JKW-KABUM-03-GA-001-009

🚧 This website is under continued development. We appreciate your patience!

Previous Text Back to Volume PageNext Text

དབུ་མ་ཐལ་རང་གཉིས་ཀྱི་ཁྱད་པར་སོགས།

Wylie title	dbu ma thal rang gnyis kyi khyad par sogs
Location	mkhyen brtse'i bka' 'bum Volume 3, sde tshan 1, Text 9, Pages 212-213 (Folios 106b1 to 107a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dbu ma thal rang gnyis kyi khyad par sogs. In 'jam dbyangs mkhyen brtse'i dbang po'i bka' 'bum, Vol. 3: 212-213. Khams sde dge rdzong sar dgon: Rdzong sar blo gros phun tshogs, 2020.
Genre	Madhyamaka - dbu ma

1 Texts in this Section (sde tshan or chos tshan)

9 212-213	དབུ་མ་ཐལ་རང་གཉིས་ཀྱི་ཁྱད་པར་སོགས། dbu ma thal rang gnyis kyi khyad par sogs Madhyamaka - dbu ma	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དབུ་མ་ཐལ་རང་གཉིས་ཀྱི་ཁྱད་པར་བྱ་བ་ཤིན་ཏུ་མང་། རགས་པར། རྩ་ཤེ་ལས། བདག་ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དག་གང་ལས་ཀྱང་། །སྐྱེ་བ་ནམ་ཡང་ཡོད་མ་ཡིན། །ཅེས་པའི་དོན་འཆད་པ་ན། ཐལ་འགྱུར་བ་རྣམས་ཕྱི་ནང་གི་དངོས་པོ་གང་དག་ཡུལ་དུས་གནས་སྐབས་གང་ནའང་བདག་ལས་སྐྱེ་བ་སོགས་རྣམ་པ་བཞི་ནམ་ཡང་མི་སྲིད་དོ། །ཞེས་པའི་དམ་བཅའ་བཞི་པོ་དེ་ཉིད་བསྟན་ནས། དེའི་ལྡོག་ཕྱོགས་བདག་ལས་སྐྱེ་བ་སོགས་བཞི་ཐལ་འགྱུར་འཕང་པའི་སྒོ་ནས་གཙོ་བོར་བཀག་པས་ཕ་རོལ་པོའི་རྒྱུད་ལ་སྐྱེ་མེད་རྟོགས་པའི་བློ་སྐྱེ་བ་ཡོད་པས། ཕ་རོལ་པའི་རྒྱུད་སྐྱེ་མེད་རྟོགས་པའི་ཚད་མ་སྐྱེ་བར་བྱེད་པ་ལ་ཐལ་འགྱུར་ལས་ལོགས་སུ་རང་རྒྱུད་ཀྱི་རྟགས་འགོད་མི་དགོས་པར་བཞེད། རང་རྒྱུད་པས། དངོས་པོ་རྣམས་བདག་ལས་སྐྱེ་བ་སོགས་ལོག་རྟོག་རྣམ་བཞི་ཐོག་མར་ཐལ་འགྱུར་གྱིས་བཀག་ནས། དེ་རྗེས་དངོས་པོ་སྐྱེ་མེད་དུ་སྒྲུབ་པའི་རྟགས་ངེས་པར་འགོད་དགོས་པར་བཞེད་དོ། །འདི་ནི་དབྱེ་བའི་གཙོ་བོ་དང་། གཞན་ཡང་ཐལ་འགྱུར་བས་ཐ་སྙད་དུའང་གཞན་སྐྱེ་ཁས་མི་ལེན་ཏེ། ཐ་སྙད་དུ་ས་བོན་ལས་མྱུ་གུ་སྐྱེ་ཡང་། ས་བོན་ལས་མྱུ་གུ་གཞན་མིན་པར་བཞེད་པའི་ཕྱིར་དང་། ས་བོན་གྱི་དུས་སུ་མྱུ་གུ་མ་སྐྱེས། མྱུ་གུའི་དུས་སུ་ས་བོན་འགགས་ནས་མེད་པར་བཞེད་པའི་ཕྱིར་རོ། །རང་རྒྱུད་པས་ཐ་སྙད་དུ་གཞན་སྐྱེ་ཁས་ལེན་ཏེ། ས་བོན་ལས་མྱུ་གུ་སྐྱེ་ཞིང་། ས་བོན་ལས་མྱུ་གུ་གཞན་ཡིན་པར་བཞེད་པའི་ཕྱིར་རོ། །ཡང་། ཐལ་འགྱུར་བས་འདུ་བྱེད་ཐམས་ཅད་བསླུ་ཆོས་ཡིན་པས་ཚད་མའང་བསླུ་ཆོས་སུ་བཞེད། རང་རྒྱུད་པས་དེ་ལྟར་མི་འདོད། གྲངས་ངེས་ཀྱང་རང་རྒྱུད་པས་མངོན་རྗེས་གཉིས་ཙམ་དང་། ཐལ་འགྱུར་བས་དེ་སྟེང་དཔེ་ཉེར་འཇལ་དང་། ལུང་ཚད་མ་སྟེ་བཞིར་འདོད། ཐལ་འགྱུར་བས་ཉན་རང་ལ་ཆོས་ཀྱི་བདག་མེད་རྟོགས་པ་ཡོད་པར་འདོད་པ་དང་། མཉམ་གཞག་སྣང་མེད་དུ་འདོད་པ་དང་། སངས་རྒྱས་ཀྱི་སར་སེམས་སེམས་བྱུང་གི་ཟླས་ཕྱེ་བའི་སེམས་བྱུང་མེད་པར་འདོད་པ་དག་རང་རྒྱུད་པས་དེ་ལྟར་མི་འདོད་པ་སོགས་མཐའ་ཀླས་སོ། ། ༈ མདོ་སྡེ་པའི་སྐབས་ཀྱི་རང་མཚན་ནི་དོན་བྱེད་ནུས་པའི་དངོས་པོའམ་མི་རྟག་པ་དང་དོན་གཅིག་སྟེ། དོན་དུ་རྒྱུ་རྐྱེན་གྱི་འདུས་བྱས་ཐམས་ཅད་ལ་ཟེར། མཚན་གཞི་ཀ་བུམ་སོགས། སྤྱི་མཚན་ནི་དོན་བྱེད་མི་ནུས་པའི་ཆོས་མི་རྟག་པ་དང་དོན་གཅིག་སྟེ། རྒྱུ་རྐྱེན་ལས་མ་བྱུང་བའི་འདུས་མ་བྱས་ཐམས་ཅད་ལ་ཟེར་མཚན་གཞི་ནི་ནམ་མཁའ་སོགས་སོ།། །། ༈

