JKW-KABUM-17-TSA-003-012: Difference between revisions
From Khyentse Lineage - A Tsadra Foundation Project
No edit summary |
No edit summary |
||
Line 2: | Line 2: | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|citation=[['jam dbyangs mkhyen brtse'i dbang po]]. ''''. In '''jam dbyangs mkhyen brtse'i dbang po'i bka' 'bum'', Vol. 17: | |fulltitletib=ནཱ་རོ་མཁའ་སྤྱོད་བླ་བརྒྱུད་བྲི་ཡིག ། | ||
|fulltitle=nA ro mkha' spyod bla brgyud bri yig | |||
|citation=[['jam dbyangs mkhyen brtse'i dbang po]]. ''nA ro mkha' spyod bla brgyud bri yig''. In '''jam dbyangs mkhyen brtse'i dbang po'i bka' 'bum'', Vol. 17: 555-560. Khams sde dge rdzong sar dgon: Rdzong sar blo gros phun tshogs, 2020. | |||
|collectiontitle=mkhyen brtse'i bka' 'bum | |collectiontitle=mkhyen brtse'i bka' 'bum | ||
|collectiontitletib=མཁྱེན་བརྩེའི་བཀའ་འབུམ་ | |collectiontitletib=མཁྱེན་བརྩེའི་བཀའ་འབུམ་ | ||
Line 12: | Line 14: | ||
|terma=No | |terma=No | ||
|sabcadcategory=Six | |sabcadcategory=Six | ||
|cycle=nA ro mkha' spyod ma | |||
|cycletib=ནཱ་རོ་མཁའ་སྤྱོད་མ་ | |||
|language=Tibetan | |language=Tibetan | ||
|volumenumber=017 | |volumenumber=017 | ||
Line 19: | Line 23: | ||
|textnuminvol=003 | |textnuminvol=003 | ||
|textsubnumber=012 | |textsubnumber=012 | ||
|pagenumbers=555-560 | |||
|totalpages=6 | |||
|beginfolioline=57a1 | |||
|endfolioline=59b5 | |||
|totalfolios=3 | |||
|multivolumework=No | |multivolumework=No | ||
|rectonotes=sde tshan 3 | |rectonotes=sde tshan 3 | ||
Line 27: | Line 36: | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP| | {{TibP|༄༅། །ནཱ་རོ་མཁའ་སྤྱོད་བླ་བརྒྱུད་བྲི་ཡིག་དགེ། ཨོཾ་སྭ་སྟི། ནཱ་རོ་མཁའ་སྤྱོད་མའི་བླ་བརྒྱུད་བྲི་ཡིག །རྡོ་རྗེ་འཆང་འདི་སངས་རྒྱས་རྡོ་རྗེ་འཆང་སྐུ་མདོག་སྔོན་པོའམ། ཡང་ན་རྡོ་རྗེ་ཆོས་སྐུ་མདོག་དམར་པོ་བྲིས་ཀྱང་ལེགས། དང་། རྡོ་རྗེ་རྣལ་འབྱོར་མ་སྤྱི་ལྟར། ནཱ་རོ་པ་གྲུབ་ཆེན་གྱི་ཆས་སྤྱི་འགྲེལ། སྐུ་མདོག་སྔོ་མདངས་འཇིགས་སུ་རུང་བ། དབུ་ལ་མེ་ཏོག་གི་ཐོད་བཅིངས་པ། ཕྱག་གཉིས་ཀྱིས་ཞིང་ལྤགས་རློན་པ་རྒྱན་ཏུ་གཡོགས་པའི་སྣེ་མོ་ནས་འཛིན་པའམ། ཕལ་ཆེར་ལ་གཡས་ཌཱ་མ་རུ་ཐུགས་ཀར་འཁྲོལ་ཉམས་དང་། གཡོན་མཉམ་གཞག་སྟེང་ཐོད་ཆང་འཛིན་པའི་བྲིས་སྣང་། ཕམ་མཐིང་པ་གཅེན་འཇིགས་མེད་གྲགས་པ་གྲུབ་ཆེན་གྱི་ཆས་བྲིས་པའང་སྣང་མོད། ཕལ་ཆེར་ལ་བལ་པོའི་པཎྜི་ཏའི་ཆས་སྤྱི་འགྲེ། གཡས་ཆོས་འཆད། གཡོན་མཉམ་གཞག་ཕྱག་དཔེའི་གླེགས་བམ་འཛིན་པ། གཅུང་ངག་གི་དབང་ཕྱུག་པཎྜི་ཏའི་ཆས། ཕྱག་གཡས་པུས་མོ་གཡས་པའི་ཐད་དུ་མེ་ཏོག་དམར་སེར་གྱི་སྡོང་བུ་འཛིན་པ། གཡོན་ཐུགས་ཀར་སྐྱབས་སྦྱིན་གྱིས་རྒྱས་མེ་ཏོག་འཛིན་པ་སྙན་གྱི་ཐད་ཁ་བྱེ་བར་གླེགས་རལ་གྱིས་མཚན་པ། ཀློག་སྐྱ་ཤེས་རབ་བརྩེགས་ཇོ་སྲས་ཕུ་དུང་ཅན་སྔར་གྱི་སྔགས་དཀར་སྤྱི་འགྲེ་གཞོན་ཉམས་ཅན། ཕྱག་གཉིས་ཕྲེང་བ་འདྲེན་ཐབས་སུ་བསྣམས་པ། མལ་ལོ་ཙཱ་བ་སྔགས་དཀར་ལ་ལར་རབ་བྱང་བྲིས་སྣང་ཡང་འདི་ལྟར་འཐད། སྤྱི་འགྲེ། ཕྱག་གཉིས་རྒྱ་དཔེ་བཟུང་ནས་གཟིགས་པའི་ཉམས། ཡང་ན་ཕྱག་གཡས་ཆོས་འཆད། གཡོན་པུས་མོ་གཡོན་སྟེང་ས་གནོན། སྐུ་བགྲེས། དབུ་ཞྭ་མེད། གོང་མ་ལྔ་ས་སྐྱ་བཀའ་འབུམ་གྱི་དབུ་ལྷ་དང་། ལམ་འབྲས་བླ་བརྒྱུད་ཞལ་ཐང་སོགས་ཡོངས་སུ་གྲགས་པས་ཤེས་སླ། བྲག་ཕུག་བསོད་ནམས་དཔལ། ཞང་སྟོན་དཀོན་མཆོག་དཔལ། བླ་མ་དམ་པ་བསོད་ནམས་རྒྱལ་མཚན་གསུམ་ལམ་འབྲས་བླ་བརྒྱུད་ཞལ་ཐང་ལྟར་བྲི། ཡར་ཀླུངས་པ་སེང་གེ་རྒྱལ་མཚན་རབ་བྱུང་དབུ་ཞྭ་མེད། ཅུང་བགྲེས། ཕྱག་མཉམ་གཞག །དབོན་བསོད་ནམས་རྒྱལ་མཆོག་རབ་བྱུང་། དབུ་ཞྭ་མེད། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། ཡབ་རྗེ་འཇམ་དབྱངས་ནམ་མཁའ་རྒྱལ་མཚན་བགྲེས་ཉམས་ཅུང་ཆེ་བ། དབུ་ཞྭ་མེད། ན་བཟའ་དཀར་ཆས། དབུ་རལ་ཅན། ཕྱག་གཡས་རྡོ་རྗེ་ཐུགས་ཀ །གཡོན་དྲིལ་བུ་དཀུར་བརྟེན། བདག་ཆེན་བློ་གྲོས་རྒྱལ་མཚན་རབ་བྱུང་། དབུ་ས་ཞུ་རྣ་བ་ཕབས་པ་གསོལ་བ། ཕྱག་གཡས་ཐུགས་ཀར་ཆོས་འཆད། གཡོན་མཉམ་གཞག་གླེགས་བམ། སྐུ་བགྲེས་ཉམས་ཆེར་མེད། རྡོ་རིང་པ་ཚར་ཆེན་རིན་པོ་ཆེའི་ཞལ་གཟིགས་ལྟར་རབ་བྱུང་ཆས་གཡས་རྡོ་རྗེ་འཕྱར། གཡོན་དྲིལ་བུ་དཀུར་བརྟེན། དབུ་ས་ཞུ་རྣ་ཕབས། ཞལ་ཕྱིར་ཕྱོགས་ཏེ་འགྱིངས་ཉམས་དང་བཅས་ཏེ་སེང་གེ་ལ་ཆིབས་པ། སྤྱན་འབྲུ་ཚུགས་སུ་གཟིགས་པ་སོགས་ཞལ་རས་ཅུང་ཁྲོ་ཉམས། ཚར་ཆེན་རབ་བྱུང་ཅུང་ཟད་བགྲེས་ཉམས། སྐུ་ཤ་རྒྱས་པ། ཞལ་རྒྱན་ཅུང་ཟད་ཡོད་པ། དབུ་ཞྭ་ས་ཞུ་རྣ་ཕབས། གཡས་རྡོ་རྗེ་གསོར་བའི་ཚུལ། གཡོན་དྲིལ་བུ་དཀུར་བརྟེན། མཁྱེན་བརྩེ་རབ་བྱུང་། སྐུ་དར་ལ་བབས་ཤིང་མཛེས་པ། དབུ་ཞྭ་ས་ཞུ་རྣ་ཕབས། གཡས་ཆོས་འཆད། གཡོན་མཉམ་གཞག་སྟེང་གླེགས་བམ། བསླབ་གསུམ་རྒྱལ་མཚན་རབ་བྱུང་། སྐུ་དར་བབས། དབུ་ཞྭ་མེད། ཕྱག་གཡས་ས་གནོན། གཡོན་མཉམ་གཞག །དབང་ཕྱུག་རབ་བརྟན་རབ་བྱུང་བགྲེས་ཉམས་ཆེ་བ། ཕྱག་ཐུགས་ཀར་ཆོས་འཆད། དབུ་ཞྭ་ས་ཞུ་རྣ་ཕབས། བཀའ་འགྱུར་བ་རབ་བྱུང་། བགྲེས་ཉམས་མེད། ཕྱག་གཡས་ཆོས་འཆད། གཡོན་གླེགས་བམ། དབུ་ཞྭ་ས་ཞུ་རྣ་བབས། ཞྭ་ལུ་མཁན་ཆེན་རབ་བྱུང་། བགྲེས་ཉམས་ཆེ་བ། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། དབུ་པཎ་ཞྭ་སེར་པོ་ཟེ་བ་ཅན། མཁྱེན་རབ་བྱམས་པ་རབ་བྱུང་། བགྲེས་ཉམས་ཅུང་ཟད་ཡོད་པ། ཕྱག་གཉིས་རྡོར་དྲིལ་ཐུགས་ཀར་སྟེང་འོག་ཏུ་འཛིན་པ། དབུ་ཞྭ་ས་ཞུ་རྣ་ཕབས། རྨོར་ཆེན་རབ་བྱུང་། ཅུང་ཟད་བགྲེས་ཉམས་ཆེ་བ། ཕྱག་གཉིས་གླེགས་བམ། དབུ་ཞྭ་ས་ཞུ་རྣ་ཕབས། གནས་གསར་པ་རབ་བྱུང་། གཞོན་ཉམས། གཡས་ཆོས་འཆད། གཡོན་གླེགས་བམ། དབུ་ཞྭ་འདྲ། ཀུན་དགའ་བློ་གྲོས་སྔགས་དཀར་ཆས། སྐུ་བགྲེས་ཉམ་ཆེར་མེད་པ། ཞལ་ཚོམ་ཅུང་ཟད་ཅན། གཡས་མེ་ཏོག་ཐུགས་ཀར་བཟུང་བའི་འདབ་མ་སྙན་ཐད་ཁ་བྱེ་བར་གླེགས་རལ་དང་། གཡོན་མཉམ་གཞག་སྟེང་འཁོར་ལོ་བསྣམ་པ། དབུ་ཞྭ་འདྲ། ནམ་མཁའ་འཆི་མེད་སྐུ་བགྲེས་ཉམས་ཆེར་མེད། རབ་བྱུང་ཆས། ཕྱག་ཆོས་འཆད་མཉམ་གཞག །ཞལ་རྒྱན་ཅུང་ཟད་ཡོད། དབུ་ཞྭ་འདྲ། གནས་གསར་བ་ནམ་མཁའ་ལེགས་པ་བགྲེས་ཉམས་ཆེར་མེད། རབ་བྱུང་ཆས། ཕྱག་རྡོར་དྲིལ་འཛིན་པ། དབུ་ཞྭ་འདྲ། རྗེ་བཙུན་མ་འཆི་མེད་བསྟན་པའི་ཉི་མ་རབ་བྱུང་ཆས། བགྲེས་ཉམས་ཆེ་བ། ཕྱག་མཉམ་གཞག །དབུ་ལ་ཐུགས་དམ་ཞྭ་མོ་ལེབ་ཞྭ་མཛད་པ། བླ་མ་ངག་དབང་རིན་ཆེན་རབ་བྱུང་ཅུང་བགྲེས་ཉམས། སྐུ་ཤ་སྔོ་སངས་ཁྲོ་འཛུམ་གྱི་ཉམས། གཡས་ཆོས་འཆད། གཡོན་མཉམ་གཞག་ཕྲེང་བ་འཛིན་པ། དབུ་ཞྭ་ཐུགས་དམ་ཞྭ་མོ་ལེབ་ཞྭ། རྡོ་རྗེ་འཆང་བྱམས་པ་ཀུན་དགའ་བསྟན་འཛིན་རབ་བྱུང་བགྲེས་ཉམས་ཆེ་བ། སྐུ་ཤ་རྒྱས་ཤིང་མདངས་གཟི་བརྗིད་ཅན། ཞལ་འཛུམ་པ། ཞལ་རྒྱན་ཐུགས་ཀའི་ཐད་དུ་སླེབས་པའི་ཤིན་ཏུ་མཛེས་པ། གཡས་པུས་མོ་གཡས་པའི་སྟེང་མཆོག་སྦྱིན་གྱི་ཕྱག་རྒྱ་ཚེ་བུམ། གཡོན་ཐུགས་ཀར་སྐྱབས་སྦྱིན་གྱིས་ཕྱག་རྒྱས་མེ་ཏོག་དཀར་པོ་བསྣམས་པ། དབུ་ཞྭ་ས་ཞུ་རྣ་ཕབས། རྣལ་འབྱོར་འཇམ་དཔལ་བཟང་པོ་རབ་བྱུང་བགྲེས་ཉམས་གཟི་བརྗིད་ཆེ་བ། སྐུ་ཤ་ཚོ་སྐེམ་རན་པ། ཞལ་རས་དཀར་ཞིང་སྤྱན་ཧུར་བག་གི་རྣམ་པ་ཅན། ཞལ་རྒྱན་ཐུགས་ཀའི་སྟོད་དུ་སླེབས་པ། ཕྱག་མཉམ་གཞག་ཕྲེང་བ་འདྲེན་པ། དབུ་ཞྭ་ས་ཞུ་རྣ་ཕབས། བླ་མ་དགེ་འདུན་རྒྱ་མཚོ་རབ་བྱུང་བགྲེས་ཉམས་ཆེར་མེད། ཞལ་རྒྱན་ཕྲན་བུ་ཡོད། ཕྱག་ཆོས་འཆད་གླེགས་བམ། དབུ་ཞྭ་མེད་པ་བཅས་ཚར་ལུགས་ཀྱི་བྱིན་རླབས་ལུང་ཁྲིད་ཡོངས་རྫོགས་བརྒྱུད་པ་ཡིན། བྱིན་རླབས་དང་རྩ་ཁྲིད་ཀྱི་ཉེ་བརྒྱུད་ནི། ཀུན་བློ་ནས། ནམ་མཁའ་འཆི་མེད། ཀུན་དགའ་བསྟན་འཛིན། དགེ་འདུན་ཞེས་འདྲེན་ཀྱང་ཆོག །འཇམ་དཔལ་བཟང་པོ་ལས་དགེ་འདུན་གྱིས་བྱིན་རླབས་ཙམ་མ་གཏོགས་ཁྲིད་གསན་པ་མེད། ངེད་རང་ནས་ཐམས་ཅད་ཚང་བ་རྡོ་རྗེ་འཆང་རྣལ་འབྱོར་འཇམ་དཔལ་བཟང་པོ་ལས་ཞུས་པ་ཡིན། ངོར་ལུགས་ཀྱི་བྱིན་རླབས་དང་ཁྲིད་ལུང་དོན་གྱིས་ཚང་བའི་བརྒྱུད་པ་ལྟར་བྱེད་ན། བླ་མ་དམ་པ་བསོད་ནམས་རྒྱལ་མཚན་གྱི་རྗེས་སུ། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། མུས་ཆེན་དཀོན་མཆོག་རྒྱལ་མཚན། བདག་ཆེན་བློ་གྲོས་རྒྱལ་མཚན་མན་འདྲ། དེ་རྣམས་ལས་གཞན་ལམ་འབྲས་བླ་བརྒྱུད་ཀྱི་ཞལ་ཐང་ལྟར་ཡིན། ཡེ་ཤེས་རྒྱལ་མཚན་རབ་བྱུང་བགྲེས་ཉམས་ཆེར་མེད་པ། དབུ་ས་ཞུ་རྣ་ཕབས། ཕྱག་ཐུགས་ཀར་རྡོ་དྲིལ་འཛིན་པ་ཞིག་བྲིས་སྣང་། ལར་བླ་མ་རྣམས་རྟེན་རབ་བྱུང་དང་། སྔགས་པ། དབུ་ཞྭ། སྐུ་བགྲེས་གཞོན་སོགས་མ་ནོར་བ་ཞིག་གལ་ཆེ་བ་ལས། ཕྱག་སྟབས་དང་ཕྱག་མཚན་སོགས་ལ་ངེས་པ་ཆེར་མེད་དེ་ལམ་འབྲས་བླ་བརྒྱུད་དང་། སློབ་བཤད་བླ་མའི་རྣམ་ཐར་སོགས་རེ་རེ་ལས་ཀྱང་མི་གཅིག་པ་ཅི་རིགས་པ་བྲིས་སྣང་བས་སོ།། མངྒ་ལཾ།། །། ༈}} | ||
༄༅། །ནཱ་རོ་མཁའ་སྤྱོད་བླ་བརྒྱུད་བྲི་ཡིག་དགེ། ཨོཾ་སྭ་སྟི། ནཱ་རོ་མཁའ་སྤྱོད་མའི་བླ་བརྒྱུད་བྲི་ཡིག །རྡོ་རྗེ་འཆང་འདི་སངས་རྒྱས་རྡོ་རྗེ་འཆང་སྐུ་མདོག་སྔོན་པོའམ། ཡང་ན་རྡོ་རྗེ་ཆོས་སྐུ་མདོག་དམར་པོ་བྲིས་ཀྱང་ལེགས། དང་། རྡོ་རྗེ་རྣལ་འབྱོར་མ་སྤྱི་ལྟར། ནཱ་རོ་པ་གྲུབ་ཆེན་གྱི་ཆས་སྤྱི་འགྲེལ། སྐུ་མདོག་སྔོ་མདངས་འཇིགས་སུ་རུང་བ། དབུ་ལ་མེ་ཏོག་གི་ཐོད་བཅིངས་པ། ཕྱག་གཉིས་ཀྱིས་ཞིང་ལྤགས་རློན་པ་རྒྱན་ཏུ་གཡོགས་པའི་སྣེ་མོ་ནས་འཛིན་པའམ། ཕལ་ཆེར་ལ་གཡས་ཌཱ་མ་རུ་ཐུགས་ཀར་འཁྲོལ་ཉམས་དང་། གཡོན་མཉམ་གཞག་སྟེང་ཐོད་ཆང་འཛིན་པའི་བྲིས་སྣང་། ཕམ་མཐིང་པ་གཅེན་འཇིགས་མེད་གྲགས་པ་གྲུབ་ཆེན་གྱི་ཆས་བྲིས་པའང་སྣང་མོད། ཕལ་ཆེར་ལ་བལ་པོའི་པཎྜི་ཏའི་ཆས་སྤྱི་འགྲེ། གཡས་ཆོས་འཆད། གཡོན་མཉམ་གཞག་ཕྱག་དཔེའི་གླེགས་བམ་འཛིན་པ། གཅུང་ངག་གི་དབང་ཕྱུག་པཎྜི་ཏའི་ཆས། ཕྱག་གཡས་པུས་མོ་གཡས་པའི་ཐད་དུ་མེ་ཏོག་དམར་སེར་གྱི་སྡོང་བུ་འཛིན་པ། གཡོན་ཐུགས་ཀར་སྐྱབས་སྦྱིན་གྱིས་རྒྱས་མེ་ཏོག་འཛིན་པ་སྙན་གྱི་ཐད་ཁ་བྱེ་བར་གླེགས་རལ་གྱིས་མཚན་པ། ཀློག་སྐྱ་ཤེས་རབ་བརྩེགས་ཇོ་སྲས་ཕུ་དུང་ཅན་སྔར་གྱི་སྔགས་དཀར་སྤྱི་འགྲེ་གཞོན་ཉམས་ཅན། ཕྱག་གཉིས་ཕྲེང་བ་འདྲེན་ཐབས་སུ་བསྣམས་པ། མལ་ལོ་ཙཱ་བ་སྔགས་དཀར་ལ་ལར་རབ་བྱང་བྲིས་སྣང་ཡང་འདི་ལྟར་འཐད། སྤྱི་འགྲེ། ཕྱག་གཉིས་རྒྱ་དཔེ་བཟུང་ནས་གཟིགས་པའི་ཉམས། ཡང་ན་ཕྱག་གཡས་ཆོས་འཆད། གཡོན་པུས་མོ་གཡོན་སྟེང་ས་གནོན། སྐུ་བགྲེས། དབུ་ཞྭ་མེད། གོང་མ་ལྔ་ས་སྐྱ་བཀའ་འབུམ་གྱི་དབུ་ལྷ་དང་། ལམ་འབྲས་བླ་བརྒྱུད་ཞལ་ཐང་སོགས་ཡོངས་སུ་གྲགས་པས་ཤེས་སླ། བྲག་ཕུག་བསོད་ནམས་དཔལ། ཞང་སྟོན་དཀོན་མཆོག་དཔལ། བླ་མ་དམ་པ་བསོད་ནམས་རྒྱལ་མཚན་གསུམ་ལམ་འབྲས་བླ་བརྒྱུད་ཞལ་ཐང་ལྟར་བྲི། ཡར་ཀླུངས་པ་སེང་གེ་རྒྱལ་མཚན་རབ་བྱུང་དབུ་ཞྭ་མེད། ཅུང་བགྲེས། ཕྱག་མཉམ་གཞག །དབོན་བསོད་ནམས་རྒྱལ་མཆོག་རབ་བྱུང་། དབུ་ཞྭ་མེད། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། ཡབ་རྗེ་འཇམ་དབྱངས་ནམ་མཁའ་རྒྱལ་མཚན་བགྲེས་ཉམས་ཅུང་ཆེ་བ། དབུ་ཞྭ་མེད། ན་བཟའ་དཀར་ཆས། དབུ་རལ་ཅན། ཕྱག་གཡས་རྡོ་རྗེ་ཐུགས་ཀ །གཡོན་དྲིལ་བུ་དཀུར་བརྟེན། བདག་ཆེན་བློ་གྲོས་རྒྱལ་མཚན་རབ་བྱུང་། དབུ་ས་ཞུ་རྣ་བ་ཕབས་པ་གསོལ་བ། ཕྱག་གཡས་ཐུགས་ཀར་ཆོས་འཆད། གཡོན་མཉམ་གཞག་གླེགས་བམ། སྐུ་བགྲེས་ཉམས་ཆེར་མེད། རྡོ་རིང་པ་ཚར་ཆེན་རིན་པོ་ཆེའི་ཞལ་གཟིགས་ལྟར་རབ་བྱུང་ཆས་གཡས་རྡོ་རྗེ་འཕྱར། གཡོན་དྲིལ་བུ་དཀུར་བརྟེན། དབུ་ས་ཞུ་རྣ་ཕབས། ཞལ་ཕྱིར་ཕྱོགས་ཏེ་འགྱིངས་ཉམས་དང་བཅས་ཏེ་སེང་གེ་ལ་ཆིབས་པ། སྤྱན་འབྲུ་ཚུགས་སུ་གཟིགས་པ་སོགས་ཞལ་རས་ཅུང་ཁྲོ་ཉམས། ཚར་ཆེན་རབ་བྱུང་ཅུང་ཟད་བགྲེས་ཉམས། སྐུ་ཤ་རྒྱས་པ། ཞལ་རྒྱན་ཅུང་ཟད་ཡོད་པ། དབུ་ཞྭ་ས་ཞུ་རྣ་ཕབས། གཡས་རྡོ་རྗེ་གསོར་བའི་ཚུལ། གཡོན་དྲིལ་བུ་དཀུར་བརྟེན། མཁྱེན་བརྩེ་རབ་བྱུང་། སྐུ་དར་ལ་བབས་ཤིང་མཛེས་པ། དབུ་ཞྭ་ས་ཞུ་རྣ་ཕབས། གཡས་ཆོས་འཆད། གཡོན་མཉམ་གཞག་སྟེང་གླེགས་བམ། བསླབ་གསུམ་རྒྱལ་མཚན་རབ་བྱུང་། སྐུ་དར་བབས། དབུ་ཞྭ་མེད། ཕྱག་གཡས་ས་གནོན། གཡོན་མཉམ་གཞག །དབང་ཕྱུག་རབ་བརྟན་རབ་བྱུང་བགྲེས་ཉམས་ཆེ་བ། ཕྱག་ཐུགས་ཀར་ཆོས་འཆད། དབུ་ཞྭ་ས་ཞུ་རྣ་ཕབས། བཀའ་འགྱུར་བ་རབ་བྱུང་། བགྲེས་ཉམས་མེད། ཕྱག་གཡས་ཆོས་འཆད། གཡོན་གླེགས་བམ། དབུ་ཞྭ་ས་ཞུ་རྣ་བབས། ཞྭ་ལུ་མཁན་ཆེན་རབ་བྱུང་། བགྲེས་ཉམས་ཆེ་བ། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། དབུ་པཎ་ཞྭ་སེར་པོ་ཟེ་བ་ཅན། མཁྱེན་རབ་བྱམས་པ་རབ་བྱུང་། བགྲེས་ཉམས་ཅུང་ཟད་ཡོད་པ། ཕྱག་གཉིས་རྡོར་དྲིལ་ཐུགས་ཀར་སྟེང་འོག་ཏུ་འཛིན་པ། དབུ་ཞྭ་ས་ཞུ་རྣ་ཕབས། རྨོར་ཆེན་རབ་བྱུང་། ཅུང་ཟད་བགྲེས་ཉམས་ཆེ་བ། ཕྱག་གཉིས་གླེགས་བམ། དབུ་ཞྭ་ས་ཞུ་རྣ་ཕབས། གནས་གསར་པ་རབ་བྱུང་། གཞོན་ཉམས། གཡས་ཆོས་འཆད། གཡོན་གླེགས་བམ། དབུ་ཞྭ་འདྲ། ཀུན་དགའ་