JKW-KABUM-16-MA-024-001

🚧 This website is under continued development. We appreciate your patience!

First text in section. Back to Volume PageNext Text

ཇོ་ལུགས་སྒྲོལ་དཀར་མཎྜལ་གཅིག་པའི་སྒྲུབ་སྐོར་ལས་ཚོགས་དང་བཅས་པ།

Wylie title	jo lugs sgrol dkar maN+Dal gcig pa'i sgrub skor las tshogs dang bcas pa
Location	mkhyen brtse'i bka' 'bum Volume 16, sde tshan 24, Text 1, Pages 183-191 (Folios 1a to 5a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཇོ་བོ་རྗེ་ཨ་ཏི་ཤ་ (Atiśa)
Citation	'jam dbyangs mkhyen brtse'i dbang po. jo lugs sgrol dkar maN+Dal gcig pa'i sgrub skor las tshogs dang bcas pa. In 'jam dbyangs mkhyen brtse'i dbang po'i bka' 'bum, Vol. 16: 183-191. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang
Cycle	ཇོ་ལུགས་སྒྲོལ་དཀར་ (jo lugs sgrol dkar)
Deity	sgrol ma yid bzhin 'khor lo
Colophon	ཆོས་མཛད་སཱ་རའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།།
	chos mdzad sA ra'i ngor rgyal ba'i myu gu mkhyen brtse'i lhas so

1 Texts in this Section (sde tshan or chos tshan)

1 183-191	ཇོ་ལུགས་སྒྲོལ་དཀར་མཎྜལ་གཅིག་པའི་སྒྲུབ་སྐོར་ལས་ཚོགས་དང་བཅས་པ། jo lugs sgrol dkar maN+Dal gcig pa'i sgrub skor las tshogs dang bcas pa Activity Manual - las byang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ཨཱ ཪྻ ནི ཏི ཤུ ཀླཱ ཏཱ རེ ཀ མ ཎྜ ལ སྱ སཱ དྷ ན སེ ན ས ཀ རྨ ག ཎཱ སྟི། །

༄༅། །ཇོ་ལུགས་སྒྲོལ་དཀར་མཎྜལ་གཅིག་པའི་སྒྲུབ་སྐོར་ལས་ཚོགས་དང་བཅས་པ་བཞུགས་སོ།

།།འདི་ནང་རྗེ་བླ་མའི་གསུང་མིན་པ་ཁ་ཤས་བཞུགས་ཀྱང་བསྡེབས་གཅིག་ཏུ་འཁོད་པར་བྱས། མཆན། ན་མཿ ཨཪྻ་ཏཱ་རཱ་ཡཻ། འདིར་ཇོ་བོ་ལས་བརྒྱུད་པའི་སྒྲོལ་དཀར་ཡིད་བཞིན་འཁོར་ལོའི་བསྙེན་པ་བྱ་བར་འདོད་པས། གནས་དབེན་ཞིང་ཉམས་དགའ་ལ་གཞི་བདག་དང་འབྱུང་པོ་གདུག་པ་ཅན་གྱིས་དབང་དུ་མ་བྱས་པར་བྱི་དོར་ལེགས་པར་བྱ། དཀོན་མཆོག་གི་རྟེན་དགྲམ། ཚེ་སྒྲུབ་སྤྲོས་བཅས་དང་འབྲེལ་ན་སྟེགས་བུ་ཁེབས་ལྡན་པདྨ་འདབ་བརྒྱད་རེ་ཁཱ་ཅན་གྱི་དབུས་སུ་རྟེན་ཚེ་བུམ། གསུང་རྟེན་བདུད་རྩི། ཐུགས་རྟེན་ཚེ་རིལ་ཡང་བཤམ། རྒྱུན་བསྙེན་དང་སྒྲུབ་པ་ཇི་ལྟར་ཡང་དཀར་གསུམ་མངར་གསུམ་ཤིང་འབྲས་སོགས་ཀྱིས་བརྒྱན་པའི་དཀར་གཏོར་ཟླུམ་པོ་པད་འདབ་བཞི་པ་དང་། མཐར་ཉེར་སྤྱོད་ཀྱིས་བསྐོར། གྲུབ་ན་གཏོར་མ་ཆ་གསུམ་དང་། མ་བདེ་ན་གཞི་བདག་ལ་དཀར་གཏོར། འབྱུང་པོ་ལ་ཆང་བུ། རིལ་བུ། ཐེབ་ཀྱུ་སོགས་བཤམས་ལ་ཆུ་ཆང་གིས་བྲན། ཨ་ཀཱ་རོ་ལན་གསུམ་གྱིས་བརླབ། མཆོད་སྦྱིན་གཏོར་མ་འདི་བཞེས་ལ། སོགས་ཀྱི་བསྔོས་ལ་ཕྱི་རོལ་དུ་དོར། ཨོཾ་བཛྲ་རཀྵ་ཧཱུྃ། མི་ཕྱེད་གཉུག་མའི་ཡེ་ཤེས་ཀྱི། །རང་རྩལ་འགག་མེད་རྡོ་རྗེའི་གུར། །འབར་བའི་མེ་འོད་རབ་འཕྲོ་བས། །ཕྱོགས་མཚམས་ཀུན་ཏུ་ཁྱབ་པར་གྱུར། །ཅེས་རྡོ་རྗེ་རྭ་གུར་གྱིས་བསྲུང་འཁོར་བསྒོམ། དེ་ནས་བྱང་ཆུབ་སེམས་ཀྱི་སྔགས་པ་བརྗོད་པ་ནི། ངན་འགྲོའི་ལམ་ནི་ལྡོག་བགྱིད་ཅིང་། །མཐོ་རིས་ལམ་ནི་རབ་སྟོན་ལ། །རྒ་ཤི་མེད་པར་འདྲེན་བགྱིད་པ། །བྱང་ཆུབ་སེམས་ལ་ཕྱག་འཚལ་ལོ། །ཞེས་བརྗོད་ཅིང་ཚད་མེད་བཞིས་རྒྱུད་ལེགས་པར་སྦྱང་། སྐྱབས་འགྲོ་ནི། སྐྱོབ་པ་མཆོག་དང་བདེན་གཉིས་དམ་པའི་ཆོས། །རིག་གྲོལ་གཉིས་ལྡན་བྱང་ཆུབ་སེམས་དཔའི་ཚོགས། །འཕགས་མའི་སྐུ་གསུང་ཐུགས་ལས་གཞན་མིན་པས། །སྐྱེས་བུ་ཆེན་པོའི་སེམས་ཀྱི་སྐྱབས་སུ་མཆི།། གསུམ། སེམས་བསྐྱེད་ནི། ཧོཿ བདག་དང་མར་གྱུར་སེམས་ཅན་ཐམས་ཅད་ཀུན། །གནས་སྐབས་བདུད་བཞིའི་འཇིགས་པ་ལས་གྲོལ་ཞིང་། །མཐར་ཐུག་བྱང་གྲོལ་མཆོག་ལ་འདོང་པའི་ཕྱིར། །སྨོན་དང་འཇུག་པའི་བྱང་ཆུབ་མཆོག་སེམས་བསྐྱེད། །གསུམ། ཡན་ལག་བདུན་པ་ནི། ཨཱཿ ཡན་ལག་ལྔས་བཏུད་ལུས་དང་ལོངས་སྤྱོད་འབུལ། །ཉེས་ལྟུང་མི་འཆབ་དགེ་ལ་རྗེས་ཡི་རང་། །ཆོས་འཁོར་བསྐོར་ཞིང་མྱ་ངན་མི་འདར་གསོལ། །དགེ་ཚོགས་འགྲོ་ཀུན་རྣམ་མཁྱེན་ཐོབ་ཕྱིར་བསྔོ། །མཆོད་རྫས་བྱིན་བརླབས་ནི། ཧཱུྃ། མཆོད་པའི་དམ་རྫས་བརྟན་གཡོའི་དངོས་པོ་ཀུན། །ཀུན་ཏུ་བཟང་པོའི་རྣམ་པར་འཕྲུལ་པ་ཡིས། །ནམ་མཁའ་མཛོད་ཀྱི་འཁོར་ལོར་བྱིན་གྱིས་རློབས། །མཆོད་པའི་ཕྱག་རྒྱ་ཆེན་པོར་ལྷུན་རྫོགས་ཤོག །རཱུ་པ། ཤབྡ། གནྡྷེ། རཱ་ས། སྤཪྴེ། དྷརྨ་དྷཱ་ཏུ་སརྦ་པཱུ་ཛ་ཨཱཿཧཱུྃ། གསུམ་དང་། ནམ་མཁའ་མཛོད་ཀྱི་སྔགས་རྒྱས་བརླབ། སྤྲོ་ན། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝཱ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏེ་སཾ་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་མ་ཎ་བཛྲེ། སརྦ་ཀ །རྨ་ཨ་བ་ར་ཎ་བི་ཤོ་དྷ་ནི་བཛྲེ་སྭཱ་ཧཱ། ཞེས་མཆོད་པའི་སྤྲིན་གྱིས་གཟུངས་ཀྱང་བརྗོད། དེ་ནས་མངོན་རྟོགས་བསྒོམ་པ་ནི། ཨ༔ ཆོས་རྣམས་ཐམས་ཅད་སྟོང་ཞིང་བདག་མེད་ཀྱང་། །འདི་ལྟར་མ་རྟོགས་སེམས་ཅན་སྙིང་རེ་རྗེ། །སྐྱེ་མེད་ངང་ལས་སྐྱེ་བའི་ཆོ་འཕྲུལ་ནི། །གཡུ་ལོ་བཀོད་པའི་ཞིང་ཁམས་ཉམས་དགའ་བ། །མནན་ན་ནེམ་ཞིང་བཏེག་ན་འཕར་བའི་གཞིར། །རིན་ཆེན་བཻཌཱུརྱ་ཡི་བྲག་རི་ལ། །དྲང་སྲོང་རིག་འཛིན་གྲུབ་པ་མཆོག་རྣམས་གནས། །འབྱུང་བ་ཡོངས་རྫོགས་དྭངས་པའི་མཚོ་རྫིང་ནི། །པུཎྜ་རཱི་ཀའི་ནེའུ་གསིང་དྲྭ་བས་མཛེས། །རིན་ཆེན་སྣ་ཚོགས་ལྗོན་ཤིང་ལྟ་ན་སྡུག །ཡལ་འདབ་རྣམས་ལ་གསེར་གཡུ་བྱེ་རུ་དང་། །པད་རཱག་ཨིནྡྲ་ནཱི་ལ་ལ་སོགས་པ། །དབང་གཞུ་ལྟ་བུར་བཀྲ་བའི་བྱ་ཚོགས་དང་། །འཕུར་ལྡིང་ཤིན་ཏུ་གཡོ་བའི་བྷྲ་མ་རཿ སེམས་དང་ཡིད་དང་རྣམ་པར་ཤེས་པ་དང་། །ཀུན་འབྱུང་སྡུག་བསྔལ་སྤོང་བའི་ཆོས་ཀྱི་སྒྲ། །ཐེག་པ་གསུམ་དང་རྒྱུད་སྡེའི་དབྱངས་སུ་སྒྲོགས། །གཟུགས་སྣང་ཐམས་ཅད་དག་པའི་སྣོད་དང་བཅུད། །ཚོར་བ་ཐམས་ཅད་བདེ་སྟོང་ཕྱག་རྒྱ་ཆེ། །འདུ་ཤེས་ཐམས་ཅད་ཕ་རོལ་ཕྱིན་པ་དྲུག །འདུ་བྱེད་ཐམས་ཅད་ས་བཅུའི་སྤངས་རྟོགས་ཏེ། །རྣམ་ཤེས་ལས་འདས་ཡེ་ཤེས་རོལ་པའི་གདངས། །དག་པ་རབ་འབྱམས་ཞིང་ཁམས་བཀོད་པའི་ཀློང་། །རང་བཞིན་ལྷུན་གྲུབ་སྤྲུལ་པའི་གཞལ་མེད་ཁང་། །རྒྱ་ཁྱོན་བཀོད་པ་བློ་ལས་འདས་པའི་དབུས། །པད་ཟླའི་གདན་ལ་ཏཱྃ་ཡིག་ཡོངས་གྱུར་ལས། །རྗེ་བཙུན་སྒྲོལ་དཀར་ཡིད་བཞིན་འཁོར་ལོ་ནི། །ཟླ་བར་རྒྱབ་བརྟེན་རྡོ་རྗེའི་སྐྱིལ་མོ་ཀྲུང་། །ཕྱག་གཡས་མཆོག་སྦྱིན་མི་མཐུན་ཕྱོགས་ལས་སྒྲོལ། །གཡོན་པ་སྐྱབས་སྦྱིན་མཐེབ་མཛུབ་ལ་གནས་པའི། །ཨུཏྤལ་ཟེའུ་འབྲུས་དུས་གསུམ་སངས་རྒྱས་མཚོན། །རིགས་ཀྱི་བདག་པོ་སྣང་བ་མཐའ་ཡས་བརྒྱན། །ཚེ་དང་ཡེ་ཤེས་མཆོག་གི་དངོས་གྲུབ་སྟེར། །འགྲོ་ལ་ཐུགས་རྗེའི་གཟིགས་པ་མི་ཡོལ་བས། །ཕྱག་ཞབས་མཐིལ་སོགས་ཡེ་ཤེས་སྤྱན་བདུན་སྤྲས། །མཉེན་ལྕུག་འཁྲིལ་ལྡེམ་གཞོན་ནུའི་ངང་ཚུལ་ཅན། །གསལ་འཚེར་ལྷུན་སྡུག་གཟི་བྱིན་ལྡན་པ་སྟེ། །ཞི་ཚུལ་དགུ་དང་རྒྱན་ཆ་བཅུ་གསུམ་མཛེས། །མཐའ་བསྐོར་སངས་རྒྱས་བྱང་སེམས་རིག་འཛིན་དང་། །གནས་ཡུལ་ཉེར་བཞིའི་དཔའ་བོ་མཁའ་འགྲོས་བསྐོར། །ཀུན་ཀྱང་གདན་གསུམ་རྡོ་རྗེའི་བདག་ཉིད་ཅན། །ཡོངས་གྲུབ་དབང་བསྐུར་རྫོགས་པའི་པྲོག་ཞུས་བརྒྱན། །གནས་གསུམ་ཕྱག་མཚན་གསུམ་དང་ཡིག་འབྲུ་ལས། །འོད་འཕྲོས་རང་བཞིན་སྤྲོས་བྲལ་གདོད་མའི་དབྱིངས། །སྐུ་གསུམ་ཡན་ལག་བདུན་ལྡན་ལོངས་སྤྱོད་རྫོགས། །གཡུ་ལོ་བཀོད་སོགས་སྤྲུལ་པའི་ཞིང་ཁམས་ནས། །ཡེ་ཤེས་ལྷ་ཚོགས་བཛྲ་ས་མཱ་ཛཿ སྤྱན་འདྲེན་ནི། ཧཱུྃ། མཁྱེན་པས་བྱང་ཆུབ་ཆོས་ཁམས་ཡོངས་གཟིགས་ཀྱང་། །བརྩེ་བས་ཞི་ལ་མི་གཞོལ་འཁོར་བ་སྒྲོལ། །ནུས་པས་བདུད་སྡེ་ཕྱེར་འཐག་བཅོམ་ལྡན་མ། །ཚེ་དབང་བདེ་སྦྱིན་ལྷ་མོ་གཤེགས་སུ་གསོལ། །ཨེ་ཧྱེ་ཧི་བྷ་ག་ཝཱན་མ་ཧཱ་ཀཱ་རུ་ཎི་ཀ་དྲི་ཤྱ་ཧོཿ བཞུགས་གསོལ་བསྟོད་ཕྱག་ནི། ཨཿ བདེ་གཤེགས་སྙིང་པོའི་རང་བཞིན་ཡེ་ཤེས་སེམས། །གདོད་ནས་དམ་ཚིག་འཁོར་ལོ་རོ་གཅིག་ཀྱང་། །གློ་བུར་སྒྲིབ་གཉིས་སྤངས་པའི་བསྟན་ཞུགས་ལ། །མངོན་སུམ་ལྟ་བ་མཇལ་བའི་ཕྱག་གིས་བཏུད། །ན་མོ་ན་མ་ཧཱུྃ། མཆོད་པ་ནི། ཧཱུྃ། ཡུལ་དང་དབང་པོ་འབྲེལ་བའི་སྲེད་ལེན་གྱིས། །ཉེར་སྤྱོད་ལས་འདས་མཆོད་པའི་ཕྱག་རྒྱ་ཆེ། །ཀུན་ཏུ་བཟང་པོའི་རྣམ་འཕྲུལ་བླ་ན་མེད། །ནམ་མཁའ་མཛོད་ཀྱིས་འཁོར་ལོས་མཉེས་གྱུར་ཅིག །བཛྲ་རཱུ་པ། ཤབྡ། གནྡྷེ། རཱ་ས། སྤཪྴེ། དྷརྨ་དྷ་ཏུ་མ་ཧཱ་སརྦ་པཱུ་ཛ་ཨཱཿཧཱུྃ། བསྟོད་པ་ནི། ཨོཾ། ཆུ་སྐྱེས་ཞལ་གྱི་གེ་སར་ལས། །འགྲོ་བ་སྒྲོལ་ཕྱིར་རྣམ་པར་འཕྲུལ། །ཕྲིན་ལས་མྱུར་ཞིང་བདུད་ལ་དཔའ། །བཞད་པ་རབ་བཞད་ཁྱོད་ལ་བསྟོད། །སྦྱིན་པའི་མཆོག་ལྡན་མི་འཇིགས་སྟེར། །སེམས་ཅན་དོན་བྱེད་ཚུལ་ཁྲིམས་དང་། །བཟོད་པའི་དཀའ་ཐུབ་ཉམས་མི་མངའ། །ཤིན་ཏུ་སྦྱངས་པ་ཁྱོད་ལ་བསྟོད། །སུ་ཡི་ཁྱོད་ལ་གསོལ་བཏབ་དོན། །ཡལ་བར་མི་འདོར་བརྩོན་འགྲུས་དང་། །དེ་བཞིན་གཤེགས་དགའི་བསམ་གཏན་དང་། །བྱང་གྲོལ་ཤེས་རབ་ལྷ་མོར་བསྟོད། །བདག་གི་ཚེ་རབས་ཐམས་ཅད་དུ། །ཁ་ན་མ་ཐོའི་ལས་བསགས་པ། །ལྷ་མོ་ཁྱོད་ལ་མཐོལ་ཟིན་གྱིས། །བདུད་བཞིའི་གཡུལ་ལས་རྒྱལ་བར་མཛོད། །བཟླས་དམིགས་ནི། ཐུགས་ཀར་ཟླ་གདན་ལ་གནས་པའི། །འོད་ཀྱི་རྣམ་པའི་འཁོར་ལོའི་དབུས། །ཏཱྃ་དང་མདུན་རྒྱབ་ཨོཾ་དང་ཧཱ། །རྩིབས་བརྒྱད་ཏཱ་རེ་ལ་སོགས་བརྒྱད། །རེག་ལ་མ་འབྱར་གཡོན་དུ་འཁོད། །འོད་ཟེར་འཕྲོས་པས་རྒྱལ་བ་མཆོད། །སེམས་ཅན་དོན་བྱས་འཁོར་འདས་ཀྱི། །དྭངས་བཅུད་བདག་ལ་ཐིམ་པ་ཡིས། །དུས་མིན་འཆི་བའི་འཇིགས་པ་བསལ། །མཆོག་ཐུན་དངོས་གྲུབ་ཐོབ་པར་གྱུར། །ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུར་པུཎྱེ་ཛྙཱ་ན་པུཥྟིཾ་ཀུ་རུ་སྭཱ་ཧཱ། ཞེས་སྣང་བ་སྐུ་དང་ཞིང་ཁམས། གྲགས་པ་སྔགས་ཀྱི་རང་སྒྲ། དྲན་རྟོག་ཆོས་ཉིད་ཀྱི་དོན་ལས་མི་འདའ་བའི་ངང་ནས་བཟླས་དམིགས་བྱ་ཞིང་། ཐུན་བསྡུ་བ་ནི། ཚོགས་བསགས་པའི་ཕྱིར་མཆོད་པ་བརྗེ། མཎྜལ་རྒྱས་བསྡུས་ཅི་རིགས་པ་དང་། བསྟོད་བསྔགས་ནི། སངས་རྒྱས་ཐམས་ཅད་ཁྱོད་ལས་སྐྱེས། །དེ་ཕྱིར་རྒྱལ་བ་ཀུན་གྱི་ཡུམ། །ས་དང་ཕ་རོལ་ཕྱིན་བཅུའི་བདག །སྤྲོས་བྲལ་དབུ་མ་ཆེན་པོར་བསྟོད། །གཟུགས་སོགས་ཕུང་པོའི་ཉེར་ལེན་བདུད། །རང་བཞིན་རྣམ་དག་སྟོང་ཉིད་དབྱིངས། །ལྟོས་གྲུབ་མེད་པར་སྦྱོར་མཛད་པའི། །རྣམ་ཀུན་མཆོག་ལྡན་མ་ལ་བསྟོད། །ཀུན་བརྟགས་ལས་རླུང་བཞོན་པ་དང་། །ལྷན་ཅིག་སྐྱེས་པའི་ཉོན་མོངས་བདུད། །མཐོང་སྤང་བྱང་ཆུབ་ཡན་ལག་གི །ཡེ་ཤེས་མེ་ལྕེས་བསྲེགས་ལ་བསྟོད། །མ་རིག་ལས་ནི་རྣམ་ཤེས་སོགས། །རྟེན་འབྲེལ་ལུགས་འབྱུང་འཆི་བདག་བདུད། །སྒོམ་སྤངས་འཕགས་པའི་ལམ་བརྒྱད་ཀྱིས། །འཆི་མེད་ཞི་བར་སྦྱོར་ལ་བསྟོད། །ཡུལ་དང་ཡུལ་ཅན་འབྲེལ་པ་ལས། །སླུ་བྱེད་འདུ་བྱེད་ལྷ་བུའི་བདུད། །སློབ་པ་མིན་པའི་ཟུང་འཇུག་ཀློང་། །སྒྲོལ་མཛད་ཡིད་བཞིན་འཁོར་ལོར་བསྟོད། །ནོངས་བཤགས་ནི། མ་འབྱོར་པ་དང་ཉམས་པ་དང་། །སོགས་ཀྱི་མཐར་ཡིག་བརྒྱས་ནོངས་པ་བཤགས། རྗེ་བཙུན་བཅོམ་ལྡན་འདས་མ་སོགས། དགེ་བ་འདི་ཡིས་སྐྱེ་བོ་ཀུན། །སོགས་ཀྱིས་བསྔོ་སྨོན་བྱ། ཐུན་མཚམས་ཐམས་ཅད་དུ་བྱང་ཆུབ་སེམས་ཀྱིས་ཟིན་པའི་བསྐྱེད་རྫོགས་བཟླས་པ་གསུམ་གྱི་ལམ་ཁྱེར་དང་མ་བྲལ་ན། བར་དོར་ཡང་སྒྲོལ་མའི་ཞལ་མཐོང་བ་ཡིན་ནོ། །ཆོས་མཛད་སཱ་རའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།། །། ༈

[edit]

