JKW-KABUM-17-TSA-002-004

🚧 This website is under continued development. We appreciate your patience!

Previous Text Back to Volume PageNext Text

འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མ།

Wylie title	'byung gdon gyi bcos tshul rdo rje'i zeg ma
Location	mkhyen brtse'i bka' 'bum Volume 17, sde tshan 2, Text 4, Pages 180-192 (Folios 17b1 to 23b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. byung gdon gyi bcos tshul rdo rje'i zeg ma. In jam dbyangs mkhyen brtse'i dbang po'i bka' 'bum, Vol. 17: 180-192. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	ཞེས་འབྱུང་གདོན་སྨྱོ་བརྗེད་སོགས་ཀྱི་བཅོས་ཚུལ་ཕྱོགས་གཅིག་ཏུ་བསྡེབས་པ་འདི་ཡང་སྐྱེས་སྦྱོང་གི་སྤོབས་པ་ཤིན་ཏུ་དམན་པའི་གྱི་ན་པ་འཇིགས་མེད་མཁྱེན་བརྩེས་སྦྱར་བའོ། །སརྦ་ས་མནྟ་ཤྲཱི་མངྒ་ལཾ་ཀུརྦནྟུ།།
	zhes 'byung gdon smyo brjed sogs kyi bcos tshul phyogs gcig tu bsdebs pa 'di yang skyes sbyong gi spobs pa shin tu dman pa'i gyi na pa 'jigs med mkhyen brtses sbyar ba'o/__/sarba sa man+ta shrI mang+ga laM kurban+tu

1 Texts in this Section (sde tshan or chos tshan)

4 180-192	འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མ། 'byung gdon gyi bcos tshul rdo rje'i zeg ma Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མ་ཞེས་བྱ་བ་བཞུགས་སོ། །ན་མ་བཛྲ་པཱ་ཎི་ཡེ། །རྒྱལ་ཀུན་ཐུགས་ཀྱི་ཐིག་ལེའི་ལང་ཚོ་ནི། །བདེ་ཆེན་སྙིང་རྗེའི་དཔྱིད་དང་རོ་གཅིག་པས། ཁ་སྦྱོར་ཡན་ལག་བདུན་གྱི་མཚན་དཔེ་ཅན། །གསང་བ་འཛིན་པའི་བདག་ཉིད་སྙིང་དབུས་རོལ། །ཆེས་ཆེར་སྙིགས་མར་གྱུར་པའི་དུས་འདི་རུ། །མི་བཟད་འབྱུང་པོའི་ཁ་རླངས་གཡོས་པ་ཡིས། །ལུས་ཅན་སྒོ་གསུམ་ལ་འཁྱུད་སྡུག་བསྔལ་ཁུར། །དབུགས་འབྱིན་འབབ་སྟེགས་གསར་པ་དེང་འདིར་སྦྱིན། །དེ་ལ་རྒྱུ༷་རྐྱེན༷་དབྱེ༷་བ༷་རྟག༷ས་བཅོ༷ས་བཞི། །རྒྱུ༷་རྐྱེན༷་མི་དགེའི་ལས་ལ་བག་མེད་སྤྱོད། །གྲོགས་མེད་གདོན་ཅན་གནས་སུ་གཅིག་པུར་བསྡད། །ནུས་མེད་བཞིན་ཏུ་འབྱུང་པོར་མཐོ་མཚམས་དང་། །མཆོད་འོས་ཆགས་དང་ལུས་ངག་ཡིད་མཚམས་འདས། །མྱ་ངན་དྲག་པོས་གདུང་སོགས་རྐྱེན་ལས་འབྱུང་། །དབྱེ༷་བ༷་ལྷ་ཀླུ་ལྷ་མིན་དྲི་ཟ་དང་། །གནོད་སྦྱིན་ཚངས་པ་སྲིན་པོ་ཤ་ཟ་དང་། །ཡི་དྭགས་གྲུལ་བུམ་བྱད་སྟེམས་གཡེངས་བྱེད་དང་། །རོ་ལངས་མཚུན་ལྷ་བླ་མ་དྲང་སྲོང་རྒན། །གྲུབ་པ་ཞེས་བྱའི་གདོན་ཆེན་བཅོ་བརྒྱད་དུ། །གསུངས་ཀྱང་ལྔ་བརྒྱ་ཐ་མའི་དུས་འདི་རུ། །ཕལ་ཆེར་རྒྱལ་འགོང་དམ་སྲི་བཙན་གྲི་བོས། །གནོད་པ་མང་ཕྱིར་དེ་ཡི་གཉེན་པོ་གཅེས། །མངོ༷ན་རྟག༷ས་སྤྱི་རུ་ལུས་ངག་ཡིད་ཀྱི་ལས། །སྔར་ལས་འགྱུར་ཞིང་སེམས་འཕྱོ་སྙིང་མི་དགའ། །འགའ་ཞིག་འཇིགས་སྐྲག་དངངས་དང་ཤེས་པ་འཁྲུལ། །ཚབས་ཆེ་དབང་མེད་རང་སྲོག་གཅོད་པ་ཡོད། །བྱེ་བྲག་མཚན་ཉིད་སྒོ་གསུམ་སྤྱོད་ཡུལ་ཀུན། །གང་གིས་འཚེ་ལྷ་གདོན་སཾ་སྐྲྀ་ཏ་ཡི་སྐད་སྨྲ་བྱ་ཞིང་བྱད་སྔར་བས་མཛེས་བ་དང་། གཙང་སྦྲ་ཆེ་བ་སོགས་ཐ་དད་དོ། །བ་དེ་ཡི་རྗེས་སུ་འགྲོ། །དེ་དག་དང་པོ་མི་འབྱུང་སྲུང་བ་དང་། །བར་དུ་བཅོས་ཐབས་ཐ་མ་རྗེས་གཅོད་དོ། །དང་པོ་ཚད་མེད་སྙིང་རྗེས་རྒྱུད་བརླན་ཞིང་། །སྒོ་གསུམ་ལྷ་སྔགས་ཆོས་སྐུར་རོ་གཅིག་ན། །མི་ཤིགས་སྲུང་བ་ཀུན་གྱི་མཆོག་ཏུ་འགྱུར། །འོན་ཀྱང་རྫས་ཀྱི་སྲུང་བ་ག་བུར་དང་། །བཟང་དྲུག་གླ་རྩི་ཤིང་ཀུན་ཤུ་དག་ནག །གུ་གུལ་ལ་སོགས་དྲི་ལྡན་སྨན་སྣ་དང་། །བ་བླ་ལྡོང་རོས་མུ་ཟི་བྱ་རྒོད་སྤོས། །ས་རྡོ་སྔོ་སྨན་དྲི་ཅན་ཐམས་ཅད་དང་། །བསེ་དྲི་ཅན་དང་བཤུལ་ཆགས་ཤ་རྣམས་དང་། །བྱ་གཅན་ར་ལུག་ལ་སོགས་སེམས་ཅན་གྱི། །སྤུ་བྲུན་ཆུ་དང་སེན་མོ་མཁྲིས་པ་དང་། །སྦལ་སྦྲུལ་ཉ་དང་ལྕོང་མོ་ལ་སོགས་ཤ །འབྲུ་སྣ་དུག་སྣ་ཁྲག་སྣ་ཀུན་བསགས་ལ། །ཞིབ་ཏུ་བཏགས་ལ་རིལ་བུར་དྲིལ་བྱས་ཏེ། །དུ་བས་བདུག་དང་ཁུ་བ་བཀུ་བ་དང་། །ཁོང་དུ་བཏང་བས་འབྱུང་པོའི་གདོན་ཀུན་འབྱེར། །སྟེང་གདོན་འོག་གདོན་ཀུན་དང་རིམས་རྣམས་ཐུབ། རྒྱུད་ལས་བྱུང་། ཡང་ན་མུ་ཟི་གུ་གུལ་གླ་རྩི་ནག །སྨན་ཆེན་མཁན་དམར་སྤྲུ་བའི་རྩ་བ་དང་། །ཤིང་ཀུན་སྒོག་གཅིག་སྤྱང་ཚེར་ཁྲག་སྣ་གསུམ། །སྤྱང་དུག་ཐལ་ཆེན་ཡུངས་ཀར་རྨ་བྱའི་མདོངས། །ཉུངས་ནག་སྐེ་ཚེ་གཅན་གཟན་མཆེ་སྡེར་དང་། །ཤ་གསུམ་རྭ་གཉིས་དྲི་ཆུས་རིལ་བུ་དྲིལ། །དབང་ཆེན་འབར་བའི་སྔགས་ཀྱིས་ངར་བཏབ་སྟེ། །བཟའ་བྱུགས་བདུག་དང་འཆང་བས་གདོན་ཚོགས་ཀུན། །བསྲུང་ཞིང་འཇོམས་བྱེད་རྡོ་རྗེ་ཅན་དང་མཚུངས། །གཞན་ཡང་ནག་པོ་དགུ་ཡི་སྦྱོར་བ་ཉིད། །ལྷ་སྔགས་གནད་དང་ལྡན་ན་ངེས་པར་ཐུབ། །ཁྱད་པར་གྲོ་ག་ཤོག་བུ་གང་རུང་ལ། །གསེར་གྱི་རྡོ་རྗེ་རྒྱ་གྲམ་ལྟེ་བ་རུ། །ཉི་ཟླའི་དཀྱིལ་འཁོར་དབུས་སུ་ཧྲཱིཿཡིག་མཐར། །མུ་ཁྱུད་ཟླུམ་པོ་རིམ་བཞིན་བསྐོར་བའི་ནང་། །གཟུངས་སྔགས་ཨོཾ་གུ་རུ་བཻཌཱུརྱཱ་ས་མུངྒ་ཏེ་སྭཱ་ཧཱ། འཆང་བ་པོ་ལ་ནད་གདོན་སྲུངས་ཤིག་རཀྵ་རཀྵ་སྭཱ་ཧཱ༔ སྤེལ་ཚིག་བཅས་པ་གཡས་བསྐོར་དང་། དབྱངས་གསལ་རྟེན་སྙིང་རྡོ་རྭ་མེ་རི་བྲི། ཁྱུང་ལྔ་རྡོ་རྗེ་གསུམ་དང་བཟང་པོ་དྲུག །གུ་གུལ་ག་བུར་ཤིང་ཀུན་བ་བླ་བྱུག །བྱིན་བརླབས་རྟེན་འབྲེལ་སྙིང་པོས་རབ་གནས་བྱ། །མི་ལག་མི་བརྒྱུད་མགུལ་དུ་གདགས་པ་ཡིས། །ནད་རིགས་ཀུན་དང་མ་རུང་འབྱུང་པོའི་གདོན། །སྲུང་བྱེད་གནམ་ལྕགས་རྡོ་རྗེའི་གོ་ཁྲབ་ཡིན། །གང་ཞིག་ནད་གདོན་སྲུངས་སོགས་དགོས་དོན་དམིགས་བསལ་ཡོད་ན་དེ་དག་བྲི། གཞན་ཡང་ཙཀྲ་ཟ་ཡིག་ལ་སོགས་པ། །མན་ངག་ཟབ་མོ་གཞན་ལྟར་རིག་པས་འཕྲུལ། །བར་དུ་བཅོས་ཐབས་སྨན་སྔགས་ཟས་སྤྱོད་བཞི། །ཐོག་མར་བྱཱ་ཀྲི་སྤང་སྤོས་ཤུ་དག་ནག །རྨ་བྱའི་སྒྲོ་དང་སྦྲུལ་ལྤགས་བྱི་ལའི་བྲུན། །སྲན་ཕུབ་ཆ་མཉམ་སྦྱར་བའི་དུ་བས་བདུག །ཡང་ན་བཙན་དུག་ཐལ་ཆེན་དྲི་ལྡན་གཉིས། །སྤྲུ་ནག་བྱི་ཀུ་མུ་ཟི་ཀཱ་ལ་དང་། །ལྷོག་དུག་སྦྱར་བའི་ཕྱེ་མ་ལོ་བརྒྱད་ཆུས། །རིལ་བུར་དྲིལ་བ་བྱིན་ཟས་འཁྱུད་པ་ལས། །སྟེང་འོག་གྲིབ་གདོན་འབྱུང་པོ་མྱུར་དུ་འབྱེར། །ག་བུར་གླ་རྩི་ཤིང་ཀུན་ཤུ་དག་ནག །མུ་ཟི་སྒོག་སྐྱ་མཁན་པ་སྤྲུ་བ་ནག །མི་ཤ་རྒོད་སྤོས་རྟ་བོང་བྱི་ལའི་བྲུན། །ཨར་ནག་པདྨའི་མེ་ཏོག་བུངས་ཆེར་བསྐྱེད། །ཞིབ་བཏགས་ལོ་བརྒྱད་ཨེ་ཀྲོས་རིལ་བུ་དྲིལ། །ཁོང་དུ་བཏང་དང་བདུག་པས་ནད་གདོན་འཇོམས། །ཁྱད་པར་ནུས་ལྡན་རྣམ་སྣང་མ་གི་ཏ། །བྲུན་གཉིས་ཚིལ་ཆེན་གུ་གུལ་འོ་མ་འཛིན། །ཆུ་རྩ་སྟག་ཤ་གཞོབ་གཉིས་ནག་པོ་གསུམ། །རྒྱ་ཚྭ་ཤིང་ཀུན་རེ་ལྕག་རྩ་བ་བཅས། །ཞིབ་བཏགས་རྫས་ཆེན་བཅོ་བརྒྱད་སྦྱོར་བ་སྟེ། །ཕྱི་ནས་བྱུག་བདུག་དྲི་ཆུས་ཁོང་དུ་ཕུལ། །གསོ་དང་སྲུང་དང་ཕྱིར་མི་ལྡོག་བའི་མཆོག །གཞན་ཡང་ཨ་གར་ནག་པོ་ཤིང་ཀུན་དང་། །སྙིང་ཞོ་བཟང་དྲུག་ཙན་དན་དཀར་དམར་གཉིས། །སྒྲོན་ཤིང་གླ་སྒང་ནཱ་ག་གེ་སར་དང་། །ཨུཏྤལ་སྒ་སྐྱ་ཤུ་དག་བོང་ང་དམར། །སྤང་སྤོས་རུ་རྟ་བྲེ་ག་བོང་དཀར་དང་། །བདུད་རྩི་ཆོས་སྨན་བུར་སྨུག་རིལ་བུར་དྲིལ། །དགོངས་དང་ཐོ་རངས་མྱོས་བྱེད་ཁུ་བས་ཕུལ། །མཆོག་ཏུ་ཟབ་པ་པཉྩ་པཀྵའི་སྟེང་། །བཟང་དྲུག་གེ་སར་སྙི་ཞོ་ཁ་རུ་ཚྭ། །ཨར་ནག་ཡུངས་ཀར་ཐལ་ཆེན་ཟི་ར་གཉིས། །ཤ་ཁྲག་ཙིཏྟ་མིང་ཅན་དྲི་ལྡན་གསུམ། །དམར་གསུམ་གསང་སྨན་ཁ་བསྒྱུར་ཐ་དད་ཅན། །ལོ་བརྒྱད་མི་བསྐྱོད་པ་ཡི་རིལ་བུར་དྲིལ། །ལག་ལེན་མན་ངག་གནད་དང་ལྡན་པ་ན། །ས་སྟེང་འདི་ཡི་གྲིབ་གདོན་འབྱུང་པོའི་རིགས། །སྦྱོར་བ་འདི་ཡིས་མི་སེལ་ག་ལ་སྲིད། །དེ་ཕྱིར་མཆོག་ཏུ་གསང་བའི་མན་ངག་གོ །གཞན་ཡང་བསམ་འཕེལ་སྦྱོར་བ་ཆེ་ཆུང་དང་། །ཨ་གར་ཉི་ཤུ་ལ་སོགས་སྐབས་བསྟུན་སྦྱར། །ཙན་དན་གུ་རྒུམ་སུག་སྨེལ་འབྲས་བུ་གསུམ། །གྷནྡྷ་པ་ཏྲ་དུག་ཉུང་སྤུ་ཤེལ་རྩེ། །ཡུངས་ཀར་རྒྱ་ཚ་ཤུག་པ་པྲི་ཡང་ཀུ། །དབྱི་མོང་རུ་རྟ་ཧོང་ལེན་བོང་ང་དཀར། །སྤང་མ་ལྡོང་རོས་གཅིན་དྲུག་མར་རྙིང་ལ། །སྦྱར་བ་ཁུས་འདེབས་སྨན་མར་ཞེས་བྱ་སྟེ། །བཟའ་བྱུག་སྣར་བླུགས་གདོན་ལས་མྱུར་དུ་གྲོལ། །གུ་གུལ་སྤྲུ་ནག་བ་བླ་སྤྱང་བྲུན་དང་། །ཚིལ་ཆེན་ཤ་ཆེན་རྭ་གཞོབ་ཤུ་དག་ནག །རྨ་བྱའི་ཁྲག་བཅས་ནུས་ལྡན་མི་བསྐྱོད་པས། །རིལ་བུར་དྲིལ་ཞིང་ཕག་ཚིལ་སྦྱར་བ་བྱུག །འབྱུང་པོ་སྤྱི་དང་སྟེང་འོག་གདོན་ཀུན་འཇོམས། །སྔ༷གས་ཀྱི༷ས་བཅོ༷ས་པ༷་སྤྱི་དང་བྱེ་བྲག་གཉིས། །དང་པོ་རྒྱ་ཤོག་གཙང་མར་རྒྱ་སྣག་གིས། །ཡིག་འབྲུ་ཀྼྴྻྤུྔྣྱ་འདི་བྲིས་ལྟོ་སྟོང་བཏང་བ་ཡིས། །གདོན་རིགས་ཐམས་ཅད་ཞི་ཞིང་རླག་པར་བྱེད། །ཡང་ན་སྔགས་བྷཿནཿདྷཿནཿཀུཿདྷཿནཿཡཿདྷཿནཿ འདི་དག་པར་བྲིས་པ་ལ། །ཐ་དད་རྫས་ཀྱིས་བྱུག་སྟེ་དུས་སུ་བཟའ། །ཚེ་རིང་སྡེ་བརྒྱད་འབྱུང་པོ་གསོ་དང་བསྲུང་། །གཞན་ཡང་ཡིག་རྒོད་འདི་ཉིད་བྲིས་པའམ། །ཟ་ཡིག་འདི།ཧྱྨྷྶྼྦ །ཨྷོྃ་གཉིས་གང་རུང་སྲོད་འཁོར་དུས། །བསྟེན་པས་སྡེ་བརྒྱད་འབྱུང་པོའི་གདོན་ཀུན་འཇོམས། །བྱེ་བྲག་རྒྱལ་འགོང་གནོད་པར་གསང་སྔགས་བྷགཔཎཤགཔཎགུགཔཎ་ལ་འདི། །ལེགས་པར་བྲིས་ཏེ་གཤམ་ནས་དྲིལ་ལ་བཏང་། །དེ་བཞིན་རྒྱ་ཤོག་གཙང་མར་རྒྱ་སྣག་གིས། །འདི་བྲིས་གཤམ་དྲིལ་ཟོས་པས་བཙན་གནོད་ཐུབ། །ཡང་ན་ཡིག་རྒོད་པཎ། འདི་མིད་གང་དང་མཚུངས། །གྲེ་བོར་འདི་ཉིད་བྲིས་ཨོཾ་ཕྲ་མོ་མཱ་ར་ཡ་ཕཊ། ཏེ་ཟོས་པས་ཞི། །གྲེ་མོར་སྔགས་འབྲུ་འདི་གསུམ། །ཉྨྙོ་བྲིས་ཏེ་ཟ། །ཀུན་ལ་ལྷ་བསྐྱེད་སྔགས་རྟ་མགྲིན་སོགས་རང་རང་གཉེན་པོ། བཟླས་རབ་གནས་བྱ། །གཞན་ཡང་རང་རང་བསྲུང་དང་གསོ་བའི་ཚོགས། །དཔག་ཏུ་མེད་ཕྱིར་དེ་དག་གཞན་ནས་གསལ། བླ་མ་དགོངས་པ་འདུས་པའི་ལས་བྱང་གིས་ཡན་ལག་སོགས་ལས་མང་དུ་འབྱུང་ངོ་། །མཆོད་སྦྱིན་ལ་སོགས་བསོད་ནམས་བསགས་པ་དང་། །བསྐྲད་གཟིར་བསྲེག་མནན་ལ་སོགས་དྲག་པོ་དང་། །མདོས་གཏོར་སྦྱིན་སོགས་ཞི་བའི་ཆོ་ག་བཏང་། །ཀུན་གྱིས་སེལ་དཀའ་པདྨེ་དམར་ཁྲ་ནི། །ཉེར་གཅིག་ནག་པོ་གསུམ་དང་རྒྱ་ཚྭ་རྣམས། །ལུག་རིལ་ཙམ་དང་སྡིག་སྲིན་མཚལ་དཀར་དང་། །ཉི་དགའི་འབྲས་བུ་ཧ་ཤིག་ཐུན་རེ་མཉམ། །དུར་བྱིད་མཐེབ་ཙམ་དན་རོག་རྡོག་པོ་ལྔ། །ཨ་རུ་མཆུ་སྙུང་བཅུ་དགུ་ཐར་ནུ་ཡི། ། ཁཎྜ་མཐེབ་ཙམ་རེ་ལྕག་དེ་དང་མཚུངས། །ཆུ་རྩ་ཞོ་གཅིག་སྒ་ཏིག་ཁྱོར་བ་གང་། །ལྕུམ་དཀར་རྩ་བ་མཐེབ་ཚིག་ཙམ་པ་གཉིས། །དེ་རྣམས་ཞིབ་བཏགས་ནུས་ལྡན་ཨེ་ཀྲོ་ཡིས། །ཁཎྜར་ལེགས་བསྡུས་དེ་སྟེང་ཨར་ནག་དང་། །ཆུ་སེར་སྨན་གསུམ་སྤྲུ་བ་ཤུ་དག་ནག །རྟ་བོན་མུ་ཟི་སྡོམ་སྡིག་སྦུར་བ་ནག །སྦལ་ཉའི་ཤ་དང་དངུལ་ཆུ་ཁྲག་སྣ་ལྔ། །སྒོག་གཅིག་ཤིང་ཀུན་རུ་རྟ་གླ་བའི་རྩི། །གསེར་མདོག་ཆོས་སྨན་བྱ་མོ་ཁྱི་སྤྱང་དང་། །ཕག་བྲུན་རུས་སྦལ་པིར་ཤ་གཟའ་དུག་པ། །ཀླུ་བདུད་ཉ་ཁྲབ་སྟག་ཤ་རྒྱ་ཚིལ་དང་། །གཞོབ་ལྔ་རྨོངས་ཁའི་སྤྲེ་གསུམ་ནལ་བུ་དང་། །སྲེ་མོང་བྱ་རྒོད་པུ་ཤུད་སྐྱེ་བདུན་ནམ། །གྲུབ་པ་ཐོབ་པའི་གདུང་རྣམས་རྩི་བཞིན་བཏགས། །ཆང་ཞིམ་དག་གིས་རིལ་བུ་སྲན་སྦོས་ཙམ། །རབ་གནས་སྔགས་ཀྱིས་ངར་བཏབ་དགོངས་དུས་སུ། །གཡེར་ལྕམ་ཐང་གིས་རྩ་ཁ་དབྱེ་བྱས་ཏེ། །ཐོ་རངས་ལྔ་བདུན་དགུ་སོགས་སྟོབས་སྦྱར་བཏང་། །སྔོན་དངོས་ལས་ལྔ་སྤྱི་དང་མཐུན་པར་སྤྱད། །དེ་ཡིས་གདོན་བྱེར་བགེགས་འདུལ་ནད་ཀུན་བཅོམ། ཁ་ཟས་བསིལ་དང་རྩུབ་པའི་རིགས་རྣམས་དང་། ཁྱད་པར་གྲི བ་གདོན་བསྐྱེད་པའི་ཟས་ཀུན་གདོན་ཅན་གྱི་ས་ནས་ཁྱེར་བའི་ཤ་ཆང་སོགས་སྤངས། །ཡང་ཤིང་འཇུ་སླ་དྲོད་བཅུད་ལྡན་པ་བསྟེན། །ཞུན་མར་བཟའ་དང་བྱུག་ཅིང་རླུང་གསང་མཉེ། །སྤྱོད་ལམ་གྲོགས་མེད་ཉམས་ངར་སྡོད་པ་དང་། །སྨྲ་མང་མྱ་ངན་འཇིགས་སྔངས་འུར་ཟིངས་སྒྲ། །ཁྱད་པར་སློང་རྐྱེན་གང་ཡིན་རྟག་ཏུ་བསྡམས། །དབེན་ཞིང་ཉམས་དགའ་མི་མཐུན་བྲལ་བའི་སར། །ཡིད་འོང་གྲོགས་བསྟེན་སྙན་པའི་ཚིག་གིས་བྲིད། །རིགས་སྔགས་སྤྱི་དང་རྨ་བྱ་ཆེན་མོ་སོགས། །ཁྱད་པར་གདོན་གང་ཡིན་པའི་གཉེན་པོ་བཟླ། །དེ་ཡི་མི་བཟད་གདུག་པའི་གདོན་ལས་གྲོལ། །རྗེས་གཅོད་མཚོག་གསང་སྡུད་སྒོ་དྲུག་བདུན་དང་། །དཀར་ནག་མཚམས་རྣམས་བསྲེགས་ཅིང་ཙཀྲ་གདགས། །གཞན་ཡང་ཨ་ཝ་དྷུ་ཏཱིའི་འོག་རོལ་གྱི། །ཡིད་ཀྱི་རྩ་ལ་གདོན་ཞུགས་ལམ་བཀག་པས། །རྣམ་ཤེས་སྨྱོ་བྱེད་ནད་འབྱུང་དེ་ཉིད་ལས། །ཐོག་མར་བདུད་རྩི་ལྔ་དང་ཏིལ་མར་གྱིས། །བཀུ་མཉེ་བྱ་ཞིང་བཙན་དུག་སྨན་མར་རམ། སྙིང་འཕྱོའི་སྐབས་སུ་བཤད་པའི། འབྲས་གསུམ་མར་སྟེང་ཞོ་ཤ་རྒོད་སྤོས་དང་། །རི་བོང་ཙིཏྟ་ཁ་ཚར་གདབ་པ་བཟའ། །ཁྱུང་སྟེང་ཛཱ་གུལ་ཤིང་ཀུན་ཨ་གར་ནག །སྤོས་དཀར་རི་སྙིང་སྦྱར་བའི་རིལ་བུ་བསྟེན། །ཟས་སྤྱོད་རྗེས་གཅོད་གོང་དང་རིག་པས་འཁྲུལ། །བྱེ་བྲག་རླུང་གྱུར་ཨ་གར་སྦྱོར་བ་བསྟེན། །ཨན་སྟོང་དཀར་ནག་མཚམས་བསྲེགས་མཁྲིས་ཤས་ཆེ། །སྙིང་རྩ་གཏར་ཞིང་ཏིག་ཏའི་སྨན་མར་སྦྱར། །བད་གྱུར་སྐྱུག་བྱ་མེ་ཡིས་རང་གསང་བསྡམས། ཚིག་པ་གསུམ་པ་སོགས། འདུས་པར་དེ་ཀུན་ལྡན་པས་བཅོས་པར་བྱ། །མྱ་ངན་ལས་བྱུང་མཐུན་པས་ཡིད་གསོ་ཞིང་། །དུག་ལས་གྱུར་པ་དེ་ཡི་གསོ་དཔའ་བོ་སེར་པོ་བོང་ང་དཀར་དམར་རྩད་རེ་རལ་ཡུང་བ་རྣམས་དྲི་ཆུས་རིལ་བུ་སྦྱར་ཞེས་རྒྱུད་ལས་འབྱུང་། ཐབས་སྦྱར། །གདོན་གྱུར་བྱུག་བདུག་རིལ་བུ་སྔར་བཞིན་བསྟེན། འབྱུང་གདོན་སྐབས་སུ་བཤད་པ་ལྟར། །དེ་བཞིན་བརྗེད་བྱེད་སྙིང་འདར་མགོ་འཁོར་ཞིང་། །ནམ་ལངས་དུས་སུ་འགྱེལ་དང་ལྦུ་བ་སྐྱུག །རྐང་ལག་གཡབ་ཅིང་མུན་པར་ཞུགས་སྙམ་སེམས། །དེ་ལ་ནི་རུ་ཧ་དང་སྣ་བཤལ་བཏང་། །འུག་པ་བྱ་རོག་བྱ་རྒོད་གཟུགས་མོ་སྦྲུལ། །ཁྱི་སྤྲེ་རྟ་ཡི་ཆུ་སྒྲོ་བྲུན་དུད་བདུག །བ་སེར་མཁྲིས་ཁུ་སྦྱར་བའི་སྣ་སྨན་བླུགས། །ཤུ་དག་རུ་རྟ་མར་རྙིང་སྦྲང་སྦྱར་བྱིན། །འབོག་ཡུན་རིང་ན་སོར་མོ་ཉི་ཤུ་བསྲེགས། །དཔྱད་དང་རྗེས་གཅོད་གོང་བཞིན་རིགས་པས་འཁྲུལ། །གཞན་ཡང་འབོག་གྲབས་དུས་སུ་རྐང་མཐེབ་ཉིད། །སྐུད་པས་བཅིངས་ཏེ་བཟུང་བས་འབོག་འཕྲོ་བཅད། །ཚབས་ཆེ་ཙིཏྟ་རྣམ་གཉིས་ཆང་གིས་ཕུལ། །དེ་རྗེས་ཨ་གར་བརྒྱད་པའི་ཕྱེ་མ་བསྟེན། །ལྐུག་ན་གསང་བའི་སྨན་མཆོག་མིད་བས་འབྱེད། །གཞན་ཡང་ནད་གང་ཤས་ཆེའི་གཉེན་པོ་བསྟེན། །ཁྱད་པར་ཟས་གོས་ལ་སོགས་འགོ་གྲིབ་རིགས། །བསྲུང་དང་གསོ་བའི་རིམ་པ་འདི་ལྟར་བྱ། །ཐོག་མར་གྲོ་ག་འམ་ནི་ཤོག་བུ་ལ། །མུ་ཁྱུད་རིམ་པ་ལྔ་ཡིས་བསྐོར་བ་ཡི། །ལྟེ་བར་སྔགས་ཨོཾཨིས ཙཏྲཡ། ཏོརཡཏོརཡསྭཱཧཱ། འདི་ཚག་མེད་དབུ་ཅན་བྲི། །དེ་རྒྱབ་མུ་ཁྱུད་འདབ་བརྒྱད་སྔགས་ཨུཏྲམིཊཡཏོརཡཏོརཡ། མོན་ཊ་ཀྲོདྷཡ༴ ཨཀཏྲོཏཡཏོར། ཨབྷུཀྲོདྷཡ། ཨུཊཤཊཡ། ཨེལིངཨེཊཡ། ལམོནཊཡ། ཨསནིཔིསནནཏྲཡཏོརཡཏོརཡསྭཱཧཱ། འདི་བཀོད། །དེ་རྒྱབ་རིམ་པར་ཨ་ལི་ཀ་ལི་དང་། །རྟེན་འབྲེལ་སྙིང་པོ་མེ་རིའི་འཁོར་བར་འབྲི། །ག་བུར་བཟང་དྲུག་བྱུག་ཅིང་ལྟེ་བ་རུ། །ཟུར་ཡང་མ་ཉམས་ཆུ་ཤེལ་བཅས་པ་གཞུག །ཡེ་ཤེས་བསྐྱེད་ཁྲོ་རྒྱལ་བདུད་རྩི་འཁྱིལ་པ་ཅིང་སྤྱན་དྲངས་རབ་ཏུ་གནས། །བྱ་རྒོད་སྡེར་མོ་གྲུམ་པའི་སྤུ་དང་ནི། །དར་དམར་གིས་དྲིལ་དྲོད་དང་མ་བྲལ་འཆང་། །འདིས་ནི་གྲིབ་གདོན་རིགས་ཀུན་ངེས་པར་ཐུབ། །རྟེན་འབྲེལ་རྫས་ཀྱི་སྒོ་ནས་གསོ་བ་ནི། །གཙོ་བོ་གསང་བའི་སྨན་ཅིག་ཐུན་ཅིག་ལ། །བཟང་དྲུག་ཙནྡན་དཀར་པོ་ཨ་གར་དང་། །གི་ཝཾ་སྤོས་གཉིས་ཟི་ར་གུ་གུལ་གཉིས། །ཤུ་དག་དཀར་པོ་བཅས་ཏེ་ལེགས་སྦྱར་ཏེ། །བ་མར་འོ་མས་རིལ་བུ་དྲིལ་བ་ཉིད། །བཟའ་བྱུག་བདུག་པས་སྙིང་འཐིབ་བྱིང་རྨུག་སེལ། །གཞན་ཡང་དེང་དུས་ཕན་ཚུན་མ་འཚམས་པར། །ནུས་ཅན་ཀུན་གྱིས་རིག་སྔགས་སྦྱོར་བ་ཡིས། །སྒོ་གསུམ་བཅིངས་ནས་ཚུལ་མིན་སྤྱོད་པ་དང་། །སྡུག་བསྔལ་ཚོར་བ་དྲག་པོ་གཟིར་བ་ཉིད། །སྲུང་བའི་གདམས་པ་རྫས་དང་ཟ་ཡིག་གཉིས། །དང་པོ་རྨ་བྱ་བྱ་རོག་སྒྲོ་གཉིས་དང་། །སྟག་ཤ་ཙིཏྟ་བཅས་པ་མགུལ་དུ་གདགས། །ཡང་ན་མུ་ཟི་ལྡོང་རོས་རེ་ལྕག་པ། །རྟ་བོན་ཟི་ར་གུལ་ནག་བི་ཤ་དང་། །ཐར་ནུ་བརྒྱད་པོ་དར་དཀར་ནང་དུ་བསྟུམ། །སྤྱི་བོར་བཅིངས་ངམ་ཡང་ན་མགུལ་དུ་འདོགས། །དེ་བཞིན་ཡུངས་ཀར་ཀེ་ཤངས་དུག་ཁྲག་སོགས། །སྤྲེའུ་རི་བོང་ཏེ་ལོ་ནེ་ཙོའི་སྙིང་། །ཐལ་ཆེན་སྦྱར་བ་དྲི་ཆུས་རིལ་བུ་དྲིལ། །སྔགས་ཀྱིས་ངར་བཏགས་དཔྲལ་བར་ཐིག་ལེ་བྱ། །གྲི་ལྕགས་སོར་གདུབ་རྫས་དང་སྔགས་ཀྱི་ངར། །གདགས་ཏེ་སྲིན་ལག་ལ་བཅིངས་ངེས་པར་ཐུབ། །གཞན་ཡང་ཙཀྲ་ཟ་ཡིག་ལ་སོགས་པ། །མང་དུ་མཆིས་མོད་དེ་དག་གཞན་དུ་གསལ། །ཡང་ཅིག་དེང་སང་རྒྱལ་བཙན་གཟེར་དང་ནི། །ཁྱབ་འཇུག་མིག་ཟུར་དག་གིས་མཐོང་བ་ཡིས། །དྲན་མེད་བརྒྱལ་ཅིང་དབང་པོ་མ་ལུས་འཆོར། །དེ་རྣམས་མ་ཡིན་ཀླད་དཀྱིལ་མིར་ཁི་ཞེས། །འབུག་ནས་དེ་ཉིད་སྔོན་གྱི་ལས་དང་ནི། །འཕྲལ་བྱུང་གདོན་རྐྱེན་དག་གིས་འགུལ་བ་ལས། །དྲན་མེད་བརྒྱལ་ནས་སྤྱོད་ཡུལ་མ་ལུས་འཆོར། །དེ་ལ་སྲུང་དང་གསོ་བའི་རིམ་པ་གཉིས། །དང་པོ་སྔར་བཤད་གདོན་སྲུང་རིགས་དང་ནི། །ཁྱད་པར་རྒྱ་ཤོག་དག་ལ་རྒྱ་སྣག་གི །འདི་ཉིད་ ཨོཾ་མ་ཏྲིང་ཏྲི་ཁྱིམས་སུ་སྭཱ་ཧཱ། བྲིས་ཏེ་ཐོ་རངས་དུས་སུ་བཟའ། །གསོ་བའི་ཐབས་ལ་གཏི་མུག་འཁོར་ལོ་དང་། །དེ་ཡི་བདུད་རྩི་ཝ་ར་སྐད་ཆེན་གྱིས། །དྲི་ཆུར་ཞིབ་བཏགས་སྣ་སྨན་མང་དུ་བཏང་། །འབུ་བྲལ་ཤི་རྟགས་སྣ་ནས་ཁྲག་རྒྱུན་འབབས། །ཡང་ན་མོད་ཀྱིས་འཚོ་ཡང་སྲིད་པ་ཡིན། །རྗེས་སུ་འཚོགས་གསང་སྨིན་མཚམས་སྡུད་སྒོ་བཞིར། །མེ་བཙའ་གདབ་བམ་ལྕགས་ཀྱི་ཏེལ་པས་སྲུངས། །དེ་ལྟར་ཟབ་རྒྱས་ས་སྲུང་དབང་པོ་སྟེ། །འཇོ་སྒེག་གཡོ་བའི་རྒྱུད་དོན་ལྷ་དབང་གིས། །མན་ངག་རྡོ་རྗེའི་རྩེ་བརྒྱ་གདེངས་པ་ཡིས། །འབྱུང་གདོན་ལྷ་མིན་མངལ་ཁུར་མངོན་པར་འཆིངས། །ཚུལ་འདི་ཚད་མེད་སྙིང་རྗེའི་ཟླ་གཞོན་གྱིས། །གཞན་ཕན་ཀུནྡའི་ལང་ཚོ་དར་བ་ལས། །ལེགས་འོང་ཕན་བདེ་སྦྲང་རྩིའི་དོག་པ་ཡིས། །འགྲོ་ཀུན་འཕྲལ་ཡུན་ཐར་པའི་གསོས་སྦྱིན་ཤོག །ཁྱད་པར་ལུང་རྟོགས་ཨུཏྤལ་གཞོན་ནུའི་གཟུགས། །ཆེས་ཆེར་མཚར་སྡུག་རྫོགས་བའི་རྣམ་འདྲེན་མཆོག །བསྐལ་བར་མི་ཤིགས་བཅུད་ལེན་གྲུབ་པ་ཡིས། །དོན་གཉིས་དགའ་སྟོན་གསར་པ་སྤྲོ་གྱུར་ཅིག །ཞེས་འབྱུང་གདོན་སྨྱོ་བརྗེད་སོགས་ཀྱི་བཅོས་ཚུལ་ཕྱོགས་གཅིག་ཏུ་བསྡེབས་པ་འདི་ཡང་སྐྱེས་སྦྱོང་གི་སྤོབས་པ་ཤིན་ཏུ་དམན་པའི་གྱི་ན་པ་འཇིགས་མེད་མཁྱེན་བརྩེས་སྦྱར་བའོ། །སརྦ་ས་མནྟ་ཤྲཱི་མངྒ་ལཾ་ཀུ རྦནྟུ།། །། ༈

[edit]

'byung gdon gyi bcos tshul rdo rje'i zeg ma/ 'byung gdon gyi bcos tshul rdo rje'i zeg ma zhes bya ba bzhugs so/__/na ma badz+ra pA Ni ye/__/rgyal kun thugs kyi thig le'i lang tsho ni/__/bde chen snying rje'i dpyid dang ro gcig pas/__kha sbyor yan lag bdun gyi mtshan dpe can/__/gsang ba 'dzin pa'i bdag nyid snying dbus rol/__/ches cher snyigs mar gyur pa'i dus 'di ru/__/mi bzad 'byung po'i kha rlangs g.yos pa yis/__/lus can sgo gsum la 'khyud sdug bsngal khur/__/dbugs 'byin 'bab stegs gsar pa deng 'dir sbyin/__/de la rgyuX rkyenaX dbyeX baX rtagaXs bcoXs bzhi/__/rgyuX rkyenaX mi dge'i las la bag med spyod/__/grogs med gdon can gnas su gcig pur bsdad/__/nus med bzhin tu 'byung por mtho mtshams dang /__/mchod 'os chags dang lus ngag yid mtshams 'das/__/mya ngan drag pos gdung sogs rkyen