JKW-KABUM-13-PA-023-003

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 13, sde tshan 23, Text 3, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གུ་རུ་ཆོས་ཀྱི་དབང་ཕྱུག་ (Gu ru chos kyi dbang phyug)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 13: . Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer
Cycle	བླ་མ་གསང་བ་འདུས་པ་ (bla ma gsang ba 'dus pa)
Deity	pad+ma 'byung gnas

1 Texts in this Section (sde tshan or chos tshan)

3 473-476	གསང་འདུས་མཚོ་རྒྱལ་ཚོགས་མཆོད་འདོན་འགྲིགས། gsang 'dus mtsho rgyal tshogs mchod 'don 'grigs Feast Offering - tshogs mchod - tshogs kyi 'khor lo   ·   Liturgy - ngag 'don	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསང་འདུས་མཚོ་རྒྱལ་ཚོགས་མཆོད་འདོན་འགྲིགས། ༄༅། །བླ་མ་གསང་བ་འདུས་པའི་ཆོས་སྡེ་མཚོ་རྒྱལ་གྱི་སྒྲུབ་ཐབས་ལ་བརྟེན་ནས་ཚོགས་མཆོད་བྱ་བར་སྤྲོ་ན། ཐོག་མར་གསང་འདུས་ལས་གཞུང་བསྲངས་ནས་བསྟོད་སྐུ་ལ་ལྷག་མའི་བར་དཀྱུས་ལྟར་བྱ་བའམ། འདི་ཁོ་ན་ཁོལ་དུ་བཏོན་ཚེ། བགེགས་བསྐྲད། མཚམས་གཅོད་གསང་འདུས་ལྟར་སྐྱབས་སེམས་རྟེན་བསྐྱེད་སྐབས། །རྣམ་པ་བླ་མ་མཚོ་རྒྱལ་ལྕམ། །རྩ་གསུམ་སྤྲིན་ཕུང་འཕྲོ་བར་གྱུར། ཅེས་སམ། རྒྱས་པར་སྤྲོ་ན། སྐྱབས་སེམས་གསང་འདུས་ལྟར་གྱི་རྗེས། །སྟོང་གསལ་འགག་པ་མེད་པའི་ངང་། །རང་བྱུང་སེམས་ཉིད་རིག་པའི་རྩལ། །མ་དམར་སོགས་ནས། འཕྲོས་པ་ལས༔ རང་འདྲའི་ཡེ་ཤེས་སྤྱན་དྲངས་ཐིམཿ མདུན་དུ་དགྱེས་བཞིན་གཞུགས་པར་གྱུར། བླ་མ་མཁའ་འགྲོའི་ལྷ་ཚོགས་དགོངས༔ ཁྱེད་ནི་སོགས་བཤགས་པ་དང་། མཎྜལ་གསང་འདུས་ལས་བྱང་ལྟར། བླ་མ་མཁའ་འགྲོའི་ལྷ་ཚོགས་གཤེགས༔ ཉི་ཟླ་པདྨའི་སོགས་སྤྱི་ལྟར་ཡན་ལག་བདུན་པ། གསོལ་འདེབས་རང་གཞུང་ལྟར། བསྙེན་པ་ཅི་རིགས་བཟླས་རྗེས། བླ་མ་མཁའ་འགྲོའི་སྐུ་ཡི་སོགས་དབང་བླང་། མཐར་ནི་བླ་མ་མཁའ་འགྲོའི་ཚོགས༔ རང་གི་སྤྱི་གཙུག་སྤྱན་དྲངས་ཐིམ། ཐུགས་ཡིད་དབྱེར་མེད་གཅིག་ཏུ་འདྲེས༔ མི་རྟོག་གཉུག་མའི་ངང་དུ་གྱུར། ཅེས་བརྗོད་དེ་ཕྱི་སྒྲུབ་བོ། །ལས་བྱང་དངོས་གཞི་ནང་སྒྲུབ་ནི། མཆོད་པ་བྱིན་རླབས་སྔོན་དུ་འགྲོ་བས། ཨོཾ། ཆོས་སྐུ་མི་འགྱུར་སོགས་ནས། དཔག་མེད་བྱེད་པའི་སླད༔ བར་གསང་འདུས་ལས་བྱང་ལྟར། པདྨ་དམར་པོ་ནས། བསྒྱུར་བར་བསྒོམ༔ བར་རང་གཞུང་ལྟར། བདག་བསྐྱེད་རྐྱང་པ་ལ་དེ་ཙམ་གྱིས་ཆོག་ཀྱང་། ཕྲིན་ལས་དང་འབྲེལ་བའི་ཚེ། དེ་ཡི་ཕྱི་རོལ་ཁོར་ཡུག་ཏུཿ བདག་སྐྱོབས་སོགས་ནས། ངང་དུ་གཅིགཿ བར་གསང་འདུས་ལས་བྱང་ལྟར་གྱིས་མཚམས་སྦྱར་ཏེ། ཧཱུྃ། བཞེངས་ཤིག་སོགས་སྤྱན་འདྲེན་བྱིན་དབབ་རང་གཞུང་ལྟར་ལ། བཞུགས་གསོལ། ཕྱག་འཚལ། ཕྱི་མཆོད། ནང་མཆོད། གསང་མཆོད། སྨན་རཀ་བར་གསང་འདུས་ལས་བྱང་ལྟར། གཏོར་མའི་མཆོད་པ་བསྡུ་ན། ཧཱུྃ། བླ་མ་མཁའ་འགྲོ་གཤེགས་སུ་གསོལཿ སོགས། གནས་ཀྱི་མཆོད་པ་འབུལ༔ ཞེས་པའི་མཇུག་ཏུ། གུ་རུ་དེ་བ་ཌཱ་ཀི་ནཱི་མ་ཧཱ་བ་ལིདྟ་ཁཱ་ཧིཿ ཞེས་གདགས། ཤིན་ཏུ་བསྡུ་ན། ཧཱུྃ། མ་གཅིག་སོགས། སརྦ་སིདྡྷི་ཧཱུྃ་ཨཱཿཞེས་པའི་བར་རང་གཞུང་ལྟར་གྱིས་ཆོག །བསྟོད་པ་ནི། ཧྲཱིཿ མ་བཅོས་སྤྲོས་བྲལ་སོགས། དཔལ་དང་ལྡན་པའི་ཡུམ་གཅིག་མཚོ་རྒྱལ་ལྕམ། སྣང་སྲིད་དབང་སྡུད་རྐྱེན་ཟློག་དྲག་མོ་རྩལ༔ ཡེ་ཤེས་མཁའ་འགྲོ་ཡོངས་ཀྱི་འཁོར་ལོས་སྒྱུརཿ གཙོ་འཁོར་སྤྲུལ་པར་བཅས་ལ་ཕྱག་འཚལ་བསྟོད༔ སྣང་བ་མ་འགགས་སོགས་མན་གསང་འདུས་ལས་བྱང་ལྟར་སྦྲེལ། གསོལ་འདེབས་དངོས་གྲུབ་སྐུལ་བ། ཨོཾ། སྐུ་ཡི་སོགས་རང་གཞུང་ལྟར། བཟླས་པ། སྣང་སྲིད་གཞལ་ཡས་སོགས་གསང་འདུས་ལས་བྱང་ལྟར་དགོངས་པའི་སྲོག་ཏུ་བཟུང་ལ། བཟླས་པས་ཐུགས་དམ་བསྐུལ་བ་ལས༔ ལྷ་ཚོགས་རྣམས་ལས་འོད་འཕྲོས་པས༔ ཕཻཾ་ཕཻཾ་ཧྲཱིཿཡི་སྒྲ་དང་བཅས། འོད་ཟེར་སྟོང་གསུམ་གང་བར་འཕྲོས། །སྣང་སྲིད་དབང་བསྡུས་དངོས་གྲུབ་ཀྱི། །ཆར་ཕབ་འགྲོ་དྲུག་ཐམས་ཅད་བཏུལ། །སྣོད་བཅུད་གཟུགས་སྒྲ་དྲན་རྟོག་ཀུན། །ལྷ་སྔགས་ཆོས་སྐུའི་ངོ་བོར་གྱུར། ཅེས་གསལ་བཏབ་ལ། ཨོཾ་ཨཱཿཧཱུྃ་ཧྲཱི་མ་ཧ་རི་ནི་ས་ཧཱུྃ། སིདྡྷི་ཕ་ལ་ཧོཿ ཞེས་བཟླ། ཐུན་མཐར་སྟོད་ཚིགས་འབུལ་བ་དང་། ཚོགས་ཀྱི་མཆོད་པ་གསང་འདུས་ལྟར་དང་། རྗེས་ཆོག་ཀྱང་སྤྱི་ལྟར་བྱས་པས་གྲུབ་བོ།། །། ༈

