JKW-KABUM-20-WA-001-063

🚧 This website is under continued development. We appreciate your patience!

Previous Text Back to Volume PageNext Text

བགྲང་ཡས་རིགས་དང་དཀྱིལ་འཁོར་ཐམས་ཅད་ཀྱི། ཞེས་པའི་དབུ་ཅན།

Wylie title	bgrang yas rigs dang dkyil 'khor thams cad kyi/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 63, Pages 125-127 (Folios 63a5 to 64a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bgrang yas rigs dang dkyil 'khor thams cad kyi zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 125-127. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog; Replies to Questions - dris lan
Colophon	།ཞེས་པའི་ཞུ་གསོལ་ངང་མོ་དཀར། །རིམ་གཉིས་རྐང་གདུབ་འགྲོས་བཞིན་དུ། །ཁྱོད་ཞབས་པད་རྫིང་རྗེས་དྲན་བློས། །དབོ་ཟླའི་༢གྲལ་ཚེས་༡༨དགེ་བར་སོང་།།
	/zhes pa'i zhu gsol ngang mo dkar/_/rim gnyis rkang gdub 'gros bzhin du/_/khyod zhabs pad rdzing rjes dran blos/_/dbo zla'i 2 gral tshes 18 dge bar song

1 Texts in this Section (sde tshan or chos tshan)

63 125-127	བགྲང་ཡས་རིགས་དང་དཀྱིལ་འཁོར་ཐམས་ཅད་ཀྱི། ཞེས་པའི་དབུ་ཅན། bgrang yas rigs dang dkyil 'khor thams cad kyi/ zhes pa'i dbu can Official Letters - chab shog   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བགྲང་ཡས་རིགས་དང་དཀྱིལ་འཁོར་ཐམས་ཅད་ཀྱི། །སྤྲོ་བསྡུའི་བྱེད་པོ་ངུར་སྨྲིག་འཛིན་པའི་ཚུལ། །མཁན་ཆེན་ཐམས་ཅད་མཁྱེན་པའི་ཞབས་པདྨོ། །འཇིགས་མེད་སེང་གེས་བཏེགས་པའི་ཉེ་དྲུང་དུ། །མི་ཕྱེད་གུས་པ་ཆེན་པོས་ཞུ་གསོལ་འདེབས། །གང་ཚེ་བསོད་ནམས་ཡེ་ཤེས་མཐར་ཕྱིན་པའི། །རྣམ་འཕྲུལ་ཞི་བ་མཆོག་གི་གཟུགས་ཀྱི་ཟླ། །གདུལ་བྱའི་ཁམས་དང་མཐུན་པར་འཆར་བའི་སྐུ། །ལྷ་དབང་གཙུག་གི་ནོར་བུ་ལྟར་དྭངས་ཤིང་། །རླབས་ཆེན་ཕན་དང་བདེ་བའི་ཕྲིན་ལས་འོད། །ཕྱོགས་དུས་ཀུན་ནས་རྒྱས་པར་འགེངས་བཞིན་ཏུ། །བོད་ཆེན་བསྟན་འགྲོའི་ཉེར་འཚོར་ཞབས་བཀོད་པའི། །ངོ་མཚར་བཀའ་དྲིན་ཚངས་པའི་བློ་ལས་བརྒལ། །འཕགས་རྣམས་དམན་ལ་བརྩེ་བ་ཆོས་ཉིད་ཕྱིར། །འདིར་ཡང་སྒྲིབ་བྲལ་ཡེ་ཤེས་གཟིགས་པ་ཡིས། །བཀའ་གླེགས་གནང་སྐྱེས་དང་བཅས་སྤྱི་བོ་རུ། །སོན་པས་གུས་སྤྲོའི་སྐལ་བཟང་མཆོག་ཏུ་ཐོབ། །འདིར་ཡང་སྐྱབས་རྣམས་ཐུགས་རྗེ་ཡི། །གདུགས་དཀར་གྲིབ་མར་ངལ་བསོས་བས། །ཉེར་འཚེའི་གདུང་བ་དང་བྲལ་ཞིང་། །གསོལ་འདེབས་རོལ་མོ་འཁྲོལ་བཞིན་མཆིས། །མཚམས་ཞུས། སླད་མའི་ཆར་ཡང་སྲིད་པའི་དབུགས་འབྱིན་ཞིང་། །ཞི་བ་ཕྱོགས་གཅིག་འགོག་པའི་མཐའ་བསལ་སླད། །ཟབ་རྒྱས་དམ་ཆོས་རྒྱལ་རྔ་བརྡུང་བཞིན་དུ། །བསྐལ་པ་རྒྱ་མཚོར་འཚོ་གཞེས་བརྟན་གྱུར་ཅིག །དེ་སྲིད་ཀུན་དང་བྱང་ཆུབ་བར། །བརྟན་ཀྱང་ཐུགས་རྗེའི་ཕྱག་རིང་གིས། །རྣམ་པ་ཀུན་ཏུ་རྗེས་བཟུང་བས། །ཕན་བདེའི་དགའ་སྟོན་རྒྱས་མཛད་གསོལ། །ཞེས་པའི་ཞུ་གསོལ་ངང་མོ་དཀར། །རིམ་གཉིས་རྐང་གདུབ་འགྲོས་བཞིན་དུ། །ཁྱོད་ཞབས་པད་རྫིང་རྗེས་དྲན་བློས། །དབོ་ཟླའི་༢གྲལ་ཚེས་༡༨དགེ་བར་སོང་།། །། ༈

