JKW-KABUM-03-GA-001-030

🚧 This website is under continued development. We appreciate your patience!

Previous Text Back to Volume PageNext Text

Wylie title	mi dge ba bcu ni sogs
Location	mkhyen brtse'i bka' 'bum Volume 3, sde tshan 1, Text 30, Pages 582-586 (Folios 291b4 to 293b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mi dge ba bcu ni sogs. In 'jam dbyangs mkhyen brtse'i dbang po'i bka' 'bum, Vol. 3: 582-586. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

30 582-586	མི་དགེ་བ་བཅུ་ནི་སོགས། mi dge ba bcu ni sogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མི་དགེ་བ་བཅུ་ནི། མཛོད་ལས། གསོད་དང་གནོད་སེམས་ཚིག་རྩུབ་པ། །ཞེ་སྡང་གིས་ནི་མཐར་ཕྱིན་བྱེད། །ལོག་གཡེམ་བརྣབ་སེམས་མ་བྱིན་ལེན། །ཆགས་པ་ཡིས་ནི་རྫོགས་པར་བྱེད། །ལོག་པར་ལྟ་བ་གཏི་མུག་གིས། །ལྷག་མ་གསུམ་གྱིས་རྫོགས་པར་འདོད། །ཅེས་དང་། རིན་ཆེན་ཕྲེང་བར། འདོད་ཆགས་ཞེ་སྡང་གཏི་མུག་གསུམ། །དེས་བསྐྱེད་ལས་ནི་མི་དགེ་བའོ། །ཞེས་སོ། །དེ་རེ་རེ་ལ་ཡང་། རྒྱུ་མཐུན། བདག་པོའམ་དབང་གི་འབྲས་བུ། མཐར་ཐུག་གི་འབྲས་བུ་གསུམ་དང་། སྔ་མ་ལ་མྱོང་བ་རྒྱུ་མཐུན་དང་། བྱེད་པ་རྒྱུ་མཐུན་གཉིས་ལས། དང་པོ་ནི། རིན་ཆེན་ཕྲེང་བར། གསོད་པ་ཡིས་ནི་ཚེ་ཐུང་འགྱུར། །བརྐུས་པ་ཡིས་ནི་ལོངས་སྤྱོད་ཕོངས། །བྱི་ཕོ་བྱེད་པས་དགྲ་དང་བཅས། །རྫུན་དུ་སྨྲ་བས་བཀུར་བ་སྟེ། །ཕྲ་མ་ཡིས་ནི་བཤེས་དང་དབྱེ། །རྩུབ་པོ་ཉིད་ཀྱིས་མི་སྙན་ཐོས། །མ་འདྲེས་པ་ཡིས་ཚིག་མི་བཙུན། །བརྣབ་སེམས་ཡིད་ལ་རེ་བ་འཇོམས། །གནོད་སེམས་འཇིགས་པ་སྦྱིན་པར་བཤད། །ལོག་པར་ལྟ་བས་ལྟ་ངན་ཉིད། །ཅེས་གསུངས། གཉིས་པ་ནི། གལ་ཏེ་མིར་སྐྱེས་ཀྱང་མི་དགེ་བ་ཁོ་ན་ལ་སྤྱོད་པ། མཐར་ཐུག་གི་འབྲས་བུ་ནི་ཆེན་པོས་དམྱལ་བ། འབྲིང་གིས་ཡི་དྭགས། ཆུང་ངུས་དུད་འགྲོར་སྐྱེ། བཞི་པ་ནི་ཕྱི་རོལ་གྱི་ཡུལ་ལ་སྨིན་ཏེ་ཐ་ན་དུད་འགྲོར་སྐྱེས་ཀྱང་རྩྭ་ཆུ་དཀོན་པ་སོགས་ཡིན་པར་བཤད་ཀྱང་། དེ་དག་ཀྱང་གནས་སྐབས་མཐར་ཐུག་གཉིས་སུ་འདུའོ། །དགེ་བ་བཅུ་ནི་དེའི་ལྡོག་ཕྱོགས་ཏེ། རིན་ཕྲེང་ལས། མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བའོ། །ཞེས་གསུངས། གནས་སྐབས་མཐར་ཐུག་རྒྱུ་མཐུན་བདག་འབྲས་བཞི་ལས། གནས་སྐབས་སམ་མྱོང་བ་རྒྱུ་མཐུན་ནི་སྲོག་གཅོད་སྤངས་པས་ཚེ་རིང་བ་སོགས་དང་། བྱེད་པ་རྒྱུ་མཐུན་ནི་མིར་གྱུར་ཚེ་དགེ་བ་ཅུར་སྤྱོད་པ། མཐར་ཐུག་ནི། ཆེན་པོས་སངས་རྒྱས། འབྲིང་གིས་རང་རྒྱལ། ཐ་མས་དགྲ་བཅོམ་པ་རྣམས་ཐོབ། བདག་འབྲས་ནི་ཕྱི་རོལ་གྱི་ཡུལ་ལ་སྟེ། མིར་སྐྱེས་ཀྱང་ཡུལ་ཕུན་སུམ་ཚོགས་པ་སོགས་སོ། ། ༈

