JKW-KABUM-20-WA-001-043

Previous Text Back to Volume PageNext Text

ན་མཿཤྲཱི་མཱཾ་གུ་ར་བེ། ཞེས་པའི་དབུ་ཅན།

Wylie title	na maH shrI mAM gu ra be/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 43, Pages 78-79 (Folios 39b6 to 40a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. na maH shrI mAM gu ra be zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 78-79. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

Tibetan Text

Wylie

[edit]

ན་མཿཤྲཱི་མཱཾ་གུ་ར་བེ། ཡིད་ལ་འཇམ་དབྱངས་བྱིན་ཞུགས་ཤིང་། །ངག་གིས་འཚོ་བྱུང་རབ་དགྱེས་པའི། །ནོར་བུའི་རྒྱུད་མང་བསྒྲེངས་མཁས་པས། །འཕྲིན་ཡིག་རྟེན་དང་བཅས་པ་སོན། ༡ །ཇི་ལྟར་ཟླ་བ་འཇིག་རྟེན་ན། །བདུད་རྩིའི་རང་བཞིན་ཉིད་དུ་སྒྲོགས། །དེ་བཞིན་གང་གི་བློ་གྲོས་ཀྱང་། །ལེགས་པར་བཤད་པའི་རང་བཞིན་ཉིད། ༢ །ཉིན་མོར་བྱེད་པས་འབྱེད་མིན་པའི། །བདག་ཡིད་པདྨོ་གསར་པའི་ཁ། །ཁྱོད་ཀྱི་ཡོན་ཏན་གྱིས་ཕྱེས་པས། །དམ་ཆོས་དགའ་སྟོན་ཕན་ཚུན་ཆགས། ༣ །འདི་ན་ལྕགས་ཀྱུས་བཏང་བ་ཡི། །ལག་ལྡན་མྱོས་པ་ཇི་ལྟ་བར། །སེམས་ནི་ཞི་ལ་མི་གནས་ཀྱང་། །ལང་ཚོའི་འདུ་བྱེད་བདེ་བར་མཆིས། ༤ །སླར་ལ་འཚོ་ཁམས་ལྗོན་བཟང་དང་། །བྱང་ཆུབ་སྤྱོད་པའི་ཨུཏྤ་ལ། །མཉམ་དུ་རྒྱས་པའི་དགེ་མཚན་གྱིས། །ཕན་བདེའི་འབྲས་བུ་འཛིན་གྱུར་ཅིག །སརྦ་དཱ་ཤུབྷཾབྷུཡེཏ྄།། །། ༈

[edit]

na maHshrI mAM gu ra be/_zhes pa'i dbu can/ na maHshrI mAM gu ra be/___yid la 'jam dbyangs byin zhugs shing /___/ngag gis 'tsho byung rab dgyes pa'i/___/nor bu'i rgyud mang bsgrengs mkhas pas/___/'phrin yig rten dang bcas pa son/___1__/ji ltar zla ba 'jig rten na/___/bdud rtsi'i rang bzhin nyid du sgrogs/___/de bzhin gang gi blo gros kyang /___/legs par bshad pa'i rang bzhin nyid/___2__/nyin mor byed pas 'byed min pa'i/___/bdag yid pad+mo gsar pa'i kha/___/khyod kyi yon tan gyis phyes pas/___/dam chos dga' ston phan tshun chags/___3__/'di na lcags kyus btang ba yi/___/lag ldan myos pa ji lta bar/___/sems ni zhi la mi gnas kyang /___/lang tsho'i 'du byed bde bar mchis/___4__/slar la 'tsho khams ljon bzang dang /___/byang chub spyod pa'i ut+pa la/___/mnyam du rgyas pa'i dge mtshan gyis/___/phan bde'i 'bras bu 'dzin gyur cig__/sarba dA shub+haMb+huyeta?//__//__!