JKW-KABUM-03-GA-001-026

🚧 This website is under continued development. We appreciate your patience!

Previous Text Back to Volume PageNext Text

ཡེ་ཤེས་བཞི་ནི་སོགས་ཚིག་དོན།

Wylie title	ye shes bzhi ni sogs tshig don
Location	mkhyen brtse'i bka' 'bum Volume 3, sde tshan 1, Text 26, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ye shes bzhi ni sogs tshig don. In 'jam dbyangs mkhyen brtse'i dbang po'i bka' 'bum, Vol. 3: 362-. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

26 518-549	ཡེ་ཤེས་བཞི་ནི་སོགས་ཚིག་དོན། ye shes bzhi ni sogs tshig don Notes - zin bris	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཡེ་ཤེས་བཞི་ནི། ཆོས་དབྱིངས་ཡེ་ཤེས་ཀུན་གྱི་ཁྱབ་བྱེད་དུ་གྱུར་པས་ལོགས་སུ་མ་བགྲངས་པའི་ལྷག་མ་བཞིའོ།། །། ༈

འཆད་ཐབས་ཀྱི་སྐྱོན་སྤོང་བའི་སྐབས། རྡོ་རྗེ་ཐེག་པ་ན་བབས་ཀྱི་སྐྱོན་ནི། ཐེག་པ་གོང་མ་འོག་མར་བབས་པའི་སྐྱོན་ནོ། །ཡོ་ག་འབྲོག་འཆོལ་བ་ནི་གོ་རིམ་འཆོལ་བ། རིན་པོ་ཆེ་རྩར་འཆོལ་བའི་སྐྱོན་ནི། རིན་པོ་ཆེ་རྩར་ལ་བརྒྱུད་པའི་དུས་སུ་ལེགས་པར་བསྡེབ་མ་ཤེས་ན། གནས་སྐབས་སུ་བལྟ་བ་ལ་ཡང་མི་མཛེས་ཤིང་། རྒྱལ་ཁྲིམས་ཆེན་པོ་ཡོད་པའི་སར་ཆད་པ་འབྱུང་བ་བཞིན་ནོ། །ཞེས་ལམ་རིམ་གྱི་ཊཱི་ཀ་ལས་སོ། ། ༈ བཤད་ཐབས་འདྲེན་པའི་ཚིག་བཅུའི་སྐབས། ལྡེམས་དགོངས་གསང་བ་བརྒྱད་ཀྱིས་སྦྱར། །ཅེས་པ་ནི། གཞུག་པ། མཚན་ཉིད། གཉེན་པོ། བསྒྱུར་བ་ལྡེམས་དགོངས་ཏེ་བཞི་པོ་རེ་རེ་ལའང་། ཚིག་ལྡེམས་པོ་དང་། དོན་དགོངས་པ་གཉིས་རེ་ཕྱེ་བས་བརྒྱད་དུ་འགྱུར་ཏེ། དེ་ལ་དང་པོ་ནི། དཔེར་ན་གང་ཟག་ཁ་ཅིག་སེམས་ཞུམས་ནས་གསང་སྔགས་ཀྱི་སྒོར་ཞུགས་མི་ནུས་པ་རྣམས་ལ། གསང་སྔགས་ཀྱི་དོན་རྟོགས་པར་སླ་བའི་ཚུལ་གྱིས་ཚིག་ལྡེམས་པོར་བརྗོད་པ་ནི་དོན་གནས་ལུགས་རང་ལ་རང་ཆས་ལྷུན་གྲུབ་ཏུ་བཞུགས་པ་ལ་དགོངས་པ་སྟེ། དྲང་གི་ཚིག་ཐམས་ཅད་ལ་ངོས་བཟུང་ངོ་། །གཉིས་པ་ནི། དབུ་མས་དབྱིངས་སྤྲོས་བྲལ་དུ་འདོད་པ་དང་མཐུན་པར་གསང་སྔགས་ཀྱང་སྤྲོས་བྲལ་དུ་འདོད་པས་ལྟ་བ་ལ་ཁྱད་པར་མེད་ཅེས་ཚིག་ལྡེམས་པོར་བརྗོད་པ་ནི། དོན་མཐའ་བྲལ་ལྷུན་གྲུབ་ཀྱི་ལྟ་བ་ལ་དགོངས་པ་སྟེ། སྒྲ་མཐུན་དོན་དཔག་གི་གཏན་ཚིགས་ཐམས་ཅད་ལ་ངོས་བཟུང་ངོ་། །གསུམ་པ་ནི། གསང་སྔགས་སླ་ཆོས་སུ་མཐོང་ཞིང་དོན་དུ་མི་གཉེར་བ་རྣམས་ལ་ཚིག་གིས་བསྒྲིབས་ནས་དཀའ་བ་ལྟར་བྱེད་ཅིང་ཐབས་ཀྱིས་འཛུད་དགོས་པའི་ཕྱིར། འདི་སྐད་དུ། ཕ་དང་མ་ནི་གསད་བྱ་ཞིང་། །རྒྱལ་པོ་ཡུལ་འཁོར་བཅས་བཅོམ་ན། །མི་དེ་ཐར་པ་ཐོབ་པར་འགྱུར། །ཞེས་པ་ལ་སོགས་པའི་ཚིག་ལྡེམས་པོར་བརྗོད་པ་ནི། དོན་གཟུང་འཛིན་དང་རྣམ་ཤེས་ཚོགས་བརྒྱད་འཁོར་དང་བཅས་པ་གནས་སུ་དག་ནས་ཐར་པ་ཐོབ་པ་ལ་དགོངས་པ་སྟེ། མ་སྤངས་ཤིང་མི་ལྡན་པའི་གཏན་ཚིགས་ཐམས་ཅད་ལ་ངོས་བཟུང་ངོ་། །བཞི་པ་ནི། ཐེག་པ་འོག་མའི་སྒོར་ཞུགས་པའི་གང་ཟག་ཕལ་ཆེར་རང་གི་ཡོན་ཏན་གྱིས་སེམས་ཁེངས་ནས། གསང་སྔགས་ལ་བརྙས་པ་བྱེད་ཅིང་དོན་དུ་མི་གཉེར་བ་རྣམས་ལ། དེ་དང་དེའི་ལམ་གྱིས་འབྲས་བུ་མི་ཐོབ་པས་ཡོན་ཏན་དམན་པའི་ཚུལ་གྱིས་ཚིག་ལྡེམས་པོར་བརྗོད་པ་ནི། དོན་གསང་སྔགས་ལ་མ་བརྟེན་པར་མཐར་ཐུག་གི་འབྲས་བུ་མི་ཐོབ་པ་ལ་དགོངས་པ་སྟེ། གསང་སྔགས་ཀྱི་ཆེ་ཡོན་ཐམས་ཅད་ལ་ངོས་བཟུང་ངོ་། ། ༈ ཁྲེའུར་ཞེས་པ་ནི་མང་པོ་ལས་ལོགས་སུ་བཏུས་པའི་དོན། ། ༈ མི་གཉིས་པ་ནི་གཉིས་སུ་མེད་པ། ། ༈ སེམས་ལྔ་པོ་དེ་ཐུན་མོང་གི་ཐེག་པ་ལ་སྦྱར་བའི་ཚེ་ཐུན་མོང་དང་། སྔགས་ལ་སྦྱར་བའི་ཚེ་མཆོག་གི་སེམས་ལྔའམ། ཡང་ལམ་སྤྱིར་བརྩི་བ་ཐུན་མོང་དང་། ཐབས་ལམ་གྱི་སྐབས་ཁམས་ཀྱི་འགྲོས་ལ་བརྩི་བར་མཆོག་གི་སེམས་སུ་བཞེད་དོ། ། ༈ ལྟ་བའི་སྐབས་ཉམས་སུ་ལེན་བྱེད་ལམ་གྱི་རིམ་པའི་ལྷ་གྲངས་དང་། བླང་བྱ་རྒྱུད་དོན་གྱི་ལྷ་གྲངས་གཉིས་ཀྱི། དང་པོ་ནི། ཁྱབ་བྱེད་ལམ་ཀུན་ཁྱབ་བྱ་ལྟ་བས་ཁྱབ་པའི་ཕྱིར་ལམ་གྱི་ལྷ་གྲངས་དགུ་སྟེ། ལམ་རིམ་ལས། མཉམ་ཉིད་ངང་གིས་མི་སྐྲག་པ། །མངོན་བྱང་ངེས་པའི་ཤེས་རབ་༡དང་། །རྣམ་པ་ཀུན་ལྡན་སྟོང་ཆེན་༢མཐོང་། །རང་རིག་ཡེ་ཤེས་སྙིང་རྗེས་༣གཟིགས། །ཕྱག་རྒྱ་གཅིག་སྐུ་༤འབྲས་བུར་ལྟ། །ཐམས་ཅད་གསལ་བའི་ལྟ་༥བ་དང་། །བར་ཆད་མེད་པའི་ཚོགས་ཆེན་༦མཐོང་། །དབང་༧བསྒྱུར་མཉམ་ཉིད་མི་༨གཡོ་བ། །ཡེ་ཤེས་ཀུན་མཁྱེན་ལྟ་བ་༩དགུ། །ཞེས་གསུངས་ཏེ། དེའི་དོན་ནི། ཆོས་ཉིད་བདེན་པ་དབྱེར་མེད་པ་མཉམ་པ་ཉིད་ཀྱི་ངང་ལས་མི་སྐྲག་པའི་བཟོད་པ་ཐོབ་པས། རང་རིག་པའི་མངོན་སུམ་སྒྲོ་འདོགས་དང་བྲལ་བར་གནས་པ་ལ་ཡིད་ཆེས་པའི་ངེས་པ་གཏིང་ཚུགས་པར་རྙེད་པ་ནི་ངེས་པའི་ཤེས་རབ་ཀྱི་ལྟ་༡བ། རྣམ་ཀུན་མཆོག་ལྡན་གྱི་སྟོང་པ་ཆེན་པོ་མཐོང་བའི་ངང་ལ་གནས་པ་དེ་བཞིན་ཉིད་ཀྱི་ལྟ་༢བ། ཡུལ་ཡུལ་ཅན་གཉིས་སུ་མེད་པའི་རང་རིག་པའི་སྙིང་རྗེ་ཆེན་པོའི་ཏིང་འཛིན་གྱིས་ཡེ་ཤེས་སྒྱུ་མར་གཟིགས་པ་ཀུན་སྣང་སྙིང་རྗེ་ཆེན་པོའི་ལྟ་༣བ། འབྲས་བུ་དབྱེར་མེད་ཡི་དམ་ལྷ་ཡི་སྐུ་གཅིག་སྣང་སྟོང་ཟུང་འཇུག་ཏུ་གསལ་བར་ལྟ་བ་ཕྱག་༤རྒྱ་གཅིག་པའི་ལྟ་བ། རྟོག་ཚོགས་ཐམས་ཅད་ལྷའི་དཀྱིལ་འཁོར་ཆེན་པོར་གཉིས་མེད་དུ་གསལ་བར་རྟོགས་པ་ཕྱག་རྒྱ་སྤྲོས་བཅས་ཀྱི་ལྟ་༥བ། སྦྱོར་ལམ་བར་ཆད་མེད་པའི་ལམ་དུ་ཡོ་བྱད་ཐམས་ཅད་སྣང་ལ་རང་བཞིན་མེད་པར་སྤྱོད་པས་ཚོགས་གཉིས་རྫོགས་པར་མཐོང་བ་སྦྱོར་ལམ་ཚོམ་བུ་ཚོགས་༦སྒྲུབ་ཀྱི་ལྟ་བ། རིག་པ་ལ་རང་དབང་བསྒྱུར་ཞིང་ཟག་མེད་མངོན་དུ་མཐོང་བ་མཐོང་ལམ། རྣམ་སྨིན་ཚེ་དབང་གི་ལྟ་བ་༧། ཆོས་ཉིད་མཉམ་པ་ཉིད་ཀྱི་དོན་ལས་བློ་མི་གཡོ་བ་སྒོམ་ལམ་ཕྱག་༨ཆེན་གྱི་ལྟ་བ། མཉམ་གཞག་གི་ངང་ལ་ཐམས་ཅད་མཁྱེན་པའི་ཡེ་ཤེས་ཀུན་ཡུལ་མེད་དུ་མཁྱེན་ཅིང་མངའ་བ་ཐར་ལམ་ལྷུན་གྲུབ་རིག་འཛིན་གྱི་ལྟ་བ་དང་དགུའོ། །གཉིས་པ་ནི། རྒྱུད་ཀྱི་དངོས་པོ་ཐམས་ཅད་ལའང་ཁྱབ་བྱེད་ལྟ་བས་ཁྱབ་པའི་ཕྱིར། རྒྱུད་དོན་གྱི་ལྷ་གྲངས་དགུ་སྟེ། སྔ་མར། རྒྱུད་དོན་གཟུངས་ཀྱིས་ཟིན་པ་ནི། དམ་ཚིག་དམ་ཚིག་ཅེས་བྱ་བ། །རང་གི་ལྟ་བ་དམ་ཚིག་ཡིན། །ཞེས་སོགས་མི་འདའ་བ་དམ་ཚིག །བླང་དོར་མེད་པ་སྤྱོད་པའི། བཀོད་པ་དཀྱིལ་འཁོར་གྱི་རོལ་བ་ཕྲིན་ལས་ཀྱི། གནས་སུ་སྟོབས་པ་མཆོད་པའི། རིམ་པ་དབང་གི དོན་དུ་གཉེར་བ་སྒྲུབ་པའི། ཉམས་སུ་ལེན་པ་ཏིང་འཛིན་གྱི། འཆིང་གྲོལ་མེད་པ་སྔགས་དང་ཕྱག་རྒྱའི་ལྟ་བ་རྣམས་ཏེ། དེ་དག་ཐམས་ཅད་ལྟ་བ་བདེན་གཉིས་དབྱེར་མེད་ཀྱི་རྒྱས་བཏབ་ནས་བསྒོམ་པའི་ཕྱིར་རོ། ། ༈ གོང་འོག་འགར། རུ་ཞེས་སྣང་བ་ནི། གུ་རུའི་སྒྲ་བསྡུས་པས་བླ་མ་ལ་འཇུག་སྟེ། སྔ་འགྱུར་གྱི་སྐབས་འདིར་བླ་མ་ལ་དབང་ཕྱུག་དང་རུ་སོགས་ཀྱི་སྒྲས་སྨོས་པ་མང་ངོ་། ། ༈ བརྒྱད་དང་བཞི་ལ་ངེས་པར་ནི། སྟང་དཔྱལ་གཉིས་ཀྱི་དཀྱིལ་འཁོར་ཏེ། ཕྱག་རྒྱ་དགུ་ཡི་མཚན་མས་གདབ། །ཅེས་པའི་ཕྱག་རྒྱ་དགུ་ནི། སྐུ་གསུང་ཐུགས་ཀྱི་ལྷ་གསུམ། ཡེ་ཤེས་སེམས་དཔའ། དབུ་རྒྱན་རིགས་ལྔ་བཅས་སོ། ། ༈ གོ་མ་ཡེ་ནི་བ་བྱུང་ལྔ་དང་། སུམ་ཅུ་ནི་བླ་མེད་ཀྱི་བུམ་རྫས་སུམ་ཅུའོ། ། ༈ རྒྱུའི་ཡི་གེ་ལ་ཡི་གེ་བཞི་བཅུ་རྩ་གཉིས་ཞེས་པའི། རྒྱུའི་ཡི་གེ་ཨ་དང་། བཞི་བཅུ་རྩ་གཉིས་ནི་ཀ་ནས་ཀྵཿཡི་བར་གསལ་བྱེད་༣༤དང་། ཨི་ཨཱི་ནས། ཨོ་ཨཽ། བར་དབྱངས་བརྒྱད་དེ་ཞེ་གཉིས་སོ། ། ༈ ལས་ཚོགས་ནི་རྒྱུད་དོན་གཞན་རྣམས་སྒྲུབ་པའི་ཆ་རྐྱེན་དུ་འགྱུར་ཏེ། གང་འདོད་པའི་སྤྱོད་ཡུལ་ཐམས་ཅད་ལྷུན་གྱིས་གྲུབ་ཅིང་འགལ་རྐྱེན་གྱིས་མི་འཕྲོག་པས་ལྟ་བ་རྟོགས་པའམ། སྤྱོད་པ་སྤྱད་པ་སོགས་ལ་ཐོགས་པ་མེད་པའི་ཕྱིར་རོ། ། ༈ སྦྱིན་སྲེག་སྐབས། དུག་དང་ཚ་བ་ས་གསུམ་དང་། །ཞེས་པའི་ས་གསུམ་ནི་ཡི་གེ་ཉམས་པ་ལས། དོན་ཏུ་ཚྭ་གསུམ་ཞེས་རྒྱ་ཚྭ། རྒྱམ་ཚྭ། ཁ་རུ་ཚྭ་གསུམ་ཡིན་ནམ་སྙམ། ། ༈ མུཏྐའི་ཆན་ནི་སྲན་མའི་ཆན། དན་ཏི་ལི་ཞེས་པ་དནྡ་རོག་པོ་སྟེ། བལ་ཡུལ་སོགས་སུ་སྣུམ་ནག་གི་རྒྱུའོ། ། ༈ སྟངས་ཀྱི་སེམས་ཞེས་ལས་བཞི་གང་ཡིན་གྱི་དམིགས་པའི་འཛིན་སྟངས་བར་མ་ཆད་པ། ། ༈ སྔགས་སྤུ་གྲི་དང་བཅས་པ་ཞེས་སོ། །ལས་བཞི་སོ་སོའི་སྔགས་ཤམ། མཉམ་སྐྱི ལ་ནི་བདེ་ལུགས་ཀྱི་སྐྱིལ་ཀྲུང་། པད་སྐྱིལ་ལོང་བུ་བསྣོལ་བ། རུས་སྦལ་གྱི་འདུག་སྟངས་ནི་སྟེགས་ལ་ཧོར་འདུག་བྱེད་པ། ། ༈ ཚོགས་ཀྱི་འཁོར་ལོའི་ཡོ་བྱད་ཀྱི་ཁྱད་པར། ཧེ་རུ་ཀ་གལྤོ་ལས། རྡོ་རྗེ་ཚེ་དང་གལ་ཕྱིས་དང་། །ཚེ་ཁྲིད་ཛ་གད་ཛགྟི་དང་། །བྲན་མོ་ཤམ་མོ་ཀུན་ཏུ་རྒྱུག །ན་ལིང་གེ་རྒྱས་ལ་སོགས་བཤམ། །ཞེས་པའི་ངོས་འཛིན་སོ་སོའི་མཆན་གྱིས་གསལ་བ་བཞིན་ནོ། ། ༈ ཐུགས་ཐིག་གི་ལུང་། ཡི་གེ་འདུས་པ་གྲུབ་པ་བཞི། །མཐུ་ཅན་རེད་པ་གང་ཡིན་པ། །བཞི་རྫོགས་ཉིད་ལས་མི་འདའ་བ། །གང་ལ་སྣང་བ་དེ་ངོ་བོ། །ཞེས་པའི་དོན། སྔགས་ཀྱི་ངོ་བོ་ནི། ལུས་དང་ཡན་ལག་གི་ཡི་གེ་འདུས་ནས་ཡི་དམ་གྱི་ལྷ་གང་ཡིན་པ་བསྐྱེད་པ་ན་གྲུབ་པ་བཞི་རང་བཞིན་གྱིས་ལྡན་པ་ཡིན་ཏེ། ཆོས་ཉིད་གཉུག་མའི་ཡེ་ཤེས་གཞོམ་དུ་མེད་བའི་སྔགས་ཀྱི་དེ་ཁོ་ན་ཉིད་རང་ལ་གདོད་ནས་རང་ཆས་སུ་གནས་པ་ནི་ཆོས་ཉིད་རང་བཞིན་གྱིས་གྲུབ་པ། རྩ་རླུང་ཐིག་ལེ་རྟོག་ཚོགས་ཀྱི་རྣམ་པ་ཐམས་ཅད་ཡི་གེ་དང་། སྔགས་དང་། ཕྱག་རྒྱའི་དཀྱིལ་འཁོར་ཆེན་པོར་རང་ཆས་སུ་ཤང་བ་ནི་ཆོས་ཅན་རང་གི་ངོ་བོས་གྲུབ་པ། དེ་ཉིད་སྐྱེ་འགགས་མེད་པའི་ཡེ་ཤེས་སུ་རང་སྣང་བས་སྒྲུབ་པ་པོའི་རྒྱུད་བྱིན་གྱིས་བརླབས་པ་བྱིན་རླབས་ཀྱིས་གྲུབ་པ། སྔགས་ཀྱི་དེ་ཁོ་ན་ཉིད་རྟོགས་ཤིང་གོམས་པའི་སྦྱོར་བས་མཆོག་གི་དངོས་གྲུབ་སྐུ་ལྔ་ལྷུན་གྱིས་གྲུབ་པ་དང་། ཐུན་མོང་གི་དངོས་གྲུབ་ལ་དབང་འབྱོར་བ་མཐུས་གྲུབ་པ་སྟེ། དེ་ལྟ་བུའི་སྔགས་ཀྱི་ནུས་པས་དངོས་གྲུབ་རྣམ་གཉིས་ལ་སྦྱོར་པའི་ཕྱིར་ནུས་མཐུ་ཁྱད་པར་ཅན་དུ་འགྱུར་བ་ནི་སྔགས་ཀྱི་ངོ་བོའོ། །ཕྱག་རྒྱའི་ངོ་བོ་ནི། སྐུ་ཕྱག་ཆེན། གསུང་ཆོས་རྒྱ། ཐུགས་དམ་རྒྱ། འཕྲོ་འདུ་ཕྲིན་ལས་བཞིར་རྫོགས་པ་ཉིད་ལས་མི་འདའ་བས་ཕྱག་རྒྱ་སྟེ། དེ་ལྟ་བུས་རྣལ་འབྱོར་པ་གང་གི་སྒོ་གསུམ་སྤྱོད་ཡུལ་དང་བཅས་པ་ལ་རྒྱས་བཏབ་པར་སྣང་བའོ། ། ༈ ཚེ་དབང་རིག་འཛིན་གྱི་སྐབས་སུ། ངོ་བོ་ཐབས་དང་སྨན་རིག་འཛིན། །རྣལ་འབྱོར་སྒྲོལ་མའི་རིག་འཛིན་དང་། །ལམ་མཆོག་རྫོགས་པའི་རིག་འཛིན་བཞི། །ཞེས་པའི་དོན། འདི་ལྟར་ཚེ་ལ་དབང་བའི་རིག་འཛིན་ནི་སྒྲས་བརྗོད་རིགས་ཀྱི་ཕྱེ་པའི་དབང་དུ་བྱས་ན་རྒྱུ་བཞི་ལས་བྱུང་བ་སྟེ། རྡོ་རྗེའི་ཚེ་སྒྲུབ་པའི་ཐབས་དང་། ཉེ་ཤིང་། ར་མོ་ཤག་དང་། བདུད་རྩི་ལྔ་དང་། གཞན་ཡང་བཅུད་ལེན་གྱི་སྨན་སྦྱོར་ཇི་སྙེད་པ་ལ་བརྟེན་ནས་ཚེ་རིང་བར་གྱུར་པ་དང་། དངོས་ཡིད་ཀྱི་ཕྱག་རྒྱ་ལ་བརྟེན་ནས་ཐབས་ལམ་སྟེང་སྒོ་དང་འོག་སྒོའི་རྣལ་འབྱོར་གྱིས་ཐིག་ལེ་དབབ་བཟུང་བཟློག་དགྲམ་གྱི་སྦྱོར་བས་དངུལ་ཆུའི་སྦྱོར་པས་ལྕགས་རྣམས་གསེར་དུ་བསྒྱུར་བ་ལྟར་སྙིགས་མ་དྭངས་མའི་ལུས་སུ་གྱུར་ནས་ཚེ་རིང་བར་གྱུར་པ་དང་། སྒྲོལ་མའི་རྣལ་འབྱོར་ནི། སྟེང་འོག་གི་འཁོར་ལོ་དང་། སྟེང་འོག་གི་རླུང་རྡོ་རྗེ་དྷཱུ་ཏིའི་དབྱིངས་སུ་ཁ་སྦྱོར་གྱི་ཆོ་གས་བཅིངས་པ་ལས་འགོག་པའི་སྙོམས་འཇུག་ལྟར་ཚེ་བསྐལ་པར་གནས་པ་དང་། ལམ་མཆོག་ཡོངས་སུ་རྫོགས་པ་ནི། དེ་ཁོ་ན་ཉིད་ཀྱི་དོན་ལ་ཕྱིན་ཅི་མ་ལོག་པའི་གོམས་པ་བརྟས་པས་མཐོང་ལམ་ཟག་པ་མེད་པའི་ཡེ་ཤེས་མངོན་སུམ་དུ་གྱུར་པའོ། ། ༈ ཕྱག་ཆེན་གྱི་རིག་འཛིན་ལ། ཀྲྀ་ཡས་རིགས་གསུམ་དབྱེ་བ་ནི། སྤྱིར་བྱ་བའི་རྒྱུད་ཀྱི་བསྒྲུབ་བྱའི་ལྷ་ཐམས་ཅད་རིགས་དྲུག་ཏུ་འདུ་ཞིང་། དེའང་བསྡུ་ན་དེ་བཞིན་གཤེགས་པ་དང་། པདྨ་དང་། རྡོ་རྗེའི་རིགས་གསུམ་དུ་འདུ་པ་ལས། ལམ་དུས་སུ་སྒྲུབ་པ་པོས་གང་ལ་བསྙེན་པའི་ལྷ་དེ་དང་དེ་ཡི་རྣམ་ཆར་ཤར་བའོ། །ཨུ་བྷ་ཡས་རིགས་བཞིར་སྣང་བ་ནི། མི་བསྐྱོད་པ་མ་གཏོགས་པའི་རིགས་ལྷག་མ་བཞི་དང་། རྣལ་འབྱོར་གྱི་རྒྱུད་དུ་རིགས་ལྔར་སྣང་བ་ནི་སྤྱི་ལྟར་རོ། །སརྦ་མངྒ་ལཾ།། །། ༈ གཏེར་ཆེན་རིན་པོ་ཆེའི་བཀའ་འབུམ་དྲིས་ལན་སྐོར་ལས། ཡན་ལག་བརྒྱད་པ་ནི། སངས་རྒྱས་གསང་བའི་ལམ་རིམ་དུ། །ཡན་ལག་བརྒྱད་ཀྱི་ཚུལ་བཟུང་ལ། །ཞེས་པའི་དོན་སྒེག་པའི་རྡོ་རྗེས་རྒྱུན་བཤགས་རྩ་བར། རྒྱལ་བ་འཁོར་བཅས་སྤྱན་དྲངས་ཏེ། །བླ་མ་སྙིང་པོར་བཞུགས་པ་ལ། །ཕྱག་སྐྱབས་མཆོད་དང་བཤགས་པ་དང་། །ཡི་རངས་སེམས་བསྐྱེད་ལུས་དབུལ་དང་། །བྱང་ཆུབ་ཆེན་པོར་ཡོངས་སུ་བསྔོ། །ཞེས་དང་། དེའི་ལས་བྱང་དུ། རྡོ་རྗེ་སློབ་དཔོན་སངས་རྒྱས་དཔལ། །ཞེས་སོགས་འབྱུང་བ་སྟེ། འདི་ལ་མྱ་ངན་ལས་མི་འདའ་བ་དང་། ཆོས་འཁོར་བསྐུལ་བ་གཉིས་མི་འབྱུང་བ་སྔགས་ཀྱི་སྨོན་པ་ངེས་པ་ལྔ་ལྡན་གྱི་དབང་དུ་བྱས་པའོ། །ཡན་ལག་བཅུ་པ་ནི། བཀའ་བརྒྱུད་ཡོངས་རྫོགས་ཧཱུྃ་སྒྲུབ་ལས། བླ་མ་ཡི་དམ་མཁའ་འགྲོ་གཤེགས༔ ཞེས་སོགས་གསུངས་པ་ལྟར། སྤྱན་འདྲེན་བཞུགས་གསོལ་སྔོན་དུ་འགྲོ་བའི་ཡན་ལག་བདུན་སྤྱི་ལྟར་ལ། སྨོན་ལམ་ཁྱད་པར་བ་ཟུར་དུ་ཕྱེ་བས་སོ། །འབྲུག་པ་ཐམས་ཅད་མཁྱེན་པའི་བཀའ་ལན་དུ། བཀའ་བརྒྱུད་རང་བཞེད་གནས་ལུགས་ཕྱག་ཆེན་དབང་ལ་མ་ལྟོས་པ་དང་། བདེ་སྟོང་ཕྱག་ཆེན་ལྟོས་པར་བཞེད་པ་ལ། ས་པཎ་གྱིས་མཐིང་སླད་མཛད་པའི་སྐྱོན་སྤོང་ཁྱད་པར་ཅན་གྱི་སྒྲུབ་བྱེད་འགོས་ལོ་ཡབ་སྲས་རྩལ་བཤད་མཛད་པའི་རྗེས་སུ། བཀའ་བརྒྱུད་ཀྱི་མཁས་པ་ཕལ་ཆེར་འབྲང་ནའང་། ཆོས་གྲགས་རྒྱ་མཚོ་དང་། མི་བསྐྱོད་རྡོ་རྗེ། ཕྱིས་ཀྱི་རྗེ་བཙུན་ཏཱ་ར་ནཱ་ཐ་སོགས་ཀྱིས། དེས་ཀྱང་བཀའ་བརྒྱུད་གོང་མའི་དགོངས་པའི་གནད་མ་ལོན་པས་འཕྲལ་གྱི་སྐྱོན་སེལ་ཉི་ཚེ་བ་ཙམ་ལས་མིན་ཚུལ་གསུངས་པ་སོགས་དགོངས་པ་མི་མཐུན་པ་མང་བས་སྐྱོང་དཀའ་བ་ལྟ་བུར་འདུག་ཀྱང་། རང་རེ་བཀའ་བརྒྱུད་གོང་མའི་བཞེད་པ་དེ་དོན་ལ་གནས་སམ་སྙམ་པའི་མོས་བློ་ལམ་བྱེད་ལས་སོ་སྐྱེའི་བློ་ལ་ངེས་པ་མཆིས་པ་སོགས། འདི་སྐོར་རྗེ་པད་དཀར་དང་། རྗེ་སངས་རྡོར་བ། བྱ་གཤོང་ཀླུ་སྒྲུབ་པ། ཐུབ་བསྟན་ཆོས་རྣམ་པ་སོགས་ཀྱི་བརྒལ་ལན་རྒྱ་ཆེར་འདུག །དཀར་བརྒྱུད་ཅེས་བྲི་བ་དང་སྒྲ་བཤད་མཛད་པ་ནི་མ་དག་པར་བཞེད་སྣང་། ། ༈ གཙུག་ལག་ནི་རྒྱལ་བའི་གསུང་རབས་དང་། དེ་གཙོ་བོར་གྱུར་པའི་རྟེན་གསུམ་གྱི་བཞུགས་གནས་ལ་གཙུག་ལག་ཁང་ངོ་། ། ༈ སྐུ་ཡི་བཀོད་པ་སྔ་མ་བསྡུས་ནས་ཕྱི་མ་བཟུང་བར་སྐྱེ་བ་དང་། སྤྲུལ་གཞི་མ་བསྡུས་པར་སྤྲུལ་པ་གཞན་དག་སྟོན་པ་སྤྲུལ་པ་ཞེས་བཞེད། ། ༈ ཆོས་ཀྱི་རྒྱལ་པོའི་མདོ་ལས། ལྷ་དང་བཅས་པའི་འཇིག་རྟེན་ན། །དཀོན་མཆོག་གསུམ་པོ་མ་གཏོགས་པ། །ཡོན་གྱི་གནས་འགའ་ཡོད་མིན་པས། །དངོས་པོ་ཀུན་གྱིས་དེ་ལ་མཆོད། །ཅེས་སོ། ། ༈ ཞབས་བརྟན་སོགས་ཀྱི་ཚེ། སྐུ་རྟེན་དུ་ཚེ་དཔག་མེད་དང་ཐུབ་དབང་། གསུང་རྟེན་དུ་ཆོས་ཀྱི་དུང་དང་གཎྜི་སྟེ། ཆོས་ཀྱི་དུང་ནི་སྒྲ་ཆེན་ལྡན། །ཆོས་ཀྱི་གཎྜི་སྒྲ་བོ་ཆེ། །ཞེས་སོ། །གཞན་ཡང་རྡོ་རྗེ་དྲིལ་བུ། གླེགས་བམ། ཐུགས་རྣམ་པར་གྲོལ་བའི་ཡེ་ཤེས་ལྔ་མཚོན་བྱེད་རིགས་ལྔའི་ཕྱག་རྒྱ་སོགས་ཡོན་ཏན་གྱི་རྟེན་དུ་སྐུ་ཡི་ཉེར་སྤྱད། ཕྲིན་ལས་ཀྱི་རྟེན་དུ་ཕྱག་རྟགས་ཐམ་ཞུ་སོགས། རྗེས་འབྲེལ་རྒྱལ་སྲིད་བདུན་དང་། བཀྲ་ཤིས་རྫས་བརྒྱད་སོགས་འབུལ་ན་ལེགས། ། ༈ གསར་མའི་བླ་མ་ལ་ལས། རྒྱལ་བློན་སྔ་དར་གྱི་དུས་སུ་འགྱུར་བའི་སྔགས་རྙིང་མ་ཡིན་ཀྱང་། མདོ་དེ་ལྟར་མ་ཡིན་པའི་དབང་ཆེའི་སྟང་གཅོད་བྱས་པ་འགའ་རེ་གསེར་མདོག་པཎ་ཆེན་སོགས་ཀྱིས་ཡི་གེར་བཀོད་འདུག་ཀྱང་། རྒྱ་གར་ལ་དོན་གྱིས་གསར་རྙིང་གི་ཁྱད་པར་ཡོད་ཀྱང་། ཐ་སྙད་ལ་མེད་པ་དང་། བོད་དུ་འགྱུར་སྔ་ཕྱིའི་བྱེ་བྲག་ལས་དེ་སྐད་དུ་ཐ་སྙད་བཏགས་པས་སྔ་འགྱུར་གྱི་མདོ་སྔགས་ཐམས་ཅད་ལ་རྙིང་མ་ཞེས་བཞེད་པ་རང་འཐད། ། ༈ བསྡུས་པ་ཞེས་པའི་སྒྲ་དོན། ཇི་སྐད་དུ། རྒྱལ་བའི་བཀའ་དང་དེ་འགྲེལ་བསྟན་བཅོས་ཀྱི། །དགོངས་དོན་མ་ལུས་ལེགས་པར་བསྡུས་པས་ན། །བསྡུས་པ་ཞེས་སུ་མཁས་པས་མཚན་དུ་བཏགས། །ཞེས་བ་ལྟར་དང་། གྲྭ་ནི་དེ་ཉིད་སླབ་པའི་སྡེ་ཚན་གྱི་གྲྭ་སྟེ། དཔེར་ན། བཤད་གྲྭ། སྒྲུབ་གྲྭ་ཟེར་བ་ལྟ་བུའོ། །སློབ་དཔོན་ཕྱ་བས་དབུ་མ། ཕར་ཕྱིན་སོགས་ལའང་བསྡུས་པ་རེ་རེ་མཛད་ཅིང་། ཁྱད་པར་ཚད་མ་བསྡུས་པ་ཡིད་ཀྱི་མུན་སེལ་རྩ་འགྲེལ་མཛད་པ་ནས་ཤིན་ཏུ་དར་རོ། ། ༈ བྱིན་འབེབས་ཀྱི་རྫས་བླ་མེད་སྤྱིར་འཇུག་པ། སྐྱེས་བུ་གཙང་མའི་བྱང་སེམས་དཀར་པོ། བུད་མེད་རིགས་བཟང་གི་ཟླ་མཚན། སྔགས་པ་ནུས་ལྡན་ནམ། དགེ་སློང་ཁྲིམས་ལྡན་ནམ། སྐྱེས་པ་གཞོན་ནུའི་དྲི་ཆེ་ཆུང་། མི་རིམས་ངན་པས་ཤི་བ་མ་ཡིན་པའི་ཀླད་པ་ཤ་ཆེན་གྱི་དྭངས་མ་སྟེ་བདུད་རྩི་ལྔ་ནི་རྩ་བའི་རྫས་དང་། བྱི་ལ་ནག་པོའི་བྲུན། ར་ཡི་རྐང་ལག་གི་ཉྭ་བཞིའི་ཤ །སྒྲུབ་པ་པོའི་སྐྲ་སེན་ཕྲན་བུ། གུ་གུལ་དང་བཅས་པ་རྣམས་ལས། ཕྱག་ལེན་དུ། རྫས་གོང་མ་རྣམས་སྣེ་འཛོམ་ཙམ་ལ། དྲི་ཤུགས་བསྐྱེད་ཕྱིར་ག་བུར། ཛཱ་ཏི། གུར་གུམ་རྣམས་ཆ་ཕྲན་རེ། ཙནྡན་དཀར་དམར། ཨ་ག་རུ། ཁྱད་པར་སྟོད་ཀྱི་ཨར་ནག་དང་། ནཱ་གི་རྣམས་གང་མང་། དེ་ཐམས་ཅད་ལས་འཕར་བའི་གུ་གུལ་ནག་པོ་བུངས་བསྐྱེད་པ་རྣམས་ཕྱེ་རིལ་གང་བྱེད་ཀྱང་བྱིན་གྱིས་བརླབས་པའི་ནང་མཆོད་ཀྱིས་ཁ་ཕྲུ་ཅུང་ཟད་བཏབ། བྱིན་འབེབས་ཀྱི་སྔགས་ཀྱིས་ཡུན་བསྲིངས་ཏེ་བསྒྲུབ་པའམ། ཐ་ནའང་བརྒྱ་རྩ་ཙམ་བཟླས་ནས། བྱིན་འབེབས་ཀྱི་སྐབས་ཡི་དྭགས་ཀྱི་མེ་ཞེས་རོ་སོལ་གྱི་མེ་རྙེད་ན་དང་། དེ་མིན་སོལ་མེ་གང་རུང་ལ་བསྲེག་གོ ། ༈ བདག་མདུན་ཐ་དད་པ་ནི། ཐོག་མར་བདག་བསྐྱེད་རྫོགས་པར་བསྒོམས་ནས་འཁོར་རྣམས་རང་ཉིད་གཙོ་བོ་ཡབ་ཡུམ་ལ་བསྡུས་ཏེ་དཀྱིལ་འཁོར་གྱི་དབུས་སུ་ཕྱིན་པར་མོས་ལ་སླར་མདུན་བསྐྱེད་བསྒྲུབ་པ་དང་། བདག་གི་རྣལ་འབྱོར་ཉེར་བསྡུའི་བར་དུ་བྱས་ནས། དེའི་འོད་གསལ་དང་དེ་ཉིད་མཚམས་སྦྱར་ནས་མདུན་བསྐྱེད་བསྒོམ་པ་དོང་སྤྲུགས་པདྨ་བརྒྱ་ལྡན་དུ་བཤད་པ་ལྟར་དང་། ཡང་གྱེར་ཚིག་གཅིག་གིས་བདག་མདུན་བུམ་གསུམ་རྣམ་པ་མ་འདྲེས་པ་མེ་ལོང་དང་གཟུགས་བརྙན་གྱི་དཔེ་ལྟར་བསྒོམ་པ་སོགས་ཀྱང་། སྔ་འགྱུར་གྱི་སྐབས་སུ་བྱེ་བྲག་གི་དམིགས་བསལ་མེད་ན། རྔམས་གློག་ལས། དེ་ནས་སྔགས་པས་མཉམ་གཞག་སྟེ། །ཏིང་འཛིན་དཀྱིལ་འཁོར་གསལ་བར་བསྒོམ། །གསལ་བ་གཉིས་མིན་དཀྱིལ་འཁོར་དུ། །རང་བཞིན་ཀུན་རྫོབ་སྤྱན་དྲངས་ཏེ། །དབབ་དང་གཞུག་དང་བརྟན་པའོ། །ཞེས་བདག་མདུན་དབྱེར་མེད་དུ་གསུངས་པ་ཉིད་གཙོ་བོར་བྱ་སྟེ། དེ་ཡང་སྒྲུབ་གཞི་བདག་དང་བྲིས་པའི་དཀྱིལ་འཁོར་གཉིས། སྒྲུབ་ཆོས་ཏིང་འཛིན་གསུམ་ནས་བརྩམས་དམ་ཚིག་གི་འཁོར་ལོ་གཅིག་གིས་བསྡུས་པར་བསྒོམ་པའོ། ། ༈ རྫོགས་པ་ཆེན་པོ་ཞེས་པའི་སྒྲ་དོན། སནྡྷི་ཞེས་པའི་སྒྲ་ལས་ཐམས་ཅད་དེར་འདུས་ཤིང་ཆུབ་པའི་དོན་དང་། མ་ཧཱའི་སྒྲ་ལས་ཐུན་མོང་གི་ཚུལ་ལས་འཕགས་ཤིང་། དེ་ལས་གོང་དུ་བོགས་དབྱུང་དུ་མེད་པས་ན་ཆེན་པོའོ། །སློབ་དཔོན་ཆེན་པོས། བསོད་ནམས་དང་ཡེ་ཤེས་ཀྱི་ཚོགས་རྫོགས་ཤིང་འབྲས་བུའི་དོན་ལྷུན་གྱིས་གྲུབ་པའི་དོན་ཏོ། །ཞེས་གསུངས་པ་བཞིན་སྤྱིར་མོས་གུས་དང་གདམས་ངག་གི་དོན་ལ་བློ་རྩེ་གཅིག་ཏུ་དྲིལ་བས་རྟོགས་པར་བྱ་བ་ཡིན་ལ། བྱེ་བྲག་རང་བྱུང་གི་ཡེ་ཤེས་དེ་ལམ་དུ་བྱེད་པ་ལ་རྫོགས་ཆེན་སེམས་སྡེ་དང་ཕྱག་ཆེན་སོགས་མཚན་མ་བཤིག་པའམ་ལ་བཟླ་བའམ་ཐག་གཅོད་པ་སྟེ་སྤང་བྱ་རྣམ་ཤེས་ཀྱི་ཕྱོགས་ནས་བསླབ་པ་དང་། མན་ངག་སྡེ་བའི་ཕྱོགས་ཀྱིས་བཟང་ངན་གྱི་རྟོག་པ་རིས་མི་འབྱེད་པར་རྩོལ་བ་བཤིག་པས་ལ་བཟླ་བ་སྟེ་གཉེན་པོ་ཡེ་ཤེས་ཀྱི་ཕྱོགས་ནས་བསླབ་པའོ། ། ༈ རྗེ་རིན་པོ་ཆེར་རྙིང་མའི་ལུང་བསྟན་འགའ་ཞིག་ཏུ་ཀླན་ཀར་མཛད་པ་ནི་རྗེས་སོར་བཅོས་བསྒྱུར་དང་ཅལ་སྒྲོགས་ཙམ་ལས། དོན་དུ་གཏེར་སྟོན་གྲུབ་པའི་དབང་པོ་ཉི་ཟླ་སངས་རྒྱས་ཀྱིས་ཨོ་རྒྱན་ལ་ལུང་བསྟན་དོགས་སེལ་ཞུས་པར་ཚད་མར་བསྒྲུབས་པས་སོམ་ཉི་བྲལ་ལོ། ། ༈ དངོས་གྲུབ་ཀྱི་རྫས། ཟླ་རྒྱལ་ཞོ་དང་ཁུར་བ། ཟླ་ཁྲོམ་ཐུད་དང་ཕྲུམ། ཛཀྟི་ཤ །ཀུན་ཏུ་རྒྱུ་ཚྭ། སྤང་ན་སྐྱེས་ཤྭ་མང་སྣ་ཚོགས་དང་རྩི་ཐོག་མར་ལ་བཤད་ཅིང་། ཟླ་ཁྲོམ་སོགས་བཟོ་རྒྱུན་ནི་ཁུངས་ལྡན་གྱི་མན་ངག་ལྟར་རོ། ། ༈ འཕགས་པ་ཐབས་ཀྱི་ཞགས་པ་པདྨོའི་ཕྲེང་བའི་དོན་བསྡུས་པ། ཚེ་འདིར་འགྲུབ་པས། ཡུན་རིང་གིས་འགྲུབ་པའི་ཐེག་ཆེན་སྤྱི་ལས་འཕགས་པས་འཕགས་པ། ཐབས་ནི་སྙིང་རྗེ་ཆེན་པོས་མཚམས་མེད་ལྔ་ལ་སྤྱོད་པ་དང་། ཕྱིན་ཅི་ལོག་ལ་ཞེན་བའི་སེམས་ཅན་ཐམས་ཅད་སྒྲོལ་བས་ན་དེ་སྐད་དོ། །ཞགས་པ་ནི་མི་གཏོང་བ་སྟེ་འཁོར་བ་ཉིད་ནས་མཉམ་པའི་ཆོས་སུ་མཁྱེན་པས། འཁོར་བ་ལ་མི་གཏོང་བར་སྦྱོར་བའོ། །འདི་ནི་སྦྱོར་བ་གཉིས་སམ། ཆེ་མཆོག་རྣམ་གཉིས་ཞེས་ཀྱང་བྱ། པདྨ་ནི་ཤེས་རབ་ཀྱིས་ཆོས་ཐམས་ཅད་ལ་དཔྱོད་ཀྱང་དེ་ལ་མ་ཆགས་པའོ། །ཕྲེང་བ་ནི་སྤྲུལ་པའི་ཕྲེང་བ་རྒྱུད་མི་འཆད་དེ་ཐབས་སོ། །དོན་བསྡུས་པ་ནི་གསུང་རབས་ཡན་ལག་བཅུ་གཉིས་དང་། ཏནྟྲ་བཅོ་བརྒྱད་ལ་སོགས་པའི་དོན་བསྡུས་པའོ། །མདོར་ན་ཐབས་དང་ཤེས་རབ་གཉིས་སུ་མེད་པ་ནི་བརྗོད་བྱ་སྟེ་བསྐྱེད་རྫོགས་ཐམས་ཅད་ལའང་དེ་ཁོ་ནས་ཁྱབ་པའོ།། །། ༈ རྡོ་རྗེ་བཀོད་པ་ཀུན་འདུས་རིག་པའི་མདོ་ལས། བདག་མེད་གཉིས་བྲལ་བདེ་ཆེན་ཀློང་། །སངས་རྒྱས་ཀུན་གྱི་བདེ་བ་ཆེ། །ཡེ་ནས་ལྷུན་གྲུབ་འདུས་མ་བྱས། །ཐིག་ལེ་ཆོས་དབྱིངས་ཡེ་འབྱམས་པ། །ཀུན་ཁྱབ་གདལ་བའི་སྙིང་པོར་འདུས། །ཞེས་དང་། སྣང་བ་མེད་པའི་རང་བཞིན་ནི། །ནམ་མཁའ་ལྟ་བུར་དེ་ཉིད་འགྱུར། །ཆོས་དབྱིངས་ནམ་མཁའ་ལྟ་བུ་སྟེ། །ནམ་མཁའ་ལ་ཡང་མཚན་ཉིད་མེད། །ཅེས་དང་། ལྟ་དང་དམ་ཚིག་བསྒྲུབ་པ་ཡི། །དམ་པའི་མཛོད་གསུམ་སྨྲ་ཤེས་ཀྱང་། །ཞེས་དང་། ས་རབ་མཆོག་ཏུ་བགྲོད་པ་ལ། །ཐབས་མཆོག་ལྔ་ཡིས་བགྲོད་བྱ་སྟེ། །རྡོ་རྗེ་ཚོགས་དང་བསྙེན་པ་དང་། །ཉེ་བ་དང་ནི་སྒྲུབ་པ་དང་། །སྒྲུབ་པ་ཆེན་པོ་སྤྱད་པར་བྱ། །ཞེས་དང་། ཀུན་རྫོབ་ཚོགས་ཀྱི་རྒྱུ་དེས་ནི། །ཡང་དག་ཚོགས་ཆེན་ཅི་འདྲ་བ། །མཆོག་གི་བདེ་བ་དམ་པ་དང་། །དེ་ཉིད་ཆེན་པོར་དེ་ཉིད་འགྱུར། །ཞེས་དང་། ལྷ་རྣམས་མཉེས་པར་བྱ་བ་དང་། །བགེགས་རྣམས་ཞི་བར་བྱ་བ་དང་། །དོན་གྲུབ་ཤི་བ་གསོ་བའི་ཕྱིར། །ལས་འདིར་སྤྱོད་པ་ཤིན་ཏུ་གཅེས། །ཞེས་དང་། འཁོར་བ་ཆོས་ཀྱི་དབྱིངས་ཉིད་ལས། །སེམས་ཅན་སངས་རྒྱས་སྙིང་པོར་ཤར། །སྒྲ་སྐད་བསམ་གྱིས་མི་ཁྱབ་པ། །ཐམས་ཅད་བཟླས་བརྗོད་སྔགས་ཀྱི་ཚིག །ཅེས་དང་། འཁོར་བ་ཤེས་རབ་ཡུམ་ཉིད་ལ། །སྙིང་རྗེ་ཐབས་ཀྱི་རྒྱལ་པོ་ཡིས། །འདུ་འབྲལ་མེད་པར་སྦྱོར་བས་ནི། །ཐམས་ཅད་རྒྱལ་བའི་སྲས་སུ་བསྐྱེད། །ཅེས་དང་། འཁོར་བ་བསྒྲལ་བའི་ཞིང་འདི་དག །ཡེ་ཤེས་འབར་བའི་མཚོན་རྣོན་གྱིས། །རང་བཞིན་མེད་པར་བསྒྲལ་ནས་ནི། །མཉམ་ཉིད་ཆོས་སྐུ་ཆེན་པོར་བཏོན། །ཅེས་དང་། འདུས་པ་ཆེན་པོའི་རྣལ་འབྱོར་པ། །སྲིད་པ་གསུམ་གྱིས་ཕྱག་བྱས་པས། །བླ་མའི་ས་ལ་གནས་པ་ནི། །དབང་མཆོག་སུམ་ཅུ་རྩ་དྲུག་ཡིན། །ཕྱི་ཡི་དབང་དང་ནང་གི་དབང་། །སྒྲུབ་པའི་དབང་དང་གསང་བའི་དབང་། །བཅུ་དང་བཅུ་གཅིག་བཅུ་གསུམ་དང་། །རྣམ་པ་གཉིས་ཀྱིས་རྫོགས་པར་འགྱུར། །ཞེས་སོ། །རྨད་བྱུང་སྒྲུབ་པའི་དཀྱིལ་འཁོར་དུ། །འཇུག་དང་དངོས་གྲུབ་གསོལ་བ་དང་། །དབང་བསྐུར་བ་ཡི་ལས་རྣམས་བྱ། །ཞེས་སོ། །བྱང་ཆུབ་སེམས་ཀུན་བྱེད་རྒྱལ་པོ་ལས། སངས་རྒྱས་སྐུ་དང་ཡེ་ཤེས་ཡོན་ཏན་དང་། །སེམས་ཅན་ལུས་དང་བག་ཆགས་ལ་སོགས་པ། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །བྱང་ཆུབ་སེམས་ཀྱི་ངོ་བོ་ཡེ་ནས་ཡིན། །ཞེས་དང་། ང་ཡི་རང་བཞིན་མ་བསྒྲིབས་ཀུན་ཁྱབ་པས། །གསལ་བའི་ནམ་མཁའ་ཡེ་ཤེས་གཞལ་ཡས་ཁང་། །རང་བྱུང་ཡེ་ཤེས་ཉིད་ལས་གཞན་མི་བཞུགས། །ཞེས་སོ། །སེམས་ནི་ཇི་བཞིན་ས་ཡི་ངོ་བོ་སྟེ། །གཉིས་མེད་ཡེ་ཤེས་བདེ་བ་ཆེན་པོ་ལ། །རྣམ་པ་ཀུན་ལྡན་རྣམ་པ་ཡོངས་ཀྱིས་མེད། །སྤྲོས་བྲལ་ནམ་མཁའ་བཞིན་དུ་ཡེ་གནས་ལ། །དམིགས་པའི་ཡུལ་འདས་གཅིག་ཅེས་བགྲང་དུ་མེད། །ཅེས་སོ། །དོན་གྱི་སྙིང་པོ་རྣལ་མ་བྱར་མེད་ལ། །ཤིན་ཏུ་རྣལ་འབྱོར་རྫོགས་ཆེན་ལྟ་མཐོང་བ། །བྱང་ཆུབ་སེམས་ནི་ཀུན་གྱི་སྙིང་པོར་མཐོང་། །དེ་ཉིད་མ་བཅོས་དོན་གྱི་རྣལ་མར་མཐོང་། །ཞེས་དང་། ཆོས་ཀུན་མ་ལུས་པ་ཡི་སྙིང་པོ་ནི། །མ་སྐྱེས་རྣམ་པར་དག་པས་སྒྲིབ་པ་མེད། །བགྲོད་པའི་ལམ་དང་བྲལ་བས་གོལ་ས་མེད། །ཡེ་ནས་ལྷུན་གྱིས་གྲུབ་པས་བཙལ་དུ་མེད། །ཆོས་ཀུན་སྙིང་པོ་བྱང་ཆུབ་སེམས་སུ་གཅིག །ཅེས་སོ། །སྒོམ་དང་མི་སྒོམ་རྐྱེན་ལ་རག་མ་ལས། །བསྒོམ་བྱ་ཇི་ལྟར་སྣང་བའི་ཆོས་རྣམས་ཀུན། །གང་དུ་ཇི་ལྟར་བཞག་པའི་ཚུལ་མེད་པར། །མ་བཙལ་རང་སར་བཞག་པ་སྒོམ་པ་ཡིན། །ཞེས་དང་། དེ་ལྟར་སྒོམ་དུ་མེད་པའི་སྙིང་པོ་ལ། །མ་ཡེངས་དྲན་པས་བཟུང་བ་མན་ངག་ཡིན། །ཞེས་དང་། ཀུན་མཁྱེན་རྒྱལ་པོའི་སྤྱོད་པ་བསྟན་པ་ནི། །གང་ལྟར་སྤྱོད་པ་དེ་ལྟར་མི་འགལ་ཏེ། །བྱས་དང་མ་བྱས་གཉིས་ཀ་སྐྱེ་མེད་པར། །ཤེས་པས་གང་ལྟར་སྤྱད་ཀྱང་སྐྱེ་མེད་དོན། །ཞེས་དང་། ཇི་ལྟར་སྣང་བ་དེ་བཞིན་ཉིད་དུ་གཅིག །འདི་ལ་སུས་ཀྱང་འཆོས་པར་མ་བྱེད་ཅིག །མ་བཅོས་མཉམ་པའི་རྒྱལ་པོ་དེ་ལ་ནི། །མི་རྟོག་ཆོས་སྐུའི་དགོངས་པ་དེ་ལ་གནས། །ཞེས་སོ། །སྤྲོས་པ་མེད་ཅིང་སྒྲུབ་པ་མེད། །སྐྱེ་བ་མེད་ཅིང་འགག་པ་མེད། །འགོག་པ་མེད་པར་དེ་བཞིན་གནས། །རྣམ་པར་མི་རྟོག་སྙིང་པོ་འདི། །ནམ་མཁའ་བཞིན་དུ་ཡེ་གནས་པས། །རྟོག་པའི་སྨྲ་བསམ་ཡུལ་ལས་འདས། །ཞེས་དང་། ང་ནི་ཡེ་ནས་རང་བྱུང་ཡེ་ཤེས་ཏེ། །ང་ནི་ཡེ་ནས་ཆོས་ཀུན་སྙིང་པོ་ཡིན། །ང་ནི་ཀུན་བྱེད་རྒྱལ་པོ་བྱང་ཆུབ་སེམས། །ང་ཡི་མཚན་འདི་སེམས་དཔའ་རྟོགས་པར་གྱིས། །ཞེས་དང་། རང་བྱུང་ཞེས་ནི་བྱ་བ་ནི། །རྒྱུ་རྐྱེན་མེད་པའི་སྙིང་པོར་བས། །རྩོལ་སྒྲུབ་ཀུན་ལས་འདས་པ་ཡིན། །ཡེ་ཤེས་ཞེས་ནི་བྱ་བ་ནི། །འགགས་པ་མེད་ཅིང་མ་བསྒྲིབས་པས། །ཆོས་ཀུན་མ་ལུས་སྟོན་པར་བྱེད། །ཅེས་དང་། ཆོས་རྣམས་ཐམས་ཅད་ང་ཡིན་པས། །ང་ཡི་རང་བཞིན་འདི་རིག་ན། །ཆོས་རྣམས་ཐམས་ཅད་རིག་འགྱུར་པས། །བྱ་བྱེད་རྩོལ་སྒྲུབ་ཀུན་ལས་འདས། །མི་རྩོལ་ལྷུན་གྱིས་གྲུབ་ པར་འགྱུར། །ཞེས་དང་། ནམ་མཁའ་ལྟ་བུ་སེམས་གྱི་ཆོས་ཉིད་ལ། །ལྟ་བ་སྒོམ་མེད་དམ་ཚིག་བསྲུང་དུ་མེད། །ཕྲིན་ལས་བཙལ་མེད་ཡེ་ཤེས་སྒྲིབ་པ་མེད། །ས་ལ་སྦྱོང་མེད་བགྲོད་པའི་ལམ་ཡང་མེད། །ཅེས་སོ། །ང་ནི་མི་རྟོག་མཉམ་པར་གནས་པའི་ཕྱིར། །རྟོག་མེད་མཉམ་ཉིད་ཆོས་སྐུར་ཡེ་སངས་རྒྱས། །ང་ཡི་ངོ་བོ་ཀུན་ཏུ་ལོངས་སྤྱོད་ཕྱིར། །ང་ཉིད་ལོངས་སྤྱོད་རྫོགས་སྐུར་ཡེ་སངས་རྒྱས། །ང་ཉིད་རང་བྱུང་ཡེ་ཤེས་སྣང་བའི་ཕྱིར། །ང་ཉིད་ཐུགས་རྗེ་སྤྲུལ་སྐུར་མངོན་སངས་རྒྱས། །དེས་ན་སངས་རྒྱས་ཀུན་གྱི་སྙིང་པོར་བཤད། །ཅེས་སོ། །དྲན་བསམ་ཡིད་ལ་རྒྱུ་བ་མ་ལུས་ཀུན། །སྐྱེ་བ་མེད་པའི་ངང་ལ་མ་ཡེངས་པ། །གང་ལྟར་བསམ་ཡང་སྒོམ་པ་ཡིན་ཤེས་ན། །མ་བསྒོམ་གང་ལྟར་བཞག་ཀྱང་ཡེངས་པ་མེད། །ཅེས་དང་། ཀུན་བྱེད་ང་ནི་ཡེ་ནས་དེ་བཞིན་ཉིད། །དེ་བཞིན་ཉིད་ལ་གཟུང་འཛིན་མེད་པའི་ཕྱིར། །ཆོས་རྣམས་དེ་ལྟར་གང་གིས་རྟོགས་པ་ལ། །སྲུང་དང་མི་སྲུང་འདུ་ཤེས་འཇུག་པ་མེད། །ཅེས་དང་། སེམས་ནི་ཇི་བཞིན་པ་ཡི་ངོ་བོ་སྟེ། །ཇི་བཞིན་པ་ལ་འཆོས་པར་བྱེད་མ་མྱོང་། །རང་བྱུང་ང་ལ་རྒྱུ་རྐྱེན་ཀུན་དང་བྲལ། །སྒོ་གསུམ་བཙལ་མེད་ལྷུག་པ་ཉིད་དུ་ཞོག །སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག །རང་ལུས་མི་བཅོས་དབང་པོ་མི་བརྟུལ་ཏེ། །ངག་ཀྱང་མི་བསྡོམས་བྱ་རྩོལ་བྱར་ཡང་མེད། །སེམས་ཀྱང་གར་གཏད་མི་གཡོའི་ངང་ལ་བཞག །བྱས་པ་མེད་པར་དོན་ཀུན་རྫོགས་པར་འགྱུར། །ཞེས་དང་། ། ༈ མདོ་དགོངས་འདུས་ལས། ལས་ངན་མྱུར་དུ་རྒྱུན་བཅད་ན། །གནས་ངན་དག་ལས་མྱུར་དུ་སྒྲོལ། །ཅེས་དང་། འཁོར་བར་འཁྲུལ་པའི་སྒྱུ་མ་ངང་། །རྣམ་དག་རྣམ་བྱང་སྒྱུ་མ་གཉིས། །སེམས་ཅན་སངས་རྒྱས་ཐ་དད་ཀྱང་། །དེ་བཞིན་ཉིད་ལ་ཡོང་ཡེ་མེད། །ཅེས་དང་། འཁོར་བའི་སྡུག་བསྔལ་རྨི་འདྲ་བས། །དབུགས་ཆེན་ཕྱིན་ནས་རྨི་སངས་ལྟར། །ཐམས་ཅད་བདེ་ཆེན་བྱང་ཆུབ་སེམས། །མཁའ་ལྟར་ཁྱབ་བདལ་ཉིད་དུ་སྣང་། །ཞེས་སོ། །བསམ་དུ་མེད་པའི་ཆོས་ཉིད་ནི། །རྨི་ལམ་དེ་བཞིན་ཉིད་དུ་བཞག །ཅེས་དང་། འདི་ལྟར་སྣང་བའི་ཆོས་ཐམས་ཅད། །ཡེའམ་ངང་གིས་སངས་རྒྱས་ལ། །མིན་ལས་ཡིན་པར་འགྱུར་མ་ཡིན། །ངོ་བོ་ཉིད་ཀྱིས་དེ་ཉིད་ལ། །ཡིན་དང་མིན་ཞེས་ཅི་བྱར་ཡོད། །ཅེས་དང་། ཆུའམ་ས་དང་ནམ་མཁའ་འམ། །མེའམ་དེ་བཞིན་རླུང་རྣམས་ལ། །སྐུ་གདུང་སྤེལ་མཆོད་རིང་བསྲེལ་རྣམས། །བརྩམས་པའི་ལས་ཆེན་འཁོར་ལོ་བྱ། །ཞེས་དང་། རྔམས་གློག་ལས། ཨེ་མའོ་དངོས་པོ་ཐམས་ཅད་དང་བྲལ་བ། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་པར་སྤངས། །ཆོས་བདག་མེད་པ་མཉམ་ཉིད་ལ། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་དང་། །རིན་ཆེན་ལྔ་དང་སྨན་ལྔ་དང་། །སྤོས་ལྔ་འབྲུ་ལྔ་སྙིང་པོ་ལྔ། །གྭའུའི་ནང་དུ་བླུགས་ནས་ཀྱང་། །ས་གཞི་གཏེར་དང་ལྡན་པར་བྱ། །ཞེས་དང་། སྲིད་གསུམ་སེམས་ཅན་ཐམས་ཅད་ལ། །ལོག་རྟོག་འཁྲུལ་པ་བསམ་མི་ཁྱབ། །དེ་ཉིད་གཞིལ་བའི་འདུལ་ཐབས་སུ། །ཕྱི་ནང་སྡོམ་པ་ཇི་སྙེད་པ། །རྟོག་འདུལ་དམ་ཚིག་དེ་སྙེད་གསུངས། །ཞེས་དང་། ཐོག་མར་བསྙེན་པ་ཡིན་པར་བཤད། །གཉིས་པ་དགེ་ནི་ཉེ་བསྙེན་པ། །གསུམ་པ་སྒྲུབ་པ་ཞེས་སུ་བརྗོད། །ཐ་མ་སྒྲུབ་ཆེན་པོ་ཞེས་བྱ། །ཞེས་སོ་སོར་བྱེ་བྲག་བཅས་དང་། ཡུམ་ལ་སྦྱར་བའི་ཚུལ་སོགས་གསུངས། གསང་བའི་ཚིག་ལ་གསལ་འདྲིས་ཤིང་། །དོན་ལ་གཞོལ་ཞིང་ཡིད་ཆེས་ཀྱང་། །དབང་བསྐུར་བཀའ་རྟགས་མ་ཕྱིན་པར། །ས་རྣམས་ཐོབ་པར་མི་འགྱུར་རོ། །ཞེས་སོ། །ཡང་དགོངས་འདུས་ལས། ཨེ་མའོ་ངོ་མཚར༴ རྫོགས༴ སྟོང་པ་མ་ཡིན་མི་སྟོང་མིན། །དབུ་མའང་དམིགས་སུ་ཡོད་མ་ཡིན། །ཞེས་སོ། །ཀུན་བྱེད་ལས། རྟོག་མེད་མཉམ་ཉིད་ཆོས་ཀྱི་སྐུ། །བཟུང་བས་མི་ཟིན་ཆུ་ཟླ་འདྲ། །ཀུན་ཏུ་བཟང་པོའི་རོལ་པ་ཡིས། །ཨཱ་ལི་ཀཱ་ལི་རབ་ཏུ་བསྟན། །ཅེས་སོ། །ཀུན་འདུས་རིག་པའི་མདོ་ལས། འགྲོ་དྲུག་རྒྱལ་བའི་སྲས་པོ་འདི། །མ་རྟོགས་ལོག་པར་འཁྱམས་པ་རྣམས། །རྒྱལ་བའི་སྲས་སུ་བསྐྱེད་ནས་ནི། །འཁོར་བའི་རྒྱུན་ལམ་བཅད་པར་བྱ། །ཉི་ཟླའི་ནང་དུ་བཞག་ནས་ནི། །བཅུ་དྲུག་ས་ལ་རྫོགས་པར་འགྱུར། །དེ་ནས་རིག་མ་མཚན་ལྡན་ལ། །དོན་དང་ལྡན་པའི་མཁས་པ་ཡིས། །སྦྱོར་བའི་ཡན་ལག་ཀུན་རྫོགས་ནས། །ཡུམ་གྱི་མཁའ་དབྱིངས་ཟླ་གམ་ལ། །གྲུབ་པའི་གཞལ་ཡས་ཁང་དུ་བསྐྱེད། །རྩིབས་བརྒྱད་ཟླ་གམ་དགུར་གསལ་ལ། །བྱང་ཆུབ་སེམས་དཔའི་ཕྱག་རྒྱའི་ཚོགས། །ལྷ་དགུར་གསལ་བའི་ཡེ་ཤེས་བསྐྱེད། །དེས་ནི་ཐམས་ཅད་རྫོགས་པར་འགྱུར། །ཞེས་དང་། དེ་ནས་སེམས་དཔའི་རྡོ་རྗེ་སྙིང་པོ་དེ་མི་འགྱུར་བ་གཏན་འཕོ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །རྣལ་འབྱོར་རིག་འཛིན་གང་ཞིག་རྣམས། །མི་འཕོ་བར་ནི་གནས་འདོད་པས། །ལོ་གཅིག་གམ་ནི་ཟླ་གཅིག་གམ། །དེ་བཞིན་ཞག་གི་རྣམ་གྲངས་ཀྱང་། །བཅོ་ལྔའམ་ཡང་ན་བདུན་བར་དུ། །ཐོ་རང་ཐུན་ཐའི་དང་པོའི་ཚེ། །རིག་འཛིན་རྣལ་འབྱོར་སྒྲུབ་པ་པོ། །ཤར་གྱི་ཕྱོགས་སུ་ཁ་བལྟས་ཏེ། །ཤར་ཕྱོགས་ནམ་མཁའ་བསྡུས་པ་ཡི། །ལྷ་ཀླུ་གནོད་སྦྱིན་འཇིག་རྟེན་བཅས། །ཐམས་ཅད་ཁོངས་སུ་བསྡུས་ནས་ཀྱང་། །དབུགས་དེ་སླར་ཡང་མི་དབྱུང་བར། །རང་གི་ཁོང་དུ་བསྟིམ་པར་བྱ། །ཐ་མར་སྣ་ཡི་ནང་དུ་བསྲེ། །དེ་ལྟར་མང་པོར་བསྒྲུབས་པ་དང་། །དཔལ་ཆེ་གཟི་བརྗིད་ཐམས་ཅད་ཐོབ། །ཅེས་གསུངས་སོ། །ཞེས་པ་འདི་ལེའུ་བཅུ་གཅིག་པ་ལས་རྡོ་རྗེ་ཚེ་སྒྲུབ་པ་ལས། གསུངས་པ་སྟེ་ནམ་མཁའ་ཟས་སུ་ཟ་བའི་ཚེ་སྒྲུབ་ཁྱད་པར་ཅན་གྱི་མན་ངག་གོ། །ཨྠིྀ། །རྡོ་རྗེ་ཚེ་སྒྲུབ་པ་འདི་ལུང་ལུགས་ཀྱི་ཚེ་སྒྲུབ་དང་། འདི་འོག་བདུད་རྩི་སྨན་གྱི་སྒྲུབ་པ་ཡང་བསྟན་ཏོ།། །། ༈ དེ་ལ་སྤྱིར་ལུང་ཨ་ནུ་ཡོ་གའི་ལུགས་ཀྱིས། རྟོགས་བྱ་གཞི་དང་རྟོགས་བྱེད་ཀྱི་ལམ་གཉིས་རྣལ་འབྱོར་གསུམ་དུ་བསྡུས་ནས་བཤད་དེ། ཇི་སྐད་དུ། སྤྱི་མདོ་ལས། གྲོགས་པོ་དག །དེ་བས་ན་བསམ་གྱིས་མི་ཁྱབ་པའི་རྣམ་པ་གང་ཞེ་ན། འདི་ལྟར་བསམ་གྱིས་མི་ཁྱབ་པའི་ཆོས་ཐམས་ཅད་ཀྱི་རྣམ་པ་ནི། རྣལ་འབྱོར་རྣམ་པ་གསུམ་གྱིས་ཡོངས་སུ་འབྲེལ་བ་སྟེ། གསུམ་གང་ཞེ་ན། བྱ་བའི་རྣལ་འབྱོར་དང་། བྱ་བ་བྱེད་པའི་རྣལ་འབྱོར་དང་། བྱ་བ་མེད་པའི་རྣལ་འབྱོར་རོ། །ཞེས་དང་། རྩ་རྒྱུད་ཀུན་འདུས་ལས། ཆོས་ཐམས་ཅད་ནི་རྣལ་འབྱོར་རྣམ་པ་གསུམ་དུ་འདུས་པར་ཤེས་པར་བྱའོ། །གསུམ་གང་ཞེ་ན། རྒྱུའི་རྣལ་འབྱོར་དང་། རྐྱེན་གྱི་རྣལ་འབྱོར་དང་། འབྲས་བུའི་རྣལ་འབྱོར་རོ། །ཞེས་གསུངས་ཤིང་། རྩ་བཤད་ཀྱི་རྒྱུད་དེ་གཉིས་ཀྱི་ལུང་དོན་དགོངས་པ་གཅིག་ཏུ་བསྒྲིལ་ནས་ཐ་སྙད་བཏགས་པ་ནི། མདོ་འགྲེལ་ལུང་བསྟན་མ་ལས། ཇི་སྙེད་ཆོས་རྣམས་འདིར་འདུས་ལ། །འདི་ཉིད་རྣལ་འབྱོར་གསུམ་དུ་གནས། །རྒྱུ་དང་རྐྱེན་དང་འབྲས་བུ་རྣམས། །བྱ་དང་བྱེད་དང་བྱར་མེད་དོ། །ཇི་སྙེད་ཆོས་རྣམས་ཐམས་ཅད་ཀུན། །ནང་དང་ཕྱི་དང་ཕྱི་ནང་ཆོས། །སངས་རྒྱས་སེམས་ཅན་དབྱེར་མེད་པས། །དང་པོའི་རྣལ་འབྱོར་དུ་བཤད་དོ། །ཞེས་དང་། དོན་བསྡུས་ལས་ཀྱང་། ཀུན་བཟང་ཐུགས་རྗེས་འགྲོ་དོན་དུ། །ཐེག་པ་གསུམ་སྣང་འདུལ་མཛད་པའི། །དོན་དམ་ངེས་པའི་ཐེག་པ་ལས། །གསང་སྒོ་མཚོན་པའི་མདོ་རྒྱུད་དོན། །རྣམ་པ་གསུམ་དུ་ཤེས་བྱ་སྟེ། །བྱ་བ་རྒྱུ་དང་བྱེད་པ་རྐྱེན། །བྱ་བྲལ་འབྲས་བུའི་རྣལ་འབྱོར་དག །ཇི་སྙེད་ཆོས་ཀྱི་རྩ་བར་བཤད། །ཅེས་པས་བྱ་བ་རྒྱུའི་རྣལ་འབྱོར། བྱེད་པ་རྐྱེན་གྱི་རྣལ་འབྱོར། བྱ་བྲལ་འབྲས་བུའི་རྣལ་འབྱོར་དང་གསུམ། དང་པོ་ནི། ཆོས་ཐམས་ཅད་ཀྱི་གཤིས་ལུགས་དཀྱིལ་འཁོར་རྣམ་གསུམ་མ་འདྲེས་ཡོངས་རྫོགས་སུ་གནས་པ་ཉིད་ཡིན་ཏེ། དེ་ལས། ཕྱི་ནང་བྱེ་བྲག་ཇི་སྙེད་པའི། །ཆོས་རྣམས་ཐམས་ཅད་བྱང་ཆུབ་སེམས། །ཇི་བཞིན་དང་དུ་ཡེ་གནས་པ། །ཤེས་པར་བྱ་བའི་རྒྱུད་དོན་ཡིན། །ཞེས་སོ། །གཉིས་པ་ནི། ལམ་གྱི་རྩོལ་བ་དང་བཅས་པའི་བྱེད་པས་འཁོར་བ་ལས་འདྲེན་ཅིང་རང་རང་གི་འདོད་པའི་འབྲས་བུར་འཇུག་པར་བྱེད་པ་ཉན་རང་བྱང་སེམས་ཀྱི་ཐེག་པ་གསུམ་སྟེ། དེ་ལས། གཞན་དུ་འབྲས་བུ་རེ་རྩོལ་མེད། །བསྒྲུབ་བྱ་ཉིད་ལ་ལམ་གནས་པས། །ཐབས་ཆེན་ཐེག་འདི་བྱ་བྲལ་བའོ། །ཞེས་སོ། །དེ་ལ་རྐྱེན་འབྲས་ཀྱི་རྣལ་འབྱོར་གཉིས་པོ་དེ་ལ་ཐུན་མོང་སྤྱིའི་ལམ་ཞེས་བྱ་ཞིང་། དེའི་ནང་ནས་ཀྱང་མདོ་ཁྱད་པར་ཅན་གྱི་ལམ་ལ་དབྱེ་ན། དེ་ལས། ངོ་བོ་ཐབས་དང་ཤེས་རབ་སྟེ། །ཞེས་པས། ཐབས་ཀྱི་ངེས་པའི་ལམ་དང་། ཤེས་རབ་རྣམ་པར་གྲོལ་བའི་ལམ་གཉིས་སུ་གྲངས་ངེས་པ་ལས། དང་པོ་ནི། ཞུ་བདེ་འགྱུར་མེད་ཀྱི་བདེ་ཆེན་ལྷན་ཅིག་སྐྱེས་པའི་ཡེ་ཤེས་སྒྲུབ་པའི་ཐབས་གང་ཞིག །འཁོར་ལོ་བཞིའི་སྒོམ་ཐབས་ལ་བརྟེན་ནས་ལྷན་སྐྱེས་ཀྱི་ཡེ་ཤེས་རིམ་གྱིས་འདྲེན་པའི་ཐབས་སྟེང་སྒོའི་མན་ངག་དང་། མཁའ་གསང་གཉིས་ཀྱི་སྙོམས་འཇུག་ལ་བརྟེན་ནས་ལྷན་སྐྱེས་ཀྱི་ཡེ་ཤེས་གཅིག་ཅར་དུ་འདྲེན་པའི་ཐབས་འོག་སྒོའི་མན་ངག་གཉིས་ཏེ། དེ་ལས། རོལ་པའི་ཀར་ལ་སོགས་པ། །མན་ངག་ཐབས་ཀྱིས་དེར་འཇུག་དང་། །ཞེས་གསུངས། གཉིས་པ་ནི། དེའི་འཕྲོས་ལས། ཐོས་བསམ་སྒོམ་པའི་ཚུལ་འགྲོ་བའོ། །དེར་ནི་འཇུག་པ་རྣམ་གསུམ་སྟེ། །རྟོག་དཔྱོད་དོན་དང་ཡི་གེ་ཡི། །རྗེས་འཇུག་ཅེས་པས། རྟོག་དཔྱོད་ཀྱི་རྗེས་སུ་འཇུག་པ་ལྟ་བ་གཏན་ལ་དབབ་པ་ནི་ལམ་སྒོམ་པའི་སྔོན་དུ་འགྲོ་དགོས་ཏེ། དེ་ཡང་ཆོས་ཅན་ཤེས་བྱའི་དོན་ལ། ཤེས་བྱེད་རིགས་པའི་གཏན་ཚིགས་རྣམས་ཀྱིས་སོ་སོར་བརྟགས་པས་ཆོས་ཐམས་ཅད་གནས་ལུགས་ཆོས་ཉིད་ཇི་བཞིན་པ་དཀྱིལ་འཁོར་རྣམ་གསུམ་དབྱེར་མེད་བསམ་བརྗོད་དང་བྲལ་བར་གཏན་ལ་ཕེབས་པ་ནི་གྲུབ་མཐའོ། །དོན་གྱི་རྗེས་སུ་འཇུག་པ་ནི། རྣམ་པར་མི་རྟོག་པའི་ཏིང་ངེ་འཛིན་བསྒོམ་པའི་རིམ་པ་ཡིན་ཏེ། བསྒོམ་བྱའི་དོན་ཆོས་ཉིད་སྙིང་པོ་ཇི་བཞིན་པའི་ངང་ལ། སྒོམ་བྱེད་ཀྱི་བློ་དེ་བཞིན་པར་བཞག་ནས་བསྒོམ་པའི་ཕྱིར། དེ་ལྟར་ཡང་སྤྱི་མདོ་ལས། ཇི་བཞིན་པ་ཡི་ཆོས་ཉིད་ལ། །དེ་བཞིན་བ་ཡི་བློ་བཞག་ནས། །བརྗོད་པ་མེད་པའི་ངང་ཉིད་ལས། །མ་ཡེངས་རྒྱུན་དུ་དྲན་པའོ། །ཞེས་སོ། །ཡི་གེའི་རྗེས་སུ་འཇུག་པ་ནི། མཚན་བཅས་ལྷའི་ཏིང་ངེ་འཛིན་སྒོམ་པའི་རིམ་པ་སྟེ། བསྐྱེད་སྔགས་བརྗོད་པ་ཙམ་གྱིས་ཆུ་ལས་ཉ་ལྡང་བ་ལྟར་སྣོད་བཅུད་ལྷའི་དཀྱིལ་འཁོར་དུ་གསལ་ལ་མ་འདྲེས་པར་བསྒོམ་པ་གཙོ་བོར་བྱེད་པའི་ཉམས་ལེན་ནོ། །དེ་ལྟར་ཡང་བང་མཛོད་འཕྲུལ་ལྡེ་ལས། ཨ་ནུ་ཡོ་གའི་ཐེག་པར་ནི། །སྙིང་པོ་ཙམ་ཞིག་བརྗོད་བྱས་པས། །མ་བསྐྱེད་རྫོགས་པའི་ལྷ་རུ་བསྒོམ། །ཞེས་སོ། །དེ་ཡང་བློ་ཆེ་བ་གཅིག་ཅར་པས་ནི། ཆིག་ཆོད་དུ་རྟོགས་གོམས་མཐར་ཕྱིན་པར་བྱེད་པས་ས་ལམ་རིམ་པར་བགྲོད་པའི་རྩོལ་བ་དང་བྲལ་བ་ཡིན་ལ། བློ་ཆུང་འབྲིང་གཉིས་ནི། ས་བཅུས་བསྡུས་པའི་སློབ་ལམ་བཞི་རིམ་གྱིས་སམ། ཐོད་རྒལ་གང་རུང་གིས་བགྲོད་ནས། མི་སློབ་པའི་ལམ་མཐར་ཐུག་གི་འབྲས་བུ་ལ་སྦྱོར་བར་བྱེད་པ་སྟེ། དེ་ལ་ས་བཅུ་གང་ཞེ་ན། དང་པོ་འགྱུར་བ་མ་ངེས་པའི་ས། གཉིས་པ་བརྟེན་པ་གཞིའི་ས། གསུམ་པ་གལ་ཆེན་སྦྱོང་བའི་ས། བཞི་པ་བསླབ་པ་རྒྱུན་གྱི་ས། ལྔ་པ་བསོད་ནམས་རྟེན་གྱི་ས། དྲུག་པ་བརྟེན་པས་ཁྱད་པར་དུ་འགྲོ་བའི་ས། བདུན་པ་དམིགས་པས་འབྲས་བུ་སྐྱེ་བའི་ས། བརྒྱད་པ་གནས་མི་འགྱུར་པའི་ས། དགུ་པ་བརྡལ་བ་ཆོས་ཉིད་ཀྱི་ས། བཅུ་པ་རྫོགས་པ་སྤྱི་ཆིབས་ཀྱི་ས་རྣམས་སོ། །དེ་དག་ཀྱང་འདུན་པ་སྐྱེ་བའི་སྐབས་སོགས་ས་བཅུ་པོ་རེ་རེ་དང་སྦྱར་བའི་གནས་སྐབས་བཅུར། ཆོས་ཉིད་སྙིང་པོ་ཇི་བཞིན་པའི་རྗེས་སུ་འཇུག་པའི་རང་སའི་ལམ་ན་འཕར་པའི་རིམ་པ་ལྟར་བསྒོམས་པས། ས་བཅུ་རང་རང་གི་སྤྱད་བྱ། རྐྱེན་འགྱུར་ལས་ཀྱི་བག་ཆགས་རགས་ཕྲ་གཉིས་དང་། མངོན་དུ་རྒྱུའི་བག་ཆགས་རགས་འབྲིང་ཕྲ་གསུམ་དང་། ཀུན་འགྲོ་དང་། ལྷན་ཅིག་གནས་པ་དང་། བག་ལ་ཉལ་རགས་འབྲིང་ཕྲ་གསུམ་གྱི་སྒྲིབ་པ་རྣམས་རིམ་པར་དག་ནས། ས་གོང་མ་གོང་མ་ལ་སྦྱོར་བའི་གཡོ་བ་བྱང་ཆུབ་ཀྱི་སེམས་ལ་སོགས་ཏེ་སེམས་བཅུ་པོ་དཔེ་སྐར་མ་ཕྲ་མོ་ལྟ་བུ་ལ་སོགས་ས་བཅུ་དང་སྦྱར་ནས་བགྲོད་པར་རྩ་རྒྱུད་ཀུན་འདུས་ཀྱི་ལེའུ་གཉིས་པ་སོགས་མདོའི་རྩ་བཤད་ཀྱི་རྒྱུད་དང་མན་ངག་རྣམས་ལས་རྒྱ་ཆེར་གསུངས་སོ། །དེ་རྣམས་སློབ་པའི་ལམ་བཞིས་ཇི་ལྟར་བསྡུས་ཚུལ་ནི། ས་དང་པོ་དང་གཉིས་པ་གཉིས་ཚོགས་ལམ་འདུན་པ་སེམས་པའི་རྣལ་འབྱོར་གྱིས་བསྡུས་ཏེ། དེ་ཐོབ་པས་སྤྱན་དང་མངོན་ཤེས་དང་རྫུ་འཕྲུལ་ཕྲ་མོས་སྤྲུལ་སྒྱུར་ནུས་པ་སོགས་ཐུན་མོང་གི་དངོས་གྲུབ་རྣམས་རིམ་གྱིས་གྲུབ་ཅིང་སངས་རྒྱས་སྤྲུལ་པའི་སྐུའི་ཞལ་མཐོང་བ་སོགས་ཚོགས་ལམ་གྱི་ཡོན་ཏན་རྣམས་འཆར་རོ། །དེ་ནས་ས་གསུམ་པ་བཞི་པ་ལྔ་པ་གསུམ་ནི་སྦྱོར་ལམ་རིགས་ཆེན་འབྱེད་པའི་རྣལ་འབྱོར་གྱིས་བསྡུས་ཏེ། དེ་རླུང་སེམས་ཙམ་གྱི་ལྷ་སྐུ་གྲུབ་ཅིང་། ཉིན་སྣང་མཚན་སྣང་གི་བར་མཚམས་མེད་བར་ཐམས་ཅད་སྒྱུ་མ་ལྟ་བུར་རྟོགས་པ་སོགས་སྦྱོར་ལམ་གྱི་ཡོན་ཏན་རྣམས་འཆར་རོ། །དེ་ཉིད་དུ་ཚོགས་ཀྱི་སྤྱོད་པའི་ཉེ་རྒྱུ་སྤྱད་པས། ཁུ་རྡུལ་རླུང་ཡིད་ཀྱི་འགྱུར་པ་རགས་པ་བཅོམ་སྟེ། འཇིགས་པ་ལྔ་དང་བྲལ་ཞིང་ཟག་པ་ཟད་ནས། དྲུག་པ་བརྟེན་པས་ཁྱད་པར་དུ་འགྲོ་བའི་ས་མཐོང་ལམ་དབུགས་ཆེན་ཕྱིན་པའི་རྣལ་འབྱོར་གྱིས་བསྡུས་པ། ཆོས་ཉིད་རང་མཚན་མངོན་སུམ་དུ་མཐོང་བའི་སྟོབས་ཀྱིས་བདེ་སྟོང་ཡེ་ཤེས་འོད་གསལ་གྱི་ལྷ་སྐུ་གྲུབ་ཅིང་། ཡོན་ཏན་བརྒྱ་ཕྲག་བཅུ་གཉིས་ལ་དབང་ཐོབ། ལོངས་སྐུ་རིགས་ལྔའི་ཞིང་བགྲོད་ནས་ཆོས་ཉན་པ་སོགས་མཐོང་ལམ་གྱི་ཡོན་ཏན་ཐམས་ཅད་འཆར་རོ། །དེ་ནས་མཐོང་ལམ་འོད་གསལ་ལས་ལངས་པའི་རྗེས་ལ་མངོན་རྟོགས། བདུན་པ་དམིགས་པས་འབྲས་བུ་སྐྱེ་བའི་ས་སྒོམ་ལམ་ལུང་ཆེན་ཐོབ་པའི་རྣལ་འབྱོར་གྱིས་བསྡུས་པ་ཐོབ་པས་ཆོས་ཉིད་རྟོགས་པའི་ཡེ་ཤེས་དང་དག་པ་ལྷ་སྐུའི་སྣང་བ་རྒྱུན་མི་འཆད་པ་ཟུང་འཇུག་གི་སྐུ་འགྲུབ་ཅིང་། དེ་ནས་ས་བརྒྱད་པ་དགུ་པ། བཅུ་པ་གསུམ་ནི་མཐར་ལམ་རྩལ་ཆེན་རྫོགས་པའི་རྣལ་འབྱོར་གྱིས་བསྡུས་པ་ཡིན་ལ། དེ་ལྟར་བསྒོམ་མཐར་གྱི་ལམ་གྱི་ས་བཞི་པོ་དེ་ཐུན་མོང་བ་ལྟར་ན། སྒོམ་ལམ་རྒྱུན་མཐའ་དང་བཅས་པའི་ས་དགུས་བསྡུས་པས་ན། དེ་རྣམས་སུ་སྔར་མཐོང་ལམ་གྱི་ཡོན་ཏན་བརྒྱ་ཕྲག་བཅུ་གཉིས་པོ་དེ་སྟོང་དུ་འགྱུར་ནས། ཞིང་ཁམས་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་དང་མཉམ་པའི་བར་དུ་རིམ་བར་འཕེལ་ཞིང་། ཆོ་འཕྲུལ་བཞི་དང་། དབང་བཅུ་ལ་སོགས་པའི་ཡོན་ཏན་རྣམས་འཆར་བ་ཡིན་ནོ། །དེ་ལྟར་སློབ་པའི་ལམ་བཞིར་ཟུང་འཇུག་གི་ལམ་ཉམས་སུ་བླངས་པས་མཐར་ཕྱིན་པའི་འབྲས་བུ་མི་སློབ་པའི་ལམ་བརྙེས་ཏེ། མདོ་སྡེ་རྒྱན་ལས། སྒོམ་པ་ཐ་མ་རྫོགས་ནས་ནི། །འོད་ཟེར་ཆེན་པོས་དབང་བསྐུར་བ། །ཞེས་འབྱུང་བ་ལྟར་སྔགས་ཀྱི་ཐེག་པར། སློབ་ལམ་གྱི་རྩེ་མོ་ས་བཅུ་རྒྱུན་གྱི་ཐ་མར་འདོད་ཆགས་ཆེན་པོའི་ལམ་གྱི་འབྲས་བུའི་དབང་བསྐུར་བས་དགའ་བཞི་ལུགས་འབྱུང་ལྡོག་གི་མཐར་ཁུ་རྡུལ་ཕྲ་མོ་སྟེང་འོག་ཏུ་འགག་ཅིང་། དེའི་སྐད་ཅིག་གཉིས་པར་རླུང་ཕྲ་མོ་འགགས་པས། འགྱུར་བ་དེ་མྱོང་བའི་ཤེས་རིག་ཕྲ་མོའང་རྒྱུན་ཆད་པ་ན། སྤྱི་མདོ་ལས། གཞན་ནས་མ་བྱུང་རང་བྱུང་བ། །ཞེས་དང་། ལུང་བསྟན་པ་ལས། ཐ་མ་ཡིད་བཞིན་ནོར་བུ་ལྟར། །མ་བསགས་ཟད་འཕེལ་མེད་པའི་སྐུ། །གདུལ་བྱའི་དོན་སྣང་དངོས་གཞི་མེད། །ལྷུན་གྲུབ་ཡོན་ཏན་རང་སྣང་བའོ། །ཞེས་གསུངས་པ་ལྟར་གཞི་ལ་ཡོན་ཏན་ལྷུན་གྲུབ་ཏུ་བཞུགས་པ་ཉིད་མངོན་དུ་གྱུར་པ་ཙམ་ལས། དོན་དམ་པར་དྲི་མ་སྔར་ཡོད་བསལ་རྒྱུ་དང་ཡོན་ཏན་སྔར་མེད་སྒྲུབ་ཏུ་མེད་ཀྱང་། སྣང་ལུགས་ལ་གློ་བུར་གྱི་དྲི་མ་མཐའ་དག་བྲལ་སྟོབས་ཀྱིས་སྤངས་རྟོགས་ཡོན་ཏན་གསར་དུ་ཐོབ་པ་ལྟར་སྣང་སྟེ། མི་སློབ་པའི་ཟུང་འཇུག་འབྲས་བུའི་ཆོས་ལྔའམ་ཉི་ཤུ་རྩ་ལྔ་དབྱེར་མེད་ལྷུན་གྲུབ་ཀྱི་ངོ་བོ་སྐུ་བཞི་ཡེ་ཤེས་ལྔའི་བདག་ཉིད་དཔལ་ཀུན་ཏུ་བཟང་པོའི་གོ་འཕང་ལ་དབང་འབྱོར་བས། རྟག་ཁྱབ་ལྷུན་གྱིས་གྲུབ་པའི་ཕྲིན་ལས་ཀྱི་དོན་མཛད་དོ། །དེ་ལྟར་ཡང་དོན་བསྡུས་ལས། འབྲས་བུ་ཉིད་ནི་རྫོགས་སངས་རྒྱས། །སྐུ་གསུང་ཐུགས་དང་ཡོན་ཏན་ལས། །ཉི་ཤུ་རྩ་ལྔ་བསྡུས་མཐའ་ཡས། །ལྷུན་རྫོགས་རྣམ་ཀུན་མཁྱེན་པའོ། །ཞེས་གསུངས་སོ། ། ༈

སཾ་གྲ་ཧ་སཱུ་ཏྲའི་དབང་གི་སྤྱི་དོན་རྒྱུད་ལུང་མན་ངག་གི་གནད་གསལ་བྱེད་སྒྲོན་མེ་ལས། དེ་ཡང་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་དགོངས་པ་ཟུང་འཇུག་རོ་གཅིག་ཏུ་བཞུགས་པའི་བདག་ཉིད། འཕགས་མཆོག་རྣམས་ཀྱི་ཐུགས་སུ་ལེགས་པར་ཆུད་ཅིང་། ཐར་འདོད་ཀྱི་སྐྱེས་བུ་རྣམས་ཀྱིས་རྟོགས་པར་བྱ་བའི་ཡུལ་ནི། དབྱིངས་དང་ཡེ་ཤེས་ཟུང་དུ་འཇུག་པའི་མཚན་ཉིད་ཅན། དཀྱིལ་འཁོར་རྣམ་གསུམ་དབྱེར་མེད་སྲས་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་ཆོས་ཐམས་ཅད་ཡེ་ནས་སངས་རྒྱས་པ་ཉིད་དེ། སྤྱི་མདོ་དགོངས་པ་འདུས་པ་ལས། ཐམས་ཅད་བདག་ཉིད་དེར་གཅིག་པས། །ཡེ་ནས་སངས་རྒྱས་བདེ་ཆེན་ཉིད། །སྐྱེ་འགགས་མེད་པའི་སྙིང་པོ་ཡིན། །བྱ་བྱེད་མེད་པའི་དཀྱིལ་འཁོར་གསུམ། །ཡེ་ནས་གྲུབ་ཟིན་ལྷུན་གྱིས་གྲུབ། །ཅེས་གསུངས། །དེ་ཡང་དཀྱིལ་འཁོར་རྣམ་གསུམ་གང་ཞེ་ན། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སེམས་ཀྱི་རང་རྩལ་དུ་འདུ་ཞིང་། སེམས་ཉིད་སྐྱེ་མེད་སྤྲོས་པ་དང་བྲལ་བ་ནི་ཡུམ་ཀུན་ཏུ་བཟང་མོའི་མཁའ་ཀློང་རྣམ་པར་དག་པ་ཡེ་ཇི་བཞིན་པའི་དཀྱིལ་འཁོར་ཏེ། དེ་ལས། ཐམས་ཅད་ཀྱི་རང་བཞིན་གང་ལགས་པ་དེ་མ་བཅོས་མ་བསླད་མ་བྱུང་མ་སྐྱེས་ཇི་བཞིན་པའི་དེ་ཁོ་ན་ཉིད་ཡེ་ཇི་བཞིན་པའི་དཀྱིལ་འཁོར་དུ་མཐོང་ལགས་སོ། །ཞེས་སོ། །དེ་ཉིད་ཐམས་ཅད་དུ་མ་འགགས་པར་རང་སྣང་རིས་མེད་ཀུན་ཁྱབ་ཏུ་ཤར་བ་ནི། ཀུན་ཏུ་བཟང་པོ་རང་བྱུང་གི་ཡེ་ཤེས་རང་བཞིན་ལྷུན་གྲུབ་ཀྱི་དཀྱིལ་འཁོར་ཏེ། ཐམས་ཅད་ཀྱིས་དེ་ཉིད་དུ་སངས་རྒྱས་ཏེ་ཀུན་ལ་ཁྱབ་པའི་སླད་དུ་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ་མཐོང་ལགས་སོ། །ཞེས་སོ། །དེ་གཉིས་ཀྱང་ངོ་བོ་ཐ་མི་དད་པར་ཟུང་འཇུག་ཏུ་གནས་པ་ནི། དབྱིངས་དང་ཡེ་ཤེས་གཉིས་སུ་མེད་པའི་སྲས་བདེ་བ་ཆེན་པོ་རྩ་བ་བྱང་ཆུབ་སེམས་ཀྱི་དཀྱིལ་འཁོར་ཏེ། ཐམས་ཅད་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་མཐོང་ལགས་སོ། །ཞེས་གསུངས་པའི་ཕྱིར། །ཞེས་སོ། ། ༈

[edit]