དེ་ལྟར་ངན་འགྲོ་ལ་སྡུག་བསྔལ་ནི། དམྱལ་བ་ནི་ཚ་དམྱལ་དང་གྲང་དམྱལ་ཏེ། དེ་ཡང་། ཡང་སོས་ཐིག་ནག་བསྡུས་འཇོམས་དང་། །ངུ་འབོད་ངུ་འབོད་ཆེན་པོ་དང་། །ཚ་བ་རབ་ཚ་མནར་མེད་བརྒྱད། །ཅེས་དང་། ཆུ་བུར་ཆུ་བུར་བརྡོལ་བ་དང་། །ཨ་ཆུ་སོ་ཐམ་ཀྱི་ཧུད་པ། །ཨུཏྤལ་པདྨ་པད་ཆེར་གས། །ཞེས་དེ་ལྟར་ཡང་། བཤེས་སྤྲིངས་ལས། འདི་ན་ཉིན་གཅིག་མདུང་ཐུང་ལྔ་བརྒྱ་ཡིས། །རབ་ཏུ་དྲག་བཏབ་སྡུག་བསྔལ་གང་ལགས་པ། །དེས་ནི་དམྱལ་བའི་སྡུག་བསྔལ་ཆུང་ངུའི་ཡང་། །འོལ་ཡང་མི་བགྱི་ཆར་ཡང་མི་ཕོད་དོ། །ཞེས་དང་། ཡི་དྭགས་རྣམས་ལ་སོས་ཀའི་དུས་སུ་ནི། །ཟླ་བའང་ཚ་ལ་དགུན་གྱི་ཉི་མའང་གྲང་། །ལྗོན་ཤིང་གྲིབ་མ་མེད་འགྱུར་འདི་དག་གིས། །བལྟས་པ་ཙམ་གྱིས་ཆུ་ཀླུང་མོད་ལ་བསྐམས། །ཞེས་དང་། དུད་འགྲོའི་སྐྱེ་གནས་ན་ཡང་གསོས་པ་དང་། །བཅིངས་དང་བརྡེག་སོགས་སྡུག་བསྔལ་སྣ་ཚོགས་པ། །དེ་ཡང་ངན་སོང་གསུམ་ནི་སྡུག་བསྔལ་གྱི་སྡུག་བསྔལ། བདེ་འགྲོ་གསུམ་ནི་འགྱུར་བའི་སྡུག་བསྔལ། ཐམས་ཅད་ལ་ཁྱབ་པ་ནི་འདུ་བྱེད་ཀྱི་སྡུག་བསྔལ་ལོ། །མདོར་ན་བཤེས་སྤྲིངས་ལས། བརྒྱ་བྱིན་འཇིག་རྟེན་མཆོད་འོས་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྷུང་། །འཁོར་ལོས་སྒྱུར་རྒྱལ་ཉིད་དུ་གྱུར་ནས་ཀྱང་། །འཁོར་བ་དག་ཏུ་ཡང་བྲན་ཉིད་དུ་འགྱུར། །འདོད་པས་ཚིམ་པ་མེད་པའི། སྐྱེ་ཤིས་སུན་པ་མེད་པའི། ལས་ལ་ཟིན་པ་མེད་པའི་སྡུག་བསྔལ་ཏེ་གསུམ་ལས། དང་པོ་ནི། བཤེས་སྤྲིངས་ལས། རེ་རེས་རྒྱ་མཚོ་བཞི་བས་ལྷག་པ་ཡི། །སོགས་དང་། གཉིས་པ་ནི། རེ་རེའི་བདག་ཉིད་རུས་པའི་ཕུང་པོ་ནི། །སོགས་དང་། གསུམ་པ་ནི་ཞིབ་པ་དང་། ཚོང་པ་བཞིན་གཅིག་ཀྱང་ཟིན་པ་མེད་པའོ། །རིགས་བརྒྱད་དབྱེ་བ་ལས། ཚད་མེད་བཞི་སྦྱོང་མི་གཡོ་སྒོམ་བྱེད་པ། །ཚངས་པ་ལ་སོགས་རིམ་པར་སྐྱེ་བའི་རྒྱུ། །ཞེས་སོ། །དེའི་དོན་ནི། རྒྱན་ལས། སེམས་ཅན་རྣམས་ལ་བརྩེ་བ་ཅན། །ཕྲད་དང་བྲལ་བའི་དགོངས་པ་ཅན། །མི་འབྲལ་བ་ཡི་དགོངས་པ་ཅན། །ཕན་བདེ་དགོངས་ཁྱོད་ལ་ཕྱག་འཚལ། །ཅེས་པས། ཕྲད་དང་ཡན་ཆད་ཀྱིས་བདེ་བ་དང་འཕྲད་འདོད་ཀྱི་བྱམས་པ་ཚད་མེད། བྲལ་བའི་དགོངས་པ་ཅན་ནི་སྡུག་བསྔལ་འབྲལ་འདོད་ཀྱི་སྙིང་རྗེ་ཚད་མེད། མི་འབྲལ་བ་ཡི་དགོངས་པ་ཅན་ནི་བདེ་བ་དང་ལྡན་པ་རྣམས་མི་འབྲལ་བར་འདོད་པའི་དགའ་བ་ཚད་མེད། ཕན་བདེ་དགོངས་པ་ནི་ཉེ་རིང་གནས་སུ་མ་ལྷུང་བའི་བཏང་སྙོམས་ཚད་མེད་དེ། བཤེས་སྤྲིངས་ལས། བྱམས་དང་སྙིང་རྗེ་དག་དང་དགའ་བ་དང་། །བཏང་སྙོམས་རྟག་ཏུ་ཡང་དག་སྒོམ་མཛོད་ཅིག །ཅེས་དང་། ཚངས་དང་འོད་གསལ་དག་དང་དགེ་རྒྱས་དང་། །འབྲས་བུ་ཆེ་ལྷ་རྣམས་དང་སྐལ་མཉམ་ཐོབ། །ཅེས་སོ། ། ༈

