JKW-KABUM-17-TSA-002-011

🚧 This website is under continued development. We appreciate your patience!

Previous Text Back to Volume PageNext Text

འབམ་བཅོས་སྐོར།

Wylie title	'bam bcos skor
Location	mkhyen brtse'i bka' 'bum Volume 17, sde tshan 2, Text 11, Pages 231-233 (Folios 43a1 to 44a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bam bcos skor. In jam dbyangs mkhyen brtse'i dbang po'i bka' 'bum, Vol. 17: 231-233. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

11 231-233	འབམ་བཅོས་སྐོར། 'bam bcos skor Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འབམ་བཅོས་སྐབས། ཁྲག་རླུང་ཤས་ཆེ་བར་རཏྣ་བརྒྱད་པའི་ཐང་ནང་ནུབ་གང་རིགས་ལ་བཏང་། ཉིན་གུང་ཀོ་བྱི་བཅུ་གསུམ་དང་། ཨ་གར་བཅོ་ལྔ་དང་། ཉི་ཤུ་སོགས་འཕྲོད། སྨུག་པོའི་གཞི་ལ་ནང་ནུབ་ཐང་ཆེན་ཉེར་ལྔ་དང་། ཉིན་གུང་གླང་ཆེན་བཅོ་བརྒྱད་བསྔགས། འདུས་ནད་དང་འབམ་རིགས་སྤྱི་ལ་ནང་ནུབ་གསེར་ཐང་དང་། གུང་ལ་གླང་ཆེན་བཅོ་བརྒྱད་ཁོ་ནས་ཆོག །ཆུ་དམར་དུག་རྩ་གྲིམ་ཚད་རྟགས་སྟོན་ན་གཙོ་བརྒྱད་ཐུན་ཆ་ཤས་གཏོང་། ཆུ་དམར་སྨུག་བྱིངས་འཐིབས་ཆེ་ན་སེར་པོ་དགུ་ཡི་བཤལ་གྱིས་སྦྱངས། གཉན་འབམ་དྲི་ཆུ་བསྲི་ན་དཔའ་བརྒྱད་ལ། རྒྱ་སྡིག་གསེར་ལྕམ་བསྣན་པ་བསྔགས། འཁུམ་ཤས་ཆེ་ན་དངུལ་ཁྱུང་མེ་དབལ་ཅན་ཟབ། ཀླུ་བདུད་བཅོ་ བརྒྱད་ཀྱང་བསྔགས། ཆུ་འབམ་ཚ་ན་འབོལ་བདུན་སྐྱུ་རུའི་ཐང་གིས་ཕུལ་བ་དང་། གྲང་ཆུ་ཆུ་མདོག་སྔོ་ཞིང་སླ་ན་དྭངས་མ་ཆུ་འདྲེན་སོགས་བཏང་། ལ་ཕུག་གཏོང་དུས་ཕོ་བ་ཞན་ན་སེ་འབྲུ་བཞི་པ་དང་ལྟག་པ་སྤྲད། ལབ་རོ་ལ་ཆུ་རྩ་བུལ་ཏོག་ཚོས་གསུམ་གྱི་ཕྱེ་མ་རང་གི་དྲི་ཆུའམ་བ་ཆུ་སྦྱར་ལ་འབྱར་འཐུག་པོ་བྱ། རས་སོགས་ཀྱིས་དཀྲི་ལ་སྐྲངས་པ་མ་ཞི་བར་བཞག །སྐྲངས་པ་ཆེ་ནས་ཆུ་སེར་ཐོན་དཀའ་ན། རི་ཤོ་སྐམ་པོ་ནུས་བསྲེགས། ལྕི་བ་གསེར་ཁའི་ཐལ་བ་ཆ་མཉམ་བ་ཆུས་ཡང་ཡང་བྱུགས། གཉན་འབམ་ལ་ཞག་གསུམ་ལ་གཉན་ཐར་ནུ་ཆུ་ཙ་རུ་རྟ་ར་དུག་འབྱར་བྱེད། དེ་ནས་གོང་གི་འབྱར་བྱེད། ནད་པ་རང་གི་དྲི་ཆུས་ཞག་གསུམ་པར་སྐྲངས་དག་པར་བཀྲུ། རས་དཀར་དྲི་མེད་ཀྱིས་ཕྱི། དེ་རྗེས་མཛོ་སྔོ་རོག་ལྕི་བ། བུལ་ཏོག །གྱང་རྙིང་འགྲམ་གྱི་ས། ས་ཞག་རྣམས་ཆ་མཉམ་དྲི་ཆུའམ་བ་ཆུས་སྦྲུས་ལ་འབྱར་བྱས། འབྱར་ཤུལ་དྲི་ཆུས་བཀྲུས། ལོ་ཟླ་སོང་བའི་སྐྲངས་ཁྲེགས་པ། བྱང་བལྟས་གཡའ་སྔོན་རུལ་བ་ཞིབ་བཏགས་སླ་ངར་བརྔོས་ནས་མར་ནག་སྦྱར། ཞོ་ལྟར་སོང་ཚེ་སྦལ་མདུང་སྟག་ཤ་བཏབ་པ་བྱུགས། ཚ་འབམ་ནག་པོ་ཡུན་རིང་མཁྲེགས་པ་ལ། ཅོང་ཞི་སོལ་མེར་བསྲེགས་པ་སེང་སྐྱུར་དུ་རྒོད་བཏུལ་བགྱིས་པར་ཧོང་ལེན་བྲག་ཞུན་ཕྱེ་མ་བཏབ་ལ་འབྱར་ལུམ་མང་དུ་བྱ། ཆུ་རྒྱུས་འཁུམ་ནས་མཉེན་དཀའ་ན། སྤང་སྤོས་ཤུག་ཚེར་ཆ་མཉམ་བྱུགས་པའམ། ཡང་ན་ཕྱི་རྒྱུད་རྡོ་ཡི་བྱུགས་པ་བྱ། མི་རྟ་ཁྱི་རུས་ནུས་བསྲེགས་ཐལ་བ་ཆ་གསུམ། གཡའ་སྔོན་བསྲེགས་ཐལ་ཆ་གཅིག །དེ་སྟེང་ཁྱི་ནག་བྲུན་མཚོན་ཙམ་བསྣན། དེ་ལ་གུལ་ནག་ཁ་ཚར་བཏབ། རྟ་རྐང་ངམ་འབྲུ་མར་གང་རུང་གིས་སྐྲངས་པ་ཀུན་ལ་དང་པོ་སྲབ་པར་བྱུགས། ཉིན་གཉིས་པར་དེ་ལས་ཅུང་འཐུག་པ། གསུམ་པར་ཤ་མདོག་འགྱུར་ཙམ་བྱུགས་ཕྱིར་མི་ལྡོག་ཞེས་འབྲི་གུང་པའི་ལུགས་དང་། ཡང་ན་སྦལ་རྒྱབ། རྡོ་རྒྱུས། འབྲུག་རུས། བྱང་བ། མི་ཡི་རྐང་མགོ །སྤང་སྤོས། ཤིང་མངར། གཡེར་མ། ཤུ་དག །བུལ་ཏོག་བརྒྱད་པོ་ཞིབ་བཏགས་ལོ་མར་དང་སྦྱར་བ་བྱུགས། ཆུ་འབམ་ལ་ཆུ་སེར་གདོང་རྩ་གཉིས་པོར་མེ་བཙའ་རེ་བཞག །ཕྱིས་རླངས་ཐོན་ཙམ་རེ་གཏར། གཞན་འབམ་ཐམས་ཅད་ལ་ལོང་རྩ་བྱིན་གཞུག་གང་རུང་གཏར་ཞིང་རང་བྱུང་ངམ་བཅོས་མའི་ཆུ་ཚན་ལ་ཞུགས།། ། ༈ །