ye shes bzhi ni sogs tshig don/ ye shes bzhi ni/_chos dbyings ye shes kun gyi khyab byed du gyur pas logs su ma bgrangs pa'i lhag ma bzhi'o//___//_! 'chad thabs kyi skyon spong ba'i skabs/__rdo rje theg pa na babs kyi skyon ni/__theg pa gong ma 'og mar babs pa'i skyon no/__/yo ga 'brog 'chol ba ni go rim 'chol ba/__rin po che rtsar 'chol ba'i skyon ni/__rin po che rtsar la brgyud pa'i dus su legs par bsdeb ma shes na/__gnas skabs su blta ba la yang mi mdzes shing /__rgyal khrims chen po yod pa'i sar chad pa 'byung ba bzhin no/__/zhes lam rim gyi TI ka las so/___/__!_ bshad thabs 'dren pa'i tshig bcu'i skabs/__ldems dgongs gsang ba brgyad kyis sbyar/__/ces pa ni/__gzhug pa/__mtshan nyid/__gnyen po/__bsgyur ba ldems dgongs te bzhi po re re la'ang /__tshig ldems po dang /__don dgongs pa gnyis re phye bas brgyad du 'gyur te/__de la dang po ni/__dper na gang zag kha cig sems zhums nas gsang sngags kyi sgor zhugs mi nus pa rnams la/__gsang sngags kyi don rtogs par sla ba'i tshul gyis tshig ldems por brjod pa ni don gnas lugs rang la rang chas lhun grub tu bzhugs pa la dgongs pa ste/__drang gi tshig thams cad la ngos bzung ngo /__/gnyis pa ni/__dbu mas dbyings spros bral du 'dod pa dang mthun par gsang sngags kyang spros bral du 'dod pas lta ba la khyad par med ces tshig ldems por brjod pa ni/__don mtha' bral lhun grub kyi lta ba la dgongs pa ste/__sgra mthun don dpag gi gtan tshigs thams cad la ngos bzung ngo /__/gsum pa ni/__gsang sngags sla chos su mthong zhing don du mi gnyer ba rnams la tshig gis bsgribs nas dka' ba ltar byed cing thabs kyis 'dzud dgos pa'i phyir/__'di skad du/__pha dang ma ni gsad bya zhing /__/rgyal po yul 'khor bcas bcom na/__/mi de thar pa thob par 'gyur/__/zhes pa la sogs pa'i tshig ldems por brjod pa ni/__don gzung 'dzin dang rnam shes tshogs brgyad 'khor dang bcas pa gnas su dag nas thar pa thob pa la dgongs pa ste/__ma spangs shing mi ldan pa'i gtan tshigs thams cad la ngos bzung ngo /__/bzhi pa ni/__theg pa 'og ma'i sgor zhugs pa'i gang zag phal cher rang gi yon tan gyis sems khengs nas/__gsang sngags la brnyas pa byed cing don du mi gnyer ba rnams la/__de dang de'i lam gyis 'bras bu mi thob pas yon tan dman pa'i tshul gyis tshig ldems por brjod pa ni/__don gsang sngags la ma brten par mthar thug gi 'bras bu mi thob pa la dgongs pa ste/__gsang sngags kyi che yon thams cad la ngos bzung ngo /___/__!_ khre'ur zhes pa ni mang po las logs su btus pa'i don/___/__!_ mi gnyis pa ni gnyis su med pa/___/__!_ sems lnga po de thun mong gi theg pa la sbyar ba'i tshe thun mong dang /__sngags la sbyar ba'i tshe mchog gi sems lnga'am/__yang lam spyir brtsi ba thun mong dang /__thabs lam gyi skabs khams kyi 'gros la brtsi bar mchog gi sems su bzhed do/___/__!_ lta ba'i skabs nyams su len byed lam gyi rim pa'i lha grangs dang /__blang bya rgyud don gyi lha grangs gnyis kyi/__dang po ni/__khyab byed lam kun khyab bya lta bas khyab pa'i phyir lam gyi lha grangs dgu ste/__lam rim las/__mnyam nyid ngang gis mi skrag pa/__/mngon byang nges pa'i shes rab 1dang /__/rnam pa kun ldan stong chen 2mthong /__/rang rig ye shes snying rjes 3gzigs/__/phyag rgya gcig sku 4'bras bur lta/__/thams cad gsal ba'i lta 5ba dang /__/bar chad med pa'i tshogs chen 6mthong /__/dbang 7bsgyur mnyam nyid mi 8g.yo ba/__/ye shes kun mkhyen lta ba 9dgu/__/zhes gsungs te/__de'i don ni/__chos nyid bden pa dbyer med pa mnyam pa nyid kyi ngang las mi skrag pa'i bzod pa thob pas/__rang rig pa'i mngon sum sgro 'dogs dang bral bar gnas pa la yid ches pa'i nges pa gting tshugs par rnyed pa ni nges pa'i shes rab kyi lta 1ba/__rnam kun mchog ldan gyi stong pa chen po mthong ba'i ngang la gnas pa de bzhin nyid kyi lta 2ba/__yul yul can gnyis su med pa'i rang rig pa'i snying rje chen po'i ting 'dzin gyis ye shes sgyu mar gzigs pa kun snang snying rje chen po'i lta 3ba/__'bras bu dbyer med yi dam lha yi sku gcig snang stong zung 'jug tu gsal bar lta ba phyag 4rgya gcig pa'i lta ba/__rtog tshogs thams cad lha'i dkyil 'khor chen por gnyis med du gsal bar rtogs pa phyag rgya spros bcas kyi lta 5ba/__sbyor lam bar chad med pa'i lam du yo byad thams cad snang la rang bzhin med par spyod pas tshogs gnyis rdzogs par mthong ba sbyor lam tshom bu tshogs 6sgrub kyi lta ba/__rig pa la rang dbang bsgyur zhing zag med mngon du mthong ba mthong lam/__rnam smin tshe dbang gi lta ba 7/__chos nyid mnyam pa nyid kyi don las blo mi g.yo ba sgom lam phyag 8chen gyi lta ba/__mnyam gzhag gi ngang la thams cad mkhyen pa'i ye shes kun yul med du mkhyen cing mnga' ba thar lam lhun grub rig 'dzin gyi lta ba dang dgu'o/__/gnyis pa ni/__rgyud kyi dngos po thams cad la'ang khyab byed lta bas khyab pa'i phyir/__rgyud don gyi lha grangs dgu ste/__snga mar/__rgyud don gzungs kyis zin pa ni/__dam tshig dam tshig ces bya ba/__/rang gi lta ba dam tshig yin/__/zhes sogs mi 'da' ba dam tshig__/blang dor med pa spyod pa'i/__bkod pa dkyil 'khor gyi rol ba phrin las kyi/__gnas su stobs pa mchod pa'i/_rim pa dbang gi__don du gnyer ba sgrub pa'i/__nyams su len pa ting 'dzin gyi/__'ching grol med pa sngags dang phyag rgya'i lta ba rnams te/__de dag thams cad lta ba bden gnyis dbyer med kyi rgyas btab nas bsgom pa'i phyir ro/___/__!_ gong 'og 'gar/__ru zhes snang ba ni/__gu ru'i sgra bsdus pas bla ma la 'jug ste/__snga 'gyur gyi skabs 'dir bla ma la dbang phyug dang ru sogs kyi sgras smos pa mang ngo /___/__!_ brgyad dang bzhi la nges par ni/__stang dpyal gnyis kyi dkyil 'khor te/__phyag rgya dgu yi mtshan mas gdab/__/ces pa'i phyag rgya dgu ni/__sku gsung thugs kyi lha gsum/__ye shes sems dpa'/__dbu rgyan rigs lnga bcas so/___/__!_ go ma ye ni ba byung lnga dang /__sum cu ni bla med kyi bum rdzas sum cu'o/___/__!_ rgyu'i yi ge la yi ge bzhi bcu rtsa gnyis zhes pa'i/__rgyu'i yi ge a dang /__bzhi bcu rtsa gnyis ni ka nas k+ShaHyi bar gsal byed 34dang /__i I nas/__o au/__bar dbyangs brgyad de zhe gnyis so/___/__!_ las tshogs ni rgyud don gzhan rnams sgrub pa'i cha rkyen du 'gyur te/__gang 'dod pa'i spyod yul thams cad lhun gyis grub cing 'gal rkyen gyis mi 'phrog pas lta ba rtogs pa'am/__spyod pa spyad pa sogs la thogs pa med pa'i phyir ro/___/__!_ sbyin sreg skabs/__dug dang tsha ba sa gsum dang /__/zhes pa'i sa gsum ni yi ge nyams pa las/__don tu tshwa gsum zhes rgya tshwa/__rgyam tshwa/__kha ru tshwa gsum yin nam snyam/___/__!_ mut+ka'i chan ni sran ma'i chan/__dan ti li zhes pa dan+da rog po ste/__bal yul sogs su snum nag gi rgyu'o/___/__!_ stangs kyi sems zhes las bzhi gang yin gyi dmigs pa'i 'dzin stangs bar ma chad pa/___/_! sngags spu gri dang bcas pa zhes so/__/las bzhi so so'i sngags sham/__mnyam skyi_la ni bde lugs kyi skyil krung /__pad skyil long bu bsnol ba/__rus sbal gyi 'dug stangs ni stegs la hor 'dug byed pa/___/__!_ tshogs kyi 'khor lo'i yo byad kyi khyad par/__he ru ka galpo las/__rdo rje tshe dang gal phyis dang /__/tshe khrid dza gad dzag+ti dang /__/bran mo sham mo kun tu rgyug__/na ling ge rgyas la sogs bsham/__/zhes pa'i ngos 'dzin so so'i mchan gyis gsal ba bzhin no/___/__!_ thugs thig gi lung /__yi ge 'dus pa grub pa bzhi/__/mthu can red pa gang yin pa/__/bzhi rdzogs nyid las mi 'da' ba/__/gang la snang ba de ngo bo/__/zhes pa'i don/__sngags kyi ngo bo ni/__lus dang yan lag gi yi ge 'dus nas yi dam gyi lha gang yin pa bskyed pa na grub pa bzhi rang bzhin gyis ldan pa yin te/__chos nyid gnyug ma'i ye shes gzhom du med ba'i sngags kyi de kho na nyid rang la gdod nas rang chas su gnas pa ni chos nyid rang bzhin gyis grub pa/__rtsa rlung thig le rtog tshogs kyi rnam pa thams cad yi ge dang /__sngags dang /__phyag rgya'i dkyil 'khor chen por rang chas su shang ba ni chos can rang gi ngo bos grub pa/__de nyid skye 'gags med pa'i ye shes su rang snang bas sgrub pa po'i rgyud byin gyis brlabs pa byin rlabs kyis grub pa/__sngags kyi de kho na nyid rtogs shing goms pa'i sbyor bas mchog gi dngos grub sku lnga lhun gyis grub pa dang /__thun mong gi dngos grub la dbang 'byor ba mthus grub pa ste/__de lta bu'i sngags kyi nus pas dngos grub rnam gnyis la sbyor pa'i phyir nus mthu khyad par can du 'gyur ba ni sngags kyi ngo bo'o/__/phyag rgya'i ngo bo ni/__sku phyag chen/__gsung chos rgya/__thugs dam rgya/__'phro 'du phrin las bzhir rdzogs pa nyid las mi 'da' bas phyag rgya ste/__de lta bus rnal 'byor pa gang gi sgo gsum spyod yul dang bcas pa la rgyas btab par snang ba'o/___/__!