JKW-KABUM-22-ZA-006-010

🚧 This website is under continued development. We appreciate your patience!

Previous Text Back to Volume PageNext Text

མྱོང་གྲོལ་རྟེན་འདམ་རིལ་བུའི་དཀར་ཆག་ནོར་བུའི་མེ་ལོང་།

Wylie title	myong grol rten 'dam ril bu'i dkar chag nor bu'i me long
Location	mkhyen brtse'i bka' 'bum Volume 22, sde tshan 6, Text 10, Pages 163-172 (Folios 57a3 to 61b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. myong grol rten 'dam ril bu'i dkar chag nor bu'i me long. In 'jam dbyangs mkhyen brtse'i dbang po'i bka' 'bum, Vol. 22: 163-172. Khams sde dge rdzong sar dgon: Rdzong sar blo gros phun tshogs, 2020.
Genre	Catalogue of Contents - dkar chag
Colophon	།ཞེས་པའང་ཤཱཀྱའི་དགེ་སློང་མཉྫུ་གྷོ་ཥས་ལྷག་པའི་བསམ་པ་རྣམ་པར་དག་པས་སྦྱར་ཏེ་སྨོན་ལམ་དུ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པ་རྣམས་ཀྱིས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ།
	zhes pa'ang shAkya'i dge slong many+dzu g+ho Shas lhag pa'i bsam pa rnam par dag pas sbyar te smon lam du btab pa de de bzhin du 'grub par bla ma rgyal ba sras dang bcas pa rnams kyis byin gyis brlab tu gsol/__sarba dA ka l+yA NaM b+ha ba tu/

1 Texts in this Section (sde tshan or chos tshan)

10 163-172	མྱོང་གྲོལ་རྟེན་འདམ་རིལ་བུའི་དཀར་ཆག་ནོར་བུའི་མེ་ལོང་། myong grol rten 'dam ril bu'i dkar chag nor bu'i me long Catalogue of Contents - dkar chag	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མྱོང་གྲོལ་རྟེན་འདམ་རིལ་བུའི་དཀར་ཆག་ནོར་བུའི་མེ་ལོང་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། སེམས་ཅན་ཀུན་ལ་དུས་རྟག་ཏུ། །སྙིང་རྗེའི་སྤྱན་རས་མི་ཟུམ་པས། །བརྩེ་བའི་གཟིགས་པ་ལྷུར་མཛད་པའི། །འཕགས་མཆོག་ཕྱག་ན་པདྨོར་འདུད། །དེ་ལ་འདིར་འབྲེལ་ཚད་ཀྱི་ཡིད་ཅན་ཀུན་ལ་སྨན་པར་འདོད་པའི་བསམ་པ་རྣམ་པར་དག་པས་ཀུན་ནས་བསླངས་ཏེ། དགེ་བྱེད་ཅེས་པ་ཆུ་ཕོ་སྟག་གི་ལོའི་ས་ག་ཟླ་བར་དཔལ་ཨེ་ཝཾ་ཐར་པ་རྩེར་སྦྱར་བས་མཚོན། སྔ་ཕྱིར་འདུ་བགྱིས་པའི་མྱོང་གྲོལ་གྱི་རིལ་བུ་འདིར་རྟེན་འདམ་ཇི་ལྟར་འདྲེས་པའི་ཚུལ་མདོ་ཙམ་བརྗོད་ན། རྫོགས་པའི་སངས་རྒྱས་ཀྱི་འཕེལ་གདུངས་ལྔ། སངས་རྒྱས་འོད་སྲུང་དང་། གསེར་ཐུབ་སོགས་ཀྱི་རིང་བསྲེལ་རྟེན་འདམ། རྒྱ་གར་འཕགས་པའི་ཡུལ་དུ་སློབ་དཔོན་གསང་བ་དང་། སངས་རྒྱས་ཡེ་ཤེས་ཞབས། མ་ཧཱ་པཎྜི་ཏ་ཤཱཀྱ་ཤྲཱི། གངས་ཅན་གྱི་ལྗོངས་སུ་འཇམ་དབྱངས་ས་སྐྱ་པཎྜི་ཏ་སོགས་གོང་མ་རིམ་བྱོན་རྣམས་ཀྱིས་རིམ་པར་རྟ་སྤེལ་མཛད་པའི་དཔལ་ས་སྐྱ་པའི་རྟེན་འདམ་དཔེ་བྲལ་མ་ཞེས་དཀར་ཆག་རྒྱས་པ་ལོགས་སུ་གསལ་ལྟར་གྱི་རིལ་བུ་རྡོག་བཅུ་ཕྲག །བདེ་བར་གཤེགས་པ་བདུན་གྱི་རིང་བསྲེལ་ལས་གྲུབ་པའི་རྟེན་འདམ། ས་ཆེན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ས་པཎ། འཕགས་པ་རིན་པོ་ཆེ་རྣམས་ཀྱི་བདུད་རྩི་རིལ་བུ་རྡོག་གཉིས་རེ། ཡང་གོང་མ་ལྔའི་བདུད་རྩི་རིལ་བུ་གཅིག་ཏུ་བསྡུས་པའི་རྟེན་འདམ། ངོར་ཆེན་རྡོ་རྗེ་འཆང་ཆེན་པོའི་བདུད་རྩི་རིལ་བུ་རྡོག་བདུན། ཀུན་མཁྱེན་བསོད་ནམས་སེངྒེ་། འཇམ་དབྱངས་ཀུན་དགའ་གྲོལ་མཆོག །སྔགས་འཆང་ཀུན་དགའ་རིན་ཆེན། སྔགས་འཆང་གྲགས་པ་བློ་གྲོས། འཇམ་དབྱངས་བསོད་ནམས་དབང་པོ། འཇམ་མགོན་ཀུན་དགའ་བསོད་ནམས། རྩེ་གདོང་ཁྲི་ཆེན་བསོད་ནམས་བསྟན་འཛིན། མཁན་ཆེན་ངག་དབང་ཆོས་གྲགས། ཤར་ཆེན་ཤེས་རབ་འབྱུང་གནས། མཁན་ཆེན་སངས་རྒྱས་ཕུན་ཚོགས་རྣམས་ཀྱི་བདུད་རྩི་རིལ་བུ་ཆ་ཤས་ཚར་ཆེན་རྡོ་རྗེ་འཆང་གི་བདུད་རྩི་སྨན་སྒྲུབས། འཇམ་དབྱངས་མཁྱེན་བརྩེའི་དབང་ཕྱུག་གི་ཐུགས་རྗེ་ཆེན་པོའི་མྱོང་གྲོལ་རིལ་བུ་སེམས་ཅན་འབུམ་ཚོ་གསུམ་གྲོལ་བའི་ལུང་བསྟན་ཐོབ་པའི་ཁྱད་འཕགས་གནས་གསར་བ་ལེགས་པའི་འབྱུང་གནས་དང་། ས་ཆེན་ཀུན་དགའ་བློ་གྲོས་ཀྱི་བདུད་རྩི་རིལ་བུ། རྗེ་དེ་ཉིད་ཀྱིས་ལམ་འབྲས་སློབ་བཤད་གནང་བའི་སྐབས་བདག་མེད་མའི་བྱིན་རླབས་ཀྱི་བདུད་རྩི་ཁོལ་བའི་རིལ་བུ། ལྗགས་གུལ་བྱིན་ལྡན། རྡོ་རྗེ་འཆང་བྱམས་པ་ནམ་མཁའ་འཆི་མེད། རྡོ་རྗེ་འཆང་བྱམས་པ་ཀུན་དགའ་བསྟན་འཛིན། བྱམས་པ་རྣལ་འབྱོར་འཇམ་དཔལ་བཟང་པོ། འཇམ་མགོན་རྡོ་རྗེ་རིན་ཆེན་རྣམས་ཀྱིས་བསྒྲུབ་པའི་བདུད་རྩི་རིལ་བུ་ཕོན་མང་། ངོར་ཆེན་རྡོ་རྗེ་འཆང་ཆེན་པོའི་དབུ་ཞྭ་དང་། ན་བཟའི་ཚལ་བུ། སྤུར་ཚ། རྒྱལ་ཚབ་ཀུན་དགའ་དབང་ཕྱུག་གི་ན་བཟའ། ཡོངས་འཛིན་དཀོན་མཆོག་འཕེལ་བའི་ན་བཟའ་དང་། སྤུར་ཚ། ངོར་ཆེན་དཀོན་མཆོག་ལྷུན་གྲུབ། ཚར་ཆེན་རྡོ་རྗེ་འཆང་། ཐར་རྩེ་པཎ་ཆེན་ནམ་མཁའ་དཔལ་བཟང་། བྲང་ཏི་ནམ་མཁའ་སངས་རྒྱས། མུས་ཆེན་དཀོན་མཆོག་རྒྱ་མཚོ། ཁྱབ་བདག་དབང་ཕྱུག་རབ་བརྟན། མགོན་པོ་བསོད་ནམས་མཆོག་ལྡན། ཐར་རྩེ་ནམ་མཁའ་བསམ་འགྲུབ། མཁན་ཆེན་དཔལ་ལྡན་ཆོས་སྐྱོང་། ས་ཆེན་ཀུན་དགའ་བློ་གྲོས། ཤར་ཆེན་མི་འགྱུར་རྒྱ་མཚན། མཁན་ཆེན་ནམ་མཁའ་འཆི་མེད་རྣམས་ཀྱི་ན་བཟའི་ཚལ་བུ། འཇམ་མགོན་སངས་རྒྱས་ཕུན་ཚོགས་སོགས་ཀྱིས་སྒྲུབས་གནང་འཇམ་དབྱངས་སྨྲ་སེང་རིལ་བུ་དྷཱིཧྲཱིཿའི་རྒྱ་ཅན། དབྱངས་ཅན་རིལ་བུ། རིགས་གསུམ་མགོན་པོ་དང་། །དབྱངས་ཅན་མ་དམར་མོའི་བུམ་ཆུ་རིལ་བུ། ས་སྐྱ་གོང་མ་རིམ་བྱོན་གྱི་ཚེ་རིལ། གཞན་ཡང་ས་ངོར་གྱི་བདུད་རྩི་རིལ་བུ་གསར་རྙིང་ཤིན་ཏུ་ཕོན་མང་བ་བཅས་དང་། མཉམ་མེད་ཇོ་བོ་རྗེ་དཔལ་ལྡན་ཨ་ཏི་ཤའི་ཆོས་གོས་ཀྱི་ཚལ་བུ། འབྲོམ་སྟོན་པའི་ཚེམས་ཀྱི་ཆ་ཤས། བྱང་སེམས་ཟླ་བ་རྒྱལ་མཚན་གྱི་བྱང་སེམས། ཀུན་མཁྱེན་བུ་སྟོན་རིན་པོ་ཆེའི་གདུང་ས། རྗེ་བཙུན་མི་ལ་རས་པའི་རིང་བསྲེལ། རྗེ་སྒམ་པོ་པའི་ན་བཟའ། ཀརྨ་པཀྴིའི་ཐུགས། རང་བྱུང་རྡོ་རྗེའི་ཞལ་འགྲམ། རྗེ་ཀརྨ་པ་རོལ་པའི་རྡོ་རྗེ། ཆོས་གྲགས་རྒྱ་མཚོ། མི་བསྐྱོད་རྡོ་རྗེ། ཆོས་དབྱིངས་རྡོ་རྗེ། ཡེ་ཤེས་རྡོ་རྗེ། བྱང་ཆུབ་རྡོ་རྗེ། བདུད་འདུལ་རྡོ་རྗེ། ཞྭ་དམར་ཡེ་ཤེས་སྙིང་པོ། དཔལ་ཆེན་ཆོས་ཀྱི་དོན་གྲུབ། རྒྱལ་ཚབ་གྲགས་པ་དོན་གྲུབ། དཔའ་བོ་གཙུག་ལག་ཕྲེང་བ། གཙུག་ལག་དགའ་བ། སི་ཏུ་ཆོས་ཀྱི་རྒྱལ་མཚན། བསོད་ནམས་རྣམ་རྒྱལ། ཆོས་ཀྱི་འབྱུང་གནས། རིག་འཛིན་ཚེ་དབང་ནོར་བུ། འབྲུག་པ་བཀའ་བརྒྱུད་ཕྲིན་ལས་ཤིང་རྟ་རྣམས་ཀྱི་ན་བཟའ། འབྲུག་པ་ཐམས་ཅད་མཁྱེན་པ་པདྨ་དཀར་པོའི་ཤངས་མཚལ། དཔའ་བོ་གཙུག་ལག་ཕྲེང་བའི་སྤུར་རས། དམ་རྫས་མྱོང་གྲོལ་རིལ་ནག་ཆེན་པོ་ཕོན་མང་། འབྲུག་པའི་དམ་རྫས་འཇའ་ཟུག་མ། འབྲི་གུང་པའི་རྟེན་འདུས་དང་། མ་ཎི་རིལ་བུ། སྟག་ལུང་པའི་རྟེན་འདུས། བཀའ་བརྒྱུད་སྤྱིའི་རྟེན་འདུས། གྲུབ་ཆེན་ཁྱུང་པོ་རྣལ་འབྱོར་གྱི་རིང་བསྲེལ། གྲུབ་ཆེན་ཐང་སྟོང་རྒྱལ་པོའི་ན་བཟའ། སྒོམ་ཐག་ཚེ་རིལ། ཅོང་ཞིའི་བཅུད་ལེན་མཛད་པའི་གསང་ཆབ་ཀྱི་རིལ་བུ། རྒྱལ་བ་བཙོང་ཁ་པ་ཆེན་པོའི་ན་བཟའ། པཎ་ཆེན་བློ་བཟང་ཆོས་རྒྱན་གྱི་ན་བཟའ། རྒྱལ་དབང་ལྔ་པ་རིན་པོ་ཆེའི་དབུ་ལོ། ཁྲུས་རིལ། བདུན་པ་བསྐལ་བཟང་རྒྱ་མཚོའི་འགན་སྦྱར་གྱི་ཆ་ཤས། དགེ་ལུགས་རྟེན་འདུས་དང་། མ་ཎི་རིལ་བུ། བཅུ་གཅིག་ཞལ་དང་། རྣམ་འཇོམས་ཀྱི་ཁྲུས་རིལ། ལྕང་སྐྱ་ཐམས་ཅད་མཁྱེན་པ་ཡེ་ཤེས་བསྟན་པའི་རྒྱལ་མཚན་གྱིས་སྦྱར་གནང་རྟེན་འདུས་ཆེན་མོ་རྡོར་སེམས་རིལ་བུ་དཀར་ཆག་རྒྱས་པར་ལོགས་སུ་གསལ་བ་ལྟར་རྡོག་གསུམ། སྤྱན་རས་གཟིགས་སྤྲུལ་དྲི་མེད་སྙིང་པོ་དང་། པདྨ་དཀར་པོའི་སྐུ་ཤ་གཏེར་བྱོན་ཁྱད་འཕགས། སྐྱེ་བདུན་རིགས་ལྔའི་སྐུ་ཤ་གདུང་རུས། སྐྱེ་བདུན་རིལ་བུ་ཁ་ཤས། བྲམ་ཟེའི་སྐུ་ཤ་ལས་འཕེལ་བའི་རིང་བསྲེལ་ཁྱད་འཕགས། རིག་འཛིན་ཤྲཱི་སེདྷའི་དབུ་སྐྲ། གུ་རུ་ཡབ་ཡུམ་དབུ་སྐྲ། ན་བཟའ། གུ་རུ་ཡབ་ཡུམ་བྱང་སེམས་རིལ་བུ། ཤངས་མཚལ་རིལ་བུ། བདུད་རྩི་རིལ་བུ། དམ་ཚིག་རིལ་བུ། སློབ་དཔོན་ཆེན་པོ་ནས་གཡའ་རི་གངས་རི་སོགས་སུ་སྒྲུབས་པ་མཛད་པའི་དམ་རྫས་ཀུན་གྱི་བཅུད་འདུས་རིལ་བུ། གཏེར་རྫས་མྱོང་གྲོལ་ཧྲཱིཿརྒྱ་ཅན་གསུམ། བདེ་སྟོང་རིལ་བུ་ཨ་རྒྱ་ཅན་གསུམ། གཏེར་ཆེན་རནྟ་གླིང་པའི་ཚེ་རིལ། སློབ་དཔོན་ཆེན་པོ་ནས་སྒྲུབ་པའི་བདུད་རྩི་ཆོས་སྨན་གཏེར་བྱོན། འཇའ་ཚོན་སྙིང་པོའི་རྟེན་འདུས། བདུད་འདུལ་གཏེར་བྱོན་དམ་རྫས་ཡིད་བཞིན་ནོར་བུ། །མྱོང་གྲོལ་མཁའ་སྤྱོད་རིལ་བུ། པདྨ་བཛྲ་དམ་རྫས་ཀུན་འདུས་ཕབ་རྟ། སྒྲོལ་དཀར་ཡིད་བཞིན་འཁོར་ལོའི་ཚེ་རིལ་བཅས། སྟག་ཤམ་གཏེར་བྱོན། དམ་རྫས་ཟླ་ཤེལ་ཆེན་མོ། བདུད་འདུལ་སྟག་ཤམ་གཉིས་ཀྱི་དམ་རྫས་སྤེལ་མ། གནམ་ཆོས་མི་འགྱུར་རྡོ་རྗེའི་མྱོང་གྲོལ་རིལ་བུ། རིག་འཛིན་ཆོས་རྗེ་གླིང་པའི་འཇའ་ལུས་རྡོ་རྗེའི་སྲོག་སྒྲུབས་ཀྱི་ཚེ་རིལ་རྟ་སྤེལ། སྣང་བ་མཐའ་ཡས་དང་། ཐུགས་རྗེ་ཆེན་པོའི་སྙིང་པོ་དུང་ཕྱུར་མང་པོའི་སྒོ་ནས་སྒྲུབ་པའི་རིལ་བུ། ཐུགས་རྗེ་ཆེན་པོའི་གཟུངས་སྒྲུབས་རིལ་བུ། བླ་མ་གསང་བ་འདུས་པ། ཡང་ཟབ་དཀོན་མཆོག་སྤྱི་འདུས། སྐུ་གསུམ་པདྨ་འོད་འབར་རྣམས་ཀྱི་སྐྱེ་བདུན་སྒྲུབས་ཆེན་རིལ་བུ། བླ་མ་དགོངས་པ་འདུས་པ། ཡི་དམ་བཀའ་བརྒྱད་བདེར་གཤེགས་འདུས་པ། གསང་བ་ཡོངས་རྫོགས། རང་བྱུང་རང་ཤར། ཐུགས་ཀྱི་མེ་ལོང་སོགས་ཀྱི་སྒོ་ནས་སྒྲུབས་པའི་བདུད་རྩི་སྨན་སྒྲུབ། སྔ་འགྱུར་བཀའ་མའི་དཀྱིལ་འཁོར་ཆེན་པོ་འོག་མིན་ཚོགས་ཆེན་འདུས་པ། སྒྱུ་འཕྲུལ་ཞི་ཁྲོ། ཡང་དག །མཉམ་སྦྱོར། དོང་སྤྲུགས་སོགས་དང་། ཞི་ཁྲོ་ཁྲི་མཆོད་མང་པོའི་སྒོ་ནས་སྒྲུབས་པའི་བུམ་ཆུ་རིལ་བུ། བཀའ་བརྒྱད་ཀྱི་སྒོས་བཀའ་སོ་སོའི་སྒོ་ནས་སྒྲུབས་པའི་རིལ་བུ། མཁའ་འགྲོ་ཉང་གཏེར་རྡོ་རྗེ་ཕག་མོ་ལྷ་ལྔའི་དཀྱིལ་འཁོར་དུ་བྱིན་གྱིས་བརླབས་པའི་བདུད་རྩི་རིལ་བུ། ཀཿཐོག་བླ་རབ་བཅུ་གསུམ་ཚུན་གྱི་བུམ་ཆུ་རིལ་བུ། གཏེར་ཆེན་མངའ་བདག་ཉང་། གུ་རུ་ཆོས་དབང་། རིག་འཛིན་རྒོད་ལྡེམ། པདྨ་གླིང་པ་རྣམས་ཀྱི་གཏེར་ཤོག་འཁྲུལ་མེད། བདུད་འདུལ་སྒྲོལ་དཀར་ཤོག་སེར། ཀློང་གསལ་ཡེ་ཤེས་རབ་འབར་རྩ་རྒྱུད་དང་། ཚེ་སྒྲུབ་ཡང་གསང་བླ་མེད་ཤོག་སེར། ལོ་ཆེན་བཻ་རོའི་ཕྱག་བྲིས་རྒྱ་དཔེ། སློབ་དཔོན་རིན་པོ་ཆེ་དང་། ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་ན་བཟའ་གཏེར་བྱོན། གཏེར་ཆེན་གུ་རུ་ཆོས་དབང་དབུ་ཞྭ། ཀུན་མཁྱེན་དྲི་མེད་འོད་ཟེར་གྱི་གདུང་རུས། །བྱང་བདག་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། ཀུན་བཟང་པདྨ་ཕྲིན་ལས། ཆོས་རྒྱལ་གཏེར་བདག་གླིང་པ། ལོ་ཆེན་དྷརྨ་ཤྲཱི་རྣམས་ཀྱི་ན་བཟའ། སྐྱེ་བདུན་དུ་གྲགས་པ་འཁྲུལ་ཞིག་དབང་དྲག་རྒྱ་མཚོའི་སྐུ་ཤ །སྟག་བླ་པདྨ་མ་ཏིའི་ན་བཟའ། བདུད་འདུལ་རྡོ་རྗེའི་སྐུ་བེར། རིག་འཛིན་ཀློང་གསལ་སྙིང་པོ། གྲུབ་དབང་པདྨ་རིག་འཛིན། རིག་འཛིན་ཀུན་བཟང་ཤེས་རབ། རྒྱལ་སྲས་བསོད་ནམས་ལྡེའུ་བཙན་སོགས་ཀྱི་ན་བཟའ། རྙིང་ལུགས་ཀྱི་རྟེན་འདུས་ཕྱག་དྲིལ་འཇའ་ཟུག་མ། གཞན་ཡང་ཇོ་བོ་རྣམ་གཉིས་ཀྱི་སྐུ་ལ་ཁྲུས་ཆབ་གསོལ་བའི་རིལ་བུ། གྲུབ་ཆེན་ཐང་སྟོང་རྒྱལ་པོས་འཛམ་གླིང་ལན་གསུམ་བསྐོར་བའི་ས་སྣ་ཆུ་སྣའི་རིལ་བུ། རྒྱ་གར་རྡོ་རྗེ་གདན་གྱི་བྱང་ཆུབ་ཤིང་གི་ལོ་མ། བལ་ཡུལ་མཆོད་རྟེན་ཆེན་མོའི་སྲོག་ཤིང་རྙིང་པའི་ཆ་ཤས། དེང་སང་གྲགས་ཚོད་ཀྱི་རྒྱ་གར་ཤཱི་གུ་རི། རྩྭ་མཆོག་གྲོང་། མཆོད་རྟེན་རྣམ་དག་དྲུང་། ཆུ་བོ་ནེ་རཉྫ་ན་སོགས་དང་། བལ་ཡུལ་འཕགས་པ་ཤིང་ཀུན། བྱ་རུང་ཁ་ཤོར། ཨ་སུ་ར། ཡང་ལེ་ཤོད་སོགས་གནས་ཆེན་དུ་མ། སྟོད་གངས་རི་ནས་བཟུང་སྟེ་སྨད་རོང་བཙན་བར་གྱི་བོད་ཡུལ་གྱི་གནས་ཆེན་ཡོངས་གྲགས་ཕལ་ཆེར་གྱི་ས་སྣ། ཆུ་སྣ། ཤིང་སྣ། བསམ་ཡས་གཡའ་མ་ལུང་དང་སྦས་ཡུལ་པདྨོ་བཀོད་པའི་ཚེ་ཆུ་སོགས་སྦས་གནས་མང་པོའི་ཚེ་ཆུ་རིལ་བུ། རྩྭ་ཁྱད་པར་ཅན་མྱོང་གྲོལ་ཀླུ་བདུད་རྡོ་རྗེའི་ཟིལ་དངར། རྒྱ་ནག་རི་བོ་རྩེ་ལྔ་དང་། གླང་ཆེན་འགྱིང་རི། འཇང་ཡུལ་རི་བོ་བྱ་རྐང་སོགས་གནས་ཆེན་མང་པོའི་སྨན་དང་། ས་སྣ། ཆུ་སྣ། ཀུན་མཁྱེན་སི་ཏུ་རིན་པོ་ཆེ་ནས་སྦྱར་བའི་རིན་ཆེན་རིལ་ནག་ཆེན་མོ་རྡོག་གསུམ། ཕྱིས་སུ་སྦྱར་བའི་རིལ་ནག་རྡོག་ལྔ། སི་ཏུ་རིན་པོ་ཆེ་ནས་སྦྱར་བའི་རིན་ཆེན་མང་སྦྱོར་ཆེན་མོ་རྡོག་གསུམ། ཡང་ཟབ་རིན་ཆེན་རིལ་བུ་རྡོག་གཅིག །སྤྲུལ་སྐུ་ཀརྨ་རཏྣས་སྦྱར་བའི་དབང་རིལ་ཤེལ་དཀར་མཆོད་རྟེན་རྡོག་གཅིག །དབང་རིལ་རྟ་རིམ་རྡོག་གཉིས། བསམ་འཕེལ་རཏྣ་རྡོག་ཁ་ཤས། སྔ་ཕྱིར་སྦྱར་བའི་དངུལ་ཆུ་བཙོ་བཀྲུ་ཆེན་མོ། ཕྱིས་སུ་སྦྱར་བའི་རིན་ཆེན་ཚ་སྦྱོར་རྡོག་ཁ་ཤས་བཅས་ཕྱོགས་གཅིག་ཏུ་སྦྱར་ནས། ཞྭ་ལུ་རི་སྦུགས་སུ་པཎ་ཆེན་ག་ཡ་དྷ་རའི་བུམ་པ་བུམ་ཆུ་དང་བཅས་པར། བུ་སྟོན་ཐམས་ཅད་མཁྱེན་བས་དུས་ཀྱི་འཁོར་ལོ། དཔལ་རྩེ་དབྱིངས་གསུམ། རྣམ་སྣང་མངོན་བྱང་། དོན་ཡོད་ཞགས་པ་སོགས་རྒྱུད་སྡེ་རྣམ་བཞིའི་སྒྲུབ་མཆོད་གནང་བའི་བུམ་ཆུ་ཁྱད་པར་ཅན། རྒྱུད་སྡེ་ལྔ་བཅུ་རྩ་གཉིས་ཀྱི་བུམ་ཆུ། རྡུལ་ཚོན། ས་སྐྱའི་ག་ཡ་དྷ་རའི་བུམ་ཆུའི་རྒྱུན། ངོར་ཨེ་ཝཾ་པའི་ག་ཡ་དྷཱ་རའི་བུམ་ཆུ། ངོར་ལུགས་དཀྱིལ་འཁོར་བདུན་གྱི་བུམ་ཆུ་དང་། རྡུལ་ཚོན། གཞན་ཡང་སྔ་ཕྱིར་མཁན་ཆེན་རྡོ་རྗེ་འཆང་སོགས་ལས་ཐོབ་པའི། དབང་། བྱིན་རླབས། རྗེས་གནང་སུམ་བརྒྱ་ལྷག་ཙམ་གྱི་བུམ་ཆུ། རྡུལ་ཚོན། བཟླས་ལུང་གི་མེ་ཏོག་སོགས་ཀྱང་འདྲེས་པར་བྱས་ནས། རབ་བྱུང་བཅུ་བཞི་པའི་མཛེས་བྱེད་ཅེས་པ་ཆུ་ཡོས་ལོའི་ས་ག་ཟླ་བའི་ནང་དུ་གྲུབ་པར་བགྱིས་པ་ལས་སླར་ཡང་ཟིལ་གནོན་ཅེས་པ་མེ་ཕོ་རྟ་ཡི་ལོའི་སྣྲོན་ཟླ་བའི་དཀར་ཕྱོགས་ཀྱི་ཚེས་བཅུར་རྟེན་ཁྱད་པར་ཅན་འགའ་ཞིག་གསར་བསྣན་དང་བཅས་ཏེ་བླ་མ་གསང་བ་འདུས་པའི་དཀྱིལ་འཁོར་དུ་བྱིན་གྱིས་བརླབས་པའི་རིལ་བུ་འདི་ཉིད་མཐོང་ཐོས་དྲན་རེག་གི་འགྲོ་ཀུན་འཕགས་མཆོག་ཕྱག་ན་པདྨོའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །ཞེས་པའང་ཤཱཀྱའི་དགེ་སློང་མཉྫུ་གྷོ་ཥས་ལྷག་པའི་བསམ་པ་རྣམ་པར་དག་པས་སྦྱར་ཏེ་སྨོན་ལམ་དུ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པ་རྣམས་ཀྱིས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ། ། ༈

[edit]

