JKW-KABUM-21-ZHA-002-002

🚧 This website is under continued development. We appreciate your patience!

Previous Text Back to Volume PageNext Text

གནས་ཆོག་ཟིན་བྲིས།

Wylie title	gnas chog zin bris
Location	mkhyen brtse'i bka' 'bum Volume 21, sde tshan 2, Text 2, Pages 136-137 (Folios 9b2 to 10a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gnas chog zin bris. In 'jam dbyangs mkhyen brtse'i dbang po'i bka' 'bum, Vol. 21: 136-137. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris
Colophon	།འདི་འཇམ་མགོན་ངག་དབང་ལེགས་གྲུབ་ཀྱི་ལྗགས་བསྒྲིགས་དྲྭ་སྒང་སྤར་མ་དེའི་ཕྱག་ལེན་ཐོ་གནང་བ་ལགས།
	'di 'jam mgon ngag dbang legs grub kyi ljags bsgrigs drwa sgang spar ma de'i phyag len tho gnang ba lags

1 Texts in this Section (sde tshan or chos tshan)

2 136-137	གནས་ཆོག་ཟིན་བྲིས། gnas chog zin bris Notes - zin bris	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གནས་བརྟན་ཆོ་ག་ལ། སྐུ་བརྙན་མདུན་སྟེགས་དང་པོར་གཏོར་མ་དཀར་ཟླུམ་ཆ་བཞི། དེ་འོག་དང་ཉེ་ལོགས་གང་བདེར་མཎྜལ་ཚོམ་བུ་བདུན་མ་དང་། མཆོད་པ་རྣམ་བདུན་ཆ་ཉེར་གཉིས། དེ་སྟེང་སྤོས་དང་། མར་མེ་དང་། ཞལ་ཟས་གསུམ་ལྷག་གང་འབྱོར་བཅས་གཙང་ཞིང་བཀོད་པས་མཛེས་པར་བཤམ། ཚོགས་པ་རྣམས་ཀྱི་མདུན་དུ་མཎྜལ། ཁྲུས་ཆས། འཐོར་ནས། ཏིང་ཤག །སིལ་སྙན། རྔ་རྒྱ་གླིང་། དུང་དཀར་བཅས་འདུ་བྱ། །ཐོག་མར་འདུས་པ་ན་སྒོ་དྲུང་དུ་ཆབ་བླང་། ལྷྭམ་ཕུད། ནང་དུ་ཞུགས་ནས་རྟེན་ལ་ཕྱག་བྱས་ཏེ་རང་རང་གི་གྲལ་དུ་འཁོད། དཀོན་མཆོག་རྗེས་དྲན་ནས་ལོ་པཎ་སྤྱི་བསྟོད་བར་ཆོས་སྤྱོད་དཀྱུས་ལྟར་བཏང་། དེ་ནས་རྣམ་རྒྱལ་སྟོང་མཆོད་ལྟར་གསོ་སྦྱོང་བླང་། འདི་སྐབས་ཕྱག་འཚལ་དུས་བློ་ལ་ཡོད་ན་ལངས་ཏེ་དངོས་སུ་ཕྱག་བྱ། སྡོམ་བཟུང་ལ་ཙོག་པུར་ཐལ་མོ་སྦྱར། དེ་རྗེས་སྐྱབས་འགྲོ་ནས་བཟུང་ཆོ་ག་གཞུང་ལྟར་བསྒྲིགས་འདོན་དལ་བུས་བྱ། སྤྱན་འདྲེན་སྐབས་བཞེངས་ནས་བླ་མ་སོགས་ཀྱིས་སྤོས་རིང་དང་། མཆོད་དཔོན་གྱིས་དུང་ཆུ་ཐོགས་ལ་རོལ་མོའི་སྐབས་བཟེད་ཞལ་དུ་དུང་ཆུ་སྦྲེང་། ཁྲུས་ཀྱི་སྐབས་མཆོད་དཔོན་གྱིས་དངོས་སུ་ཁྲུས་གསོལ་སོགས་བྱ། ཡན་ལག་བདུན་པའི་རྗེས་མཎྜལ་ས་གཞི་སྤོས་བྱུགས་བརྒྱ་རྩ་སོགས་ཉི་ཚོད་དང་བསྟུན་ནས་གང་གྲུབ་དང་། ཕྱག་མཆོད་ཚིགས་བཅད་མ་ཚར་༢༡སོགས་གང་གྲུབ་གསོག །ཞྭ་ཡོད་ན་སྤྱན་འདྲེན། ཁྲུས་གསོལ། བཀྲ་ཤིས་རྣམས་ཀྱི་སྐབས་སུ་གྱོན། རྗེས་སུ་བརྟན་བཞུགས་མ་གཏོགས་གཤེགས་གསོལ་མི་དགོས། བཀྲ་ཤིས་རྗེས་སྨོན་ལམ་རྣམ་ལྔའམ། བཟང་སྤྱོད་སྨོན་ལམ་ཙམ་ཉི་ཚོད་དང་བསྟུན་ནས་གང་ཚར་འདོན་ལ་གྲོལ། འདི་ཉིན་གསོ་སྦྱོང་བླངས་པ་ཡིན་པས་གུང་ཚིགས་དགོངས་བཅད་སོགས་ཞིབ་ཆ་དགོས་སོ། །འདི་འཇམ་མགོན་ངག་དབང་ལེགས་གྲུབ་ཀྱི་ལྗགས་བསྒྲིགས་དྲྭ་སྒང་སྤར་མ་དེའི་ཕྱག་ལེན་ཐོ་གནང་བ་ལགས། ། ༈