las 'byung /__/dbyeX baX lha klu lha min dri za dang /__/gnod sbyin tshangs pa srin po sha za dang /__/yi dwags grul bum byad stems g.yengs byed dang /__/ro langs mtshun lha bla ma drang srong rgan/__/grub pa zhes bya'i gdon chen bco brgyad du/__/gsungs kyang lnga brgya tha ma'i dus 'di ru/__/phal cher rgyal 'gong dam sri btsan gri bos/__/gnod pa mang phyir de yi gnyen po gces/__/mngoXn rtagaXs spyi ru lus ngag yid kyi las/__/sngar las 'gyur zhing sems 'phyo snying mi dga'/__/'ga' zhig 'jigs skrag dngangs dang shes pa 'khrul/__/tshabs che dbang med rang srog gcod pa yod/__/bye brag mtshan nyid sgo gsum spyod yul kun/__/gang gis 'tshe lha gdon saM skr-i ta yi skad smra bya zhing byad sngar bas mdzes ba dang /___gtsang sbra che ba sogs tha dad do/__/ba de yi rjes su 'gro/__/de dag dang po mi 'byung srung ba dang /__/bar du bcos thabs tha ma rjes gcod do/__/dang po tshad med snying rjes rgyud brlan zhing /__/sgo gsum lha sngags chos skur ro gcig na/__/mi shigs srung ba kun gyi mchog tu 'gyur/__/'on kyang rdzas kyi srung ba ga bur dang /__/bzang drug gla rtsi shing kun shu dag nag__/gu gul la sogs dri ldan sman sna dang /__/ba bla ldong ros mu zi bya rgod spos/__/sa rdo sngo sman dri can thams cad dang /__/bse dri can dang bshul chags sha rnams dang /__/bya gcan ra lug la sogs sems can gyi/__/spu brun chu dang sen mo mkhris pa dang /__/sbal sbrul nya dang lcong mo la sogs sha__/'bru sna dug sna khrag sna kun bsags la/__/zhib tu btags la ril bur dril byas te/__/du bas bdug dang khu ba bku ba dang /__/khong du btang bas 'byung po'i gdon kun 'byer/__/steng gdon 'og gdon kun dang rims rnams thub/__rgyud las byung /__yang na mu zi gu gul gla rtsi nag__/sman chen mkhan dmar spru ba'i rtsa ba dang /__/shing kun sgog gcig spyang tsher khrag sna gsum/__/spyang dug thal chen yungs kar rma bya'i mdongs/__/nyungs nag ske tshe gcan gzan mche sder dang /__/sha gsum rwa gnyis dri chus ril bu dril/__/dbang chen 'bar ba'i sngags kyis ngar btab ste/__/bza' byugs bdug dang 'chang bas gdon tshogs kun/__/bsrung zhing 'joms byed rdo rje can dang mtshungs/__/gzhan yang nag po dgu yi sbyor ba nyid/__/lha sngags gnad dang ldan na nges par thub/__/khyad par gro ga shog bu gang rung la/__/gser gyi rdo rje rgya gram lte ba ru/__/nyi zla'i dkyil 'khor dbus su hrIHyig mthar/__/mu khyud zlum po rim bzhin bskor ba'i nang /__/gzungs sngags oM gu ru baiDUr+yA sa mung+ga te swA hA/__'chang ba po la nad gdon srungs shig rak+Sha rak+Sha swA hA:_spel tshig bcas pa g.yas bskor dang /__dbyangs gsal rten snying rdo rwa me ri bri/__khyung lnga rdo rje gsum dang bzang po drug__/gu gul ga bur shing kun ba bla byug__/byin brlabs rten 'brel snying pos rab gnas bya/__/mi lag mi brgyud mgul du gdags pa yis/__/nad rigs kun dang ma rung 'byung po'i gdon/__/srung byed gnam lcags rdo rje'i go khrab yin/__/gang zhig nad gdon srungs sogs dgos don dmigs bsal yod na de dag bri/__gzhan yang tsakra za yig la sogs pa/__/man ngag zab mo gzhan ltar rig pas 'phrul/__/bar du bcos thabs sman sngags zas spyod bzhi/__/thog mar byA kri spang spos shu dag nag__/rma bya'i sgro dang sbrul lpags byi la'i brun/__/sran phub cha mnyam sbyar ba'i du bas bdug__/yang na btsan dug thal chen dri ldan gnyis/__/spru nag byi ku mu zi kA la dang /__/lhog dug sbyar ba'i phye ma lo brgyad chus/__/ril bur dril ba byin zas 'khyud pa las/__/steng 'og grib gdon 'byung po myur du 'byer/__/ga bur gla rtsi shing kun shu dag nag__/mu zi sgog skya mkhan pa spru ba nag__/mi sha rgod spos rta bong byi la'i brun/__/ar nag