JKCL-KABUM-11-DA-122

🚧 This website is under continued development. We appreciate your patience!

Previous Text Back to Volume PageNext Text

བཀའ་གདམས་ཞལ་ཐང་བྲི་ཡིག།

Wylie title	bka' gdams zhal thang bri yig
Location	chos kyi blo gros bka' 'bum Volume 11, Text 122, Pages 593-598 (Folios 1a1 to 3b6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. bka' gdams zhal thang bri yig. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 593-598. Bir, H.P.: Khyentse Labrang, 2012.
Genre	Guides to Paintings - bri yig

1 Texts in this Section (sde tshan or chos tshan)

593-598	བཀའ་གདམས་ཞལ་ཐང་བྲི་ཡིག། bka' gdams zhal thang bri yig Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

བཀའ་གདམས་ཞལ་ཐང་བྲི་ཡིག །ཨོཾ་སྭསྟི། ཇོ་འབྲོམ་རྔོག་གསུམ་གྱི་ཞལ་ཐང་ལ། དབུས་སུ་ཇོ་བོ་རྗེ་སྐུ་ཤིན་ཏུ་མཛེས་ཤིང་བརྗིད་ཆགས་པ། སྐུ་ལུས་དྲང་པོར་བསྲང་སྟེ་དབུ་ཅུང་ཟད་འགྱིང་ཉམས་ཅན། ཕྱག་གཉིས་ཐུགས་ཀར་ཆོས་འཆད། ན་བཟའ་ཤ་འགགས་སྔོ། ཤམ་ཐབ་བཙག་ཁ། ཆོས་གོས་དང་སྣམ་སྦྱར་ངུར་སྨྲིག །དབུ་པཎ་ཞུ་རྣ་ཐུང་སེར་པོ་ངུར་སྨྲིག་རི་མོ་ཅན། ཞབས་སྐྱིལ་ཀྲུང་། གཡས་སུ་བཀའ་གདམས་གདུང་རྟེན་དང་གླེགས་བམ་འགའ་རེ་བརྩེགས་པ། མཁར་གསིལ། གཡོན་དུ་ཟ་མ་ཏོག །གདན་པད་ཟླ་སེང་ཁྲི། མདུན་དུ་སྤྱི་བླུགས། ལྷུང་བཟེད་ཞོས་གང་བ། ཞལ་དཀར། ཤེལ་སྣོད་ཤིང་ཏོག །དེའི་གཡས་སུ་འབྲོམ་སྟོན་པ་དགེ་བསྙེན་ལྕང་ལོ་སིལ་བུ་ཅན། སྐུ་ཤ་རྒྱས་ཤིང་ཞི་འཛུམ་བརྗིད་ཆགས་ཞི་ཞིང་དུལ་བའི་ཉམས། དབུ་ཇོ་བོ་ལ་འདུད་པའི་རྣམ་པ། ཕྱག་གཡས་སྐྱབས་སྦྱིན་གྱི་རྒྱས་ཤེལ་ཕྲེང་འདྲེན་པ། གཡོན་མཆོག་སྦྱིན་པད་དཀར་ནོར་བུས་མཚན་པ། ན་བཟའ་ནང་གོས་དཀར་པོ། སྐུ་གཟན་རྒྱ་ཁ། སྐུ་བེར་སྨུག་པོ་ལྟ་བུ་དགེ་སློང་གི་རུང་པའི་ཚོན་མདོག་མ་ཡིན་པའི་གང་འོས། དབུ་ཞྭ་མེད། གཡོན་དུ་རྔོག་བློ་ལྡན་ཤེས་རབ་དགེ་སློང་དར་ཡོལ། ཕྱག་གཡས་ཆོས་འཆད་ཨུཏྤལ་རལ་གྲིས་མཚན་པ། གཡོན་མཉམ་བཞག་གླེགས་བམ། ན་བཟའ་ཤ་འགག་དམར་པོ། སྐུ་ཤམ་བཙག་ཁ། ཆོས་གོས་སྣམ་སྦྱར་ངུར་སྨྲིག །ཟླ་གམ་སེར་པོ། སྐུ་ཤ་རྒྱས་ཤིང་སྒེག་ཉམས་ཅན། ཤ་ཚུགས་གྲིམ་པ། འདི་གཉིས་ཀ་སྐུར་ཞལ། གདན་དར་འབོལ། ཇོ་བོའི་དབུ་སྟེང་དུ་ཐུབ་པ་དམ་ཚིག་གསུམ་བཀོད་ཐུབ་དབང་སྤྱི་ལྟར་ལ། ཕྱག་ཆོས་འཆད། གདན་སེང་ཁྲི་པད་ཟླ། དེའི་མདུན་གཡས་སུ་རྡོར་དབྱིངས་གཙོ་བོ་ཞལ་བཞི་ཀུན་རིག་ལྟ་བུ། སྐུ་དང་ཞལ་ཐམས་ཅད་དཀར་པོ། ཕྱག་གཉིས་ཐུགས་ཀར་བྱང་ཆུབ་མཆོག་གི་ཕྱག་རྒྱ་ཞེས་གཡོན་འོག་ཏུ་བྱས་པའི་ཁུ་ཚུར་གྱི་འཛུབ་མོ་གཡས་པའི་ཁུ་ཚུར་གྱི་ནང་དུ་བཅུག་པའི་སྟེང་དུ་རྡོ་རྗེ་རྩེ་ལྔ་སྒང་པོ་འཛིན་པ། རིན་པོ་ཆེའི་ཅོད་པན་དར་དཔྱངས་ཅན། འགུལ་རྒྱན། དོ་ཤལ་རིང་ཐུང་། ཕྱག་ཞབས་ཀྱི་གདུ་བུ། སྐེ་རགས། དར་དཀར་པོའི་སྟོད་གཡོགས་དང་སྨད་གཡོགས་ཞེས་གསུངས་པ་གཉིས་ཀ་དཀར་པོ་ཡིན་ཀྱང་ཁ་དོག་འདྲེས་པའི་སྐྱོན་སྤོང་ཕྱི་ནང་ཤ་སྔོན་པོ་འདྲ་གང་འོས། གདན་སེང་ཁྲི་པད་ཟླ། གཡོན་དུ་རྣམ་སྣང་མངོན་བྱང་སྐུ་མདོག་གསེར་མདངས། ཕྱག་མཉམ་བཞག །རིན་པོ་ཆེའི་རྒྱན་རྡོར་དབྱིངས་དང་འདྲ། དར་སྔོན་པོའི་སྟོད་གཡོགས། ཁ་དོག་སྣ་ཚོགས་པའི་སྨད་དཀྲིས། ཞབས་རྡོར་སྐྱིལ། གདན་པདྨ་དཀར་པོ་དང་ཟླ་བའོ། །དེ་རྣམས་ཀྱི་གཡས་སུ་སྒྲོལ་དཀར་ཡིད་བཞིན་འཁོར་ལོ་སྤྱན་བདུན་མ་སྤྱི་ལྟར་ལ། བདུད་རྩི་ཁ་དོག་ལྔ་ལྡན་གྱི་ཆར་འབེབས་པ། གཡོན་དུ་སྒྲོལ་ལྗང་སྤྱི་ལྟར་ལ་ཇོ་བོ་དང་བར་དུ་འཇའ་ཚོན་གྱིས་འབྲེལ་བ། རིན་པོ་ཆེའི་ཆར་འབེབས་པ། འབྲོམ་གྱི་སྐུ་དཔུང་གཡས་པའི་སྟེང་ནས་འཇའ་ཚོན་འཕྲོས་པའི་རྩེར་འཇའ་སྤྲིན་གྱི་ནང་དུ་སྤྱན་རས་གཟིགས་ཕྱག་བཞི་པ་སྤྱི་ལྟར། རྔོག་གི་དཔུང་གཡོན་ལས་འཇའ་ཚོན་འཕྲོས་པའི་རྩེར་འཇའ་སྤྲིན་གྱི་ནང་དུ་ཌོམྦི་ཧེ་རུ་ཀ་སྟག་ལ་ཆིབས་པ་ཡུམ་དང་བཅས་པ་སྤྱི་ལྟར། ཇོ་བོའི་མདུན་དུ་རྡོ་རྗེ་འཆང་དཀོན་མཆོག་བསྟན་པ་རབ་རྒྱས་སྐུ་ཚུགས་དང་ཞལ་རས་སོགས་མ་གཞི་རྗེ་རིན་པོ་ཆེ་དང་འདྲ་བ་ལ། ཤངས་རྡོག་དེ་ཙམ་མི་ཆེ་བ། སྤྱན་ཅུང་ཟད་ཧུར་བག་གི་རྣམ་པ། ཕྱག་མདུད་རྒྱ། ན་བཟའ་རྔོག་དང་འདྲ་བ་ལ། འགགས་རིང་ཤ་འགགས་མིན་དཀྱུས་མ་ལྟར་བྲི། དབུ་པཎ་ཞྭ་སེར་པོ་རྣ་རིང་སྣེ་མོ་ནང་དུ་སློག་པ། གདན་རིན་པོ་ཆེའི་ཁྲི་དང་དར་འབོལ། མདུན་དུ་སྤྱི་བླུགས་སོགས་ཇོ་བོ་ལྟར། འབྲམ་གྱི་འོག་ཏུ་མགོན་པོ་གྲི་གུག་གནས་བཅུའི་ཞལ་ཐང་འགའ་རེ་ལ་བྲི་སྲོལ་ཅན་དེ་ཡིན། དེའང་སྐུ་མདོག་མཐིང་ནག་གཡས་གྲི་གུག་ཕྱར། གཡོན་ཐོད་ཁྲག་ཐུགས་ཀ །སྤྱན་གསུམ། མཆེ་གཙིགས། ལྗགས་བསྐྱོད། དབུ་སྐྲ་དང་སྨིན་མ་དམར་སེར་གྱེན་དུ་བརྫེས་པ། སྦོམ་ཐུང་ཡན་ལག་རགས། གསུས་ཁྱིམ་ཆེ། ཞབས་གཡོན་ཅུང་ཟད་བརྐྱངས་པའི་བཞེངས་སྟབས། ཐོད་སྐམ་དབུ་རྒྱན། རློན་པའི་དོ་ཤལ། སྟག་ཤམ། སྦྲུལ་རྒྱན། དྲག་མེ་དམར་ནག་འབར་བ། གདན་པད་ཉི། མི་རོ། སྤྱི་བོར་མི་གཡོ་བ་སྔོན་པོ་ཚོན་གང་ཙམ་སྐུ་མདོག་མཐིང་ནག །སྤྱན་གསུམ་དམར་ཟླུམ། གཡས་རལ་གྲི་མེ་འབར་བ་ནམ་མཁར་ཕྱར་བ། གཡོན་རྡོ་རྗེའི་ཞགས་པ་སྡིགས་མཛུབ་བཅས་ཐུགས་ཀར་གཏོད་པ། སྨར་སྨིན་དབུ་སྐྲ་དམར་སེར། ཡ་སོས་མ་མཆུ་མནན་པ། མཆེ་བ་རྣོན་པོ་གཙིགས་པ། སྟག་ཤམ། རིན་པོ་ཆེའི་རྒྱན། སྦྲུལ་རྒྱན། ཞབས་གཡོན་བརྐྱངས་པའི་དོར་སྟབས། གདན་པདྨ་ཉི་མ་ཚོགས་བདག་གླང་སྣ་གན་རྐྱལ་དུ་བསྐྱིལ་བའི་སྟེང་དུ་མེ་འབར་བའི་དབུས་ན་བཞུགས་པ། རྔོག་ལོའི་འོག་ཏུ་ཛཾ་དཀར་འབྲུག་ཞོན། སྐུ་མདོག་དཀར་གསལ། ཞི་འཛུམ་ཆགས་ཉམས་ཅུང་ཟད་ཁྲོ་བ། སྤྱན་གསུམ་དབུ་སྐྲ་དཀར་སེར་གྱེན་བརྫེས། སྨར་སྨིན་དཀར་སེར་གྱེན་དུ་འཁྱིལ་པ། གཡས་རྩེ་གསུམ་ནམ་མཁར་ཕྱར་བ། གཡོན་རིན་པོ་ཆེའི་བེ་ཅོན་དཀུ་གཡོན་པ་ལ་བརྟེན་པ། རིན་པོ་ཆེའི་རྒྱན་བརྒྱད་དང་། །དར་ཡུག་གི་སྟོད་གཡོགས། ཁ་དོག་སྣ་ཚོགས་ཀྱི་ཤམ་ཐབ། རིན་པོ་ཆེའི་ཆར་འབེབས་པའི་སྤྲིན་ཁ་དོག་སྣ་ཚོགས་པའི་དབུས་ན་པད་ཟླ་དང་གཡུ་འབྲུག་གི་སྟེང་ན་བཞུགས་པ། ཕྱི་རོལ་དུ་ནོར་འཛིན་པ་ཏྲ་གང་མཛེས། ཤར་དུ་རྡོ་རྗེ་མཁའ་འགྲོ་སྔོན་མོ་གཡས་རྡོ་རྗེ། གཡོན་རིན་པོ་ཆེའི་པད་ཕོར་ནོར་བུ་དང་ཤིང་ཏོག་དར་ཟབ་སོགས་ཀྱིས་གང་བ། ལྷོར་རིན་ཆེན་མཁའ་འགྲོ་སེར། གཡས་ནོར་བུ་མེ་འབར། གཡོན་གཏེར་བུམ། ནུབ་པདྨ་མཁའ་འགྲོ་དམར། གཡས་པདྨ། གཡོན་ལྕགས་ཀྱུ། བྱང་ལས་ཀྱི་མཁའ་འགྲོ་ལྗང་། གཡས་རྒྱ་གྲམ། གཡོན་ནེའུ་ལེ་བསྣམས་པ། ཐམས་ཅད་ཞབས་གཡོན་བརྐྱངས་པའི་གར་སྟབས་ཅན། འདི་བཞི་ཞལ་གྱི་སྲིང་མོ་བཞི་ལྟར་སྐུ་ཤིན་ཏུ་ཆུང་བ་སྤྲིན་གྱི་དབུས་སུ་གང་བདེར་བྲི། འབྲོམ་གྱི་གཡས་སུ་རྭ་སྒྲེང་དགོན་པ་ཤུགས་ནག་འཐུག་པོའི་དཀྱིལ་དུ་ཡོད་པ། ལྷ་ཁང་དམར་པོ་གསེར་འཕྲུ་ཅན་མདུན་ནས་ཆུ་ཆེ་བ་དང་། གཡོན་དུ་ཆུ་མིག །ལྟག་ཏུ་བྲག་དཀར་པོ་སེང་གེའི་གདོང་པ་འདྲ་བའི་མདུན་དུ་སྒྲུབ་ཁང་ཆུང་ངུ་དང་། སྟེང་འོག་ཐམས་ཅད་དུ་ཤུག་ནགས་འཐུག་པོ། ཡང་དགོན་དུ་དགེ་སློང་སྒྲུབ་པ་པོ་གཅེར་ཤམ་ཅན། ལྷ་ཁང་ཁྱུང་མགོ་ཅན་གྱི་མདུན་དུ་བསགས་སྦྱོང་མཎྜལ་དད་ཕྱག་འཚལ་མཁན། ཤུག་ནགས་ཀྱི་བར་ཅི་རིགས་པར་དགེ་སློང་སྒྲེས་པོ་ལ་ལས་བསྐོར་བ་བྱེད། ལ་ལ་མཉམ་བཞག །ལ་ལ་ཆོས་འཆད་པའི་ཉམས་ཅན་བྲི། རྭ་སྒྲེང་གི་རྒྱབ་ཕྱོགས་སུ་ཐང་ལྷའི་གངས་སྤྲིན་དང་ན་བུམ་འཇའ་ཚོན་འཕྲོ་བ། སེང་གེས་བརྒྱན་པ། རྔོག་ལོའི་ཕྱོགས་སུ་གསང་ཕུ་ལུང་པ་ཞིག་གི་ཕུར་ནེའུ་གསེང་སྤང་སྒོང་དང་བཅས་པར། གཙུག་ལག་ཁང་དམར་པོ། གྲྭ་གཤག་དཀར་པོ། གཙུག་ལག་ཁང་གི་མཐིལ་དུ་འཆད་རྩོད་བརྩམ་གསུམ་གྱི་བཀོད་པ། བླ་མ་དགེ་འདུན་ཐམས་ཅད་ཞྭ་སེར་ཅན། དགོན་པའི་གཡོན་ལོགས་མདུན་དུ་སྤང་དིལ་ཤིང་སེ་བ་མེ་ཏོག་བཅས་པ་དང་། ཤུག་པ་ཕྲ་མོ་ལྟ་བུའི་ནགས་ཚལ་ཆུང་ངུ་བཅས་དཔེའུ་རིས་ལྟར། དཀོན་མཆོག་བསྟན་པ་རབ་རྒྱས་མདུན་འཇའ་གུར་གྱི་དབུས་སུ་རི་རབ་གླིང་བཞི་ཉི་ཟླ་དང་བཅས་པའི་མཎྜལ་གྱི་བཀོད་པ་མདོར་བསྡུས་གང་མཛེས་རིན་པོ་ཆེ་སྣ་ཚོགས་ཀྱིས་གང་བ་དང་། གཡས་གཡོན་དུ་མཆོད་པའི་བྱེ་བྲག །གཞན་ཡུལ་སྣང་གི་བཀོད་པ་རྣམ་འགྱུར་མི་འདྲ་བ་མ་གཏོགས་ས་ངོར་ཚར་གསུམ་གྱི་སྐབས་ལྟར་ཚང་མ་ཅི་མཛེས་སུ་བྲི། རྒྱབ་ཏུ་ཇོ་བོའི་སྐུ་གདན་ཁྲི་དང་བཅས་པའི་ཚད་དང་མཉམ་པའི་དབྱེན་ཟླུམ་མཆོད་རྟེན་ཐིག་རྩ་དང་ལྡན་པ་བུམ་སྒོ་དང་བཅས་པར་གསེར་བྱི་བ་བྱུགས་བྱས་པ་བྲིའོ། །མངྒ་ལཾ།། །།

[edit]

bka' gdams zhal thang bri yig__/oM swasti/__jo 'brom rngog gsum gyi zhal thang la/__dbus su jo bo rje sku shin tu mdzes shing brjid chags pa/__sku lus drang por bsrang ste dbu cung zad 'gying nyams can/__phyag gnyis thugs kar chos 'chad/__na bza' sha 'gags sngo/__sham thab btsag kha/__chos gos dang snam sbyar ngur smrig__/dbu paN zhu rna thung ser po ngur smrig ri mo can/__zhabs skyil krung /__g.yas su bka' gdams gdung rten dang glegs bam 'ga' re brtsegs pa/__mkhar gsil/__g.yon du za ma tog__/gdan pad zla seng khri/__mdun du spyi blugs/__lhung bzed zhos gang ba/__zhal dkar/__shel snod shing tog__/de'i g.yas su 'brom ston pa dge bsnyen lcang lo sil bu can/__sku sha rgyas shing zhi 'dzum brjid chags zhi zhing dul ba'i nyams/__dbu jo bo la 'dud pa'i rnam pa/__phyag g.yas skyabs sbyin gyi rgyas shel phreng 'dren pa/__g.yon mchog sbyin pad dkar nor bus mtshan pa/__na bza' nang gos dkar po/__sku gzan rgya kha/__sku ber smug po lta bu dge slong gi rung pa'i tshon mdog ma yin pa'i gang 'os/__dbu zhwa med/__g.yon du rngog blo ldan shes rab dge slong dar yol/__phyag g.yas chos 'chad ut+pal ral gris mtshan pa/__g.yon mnyam bzhag glegs bam/__na bza' sha 'gag dmar po/__sku sham btsag kha/__chos gos snam sbyar ngur