་བཅད་པ་སྒྲ་རིག་པ་ལ། ངོ་བོ་ནི། ཤེས་བྱ་གང་ཞིག་ལུང་དུ་སྟོན་པའི་སྒྲ་ཡི་སྒྲུབ་ཚུལ་འཁོར་དང་བཅས་པ། ངེས་ཚིག་ནི། ཤཔྡ་ཞེས་པའི་སྒྲ་ལས་དྲངས་ན་སྤྱིར་སྐྱེས་བུའི་མཉན་པར་བྱ་བ་ཐོས་པའི་སྤྱོད་ཡུལ་ཅན་ཡིན་པའི་ཕྱིར། བྱཱ་ཀ་ར་ཎ་ཞེས་པ་བརྡ་སྤྲོད་པ་སྐད་ཀྱི་བྱིངས་ལས་སྒྲུབ་པའི་ཚུལ་གྱིས་ངེས་པའི་ཚིག་གསལ་བར་བྱེད་པའོ། །དབྱེ་ན། རིག་པར་སྨྲ་བ་སྤྱི་དང་ཐུན་མོང་གི་བརྗོད་བྱ་ཡི་གེ་མིང་ཚིག་སྟེ་ཚོགས་པ་གསུམ་དང་། བརྡ་སྤྲོད་པ་རང་གི་བརྗོད་བྱ་ཐུན་མོང་མ་ཡིན་པ་རང་བཞིན། རྐྱེན་དང་། རྣམ་འགྱུར་གསུམ་མོ། །དང་པོ་ནི། དོན་གྱི་ཁྱད་པར་གང་ཡང་མི་སྟོན་པ་དབྱངས་དང་གསལ་བྱེད་རྐྱང་པ་ནི་ཡི་གེ །དོན་གྱི་ངོ་བོ་ཙམ་སྟོན་པ་བུམ་པ་དང་ཀ་བ་ལྟ་བུ་མིང་། དོན་གྱི་ཁྱད་པར་དང་བཅས་ཏེ་སྟོན་པ། གསེར་གྱི་བུམ་པ་དང་། ཙནྡན་གྱི་ཀ་བ་ལྟ་བུ་ནི་ཚིག་གོ །ཕྱི་མ་ལ། རང་བཞིན་ནི་གང་ཞིག་བསྒྲུབ་པར་བྱ་བ་བྱིངས་ཏེ། མདོ་ལས་བྱུང་བ་མཉྫུ་ལ་སོགས་པ་དང་། གླེགས་བམ་ལས་བྱུང་བ་བྷཱུ་ལ་སོགས་པ་གཉིས་སམ། སྒེག་པ་གསལ་བ་ལས་རྣམ་པ་དྲུག་ཏུ་ཕྱེ་ཞིང་། ཀྲྀཏྲ་རྐྱེན་གྱིས་བཅོས་པའི་མིང་རྐྱང་སི་སོགས་ལ་ལྟོས་ན་རང་བཞིན་དུ་རུང་ངོ་། །རྐྱེན་ནི། གང་གིས་སྒྲུབ་པར་བྱེད་པ་སྟེ། དབྱེ་ན། བྱིངས་རྟགས་སུ་སྒྲུབ་པར་བྱེད་པ་ཀྲྀཏྲ་དང་ཨུཎྜ་ལ་སོགས་པ། བྱིངས་ཚིག་ཏུ་སྒྲུབ་པར་བྱེད་པ་ཏི་ལ་སོགས་པ་སྟེ་ཀུན་བཤད། བྱིངས་བྱིངས་སུ་སྒྲུབ་པར་ཡང་ལ་སོགས་པའི་བར་གྱི་རྐྱེན། རྟགས་རྟགས་སུ་སྒྲུབ་པར་བྱེད་པ་བུད་མེད་ཀྱི་རྐྱེན་དང་ཚིག་སྡུད། མིང་མིང་དུ་སྒྲུབ་པར་བྱེད་པ་དེ་ཕན། རྟགས་བྱིངས་སུ་སྒྲུབ་པར་བྱེད་པ་ཀུན་བཤད་ཀྱི་རྐྱེན་འགའ་ཞིག །རྟགས་ཚིག་ཏུ་སྒྲུབ་པར་བྱེད་པ་སི་སོགས་ཏེ་བདུན་ནོ། །རྣམ་འགྱུར་ནི། དེ་ལྟར་སྒྲུབ་པའི་ཚེ་ཡི་གེ་སྔ་ཕྱིའི་མཚམས་སྦྱོར་དང་། འཕེལ་བ་དང་། ཡོན་ཏན་ལ་སོགས་པའི་གནས་རྣམས་སོ། །མཛད་འཕྲོ་ལུས། ། ༈

[edit]

gsum pa sgra rig pa/ gsum pa tshig la rnam par 'khrul ba'i phas rgol gzhan dag tshar bcad pa sgra rig pa la/__ngo bo ni/__shes bya gang zhig lung du ston pa'i sgra yi sgrub tshul 'khor dang bcas pa/__nges tshig ni/__shap+da zhes pa'i sgra las drangs na spyir skyes bu'i mnyan par bya ba thos pa'i spyod yul can yin pa'i phyir/__byA ka ra Na zhes pa brda sprod pa skad kyi byings las sgrub pa'i tshul gyis nges pa'i tshig gsal bar byed pa'o/__/dbye na/__rig par smra ba spyi dang thun mong gi brjod bya yi ge ming tshig ste tshogs pa gsum dang /__brda sprod pa rang gi brjod bya thun mong ma yin pa rang bzhin/__rkyen dang /__rnam 'gyur gsum mo/__/dang po ni/__don gyi khyad par gang yang mi ston pa dbyangs dang gsal byed rkyang pa ni yi ge__/don gyi ngo bo tsam ston pa bum pa dang ka ba lta bu ming /__don gyi khyad par dang bcas te ston pa/__gser gyi bum pa dang /__tsan+dan gyi ka ba lta bu ni tshig go__/phyi ma la/__rang bzhin ni gang zhig bsgrub par bya ba byings te/__mdo las byung ba many+dzu la sogs pa dang /__glegs bam las byung ba b+hU la sogs pa gnyis sam/__sgeg pa gsal ba las rnam pa drug tu phye zhing /__kr-itra rkyen gyis bcos pa'i ming rkyang si sogs la ltos na rang bzhin du rung ngo /__/rkyen ni/__gang gis sgrub par byed pa ste/__dbye na/__byings rtags su sgrub par byed pa kr-itra dang uN+Da la sogs pa/__byings tshig tu sgrub par byed pa ti la sogs pa ste kun bshad/__byings byings su sgrub par yang la sogs pa'i bar gyi rkyen/__rtags rtags su sgrub par byed pa bud med kyi rkyen dang tshig sdud/__ming ming du sgrub par byed pa de phan/__rtags byings su sgrub par byed pa kun bshad kyi rkyen 'ga' zhig__/rtags tshig tu sgrub par byed pa si sogs te bdun no/__/rnam 'gyur ni/__de ltar sgrub pa'i tshe yi ge snga phyi'i mtshams sbyor dang /__'phel ba dang /__yon tan la sogs pa'i gnas rnams so/__/mdzad 'phro lus/____/_!_