[edit]

dbu ma thal rang gnyis kyi khyad par sogs/ dbu ma thal rang gnyis kyi khyad par bya ba shin tu mang /__rags par/__rtsa she las/__bdag las ma yin gzhan las min/__/gnyis las ma yin rgyu med min/__/dngos po gang dag gang las kyang /__/skye ba nam yang yod ma yin/__/ces pa'i don 'chad pa na/__thal 'gyur ba rnams phyi nang gi dngos po gang dag yul dus gnas skabs gang na'ang bdag las skye ba sogs rnam pa bzhi nam yang mi srid do/__/zhes pa'i dam bca' bzhi po de nyid bstan nas/__de'i ldog phyogs bdag las skye ba sogs bzhi thal 'gyur 'phang pa'i sgo nas gtso bor bkag pas pha rol po'i rgyud la skye med rtogs pa'i blo skye ba yod pas/__pha rol pa'i rgyud skye med rtogs pa'i tshad ma skye bar byed pa la thal 'gyur las logs su rang rgyud kyi rtags 'god mi dgos par bzhed/__rang rgyud pas/__dngos po rnams bdag las skye ba sogs log rtog rnam bzhi thog mar thal 'gyur gyis bkag nas/__de rjes dngos po skye med du sgrub pa'i rtags nges par 'god dgos par bzhed do/__/'di ni dbye ba'i gtso bo dang /__gzhan yang thal 'gyur bas tha snyad du'ang gzhan skye khas mi len te/__tha snyad du sa bon las myu gu skye yang /__sa bon las myu gu gzhan min par bzhed pa'i phyir dang /__sa bon gyi dus su myu gu ma skyes/__myu gu'i dus su sa bon 'gags nas med par bzhed pa'i phyir ro/__/rang rgyud pas tha snyad du gzhan skye khas len te/__sa bon las myu gu skye zhing /__sa bon las myu gu gzhan yin par bzhed pa'i phyir ro/__/yang /__thal 'gyur bas 'du byed thams cad bslu chos yin pas tshad ma'ang bslu chos su bzhed/__rang rgyud pas de ltar mi 'dod/__grangs nges kyang rang rgyud pas mngon rjes gnyis tsam dang /__thal 'gyur bas de steng dpe nyer 'jal dang /__lung tshad ma ste bzhir 'dod/__thal 'gyur bas nyan rang la chos kyi bdag med rtogs pa yod par 'dod pa dang /__mnyam gzhag snang med du 'dod pa dang /__sangs rgyas kyi sar sems sems byung gi zlas phye ba'i sems byung med par 'dod pa dag rang rgyud pas de ltar mi 'dod pa sogs mtha' klas so/___/__!_ mdo sde pa'i skabs kyi rang mtshan ni don byed nus pa'i dngos po'am mi rtag pa dang don gcig ste/__don du rgyu rkyen gyi 'dus byas thams cad la zer/__mtshan gzhi ka bum sogs/__spyi mtshan ni don byed mi nus pa'i chos mi rtag pa dang don gcig ste/__rgyu rkyen las ma byung ba'i 'dus ma byas thams cad la zer mtshan gzhi ni nam mkha' sogs so//___//__!_