smrig__/zla gam ser po/__sku sha rgyas shing sgeg nyams can/__sha tshugs grim pa/__'di gnyis ka skur zhal/__gdan dar 'bol/__jo bo'i dbu steng du thub pa dam tshig gsum bkod thub dbang spyi ltar la/__phyag chos 'chad/__gdan seng khri pad zla/__de'i mdun g.yas su rdor dbyings gtso bo zhal bzhi kun rig lta bu/__sku dang zhal thams cad dkar po/__phyag gnyis thugs kar byang chub mchog gi phyag rgya zhes g.yon 'og tu byas pa'i khu tshur gyi 'dzub mo g.yas pa'i khu tshur gyi nang du bcug pa'i steng du rdo rje rtse lnga sgang po 'dzin pa/__rin po che'i cod pan dar dpyangs can/__'gul rgyan/__do shal ring thung /__phyag zhabs kyi gdu bu/__ske rags/__dar dkar po'i stod g.yogs dang smad g.yogs zhes gsungs pa gnyis ka dkar po yin kyang kha dog 'dres pa'i skyon spong phyi nang sha sngon po 'dra gang 'os/__gdan seng khri pad zla/__g.yon du rnam snang mngon byang sku mdog gser mdangs/__phyag mnyam bzhag__/rin po che'i rgyan rdor dbyings dang 'dra/__dar sngon po'i stod g.yogs/__kha dog sna tshogs pa'i smad dkris/__zhabs rdor skyil/__gdan pad+ma dkar po dang zla ba'o/__/de rnams kyi g.yas su sgrol dkar yid bzhin 'khor lo spyan bdun ma spyi ltar la/__bdud rtsi kha dog lnga ldan gyi char 'bebs pa/__g.yon du sgrol ljang spyi ltar la jo bo dang bar du 'ja' tshon gyis 'brel ba/__rin po che'i char 'bebs pa/__'brom gyi sku dpung g.yas pa'i steng nas 'ja' tshon 'phros pa'i rtser 'ja' sprin gyi nang du spyan ras gzigs phyag bzhi pa spyi ltar/__rngog gi dpung g.yon las 'ja' tshon 'phros pa'i rtser 'ja' sprin gyi nang du Dom+bi he ru ka stag la chibs pa yum dang bcas pa spyi ltar/__jo bo'i mdun du rdo rje 'chang dkon mchog bstan pa rab rgyas sku tshugs dang zhal ras sogs ma gzhi rje rin po che dang 'dra ba la/__shangs rdog de tsam mi che ba/__spyan cung zad hur bag gi rnam pa/__phyag mdud rgya/__na bza' rngog dang 'dra ba la/__'gags ring sha 