_ tshe dbang rig 'dzin gyi skabs su/__ngo bo thabs dang sman rig 'dzin/__/rnal 'byor sgrol ma'i rig 'dzin dang /__/lam mchog rdzogs pa'i rig 'dzin bzhi/__/zhes pa'i don/__'di ltar tshe la dbang ba'i rig 'dzin ni sgras brjod rigs kyi phye pa'i dbang du byas na rgyu bzhi las byung ba ste/__rdo rje'i tshe sgrub pa'i thabs dang /__nye shing /__ra mo shag dang /__bdud rtsi lnga dang /__gzhan yang bcud len gyi sman sbyor ji snyed pa la brten nas tshe ring bar gyur pa dang /__dngos yid kyi phyag rgya la brten nas thabs lam steng sgo dang 'og sgo'i rnal 'byor gyis thig le dbab bzung bzlog dgram gyi sbyor bas dngul chu'i sbyor pas lcags rnams gser du bsgyur ba ltar snyigs ma dwangs ma'i lus su gyur nas tshe ring bar gyur pa dang /__sgrol ma'i rnal 'byor ni/__steng 'og gi 'khor lo dang /__steng 'og gi rlung rdo rje d+hU ti'i dbyings su kha sbyor gyi cho gas bcings pa las 'gog pa'i snyoms 'jug ltar tshe bskal par gnas pa dang /__lam mchog yongs su rdzogs pa ni/__de kho na nyid kyi don la phyin ci ma log pa'i goms pa brtas pas mthong lam zag pa med pa'i ye shes mngon sum du gyur pa'o/___/__!_ phyag chen gyi rig 'dzin la/__kr-i yas rigs gsum dbye ba ni/__spyir bya ba'i rgyud kyi bsgrub bya'i lha thams cad rigs drug tu 'du zhing /__de'ang bsdu na de bzhin gshegs pa dang /__pad+ma dang /__rdo rje'i rigs gsum du 'du pa las/__lam dus su sgrub pa pos gang la bsnyen pa'i lha de dang de yi rnam char shar ba'o/__/u b+ha yas rigs bzhir snang ba ni/__mi bskyod pa ma gtogs pa'i rigs lhag ma bzhi dang /__rnal 'byor gyi rgyud du rigs lngar snang ba ni spyi ltar ro/__/sarba mang+ga laM//___//_! gter chen rin po che'i bka' 'bum dris lan skor las/__yan lag brgyad pa ni/__sangs rgyas gsang ba'i lam rim du/__/yan lag brgyad kyi tshul bzung la/__/zhes pa'i don sgeg pa'i rdo rjes rgyun bshags rtsa bar/__rgyal ba 'khor bcas spyan drangs te/__/bla ma snying por bzhugs pa la/__/phyag skyabs mchod dang bshags pa dang /__/yi rangs sems bskyed lus dbul dang /__/byang chub chen por yongs su bsngo/__/zhes dang /__de'i las byang du/__rdo rje slob dpon sangs rgyas dpal/__/zhes sogs 'byung ba ste/__'di la mya ngan las mi 'da' ba dang /__chos 'khor bskul ba gnyis mi 'byung ba sngags kyi smon pa nges pa lnga ldan gyi dbang du byas pa'o/__/yan lag bcu pa ni/__bka' brgyud yongs rdzogs hU~M sgrub las/__bla ma yi dam mkha' 'gro gshegs:__zhes sogs gsungs pa ltar/__spyan 'dren bzhugs gsol sngon du 'gro ba'i yan lag bdun spyi ltar la/__smon lam khyad par ba zur du phye bas so/__/'brug pa thams cad mkhyen pa'i bka' lan du/__bka' brgyud rang bzhed gnas lugs phyag chen dbang la ma ltos pa dang /__bde stong phyag chen ltos par bzhed pa la/__sa paN gyis mthing slad mdzad pa'i skyon spong khyad par can gyi sgrub byed 'gos lo yab sras rtsal bshad mdzad pa'i rjes su/__bka' brgyud kyi mkhas pa phal cher 'brang na'ang /__chos grags rgya mtsho dang /__mi bskyod rdo rje/__phyis kyi rje btsun tA ra nA tha sogs kyis/__des kyang bka' brgyud gong ma'i dgongs pa'i gnad ma lon pas 'phral gyi skyon sel nyi tshe ba tsam las min tshul gsungs pa sogs dgongs pa mi mthun pa mang bas skyong dka' ba lta bur 'dug kyang /__rang re bka' brgyud gong ma'i bzhed pa de don la gnas sam snyam pa'i mos blo lam byed las so skye'i blo la nges pa mchis pa sogs/__'di skor rje pad dkar dang /__rje sangs rdor ba/__bya gshong klu sgrub pa/__thub bstan chos rnam pa sogs kyi brgal lan rgya cher 'dug__/dkar brgyud ces bri ba dang sgra bshad mdzad pa ni ma dag par bzhed snang /___/__!_ gtsug lag ni rgyal ba'i gsung rabs dang /__de gtso bor gyur pa'i rten gsum gyi bzhugs gnas la gtsug lag khang ngo /___/__!_ sku yi bkod pa snga ma bsdus nas phyi ma bzung bar skye ba dang /__sprul gzhi ma bsdus par sprul pa gzhan dag ston pa sprul pa zhes bzhed/___/__!_ chos kyi rgyal po'i mdo las/__lha dang bcas pa'i 'jig rten na/__/dkon mchog gsum po ma gtogs pa/__/yon gyi gnas 'ga' yod min pas/__/dngos po kun gyis de la mchod/__/ces so/__/__! zhabs brtan sogs kyi tshe/__sku rten du tshe dpag med dang thub dbang /__gsung rten du chos kyi dung dang gaN+Di ste/__chos kyi dung ni sgra chen ldan/__/chos kyi gaN+Di sgra bo che/__/zhes so/__/gzhan yang rdo rje dril bu/__glegs bam/__thugs rnam par grol ba'i ye shes lnga mtshon byed rigs lnga'i phyag rgya sogs yon tan gyi rten du sku yi nyer spyad/__phrin las kyi rten du phyag rtags tham zhu sogs/__rjes 'brel rgyal srid bdun dang /__bkra shis rdzas brgyad sogs 'bul na legs/___/__!_ gsar ma'i bla ma la las/__rgyal blon snga dar gyi dus su 'gyur ba'i sngags rnying ma yin kyang /__mdo de ltar ma yin pa'i dbang che'i stang gcod byas pa 'ga' re gser mdog paN chen sogs kyis yi ger bkod 'dug kyang /__rgya gar la don gyis gsar rnying gi khyad par yod kyang /__tha snyad la med pa dang /__bod du 'gyur snga phyi'i bye brag las de skad du tha snyad btags pas snga 'gyur gyi mdo sngags thams cad la rnying ma zhes bzhed pa rang 'thad/__/__! bsdus pa zhes pa'i sgra don/__ji skad du/__rgyal ba'i bka' dang de 'grel bstan bcos kyi/__/dgongs don ma lus legs par bsdus pas na/__/bsdus pa zhes su mkhas pas mtshan du btags/__/zhes ba ltar dang /__grwa ni de nyid slab pa'i sde tshan gyi grwa ste/__dper na/__bshad grwa/__sgrub grwa zer ba lta bu'o/_/slob dpon phya bas dbu ma/__phar phyin sogs la'ang bsdus pa re re mdzad cing /__khyad par tshad ma bsdus pa yid kyi mun sel rtsa 'grel mdzad pa nas shin tu dar ro/___/__!_ byin 'bebs kyi rdzas bla med spyir 'jug pa/__skyes bu gtsang ma'i byang sems dkar po/__bud med rigs bzang gi zla mtshan/__sngags pa nus ldan nam/__dge slong khrims ldan nam/__skyes pa gzhon nu'i dri che chung /__mi rims ngan pas shi ba ma yin pa'i klad pa sha chen gyi dwangs ma ste bdud rtsi lnga ni rtsa ba'i rdzas dang /__byi la nag po'i brun/__ra yi rkang lag gi nywa bzhi'i sha__/sgrub pa po'i skra sen phran bu/__gu gul dang bcas pa rnams las/__phyag len du/__rdzas gong ma rnams sne 'dzom tsam la/__dri shugs bskyed phyir ga bur/__dzA ti/__gur gum rnams cha phran re/__tsan+dan dkar dmar/__a ga ru/__khyad par stod kyi ar nag dang /__nA gi rnams gang mang /__de thams cad las 'phar ba'i gu gul nag po bungs bskyed pa rnams phye ril gang byed kyang byin gyis brlabs pa'i nang mchod kyis kha phru cung zad btab/__byin 'bebs kyi sngags kyis yun bsrings te bsgrub pa'am/__tha na'ang brgya rtsa tsam bzlas nas/__byin 'bebs kyi skabs yi dwags kyi me zhes ro sol gyi me rnyed na dang /__de min sol me gang rung la bsreg go___/__! bdag mdun tha dad pa ni/__thog mar bdag bskyed rdzogs par bsgoms nas 'khor rnams rang nyid gtso bo yab yum la bsdus te dkyil 'khor gyi dbus su phyin par mos la slar mdun bskyed bsgrub pa dang /__bdag gi rnal 'byor nyer bsdu'i bar du byas nas/__de'i 'od gsal dang de nyid mtshams sbyar nas mdun bskyed bsgom pa dong sprugs pad+ma brgya ldan du bshad pa ltar dang /__yang gyer tshig gcig gis bdag mdun bum gsum rnam pa ma 'dres pa me long dang gzugs brnyan gyi dpe ltar bsgom pa sogs kyang /__snga 'gyur gyi skabs su bye brag gi dmigs bsal med na/__rngams glog las/__de nas sngags pas mnyam gzhag ste/_/ting 'dzin dkyil 'khor gsal bar bsgom/__/gsal ba gnyis min dkyil 'khor du/__/rang bzhin kun rdzob spyan drangs te/__/dbab dang gzhug dang brtan pa'o/__/zhes bdag mdun dbyer med du gsungs pa nyid gtso bor bya ste/__de yang sgrub gzhi bdag dang bris pa'i dkyil 'khor gnyis/__sgrub chos ting 'dzin gsum nas brtsams dam tshig gi 'khor lo gcig gis bsdus par bsgom pa'o/___/__!_ rdzogs pa chen po zhes pa'i sgra don/__san+d+hi zhes pa'i sgra las thams cad der 'dus shing chub pa'i don dang /__ma hA'i sgra las thun mong gi tshul las 'phags shing /__de las gong du bogs dbyung du med pas na chen po'o/__/slob dpon chen pos/__bsod nams dang ye shes kyi tshogs rdzogs shing 'bras bu'i don lhun gyis grub pa'i don to/__/zhes gsungs pa bzhin spyir mos gus dang gdams ngag gi don la blo rtse gcig tu dril bas rtogs par bya ba yin la/__bye brag rang byung gi ye shes de lam du byed pa la rdzogs chen sems sde dang phyag chen sogs mtshan ma bshig pa'am la bzla ba'am thag gcod pa ste spang bya rnam shes kyi phyogs nas bslab pa dang /__man ngag sde ba'i phyogs kyis bzang ngan gyi rtog pa ris mi 'byed par rtsol ba bshig pas la bzla ba ste gnyen po ye shes kyi phyogs nas bslab pa'o/___/__!