བུ་སྟོན་རིན་པོ་ཆེས། བདག་གིས་ཆོས་མིན་སྨྲ་ན་ཆོས་དང་འགལ། །ཆོས་བཞིན་བྱས་ན་བོད་རྣམས་དགྲ་རུ་ལྡང་། །ཅི་ཡང་མ་སྨྲས་ཀུན་གྱིས་བླུན་ཞེས་བརྙས། །ཀྱེ་མ་ད་ནི་བདག་གིས་ཇི་ལྟར་བྱ། །ཞེས་གསུངས། ། ༈

[edit]

mi dge ba bcu ni sogs/ mi dge ba bcu ni/__mdzod las/__gsod dang gnod sems tshig rtsub pa/__/zhe sdang gis ni mthar phyin byed/__/log g.yem brnab sems ma byin len/__/chags pa yis ni rdzogs par byed/__/log par lta ba gti mug gis/__/lhag ma gsum gyis rdzogs par 'dod/__/ces dang /__rin chen phreng bar/__'dod chags zhe sdang gti mug gsum/__/des bskyed las ni mi dge ba'o/__/zhes so/__/de re re la yang /__rgyu mthun/__bdag po'am dbang gi 'bras bu/__mthar thug gi 'bras bu gsum dang /__snga ma la myong ba rgyu mthun dang /__byed pa rgyu mthun gnyis las/__dang po ni/__rin chen phreng bar/__gsod pa yis ni tshe thung 'gyur/__/brkus pa yis ni longs spyod phongs/__/byi pho byed pas dgra dang bcas/__/rdzun du smra bas bkur ba ste/__/phra ma yis ni bshes dang dbye/__/rtsub po nyid kyis mi snyan thos/__/ma 'dres pa yis tshig mi btsun/__/brnab sems yid la re ba 'joms/__/gnod sems 'jigs pa sbyin par bshad/__/log par lta bas lta ngan nyid/__/ces gsungs/__gnyis pa ni/__gal te mir skyes kyang mi dge ba kho na la spyod pa/__mthar thug gi 'bras bu ni chen pos dmyal ba/__'bring gis yi dwags/__chung ngus dud 'gror skye/__bzhi pa ni phyi rol gyi yul la smin te tha na dud 'gror skyes kyang rtswa chu dkon pa sogs yin par bshad kyang /__de dag kyang gnas skabs mthar thug gnyis su 'du'o/__/dge ba bcu ni de'i ldog phyogs te/__rin phreng las/__ma chags zhe sdang gti mug med/__/des bskyed las ni dge ba'o/__/zhes gsungs/__gnas skabs mthar thug rgyu mthun bdag 'bras bzhi las/__gnas skabs sam myong ba rgyu mthun ni srog gcod spangs pas tshe ring ba sogs dang /__byed pa rgyu mthun ni mir gyur tshe dge ba cur spyod pa/__mthar thug ni/__chen pos sangs rgyas/__'bring gis rang rgyal/__tha mas dgra bcom pa rnams thob/__bdag 'bras ni phyi rol gyi yul la ste/__mir skyes kyang yul phun sum tshogs pa sogs so/___/__!