myong grol rten 'dam ril bu'i dkar chag nor bu'i me long / myong grol rten 'dam ril bu'i dkar chag nor bu'i me long zhes bya ba bzhugs so/__/oM swa sti sid+d+haM/__sems can kun la dus rtag tu/__/snying rje'i spyan ras mi zum pas/__/brtse ba'i gzigs pa lhur mdzad pa'i/__/'phags mchog phyag na pad+mor 'dud/__/de la 'dir 'brel tshad kyi yid can kun la sman par 'dod pa'i bsam pa rnam par dag pas kun nas bslangs te/__dge byed ces pa chu pho stag gi lo'i sa ga zla bar dpal e waM thar pa rtser sbyar bas mtshon/__snga phyir 'du bgyis pa'i myong grol gyi ril bu 'dir rten 'dam ji ltar 'dres pa'i tshul mdo tsam brjod na/__rdzogs pa'i sangs rgyas kyi 'phel gdungs lnga/__sangs rgyas 'od srung dang /__gser thub sogs kyi ring bsrel rten 'dam/__rgya gar 'phags pa'i yul du slob dpon gsang ba dang /__sangs rgyas ye shes zhabs/__ma hA paN+Di ta shAkya shrI/__gangs can gyi ljongs su 'jam dbyangs sa skya paN+Di ta sogs gong ma rim byon rnams kyis rim par rta spel mdzad pa'i dpal sa skya pa'i rten 'dam dpe bral ma zhes dkar chag rgyas pa logs su gsal ltar gyi ril bu rdog bcu phrag__/bde bar gshegs pa bdun gyi ring bsrel las grub pa'i rten 'dam/__sa chen kun dga' snying po/__slob dpon bsod nams rtse mo/__rje btsun grags pa/__sa paN/__'phags pa rin po che rnams kyi bdud rtsi ril bu rdog gnyis re/__yang gong ma lnga'i bdud rtsi ril bu gcig tu bsdus pa'i rten 'dam/__ngor chen rdo rje 'chang chen po'i bdud rtsi ril bu rdog bdun/__kun mkhyen bsod nams seng+ge /__'jam dbyangs kun dga' grol mchog__/sngags 'chang kun dga' rin chen/__sngags 'chang grags pa blo gros/__'jam dbyangs bsod nams dbang po/__'jam mgon kun dga' bsod nams/__rtse gdong khri chen bsod nams bstan 'dzin/__mkhan chen ngag dbang chos grags/__shar chen shes rab 'byung gnas/__mkhan chen sangs rgyas phun tshogs rnams kyi bdud rtsi ril bu cha shas tshar chen rdo rje 'chang gi bdud rtsi sman sgrubs/__'jam dbyangs mkhyen brtse'i dbang phyug gi thugs rje chen po'i myong grol ril bu sems can 'bum tsho gsum grol ba'i lung bstan thob pa'i khyad 'phags gnas gsar ba legs pa'i 'byung gnas dang /__sa chen kun dga' blo gros kyi bdud rtsi ril bu/__rje de nyid kyis lam 'bras slob bshad gnang ba'i skabs bdag med ma'i byin rlabs kyi bdud rtsi khol ba'i ril bu/__ljags gul byin ldan/__rdo rje 'chang byams pa nam mkha' 'chi med/__rdo rje 'chang byams pa kun dga' bstan 'dzin/__byams pa rnal 'byor 'jam dpal bzang po/__'jam mgon rdo rje rin chen rnams kyis bsgrub pa'i bdud rtsi ril bu phon mang /__ngor chen rdo rje 'chang chen po'i dbu zhwa dang /__na bza'i tshal bu/__spur tsha/__rgyal tshab kun dga' dbang phyug gi na bza'/__yongs 'dzin dkon mchog 'phel ba'i na bza' dang /__spur tsha/__ngor chen dkon mchog lhun grub/__tshar chen rdo rje 'chang /__thar rtse paN chen nam mkha' dpal bzang /__brang ti nam mkha' sangs rgyas/__mus chen dkon mchog rgya mtsho/__khyab bdag dbang phyug rab brtan/__mgon po bsod nams mchog ldan/__thar rtse nam mkha' bsam 'grub/__mkhan