pad+ma'i me tog bungs cher bskyed/__/zhib btags lo brgyad e kros ril bu dril/__/khong du btang dang bdug pas nad gdon 'joms/__/khyad par nus ldan rnam snang ma gi ta/__/brun gnyis tshil chen gu gul 'o ma 'dzin/__/chu rtsa stag sha gzhob gnyis nag po gsum/__/rgya tshwa shing kun re lcag rtsa ba bcas/__/zhib btags rdzas chen bco brgyad sbyor ba ste/__/phyi nas byug bdug dri chus khong du phul/__/gso dang srung dang phyir mi ldog ba'i mchog__/gzhan yang a gar nag po shing kun dang /__/snying zho bzang drug tsan dan dkar dmar gnyis/__/sgron shing gla sgang nA ga ge sar dang /__/ut+pal sga skya shu dag bong nga dmar/__/spang spos ru rta bre ga bong dkar dang /__/bdud rtsi chos sman bur smug ril bur dril/__/dgongs dang tho rangs myos byed khu bas phul/__/mchog tu zab pa pany+tsa pak+Sha'i steng /__/bzang drug ge sar snyi zho kha ru tshwa/__/ar nag yungs kar thal chen zi ra gnyis/__/sha khrag tsit+ta ming can dri ldan gsum/__/dmar gsum gsang sman kha bsgyur tha dad can/__/lo brgyad mi bskyod pa yi ril bur dril/__/lag len man ngag gnad dang ldan pa na/__/sa steng 'di yi grib gdon 'byung po'i rigs/__/sbyor ba 'di yis mi sel ga la srid/__/de phyir mchog tu gsang ba'i man ngag go__/gzhan yang bsam 'phel sbyor ba che chung dang /__/a gar nyi shu la sogs skabs bstun sbyar/__/tsan dan gu rgum sug smel 'bras bu gsum/__/g+han+d+ha pa tra dug nyung spu shel rtse/__/yungs kar rgya tsha shug pa pri yang ku/__/dbyi mong ru rta hong len bong nga dkar/__/spang ma ldong ros gcin drug mar rnying la/__/sbyar ba khus 'debs sman mar zhes bya ste/__/bza' byug snar blugs gdon las myur du grol/__/gu gul spru nag ba bla spyang brun dang /__/tshil chen sha chen rwa gzhob shu dag nag__/rma bya'i khrag bcas nus ldan mi bskyod pas/__/ril bur dril zhing phag tshil sbyar ba byug__/'byung po spyi dang steng 'og gdon kun 'joms/__/sngaXgs kyiXs bcoXs paX spyi dang bye brag gnyis/__/dang po rgya shog gtsang mar rgya snag gis/__/yig 'bru k+R+sh+Y+p+ng+n+yu 'di bris lto stong btang ba yis/__/gdon rigs thams cad zhi zhing rlag par byed/__/yang na sngags b+haHnaHd+haHnaHkuHd+haHnaHyaHd+haHnaH__'di dag par bris pa la/__/tha dad rdzas kyis byug ste dus su bza'/__/tshe ring sde brgyad 'byung po gso dang bsrung /__/gzhan yang yig rgod 'di nyid bris pa'am/__/za yig 'di/h+y+m+h+s+R+ba__/a+ho~M gnyis gang rung srod 'khor dus/__/bsten pas sde brgyad 'byung po'i gdon kun 'joms/__/bye brag rgyal 'gong gnod par gsang sngags b+hagapaNashagapaNagugapaN la 'di/_/legs par bris te gsham nas dril la btang /__/de bzhin rgya shog gtsang mar rgya snag gis/__/'di bris gsham dril zos pas btsan gnod thub/__/yang na yig rgod paN/__'di mid gang dang mtshungs/__/gre bor 'di nyid bris oM phra mo mA ra ya phaT/__te zos pas zhi/__/gre mor sngags 'bru 'di gsum/__/ny+m+nyo bris te za/__/kun la lha bskyed sngags rta mgrin sogs rang rang gnyen po/__bzlas rab gnas bya/__/gzhan yang rang rang bsrung dang gso ba'i tshogs/__/dpag tu med phyir de dag gzhan nas gsal/__bla ma dgongs pa 'dus pa'i las byang gis yan lag sogs las mang du 'byung ngo /__/mchod sbyin la sogs bsod nams bsags pa dang /__/bskrad gzir bsreg mnan la sogs drag po dang /__/mdos gtor sbyin sogs zhi ba'i cho ga btang /__/kun gyis sel dka' pad+me dmar khra ni/__/nyer gcig nag po gsum dang rgya tshwa rnams/__/lug ril tsam dang sdig srin mtshal dkar dang /_/nyi dga'i 'bras bu ha shig thun re mnyam/__/dur byid mtheb tsam dan rog rdog po lnga/__/a ru mchu snyung bcu dgu thar nu yi/_/__khaN+Da mtheb tsam re lcag de dang mtshungs/__/chu rtsa zho gcig