JKCL-KABUM-10-THA-035

🚧 This website is under continued development. We appreciate your patience!

Previous Text Back to Volume PageNext Text

Wylie title	lde'u mig:
Location	chos kyi blo gros bka' 'bum Volume 10, Text 35, Pages 325-326 (Folios 1a1 to 1b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. lde'u mig. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 325-326. Bir, H.P.: Khyentse Labrang, 2012.
Genre	Pilgrimage Guides - gnas yig

1 Texts in this Section (sde tshan or chos tshan)

325-326	ལྡེའུ་མིག༔ lde'u mig: Pilgrimage Guides - gnas yig	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ལྡེའུ་མིག་བཞུགས༔ ཨོ་རྒྱན་རྗེ་ལ་ཕྱག་འཚལ་ནས༔ དྷ་ཀི་མཚོ་རྒྱལ་ང་ཉིད་ཀྱིས༔ གནས་ཆེན་གྲང་མེད་དཀར་ཆགས་བཏབ༔ དེ་ལས་ཟལ་མོ་འབྲི་ཟླའི་སྒང་༔ རུ་དམ་གངས་ཀྱི་ར་བ་ཡི༔ གནས་ཀྱི་སྙིང་པོ་ཟིལ་ཁྲོམ་གྱི༔ སྦས་པའི་ཡུལ་ལུང་ཆེན་པོ་ཡི༔ ལུང་ཆེན་བཞི་དང་ལུང་ཕྲན་བརྒྱད༔ གསང་སྔགས་དར་བའི་ཡུལ་གྲ་ཡང་༔ ཕྱི་ནང་བཅོ་བརྒྱད་སྦས་པ་ལས༔ དབུས་ཀྱི་སྙིང་པོའི་ཕོ་བྲང་ནི༔ གསང་སྔགས་རྡོ་རྗེ་བཀོད་པ་ཆེ༔ རྩ་གསུམ་དགྱེས་པའི་དགའ་ཚུལ་ཆེར༔ འཇུག་པའི་སྒོ་ནི་ཤར་དང་ལྷོ༔ དང་པོ་སྔར་བྱོན་རྟེན་འབྲེལ་ལས༔ ཅུང་ཟད་འཇུག་པར་དཀའ་ཡང་སྲིད༔ ལྷོ་ཕྱོགས་མི་འགྱུར་འཁོར་ལོ་ཡི༔ ཕྱོགས་ཀྱི་སྒོ་འདི་འཇུག་པ་ཡངས༔ ཁྲོ་བོ་རོལ་པའི་ལུང་ཆེན་གྱི༔ ཆུ་ཀླུང་གྱེན་དུ་བརྒལ་བ་ཡི༔ ཕུ་ན་བྲག་དཀར་བ་གམ་མཐོ༔ དེ་ཡི་སྐེད་པ་ཚེ་བུམ་གྱི༔ བྲག་རི་ཡིད་དུ་འོང་བ་ཡི༔ ཁ་རྒྱན་དཔག་བསམ་ཤིང་གི་མཚན༔ དེ་ཡི་གཡས་ཟུར་ཚེ་ཆུའི་རྒྱུན༔ ལྷུང་ལྷུང་དལ་གྱིས་འབེབས་པ་ནསཿགྱེན་འདེད་གོང་དུ་འདས་པ་ན༔ བྲག་གཡང་ངོས་གཟར་བགྲོད་དཀའ་ལ༔ སྐས་ཀྱི་གདོང་བུ་རིང་བཙུགས་ནས༔ དེ་བརྒལ་གཡོན་གྱི་ཕྱོགས་དག་ནས༔ གང་བྲག་རྫ་གསུམ་འདྲེས་པའི་ངོགས༔ རི་བརྒལ་མཚམས་ནས་གྱེན་དུ་འཛེགས༔ བད་དཀར་ཡངས་པའི་སྟེང་དེ་རུ༔ ཤེལ་གྱི་ཕ་ཝཾ་གུར་ཕུབ་ཡོད༔ དེ་ལ་ལྷ་བཙན་ཆེན་པོ་གནས༔ དཀར་དམར་སྐྱེམས་དང་སྤོས་བཟང་དང་༔ གཙང་མའི་ཞལ་ཟས་དག་གིས་མཆོད༔ བདེན་བདར་གུ་རུས་གསོལ་འདེབས་དང་༔ མཁའ་འགྲོར་ཚོགས་སྐོང་མེ་མཆོད་བརྩོན༔ དེ་ནས་གང་སྟ་རྒྱང་གྲགས་ན༔ མཚོ་ཆེན་རྔམས་པ་སྒྲ་སྒྲོགས་ཡོད༔ ཀླུ་རྒྱལ་ནཱ་ག་རཀྴ་ལ༔ ཀླུ་སྨན་གཙང་གཏོར་མཆོད་བྱས་ལ༔ སྡེ་བརྒྱད་བརྔན་པའི་ཆོ་ག་བྱ༔ དེ་ནས་བྲག་གཡང་མཐོན་པོ་ནས༔ ཐབས་ལ་མཁས་པའི་འཕྲུལ་ཐབས་ཀྱིས༔ དལ་གྱིས་འབེབས་ནས་རཀྟའི་མཚོ༔ རྔམས་ཟིལ་འཇིགས་སུ་རུང་བ་དེར༔ མཁའ་འགྲོ་དགྱེས་པའི་མདོས་སྐོང་ཚོགས༔ ཆོས་སྐྱོངས་གཏོར་ཚོགས་རྒྱས་པར་བྱ༔ དེ་ནས་དཔག་ཚད་ཙམ་བརྒལ་ཚེ༔ ནགས་ཚལ་འཇིགས་སུ་རུང་བ་ལ༔ ཞུགས་ཚེ་དཔའ་བོ་མེ་སྒྱོགས་དང་༔༔ ༔༔