jo lugs sgrol dkar sgrub thabs las tshogs dang bcas pa tshan sbrel/__ @#/__/A_R+Ya_ni_ti_shu_klA_tA_re_ka_ma_N+Da_la_s+ya_sA_d+ha_na_se_na_sa_ka_rma_ga_NA_sti/__/ @#/__/jo lugs sgrol dkar maN+Dal gcig pa'i sgrub skor las tshogs dang bcas pa bzhugs so/__// 'di nang rje bla ma'i gsung min pa kha shas bzhugs kyang bsdebs gcig tu 'khod par byas/_mchan/_na maH__aR+Ya tA rA yai/__'dir jo bo las brgyud pa'i sgrol dkar yid bzhin 'khor lo'i bsnyen pa bya bar 'dod pas/__gnas dben zhing nyams dga' la gzhi bdag dang 'byung po gdug pa can gyis dbang du ma byas par byi dor legs par bya/__dkon mchog gi rten dgram/__tshe sgrub spros bcas dang 'brel na stegs bu khebs ldan pad+ma 'dab brgyad re khA can gyi dbus su rten tshe bum/__gsung rten bdud rtsi/__thugs rten tshe ril yang bsham/__rgyun bsnyen dang sgrub pa ji ltar yang dkar gsum mngar gsum shing 'bras sogs kyis brgyan pa'i dkar gtor zlum po pad 'dab bzhi pa dang /__mthar nyer spyod kyis bskor/__grub na gtor ma cha gsum dang /__ma bde na gzhi bdag la dkar gtor/__'byung po la chang bu/__ril bu/__theb kyu sogs bshams la chu chang gis bran/__a kA ro lan gsum gyis brlab/__mchod sbyin gtor ma 'di bzhes la/__sogs kyi bsngos la phyi rol du dor/__oM badz+ra rak+Sha hU~M/__mi phyed gnyug ma'i ye shes kyi/__/rang rtsal 'gag med rdo rje'i gur/__/'bar ba'i me 'od rab 'phro bas/__/phyogs mtshams kun tu khyab par gyur/__/ces rdo rje rwa gur gyis bsrung 'khor bsgom/__de nas byang chub sems kyi sngags pa brjod pa ni/__ngan 'gro'i lam ni ldog bgyid cing /__/mtho ris lam ni rab ston la/__/rga shi med par 'dren bgyid pa/__/byang chub sems la phyag 'tshal lo/__/zhes brjod cing tshad med bzhis rgyud legs par sbyang /__skyabs 'gro ni/__skyob pa mchog dang bden gnyis dam pa'i chos/__/rig grol gnyis ldan byang chub sems dpa'i tshogs/_/'phags ma'i sku gsung thugs las gzhan min pas/__/skyes bu chen po'i sems kyi skyabs su mchi//_gsum/__sems bskyed ni/__hoH__bdag dang mar gyur sems can thams cad kun/__/gnas skabs bdud bzhi'i 'jigs pa las grol zhing /__/mthar thug byang grol mchog la 'dong pa'i phyir/__/smon dang 'jug pa'i byang chub mchog sems bskyed/__/gsum/__yan lag bdun pa ni/__AH__yan lag lngas btud lus dang longs spyod 'bul/__/nyes ltung mi 'chab dge la rjes yi rang /__/chos 'khor bskor zhing mya ngan mi 'dar gsol/__/dge tshogs 'gro kun rnam mkhyen thob phyir bsngo/__/mchod