བློ་གྲོས་སྔགས་དཀར་ཆས། སྐུ་བགྲེས་ཉམ་ཆེར་མེད་པ། ཞལ་ཚོམ་ཅུང་ཟད་ཅན། གཡས་མེ་ཏོག་ཐུགས་ཀར་བཟུང་བའི་འདབ་མ་སྙན་ཐད་ཁ་བྱེ་བར་གླེགས་རལ་དང་། གཡོན་མཉམ་གཞག་སྟེང་འཁོར་ལོ་བསྣམ་པ། དབུ་ཞྭ་འདྲ། ནམ་མཁའ་འཆི་མེད་སྐུ་བགྲེས་ཉམས་ཆེར་མེད། རབ་བྱུང་ཆས། ཕྱག་ཆོས་འཆད་མཉམ་གཞག །ཞལ་རྒྱན་ཅུང་ཟད་ཡོད། དབུ་ཞྭ་འདྲ། གནས་གསར་བ་ནམ་མཁའ་ལེགས་པ་བགྲེས་ཉམས་ཆེར་མེད། རབ་བྱུང་ཆས། ཕྱག་རྡོར་དྲིལ་འཛིན་པ། དབུ་ཞྭ་འདྲ། རྗེ་བཙུན་མ་འཆི་མེད་བསྟན་པའི་ཉི་མ་རབ་བྱུང་ཆས། བགྲེས་ཉམས་ཆེ་བ། ཕྱག་མཉམ་གཞག །དབུ་ལ་ཐུགས་དམ་ཞྭ་མོ་ལེབ་ཞྭ་མཛད་པ། བླ་མ་ངག་དབང་རིན་ཆེན་རབ་བྱུང་ཅུང་བགྲེས་ཉམས། སྐུ་ཤ་སྔོ་སངས་ཁྲོ་འཛུམ་གྱི་ཉམས། གཡས་ཆོས་འཆད། གཡོན་མཉམ་གཞག་ཕྲེང་བ་འཛིན་པ། དབུ་ཞྭ་ཐུགས་དམ་ཞྭ་མོ་ལེབ་ཞྭ། རྡོ་རྗེ་འཆང་བྱམས་པ་ཀུན་དགའ་བསྟན་འཛིན་རབ་བྱུང་བགྲེས་ཉམས་ཆེ་བ། སྐུ་ཤ་རྒྱས་ཤིང་མདངས་གཟི་བརྗིད་ཅན། ཞལ་འཛུམ་པ། ཞལ་རྒྱན་ཐུགས་ཀའི་ཐད་དུ་སླེབས་པའི་ཤིན་ཏུ་མཛེས་པ། གཡས་པུས་མོ་གཡས་པའི་སྟེང་མཆོག་སྦྱིན་གྱི་ཕྱག་རྒྱ་ཚེ་བུམ། གཡོན་ཐུགས་ཀར་སྐྱབས་སྦྱིན་གྱིས་ཕྱག་རྒྱས་མེ་ཏོག་དཀར་པོ་བསྣམས་པ། དབུ་ཞྭ་ས་ཞུ་རྣ་ཕབས། རྣལ་འབྱོར་འཇམ་དཔལ་བཟང་པོ་རབ་བྱུང་བགྲེས་ཉམས་གཟི་བརྗིད་ཆེ་བ། སྐུ་ཤ་ཚོ་སྐེམ་རན་པ། ཞལ་རས་དཀར་ཞིང་སྤྱན་ཧུར་བག་གི་རྣམ་པ་ཅན། ཞལ་རྒྱན་ཐུགས་ཀའི་སྟོད་དུ་སླེབས་པ། ཕྱག་མཉམ་གཞག་ཕྲེང་བ་འདྲེན་པ། དབུ་ཞྭ་ས་ཞུ་རྣ་ཕབས། བླ་མ་དགེ་འདུན་རྒྱ་མཚོ་རབ་བྱུང་བགྲེས་ཉམས་ཆེར་མེད། ཞལ་རྒྱན་ཕྲན་བུ་ཡོད། ཕྱག་ཆོས་འཆད་གླེགས་བམ། དབུ་ཞྭ་མེད་པ་བཅས་ཚར་ལུགས་ཀྱི་བྱིན་རླབས་ལུང་ཁྲིད་ཡོངས་རྫོགས་བརྒྱུད་པ་ཡིན། བྱིན་རླབས་དང་རྩ་ཁྲིད་ཀྱི་ཉེ་བརྒྱུད་ནི། ཀུན་བློ་ནས། ནམ་མཁའ་འཆི་མེད། ཀུན་དགའ་བསྟན་འཛིན། དགེ་འདུན་ཞེས་འདྲེན་ཀྱང་ཆོག །འཇམ་དཔལ་བཟང་པོ་ལས་དགེ་འདུན་གྱིས་བྱིན་རླབས་ཙམ་མ་གཏོགས་ཁྲིད་གསན་པ་མེད། ངེད་རང་ནས་ཐམས་ཅད་ཚང་བ་རྡོ་རྗེ་འཆང་རྣལ་འབྱོར་འཇམ་དཔལ་བཟང་པོ་ལས་ཞུས་པ་ཡིན། ངོར་ལུགས་ཀྱི་བྱིན་རླབས་དང་ཁྲིད་ལུང་དོན་གྱིས་ཚང་བའི་བརྒྱུད་པ་ལྟར་བྱེད་ན། བླ་མ་དམ་པ་བསོད་ནམས་རྒྱལ་མཚན་གྱི་རྗེས་སུ། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། མུས་ཆེན་དཀོན་མཆོག་རྒྱལ་མཚན། བདག་ཆེན་བློ་གྲོས་རྒྱལ་མཚན་མན་འདྲ། དེ་རྣམས་ལས་གཞན་ལམ་འབྲས་བླ་བརྒྱུད་ཀྱི་ཞལ་ཐང་ལྟར་ཡིན། ཡེ་ཤེས་རྒྱལ་མཚན་རབ་བྱུང་བགྲེས་ཉམས་ཆེར་མེད་པ། དབུ་ས་ཞུ་རྣ་ཕབས། ཕྱག་ཐུགས་ཀར་རྡོ་དྲིལ་འཛིན་པ་ཞིག་བྲིས་སྣང་། ལར་བླ་མ་རྣམས་རྟེན་རབ་བྱུང་དང་། སྔགས་པ། དབུ་ཞྭ། སྐུ་བགྲེས་གཞོན་སོགས་མ་ནོར་བ་ཞིག་གལ་ཆེ་བ་ལས། ཕྱག་སྟབས་དང་ཕྱག་མཚན་སོགས་ལ་ངེས་པ་ཆེར་མེད་དེ་ལམ་འབྲས་བླ་བརྒྱུད་དང་། སློབ་བཤད་བླ་མའི་རྣམ་ཐར་སོགས་རེ་རེ་ལས་ཀྱང་མི་གཅིག་པ་ཅི་རིགས་པ་བྲིས་སྣང་བས་སོ།། མངྒ་ལཾ།། །། ༈}} | |||
</onlyinclude> | </onlyinclude> | ||
{{TsagliCall}} | {{TsagliCall}} |
Revision as of 16:58, 1 July 2021
🚧 This website is under continued development. We appreciate your patience!
ནཱ་རོ་མཁའ་སྤྱོད་བླ་བརྒྱུད་བྲི་ཡིག །
Wylie title | nA ro mkha' spyod bla brgyud bri yig | |
---|---|---|
Location | mkhyen brtse'i bka' 'bum Volume 17, sde tshan 3, Text 12, Pages 555-560 (Folios 57a1 to 59b5) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Citation | 'jam dbyangs mkhyen brtse'i dbang po. nA ro mkha' spyod bla brgyud bri yig. In 'jam dbyangs mkhyen brtse'i dbang po'i bka' 'bum, Vol. 17: 555-560. Khams sde dge rdzong sar dgon: Rdzong sar blo gros phun tshogs, 2020. | |
Genre | Art - rtsom rig / ri mo / bris cha · Guides to Paintings - bri yig | |
Cycle | ནཱ་རོ་མཁའ་སྤྱོད་མ་ (na ro mkha' spyod ma) |
1 Texts in this Section (sde tshan or chos tshan)
12 555-560
|
ནཱ་རོ་མཁའ་སྤྱོད་བླ་བརྒྱུད་བྲི་ཡིག ། nA ro mkha' spyod bla brgyud bri yig
|
Text page View PDF |
[[|འཇམ་དབྱངས་མཁྱེན་བརྩེའི་དབང་པོ་ ()]] |