'gags min dkyus ma ltar bri/__dbu paN zhwa ser po rna ring sne mo nang du slog pa/__gdan rin po che'i khri dang dar 'bol/__mdun du spyi blugs sogs jo bo ltar/__'bram gyi 'og tu mgon po gri gug gnas bcu'i zhal thang 'ga' re la bri srol can de yin/__de'ang sku mdog mthing nag g.yas gri gug phyar/__g.yon thod khrag thugs ka__/spyan gsum/__mche gtsigs/__ljags bskyod/__dbu skra dang smin ma dmar ser gyen du brdzes pa/__sbom thung yan lag rags/__gsus khyim che/__zhabs g.yon cung zad brkyangs pa'i bzhengs stabs/__thod skam dbu rgyan/__rlon pa'i do shal/__stag sham/__sbrul rgyan/__drag me dmar nag 'bar ba/__gdan pad nyi/__mi ro/__spyi bor mi g.yo ba sngon po tshon gang tsam sku mdog mthing nag__/spyan gsum dmar zlum/__g.yas ral gri me 'bar ba nam mkhar phyar ba/__g.yon rdo rje'i zhags pa sdigs mdzub bcas thugs kar gtod pa/__smar smin dbu skra dmar ser/__ya sos ma mchu mnan pa/__mche ba rnon po gtsigs pa/__stag sham/__rin po che'i rgyan/__sbrul rgyan/__zhabs g.yon brkyangs pa'i dor stabs/__gdan pad+ma nyi ma tshogs bdag glang sna gan rkyal du bskyil ba'i steng du me 'bar ba'i dbus na bzhugs pa/__rngog lo'i 'og tu dzaM dkar 'brug zhon/__sku mdog dkar gsal/__zhi 'dzum chags nyams cung zad khro ba/__spyan gsum dbu skra dkar ser gyen brdzes/__smar smin dkar ser gyen du 'khyil pa/__g.yas rtse gsum nam mkhar phyar ba/__g.yon rin po che'i be con dku g.yon pa la brten pa/__rin po che'i rgyan brgyad dang /__/dar yug gi stod g.yogs/__kha dog sna tshogs kyi sham thab/__rin po che'i char 'bebs pa'i sprin kha dog sna tshogs pa'i dbus na pad zla dang g.yu 'brug gi steng na bzhugs pa/__phyi rol du nor 'dzin pa tra gang mdzes/__shar du rdo rje mkha' 'gro sngon mo g.yas rdo rje/__g.yon rin po che'i pad phor nor bu dang shing tog dar zab sogs kyis gang ba/__lhor rin chen mkha' 'gro ser/__g.yas nor bu me 'bar/__g.yon gter bum/__nub pad+ma