[edit]

gnas chog zin bris/__ gnas brtan cho ga la/__sku brnyan mdun stegs dang por gtor ma dkar zlum cha bzhi/__de 'og dang nye logs gang bder maN+Dal tshom bu bdun ma dang /__mchod pa rnam bdun cha nyer gnyis/__de steng spos dang /__mar me dang /__zhal zas gsum lhag gang 'byor bcas gtsang zhing bkod pas mdzes par bsham/__tshogs pa rnams kyi mdun du maN+Dal/__khrus chas/__'thor nas/__ting shag__/sil snyan/__rnga rgya gling /__dung dkar bcas 'du bya/__/thog mar 'dus pa na sgo drung du chab blang /__l+h+wam phud/__nang du zhugs nas rten la phyag byas te rang rang gi gral du 'khod/__dkon mchog rjes dran nas lo paN spyi bstod bar chos spyod dkyus ltar btang /__de nas rnam rgyal stong mchod ltar gso sbyong blang /__'di skabs phyag 'tshal dus blo la yod na langs te dngos su phyag bya/__sdom bzung la tsog pur thal mo sbyar/__de rjes skyabs 'gro nas bzung cho ga gzhung ltar bsgrigs 'don dal bus bya/__spyan 'dren skabs bzhengs nas bla ma sogs kyis spos ring dang /__mchod dpon gyis dung chu thogs la rol mo'i skabs bzed zhal du dung chu sbreng /__khrus kyi skabs mchod dpon gyis dngos su khrus gsol sogs bya/__yan lag bdun pa'i rjes maN+Dal sa gzhi spos byugs brgya rtsa sogs nyi tshod dang bstun nas gang grub dang /__phyag mchod tshigs bcad ma tshar 21sogs gang grub gsog__/zhwa yod na spyan 'dren/__khrus gsol/__bkra shis rnams kyi skabs su gyon/__rjes su brtan bzhugs ma gtogs gshegs gsol mi dgos/__bkra shis rjes smon lam rnam lnga'am/__bzang spyod smon lam tsam nyi tshod dang bstun nas gang tshar 'don la grol/__'di nyin gso sbyong blangs pa yin pas gung tshigs dgongs bcad sogs zhib cha dgos so/__/'di 'jam mgon ngag dbang legs grub kyi ljags bsgrigs drwa sgang spar ma de'i phyag len tho gnang ba lags/___/___!_