JKW-KABUM-05-CA-002-009

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 5, sde tshan 2, Text 9, Pages (Folios 153b1 to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 5: 374-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

9 374-376	ཀུན་ཏུ་བཟང་པོའི་སྒྲུབ་ཐབས་ཤྲཱི་ཕ་ལ་བཛྲ་གྱིས་མཛད་པ་ལས་ལུང་ཁོལ་ཕྱུང་སོགས། kun tu bzang po'i sgrub thabs shrI pha la badz+ra gyis mdzad pa las lung khol phyung sogs Commentaries - 'grel pa   ·   Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཀུན་ཏུ་བཟང་པོའི་སྒྲུབ་ཐབས་ཤྲཱི་ཕ་ལ་བཛྲ་གྱིས་མཛད་པ་ལས་ལུང་ཁོལ་ཕྱུང་སོགས། ཀུན་ཏུ་བཟང་པོའི་སྒྲུབ་པའི་ཐབས་ཀྱི་འགྲེལ་པ་ཤྲཱི་ཕ་ལ་བཛྲ་གྱིས་མཛད་༡༤༠པ་རིན་ཆེན་ནས་བཟང་པོས་འགྱུར་༡༨༧བར་པ་ལས། དཔལ་ནི་བསོད་ནམས་དང་ཡེ་ཤེས་ཀྱི་ཚོགས་ཀྱི་མཚན་ཉིད་ཅན་ནོ། །དེ་གང་ལ་མངའ་བ་ནི་དཔལ་ལྡན་ནོ། །ཡང་ན་དཔལ་ནི་རྣམ་པ་གཉིས་ཏེ་ལྷན་ཅིག་སྐྱེས་པ་དང་སྟོབས་ཀྱིས་སྐྱེས་པའོ། །དེ་ལ་ལྷན་ཅིག་སྐྱེས་པ་ནི་གང་རང་བཞིན་གྱིས་འོད་གསལ་བའི་སེམས་སོ། །སྟོབས་ཀྱིས་སྐྱེས་པ་ནི་བསྒོམས་པའི་སྟོབས་ཀྱིས་ཀུན་ཏུ་བཟང་པོ་མངོན་དུ་བྱས་པའོ། །ཞེས་དང་། འོད་གསལ་བའི་དགའ་བ་ཆེན་པོས་སྒྲ་ལས་བྱུང་བའི་སངས་རྒྱས་ཀྱི་ཚོགས་དང་སེམས་ཅན་གྱི་ཚོགས་མ་ལུས་པའི་དགོས་པ་མཛད་པས་འཇམ་ཞིང་ཀུན་ཏུ་བཟང་པོའི་མཚན་ཉིད་ཀྱི་དཔལ་མངའ་བ་དེ་ནི་འཇམ་པའི་དཔལ་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུའོ། །ཞེས་དང་། ཨོཾ་ཞེས་བྱ་བ་ལ་སོགས་པ་ཡིན་ཏེ། ཨོཾ་ཞེས་བྱ་བ་ནི་ངེས་པའོ། །ཤཱུ་ནྱ་ཏཱ་ཞེས་བྱ་བ་ནི་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་ཉེ་བར་མཚོན་པ་སྟེ། རྣམ་པར་ཐར་པའི་སྒོ་གསུམ་པོ་འདི་དག་རྣལ་འབྱོར་པས་རིམ་པ་ཇི་ལྟ་བ་བཞིན་དུ་བསྒོམ་པར་བྱའོ། །དེ་ཡང་སྔགས་ཨོཾ་གྱི་གཟུགས་ནི་དཀར་པོ། ཨཱོཾ་ཡི་གཟུགས་ནི་དམར་པོ། ཧཱུྃ་གི་གཟུགས་ནི་ནག་པོའོ། །བཛྲ་ཅིའི་ཕྱིར་སྨོས་ཤེ་ན། རྡོ་རྗེ་ལྟར་ཉོན་མོངས་པ་ཅན་གྱི་རི་བོ་རྣམ་པར་འཇིག་པ་སྟོང་པ་ཉིད་དང་། །མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོ་གསུམ་གྱི་རང་བཞིན་ཅན་གྱི་སྐུ་དང་གསུང་དང་ཐུགས་རྡོ་རྗེའི་ས་བོན་ནོ། །ཛྙཱ་ན་སྭ་བྷཱ་བ་སྟེ། བདག་ནི་ཡེ་ཤེས་ཀྱི་བདག་ཉིད་ཅན་གྱི་ངོ་བོ་ཉིད་དུ་གདོད་མ་ཉིད་ནས་མི་འགྱུར། ཞེས་དང་། འདི་དག་གིས་ནི་སེམས་རང་བཞིན་གྱིས་འོད་གསལ་བ་ཉིད་དུ་སྟོན་ཏེ། ཞེས་དང་། ཐ་མལ་པའི་རྣམ་པར་རྟོག་པ་བདག་དང་བདག་གིར་རྟོག་པའི་རྒྱུན་འཇུག་པ་ལ་ཞེན་ཞིང་དེ་མ་རྟོགས་པ་སྲིད་པ་སྟེ། འཁོར་བའི་སྡུག