[edit]

bgrang yas rigs dang dkyil 'khor thams cad kyi/_zhes pa'i dbu can/ bgrang yas rigs dang dkyil 'khor thams cad kyi/_/spro bsdu'i byed po ngur smrig 'dzin pa'i tshul/_/mkhan chen thams cad mkhyen pa'i zhabs pad+mo/_/'jigs med seng ges btegs pa'i nye drung du/_/mi phyed gus pa chen pos zhu gsol 'debs/_/gang tshe bsod nams ye shes mthar phyin pa'i/_/rnam 'phrul zhi ba mchog gi gzugs kyi zla/_/gdul bya'i khams dang mthun par 'char ba'i sku/_/lha dbang gtsug gi nor bu ltar dwangs shing /_/rlabs chen phan dang bde ba'i phrin las 'od/_/phyogs dus kun nas rgyas par 'gengs bzhin tu/_/bod chen bstan 'gro'i nyer 'tshor zhabs bkod pa'i/_/ngo mtshar bka' drin tshangs pa'i blo las brgal/_/'phags rnams dman la brtse ba chos nyid phyir/_/'dir yang sgrib bral ye shes gzigs pa yis/_/bka' glegs gnang skyes dang bcas spyi bo ru/_/son pas gus spro'i skal bzang mchog tu thob/_/'dir yang skyabs rnams thugs rje yi/_/gdugs dkar grib mar ngal bsos bas/_/nyer 'tshe'i gdung ba dang bral zhing /_/gsol 'debs rol mo 'khrol bzhin mchis/_/mtshams zhus/_slad ma'i char yang srid pa'i dbugs 'byin zhing /_/zhi ba phyogs gcig 'gog pa'i mtha' bsal slad/_/zab rgyas dam chos rgyal rnga brdung bzhin du/_/bskal pa rgya mtshor 'tsho gzhes brtan gyur cig_/de srid kun dang byang chub bar/_/brtan kyang thugs rje'i phyag ring gis/_/rnam pa kun tu rjes bzung bas/_/phan bde'i dga' ston rgyas mdzad gsol/_/zhes pa'i zhu gsol ngang mo dkar/_/rim gnyis rkang gdub 'gros bzhin du/_/khyod zhabs pad rdzing rjes dran blos/_/dbo zla'i 2gral tshes 18dge bar song //___//__!_