JKCL-KABUM-12-NA-029

🚧 This website is under continued development. We appreciate your patience!

Previous Text Back to Volume PageNext Text

ལུགས་གཉིས་མཁྱེན་རྒྱས་གཉེར་ཕྱག་ལྷན་རྒྱས་སྐུ་དྲུང་ཏུ་ཞེས་པ།

Wylie title	lugs gnyis mkhyen rgyas gnyer phyag lhan rgyas sku drung tu zhes pa
Location	chos kyi blo gros bka' 'bum Volume 12, Text 29, Pages 109-112 (Folios 1a1 to 2b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. lugs gnyis mkhyen rgyas gnyer phyag lhan rgyas sku drung tu zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 109-112. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

109-112	ལུགས་གཉིས་མཁྱེན་རྒྱས་གཉེར་ཕྱག་ལྷན་རྒྱས་སྐུ་དྲུང་ཏུ་ཞེས་པ། lugs gnyis mkhyen rgyas gnyer phyag lhan rgyas sku drung tu zhes pa Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ལུགས་གཉིས་མཁྱེན་རྒྱས་གཉེར་ཕྱག་ལྷན་རྒྱས་སྐུ་དྲུང་དུ། ཕུལ་བ་ད་ལམ་ཕྱག་བྲིས་གནང་འབྱོར་བྱུང་ཞིང་བསྟན་སྲིད་ཀྱི་ཞབས་རིམས་ས་གནད་ལ། །རྩེ་ཟིལ་སུམ་མདོ་ནི་མཆོག་གླིང་དང་། བོན་གཏེར་ཚེ་གྲགས་གཉིས་ཀའི་ལུང་བསྟན་དུ་གསལ། འཁོར་མདོ་གཅན་གཟན་གྱི་སྣ་དང་། མཁར་མདོ་དུག་སྦྲུལ་གྱི་གཉའ་བ་གཡང་གཞི་འདྲ་བའི་མཐིལ། དཔའ་འོག་ལྷ་མདོ་བཞི་ལ་མདོ་བཞི་ཟེར་ཞིང་དེ་རྣམས་སུ་རྩེ་ཟིལ་མཆོད་རྟེན་སྐོང་སྤྲུལ་རིན་པོ་ཆེ་དབུས་འཚོགས་བོན་གཏེར་གྱི་མཆོད་རྟེན་སྐོར་ལུང་དོན་བཞིན་བཞེངས་གྲུབ་ཡོད་སྙམས། རྩེ་མདོའི་མཆོད་རྟེན་རྙིང་པ་ཉམ་ཚར་ཡང་། རྨོག་སྩལ་གཞན་གསུམ་ལ་གཤིན་རྗེའི་སྟོབས་ཆེན་མཆོད་རྟེན་བཞེངས་པ་དེས་ངེས་པར་གོ་ཆོད། གཞན་གསུམ་ཞིག་ཚར་ཡོད་མེད་མ་ངེས། སྔར་བཞེངས་རོ་ཡོད་ན་འདི་ལོའི་རིང་དེ་རྣམས་ལ་གས་གྲུམ་སོགས་དང་ཚོན་རྩི་སྐུ་དཀར་སོགས་ཀྱིས་ཉམ་པ་གསོ། རྩེ་ཟིལ་མདོར་རྡོར་བྲག་ཚང་ནས་གཤིན་རྗེ་ཚེ་བདག་གི་སྒྲུབ་པ་དང་བཟློག་པ། སྦྱིན་སྲེག །དེའི་སྒོ་ནས་རབ་གནས་བྱ། འཁོར་མདོར་རིགས་གསུམ་སྒྲུབ་མཆོད་དང་འབྲེལ་བའི་རབ་གནས་དང་། སྲི་བཟློག །འཁོར་འབར་སྒྲུབ། རྒྱལ་ཆེན་ཡུལ་འཁོར་སྲུང་ལ་མཆོད་དཔེ་ཟུར་འབུལ། བསྟོད་གཏོར་མ་འབུལ། དེ་རྣམས་མཁན་ཡེ་ཤེས་བློ་གྲོས་ཀྱིས་བྱ། མཁར་མདོར་ཚེ་ལྷ་རྣམ་གསུམ་ཆོ་ག་སྟོང་རྩ་དང་། ཚེ་དཔག་རབ་གནས། མགོན་པོ་ཞལ་གྱི་དམ་ཚིག་བསྐང་གསོ། བོན་གྱི་རྣམ་རྒྱལ་ཆོ་ག་བཅས་སྒྲུབ་མཁན་མཁར་མདོར་བན་བོན་གཉིས་ཀྱི་བླ་མ་གང་རིགས་ཞིག་གི་བྱ། ལྷ་མདོར་བླ་མ་ནོར་ལྷ་དང་། ཕྱྭ་ཕྲིན་ནོར་བུ་མཆོག་རྒྱལ་གཉིས་འདོན་ནས། རབ་གནས་བཅས་སྒྲུབ་མཁན་ནང་ཆེན་སྤྲུལ་སྐུ་རྒྱལ་མཚན་ནས་བྱ་སྟེ་དེ་རྣམས་མཆོད་རྟེན་སོ་སོའི་མདུན་འདི་ལོའི་རིང་ལ་དེ་ཙམ་གྱིས་ཆོག་པར་མཛད་ན་ཉམ་ཕན་ཆེ་སྙམ། སྒྲུབ་གཞན་ཡང་། མཁར་མདོ་ཕྱོགས་ཡིན་སྙམས་བོན་གཏེར་གྱི་གནས་བརྟན་ལྷ་ཁང་དུ་ཁྲུས་གསོལ་རབ་གནས་གསོ་སྦྱོང་སྨྱུང་གནས། གནས་ཆོག་དང་། ཟླ་བ་ཤེལ་ཀླུང་ཞེས་པར་བཀའ་བརྒྱད་སྒྲུབ་ཆེན། དེ་གཉིས་ཀ་འདོན་མཁན་སྟག་ཞིག་བླ་ཀྲ་དང་། རོང་རྒྱབ་བོན་གཏེར་གྱི་སྤྲུལ་སྐུ་སྲས་འདྲ་བཞུགས་ན་བོན་ལུགས་ལྟར་སྒྲུབ་ན་སྡེ་དགེའི་ཆབ་སྲིད་ལ་ཕན་པ་ཆེ་བར་གསུངས་པས་ཐུགས་འཁྱིལ་མཁྱེན་མཁྱེན། ཞུ་འདེགས་བཅས་མཁྱེན་སྤྲུལ་པས་ཟླ་༥ཚེས་༡༡ལ་ཕུལ། ། ༈ འཇིགས་བྲལ་ཕྱོགས་ཐམས་ཅད་ལས་རྣམ་པར་རྒྱལ་བ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་ཕྲིན་ལས་མི་ཟད་པ་རྒྱན་གྱི་འཁོར་ལོ་འཆང་བའི་གཏམ། བོད་དང་བོད་ཆེན་ལྗོངས་ཀྱི་ཆར་འཁོད་མཆོག་ཕལ་ཐམས་ཅད་ནས་ཐུགས་ངེས་ཞུ་རྒྱུར། དུས་གསུམ་ཀུན་མཁྱེན་པདྨ་འབྱུང་གནས་ཀྱི་རྡོ་རྗེའི་ལུང་གིས་གསལ་བར་བསྔགས་ཤིང་ལྷ་སྲས་མུ་ཁྲི་བཙན་པོའི་རྣམ་རོལ་སྤྲུལ་པའི་གཏེར་འབྱིན་ཆེན་པོ་ནུས་ལྡན་ཉེར་གཅིག་གི་ཡ་གྱལ་ཡོན་དགེ་མི་འགྱུར་རྡོ་རྗེ་དྲག་པོ་ནུས་ལྡན་རྩལ་ཞེས་མཚན་གྱི་སྙན་པ་ཉི་ཟླ་ལྟར་ཡོངས་སུ་གསལ་ཞིང་སྙིགས་དུས་བསྟན་འགྲོའི་མགོན་སྐྱབས་ཆེན་པོ་དེ་ཉིད་ཀྱི་སྐྱེ་ཕྲེང་དྲུག་པ་ཀརྨ་འཇིགས་མེད་ཆོས་ཀྱི་སེངྒེ་ངེས་དོན་ཕྲིན་ལས་ཀུན་ཁྱབ་དཔལ་བཟང་པོ་འདི་ཉིད་སྐུ་ཞབས་སི་ཏུ་རྡོ་རྗེ་འཆང་ཆེན་པོ་པདྨ་ཀུན་བཟང་དབང་མཆོག་རྒྱལ་པོས་ཡེ་ཤེས་གཟིགས་པའི་རྡོ་རྗེའི་ལུང་གིས་བསྟན་པ་བཞིན་འཁྲུལ་མེད་ཡིད་ཆེས་སུ་གྱུར་ཅིང་། ངོས་རྩར་རིན་གཏེར་ཆེན་མོའི་དབང་ལུང་གཙོས་ཆོས་འབྲེལ་ཟབ་རྒྱས་ཕུལ་བ་དང་། དམ་པའི་རིགས་ཀྱི་ནུས་པ་ཡོངས་སུ་སད་ཅིང་སྐུ་ཚེར་བར་ཆད་མ་བྱུང་ན་རྒྱལ་བསྟན་སྤྱི་དང་། བཀའ་རྙིང་གི་བསྟན་པར་ཕན་ཐོགས་རྒྱ་ཆེན་འབྱུང་ངེས་ལ། མཆོག་ཕལ་ཐམས་ཅད་ཀྱི་དད་མོས་བསྐུར་བཟོས་དང་། བསྟན་འགྲོར་དགེ་བའི་མཛད་ཕྲིན་ཐམས་ཅད་ལ་ཞབས་འདེགས་མཐུན་འགྱུར་གང་གཟབ་མཛད་ན་རྒྱལ་སྲས་བྱང་ཆུབ་སེམས་དཔའི་ཐུགས་བསྐྱེད་སྨོན་ལམ་གྱི་སྟོབས་ལས་འདི་ཕྱིའི་ལེགས་ཚོགས་འཕེལ་རྒྱས་སུ་འགྱུར་བས་ངེས་འཚལ། ཞེས་ཆུ་འབྲུག་ཟླ་༥ཚེས་ལ་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ཆེན་པོ་ནས་སྤེལ་བ་དགེ། །།