_ rje rin po cher rnying ma'i lung bstan 'ga' zhig tu klan kar mdzad pa ni rjes sor bcos bsgyur dang cal sgrogs tsam las/__don du gter ston grub pa'i dbang po nyi zla sangs rgyas kyis o rgyan la lung bstan dogs sel zhus par tshad mar bsgrubs pas som nyi bral lo/___/__!_ dngos grub kyi rdzas/__zla rgyal zho dang khur ba/__zla khrom thud dang phrum/__dzak+ti sha__/kun tu rgyu tshwa/__spang na skyes shwa mang sna tshogs dang rtsi thog mar la bshad cing /__zla khrom sogs bzo rgyun ni khungs ldan gyi man ngag ltar ro/___/__!_ 'phags pa thabs kyi zhags pa pad+mo'i phreng ba'i don bsdus pa/__tshe 'dir 'grub pas/__yun ring gis 'grub pa'i theg chen spyi las 'phags pas 'phags pa/__thabs ni snying rje chen pos mtshams med lnga la spyod pa dang /__phyin ci log la zhen ba'i sems can thams cad sgrol bas na de skad do/__/zhags pa ni mi gtong ba ste 'khor ba nyid nas mnyam pa'i chos su mkhyen pas/__'khor ba la mi gtong bar sbyor ba'o/__/'di ni sbyor ba gnyis sam/__che mchog rnam gnyis zhes kyang bya/__pad+ma ni shes rab kyis chos thams cad la dpyod kyang de la ma chags pa'o/__/phreng ba ni sprul pa'i phreng ba rgyud mi 'chad de thabs so/__/don bsdus pa ni gsung rabs yan lag bcu gnyis dang /__tan+t+ra bco brgyad la sogs pa'i don bsdus pa'o/__/mdor na thabs dang shes rab gnyis su med pa ni brjod bya ste bskyed rdzogs thams cad la'ang de kho nas khyab pa'o//____//__! rdo rje bkod pa kun 'dus rig pa'i mdo las/__bdag med gnyis bral bde chen klong /__/sangs rgyas kun gyi bde ba che/__/ye nas lhun grub 'dus ma byas/__/thig le chos dbyings ye 'byams pa/__/kun khyab gdal ba'i snying por 'dus/__/zhes dang /__snang ba med pa'i rang bzhin ni/__/nam mkha' lta bur de nyid 'gyur/__/chos dbyings nam mkha' lta bu ste/__/nam mkha' la yang mtshan nyid med/__/ces dang /__lta dang dam tshig bsgrub pa yi/__/dam pa'i mdzod gsum smra shes kyang /__/zhes dang /__sa rab mchog tu bgrod pa la/__/thabs mchog lnga yis bgrod bya ste/__/rdo rje tshogs dang bsnyen pa dang /__/nye ba dang ni sgrub pa dang /__/sgrub pa chen po spyad par bya/__/zhes dang /__kun rdzob tshogs kyi rgyu des ni/__/yang dag tshogs chen ci 'dra ba/__/mchog gi bde ba dam pa dang /__/de nyid chen por de nyid 'gyur/__/zhes dang /__lha rnams mnyes par bya ba dang /__/bgegs rnams zhi bar bya ba dang /__/don grub shi ba gso ba'i phyir/__/las 'dir spyod pa shin tu gces/__/zhes dang /__'khor ba chos kyi dbyings nyid las/__/sems can sangs rgyas snying por shar/__/sgra skad bsam gyis mi khyab pa/__/thams cad bzlas brjod sngags kyi tshig__/ces dang /__'khor ba shes rab yum nyid la/__/snying rje thabs kyi rgyal po yis/__/'du 'bral med par sbyor bas ni/__/thams cad rgyal ba'i sras su bskyed/__/ces dang /__'khor ba bsgral ba'i zhing 'di dag__/ye shes 'bar ba'i mtshon rnon gyis/__/rang bzhin med par bsgral nas ni/__/mnyam nyid chos sku chen por bton/__/ces dang /__'dus pa chen po'i rnal 'byor pa/__/srid pa gsum gyis phyag byas pas/__/bla ma'i sa la gnas pa ni/__/dbang mchog sum cu rtsa drug yin/__/phyi yi dbang dang nang gi dbang /__/sgrub pa'i dbang dang gsang ba'i dbang /__/bcu dang bcu gcig bcu gsum dang /__/rnam pa gnyis kyis rdzogs par 'gyur/__/zhes so/__/rmad byung sgrub pa'i dkyil 'khor du/__/'jug dang dngos grub gsol ba dang /__/dbang bskur ba yi las rnams bya/__/zhes so/__/byang chub sems kun byed rgyal po las/__sangs rgyas sku dang ye shes yon tan dang /__/sems can lus dang bag chags la sogs pa/__/snang srid snod bcud bsdus pa thams cad kun/__/byang chub sems kyi ngo bo ye nas yin/__/zhes dang /__nga yi rang bzhin ma bsgribs kun khyab pas/__/gsal ba'i nam mkha' ye shes gzhal yas khang /__/rang byung ye shes nyid las gzhan mi bzhugs/__/zhes so/__/sems ni ji bzhin sa yi ngo bo ste/__/gnyis med ye shes bde ba chen po la/__/rnam pa kun ldan rnam pa yongs kyis med/__/spros bral nam mkha' bzhin du ye gnas la/__/dmigs pa'i yul 'das gcig ces bgrang du med/__/ces so/__/don gyi snying po rnal ma byar med la/__/shin tu rnal 'byor rdzogs chen lta mthong ba/__/byang chub sems ni kun gyi snying por mthong /__/de nyid ma bcos don gyi rnal mar mthong /__/zhes dang /__chos kun ma lus pa yi snying po ni/__/ma skyes rnam par dag pas sgrib pa med/__/bgrod pa'i lam dang bral bas gol sa med/__/ye nas lhun gyis grub pas btsal du med/__/chos kun snying po byang chub sems su gcig__/ces so/__/sgom dang mi sgom rkyen la rag ma las/__/bsgom bya ji ltar snang ba'i chos rnams kun/__/gang du ji ltar bzhag pa'i tshul med par/__/ma btsal rang sar bzhag pa sgom pa yin/__/zhes dang /__de ltar sgom du med pa'i snying po la/__/ma yengs dran pas bzung ba man ngag yin/__/zhes dang /__kun mkhyen rgyal po'i spyod pa bstan pa ni/__/gang ltar spyod pa de ltar mi 'gal te/__/byas dang ma byas gnyis ka skye med par/__/shes pas gang ltar spyad kyang skye med don/__/zhes dang /__ji ltar snang ba de bzhin nyid du gcig__/'di la sus kyang 'chos par ma byed cig__/ma bcos mnyam pa'i rgyal po de la ni/__/mi rtog chos sku'i dgongs pa de la gnas/__/zhes so/__/spros pa med cing sgrub pa med/__/skye ba med cing 'gag pa med/__/'gog pa med par de bzhin gnas/__/rnam par mi rtog snying po 'di/___/nam mkha' bzhin du ye gnas pas/__/rtog pa'i smra bsam yul las 'das/__/zhes dang /__nga ni ye nas rang byung ye shes te/__/nga ni ye nas chos kun snying po yin/__/nga ni kun byed rgyal po byang chub sems/__/nga yi mtshan 'di sems dpa' rtogs par gyis/__/zhes dang /__rang byung zhes ni bya ba ni/__/rgyu rkyen med pa'i snying por bas/__/rtsol sgrub kun las 'das pa yin/__/ye shes zhes ni bya ba ni/__/'gags pa med cing ma bsgribs pas/__/chos kun ma lus ston par byed/__/ces dang /__chos rnams thams cad nga yin pas/__/nga yi rang bzhin 'di rig na/__/chos rnams thams cad rig 'gyur pas/__/bya byed rtsol sgrub kun las 'das/__/mi rtsol lhun gyis grub _par 'gyur/__/zhes dang /__nam mkha' lta bu sems gyi chos nyid la/__/lta ba sgom med dam tshig bsrung du med/__/phrin las btsal med ye shes sgrib pa med/__/sa la sbyong med bgrod pa'i lam yang med/__/ces so/__/nga ni mi rtog mnyam par gnas pa'i phyir/__/rtog med mnyam nyid chos skur ye sangs rgyas/__/nga yi ngo bo kun tu longs spyod phyir/__/nga nyid longs spyod rdzogs skur ye sangs rgyas/__/nga nyid rang byung ye shes snang ba'i phyir/__/nga nyid thugs rje sprul skur mngon sangs rgyas/__/des na sangs rgyas kun gyi snying por bshad/__/ces so/__/dran bsam yid la rgyu ba ma lus kun/__/skye ba med pa'i ngang la ma yengs pa/__/gang ltar bsam yang sgom pa yin shes na/__/ma bsgom gang ltar bzhag kyang yengs pa med/__/ces dang /__kun byed nga ni ye nas de bzhin nyid/__/de bzhin nyid la gzung 'dzin med pa'i phyir/__/chos rnams de ltar gang gis rtogs pa la/__/srung dang mi srung 'du shes 'jug pa med/__/ces dang /__sems ni ji bzhin pa yi ngo bo ste/__/ji bzhin pa la 'chos par byed ma myong /__/rang byung nga la rgyu rkyen kun dang bral/__/sgo gsum btsal med lhug pa nyid du zhog__/sems dpa' rdo rje ji bzhin nyid sgoms shig__/rang lus mi bcos dbang po mi brtul te/__/ngag kyang mi bsdoms bya rtsol byar yang med/__/sems kyang gar gtad mi g.yo'i ngang la bzhag__/byas pa med par don kun rdzogs par 'gyur/__/zhes dang /____/__!