DKR-KABUM-09-TA-014

🚧 This website is under continued development. We appreciate your patience!

Previous Text"TA" is not a number. Back to Volume Page"TA" is not a number.Next Text "TA" is not a number.

Wylie title
Location	dil mgo mkhyen brtse bka' 'bum Volume , Text 14, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"TA" is not a number.

"TA" is not a number.

Tibetan Text

Wylie

[edit]

༄༅། །ཐུགས་སྒྲུབ་བར་ཆད་ཀུན་སེལ་ལས། གུ་རུ་དྲག་པོ་རྡོ་རྗེ་དྲག་རྩལ་གྱི་རྒྱུན་ཁྱེར་དབང་དྲག་ཐུགས་ཀྱི་ཐིག་ལེ་བཞུགས། ན་མོ་གུ་རུ་པདྨ་ཀྲོ་དྷ་ཡ། བླ་མ་དྲག་པོའི་རྒྱུན་གྱི་རྣལ་འབྱོར་བསྒོམ་པར་འདོད་པས་ཐོག་མར་སྐྱབས་སེམས་ནི། ན་མོ༔ བླ་མ་ཡི་དམ་མཁའ་འགྲོ་མ༔ མཆོག་གསུམ་རྒྱལ་བ་སྲས་བཅས་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ཧཱུྃ༔ ཤིན་ཏུ་གདུག་ཅིང་གཏུམ་པ་ཡི༔ རྒྱལ་འགོང་འབྱུང་པོ་ཚར་གཅོད་ཕྱིར༔ པདྨ་དྲག་རྩལ་ཧེ་རུ་ཀའི༔ རྣལ་འབྱོར་ཟབ་མོ་འདི་བསྒོམ་བྱ༔ ཧཱུྃ༔ སྐྱེ་མེད་དབྱིངས་ལས་རིག་པའི་རྩལ༔ རྒྱུ་རྐྱེན་སྔགས་ལས་མ་བསྐྱེད་པར༔ རང་ཉིད་རིག་འཛིན་དྲག་པོ་རྩལ༔ པདྨ་ཁྲག་འཐུང་ཧེ་རུ་ཀ༔ སྐུ་མདོག་དུས་མཐའི་མེ་ལྟར་འབར༔ ཕྱག་གཡས་རྡོ་རྗེ་རྩེ་དགུ་འཕྱར༔ གཡོན་པས་ལྕགས་སྡིག་མགོ་དགུ་བཙིར༔ དུར་ཁྲོད་རུས་པའི་རྒྱན་གྱིས་སྤྲས༔ ཡུམ་ནི་རྡོ་རྗེ་ཕག་མོ་མཐིང༔ ཕྱག་གཉིས་གྲི་ཐོད་འཛིན་པས་འཁྱུད༔ ཞབས་གཉིས་གྱད་ཀྱི་དོར་སྟབས་ཀྱིས༔ པདྨ་ཟླ་བ་ཉི་མ་དང༔ རྒྱལ་འགོང་དམ་སྲིའི་དཔྱི་ནས་བརྫིས༔ ཡེ་ཤེས་མེ་ཕུང་འབར་བའི་ཀློང༔ བདེ་སྟོང་མཉམ་སྦྱོར་འོད་ཀྱི་སྐུའི༔ སྤྱི་བོར་འཇམ་དཔལ་ཁྲག་འཐུང་དང༔ མགྲིན་པར་དཔལ་ཆེན་རྟ་མགྲིན་རྒྱལ༔ ཐུགས་ཀར་རྡོ་རྗེ་གཏུམ་པོ་ཆེ༔ ལྟེ་བར་མཁའ་འགྲོ་ཁྲོས་མ་ནག༔ གསང་གནས་ཡཀྴ་མེ་དབལ་རྩལ༔ ཚིག་མཚམས་ཁྲོ་རྒྱལ་ཆེན་པོ་བཅུ༔ སྤྱི་གཙུག་རྡོ་རྗེ་ནམ་མཁའ་ལྡིང༔ གཞན་ཡང་བ་སྤུའི་ཁུང་བུ་ཚུན༔ རབ་འབྱམས་ཁྲོ་བོའི་ཚོགས་ཀྱིས་གཏམས༔ སྐུ་གསུང་ཐུགས་སུ་བྱིན་བརླབས་ཤིང༔ ཡེ་ཤེས་ལྔ་ཡིས་དབང་བསྐུར་རོ༔ ཨོཾ་ཨཱཿཧཱུྃ༔ ཨོཾ་ཧཱུྃ་ཏྲཱྃ་ཧྲཱིཿཨཿ ཨ་བྷི་ཥིཉྩ་ཧཱུྃ༔ ཧཱུྃ༔ བཞེངས་ཤིག་དབང་དྲག་འབར་བའི་ཞིང༔ པདྨ་འོད་ཀྱི་ཕོ་བྲང་ནས༔ རྗེ་བཙུན་ཨོ་རྒྱན་ཐོད་ཕྲེང་རྩལ༔ རབ་འབྱམས་ཁྲོ་བོའི་འཁོར་དང་བཅས༔ དུས་སྙིགས་དམ་འགོང་ཚར་གཅོད་ཕྱིར༔ དྲག་པོའི་སྟོབས་ཀྱིས་གཤེགས་སུ་གསོལ༔ བཛྲ་ས་མ་ཡ་ཛཿཛཿ ཛཿཧཱུྃ་བྃ་ཧོཿ ས་མ་ཡ་ཏིཥྛ་ལྷན༔ ན་མོ་ན་མ་ཧོཿ ཨོཾ་བཛྲ་མ་ཧཱ་གུ་རུ་པདྨ་ཀྲོ་དྷ་ས་པཱ་རི་ཝཱ་ར་ཨརྒྷཾ་པཱ་པདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱ་ཤཔྟ་སརྦ་པཱུ་ཛ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་རཀྟ་བ་ལིངྟ་པཱུ་ཛ་ཁཱ་ཧི༔ ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ དྲག་པོའི་མཐུ་རྩལ་གཅིག་བསྡུས་པ༔ པདྨ་ཁྲག་འཐུང་ཧེ་རུ་ཀར༔ གུས་པས་བསྟོད་དོ་དངོས་གྲུབ་སྩོལ༔ ཐུགས་ཀར་ཉི་སྟེང་རྡོ་རྗེའི་དབུས༔ ཧཱུྃ་མཐར་འབར་བའི་སྔགས་ཕྲེང་གིས༔ བདག་རྒྱུད་སྒྲིབ་གཉིས་ཡོངས་སུ་སྦྱངས༔ རྩ་གསུམ་མཆོད་ཅིང་བྱིན་རླབས་བསྡུས༔ སྡེ་བརྒྱད་དྲེགས་པ་ལས་ལ་གཟིར༔ རྒྱལ་འགོང་འབྱུང་པོ་ཐལ་བར་བརླགས༔ ཕྱག་རྒྱ་ཆུ་ཟླའི་གཟུགས་བརྙན་དང༔ དྲག་སྔགས་སྒྲ་བརྙན་ལྟ་བུ་སྟེ༔ གཉིས་མེད་ཡེ་ཤེས་འོད་གསལ་བ༔ པདྨ་ཁྲག་འཐུང་དབྱིངས་སུ་རྫོགས༔ ཨོཾ་ཨཱཿཧཱུྃ་ཨརྩིཀ་ནིརྩིཀ་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ྄༔ཨ་ཧཱུྃ་ཧཱུྃ་ཕཊ྄༔ ཞེས་ཅི་ནུས་སུ་བཟླ། ཐུན་མཐར་དབྱངས་གསལ་རྟེན་སྙིང་ཡིག་བརྒྱ་བཟླ། བསྡུ་ལྡང་ནི། ཆོས་ཉིད་སྐྱེ་བ་མེད་པ་ལས། །འགག་མེད་རྡོ་རྗེ་སྲིན་པོར་ཤར། །འགག་པ་ཉིད་ན་འགག་པ་མེད། །སྤྲོས་བྲལ་ཀ་དག་ཀློང་དུ་ཐིམ། །དགེ་འདིས་མཐའ་ཡས་སེམས་ཅན་ཀུན། །ཁྲག་འཐུང་པདྨ་དྲག་པོ་ཡི། །གོ་འཕང་བྱང་ཆུབ་ཉིད་ཐོབ་ནས། །བདུད་ལས་རྣམ་པར་རྒྱལ་བར་ཤོག །ཅེས་པའང་རང་གཞན་ཉེར་མཁོའི་ཆེད་མངྒ་ལ་ཤྲཱི་བྷཱུ་ཏིའི་གཏེར་གཞུང་ལས་བསྡུས་པ་འབྲེལ་ཚད་དངོས་གྲུབ་མཆོག་གི་སྐལ་ལྡན་དུ་གྱུར་ཅིག །མངྒ་ལཾ། དགེའོ། །

[edit]