_ de ltar ngan 'gro la sdug bsngal ni/__dmyal ba ni tsha dmyal dang grang dmyal te/__de yang /__yang sos thig nag bsdus 'joms dang /__/ngu 'bod ngu 'bod chen po dang /__/tsha ba rab tsha mnar med brgyad/__/ces dang /__chu bur chu bur brdol ba dang /__/a chu so tham kyi hud pa/__/ut+pal pad+ma pad cher gas/__/zhes de ltar yang /__bshes springs las/__'di na nyin gcig mdung thung lnga brgya yis/__/rab tu drag btab sdug bsngal gang lags pa/__/des ni dmyal ba'i sdug bsngal chung ngu'i yang /__/'ol yang mi bgyi char yang mi phod do/__/zhes dang /__yi dwags rnams la sos ka'i dus su ni/__/zla ba'ang tsha la dgun gyi nyi ma'ang grang /__/ljon shing grib ma med 'gyur 'di dag gis/__/bltas pa tsam gyis chu klung mod la bskams/__/zhes dang /__dud 'gro'i skye gnas na yang gsos pa dang /__/bcings dang brdeg sogs sdug bsngal sna tshogs pa/__/de yang ngan song gsum ni sdug bsngal gyi sdug bsngal/__bde 'gro gsum ni 'gyur ba'i sdug bsngal/__thams cad la khyab pa ni 'du byed kyi sdug bsngal lo/__/mdor na bshes springs las/__brgya byin 'jig rten mchod 'os gyur nas ni/__/las kyi dbang gis phyir yang sa steng lhung /__/'khor los sgyur rgyal nyid du gyur nas kyang /__/'khor ba dag tu yang bran nyid du 'gyur/__/'dod pas tshim pa med pa'i/__skye shis sun pa med pa'i/__las la zin pa med pa'i sdug bsngal te gsum las/__dang po ni/__bshes springs las/__re res rgya mtsho bzhi bas lhag pa yi/__/sogs dang /__gnyis pa ni/__re re'i bdag nyid rus pa'i phung po ni/__/sogs dang /__gsum pa ni zhib pa dang /__tshong pa bzhin gcig kyang zin pa med pa'o/__/rigs brgyad dbye ba las/__tshad med bzhi sbyong mi g.yo sgom byed pa/__/tshangs pa la sogs rim par skye ba'i rgyu/__/zhes so/__/de'i don ni/__rgyan las/__sems can rnams la brtse ba can/__/phrad dang bral ba'i dgongs pa can/__/mi 'bral ba yi dgongs pa can/__/phan bde dgongs khyod la phyag 'tshal/__/ces pas/__phrad dang yan chad kyis bde ba dang 'phrad 'dod kyi byams pa tshad med/__bral ba'i dgongs pa can ni sdug bsngal 'bral 'dod kyi snying rje tshad med/__mi 'bral ba yi dgongs pa can ni bde ba dang ldan pa rnams mi 'bral bar 'dod pa'i dga' ba tshad med/__phan bde dgongs pa ni nye ring gnas su ma lhung ba'i btang snyoms tshad med de/__bshes springs las/__byams dang snying rje dag dang dga' ba dang /__/btang snyoms rtag tu yang dag sgom mdzod cig__/ces dang /__tshangs dang 'od gsal dag dang dge rgyas dang /__/'bras bu che lha rnams dang skal mnyam thob/__/ces so/___/__!_ bu ston rin po ches/__bdag gis chos min smra na chos dang 'gal/__/chos bzhin byas na bod rnams dgra ru ldang /__/ci yang ma smras kun gyis blun zhes brnyas/__/kye ma da ni bdag gis ji ltar bya/__/zhes gsungs/___/__!_