rdzas byin brlabs ni/__hU~M/__mchod pa'i dam rdzas brtan g.yo'i dngos po kun/__/kun tu bzang po'i rnam par 'phrul pa yis/__/nam mkha' mdzod kyi 'khor lor byin gyis rlobs/__/mchod pa'i phyag rgya chen por lhun rdzogs shog__/rU pa/__shab+da/__gan+d+he/__rA sa/__spaR+she/__d+harma d+hA tu sarba pU dza AHhU~M/__gsum dang /__nam mkha' mdzod kyi sngags rgyas brlab/__spro na/__na mo rat+na tra yA ya/__na mo b+ha ga wA te/__badz+ra sA ra pra mar+d+ha ni/__ta thA ga tA ya/__ar+ha te saM myak+saM bud+d+hA ya/__tad+ya thA/__oM badz+re badz+re ma hA badz+re/__ma hA te dzo badz+re/__ma hA bid+yA badz+re/__ma hA bo d+hi tsit+ta badz+re/__ma hA bo d+hi maN+Do pa saM ma Na badz+re/__sarba ka_/rma a ba ra Na bi sho d+ha ni badz+re swA hA/__zhes mchod pa'i sprin gyis gzungs kyang brjod/__de nas mngon rtogs bsgom pa ni/__a:__chos rnams thams cad stong zhing bdag med kyang /__/'di ltar ma rtogs sems can snying re rje/__/skye med ngang las skye ba'i cho 'phrul ni/__/g.yu lo bkod pa'i zhing khams nyams dga' ba/__/mnan na nem zhing bteg na 'phar ba'i gzhir/__/rin chen baiDUr+ya yi brag ri la/__/drang srong rig 'dzin grub pa mchog rnams gnas/__/'byung ba yongs rdzogs dwangs pa'i mtsho rdzing ni/__/puN+Da rI ka'i ne'u gsing drwa bas mdzes/__/rin chen sna tshogs ljon shing lta na sdug__/yal 'dab rnams la gser g.yu bye ru dang /__/pad rAg in+d+ra nI la la sogs pa/__/dbang gzhu lta bur bkra ba'i bya tshogs dang /__/'phur lding shin tu g.yo ba'i b+h+ra ma raH__sems dang yid dang rnam par shes pa dang /__/kun 'byung sdug bsngal spong ba'i chos kyi sgra/__/theg pa gsum dang rgyud sde'i dbyangs su sgrogs/__/gzugs snang thams cad dag pa'i snod dang bcud/__/tshor ba thams cad bde stong phyag rgya che/__/'du shes thams cad pha rol phyin pa drug__/'du byed thams cad sa bcu'i spangs rtogs te/__/rnam shes las 'das ye shes rol pa'i gdangs/__/dag pa rab 'byams zhing khams bkod pa'i klong /__/rang bzhin lhun grub sprul pa'i gzhal med khang /__/rgya khyon bkod pa blo las 'das pa'i dbus/__/pad zla'i gdan la tA~M yig yongs gyur las/__/rje btsun sgrol dkar yid bzhin 'khor lo ni/__/zla bar rgyab brten rdo rje'i skyil mo krung /__/phyag g.yas mchog sbyin mi mthun phyogs las sgrol/__/g.yon pa skyabs sbyin mtheb mdzub la gnas pa'i/__/ut+pal ze'u 'brus dus gsum sangs rgyas mtshon/__/rigs kyi bdag po snang ba mtha' yas brgyan/__/tshe dang ye shes mchog gi dngos grub ster/__/'gro la thugs rje'i gzigs pa mi yol bas/__/phyag zhabs mthil sogs ye shes spyan bdun spras/__/mnyen lcug 'khril ldem gzhon nu'i ngang tshul can/__/gsal 'tsher lhun sdug gzi byin ldan pa ste/__/zhi tshul dgu dang rgyan cha bcu gsum mdzes/__/mtha' bskor sangs rgyas byang sems rig 'dzin dang /__/gnas yul nyer bzhi'i dpa' bo mkha' 'gros bskor/__/kun kyang gdan gsum rdo rje'i bdag nyid can/__/yongs grub dbang bskur rdzogs pa'i prog zhus brgyan/__/gnas gsum phyag mtshan gsum dang yig 'bru las/__/'od 'phros rang bzhin spros bral gdod ma'i dbyings/__/sku gsum yan lag bdun ldan longs spyod rdzogs/__/g.yu lo bkod sogs sprul pa'i zhing khams nas/__/ye shes lha tshogs badz+ra sa mA dzaH__spyan 'dren ni/__hU~M/__mkhyen pas byang chub chos khams yongs gzigs kyang /__/brtse bas zhi la mi gzhol 'khor ba sgrol/__/nus pas bdud sde phyer 'thag bcom ldan ma/__/tshe dbang bde sbyin lha mo gshegs su gsol/__/e h+ye hi b+ha ga wAn ma hA kA ru Ni ka dri sh+ya hoH__bzhugs gsol bstod phyag ni/__aH__bde gshegs snying po'i rang bzhin ye shes sems/__/gdod nas dam tshig 'khor lo ro gcig kyang /__/glo bur sgrib gnyis spangs pa'i bstan zhugs la/__/mngon sum lta ba mjal ba'i phyag gis btud/__/na mo na ma hU~M/__mchod pa ni/__hU~M/__yul dang dbang po 'brel ba'i sred len gyis/__/nyer spyod las 'das mchod pa'i phyag rgya che/__/kun tu bzang po'i rnam 'phrul bla na med/__/nam mkha' mdzod kyis 'khor los mnyes gyur cig__/badz+ra rU pa/__shab+da/__gan+d+he/__rA sa/__spaR+she/__d+harma d+ha tu ma hA sarba pU dza AHhU~M/__bstod pa ni/__oM/__chu skyes zhal gyi ge sar las/__/'gro ba sgrol phyir rnam par 'phrul/__/phrin las myur zhing bdud la dpa'/__/bzhad pa rab bzhad khyod la bstod/__/sbyin pa'i mchog ldan mi 'jigs ster/__/sems can don byed tshul khrims dang /__/bzod pa'i dka' thub nyams mi mnga'/__/shin tu sbyangs pa khyod la bstod/__/su yi khyod la gsol btab don/__/yal bar mi 'dor brtson 'grus