JKW-KABUM-17-TSA-002-032

🚧 This website is under continued development. We appreciate your patience!

Previous Text Back to Volume PageNext Text

གསོ་རིག་ཉེར་མཁོའི་དཔེ་ཐོ།

Wylie title	gso rig nyer mkho'i dpe tho
Location	mkhyen brtse'i bka' 'bum Volume 17, sde tshan 2, Text 32, Pages 328-332 (Folios 91b4 to 93b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gso rig nyer mkho'i dpe tho. In 'jam dbyangs mkhyen brtse'i dbang po'i bka' 'bum, Vol. 17: 328-332. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	ཞེས་པའང་བརྗེད་བྱང་ཟིན་བྲིས་སུ་བཏབ་པ་ཤུ་བྷཾ།།
	zhes pa'ang brjed byang zin bris su btab pa shu b+haM

1 Texts in this Section (sde tshan or chos tshan)

32 328-332	གསོ་རིག་ཉེར་མཁོའི་དཔེ་ཐོ། gso rig nyer mkho'i dpe tho Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསོ་བ་རིག་པའི་སྐོར་ལ། སློབ་དཔོན་ཀླུ་སྒྲུབ་ཀྱི་སྦྱོར་བ་བརྒྱ་པ་དང་། མཁས་མཆོག་དཔའ་བོའི་ཡན་ལག་བརྒྱད་པ་རྩ་འགྲེལ་སོགས་འཕགས་ཡུལ་གྱི་གཞུང་ཆེན་མོ་རྣམས་ནི་དེང་སང་འཆད་ཉན་ནུབ་པ་ལྟར་གྱུར་ནའང་། བློ་གྲོས་དང་བརྩོན་པར་ལྡན་པ་རྣམས་ཀྱིས་རང་སྟོབས་ལ་བརྟེན་ནས་ཤེས་རབ་ཀྱི་མིག་བསྒྲུབ་པར་བྱ་བའི་འོས་ཡིན་ལ། ཁྱད་པར་སྤྲུལ་པའི་སྐྱེས་མཆོག་མ་ཧཱ་གུ་ཎའི་གཞུང་གདམས་རྒྱ་མཚོའི་སྙིང་པོ་དཔལ་ལྡན་རྒྱུད་བཞི་འདི་ཉིད་དེང་དུས་ཚེ་རིག་འཛིན་པ་རྣམས་ཀྱི་སྙིང་ནོར་གཅིག་པུར་གྱུར་པས། ཐོག་མར་བླ་སྒྲུབས་སྡུག་བསྔལ་མུན་སེལ་སྐོར་གྱི་དབང་ལུང་སྨིན་པོར་ཉན་ནས། གཟོད་རྒྱུད་འཆད་ཉན་ལ་འཇུག་པ་བྱུང་ན་ཤིན་ཏུ་འབྲེལ་ཆགས། རྒྱུད་འགྲེལ་གྱི་སྐོར་ལ། ཆ་ལག་བཅོ་བརྒྱད་ཀྱི་ནང་ཚན་གཡུ་ཐོག་པའི་གསུངས་ཡིན་ངེས་རྣམས་ནི་རྒྱུད་གཞུང་དང་ཁྱད་མེད་དུ་འཛིན་དགོས་ལ། གཞན་དུ་བྱང་པ་རྣམ་རྒྱལ་གྲགས་བཟང་གིས་མཛད་པའི་རྒྱུད་བཞིའི་དཀའ་འགྲེལ། ཟུར་མཁར་བའི་འགྲེལ་ཆེན་པོད་ཤལ་ཁྲ་མོ་སོགས་ངོ་མཚར་བྱིན་རླབས་དང་ལྡན་པའི་ལེགས་བཤད་རྨད་དུ་བྱུང་བར་གོར་མ་ཆགས་ནའང་དེང་སང་དཔེ་ཙམ་ཡང་རྙེད་པར་དཀའ་བས་དེར་ཟད། དེས་ན་མཁས་དབང་བློ་གྲོས་རྒྱལ་པོའི་རྩ་བཤད་ཀྱི་འགྲེལ་པ་མེས་པོའི་ཞལ་ལུང་དང་། མན་རྒྱུད་དང་། ཕྱི་རྒྱུད་ཆུ་མདོ་མན་གྱི་འགྲེལ་པ་དར་མོ་སྨན་རམ་པས་མཛད་པ། སྐྱེམས་པ་ཚེ་དབང་གིས་མཛད་པའི་རྒྱུད་བཞི་ཀའི་འགྲེལ་པ། ཕྱི་རྒྱུད་སྟག་ལུང་འགྲེལ་ཆེན། འབྲི་གུང་ཆོས་གྲགས་ཀྱི་མཆན་འགྲེལ། སྡེ་སྲིད་རིན་པོ་ཆེས་མཛད་པའི་རྒྱུད་བཞིའི་འགྲེལ་པ་བཻཌཱུར་སྔོན་པོ་སོགས