chen dpal ldan chos skyong /__sa chen kun dga' blo gros/__shar chen mi 'gyur rgya mtshan/__mkhan chen nam mkha' 'chi med rnams kyi na bza'i tshal bu/__'jam mgon sangs rgyas phun tshogs sogs kyis sgrubs gnang 'jam dbyangs smra seng ril bu d+hIhrIH'i rgya can/__dbyangs can ril bu/__rigs gsum mgon po dang /__/dbyangs can ma dmar mo'i bum chu ril bu/__sa skya gong ma rim byon gyi tshe ril/__gzhan yang sa ngor gyi bdud rtsi ril bu gsar rnying shin tu phon mang ba bcas dang /__mnyam med jo bo rje dpal ldan a ti sha'i chos gos kyi tshal bu/__'brom ston pa'i tshems kyi cha shas/__byang sems zla ba rgyal mtshan gyi byang sems/__kun mkhyen bu ston rin po che'i gdung sa/__rje btsun mi la ras pa'i ring bsrel/__rje sgam po pa'i na bza'/__karma pak+shi'i thugs/__rang byung rdo rje'i zhal 'gram/__rje karma pa rol pa'i rdo rje/__chos grags rgya mtsho/__mi bskyod rdo rje/__chos dbyings rdo rje/__ye shes rdo rje/__byang chub rdo rje/__bdud 'dul rdo rje/__zhwa dmar ye shes snying po/__dpal chen chos kyi don grub/__rgyal tshab grags pa don grub/__dpa' bo gtsug lag phreng ba/__gtsug lag dga' ba/__si tu chos kyi rgyal mtshan/__bsod nams rnam rgyal/__chos kyi 'byung gnas/__rig 'dzin tshe dbang nor bu/__'brug pa bka' brgyud phrin las shing rta rnams kyi na bza'/__'brug pa thams cad mkhyen pa pad+ma dkar po'i shangs mtshal/__dpa' bo gtsug lag phreng ba'i spur ras/__dam rdzas myong grol ril nag chen po phon mang /__'brug pa'i dam rdzas 'ja' zug ma/__'bri gung pa'i rten 'dus dang /__ma Ni ril bu/__stag lung pa'i rten 'dus/__bka' brgyud spyi'i rten 'dus/__grub chen khyung po rnal 'byor gyi ring bsrel/__grub chen thang stong rgyal po'i na bza'/__sgom thag tshe ril/__cong zhi'i bcud len mdzad pa'i gsang chab kyi ril bu/__rgyal ba btsong kha pa chen po'i na bza'/__paN chen blo bzang chos rgyan gyi na bza'/__rgyal dbang lnga pa rin po che'i dbu lo/__khrus ril/__bdun pa bskal bzang rgya mtsho'i 'gan sbyar gyi cha shas/__dge lugs rten 'dus dang /__ma Ni ril bu/__bcu gcig zhal dang /__rnam 'joms kyi khrus ril/__lcang skya thams cad mkhyen pa ye shes bstan pa'i rgyal mtshan gyis sbyar gnang rten 'dus chen mo rdor sems ril bu dkar chag rgyas par logs su gsal ba ltar rdog gsum/__spyan ras gzigs sprul dri med snying po dang /__pad+ma dkar po'i sku sha gter byon khyad 'phags/__skye bdun rigs lnga'i sku sha gdung rus/__skye bdun ril bu kha shas/__bram ze'i sku sha las 'phel ba'i ring bsrel khyad 'phags/__rig 'dzin shrI sed+ha'i dbu skra/__gu ru yab yum dbu skra/__na bza'/__gu ru yab yum byang sems ril bu/__shangs mtshal ril bu/__bdud rtsi ril bu/__dam tshig ril bu/__slob dpon chen po nas g.ya' ri gangs ri sogs su sgrubs pa mdzad pa'i dam