[edit]

'bam bcos skor/ 'bam bcos skabs/__khrag rlung shas che bar rat+na brgyad pa'i thang nang nub gang rigs la btang /__nyin gung ko byi bcu gsum dang /__a gar bco lnga dang /__nyi shu sogs 'phrod/__smug po'i gzhi la nang nub thang chen nyer lnga dang /__nyin gung glang chen bco brgyad bsngags/__'dus nad dang 'bam rigs spyi la nang nub gser thang dang /__gung la glang chen bco brgyad kho nas chog__/chu dmar dug rtsa grim tshad rtags ston na gtso brgyad thun cha shas gtong /__chu dmar smug byings 'thibs che na ser po dgu yi bshal gyis sbyangs/__gnyan 'bam dri chu bsri na dpa' brgyad la/__rgya sdig gser lcam bsnan pa bsngags/__'khum shas che na dngul khyung me dbal can zab/__klu bdud bco _brgyad kyang bsngags/__chu 'bam tsha na 'bol bdun skyu ru'i thang gis phul ba dang /__grang chu chu mdog sngo zhing sla na dwangs ma chu 'dren sogs btang /__la phug gtong dus pho ba zhan na se 'bru bzhi pa dang ltag pa sprad/__lab ro la chu rtsa bul tog tshos gsum gyi phye ma rang gi dri chu'am ba chu sbyar la 'byar 'thug po bya/__ras sogs kyis dkri la skrangs pa ma zhi bar bzhag__/skrangs pa che nas chu ser thon dka' na/__ri sho skam po nus bsregs/__lci ba gser kha'i thal ba cha mnyam ba chus yang yang byugs/__gnyan 'bam la zhag gsum la gnyan thar nu chu tsa ru rta ra dug 'byar byed/__de nas gong gi 'byar byed/__nad pa rang gi dri chus zhag gsum par skrangs dag par bkru/__ras dkar dri med kyis phyi/__de rjes mdzo sngo rog lci ba/__bul tog__/gyang rnying 'gram gyi sa/__sa zhag rnams cha mnyam dri chu'am ba chus sbrus la 'byar byas/__'byar shul dri chus bkrus/__lo zla song ba'i skrangs khregs pa/__byang bltas g.ya' sngon rul ba zhib btags sla ngar brngos nas mar nag sbyar/__zho ltar song tshe sbal mdung stag sha btab pa byugs/__tsha 'bam nag po yun ring mkhregs pa la/__cong zhi sol mer bsregs pa seng skyur du rgod btul bgyis par hong len brag zhun phye ma btab la 'byar lum mang du bya/__chu rgyus 'khum nas mnyen dka' na/__spang spos shug tsher cha mnyam byugs pa'am/__yang na phyi rgyud rdo yi byugs pa bya/__mi rta khyi rus nus bsregs thal ba cha gsum/__g.ya' sngon bsregs thal cha gcig__/de steng khyi nag brun mtshon tsam bsnan/__de la gul nag kha tshar btab/__rta rkang ngam 'bru mar gang rung gis skrangs pa kun la dang po srab par byugs/__nyin gnyis par de las cung 'thug pa/__gsum par sha mdog 'gyur tsam byugs phyir mi ldog zhes 'bri gung pa'i lugs dang /__yang na sbal rgyab/__rdo rgyus/__'brug rus/__byang ba/__mi yi rkang mgo__/spang spos/__shing mngar/__g.yer ma/__shu dag__/bul tog brgyad po zhib btags lo mar dang sbyar ba byugs/__chu 'bam la chu ser gdong rtsa gnyis por me btsa' re bzhag__/phyis rlangs thon tsam re gtar/__gzhan 'bam thams cad la long rtsa byin gzhug gang rung gtar zhing rang byung ngam bcos ma'i chu tshan la zhugs//__/_!_/