་དང་། ལོ་ཆེན་ཚེ་དབང་ཀུན་ཁྱབ་ཀྱིས་མཛད་པའི་གསོ་རིག་གི་ཁོག་ཕུབ་ཆོས་འབྱུང་ཁྱད་འཕགས། ངེས་པར་ཐམས་ཅད་མཁྱེན་པ་དྷརྨཱ་ཀཱ་རའི་ཞལ་སློབ་བཀྲ་འབུམ་པས་མཛད་པའི་དཀའ་འགྲེལ་དང་། དྲུང་འཚོ་བ་གུ་རུ་འཕེལ་གྱི་ཟིན་བྲིས་སོགས་ལ་ལེགས་པར་དཔྱད་ནས་ཚིག་དོན་གྱི་སྒྲོ་འདོགས་ཆོད་ངེས་སུ་བྱས་ནས། མན་ངག་ལག་ལེན་གྱི་སྐོར་ལས། དྭགས་པོ་རིན་པོ་ཆེའི་འཐོར་འབུམ། ཨ་ཙཱཪྻ་ཕྱག་རྡུམ་གྱིས་འབུམ་ཁྲ་ཚུར། རྡོར་འབུམ་གཏེར་བྱོན་བདུད་རྩི་བུམ་པ། གཡུ་ཐོག་པའི་ཤོག་དྲིལ་སྐོར་གསུམ། བྲང་ཏིའི་པོད་དམར་ར་ཁྲ་དང་། གསེར་བྲེ། དངུལ་བྲེ། བྱང་པ་རྣམ་རྒྱལ་གྲགས་བཟང་གི་ཡན་ལག་བརྒྱད་པའི་སྙིང་པོ་བསྡུས་༡༢༠་པ། ཟུར་མཁར་དྷརྨཱ་སྭཱ་མིའི་བྱེ་བ་རིང་བསྲེལ་གྲངས་ཅན་གྲངས་མེད་ཁ་བསྐངས་དང་བཅས་པ། གོང་སྨན་པའི་མན་ངག་ཆེན་མོ་དགོས་པ་ཀུན་འབྱུང་སོགས་དང་། དེ་ཡི་སྙིང་པོ་ཉམས་ཡིག་བརྒྱ་རྩ། ཕྱག་རྡོར་མགོན་པོའི་གཅེས་བཏུས་འབྲང་རྩེའི་མན་ངག་བེ་བུམ། སྐྱེམས་པ་ཚེ་དབང་གི་མན་ངག་ཕན་བདེ་བརྒྱ་རྩ། སྡེ་སྲིད་རིན་པོ་ཆེའི་མན་ངག་ལྷན་ཐབས་དང་། རང་ཉིད་ཀྱིས་མཛད་པའི་བུ་ཡིག་ཉུང་ངུ་། ངག་དབང་གིས་མཛད་པའི་མཁའ་འགྲོ་གཏད་རྒྱའི་རྒྱ་མདུད་ཞལ་ཤེས་དང་བཅས་པ། ལབ་མདོ་རྒྱུད་རྒྱ་མཚོའི་ལྷན་ཐབས་ཟུར་བརྒྱན་བཅས་དྭགས་པོ་འཚོ་བྱེད་ཀརྨ་ཀུན་ཕན་པའི་བྱེ་བ་རིང་འགྲེལ་ཞལ་ཤེས་བཅས་ཡོད་སྣང་བསྲེལ་བུ་ཡིག །སྨན་རམ་པའི་མན་ངག་བཀའ་རྒྱ་མ། ལྷོ་བྲག་ལྷ་ལུང་མཁན་བོ་ཀརྨ་བསམ་འགྲུབ་ཀྱི་གཅེས་བཏུས་དགོས་པ་ཀུན་འབྱུང་། ཀོང་རོང་སྨན་བླ་དོན་གྲུབ་ཀྱི་རེག་ཟིག་ནེའུ་ལེའི་རྐྱལ་པ་སྤྱི་དང་། བྱེ་བྲག་ཕྱི་རྒྱུད་ལྷན་ཐབས། གཅེས་བཏུས་ཕན་བདེ་འབུམ་ཕྲག །ཁྱད་པར་འབྲི་གུང་པ་ཆོས་ཀྱི་གྲགས་པའི་སློབ་མ་ཚེ་དབང་བརྟན་པ་དང་། དེ་ཡི་སློབ་མ་དཔོན་ཚང་ཡེ་ཤེས་བཅས་ཀྱིས་མཛད་པའི་གཅེས་བཏུས་ཕན་བདེ་སྙིང་པོ་དང་། ཕན་བདེའི་ཆར་རྒྱུན་མ་བུ་ལེ་ལག་དང་བཅས་པ་དཀར་ཆག་ཟུར་གསལ་ལྟར་དང་། ཀུན་མཁྱེན་སི་ཏུ་རིན་པོ་ཆེའི་གསུངས་ཐ་པར་ཡོད། ཐོར་བུ། དེ་ཡི་ཞལ་སློབ་ཀརྨ་ངེས་ལེགས་བསྟན་འཛིན་གྱིས་མཛད་པའི་མན་ངག་ཐམས་ཅད་ཀྱི་གླེགས་བམ་གཅིག་པུ་སྨན་བསྡུས་ཆེན་མོ་པོད་གཉིས། འབེ་ལོ་ཆེན་ཚེ་དབང་ཀུན་ཁྱབ་དང་། བཀྲ་འབུམ་པའི་གཅེས་བཏུས་བདུད་རྩིའི་བུམ་བཟང་སོགས་ཟིན་བྲིས་སྣ་ཚོགས་བཅས་ལ་དཔྱད་ཅིང་ལག་ལེན་གྱི་མཐིལ་དུ་བྱ། གཞན་ཡང་བི་ཇིའི་རིགས་འཁྲུངས་དེའུ་དམར་དགེ་བཤེས་བསྟན་འཛིན་ཕུན་ཚོགས་པས་གསོ་རིག་ལ་གསུང་རྩོམ་སྐོར་གླེགས་བམ་གསུམ་བཞིར་ལོངས་པ་ལས་ཉེར་མཁོའི་སྐོར། ནུས་པ་རྐྱང་སེལ་གྱི་རྒྱས་བཤད་ཤེལ་གོང་ཕྲེང་པོད། བཤལ་སྐྱུགས་ཀྱི་ལག་ལེན་ཉི་མའི་སྙིང་པོ། གཏར་གའི་གདམས་པ་ཉེས་འཁྲུགས་དྲུང་འབྱིན། ལུས་གནད་དང་བྱང་ཁོག་ཡུལ་ཐིག་བཅས། མེ་བཙའི་གདམས་པ་ཤེལ་དཀར་མེ་ལོང་། དབྱུགས་བཅོས་དང་། རྔུལ་འབྱིན་གྱི་མན་ངག །དུག་བཅོས་སྐོར། ཉེར་ལྔའི་སྦྱོར་སྡེ་ཤེལ་དཀར་ཕྲེང་བ། བཅུད་ལེན་རྒྱས་བཤད་ཟག་མེད་བདེ་སྟེར། ལག་ལེན་གཅེས་བསྡུས་སོགས་དང་། འབྲུ་ཚེ་བྷྲཱུྃ་པའི་མན་ངག་དྲན་འཛིན་ལྕགས་ཀྱུ་རྣམས་ལའང་ལེགས་པར་དཔྱད། ཡོངས་འཛིན་མཁས་དབང་དྷརྨ་ཀཱིརྟིའི་གསུངས་ལ། དངུལ་ཆུ་བཙོ་བཀྲུ། ལྕགས་ཁམས་ཐལ་བཟོ། རིན་ཆེན་རིལ་ནག་ཆེན་མོ་དང་། ཚ་སྦྱོར་བཅས་ཀྱི་དཀར་ཆག །བྱིས་བཅོས་ཀྱི་སྐོར། རྩ་ཆུ་ནད་སྨན་སྤྲོད་ཚུལ་སོགས་ལས་དང་པོ་པ་ལ་མཁོ་བའི་རིགས་ཕྲ་མོ་སྣ་ཚོགས་པ་དང་བཅས་པ་སྟེ། ཇི་སྐད་བཤད་པ་དེ་རྣམས་ཀྱི་དོན་ལ་ཐོས་བསམ་དང་། གོམས་པས་ཉམས་སུ་བླངས་ན་རང་གཞན་གྱི་དོན་གཉིས་འགྲུབ་པར་གདོན་མི་ཟ་བ་ཉིད་དོ། །གཞན་དུ་ན་གངས་ཅན་གྱི་ལྗོངས་ཙམ་དུ་བྱུང་བའི་གསོ་བ་རིག་པའི་གླེགས་བམ་ཁོ་ནའི་གྲངས་ཀྱང་གཞལ་བར་མི་བཟོད་ན། དེ་རྣམས་ཀྱི་མན་ངག་དང་། ལག་ལེན་གྱི་ངེས་པ་ནི་འཆི་མེད་ལམ་གྱི་སྤུན་ཟླར་སོང་བས་ཡེ་ཤེས་གཟིགས་པ་ཁོ་ནའི་སྤྱོད་ཡུལ་དུ་རྟོགས་སོ། །ཞེས་པའང་བརྗེད་བྱང་ཟིན་བྲིས་སུ་བཏབ་པ་ཤུ་བྷཾ།། །། ༈

[edit]

gso rig nyer mkho'i dpe tho/ gso ba rig pa'i skor la/__slob dpon klu sgrub kyi sbyor ba brgya pa dang /__mkhas mchog dpa' bo'i yan lag brgyad pa rtsa 'grel sogs 'phags yul gyi gzhung chen mo rnams ni deng sang 'chad nyan nub pa ltar gyur na'ang /__blo gros dang brtson par ldan pa rnams kyis rang stobs la brten nas shes rab kyi mig bsgrub par bya ba'i 'os yin la/__khyad par sprul pa'i skyes mchog ma hA gu Na'i gzhung gdams rgya mtsho'i snying po dpal ldan rgyud bzhi 'di nyid deng dus tshe rig 'dzin pa rnams kyi snying nor gcig pur gyur pas/__thog mar bla sgrubs sdug bsngal mun sel skor gyi dbang lung smin por nyan nas/__gzod rgyud 'chad nyan la 'jug pa byung na shin tu 'brel chags/__rgyud 'grel gyi skor la/__cha lag bco brgyad kyi nang tshan g.yu thog pa'i gsungs yin nges rnams ni rgyud gzhung dang khyad med du 'dzin dgos la/__gzhan du byang pa rnam rgyal grags bzang gis mdzad pa'i rgyud bzhi'i dka' 'grel/__zur mkhar ba'i 'grel chen pod shal khra mo sogs ngo mtshar byin rlabs dang ldan pa'i legs bshad rmad du byung bar gor ma chags na'ang deng sang dpe tsam