JKW-KABUM-17-TSA-002-018

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 2, Text 18, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: . Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

18 273-276	ནད་སྨན་སྤྲད་པའི་ཉམས་ཡིག་ཐོར་བུ། nad sman sprad pa'i nyams yig thor bu Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ནད་སྨན་སྤྲད་པའི་ཉམས་ཡིག་ཐོར་བུ། དཀར་པོ་དྲུག་སྦྱོར་འདིས། ཟས་ཡི་གར་མི་འོང་མགོ་ཡུ་འཁོར། མིག་རབ་རིབ་དང་ཞེན་པ་ལོག་པ་སོགས་ལ་ཕན། ། ༈ གུར་གུམ་བཅུ་གསུམ་གྱིས། མཆིན་ཁྲག་དང་མཁལ་འགྲམ། ཆམ་པར་སྲིན་བསྡངས་པ་སོགས་ལ་ཕན། ། ༈ བོང་ཁྲག་ཉེར་ལྔ་འདིས། ཆུ་སེར་ཚིགས་བབས་གྲུམ་ཤས་ཆེ་བའི་རིགས་དང་། རུས་ཚིག་དང་ཆུ་རྒྱུས་མི་བདེ་བ་ཀུན་ལ་ཕན། ། ༈ ཨ་གར་སོ་ལྔས། ཁྲག་རླུང་གདོན་ཁ་ཅན་དང་། གཟེར་ངེས་མེད་དུ་འཕོ་བ་ཀུན་ལ་ཕན། བསྟེན་ཡུན་རིང་ན་ཁྲག་སྨད་དུ་བབས་པས་རྐང་འབམ་གྱི་རྒྱུ་བྱེད། ། ༈ སྙན་ངགས་དྲུག་པས་མིག་གི་ལིང་ཏོག །ལྤགས་སྲིན། གདོང་སྲིན་སོགས་སྲིན་རིགས་ཐམས་ཅད་ལ་ཕན། ། ༈ ད་ལི་བཅུ་དྲུག་འདིས། སྐྱ་སྦབ་དང་། ས་ཆུ་མ་ཐུབ་ནས་སྐྲངས་པའི་རིགས་ཐམས་ཅད་ལ་ཕན། ། ༈ ཕན་པ་ཀུན་ལྡན་འདིས་གླང་ཐབས་དང་། དུག་རྒོད་གཟེར་ཤིན་ཏུ་ཆེ་བ་ལ་ཕན། ། ༈ གར་ནག་བཅོ་ལྔས་བད་མཁྲིས་མགོ་གཟེར་དང་། སྲིན་གྱི་རིགས་ཀུན་ལ་ཕན། ། ༈ བོང་བཅུ་འདིས་སྐྲངས་པ་ཚ་བབས་རིགས་ལ་ཕན། ནད་གཞི་གཞན་གང་ལའང་མི་གནོད། ། ༈ རྟ་ཟི་དམར་པོ་འདིས། ཚ་རིམས་འབྲུམ་པ་སོགས་སྟོབས་ཆེ་བའི་ནད་ལ་བསྔགས། ། ༈ ཚངས་པ་དབུ་སེལ་འདིས་གདོང་སྲིན་དང་སྲིན་སོགས་ལ་ཟབ། ། ༈ མན་ངག་བསིལ་སྦྱོར་འདིས་བད་སེར་མཆིན་མཁྲིས་མི་བདེ་བ་སོགས་ལ་ཟབ། ། ༈ སྨུག་པོ་གཡུལ་རྒྱལ་འདིས་ཕོ་མཆིན་བྲང་རྒྱབ་མི་བདེ་བ་དང་། བྲང་ཚ་ཆུ་སྐྱུར་སྐྱུགས་པ་སོགས་ལ་ཕན། ། ༈ བདུད་རྩི་སུམ་སྦྱོར་འདིས་བད་ཁྲག་མཆིན་ཁྲག གྲང་ཁྲག་སོགས་ནད་གཞི་ཕལ་ཆེར་གྱི་སྤྱི་སྨན་ཡིན། ། ༈ མཁྲིས་ལས་རྣམ་རྒྱལ་འདིས་བད་མཁྲིས་མགོ་ནད་དང་། མཁྲིས་རླུང་། དང་ག་མི་བདེ་བ་སོགས་ལ་ཕན། ། ༈ ཏིག་ཏ་བརྒྱད་པ་མཁྲིས་པའི་སྤྱི་སྨན་ཡིན། ཆམ་རིམ་ལའང་ཕན། ། ༈ བྲག་ཞུན་དགུ་པས་ཕོ་བར་ཁྲག་མཁྲིས་དང་། ཆམ་པ་བབས་པ་སོགས་ལ་ཕན། ། ༈ གི་ཝཾ་དགུ་པས་བད་ཀན་མཆིན་ཁྲག་དང་། སྐྲངས་པ་ཚ་བ་སོགས་ཀྱི་རིགས་ལ་ཕན། ། ༈ སྐྱུ་རུ་ཉེར་ལྔས་བད་ཁྲག མཆིན་ཁྲག་སྟོད་གཟེར། །མིག་མི་གསལ་བ་སོགས་ལ་ཕན། ། ༈ གསེར་མདོག་ལྔ་པས་བད་མཁྲིས་མ་ཞུ་བ་དང་། མགོ་ན་བ། ཞེན་པ་ལོག་པ་སོགས་ལ་ཕན། ། ༈ བདེ་བྱེད་སྙོམས་ལྡན་འདིས། སྨུག་པོ་ཕོ་མཆིན་མི་བདེ་བ་དང་། མཁལ་རྐེད་གཟེར་བ་དང་། ཟས་ཡི་གར་མི་འོང་བ་སོགས་ལ་ཕན། ། ༈ ཐང་ཆེན་བརྒྱད་པ་གཉན་ཚད་དང་ཆམས་རིམས་གསར་པ་ཐམས་ཅད་ལ་བསྔགས། ། ༈ བསམ་འཕེལ་ནོར་བུ་འདིས། གྲིབ་རྩ་དཀར་གཟའ་གདོན་རིགས་ཀུན་དང་། སྨན་པས་བཅོས་རྡུག་གི་ནད་རིགས་ཕལ་ཆེར་ལ་ཕན། ། ༈ ཨ་རུ་ཉེར་ལྔས་ཁྲག་ནད་མཁལ་མར་བབས་པ། ཁྲག་འབམ། གྲུམ་བུ་དང་ཆུ་སེར་གྱི་རིགས་ཀུན་ལ་ཟབ། ། ༈ གི་དགུ་དང་ཏིག་བརྒྱད་བསྲེས་པས་ཁྲག་མཁྲིས་དང་། མཆིན་མཁྲིས་མི་བདེ་བ། མགོ་ནད་ཆམ་པ་སོགས་ལ་ཕན། ། ༈ གསེར་ཞིས་མཁྲིས་ནད་མ་ཞུ་བའི་རིགས་ཀུན་ལ་ཕན། ། ༈ ཞི་བྱེད་དྲུག་པ་དང་རུ་རྟ་དྲུག་པ་བསྲེས་པས་གླང་ཐབས་དང་སྦྲན་དུག་སྤྱི་ལ་ཟབ། ། ༈ བདུད་རྩི་སུམ་སྦྱོར་དང་ཏིག་བརྒྱད་བསྲེས་པས་བད་མཁྲིས་ཁྲག་གསུམ་བསྡངས་ནས་ལུས་བྱིངས་ཉོབ་བ་དང་མགོ་བོ་ལྗི། གཉིད་འཐིབ་པ་སོགས་ལ་ཟབ། ། ༈ བད་རླུང་ནད་ཀྱི་མགོ་ཡུ་འཁོར་བ་དང་། ཞེན་པ་ལོག་པ། སྟོང་སྐྱུགས་བྱེད་པ་སོགས་ལ་ཨ་གར་བརྒྱད་པ། རིལ་དཀར་སོ་ལྔ་སོགས་ཀྱིས་ཕན། སོ་ལྔ་དང་ཙམ་པ་བསྲེས་པས་བདུག ༈ །སྒ་ལོ་སྨན་དམར་ནོར་བུ་བདུན་ཐང་གིས་ཕུལ་བས་ཁྲག་ནད་རིགས་ཕལ་ཆེར་འཕྲལ་དུ་དྭངས། །གི་དགུ། གུར་གུམ་བཅུ་གསུམ། སྐྱུ་རུ་ཉེར་ལྔ། བདུད་རྩི་སུམ་སྦྱོར་སོགས་མིག་ནད་སྤྱིའི་ཁོག་སྨན་ལ་ཟབ། ། ༈ སྤོས་དཀར་བཅུ་པའི་སྟེང་ཙནྡན་དམར་པོ་དང་བ་ཤ་ཀ་བསྣན་པས་ཤ་ལྤགས་སྤྱི་ལ་བརྩོག་འབྲུམ་རྣག་མགོ་ཅན་འབྱུང་བ་དེ་ལ་མཆོག་ཏུ་ཕན།། །། ༈

[edit]

nad sman sprad pa'i nyams yig thor bu/ dkar po drug sbyor 'dis/__zas yi gar mi 'ong mgo yu 'khor/__mig rab rib dang zhen pa log pa sogs la phan/__/_!_gur gum bcu gsum gyis/__mchin khrag dang mkhal 'gram/__cham par srin bsdangs pa sogs la phan/__/_!_bong khrag nyer lnga 'dis/__chu ser tshigs babs grum shas che ba'i rigs dang /__rus tshig dang chu rgyus mi bde ba kun la phan/__/_!_a gar so lngas/__khrag rlung gdon kha can dang /__gzer nges med du 'pho ba kun la phan/__bsten yun ring na khrag smad du babs pas rkang 'bam gyi rgyu byed/__/_!_snyan ngags drug pas mig gi ling tog__/lpags srin/__gdong srin sogs srin rigs thams cad la phan/__/_!_da li bcu drug 'dis/__skya sbab dang /__sa chu ma thub nas skrangs pa'i rigs thams cad la phan/__/_!_phan pa kun ldan 'dis glang thabs dang /__dug rgod gzer shin tu che ba la phan/__/_!_gar nag bco lngas bad mkhris mgo gzer dang /__srin gyi rigs kun la phan/__/_!_bong bcu 'dis skrangs pa tsha babs rigs la phan/__nad gzhi gzhan gang la'ang mi gnod/__/_!_rta zi dmar po 'dis/__tsha rims 'brum pa sogs stobs che ba'i nad la bsngags/__/_!_tshangs pa dbu sel 'dis gdong srin dang srin sogs la zab/__/_!_man ngag bsil sbyor 'dis bad ser mchin mkhris mi bde ba sogs la zab/__/_!_smug po g.yul rgyal 'dis pho mchin brang rgyab mi bde ba dang /__brang tsha chu skyur skyugs pa sogs la phan/__/_!_bdud rtsi sum sbyor 'dis bad khrag mchin khrag__grang khrag sogs nad gzhi phal cher gyi spyi sman yin/__/_!_mkhris las rnam rgyal 'dis bad mkhris mgo nad dang /__mkhris rlung /__dang ga mi bde ba sogs la phan/__/_!_tig ta brgyad pa mkhris pa'i spyi sman yin/__cham rim la'ang phan/__/_!_brag zhun dgu pas pho bar khrag mkhris dang /__cham pa babs pa sogs la phan/__/_!_gi waM dgu pas bad kan mchin khrag dang /__skrangs pa tsha ba sogs kyi rigs la phan/__/_!_skyu ru nyer lngas bad khrag__mchin khrag stod gzer/__/mig mi gsal ba sogs la phan/__/_!_gser mdog lnga pas bad mkhris ma zhu ba dang /__mgo na ba/__zhen pa log pa sogs la phan/__/_!_bde byed snyoms ldan 'dis/__smug po pho mchin mi bde ba dang /__mkhal rked gzer ba dang /__zas yi gar mi 'ong ba sogs la phan/__/_!_thang chen brgyad pa gnyan tshad dang chams rims gsar pa thams cad la bsngags/__/_!_bsam 'phel nor bu 'dis/__grib rtsa dkar gza' gdon rigs kun dang /__sman pas bcos rdug gi nad rigs phal cher la phan/__/_!_a ru nyer lngas khrag nad mkhal mar babs pa/__khrag 'bam/__grum bu dang chu ser gyi rigs kun la zab/__/_!_gi dgu dang tig brgyad bsres pas khrag mkhris dang /__mchin mkhris mi bde ba/__mgo nad cham pa sogs la phan/__/_!_gser zhis mkhris nad ma zhu ba'i rigs kun la phan/__/_!_zhi byed drug pa dang ru rta drug pa bsres pas glang thabs dang sbran dug spyi la zab/__/_!_bdud rtsi sum sbyor dang tig brgyad bsres pas bad mkhris khrag gsum bsdangs nas lus byings nyob ba dang mgo bo lji/__gnyid 'thib pa sogs la zab/__/_!_bad rlung nad kyi mgo yu 'khor ba dang /__zhen pa log pa/__stong skyugs byed pa sogs la a gar brgyad pa/__ril dkar so lnga sogs kyis phan/__so lnga dang tsam pa bsres pas bdug__!__/sga lo sman dmar nor bu bdun thang gis phul bas khrag nad rigs phal cher 'phral du dwangs/__/gi dgu/__gur gum bcu gsum/__skyu ru nyer lnga/__bdud rtsi sum sbyor sogs mig nad spyi'i khog sman la zab/__/_!_spos dkar bcu pa'i steng tsan+dan dmar po dang ba sha ka bsnan pas sha lpags spyi la brtsog 'brum rnag mgo can 'byung ba de la mchog tu phan//___//__!