JKW-KABUM-07-JA-009-002

🚧 This website is under continued development. We appreciate your patience!

Previous Text Back to Volume PageLast text in section.

Wylie title	bde mchog mkha' 'gro snyan brgyud lugs kyi yi dam chos srung gtor 'bul
Location	mkhyen brtse'i bka' 'bum Volume 7, sde tshan 9, Text 2, Pages 162-164 (Folios 2b1 to 3b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bde mchog mkha' 'gro snyan brgyud lugs kyi yi dam chos srung gtor 'bul. In 'jam dbyangs mkhyen brtse'i dbang po'i bka' 'bum, Vol. 7: 162-164. Khams sde dge rdzong sar dgon: Rdzong sar blo gros phun tshogs, 2020.
Genre	Torma-offering Rituals - gtor chog
Cycle	བདེ་མཆོག་མཁའ་འགྲོ་སྙན་བརྒྱུད་ (bde mchog mkha' 'gro snyan brgyud)
Deity	'khor lo bde mchog, chos srung
Colophon	ཞེས་པའང་རིག་འཛིན་སྤྲུལ་པའི་སྐུ་འཛམ་གླིང་རྡོ་རྗེའི་གསུང་ལས་བྱུང་བའོ།། །།མངྒ་ལཾ།།
	zhes pa'ang rig 'dzin sprul pa'i sku 'dzam gling rdo rje'i gsung las byung ba'o//__//mang+ga laM//