yang rnyed par dka' bas der zad/__des na mkhas dbang blo gros rgyal po'i rtsa bshad kyi 'grel pa mes po'i zhal lung dang /__man rgyud dang /__phyi rgyud chu mdo man gyi 'grel pa dar mo sman ram pas mdzad pa/__skyems pa tshe dbang gis mdzad pa'i rgyud bzhi ka'i 'grel pa/__phyi rgyud stag lung 'grel chen/__'bri gung chos grags kyi mchan 'grel/__sde srid rin po ches mdzad pa'i rgyud bzhi'i 'grel pa baiDUr sngon po sogs dang /__lo chen tshe dbang kun khyab kyis mdzad pa'i gso rig gi khog phub chos 'byung khyad 'phags/__nges par thams cad mkhyen pa d+harmA kA ra'i zhal slob bkra 'bum pas mdzad pa'i dka' 'grel dang /__drung 'tsho ba gu ru 'phel gyi zin bris sogs la legs par dpyad nas tshig don gyi sgro 'dogs chod nges su byas nas/__man ngag lag len gyi skor las/__dwags po rin po che'i 'thor 'bum/__a tsAR+Ya phyag rdum gyis 'bum khra tshur/__rdor 'bum gter byon bdud rtsi bum pa/__g.yu thog pa'i shog dril skor gsum/__brang ti'i pod dmar ra khra dang /__gser bre/__dngul bre/__byang pa rnam rgyal grags bzang gi yan lag brgyad pa'i snying po bsdus 120 pa/__zur mkhar d+harmA swA mi'i bye ba ring bsrel grangs can grangs med kha bskangs dang bcas pa/__gong sman pa'i man ngag chen mo dgos pa kun 'byung sogs dang /__de yi snying po nyams yig brgya rtsa/__phyag rdor mgon po'i gces btus 'brang rtse'i man ngag be bum/__skyems pa tshe dbang gi man ngag phan bde brgya rtsa/__sde srid rin po che'i man ngag lhan thabs dang /__rang nyid kyis mdzad pa'i bu yig nyung ngu /__ngag dbang gis mdzad pa'i mkha' 'gro gtad rgya'i rgya mdud zhal shes dang bcas pa/__lab mdo rgyud rgya mtsho'i lhan thabs zur brgyan bcas dwags po 'tsho byed karma kun phan pa'i bye ba ring 'grel zhal shes bcas yod snang bsrel bu yig__/sman ram pa'i man ngag bka' rgya ma/__lho brag lha lung mkhan bo karma bsam 'grub kyi gces btus dgos pa kun 'byung /__kong rong sman bla don grub kyi reg zig ne'u le'i rkyal pa spyi dang /__bye brag phyi rgyud lhan thabs/__gces btus phan bde 'bum phrag__/khyad par 'bri gung pa chos