JKW-KABUM-12-NA-001-003

🚧 This website is under continued development. We appreciate your patience!

Previous Text Back to Volume PageNext Text

བཅོམ་ལྡན་འདས་སྨན་གྱི་བླ་མའི་རྗེས་གནང་གི་བརྒྱུད་འདེབས་ཨུཏྤལ་ཕྲེང་མཛེས།

Wylie title	bcom ldan 'das sman gyi bla ma'i rjes gnang gi brgyud 'debs ut+pal phreng mdzes
Location	mkhyen brtse'i bka' 'bum Volume 12, sde tshan 1, Text 3, Pages 45-48 (Folios 23a6 to 24b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bcom ldan 'das sman gyi bla ma'i rjes gnang gi brgyud 'debs ut+pal phreng mdzes. In 'jam dbyangs mkhyen brtse'i dbang po'i bka' 'bum, Vol. 12: 45-48. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs
Deity	sman bla mched bdun
Colophon	།ཞེས་པའང་དགེ་སློང་གུ་ཎ་ལཀྵྨཱིའི་བཞེད་སྐོང་དུ་ཆོས་སྨྲ་བའི་གཟུགས་བརྙན་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷཱི་རསྟུ།།
	/zhes pa'ang dge slong gu Na lak+Sh+mI'i bzhed skong du chos smra ba'i gzugs brnyan mkhyen brtse'i dbang pos gsol ba btab pa sid+d+hI rastu

1 Texts in this Section (sde tshan or chos tshan)

3 45-48	བཅོམ་ལྡན་འདས་སྨན་གྱི་བླ་མའི་རྗེས་གནང་གི་བརྒྱུད་འདེབས་ཨུཏྤལ་ཕྲེང་མཛེས། bcom ldan 'das sman gyi bla ma'i rjes gnang gi brgyud 'debs ut+pal phreng mdzes Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །བཅོམ་ལྡན་འདས་སྨན་གྱི་བླ་མའི་རྗེས་གནང་གི་བརྒྱུད་འདེབས་ཨུཏྤལ་ཕྲེང་མཛེས་ཞེས་བྱ་བ་བཞུགས་སོ། །སངས་རྒྱས་སྨན་པའི་རྒྱལ་པོ་ཤཱཀྱའི་ཏོག །འཇམ་དབྱངས་ཞི་འཚོ་ཁྲི་སྲོང་སད་ན་ལེགས། །ཁྲི་རལ་དཔལ་རྡོར་འོད་སྲུང་དཔལ་འཁོར་བཙན། །སྐྱིད་སྡེ་ཉི་མ་མགོན་ལ་གསོལ་བ་འདེབས། །བཀྲ་ཤིས་ལྡེ་དང་ལྷ་བཙུན་ཡེ་ཤེས་འོད། །ལྷ་ལྡེ་འོད་ལྡེ་རྩེ་ལྡེ་དགྲ་བཅོམ་པ། །ཤེས་རབ་གྲགས་པ་དར་མ་རྒྱལ་མཚན་དང་། །དཔལ་ལྡན་གྲོ་བ་རྣམས་ལ་གསོལ་བ་འདེབས། །སངས་རྒྱས་སྒོམ་པ་སྙིང་པོ་རྒྱལ་མཚན་ཞབས། །སྤྲུ་ལུང་པ་དང་གྲགས་དཔལ་བསོད་ནམས་གྲགས། །རྒྱལ་སྲས་ཐོགས་མེད་འཁུས་ལོ་དཔལ་ཡེའི་མཚན། །སེང་གེ་རྒྱལ་མཚན་རྣམས་ལ་གསོལ་བ་འདེབས། །དཀོན་མཆོག་རྒྱལ་མཚན་གྲགས་སེང་བློ་བཟང་པ། །མཁྱེན་རབ་ཆོས་རྗེ་སྤྱན་སྔ་ངག་གི་དབང་། །ཀུན་དགའ་ཆོས་གྲགས་མཆོག་ལེགས་བསྟན་འཛིན་བཟང་། །ངག་དབང་ལྷུན་གྲུབ་རྣམས་ལ་གསོལ་བ་འདེབས། །རྨོར་ཆེན་རྗེ་དང་འཇམ་མགོན་གནས་གསར་པ། །ཀུན་དགའ་བློ་གྲོས་ནམ་མཁའ་འཆི་མེད་དང་། །ཐམས་ཅད་མཁྱེན་པ་ཀུན་དགའ་བསྟན་འཛིན་ཞབས། །རྩ་བའི་བླ་མ་རྣམས་ལ་གསོལ་བ་འདེབས། །དཔལ་ལྡན་རྩ་བརྒྱུད་བླ་མའི་ཚོགས་རྣམས་ལ། །གུས་པས་ཕྱག་འཚལ་མཆོད་སྤྲིན་རྒྱ་མཚོས་མཆོད། །སྡིག་ལྟུང་ཀུན་བཤགས་དགེ་ལ་རྗེས་ཡི་རང་། །བསྐལ་བརྒྱར་ཞབས་བརྟན་ཆོས་འཁོར་བསྐོར་བར་བསྐུལ། །དེ་ལྟར་བསགས་ལས་བྱུང་བའི་དགེ་ཚོགས་ཀུན། །བྱང་ཆུབ་སྙིང་པོར་ཡོངས་སུ་བསྔོས་པའི་མཐུས། །བདག་གཞན་འགྲོ་ཀུན་སྐྱེ་བ་ཐམས་ཅད་དུ། །ཐེག་མཆོག་བཤེས་ཀྱིས་རྗེས་སུ་བཟུང་གྱུར་ཅིག །སྲི་ལས་ངེས་འབྱུང་ཚུལ་ཁྲིམས་རྣམ་པར་དག །རྒྱལ་སྲས་སྤྱོད་པ་རྒྱ་མཚོས་རྒྱུད་སྦྱངས་ཤིང་། །བདག་དང་ཕུང་པོ་རྣམ་རིག་ལས་འདས་པའི། །དོན་དམ་བྱང་ཆུབ་སེམས་མཆོག་རྟོགས་པར་ཤོག །ཁྱད་པར་བདེ་གཤེགས་སྨན་པའི་རྒྱལ་པོ་ཡི། །ཡིད་འོང་མཚན་དཔེའི་སྣང་བརྙན་ལེགས་བསྒོམས་ཤིང་། །གཟུངས་སྔགས་ཟབ་མོའི་བཟླས་བརྗོད་བརྩོན་པའི་མཐུས། །སྒྲིབ་གཉིས་རྒྱུར་བཅས་ལྷག་མེད་འཇིལ་གྱུར་ཅིག །གཞན་ཡང་ནད་གདོན་ཉེར་འཚེ་ཀུན་ཞི་ཞིང་། །ཚེ་དཔལ་འབྱོར་པའི་སྐལ་བཟང་རབ་རྒྱས་ནས། །གནས་སྐབས་མཐར་ཐུག་ཕན་དང་བདེ་བ་ཡི། །ཆོས་མཐུན་བསམ་སྦྱོར་ཡིད་བཞིན་འགྲུབ་པར་ཤོག །ཚེ་ཡི་མཐར་ཡང་བདེ་གཤེགས་སྲས་བཅས་ཀྱིས། །མངོན་སུམ་རྗེས་བཟུང་གསུང་གིས་དབུགས་དབྱུང་ཞིང་། །དག་པའི་ཞིང་དུ་རྫུས་ཏེ་སྐྱེས་ནས་ཀྱང་། །དོན་གཉིས་མྱུར་དུ་འགྲུབ་པར་བྱིན་གྱིས་རློབས། །ཞེས་པའང་དགེ་སློང་གུ་ཎ་ལཀྵྨཱིའི་བཞེད་སྐོང་དུ་ཆོས་སྨྲ་བའི་གཟུགས་བརྙན་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷཱི་རསྟུ།། །། ༈