1 Texts in this Section (sde tshan or chos tshan)

2 162-164	བདེ་མཆོག་མཁའ་འགྲོ་སྙན་བརྒྱུད་ལུགས་ཀྱི་ཡི་དམ་ཆོས་སྲུང་གཏོར་འབུལ། bde mchog mkha' 'gro snyan brgyud lugs kyi yi dam chos srung gtor 'bul Torma-offering Rituals - gtor chog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བདེ་མཆོག་མཁའ་འགྲོ་སྙན་བརྒྱུད་ལུགས་ཀྱི་ཡི་དམ་དང་ཆོས་སྲུང་གི་གཏོར་འབུལ་ཤིན་ཏུ་བསྡུས་པ་བཞུགས་སོ། །ཨོཾ་སྭ་སྟི། །ཡི་དམ་དང་ཆོས་སྲུང་གི་གཏོར་བསྔོ་བསྡུས་པ་ནི། ཨོཾ་སྭ་བྷཱ་ཝ་སོགས། སྟོང་པའི་ངང་ལས་མདུན་གྱི་ནམ་མཁའི་ཀློང་། །དྲི་མེད་པདྨ་ཉི་ཟླ་རོ་གདན་སྟེང་། །རྒྱལ་ཀུན་ངོ་བོ་འཁོར་ལོ་སྡོམ་པ་ནི། །ཤེས་རབ་འཁྲིལ་སྦྱོར་རྡོ་རྗེ་ཕག་མོར་བཅས། །དབུ་གཙུག་རིགས་བདག་རྡོ་རྗེ་འཆང་ཆེན་ལ། །རྩ་བརྒྱུད་དཔལ་ལྡན་བླ་མའི་ཚོགས་ཀྱིས་བསྐོར། །འོག་ཕྱོགས་ཞིང་བཅུ་བསྒྲལ་བའི་གདན་སྟེང་དུ། །མ་ཧཱ་ཀཱ་ལ་ཁྲག་འཐུང་ཕྱག་བཞི་པ། །འདོད་ཁམས་མ་མོ་དུད་སོལ་དབང་ཕྱུག་མ། །བཀའ་སྡོད་བཅས་དང་དམ་ཅན་རྒྱ་མཚོའི་ཚོགས། །གཟི་བརྗིད་དྲག་རྩལ་འབར་བའི་སྐུ་རུ་གསལ། །དེ་ཡི་གཡོན་ཕྱོགས་བཀྲ་ཤིས་ཚེ་རིང་མ། །མཆེད་ལྔ་འཁོར་ཚོགས་རང་རང་བཞོན་པར་བཅས། །མཚར་སྡུག་འོད་ཆགས་ཞི་འཛུམ་སྒེག་པའི་ཉམས། །ཀུན་ཀྱང་གནས་གསུམ་ཡི་གེ་གསུམ་གྱིས་མཚན། །དེ་ལས་འོད་འཕྲོས་ཡེ་ཤེས་སྤྱན་དྲངས་གྱུར། བཛྲ་ས་མཱ་ཛཿ པདྨ་ཀ་མ་ལཱ་ཡ་སྟྭཾ། གཏོར་མ་ལས་སྔགས་ཀྱིས་བསང་སྦྱངས་བྱས་ལ། འཁོར་ཡུག་བཅས་པའི་བྷནྡྷའི་སྣོད་བཟང་དུ། །གཏོར་རྫས་ངོ་བོ་ཤ་ལྔ་བདུད་རྩི་ལྔ། །སྨན་རག་དམ་རྫས་ཚོགས་ཀྱི་མཆོད་པར་བཅས། །ཉེས་པའི་སྐྱོན་བྲལ་ཡེ་ཤེས་བདུད་རྩི་མཆོག །མགྲོན་རིགས་མཉེས་བྱེད་ཟད་མི་ཤེས་པར་གྱུར། ཨོཾ་ཨཱཿཧཱུྃ། ལན་གསུམ། རྒྱལ་ཀུན་ཡབ་གྱུར་བཅོམ་ལྡན་བདེ་བའི་མཆོག །ཤེས་རབ་དབྱིངས་ཡུམ་རྡོ་རྗེ་རྣལ་འབྱོར་མ། །དཔལ་ལྡན་རྩ་བ་བརྒྱུད་པའི་བླ་མ་ལ། །དམ་རྫས་སྨན་རག་གཏོར་མའི་མཆོད་པར་འབུལ། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། །བགེགས་འཇོམས་རྒྱལ་བའི་བསྟན་བསྲུང་ཕྱག་བཞི་པ། །དོན་ལྡན་རྒྱལ་བ་ཀུན་ཡུམ་དཔལ་ལྷ་མོ། །མཐུ་རྩལ་མྱུར་ལ་རྣོ་བའི་བཀའ་སྲུང་ཚོགས། །བསྟན་དགྲ་བསྒྲལ་བའི་ཤ་ཁྲག་མཆོད་པར་འབུལ། །དགྱེས་པར་བཞེས་ལ་ཕྲིན་ལས་ཀུན་འགྲུབ་མཛོད། །ཕྱི་ལྟར་གཙང་རིགས་ནང་ལྟར་རིག་འཛིན་མ། །གསང་བ་དབྱིངས་ཀྱི་མཁའ་འགྲོ་སྡེ་ལྔ་དང་། །དབྱེར་མེད་བཀྲ་ཤིས་ཚེ་རིང་མཆེད་ལྔ་ལ། །ཟག་མེད་བདུད་རྩིའི་གཏོར་མའི་མཆོད་པ་འབུལ། །ཚེ་སྲིངས་དཔལ་སྐྱེད་ལོངས་སྤྱོད་སྙན་གྲགས་སྤེལ། །ཁྱད་པར་རྡོ་རྗེ་ཐེག་པའི་བཤད་སྒྲུབ་བསྟན། །དེར་འཛིན་འཁོར་སློབ་བཅས་པ་རབ་དར་ཞིང་། །ཆོས་དང་མཐུན་པའི་དོན་ཀུན་ཡིད་བཞིན་དུ། །གྲུབ་པའི་ཕྲིན་ལས་གཡེལ་བ་མེད་པར་མཛོད། །བདག་སོགས་མ་རིག་འཁྲུལ་པའི་དབང་གྱུར་པའི། །འགལ་འཁྲུལ་ཉེས་བྱས་ཚོགས་རྣམས་མཐོལ་ཞིང་བཤགས། །བཟོད་པར་བཞེས་ལ་དངོས་གྲུབ་སྩལ་དུ་གསོལ། །དགེ་བ་འགྲོ་ཀུན་བྱང་ཆུབ་ཐོབ་ཕྱིར་བསྔོ། །བཛྲ་མུཿ ཞེས་པའང་རིག་འཛིན་སྤྲུལ་པའི་སྐུ་འཛམ་གླིང་རྡོ་རྗེའི་གསུང་ལས་བྱུང་བའོ།། །།མངྒ་ལཾ།། །།