sga tig khyor ba gang /__/lcum dkar rtsa ba mtheb tshig tsam pa gnyis/__/de rnams zhib btags nus ldan e kro yis/__/khaN+Dar legs bsdus de steng ar nag dang /__/chu ser sman gsum spru ba shu dag nag__/rta bon mu zi sdom sdig sbur ba nag__/sbal nya'i sha dang dngul chu khrag sna lnga/__/sgog gcig shing kun ru rta gla ba'i rtsi/__/gser mdog chos sman bya mo khyi spyang dang /__/phag brun rus sbal pir sha gza' dug pa/__/klu bdud nya khrab stag sha rgya tshil dang /__/gzhob lnga rmongs kha'i spre gsum nal bu dang /__/sre mong bya rgod pu shud skye bdun nam/__/grub pa thob pa'i gdung rnams rtsi bzhin btags/__/chang zhim dag gis ril bu sran sbos tsam/__/rab gnas sngags kyis ngar btab dgongs dus su/__/g.yer lcam thang gis rtsa kha dbye byas te/__/tho rangs lnga bdun dgu sogs stobs sbyar btang /__/sngon dngos las lnga spyi dang mthun par spyad/__/de yis gdon byer bgegs 'dul nad kun bcom/__kha zas bsil dang rtsub pa'i rigs rnams dang /__khyad par gri_ba gdon bskyed pa'i zas kun gdon can gyi sa nas khyer ba'i sha chang sogs spangs/__/yang shing 'ju sla drod bcud ldan pa bsten/__/zhun mar bza' dang byug cing rlung gsang mnye/__/spyod lam grogs med nyams ngar sdod pa dang /__/smra mang mya ngan 'jigs sngangs 'ur zings sgra/__/khyad par slong rkyen gang yin rtag tu bsdams/__/dben zhing nyams dga' mi mthun bral ba'i sar/__/yid 'ong grogs bsten snyan pa'i tshig gis brid/__/rigs sngags spyi dang rma bya chen mo sogs/__/khyad par gdon gang yin pa'i gnyen po bzla/__/de yi mi bzad gdug pa'i gdon las grol/__/rjes gcod mtshog gsang sdud sgo drug bdun dang /__/dkar nag mtshams rnams bsregs cing tsakra gdags/__/gzhan yang a wa d+hu tI'i 'og rol gyi/__/yid kyi rtsa la gdon zhugs lam bkag pas/__/rnam shes smyo byed nad 'byung de nyid las/__/thog mar bdud rtsi lnga dang til mar gyis/__/bku mnye bya zhing btsan dug sman mar ram/__snying 'phyo'i skabs su bshad pa'i/__'bras gsum mar steng zho sha rgod spos dang /__/ri bong tsit+ta kha tshar gdab pa bza'/__/khyung steng dzA gul shing kun a gar nag__/spos dkar ri snying sbyar ba'i ril bu bsten/__/zas spyod rjes gcod gong dang rig pas 'khrul/__/bye brag rlung gyur a gar sbyor ba bsten/__/an stong dkar nag mtshams bsregs mkhris shas che/__/snying rtsa gtar zhing tig ta'i sman mar sbyar/__/bad gyur skyug bya me yis rang gsang bsdams/__tshig pa gsum pa sogs/__'dus par de kun ldan pas bcos par bya/__/mya ngan las byung mthun pas yid gso zhing /__/dug las gyur pa de yi gso dpa' bo ser po bong nga dkar dmar rtsad re ral yung ba rnams dri chus ril bu sbyar zhes rgyud las 'byung /__thabs sbyar/__/gdon gyur byug bdug ril bu sngar bzhin bsten/__'byung gdon skabs su bshad pa ltar/__/de bzhin brjed byed snying 'dar mgo 'khor zhing /__/nam langs dus su 'gyel dang lbu ba skyug__/rkang lag g.yab cing mun par zhugs snyam sems/__/de la ni ru ha dang sna bshal btang /__/'ug pa bya rog bya rgod gzugs mo sbrul/__/khyi spre rta yi chu sgro brun dud bdug__/ba ser mkhris khu sbyar ba'i sna sman blugs/__/shu dag ru rta mar rnying sbrang sbyar byin/__/'bog yun ring na sor mo nyi shu bsregs/__/dpyad dang rjes gcod gong bzhin rigs pas 'khrul/__/gzhan yang 'bog grabs dus su rkang mtheb nyid/__/skud pas bcings te bzung bas 'bog 'phro bcad/__/tshabs che tsit+ta rnam gnyis chang gis phul/__/de rjes a gar brgyad pa'i phye ma bsten/__/lkug na gsang ba'i sman mchog mid bas 'byed/__/gzhan yang nad gang shas che'i gnyen po bsten/__/khyad par zas gos la sogs 'go grib rigs/__/bsrung dang gso ba'i rim pa 'di ltar bya/__/thog mar gro ga 'am ni shog