་བསྔལ་གཞན་དག་ཅི་ཡང་ཡོད་པ་མ་ཡིན་ནོ། །དེས་ན་དེ་རྣམ་པར་འགགས་ཤིང་མེད་པར་གྱུར་པ་ལས་སེམས་ནི་ཀུན་ཏུ་བཟང་པོ་ལ་སོགས་པའི་ངོ་བོ་ཉིད་ཡིན་པས་སེམས་འདི་རྣལ་འབྱོར་པས་རང་རིག་པའི་མངོན་སུམ་གྱིས་མངོན་སུམ་དུ་ཉམས་སུ་མྱོང་བ་ཡིན་ཏེ། གསང་སྔགས་སྒྲ་རྣམས་མང་དུ་ནི། །སྤྲོས་ཏེ་སྨྲས་པས་ཅི་ཞིག་བྱ། །ཁྱད་པར་དུ་ནི་སེམས་བསྒྲུབས་ཏེ། །སེམས་ལས་རྫོགས་པའི་བྱང་ཆུབ་འབྱུང་། །ཞེས་བཤད་པ་ཡིན་ནོ། །ཇི་ལྟར་ཞེ་ན། དེའི་ཕྱིར་ཟབ་ཅིང་ཞེས་བྱ་བ་ལ་སོགས་པ་སྨོས་ཏེ། ཟབ་ཅིང་རྒྱ་ཆེ་བའི་བདག་ཉིད་ཅན་གྱི་རྣམ་པར་བྱ་བ་དོན་དམ་པའི་ཐབས་དང་ཤེས་རབ་བསྒོམ་པའི་སེམས་གང་ཡིན་པ་དེ་ནི་ཐ་མལ་པའི་ཀུན་ཏུ་རྟོག་པ་དེ་སྣང་ཞིང་སོ་སོར་འབྱུང་བར་མི་འགྱུར་རོ། །དེ་ཡང་ཚད་མ་རྣམ་འགྲེལ་ལས། །སེམས་དེ་རང་བཞིན་འོད་གསལ་ཏེ། །དྲི་མ་རྣམས་ནི་གློ་བུར་བ། །དང་པོར་ནུས་མེད་དེ་ལ་ཡང་། །ཕྱིས་ནུས་དེ་ཡི་རང་བཞིན་མིན། །རླན་ཅན་པ་ཡི་མེ་བཞིན་ནོ། །རབ་ཏུ་འཕེལ་བར་ནུས་མ་ཡིན། །འཚེ་བ་མེད་དང་ཡང་དག་དོན། །ངོ་བོ་ཉིད་ལས་ཕྱིར་ལོག་གི། །འབད་དུ་ཟིན་ཀྱང་གནོད་མེད་དེ། །བློ་ནི་དེ་ཡི་ཕྱོགས་འཛིན་ཕྱིར། །ཞེས་བཤད་པ་ཡིན་ནོ། །དེ་ཡང་ཀུན་ཏུ་བཟང་པོ་ལ་སོགས་པ་འབྲས་བུའི་ངོ་བོ་ཉིད་ནི་ཡང་དག་རིག་པ་ལས་ཐ་དད་པ་གཞན་དག་ཡོད་པ་མ་ཡིན་ནོ། །ཞེས་དང་། ༈

[edit]

kun tu bzang po'i sgrub thabs shrI pha la badz+ra gyis mdzad pa las lung khol phyung sogs/ kun tu bzang po'i sgrub pa'i thabs kyi 'grel pa shrI pha la badz+ra gyis mdzad 140pa rin chen nas bzang pos 'gyur 187bar pa las/__dpal ni bsod nams dang ye shes kyi tshogs kyi mtshan nyid can no/__/de gang la mnga' ba ni dpal ldan no/__/yang na dpal ni rnam pa gnyis te lhan cig skyes pa dang stobs kyis skyes pa'o/__/de la lhan cig skyes pa ni gang rang bzhin gyis 'od gsal ba'i sems so/__/stobs kyis skyes pa ni bsgoms pa'i stobs kyis kun tu bzang po mngon du byas pa'o/__/zhes dang /__'od gsal ba'i dga' ba chen pos sgra las byung ba'i sangs rgyas kyi tshogs dang sems can gyi tshogs ma lus pa'i dgos pa mdzad pas 'jam zhing kun tu bzang po'i mtshan nyid kyi dpal mnga' ba de ni 'jam pa'i dpal te/__de bzhin gshegs pa thams cad kyi ye shes kyi sku'o/__/zhes dang /__oM zhes bya ba la sogs pa yin te/__oM zhes bya ba ni nges pa'o/__/shU n+ya tA zhes bya ba ni stong pa nyid dang mtshan ma med pa dang smon pa med pa