JKW-KABUM-20-WA-001-042

🚧 This website is under continued development. We appreciate your patience!

Previous Text Back to Volume PageNext Text

དགེ་སློང་སྡེ་སྣོད་འཛིན་པ་ངག་དབང་སྙན་གྲགས་ཀྱི་འཕྲིན་ལན།

Wylie title	dge slong sde snod 'dzin pa ngag dbang snyan grags kyi 'phrin lan
Location	mkhyen brtse'i bka' 'bum Volume 20, sde tshan 1, Text 42, Pages 77-78 (Folios 39a3 to 39b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dge slong sde snod 'dzin pa ngag dbang snyan grags kyi 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 77-78. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan
Colophon	བློ་གསལ་མཉྫུ་གྷོ་ཥའི་འཕྲིན་ལན་བདུད་རྩིའི་ཐིག་པའོ།
	blo gsal many+dzu g+ho Sha'i 'phrin lan bdud rtsi'i thig pa'o

1 Texts in this Section (sde tshan or chos tshan)

42 77-78	དགེ་སློང་སྡེ་སྣོད་འཛིན་པ་ངག་དབང་སྙན་གྲགས་ཀྱི་འཕྲིན་ལན། dge slong sde snod 'dzin pa ngag dbang snyan grags kyi 'phrin lan Official Letters - chab shog   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དགེ་སློང་སྡེ་སྣོད་འཛིན་པ་ངག་དབང་སྙན་གྲགས་ཀྱི་འཕྲིན་ལན་བདུད་རྩིའི་འཁྲི་ཤིང་ངོ་། །ཙྪནྡཱབཱཀྟྲཾནཱམསྱཔྲསྟཱརེ། ངག་གི་དབང་ཕྱུག་དཔལ་ལྡན་བླ་མ་ཡིས། །རྗེས་བཟུང་བློ་གྲོས་ལང་ཚོ་དར་བབས་པས། །སྙན་པའི་གྲགས་དཀར་རྒྱ་མཚོའི་མཐར་འགྲོ་བ། །མཚུངས་མེད་སྨྲ་བའི་ཉི་མ་རྒྱལ་གྱུར་ཅིག ༡ །ཟླ་ཤེལ་ཞུ་བའི་བཅུད་ཀྱིས་རེག་པ་ལས། །ཡིད་འོང་ཀུ་མུ་དཱ་དཔལ་བྱེ་བ་བཞིན། །ཁྱོད་ཀྱི་ལེགས་གསུང་སྙན་པའི་འཕྲིན་ཡིག་གིས། །བསྐུལ་ལས་ཞུ་མཆིད་རྒྱུད་མང་ཅུང་ཟད་བསྒྲེངས། ༢ །གང་ན་ཚོགས་གསུམ་ནོར་བུའི་ཆུ་གཏེར་ཆེ། །བསྲུབས་སྐྱེས་ངོ་མཚར་གཟུགས་སྐུའི་ཀཏྤུར་དབང་། །ཤར་བའི་མོད་ནས་དམ་པའི་ཡོན་ཏན་གྱིས། །ཁོར་ཡུག་ཀུན་དགར་བྱས་པའི་གཏམ་དེ་སྙན། ༣ །དེ་ཚེ་ཚུལ་གནས་ཁྲིམས་ཀྱི་ཟིལ་དངར་གྱིས། །བཤེས་པས་མང་ཐོས་སྐྱེད་ཚལ་དར་བབས་ཤིང་། །ཇི་བཞིན་བསམ་དང་སྒོམ་པའི་འབྲས་བཟང་གིས། །དུད་པས་ཕན་བདེའི་ངལ་འཚོ་གཅིག་ཏུ་གྱུར། ༤ །ཕྱི་ནང་རིག་གཞུང་རྒྱ་མཚོར་མཛའ་བའི་སྤྱན། །འཇམ་དཔལ་མཁྱེན་པའི་སྣང་བ་བྱིན་གྱུར་ཕྱིར། །གཟུར་གནས་ཡི་ག་འགུགས་པའི་རྣམ་ཐར་ལ། །མཁས་ཀུན་བསྔགས་པའི་མེ་ཏོག་ཆལ་ཆིལ་འཐོར། ༥ །ཁྱད་པར་རིང་ན་གནས་པའི་འདམ་སྐྱེས་བདག །མ་འདྲེས་བརྩེ་བའི་ཉིན་མོའི་ཐིག་ལེ་ལས། །ལེགས་འོང་སྤྲིང་ཡིག་རྡུལ་དམར་འཛག་པ་ཡིས། །ཀུན་དགའི་འཛུམ་དཀར་གསར་པ་ཁོང་ནས་དགོད། ༦ །འདི་ན་ཤིན་ཏུ་རྨོངས་པའི་དམ་འོག་ཏུ། །ཆུད་པའི་འདུ་ཤེས་གསུམ་གྱི་ཁོལ་པོ་ཡང་། །སྐྱབས་མཆོག་བླ་མའི་ཐུགས་རྗེའི་བྱིན་རླབས་ལ། །བརྟེན་ནས་འཚོ་བའི་འདུ་བྱེད་མ་ཉམས་ཙམ། ༧ །སླད་མའི་ཆར་ཡང་དོན་ལྡན་གསང་བ་གསུམ། །ཡུན་དུ་འཚོ་ཞིང་གཞེས་དང་ཆབ་གཅིག་པར། །འཆད་རྩོད་རྩོམ་པའི་རྒྱལ་རྔ་བརྡུངས་པའི་སྒྲས། །ས་གསུམ་མ་རིག་གཉིད་ལས་སློང་མཛོད་ཀྱེ། །སརྦ་དཱ་ཤྲེ་ཡོ་བྷ་བ་ཏུ།། །། ༈ བློ་གསལ་མཉྫུ་གྷོ་ཥའི་འཕྲིན་ལན་བདུད་རྩིའི་ཐིག་པའོ། །