kyi grags pa'i slob ma tshe dbang brtan pa dang /__de yi slob ma dpon tshang ye shes bcas kyis mdzad pa'i gces btus phan bde snying po dang /__phan bde'i char rgyun ma bu le lag dang bcas pa dkar chag zur gsal ltar dang /__kun mkhyen si tu rin po che'i gsungs tha par yod/__thor bu/__de yi zhal slob karma nges legs bstan 'dzin gyis mdzad pa'i man ngag thams cad kyi glegs bam gcig pu sman bsdus chen mo pod gnyis/__'be lo chen tshe dbang kun khyab dang /__bkra 'bum pa'i gces btus bdud rtsi'i bum bzang sogs zin bris sna tshogs bcas la dpyad cing lag len gyi mthil du bya/__gzhan yang bi ji'i rigs 'khrungs de'u dmar dge bshes bstan 'dzin phun tshogs pas gso rig la gsung rtsom skor glegs bam gsum bzhir longs pa las nyer mkho'i skor/__nus pa rkyang sel gyi rgyas bshad shel gong phreng pod/__bshal skyugs kyi lag len nyi ma'i snying po/__gtar ga'i gdams pa nyes 'khrugs drung 'byin/__lus gnad dang byang khog yul thig bcas/__me btsa'i gdams pa shel dkar me long /__dbyugs bcos dang /__rngul 'byin gyi man ngag__/dug bcos skor/__nyer lnga'i sbyor sde shel dkar phreng ba/__bcud len rgyas bshad zag med bde ster/__lag len gces bsdus sogs dang /__'bru tshe b+h+rU~M pa'i man ngag dran 'dzin lcags kyu rnams la'ang legs par dpyad/___yongs 'dzin mkhas dbang d+harma kIrti'i gsungs la/___dngul chu btso bkru/___lcags khams thal bzo/___rin chen ril nag chen mo dang /___tsha sbyor bcas kyi dkar chag___/byis bcos kyi skor/___rtsa chu nad sman sprod tshul sogs las dang po pa la mkho ba'i rigs phra mo sna tshogs pa dang bcas pa ste/___ji skad bshad pa de rnams kyi don la thos bsam dang /__goms pas nyams su blangs na rang gzhan gyi don gnyis 'grub par gdon mi za ba nyid do/__/gzhan du na gangs can gyi ljongs tsam du byung ba'i gso ba rig pa'i glegs bam kho na'i grangs kyang gzhal bar mi bzod na/__de rnams kyi man ngag dang /__lag len gyi nges pa ni 'chi med lam gyi spun zlar song bas ye shes gzigs pa kho na'i spyod yul du rtogs so/__/zhes pa'ang brjed byang zin bris su btab pa shu b+haM//__//_!