[edit]

bde mchog mkha' 'gro snyan brgyud lugs kyi yi dam chos srung gtor 'bul/ bde mchog mkha' 'gro snyan brgyud lugs kyi yi dam dang chos srung gi gtor 'bul shin tu bsdus pa bzhugs so/__/oM swa sti/__/yi dam dang chos srung gi gtor bsngo bsdus pa ni/__oM swa b+hA wa sogs/__stong pa'i ngang las mdun gyi nam mkha'i klong /__/dri med pad+ma nyi zla ro gdan steng /__/rgyal kun ngo bo 'khor lo sdom pa ni/__/shes rab 'khril sbyor rdo rje phag mor bcas/__/dbu gtsug rigs bdag rdo rje 'chang chen la/__/rtsa brgyud dpal ldan bla ma'i tshogs kyis bskor/__/'og phyogs zhing bcu bsgral ba'i gdan steng du/__/ma hA kA la khrag 'thung phyag bzhi pa/__/'dod khams ma mo dud sol dbang phyug ma/__/bka' sdod bcas dang dam can rgya mtsho'i tshogs/__/gzi brjid drag rtsal 'bar ba'i sku ru gsal/__/de yi g.yon phyogs bkra shis tshe ring ma/__/mched lnga 'khor tshogs rang rang bzhon par bcas/__/mtshar sdug 'od chags zhi 'dzum sgeg pa'i nyams/__/kun kyang gnas gsum yi ge gsum gyis mtshan/__/de las 'od 'phros ye shes spyan drangs gyur/__badz+ra sa mA dzaH__pad+ma ka ma lA ya s+t+waM/__gtor ma las sngags kyis bsang sbyangs byas la/__'khor yug bcas pa'i b+han+d+ha'i snod bzang du/__/gtor rdzas ngo bo sha lnga bdud rtsi lnga/__/sman rag dam rdzas tshogs kyi mchod par bcas/__/nyes pa'i skyon bral ye shes bdud rtsi mchog__/mgron rigs mnyes byed zad mi shes par gyur/__oM AHhU~M/__lan gsum/__rgyal kun yab gyur bcom ldan bde ba'i mchog__/shes rab dbyings yum rdo rje rnal 'byor ma/__/dpal ldan rtsa ba brgyud pa'i bla ma la/__/dam rdzas sman rag gtor ma'i mchod par 'bul/__/mchog thun dngos grub thob par byin gyis rlobs/__/bgegs 'joms rgyal ba'i bstan bsrung phyag bzhi pa/__/don ldan rgyal ba kun yum dpal lha mo/__/mthu rtsal myur la rno ba'i bka' srung tshogs/__/bstan dgra bsgral ba'i sha khrag mchod par 'bul/__/dgyes par bzhes la phrin las kun 'grub mdzod/__/phyi ltar gtsang rigs nang ltar rig 'dzin ma/__/gsang ba dbyings kyi mkha' 'gro sde lnga dang /__/dbyer med bkra shis tshe ring mched lnga la/__/zag med bdud rtsi'i gtor ma'i mchod pa 'bul/__/tshe srings dpal skyed longs spyod snyan grags spel/__/khyad par rdo rje theg pa'i bshad sgrub bstan/__/der 'dzin 'khor slob bcas pa rab dar zhing /__/chos dang mthun pa'i don kun yid bzhin du/__/grub pa'i phrin las g.yel ba med par mdzod/__/bdag sogs ma rig 'khrul pa'i dbang gyur pa'i/__/'gal 'khrul nyes byas tshogs rnams mthol zhing bshags/__/bzod par bzhes la dngos grub stsal du gsol/__/dge ba 'gro kun byang chub thob phyir bsngo/__/badz+ra muH__zhes pa'ang rig 'dzin sprul pa'i sku 'dzam gling rdo rje'i gsung las byung ba'o//__//mang+ga laM//__//