JKW-KABUM-21-ZHA-001-019

Previous Text Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 1, Text 19, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

19 67-68	གསུར་མཆོད་མདོར་བསྡུས། gsur mchod mdor bsdus Burnt Food Offerings - gsur mchod	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསུར་མཆོད་མདོར་བསྡུས། ༄༅། །གསུར་མཆོད་མདོར་བསྡུས་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། །ཨོཾ་སྭསྟི། འདིར་མཆོད་སྦྱིན་གསུར་གྱི་ཆོ་ག་ཤིན་ཏུ་བསྡུས་ཏེ་བྱ་བའི་ཚུལ་ལ། གསུར་མཆོད་ཕྱག་ལེན་ལྟར་བཤམ། ཆབ་གཙང་མས་བྲན། ཨོཾ་ཨཱཿཧཱུྃ་གིས་བྱིན་གྱིས་བརླབ། ཨོཾ་ན་མསྶརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ། ཞེས་དང་། གསུར་མཆོད་འདོད་ཡོན་ལྔ་ལྡན་འདིས། །དཀོན་མཆོག་སྲི་ཞུའི་མགྲོན་རྣམས་མཆོད། །བདག་དང་མཁའ་མཉམ་འགྲོ་ཀུན་ལ། །བྱིན་རློབས་མཆོག་ཐུན་དངོས་གྲུབ་སྩོལ། །མགོན་པོ་ཡོན་ཏན་མགྲོན་ལ་འབུལ། །རྣམ་བཞིའི་ཕྲིན་ལས་ཀུན་འགྲུབ་མཛོད། །བགེགས་རིགས་ལན་ཆགས་མགྲོན་ལ་སྦྱིན། །གནོད་འཚེ་ཞི་ཞིང་བུ་ལོན་བྱང་། །རིགས་དྲུག་སྙིང་རྗེའི་མགྲོན་ལ་བསྔོ། །འདོད་རྒུའི་ལོངས་སྤྱོད་ལྷུན་གྲུབ་ཤོག །ཁྱད་པར་བར་དོའི་འགྲོ་བ་སོགས། །དྲི་ཟ་འབྱུང་པོའི་ཚོགས་ལ་སྦྱིན། །སོ་སོའི་སྡུག་བསྔལ་ཀུན་བྲལ་ནས། །ཟག་མེད་བདེ་བས་ཚིམ་གྱུར་ཅིག །ཀུན་ཀྱང་བྱང་ཆུབ་སེམས་འབྱོངས་ནས། །རྫོགས་པའི་སངས་རྒྱས་མྱུར་ཐོབ་ཤོག །ཅེས་འབུལ་ཞིང་བསྔོས་ལ། །བསྔོ་སྨོན་བཀྲ་ཤིས་ཇི་ལྟར་རིགས་པས་མཐའ་བརྒྱན་པར་བྱའོ། །ཞེས་པའང་རྒྱུད་སྨད་དགེ་བའི་བཤེས་གཉེན་ཛྙཱ་ནའི་མཚན་ཅན་གྱི་གསུང་ངོར། མཁྱེན་བརྩེའི་དབང་པོས་ལྷ་ལྡན་དགའ་བཞིའི་འཁྲུལ་སྣང་གི་གནྡྷོ་ལའི་ཉེ་འདབས་སུ་ཤར་མར་བྲིས་པ་དགེ། ། ༈

[edit]

gsur mchod mdor bsdus/__ @#/_/gsur mchod mdor bsdus bdud rtsi'i sprin phung zhes bya ba bzhugs so/__/oM swasti/__'dir mchod sbyin gsur gyi cho ga shin tu bsdus te bya ba'i tshul la/__gsur mchod phyag len ltar bsham/__chab gtsang mas bran/__oM AHhU~M gis byin gyis brlab/__oM na mas+sarba ta thA ga ta a wa lo ki te oM saM b+ha ra saM b+ha ra hU~M/__zhes dang /__gsur mchod 'dod yon lnga ldan 'dis/__/dkon mchog sri zhu'i mgron rnams mchod/__/bdag dang mkha' mnyam 'gro kun la/__/byin rlobs mchog thun dngos grub stsol/__/mgon po yon tan mgron la 'bul/__/rnam bzhi'i phrin las kun 'grub mdzod/__/bgegs rigs lan chags mgron la sbyin/__/gnod 'tshe zhi zhing bu lon byang /__/rigs drug snying rje'i mgron la bsngo/__/'dod rgu'i longs spyod lhun grub shog__/khyad par bar do'i 'gro ba sogs/__/dri za 'byung po'i tshogs la sbyin/__/so so'i sdug bsngal kun bral nas/__/zag med bde bas tshim gyur cig__/kun kyang byang chub sems 'byongs nas/__/rdzogs pa'i sangs rgyas myur thob shog__/ces 'bul zhing bsngos la/__/bsngo smon bkra shis ji ltar rigs pas mtha' brgyan par bya'o/__/zhes pa'ang rgyud smad dge ba'i bshes gnyen dz+nyA na'i mtshan can gyi gsung ngor/__mkhyen brtse'i dbang pos lha ldan dga' bzhi'i 'khrul snang gi gan+d+ho la'i nye 'dabs su shar mar bris pa dge/___/___!_