mkha' 'gro dmar/__g.yas pad+ma/__g.yon lcags kyu/__byang las kyi mkha' 'gro ljang /__g.yas rgya gram/__g.yon ne'u le bsnams pa/__thams cad zhabs g.yon brkyangs pa'i gar stabs can/__'di bzhi zhal gyi sring mo bzhi ltar sku shin tu chung ba sprin gyi dbus su gang bder bri/__'brom gyi g.yas su rwa sgreng dgon pa shugs nag 'thug po'i dkyil du yod pa/__lha khang dmar po gser 'phru can mdun nas chu che ba dang /__g.yon du chu mig__/ltag tu brag dkar po seng ge'i gdong pa 'dra ba'i mdun du sgrub khang chung ngu dang /__steng 'og thams cad du shug nags 'thug po/__yang dgon du dge slong sgrub pa po gcer sham can/__lha khang khyung mgo can gyi mdun du bsags sbyong maN+Dal dad phyag 'tshal mkhan/__shug nags kyi bar ci rigs par dge slong sgres po la las bskor ba byed/__la la mnyam bzhag__/la la chos 'chad pa'i nyams can bri/__rwa sgreng gi rgyab phyogs su thang lha'i gangs sprin dang na bum 'ja' tshon 'phro ba/__seng ges brgyan pa/__rngog lo'i phyogs su gsang phu lung pa zhig gi phur ne'u gseng spang sgong dang bcas par/__gtsug lag khang dmar po/__grwa gshag dkar po/__gtsug lag khang gi mthil du 'chad rtsod brtsam gsum gyi bkod pa/__bla ma dge 'dun thams cad zhwa ser can/__dgon pa'i g.yon logs mdun du spang dil shing se ba me tog bcas pa dang /__shug pa phra mo lta bu'i nags tshal chung ngu bcas dpe'u ris ltar/__dkon mchog bstan pa rab rgyas mdun 'ja' gur gyi dbus su ri rab gling bzhi nyi zla dang bcas pa'i maN+Dal gyi bkod pa mdor bsdus gang mdzes rin po che sna tshogs kyis gang ba dang /__g.yas g.yon du mchod pa'i bye brag__/gzhan yul snang gi bkod pa rnam 'gyur mi 'dra ba ma gtogs sa ngor tshar gsum gyi skabs ltar tshang ma ci mdzes su bri/__rgyab tu jo bo'i sku gdan khri dang bcas pa'i tshad dang mnyam pa'i dbyen zlum mchod rten thig rtsa dang ldan pa bum sgo dang bcas par gser byi ba byugs byas pa bri'o/__/mang+ga laM//__//