rdzas kun gyi bcud 'dus ril bu/__gter rdzas myong grol hrIHrgya can gsum/__bde stong ril bu a rgya can gsum/__gter chen ran+ta gling pa'i tshe ril/__slob dpon chen po nas sgrub pa'i bdud rtsi chos sman gter byon/__'ja' tshon snying po'i rten 'dus/__bdud 'dul gter byon dam rdzas yid bzhin nor bu/__/myong grol mkha' spyod ril bu/__pad+ma badz+ra dam rdzas kun 'dus phab rta/__sgrol dkar yid bzhin 'khor lo'i tshe ril bcas/__stag sham gter byon/__dam rdzas zla shel chen mo/__bdud 'dul stag sham gnyis kyi dam rdzas spel ma/__gnam chos mi 'gyur rdo rje'i myong grol ril bu/__rig 'dzin chos rje gling pa'i 'ja' lus rdo rje'i srog sgrubs kyi tshe ril rta spel/__snang ba mtha' yas dang /__thugs rje chen po'i snying po dung phyur mang po'i sgo nas sgrub pa'i ril bu/__thugs rje chen po'i gzungs sgrubs ril bu/__bla ma gsang ba 'dus pa/__yang zab dkon mchog spyi 'dus/__sku gsum pad+ma 'od 'bar rnams kyi skye bdun sgrubs chen ril bu/__bla ma dgongs pa 'dus pa/__yi dam bka' brgyad bder gshegs 'dus pa/__gsang ba yongs rdzogs/__rang byung rang shar/__thugs kyi me long sogs kyi sgo nas sgrubs pa'i bdud rtsi sman sgrub/__snga 'gyur bka' ma'i dkyil 'khor chen po 'og min tshogs chen 'dus pa/__sgyu 'phrul zhi khro/__yang dag__/mnyam sbyor/__dong sprugs sogs dang /__zhi khro khri mchod mang po'i sgo nas sgrubs pa'i bum chu ril bu/__bka' brgyad kyi sgos bka' so so'i sgo nas sgrubs pa'i ril bu/__mkha' 'gro nyang gter rdo rje phag mo lha lnga'i dkyil 'khor du byin gyis brlabs pa'i bdud rtsi ril bu/__kaHthog bla rab bcu gsum tshun gyi bum chu ril bu/__gter chen mnga' bdag nyang /__gu ru chos dbang /__rig 'dzin rgod ldem/__pad+ma gling pa rnams kyi gter shog 'khrul med/__bdud 'dul sgrol dkar shog ser/__klong gsal ye shes rab 'bar rtsa rgyud dang /__tshe sgrub yang gsang bla med shog ser/__lo chen bai ro'i phyag bris rgya dpe/__slob dpon rin po che dang /__lang gro lo tsA ba dkon mchog 'byung gnas kyi na bza' gter byon/__gter chen gu ru chos dbang dbu zhwa/__kun mkhyen dri med 'od zer gyi gdung rus/__/byang bdag bkra shis stobs rgyal/__rig 'dzin ngag gi dbang po/__kun bzang pad+ma phrin las/__chos rgyal gter bdag gling pa/__lo chen d+harma shrI rnams kyi na bza'/__skye bdun du grags pa 'khrul zhig dbang drag rgya mtsho'i sku sha__/stag bla pad+ma ma ti'i na bza'/__bdud 'dul rdo rje'i sku ber/__rig 'dzin klong gsal snying po/__grub dbang pad+ma rig 'dzin/__rig 'dzin kun bzang shes rab/__rgyal sras bsod nams lde'u btsan sogs kyi na bza'/__rnying lugs kyi rten 'dus phyag dril 'ja' zug ma/__gzhan yang jo bo rnam gnyis kyi sku la khrus chab gsol ba'i ril bu/__grub chen thang stong rgyal pos 'dzam gling lan gsum bskor ba'i sa sna chu sna'i