JKCL-KABUM-12-NA-008

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 12, Text 8, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: . Bir, H.P.: Khyentse Labrang, 2012.
Genre

1 Texts in this Section (sde tshan or chos tshan)

35-36	སྔ་འགྱུར་རྡོ་རྗེ་རྩེ་མོའི་ཁང་བཟང་དུ་སོགས། snga 'gyur rdo rje rtse mo'i khang bzang du sogs Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

སྔ་འགྱུར་རྡོ་རྗེ་རྩེ་མོའི་ཁང་བཟང་དུ། །རིག་འཛིན་གྲུབ་པའི་ཚོགས་དང་དགྱེས་རོལ་བ། །ཐེག་མཆོག་བསྟན་པའི་པད་ཚལ་བཞད་པའི་གཉེན། །རྒྱལ་སྲས་ཉིན་བྱེད་དབང་པོའི་སྐུ་གམ་དུ། །རབ་དགའི་མདངས་མཐའ་གསར་པ་ལ། །དབྱར་རྔའི་སྒྲ་ཡི་བསྐུལ་བ་ལས། །མགྲིན་པའི་ལོངས་སྤྱོད་སྐྱེད་ཚལ་ན། །ཟློས་གར་བསྒྱུར་བཞིན་དབྱངས་འདི་སྒྲོགས། །རིག་སྔགས་གྲུབ་པ་ཆེན་པོ་ཡི། །བཅུད་ཐིག་སྨིན་པ་པདྨའི་མཚན། །འབར་བའི་ཕྱོགས་སུ་རྒྱུ་བ་ན། །བློ་ལྡན་ཁྱེད་ཀྱང་དལ་གྱིས་བསྐྱོད། །གདུལ་བྱ་རྒྱ་མཚོ་ལྟ་བུ་ལ། །ཆོས་ཚུལ་རྒྱ་མཚོའི་ཟེགས་ལྟར་འཐོར། །སྨིན་གྲོལ་ཕྲིན་ལས་བསམ་མི་ཁྱབ། །དེ་ལ་བདག་ནི་ཤིན་ཏུ་གུས། །མ་སྨད་སྐུ་ཡི་དཀྱིལ་འཁོར་ནི། །ནོར་བུའི་འོད་སྣང་འགྲན་བཞིན་དུ། །པདྨ་འོད་ཞིང་གཉིས་པ་དེང་། །ཞབས་ཟུངས་མི་གཡོ་བཞུགས་པ་ནས། །རབ་ཏུ་བརྩེ་བའི་གསུང་རྒྱུད་མངས། །སྙན་འགྱུར་སྟོང་གིས་འཁྱུད་བཞིན་དུ། །གནང་སྐྱེས་བཟང་པོའི་རྟེན་དང་བཅས། །བཀྲ་ཤིས་དགེ་བའི་ཆར་འབྱོར་སྤྲོ། །འདིར་གནས་འདུ་ཤེས་གསུམ་པའང་། །ཆོས་ལ་བསྙད་པའི་སྲོལ་ཟིང་གིས། །གཡེང་བར་འཕྱན་བཞིན་ལྔ་ཕུང་ལ། །འཆི་བདུད་མཆེ་བས་མ་བཏབ་ཙམ། །མཚམས་གསོལ། ཉིད་དཔོན་སློབ་དབུ་ཐོན་འབྱོར་བས་དགའ་སྤྲོ་ཆེ། འདིར། །སྒྲུབ་བཏུས་ཞིག་གི་དབང་ལུང་བླ་གྲྭ་དྲུག་ཅུ་ལྷག་རྩམ་ལ་འདོན་ནས། ཟླ་འདིའི་མཇུག་གྲུབ་ཉེར་ལགས། ཟླ་བ་ཕྱི་མའི་ཚེས་༡༤སྐོར་ལ་ས་སྐྱ་བདག་ཆེན་འདི་གར་ཕེབས་རྩིས་ཀྱི་བྲེལ་ཟིངས་ཆེ་ངང་ཡིན་ཞུ། ཉིད་ནས་སྐྱབས་རྟེན་ལྟག་གོར་ལྔ་བཅུ། ད་ཁྲུས་སྐག་ཁ་བཅས་འབྱོར་ཞིང་། བསྔོ་རྟེན་འབྱོར་ལན་ཟུར་ཡོད། སླད་ཆར་ཡང་། གང་སྐུ་འཆི་མེད་ལང་ཚོས་མྱོས་བཞིན་དུ། །བསླབ་གསུམ་གསེར་སྦྲམ་བཟང་པོས་བརྗིད་ཅིང་བརྟན། །ངེས་གསང་ཆོས་ཀྱི་རྔ་ཆེན་ཕྱོགས་ཀུན་སྒྲོགས། །ནམ་ཡང་འགྲིབ་མེད་རྟག་ཏུ་སྣང་མཛད་གསོལ། །ཞུ་འདེགས་དང་། སྟང་སྐུད་སྲན་འཐག་དབང་པོའི་གཞུ་ལྟར་བཀྲ་བ་དང་། ད་གོར་བཀྲ་ཤིས་པའི་རྟགས་བརྒྱད་ཀྱི་གྲངས་ལྡན་བཅས་མཁྱེན་མིང་པས་ཟླ་ཚེས་ལ་ཕུལ།། །།