[edit]

gsang 'dus mtsho rgyal tshogs mchod 'don 'grigs/__ @#/_/bla ma gsang ba 'dus pa'i chos sde mtsho rgyal gyi sgrub thabs la brten nas tshogs mchod bya bar spro na/__thog mar gsang 'dus las gzhung bsrangs nas bstod sku la lhag ma'i bar dkyus ltar bya ba'am/__'di kho na khol du bton tshe/__bgegs bskrad/__mtshams gcod gsang 'dus ltar skyabs sems rten bskyed skabs/__/rnam pa bla ma mtsho rgyal lcam/__/rtsa gsum sprin phung 'phro bar gyur/__ces sam/__rgyas par spro na/__skyabs sems gsang 'dus ltar gyi rjes/__/stong gsal 'gag pa med pa'i ngang /__/rang byung sems nyid rig pa'i rtsal/__/ma dmar sogs nas/__'phros pa las:__rang 'dra'i ye shes spyan drangs thimaH__mdun du dgyes bzhin gzhugs par gyur/__bla ma mkha' 'gro'i lha tshogs dgongs:__khyed ni sogs bshags pa dang /__maN+Dal gsang 'dus las byang ltar/__bla ma mkha' 'gro'i lha tshogs gshegs:__nyi zla pad+ma'i sogs spyi ltar yan lag bdun pa/__gsol 'debs rang gzhung ltar/__bsnyen pa ci rigs bzlas rjes/__bla ma mkha' 'gro'i sku yi sogs dbang blang /__mthar ni bla ma mkha' 'gro'i tshogs:__rang gi spyi gtsug spyan drangs thim/__thugs yid dbyer med gcig tu 'dres:__mi rtog gnyug ma'i ngang du gyur/__ces brjod de phyi sgrub bo/__/las byang dngos gzhi nang sgrub ni/__mchod pa byin rlabs sngon du 'gro bas/__oM/__chos sku mi 'gyur sogs nas/__dpag med byed pa'i slad:__bar gsang 'dus las byang ltar/__pad+ma dmar po nas/__bsgyur bar bsgom:__bar rang gzhung ltar/__bdag bskyed rkyang pa la de tsam gyis chog kyang /__phrin las dang 'brel ba'i tshe/__de yi phyi rol khor yug tuH__bdag skyobs sogs nas/__ngang du gcigaH__bar gsang 'dus las byang ltar gyis mtshams sbyar te/__hU~M/__bzhengs shig sogs spyan 'dren byin dbab rang gzhung ltar la/__bzhugs gsol/__phyag 'tshal/__phyi mchod/__nang mchod/__gsang mchod/__sman raka bar gsang 'dus las byang ltar/__gtor ma'i mchod pa bsdu na/__hU~M/__bla ma mkha' 'gro gshegs su gsolaH__sogs/__gnas kyi mchod pa 'bul:__zhes pa'i mjug tu/__gu ru de ba DA ki nI ma hA ba lid+ta khA hiH__zhes gdags/__shin tu bsdu na/__hU~M/__ma gcig sogs/__sarba sid+d+hi hU~M AHzhes pa'i bar rang gzhung ltar gyis chog__/bstod pa ni/__hrIH__ma bcos spros bral sogs/__dpal dang ldan pa'i yum gcig mtsho rgyal lcam/__snang srid dbang sdud rkyen zlog drag mo rtsal:__ye shes mkha' 'gro yongs kyi 'khor los sgyuraH__gtso 'khor sprul par bcas la phyag 'tshal bstod:__snang ba ma 'gags sogs man gsang 'dus las byang ltar sbrel/__gsol 'debs dngos grub skul ba/__oM/__sku yi sogs rang gzhung ltar/__bzlas pa/__snang srid gzhal yas sogs gsang 'dus las byang ltar dgongs pa'i srog tu bzung la/__bzlas pas thugs dam bskul ba las:__lha tshogs rnams las 'od 'phros pas:__phaiM phaiM hrIHyi sgra dang bcas/__'od zer stong gsum gang bar 'phros/__/snang srid dbang bsdus dngos grub kyi/__/char phab 'gro drug thams cad btul/__/snod bcud gzugs sgra dran rtog kun/__/lha sngags chos sku'i ngo bor gyur/__ces gsal btab la/__oM AHhU~M hrI ma ha ri ni sa hU~M/__sid+d+hi pha la hoH__zhes bzla/__thun mthar stod tshigs 'bul ba dang /__tshogs kyi mchod pa gsang 'dus ltar dang /__rjes chog kyang spyi ltar byas pas grub bo//___//___!