[edit]

lde'u mig bzhugs:__o rgyan rje la phyag 'tshal nas:__d+ha ki mtsho rgyal nga nyid kyis:__gnas chen grang med dkar chags btab:__de las zal mo 'bri zla'i sgang :__ru dam gangs kyi ra ba yi:__gnas kyi snying po zil khrom gyi:__sbas pa'i yul lung chen po yi:__lung chen bzhi dang lung phran brgyad:__gsang sngags dar ba'i yul gra yang :__phyi nang bco brgyad sbas pa las:__dbus kyi snying po'i pho brang ni:__gsang sngags rdo rje bkod pa che:__rtsa gsum dgyes pa'i dga' tshul cher:__'jug pa'i sgo ni shar dang lho:__dang po sngar byon rten 'brel las:__cung zad 'jug par dka' yang srid:__lho phyogs mi 'gyur 'khor lo yi:__phyogs kyi sgo 'di 'jug pa yangs:__khro bo rol pa'i lung chen gyi:__chu klung gyen du brgal ba yi:__phu na brag dkar ba gam mtho:__de yi sked pa tshe bum gyi:__brag ri yid du 'ong ba yi:__kha rgyan dpag bsam shing gi mtshan:__de yi g.yas zur tshe chu'i rgyun:__lhung lhung dal gyis 'bebs pa nasaHgyen 'ded gong du 'das pa na:__brag g.yang ngos gzar bgrod dka' la:__skas kyi gdong bu ring btsugs nas:__de brgal g.yon gyi phyogs dag nas:__gang brag rdza gsum 'dres pa'i ngogs:__ri brgal mtshams nas gyen du 'dzegs:__bad dkar yangs pa'i steng de ru:__shel gyi pha waM gur phub yod:__de la lha btsan chen po gnas:__dkar dmar skyems dang spos bzang dang :__gtsang ma'i zhal zas dag gis mchod:__bden bdar gu rus gsol 'debs dang :__mkha' 'gror tshogs skong me mchod brtson:__de nas gang sta rgyang grags na:__mtsho chen rngams pa sgra sgrogs yod:__klu rgyal nA ga rak+sha la:__klu sman gtsang gtor mchod byas la:__sde brgyad brngan pa'i cho ga bya:__de nas brag g.yang mthon po nas:__thabs la mkhas pa'i 'phrul thabs kyis:__dal gyis 'bebs nas rak+ta'i mtsho:__rngams zil 'jigs su rung ba der:__mkha' 'gro dgyes pa'i mdos skong tshogs:__chos skyongs gtor tshogs rgyas par bya:__de nas dpag tshad tsam brgal tshe:__nags tshal 'jigs su rung ba la:__zhugs tshe dpa' bo me sgyogs dang ::__::__