JKW-KABUM-22-ZA-012-076

🚧 This website is under continued development. We appreciate your patience!

Previous Text Back to Volume PageNext Text

སྒྲིབ་གཉིས་རྣམ་པར་ཞི་བའི་རྡོ་རྗེའི་ཐོལ་གླུ་རིག་སྟོང་གཉུག་མའི་རྒྱན།

Wylie title	sgrib gnyis rnam par zhi ba'i rdo rje'i thol glu rig stong gnyug ma'i rgyan
Location	mkhyen brtse'i bka' 'bum Volume 22, sde tshan 12, Text 76, Pages 555-556 (Folios 106a1 to 106b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sgrib gnyis rnam par zhi ba'i rdo rje'i thol glu rig stong gnyug ma'i rgyan. In 'jam dbyangs mkhyen brtse'i dbang po'i bka' 'bum, Vol. 22: 555-556. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	ཞེས་པའང་སྣང་ཆའི་རྟེན་འབྲེལ་གསར་པས་མཚམས་སྦྱར་ཏེ་གང་ཤར་ལྷུག་པར་བླངས་པའོ།།
	zhes pa'ang snang cha'i rten 'brel gsar pas mtshams sbyar te gang shar lhug par blangs pa'o

1 Texts in this Section (sde tshan or chos tshan)

76 555-556	སྒྲིབ་གཉིས་རྣམ་པར་ཞི་བའི་རྡོ་རྗེའི་ཐོལ་གླུ་རིག་སྟོང་གཉུག་མའི་རྒྱན། sgrib gnyis rnam par zhi ba'i rdo rje'i thol glu rig stong gnyug ma'i rgyan Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྒྲིབ་གཉིས་རྣམ་པར་ཞི་བའི་རྡོ་རྗེའི་ཐོལ་གླུ་རིག་སྟོང་གཉུག་མའི་རྒྱན་ཅེས་བྱ་བ། ཨ་ཧོ། བཟོད་ནས་གློ་བུར་དྲི་མའི་དག་བྱ་མ་ལུས་པ། །ཀུན་ཏུ་རྟོག་དང་ལྷན་ཅིག་མཛའ་བ་མིན་པའི་ཆོས། །གཟུང་འཛིན་ལས་འདས་རིག་སྟོང་ཟུང་འཇུག་བདེ་བ་ཆེ། །ཐོག་མའི་མགོན་པོ་ཀུན་ཏུ་བཟང་པོ་དེ་ལ་འདུད། །ཤིན་ཏུ་བརྒལ་དཀའ་འཇིགས་རུང་འཁོར་བའི་རྒྱ་མཚོ་ཆེ། །སྡུག་བསྔལ་གསུམ་གྱི་རྦ་རླབས་རབ་ཏུ་གཡོ་བའི་དབུས། །དལ་འབྱོར་རིན་ཆེན་གྲུ་བོ་མཆིས་པ་གང་ཉིད་ཀྱང་། །སྡིག་ལྟའི་འཐོར་རླུང་དྲག་པོས་བཅོམ་ལས་ཕྱིར་བཟློག་སླད། །བདེ་ཆེན་འཁོར་ལོའི་ཟུར་ཕུད་མཛེས་པ་ག་ལ་བར། །པད་དཀར་ཟླ་སྟེང་རྒྱལ་ཀུན་ཐུགས་མཆོག་རྡོ་རྗེ་སེམས། །ཤེས་རབ་ཡུམ་བཅས་མཉམ་པར་སྦྱོར་བའི་ཐུགས་ཀ་རུ། །གསང་སྔགས་ཐིག་ལེ་བརྒྱ་པའི་ཕྲེང་བ་རྣམ་བཀོད་དེ། །སྔར་བྱས་འགྱོད་དང་ཕྱིན་ཆད་སྡོམ་པའི་སེམས་བརྟན་པོས། །གུས་པའི་གསོལ་བ་གདབ་ཅིང་འདུན་པས་གཅུར་བ་ལས། །རྗེས་སུ་ཆགས་པའི་ཐུགས་རྗེས་རིངས་གཟིགས་སྦྱོར་མཚམས་ནས། །བདེ་ཆེན་བྱང་སེམས་ཟླ་བ་ཞུན་མ་ལྟར་བབས་ཏེ། །ཚངས་པའི་སྒོ་ནས་སྙོམས་པར་ཞུགས་དང་ཆབ་གཅིག་པར། །ནད་གདོན་སྒྲིབ་ཀུན་དུད་སོལ་རྣམ་པར་ཕྱིན་ཐོན་ཏེ། །རྩ་གསུམ་འཁོར་ལོ་བཞི་ལྡན་གནས་ཀུན་ཁེངས་པ་ལས། །ལུས་སེམས་ཟག་མེད་བདེ་ཆེན་དགའ་བ་བཞི་ཡིས་མྱོས། །བསྐྱེད་པའི་འཁོར་ལོ་རང་ལ་བསྟིམ་ཞིང་རང་ཉིད་ཀྱང་། །ལྷག་པའི་ལྷར་གྱུར་དཀྱིལ་འཁོར་གསུམ་དང་ལྡན་པའི་ངང་། །སྡིག་དང་ལྟུང་བ་སྐྱེ་འགག་གནས་གསུམ་རབ་བྲལ་ཞིང་། །ཡང་དག་དྲན་པའི་ངང་དུ་མཉམ་པར་འཇོག་པ་ལས། །བཟང་ངན་ཤེས་བྱའི་རྟོག་པས་ཕ་མཐའ་ཐུག་མིན་པའི། །སྤྲོས་དང་བྲལ་བ་འདི་ནི་བཤགས་སྦྱང་ཀུན་གྱི་མཆོག །དེ་ལྟར་བསྐྱེད་དང་རྫོགས་པ་ཟུང་འཇུག་ཟླ་བའི་ཟེར། །ཤིན་ཏུ་གནག་པའི་ཁ་ན་མ་ཐོ་ལ་རེག་པས། །སྟོབས་བཞིའི་མཐུ་ཡིས་སྒྲིབ་གཉིས་མུན་པ་ཡོངས་སྦྱངས་ཏེ། །བླ་ན་མེད་པའི་གཏན་བདེའི་སྣང་བ་འཐོབ་པར་འགྱུར། །དེ་ལྟར་གང་ཤར་བཛྲ་གཱི་རྟིའི་རོལ་མོ་ཆེ། །མགྲིན་པ་ལོངས་སྤྱོད་འཁོར་ལོའི་མཛོད་ནས་འཁྲོལ་བའི་མོད། །སྒྲིབ་གཉིས་གཉིད་ལས་གཡུར་བ་མ་ལུས་ཀུན་སད་དེ། །བྱང་ཆུབ་མཆོག་གི་ངལ་བསོ་བསྟེན་པའི་རྒྱུ་རུ་བསྔོ། ཞེས་པའང་སྣང་ཆའི་རྟེན་འབྲེལ་གསར་པས་མཚམས་སྦྱར་ཏེ་གང་ཤར་ལྷུག་པར་བླངས་པའོ།། །། ༈