bu la/__/mu khyud rim pa lnga yis bskor ba yi/__/lte bar sngags oM.is_tsatraya/__torayatorayaswAhA/__'di tshag med dbu can bri/__/de rgyab mu khyud 'dab brgyad sngags utramiTayatorayatoraya/__mon Ta krod+haya=__akatrotayator/__ab+hukrod+haya/__uTashaTaya/__elinga.eTaya/__lamonaTaya/__asanipisananatrayatorayatorayaswAhA/__'di bkod/__/de rgyab rim par a li ka li dang /__/rten 'brel snying po me ri'i 'khor bar 'bri/__/ga bur bzang drug byug cing lte ba ru/__/zur yang ma nyams chu shel bcas pa gzhug__/ye shes bskyed khro rgyal bdud rtsi 'khyil pa cing spyan drangs rab tu gnas/__/bya rgod sder mo grum pa'i spu dang ni/__/dar dmar gis dril drod dang ma bral 'chang /__/'dis ni grib gdon rigs kun nges par thub/__/rten 'brel rdzas kyi sgo nas gso ba ni/__/gtso bo gsang ba'i sman cig thun cig la/__/bzang drug tsan+dan dkar po a gar dang /__/gi waM spos gnyis zi ra gu gul gnyis/__/shu dag dkar po bcas te legs sbyar te/__/ba mar 'o mas ril bu dril ba nyid/__/bza' byug bdug pas snying 'thib bying rmug sel/__/gzhan yang deng dus phan tshun ma 'tshams par/__/nus can kun gyis rig sngags sbyor ba yis/__/sgo gsum bcings nas tshul min spyod pa dang /__/sdug bsngal tshor ba drag po gzir ba nyid/__/srung ba'i gdams pa rdzas dang za yig gnyis/__/dang po rma bya bya rog sgro gnyis dang /__/stag sha tsit+ta bcas pa mgul du gdags/__/yang na mu zi ldong ros re lcag pa/__/rta bon zi ra gul nag bi sha dang /__/thar nu brgyad po dar dkar nang du bstum/__/spyi bor bcings ngam yang na mgul du 'dogs/__/de bzhin yungs kar ke shangs dug khrag sogs/__/spre'u ri bong te lo ne tso'i snying /__/thal chen sbyar ba dri chus ril bu dril/__/sngags kyis ngar btags dpral bar thig le bya/__/gri lcags sor gdub rdzas dang sngags kyi ngar/__/gdags te srin lag la bcings nges par thub/__/gzhan yang tsakra za yig la sogs pa/__/mang du mchis mod de dag gzhan du gsal/__/yang cig deng sang rgyal btsan gzer dang ni/__/khyab 'jug mig zur dag gis mthong ba yis/__/dran med brgyal cing dbang po ma lus 'chor/__/de rnams ma yin klad dkyil mir khi zhes/__/'bug nas de nyid sngon gyi las dang ni/__/'phral byung gdon rkyen dag gis 'gul ba las/__/dran med brgyal nas spyod yul ma lus 'chor/__/de la srung dang gso ba'i rim pa gnyis/__/dang po sngar bshad gdon srung rigs dang ni/__/khyad par rgya shog dag la rgya snag gi__/'di nyid _oM ma tring tri khyims su swA hA/__bris te tho rangs dus su bza'/__/gso ba'i thabs la gti mug 'khor lo dang /__/de yi bdud rtsi wa ra skad chen gyis/__/dri chur zhib btags sna sman mang du btang /__/'bu bral shi rtags sna nas khrag rgyun 'babs/__/yang na mod kyis 'tsho yang srid pa yin/__/rjes su 'tshogs gsang smin mtshams sdud sgo bzhir/__/me btsa' gdab bam lcags kyi tel pas srungs/__/de ltar zab rgyas sa srung dbang po ste/__/'jo sgeg g.yo ba'i rgyud don lha dbang gis/__/man ngag rdo rje'i rtse brgya gdengs pa yis/__/'byung gdon lha min mngal khur mngon par 'chings/__/tshul 'di tshad med snying rje'i zla gzhon gyis/__/gzhan phan kun+da'i lang tsho dar ba las/__/legs 'ong phan bde sbrang rtsi'i dog pa yis/__/'gro kun 'phral yun thar pa'i gsos sbyin shog__/khyad par lung rtogs ut+pal gzhon nu'i gzugs/__/ches cher mtshar sdug rdzogs ba'i rnam 'dren mchog__/bskal bar mi shigs bcud len grub pa yis/__/don gnyis dga' ston gsar pa spro gyur cig__/zhes 'byung gdon smyo brjed sogs kyi bcos tshul phyogs gcig tu bsdebs pa 'di yang skyes sbyong gi spobs pa shin tu dman pa'i gyi na pa 'jigs med mkhyen brtses sbyar ba'o/__/sarba sa man+ta shrI mang+ga laM ku_rban+tu//____//__!