ril bu/__rgya gar rdo rje gdan gyi byang chub shing gi lo ma/__bal yul mchod rten chen mo'i srog shing rnying pa'i cha shas/__deng sang grags tshod kyi rgya gar shI gu ri/__rtswa mchog grong /__mchod rten rnam dag drung /__chu bo ne rany+dza na sogs dang /__bal yul 'phags pa shing kun/__bya rung kha shor/__a su ra/__yang le shod sogs gnas chen du ma/__stod gangs ri nas bzung ste smad rong btsan bar gyi bod yul gyi gnas chen yongs grags phal cher gyi sa sna/__chu sna/__shing sna/__bsam yas g.ya' ma lung dang sbas yul pad+mo bkod pa'i tshe chu sogs sbas gnas mang po'i tshe chu ril bu/__rtswa khyad par can myong grol klu bdud rdo rje'i zil dngar/__rgya nag ri bo rtse lnga dang /__glang chen 'gying ri/__'jang yul ri bo bya rkang sogs gnas chen mang po'i sman dang /__sa sna/__chu sna/__kun mkhyen si tu rin po che nas sbyar ba'i rin chen ril nag chen mo rdog gsum/__phyis su sbyar ba'i ril nag rdog lnga/__si tu rin po che nas sbyar ba'i rin chen mang sbyor chen mo rdog gsum/__yang zab rin chen ril bu rdog gcig__/sprul sku karma rat+nas sbyar ba'i dbang ril shel dkar mchod rten rdog gcig__/dbang ril rta rim rdog gnyis/__bsam 'phel rat+na rdog kha shas/__snga phyir sbyar ba'i dngul chu btso bkru chen mo/__phyis su sbyar ba'i rin chen tsha sbyor rdog kha shas bcas phyogs gcig tu sbyar nas/__zhwa lu ri sbugs su paN chen ga ya d+ha ra'i bum pa bum chu dang bcas par/__bu ston thams cad mkhyen bas dus kyi 'khor lo/__dpal rtse dbyings gsum/__rnam snang mngon byang /__don yod zhags pa sogs rgyud sde rnam bzhi'i sgrub mchod gnang ba'i bum chu khyad par can/__rgyud sde lnga bcu rtsa gnyis kyi bum chu/__rdul tshon/__sa skya'i ga ya d+ha ra'i bum chu'i rgyun/__ngor e waM pa'i ga ya d+hA ra'i bum chu/__ngor lugs dkyil 'khor bdun gyi bum chu dang /__rdul tshon/__gzhan yang snga phyir mkhan chen rdo rje 'chang sogs las thob pa'i/__dbang /__byin rlabs/__rjes gnang sum brgya lhag tsam gyi bum chu/__rdul tshon/__bzlas lung gi me tog sogs kyang 'dres par byas nas/__rab byung bcu bzhi pa'i mdzes byed ces pa chu yos lo'i sa ga zla ba'i nang du grub par bgyis pa las slar yang zil gnon ces pa me pho rta yi lo'i snron zla ba'i dkar phyogs kyi tshes bcur rten khyad par can 'ga' zhig gsar bsnan dang bcas te bla ma gsang ba 'dus pa'i dkyil 'khor du byin gyis brlabs pa'i ril bu 'di nyid mthong thos dran reg gi 'gro kun 'phags mchog phyag na pad+mo'i go 'phang myur du thob pa'i rgyur gyur cig__/zhes pa'ang shAkya'i dge slong many+dzu g+ho Shas lhag pa'i bsam pa rnam par dag pas sbyar te smon lam du btab pa de de bzhin du 'grub par bla ma rgyal ba sras dang bcas pa rnams kyis byin gyis brlab tu gsol/__sarba dA ka l+yA NaM b+ha ba tu/_/_!