[edit]

sgrib gnyis rnam par zhi ba'i rdo rje'i thol glu rig stong gnyug ma'i rgyan/__ sgrib gnyis rnam par zhi ba'i rdo rje'i thol glu rig stong gnyug ma'i rgyan ces bya ba/__a ho/__bzod nas glo bur dri ma'i dag bya ma lus pa/__/kun tu rtog dang lhan cig mdza' ba min pa'i chos/__/gzung 'dzin las 'das rig stong zung 'jug bde ba che/__/thog ma'i mgon po kun tu bzang po de la 'dud/__/shin tu brgal dka' 'jigs rung 'khor ba'i rgya mtsho che/__/sdug bsngal gsum gyi rba rlabs rab tu g.yo ba'i dbus/__/dal 'byor rin chen gru bo mchis pa gang nyid kyang /__/sdig lta'i 'thor rlung drag pos bcom las phyir bzlog slad/__/bde chen 'khor lo'i zur phud mdzes pa ga la bar/__/pad dkar zla steng rgyal kun thugs mchog rdo rje sems/__/shes rab yum bcas mnyam par sbyor ba'i thugs ka ru/__/gsang sngags thig le brgya pa'i phreng ba rnam bkod de/__/sngar byas 'gyod dang phyin chad sdom pa'i sems brtan pos/__/gus pa'i gsol ba gdab cing 'dun pas gcur ba las/__/rjes su chags pa'i thugs rjes rings gzigs sbyor mtshams nas/__/bde chen byang sems zla ba zhun ma ltar babs te/__/tshangs pa'i sgo nas snyoms par zhugs dang chab gcig par/__/nad gdon sgrib kun dud sol rnam par phyin thon te/__/rtsa gsum 'khor lo bzhi ldan gnas kun khengs pa las/__/lus sems zag med bde chen dga' ba bzhi yis myos/__/bskyed pa'i 'khor lo rang la bstim zhing rang nyid kyang /__/lhag pa'i lhar gyur dkyil 'khor gsum dang ldan pa'i ngang /__/sdig dang ltung ba skye 'gag gnas gsum rab bral zhing /__/yang dag dran pa'i ngang du mnyam par 'jog pa las/__/bzang ngan shes bya'i rtog pas pha mtha' thug min pa'i/__/spros dang bral ba 'di ni bshags sbyang kun gyi mchog__/de ltar bskyed dang rdzogs pa zung 'jug zla ba'i zer/__/shin tu gnag pa'i kha na ma tho la reg pas/__/stobs bzhi'i mthu yis sgrib gnyis mun pa yongs sbyangs te/__/bla na med pa'i gtan bde'i snang ba 'thob par 'gyur/__/de ltar gang shar badz+ra gI rti'i rol mo che/__/mgrin pa longs spyod 'khor lo'i mdzod nas 'khrol ba'i mod/__/sgrib gnyis gnyid las g.yur ba ma lus kun sad de/__/byang chub mchog gi ngal bso bsten pa'i rgyu ru bsngo/__zhes pa'ang snang cha'i rten 'brel gsar pas mtshams sbyar te gang shar lhug par blangs pa'o//__//___!_