[edit]

dge slong sde snod 'dzin pa ngag dbang snyan grags kyi 'phrin lan/ dge slong sde snod 'dzin pa ngag dbang snyan grags kyi 'phrin lan bdud rtsi'i 'khri shing ngo /_/ts+tshan+dAbAk+t+raMnAmas+yaprastAre/___ngag gi dbang phyug dpal ldan bla ma yis/___/rjes bzung blo gros lang tsho dar babs pas/___/snyan pa'i grags dkar rgya mtsho'i mthar 'gro ba/___/mtshungs med smra ba'i nyi ma rgyal gyur cig____1__/zla shel zhu ba'i bcud kyis reg pa las/___/yid 'ong ku mu dA dpal bye ba bzhin/___/khyod kyi legs gsung snyan pa'i 'phrin yig gis/___/bskul las zhu mchid rgyud mang cung zad bsgrengs/___2__/gang na tshogs gsum nor bu'i chu gter che/___/bsrubs skyes ngo mtshar gzugs sku'i kat+pur dbang /___/shar ba'i mod nas dam pa'i yon tan gyis/___/khor yug kun dgar byas pa'i gtam de snyan/__3__/de tshe tshul gnas khrims kyi zil dngar gyis/___/bshes pas mang thos skyed tshal dar babs shing /___/ji bzhin bsam dang sgom pa'i 'bras bzang gis/___/dud pas phan bde'i ngal 'tsho gcig tu gyur/___4__/phyi nang rig gzhung rgya mtshor mdza' ba'i spyan/___/'jam dpal mkhyen pa'i snang ba byin gyur phyir/___/gzur gnas yi ga 'gugs pa'i rnam thar la/___/mkhas kun bsngags pa'i me tog chal chil 'thor/___5__/khyad par ring na gnas pa'i 'dam skyes bdag__/ma 'dres brtse ba'i nyin mo'i thig le las/___/legs 'ong spring yig rdul dmar 'dzag pa yis/___/kun dga'i 'dzum dkar gsar pa khong nas dgod/___6__/'di na shin tu rmongs pa'i dam 'og tu/___/chud pa'i 'du shes gsum gyi khol po yang /___/skyabs mchog bla ma'i thugs rje'i byin rlabs la/____/brten nas 'tsho ba'i 'du byed ma nyams tsam/___7_/slad ma'i char yang don ldan gsang ba gsum/___/yun du 'tsho zhing gzhes dang chab gcig par/___/'chad rtsod rtsom pa'i rgyal rnga brdungs pa'i sgras/___/sa gsum ma rig gnyid las slong mdzod kye/___/sarba dA shre yo b+ha ba tu//_//_!_blo gsal many+dzu g+ho Sha'i 'phrin lan bdud rtsi'i thig pa'o/___/