[edit]

bcom ldan 'das sman gyi bla ma'i rjes gnang gi brgyud 'debs ut+pal phreng mdzes/_ @#/_/bcom ldan 'das sman gyi bla ma'i rjes gnang gi brgyud 'debs ut+pal phreng mdzes zhes bya ba bzhugs so/__/sangs rgyas sman pa'i rgyal po shAkya'i tog__/'jam dbyangs zhi 'tsho khri srong sad na legs/__/khri ral dpal rdor 'od srung dpal 'khor btsan/__/skyid sde nyi ma mgon la gsol ba 'debs/__/bkra shis lde dang lha btsun ye shes 'od/__/lha lde 'od lde rtse lde dgra bcom pa/__/shes rab grags pa dar ma rgyal mtshan dang /__/dpal ldan gro ba rnams la gsol ba 'debs/__/sangs rgyas sgom pa snying po rgyal mtshan zhabs/__/spru lung pa dang grags dpal bsod nams grags/__/rgyal sras thogs med 'khus lo dpal ye'i mtshan/__/seng ge rgyal mtshan rnams la gsol ba 'debs/__/dkon mchog rgyal mtshan grags seng blo bzang pa/__/mkhyen rab chos rje spyan snga ngag gi dbang /__/kun dga' chos grags mchog legs bstan 'dzin bzang /_/ngag dbang lhun grub rnams la gsol ba 'debs/__/rmor chen rje dang 'jam mgon gnas gsar pa/__/kun dga' blo gros nam mkha' 'chi med dang /__/thams cad mkhyen pa kun dga' bstan 'dzin zhabs/__/rtsa ba'i bla ma rnams la gsol ba 'debs/__/dpal ldan rtsa brgyud bla ma'i tshogs rnams la/__/gus pas phyag 'tshal mchod sprin rgya mtshos mchod/__/sdig ltung kun bshags dge la rjes yi rang /__/bskal brgyar zhabs brtan chos 'khor bskor bar bskul/__/de ltar bsags las byung ba'i dge tshogs kun/__/byang chub snying por yongs su bsngos pa'i mthus/__/bdag gzhan 'gro kun skye ba thams cad du/__/theg mchog bshes kyis rjes su bzung gyur cig__/sri las nges 'byung tshul khrims rnam par dag__/rgyal sras spyod pa rgya mtshos rgyud sbyangs shing /__/bdag dang phung po rnam rig las 'das pa'i/__/don dam byang chub sems mchog rtogs par shog__/khyad par bde gshegs sman pa'i rgyal po yi/__/yid 'ong mtshan dpe'i snang brnyan legs bsgoms shing /__/gzungs sngags zab mo'i bzlas brjod brtson pa'i mthus/__/sgrib gnyis rgyur bcas lhag med 'jil gyur cig__/gzhan yang nad gdon nyer 'tshe kun zhi zhing /__/tshe dpal 'byor pa'i skal bzang rab rgyas nas/__/gnas skabs mthar thug phan dang bde ba yi/__/chos mthun bsam sbyor yid bzhin 'grub par shog__/tshe yi mthar yang bde gshegs sras bcas kyis/__/mngon sum rjes bzung gsung gis dbugs dbyung zhing /__/dag pa'i zhing du rdzus te skyes nas kyang /__/don gnyis myur du 'grub par byin gyis rlobs/__/zhes pa'ang dge slong gu Na lak+Sh+mI'i bzhed skong du chos smra ba'i gzugs brnyan mkhyen brtse'i dbang pos gsol ba btab pa sid+d+hIr_stu//___//__!