nye bar mtshon pa ste/__rnam par thar pa'i sgo gsum po 'di dag rnal 'byor pas rim pa ji lta ba bzhin du bsgom par bya'o/__/de yang sngags oM gyi gzugs ni dkar po/__A+oM yi gzugs ni dmar po/__hU~M gi gzugs ni nag po'o/__/badz+ra ci'i phyir smos she na/__rdo rje ltar nyon mongs pa can gyi ri bo rnam par 'jig pa stong pa nyid dang /__/mtshan ma med pa dang /__smon pa med pa'i rnam par thar pa'i sgo gsum gyi rang bzhin can gyi sku dang gsung dang thugs rdo rje'i sa bon no/__/dz+nyA na swa b+hA ba ste/__bdag ni ye shes kyi bdag nyid can gyi ngo bo nyid du gdod ma nyid nas mi 'gyur/__zhes dang /__'di dag gis ni sems rang bzhin gyis 'od gsal ba nyid du ston te/__zhes dang /__tha mal pa'i rnam par rtog pa bdag dang bdag gir rtog pa'i rgyun 'jug pa la zhen zhing de ma rtogs pa srid pa ste/__'khor ba'i sdug bsngal gzhan dag ci yang yod pa ma yin no/__/des na de rnam par 'gags shing med par gyur pa las sems ni kun tu bzang po la sogs pa'i ngo bo nyid yin pas sems 'di rnal 'byor pas rang rig pa'i mngon sum gyis mngon sum du nyams su myong ba yin te/__gsang sngags sgra rnams mang du ni/__/spros te smras pas ci zhig bya/__/khyad par du ni sems bsgrubs te/__/sems las rdzogs pa'i byang chub 'byung /__/zhes bshad pa yin no/__/ji ltar zhe na/__de'i phyir zab cing zhes bya ba la sogs pa smos te/__zab cing rgya che ba'i bdag nyid can gyi rnam par bya ba don dam pa'i thabs dang shes rab bsgom pa'i sems gang yin pa de ni tha mal pa'i kun tu rtog pa de snang zhing so sor 'byung bar mi 'gyur ro/__/de yang tshad ma rnam 'grel las/__/sems de rang bzhin 'od gsal te/__/dri ma rnams ni glo bur ba/__/dang por nus med de la yang /__/phyis nus de yi rang bzhin min/__/rlan can pa yi me bzhin no/__/rab tu 'phel bar nus ma yin/__/'tshe ba med dang yang dag don/__/ngo bo nyid las phyir log gi/__/'bad du zin kyang gnod med de/__/blo ni de yi phyogs 'dzin phyir/__/zhes bshad pa yin no/__/de yang kun tu bzang po la sogs pa 'bras bu'i ngo bo nyid ni yang dag rig pa las tha dad pa gzhan dag yod pa ma yin no/__/zhes dang /__!_