[edit]

snga 'gyur rdo rje rtse mo'i khang bzang du/__/rig 'dzin grub pa'i tshogs dang dgyes rol ba/__/theg mchog bstan pa'i pad tshal bzhad pa'i gnyen/__/rgyal sras nyin byed dbang po'i sku gam du/__/rab dga'i mdangs mtha' gsar pa la/__/dbyar rnga'i sgra yi bskul ba las/__/mgrin pa'i longs spyod skyed tshal na/__/zlos gar bsgyur bzhin dbyangs 'di sgrogs/__/rig sngags grub pa chen po yi/__/bcud thig smin pa pad+ma'i mtshan/__/'bar ba'i phyogs su rgyu ba na/__/blo ldan khyed kyang dal gyis bskyod/__/gdul bya rgya mtsho lta bu la/__/chos tshul rgya mtsho'i zegs ltar 'thor/__/smin grol phrin las bsam mi khyab/__/de la bdag ni shin tu gus/__/ma smad sku yi dkyil 'khor ni/__/nor bu'i 'od snang 'gran bzhin du/__/pad+ma 'od zhing gnyis pa deng /__/zhabs zungs mi g.yo bzhugs pa nas/__/rab tu brtse ba'i gsung rgyud mangs/__/snyan 'gyur stong gis 'khyud bzhin du/__/gnang skyes bzang po'i rten dang bcas/__/bkra shis dge ba'i char 'byor spro/__/'dir gnas 'du shes gsum pa'ang /__/chos la bsnyad pa'i srol zing gis/__/g.yeng bar 'phyan bzhin lnga phung la/__/'chi bdud mche bas ma btab tsam/__/mtshams gsol/__nyid dpon slob dbu thon 'byor bas dga' spro che/__'dir/__/sgrub btus zhig gi dbang lung bla grwa drug cu lhag rtsam la 'don nas/__zla 'di'i mjug grub nyer lags/__zla ba phyi ma'i tshes 14skor la sa skya bdag chen 'di gar phebs rtsis kyi brel zings che ngang yin zhu/__nyid nas skyabs rten ltag gor lnga bcu/__da khrus skag kha bcas 'byor zhing /__bsngo rten 'byor lan zur yod/__slad char yang /__gang sku 'chi med lang tshos myos bzhin du/__/bslab gsum gser sbram bzang pos brjid cing brtan/__/nges gsang chos kyi rnga chen phyogs kun sgrogs/__/nam yang 'grib med rtag tu snang mdzad gsol/__/zhu 'degs dang /__stang skud sran 'thag dbang po'i gzhu ltar bkra ba dang /__da gor bkra shis pa'i rtags brgyad kyi grangs ldan bcas mkhyen ming pas zla tshes la phul//___//