[edit]

lugs gnyis mkhyen rgyas gnyer phyag lhan rgyas sku drung du/__phul ba da lam phyag bris gnang 'byor byung zhing bstan srid kyi zhabs rims sa gnad la/__/rtse zil sum mdo ni mchog gling dang /__bon gter tshe grags gnyis ka'i lung bstan du gsal/__'khor mdo gcan gzan gyi sna dang /__mkhar mdo dug sbrul gyi gnya' ba g.yang gzhi 'dra ba'i mthil/__dpa' 'og lha mdo bzhi la mdo bzhi zer zhing de rnams su rtse zil mchod rten skong sprul rin po che dbus 'tshogs bon gter gyi mchod rten skor lung don bzhin bzhengs grub yod snyams/__rtse mdo'i mchod rten rnying pa nyam tshar yang /__rmog stsal gzhan gsum la gshin rje'i stobs chen mchod rten bzhengs pa des nges par go chod/__gzhan gsum zhig tshar yod med ma nges/__sngar bzhengs ro yod na 'di lo'i ring de rnams la gas grum sogs dang tshon rtsi sku dkar sogs kyis nyam pa gso/__rtse zil mdor rdor brag tshang nas gshin rje tshe bdag gi sgrub pa dang bzlog pa/__sbyin sreg__/de'i sgo nas rab gnas bya/__'khor mdor rigs gsum sgrub mchod dang 'brel ba'i rab gnas dang /__sri bzlog__/'khor 'bar sgrub/__rgyal chen yul 'khor srung la mchod dpe zur 'bul/__bstod gtor ma 'bul/__de rnams mkhan ye shes blo gros kyis bya/__mkhar mdor tshe lha rnam gsum cho ga stong rtsa dang /__tshe dpag rab gnas/__mgon po zhal gyi dam tshig bskang gso/__bon gyi rnam rgyal cho ga bcas sgrub mkhan mkhar mdor ban bon gnyis kyi bla ma gang rigs zhig gi bya/__lha mdor bla ma nor lha dang /__phywa phrin nor bu mchog rgyal gnyis 'don nas/__rab gnas bcas sgrub mkhan nang chen sprul sku rgyal mtshan nas bya ste de rnams mchod rten so so'i mdun 'di lo'i ring la de tsam gyis chog par mdzad na nyam phan che snyam/__sgrub gzhan yang /__mkhar mdo phyogs yin snyams bon gter gyi gnas brtan lha khang du khrus gsol rab gnas gso sbyong smyung gnas/__gnas chog dang /__zla ba shel klung zhes par bka' brgyad sgrub chen/__de gnyis ka 'don mkhan stag zhig bla kra dang /__rong rgyab bon gter gyi sprul sku sras 'dra bzhugs na bon lugs ltar sgrub na sde dge'i chab srid la phan pa che bar gsungs pas thugs 'khyil mkhyen mkhyen/__zhu 'degs bcas mkhyen sprul pas zla 5tshes 11la phul/__/__!___'jigs bral phyogs thams cad las rnam par rgyal ba 'jam dbyangs mkhyen brtse'i dbang po kun dga' bstan pa'i rgyal mtshan dpal bzang pos phrin las mi zad pa rgyan gyi 'khor lo 'chang ba'i gtam/__bod dang bod chen ljongs kyi char 'khod mchog phal thams cad nas thugs nges zhu rgyur/__dus gsum kun mkhyen pad+ma 'byung gnas kyi rdo rje'i lung gis gsal bar bsngags shing lha sras mu khri btsan po'i rnam rol sprul pa'i gter 'byin chen po nus ldan nyer gcig gi ya gyal yon dge mi 'gyur rdo rje drag po nus ldan rtsal zhes mtshan gyi snyan pa nyi zla ltar yongs su gsal zhing snyigs dus bstan 'gro'i mgon skyabs chen po de nyid kyi skye phreng drug pa karma 'jigs med chos kyi seng+ge nges don phrin las kun khyab dpal bzang po 'di nyid sku zhabs si tu rdo rje 'chang chen po pad+ma kun bzang dbang mchog rgyal pos ye shes gzigs pa'i rdo rje'i lung gis bstan pa bzhin 'khrul med yid ches su gyur cing /__ngos rtsar rin gter chen mo'i dbang lung gtsos chos 'brel zab rgyas phul ba dang /__dam pa'i rigs kyi nus pa yongs su sad cing sku tsher bar chad ma byung na rgyal bstan spyi dang /__bka' rnying gi bstan par phan thogs rgya chen 'byung nges la/__mchog phal thams cad kyi dad mos bskur bzos dang /__bstan 'gror dge ba'i mdzad phrin thams cad la zhabs 'degs mthun 'gyur gang gzab mdzad na rgyal sras byang chub sems dpa'i thugs bskyed smon lam gyi stobs las 'di phyi'i legs tshogs 'phel rgyas su 'gyur bas nges 'tshal/__zhes chu 'brug zla 5tshes la rdzong gsar bkra shis lha rtse'i chos grwa chen po nas spel ba dge/__//__