dang /__/de bzhin gshegs dga'i bsam gtan dang /__/byang grol shes rab lha mor bstod/__/bdag gi tshe rabs thams cad du/__/kha na ma tho'i las bsags pa/__/lha mo khyod la mthol zin gyis/__/bdud bzhi'i g.yul las rgyal bar mdzod/__/bzlas dmigs ni/__thugs kar zla gdan la gnas pa'i/__/'od kyi rnam pa'i 'khor lo'i dbus/__/tA~M dang mdun rgyab oM dang hA/__/rtsibs brgyad tA re la sogs brgyad/__/reg la ma 'byar g.yon du 'khod/__/'od zer 'phros pas rgyal ba mchod/__/sems can don byas 'khor 'das kyi/__/dwangs bcud bdag la thim pa yis/__/dus min 'chi ba'i 'jigs pa bsal/__/mchog thun dngos grub thob par gyur/__/oM tA re tut+tA re tu re ma ma A yur puN+ye dz+nyA na puSh+tiM ku ru swA hA/__zhes snang ba sku dang zhing khams/__grags pa sngags kyi rang sgra/__dran rtog chos nyid kyi don las mi 'da' ba'i ngang nas bzlas dmigs bya zhing /__thun bsdu ba ni/__tshogs bsags pa'i phyir mchod pa brje/__maN+Dal rgyas bsdus ci rigs pa dang /__bstod bsngags ni/__sangs rgyas thams cad khyod las skyes/__/de phyir rgyal ba kun gyi yum/__/sa dang pha rol phyin bcu'i bdag__/spros bral dbu ma chen por bstod/__/gzugs sogs phung po'i nyer len bdud/__/rang bzhin rnam dag stong nyid dbyings/__/ltos grub med par sbyor mdzad pa'i/__/rnam kun mchog ldan ma la bstod/__/kun brtags las rlung bzhon pa dang /__/lhan cig skyes pa'i nyon mongs bdud/__/mthong spang byang chub yan lag gi__/ye shes me lces bsregs la bstod/__/ma rig las ni rnam shes sogs/__/rten 'brel lugs 'byung 'chi bdag bdud/__/sgom spangs 'phags pa'i lam brgyad kyis/__/'chi med zhi bar sbyor la bstod/__/yul dang yul can 'brel pa las/__/slu byed 'du byed lha bu'i bdud/__/slob pa min pa'i zung 'jug klong /__/sgrol mdzad yid bzhin 'khor lor bstod/__/nongs bshags ni/__ma 'byor pa dang nyams pa dang /__/sogs kyi mthar yig brgyas nongs pa bshags/__rje btsun bcom ldan 'das ma sogs/__dge ba 'di yis skye bo kun/__/sogs kyis bsngo smon bya/__thun mtshams thams cad du byang chub sems kyis zin pa'i bskyed rdzogs bzlas pa gsum gyi lam khyer dang ma bral na/__bar dor yang sgrol ma'i zhal mthong ba yin no/__/chos mdzad sA ra'i ngor rgyal ba'i myu gu mkhyen brtse'i lhas so//____//_!_