@#/_/thugs sgrub bar chad kun sel las/_gu ru drag po rdo rje drag rtsal gyi rgyun khyer dbang drag thugs kyi thig le bzhugs/_na mo gu ru pad+ma kro d+ha ya/_bla ma drag po'i rgyun gyi rnal 'byor bsgom par 'dod pas thog mar skyabs sems ni/_na mo:_bla ma yi dam mkha' 'gro ma:_mchog gsum rgyal ba sras bcas la:_bdag sogs 'gro kun byang chub bar:_rtse gcig gus pas skyabs su mchi:_hU~M:_shin tu gdug cing gtum pa yi:_rgyal 'gong 'byung po tshar gcod phyir:_pad+ma drag rtsal he ru ka'i:_rnal 'byor zab mo 'di bsgom bya:_hU~M:_skye med dbyings las rig pa'i rtsal:_rgyu rkyen sngags las ma bskyed par:_rang nyid rig 'dzin drag po rtsal:_pad+ma khrag 'thung he ru ka:_sku mdog dus mtha'i me ltar 'bar:_phyag g.yas rdo rje rtse dgu 'phyar:_g.yon pas lcags sdig mgo dgu btsir:_dur khrod rus pa'i rgyan gyis spras:_yum ni rdo rje phag mo mthing:_phyag gnyis gri thod 'dzin pas 'khyud:_zhabs gnyis gyad kyi dor stabs kyis:_pad+ma zla ba nyi ma dang:_rgyal 'gong dam sri'i dpyi nas brdzis:_ye shes me phung 'bar ba'i klong:_bde stong mnyam sbyor 'od kyi sku'i:_spyi bor 'jam dpal khrag 'thung dang:_mgrin par dpal chen rta mgrin rgyal:_thugs kar rdo rje gtum po che:_lte bar mkha' 'gro khros ma nag:_gsang gnas yak+sha me dbal rtsal:_tshig mtshams khro rgyal chen po bcu:_spyi gtsug rdo rje nam mkha' lding:_gzhan yang ba spu'i khung bu tshun:_rab 'byams khro bo'i tshogs kyis gtams:_sku gsung thugs su byin brlabs shing:_ye shes lnga yis dbang bskur ro:_oM AHhU~M:_oM hU~M trA~M hrIHaH_a b+hi Shiny+tsa hU~M:_hU~M:_bzhengs shig dbang drag 'bar ba'i zhing:_pad+ma 'od kyi pho brang nas:_rje btsun o rgyan thod phreng rtsal:_rab 'byams khro bo'i 'khor dang bcas:_dus snyigs dam 'gong tshar gcod phyir:_drag po'i stobs kyis gshegs su gsol:_badz+ra sa ma ya dzaHdzaH_dzaHhU~M ba~M hoH_sa ma ya tiSh+Tha lhan:_na mo na ma hoH_oM badz+ra ma hA gu ru pad+ma kro d+ha sa pA ri wA ra ar+g+haM pA pad+yaM puSh+pe d+hU pe A lo ke gan+d+he nai bi d+ya shap+ta sarba pU dza AHhU~M:_sarba pany+tsa a mr-i ta rak+ta ba ling+ta pU dza khA hi:_hU~M:_dus gsum sangs rgyas thams cad kyi:_drag po'i mthu rtsal gcig bsdus pa:_pad+ma khrag 'thung he ru kar:_gus pas bstod do dngos grub stsol:_thugs kar nyi steng rdo rje'i dbus:_hU~M mthar 'bar ba'i sngags phreng gis:_bdag rgyud sgrib gnyis yongs su sbyangs:_rtsa gsum mchod cing byin rlabs bsdus:_sde brgyad dregs pa las la gzir:_rgyal 'gong 'byung po thal bar brlags:_phyag rgya chu zla'i gzugs brnyan dang:_drag sngags sgra brnyan lta bu ste:_gnyis med ye shes 'od gsal ba:_pad+ma khrag 'thung dbyings su rdzogs:_oM AHhU~M artsika nirtsika na mo b+ha ga wa te hU~M hU~M phaTa?:a hU~M hU~M phaTa?:_zhes ci nus su bzla/_thun mthar dbyangs gsal rten snying yig brgya bzla/_bsdu ldang ni/_chos nyid skye ba med pa las/_/'gag med rdo rje srin por shar/_/'gag pa nyid na 'gag pa med/_/spros bral ka dag klong du thim/_/dge 'dis mtha' yas sems can kun/_/khrag 'thung pad+ma drag po yi/_/go 'phang byang chub nyid thob nas/_/bdud las rnam par rgyal bar shog_/ces pa'ang rang gzhan nyer mkho'i ched mang+ga la shrI b+hU ti'i gter gzhung las bsdus pa 'brel tshad dngos grub mchog gi skal ldan du gyur cig_/mang+ga laM/_dge'o/_/