_ mdo dgongs 'dus las/__las ngan myur du rgyun bcad na/__/gnas ngan dag las myur du sgrol/__/ces dang /__'khor bar 'khrul pa'i sgyu ma ngang /__/rnam dag rnam byang sgyu ma gnyis/__/sems can sangs rgyas tha dad kyang /__/de bzhin nyid la yong ye med/__/ces dang /__'khor ba'i sdug bsngal rmi 'dra bas/__/dbugs chen phyin nas rmi sangs ltar/__/thams cad bde chen byang chub sems/__/mkha' ltar khyab bdal nyid du snang /__/zhes so/__/bsam du med pa'i chos nyid ni/__/rmi lam de bzhin nyid du bzhag__/ces dang /__'di ltar snang ba'i chos thams cad/__/ye'am ngang gis sangs rgyas la/__/min las yin par 'gyur ma yin/__/ngo bo nyid kyis de nyid la/__/yin dang min zhes ci byar yod/__/ces dang /__chu'am sa dang nam mkha' 'am/__/me'am de bzhin rlung rnams la/__/sku gdung spel mchod ring bsrel rnams/__/brtsams pa'i las chen 'khor lo bya/__/zhes dang /__rngams glog las/__e ma'o dngos po thams cad dang bral ba/__/phung po khams dang skye mched dang /__/gzung dang 'dzin pa rnam par spangs/__/chos bdag med pa mnyam nyid la/__/rang sems gdod nas ma skyes pa/__/stong pa nyid kyi rang bzhin no/__/zhes dang /__/rin chen lnga dang sman lnga dang /__/spos lnga 'bru lnga snying po lnga/__/gwa'u'i nang du blugs nas kyang /__/sa gzhi gter dang ldan par bya/__/zhes dang /__srid gsum sems can thams cad la/__/log rtog 'khrul pa bsam mi khyab/__/de nyid gzhil ba'i 'dul thabs su/__/phyi nang sdom pa ji snyed pa/__/rtog 'dul dam tshig de snyed gsungs/__/zhes dang /__thog mar bsnyen pa yin par bshad/__/gnyis pa dge ni nye bsnyen pa/__/gsum pa sgrub pa zhes su brjod/__/tha ma sgrub chen po zhes bya/__/zhes so sor bye brag bcas dang /__yum la sbyar ba'i tshul sogs gsungs/__gsang ba'i tshig la gsal 'dris shing /__/don la gzhol zhing yid ches kyang /__/dbang bskur bka' rtags ma phyin par/__/sa rnams thob par mi 'gyur ro/__/zhes so/__/yang dgongs 'dus las/_e ma'o ngo mtshar=__rdzogs=__stong pa ma yin mi stong min/__/dbu ma'ang dmigs su yod ma yin/__/zhes so/__/kun byed las/__rtog med mnyam nyid chos kyi sku/__/bzung bas mi zin chu zla 'dra/__/kun tu bzang po'i rol pa yis/__/A li kA li rab tu bstan/__/ces so/__/kun 'dus rig pa'i mdo las/__'gro drug rgyal ba'i sras po 'di/__/ma rtogs log par 'khyams pa rnams/__/rgyal ba'i sras su bskyed nas ni/__/'khor ba'i rgyun lam bcad par bya/__/nyi zla'i nang du bzhag nas ni/__/bcu drug sa la rdzogs par 'gyur/__/de nas rig ma mtshan ldan la/__/don dang ldan pa'i mkhas pa yis/__/sbyor ba'i yan lag kun rdzogs nas/_/yum gyi mkha' dbyings zla gam la/__/grub pa'i gzhal yas khang du bskyed/__/rtsibs brgyad zla gam dgur gsal la/__/byang chub sems dpa'i phyag rgya'i tshogs/__/lha dgur gsal ba'i ye shes bskyed/__/des ni thams cad rdzogs par 'gyur/__/zhes dang /__de nas sems dpa'i rdo rje snying po de mi 'gyur ba gtan 'pho ba med pa zhes bya ba'i ting nge 'dzin la snyoms par zhugs nas 'di skad ces gsungs so/__/rnal 'byor rig 'dzin gang zhig rnams/__/mi 'pho bar ni gnas 'dod pas/__/lo gcig gam ni zla gcig gam/__/de bzhin zhag gi rnam grangs kyang /__/bco lnga'am yang na bdun bar du/__/tho rang thun tha'i dang po'i tshe/__/rig 'dzin rnal 'byor sgrub pa po/__/shar gyi phyogs su kha bltas te/__/shar phyogs nam mkha' bsdus pa yi/__/lha klu gnod sbyin 'jig rten bcas/__/thams cad khongs su bsdus nas kyang /__/dbugs de slar yang mi dbyung bar/__/rang gi khong du bstim par bya/__/tha mar sna yi nang du bsre/__/de ltar mang por bsgrubs pa dang /__/dpal che gzi brjid thams cad thob/__/ces gsungs so/__/zhes pa 'di le'u bcu gcig pa las rdo rje tshe sgrub pa las/__gsungs pa ste nam mkha' zas su za ba'i tshe sgrub khyad par can gyi man ngag go/__/a+thi+-i/__/rdo rje tshe sgrub pa 'di lung lugs kyi tshe sgrub dang /__'di 'og bdud rtsi sman gyi sgrub pa yang bstan to//___//__! de la spyir lung a nu yo ga'i lugs kyis/__rtogs bya gzhi dang rtogs byed kyi lam gnyis rnal 'byor gsum du bsdus nas bshad de/__ji skad du/__spyi mdo las/__grogs po dag__/de bas na bsam gyis mi khyab pa'i rnam pa gang zhe na/__'di ltar bsam gyis mi khyab pa'i chos thams cad kyi rnam pa ni/__rnal 'byor rnam pa gsum gyis yongs su 'brel ba ste/__gsum gang zhe na/__bya ba'i rnal 'byor dang /__bya ba byed pa'i rnal 'byor dang /__bya ba med pa'i rnal 'byor ro/__/zhes dang /__rtsa rgyud kun 'dus las/__chos thams cad ni rnal 'byor rnam pa gsum du 'dus par shes par bya'o/__/gsum gang zhe na/__rgyu'i rnal 'byor dang /__rkyen gyi rnal 'byor dang /__'bras bu'i rnal 'byor ro/__/zhes gsungs shing /__rtsa bshad kyi rgyud de gnyis kyi lung don dgongs pa gcig tu bsgril nas tha snyad btags pa ni/__mdo 'grel lung bstan ma las/__ji snyed chos rnams 'dir 'dus la/__/'di nyid rnal 'byor gsum du gnas/__/rgyu dang rkyen dang 'bras bu rnams/_/bya dang byed dang byar med do/__/ji snyed chos rnams thams cad kun/__/nang dang phyi dang phyi nang chos/__/sangs rgyas sems can dbyer med pas/__/dang po'i rnal 'byor du bshad do/__/zhes dang /__don bsdus las kyang /__kun bzang thugs rjes 'gro don du/__/theg pa gsum snang 'dul mdzad pa'i/__/don dam nges pa'i theg pa las/__/gsang sgo mtshon pa'i mdo rgyud don/__/rnam pa gsum du shes bya ste/__/bya ba rgyu dang byed pa rkyen/__/bya bral 'bras bu'i rnal 'byor dag__/ji snyed chos kyi rtsa bar bshad/__/ces pas bya ba rgyu'i rnal 'byor/__byed pa rkyen gyi rnal 'byor/__bya bral 'bras bu'i rnal 'byor dang gsum/__dang po ni/__chos thams cad kyi gshis lugs dkyil 'khor rnam gsum ma 'dres yongs rdzogs su gnas pa nyid yin te/__de las/__phyi nang bye brag ji snyed pa'i/__/chos rnams thams cad byang chub sems/__/ji bzhin dang du ye gnas pa/__/shes par bya ba'i rgyud don yin/__/zhes so/__/gnyis pa ni/__lam gyi rtsol ba dang bcas pa'i byed pas 'khor ba las 'dren cing rang rang gi 'dod pa'i 'bras bur 'jug par byed pa nyan rang byang sems kyi theg pa gsum ste/__de las/__gzhan du 'bras bu re rtsol med/__/bsgrub bya nyid la lam gnas pas/__/thabs chen theg 'di bya bral ba'o/__/zhes so/__/de la rkyen 'bras kyi rnal 'byor gnyis po de la thun mong spyi'i lam zhes bya zhing /__de'i nang nas kyang mdo khyad par can gyi lam la dbye na/__de las/__ngo bo thabs dang shes rab ste/__/zhes pas/__thabs kyi nges pa'i lam dang /__shes rab rnam par grol ba'i lam gnyis su grangs nges pa las/__dang po ni/__zhu bde 'gyur med kyi bde chen lhan cig skyes pa'i ye shes sgrub pa'i thabs gang zhig__/'khor lo bzhi'i sgom thabs la brten nas lhan skyes kyi ye shes rim gyis 'dren pa'i thabs steng sgo'i man ngag dang /__mkha' gsang gnyis kyi snyoms 'jug la brten nas lhan skyes kyi ye shes gcig car du 'dren pa'i thabs 'og sgo'i man ngag gnyis te/__de las/__rol pa'i kar la sogs pa/__/man ngag thabs kyis der 'jug dang /__/zhes gsungs/__gnyis pa ni/__de'i 'phros las/__thos bsam sgom pa'i tshul 'gro ba'o/__/der ni 'jug pa rnam gsum ste/__/rtog dpyod don dang yi ge yi/__/rjes 'jug ces pas/__rtog dpyod kyi rjes su 'jug pa lta ba gtan la dbab pa ni lam sgom pa'i sngon du 'gro dgos te/__de yang chos can shes bya'i don la/__shes byed rigs pa'i gtan tshigs rnams kyis so sor brtags pas chos thams cad gnas lugs chos nyid ji bzhin pa dkyil 'khor rnam gsum dbyer med bsam brjod dang bral bar gtan la phebs pa ni grub mtha'o/__/don gyi rjes su 'jug pa ni/__rnam par mi rtog pa'i ting nge 'dzin bsgom pa'i rim pa yin te/__bsgom bya'i don chos nyid snying po ji bzhin pa'i ngang la/__sgom byed kyi blo de bzhin par bzhag nas bsgom pa'i phyir/__de ltar yang spyi mdo las/__ji bzhin pa yi chos nyid la/__/de bzhin ba yi blo bzhag nas/__/brjod pa med pa'i ngang nyid las/__/ma yengs rgyun du dran pa'o/__/zhes so/__/yi ge'i rjes su 'jug pa ni/__mtshan bcas lha'i ting nge 'dzin sgom pa'i rim pa ste/__bskyed sngags brjod pa tsam gyis chu las nya ldang ba ltar snod bcud lha'i dkyil 'khor du gsal la ma 'dres par bsgom pa gtso bor byed pa'i nyams len no/__/de ltar yang bang mdzod 'phrul lde las/__a nu yo ga'i theg par ni/__/snying po tsam zhig brjod byas pas/__/ma bskyed rdzogs pa'i lha ru bsgom/__/zhes so/__/de yang blo che ba gcig car pas ni/__chig chod du rtogs goms mthar phyin par byed pas sa lam rim par bgrod pa'i rtsol ba dang bral ba yin la/__blo chung 'bring gnyis ni/__sa bcus bsdus pa'i slob lam bzhi rim gyis sam/__thod rgal gang rung gis bgrod nas/__mi slob pa'i lam mthar thug gi 'bras bu la sbyor bar byed pa ste/__de la sa bcu gang zhe na/__dang po 'gyur ba ma nges pa'i sa/__gnyis pa brten pa gzhi'i sa/__gsum pa gal chen sbyong ba'i sa/__bzhi pa bslab pa rgyun gyi sa/__lnga pa bsod nams rten gyi sa/__drug pa brten pas khyad par du 'gro ba'i sa/__bdun pa dmigs pas 'bras bu skye ba'i sa/__brgyad pa gnas mi 'gyur pa'i sa/__dgu pa brdal ba chos nyid kyi sa/__bcu pa rdzogs pa spyi chibs kyi sa rnams so/__/de dag kyang 'dun pa skye ba'i skabs sogs sa bcu po re re dang sbyar ba'i gnas skabs bcur/__chos nyid snying po ji bzhin pa'i rjes su 'jug pa'i rang sa'i lam na 'phar pa'i rim pa ltar bsgoms pas/__sa bcu rang rang gi spyad bya/__rkyen 'gyur las kyi bag chags rags phra gnyis dang /__mngon du rgyu'i bag chags rags 'bring phra gsum dang /__kun 'gro dang /__lhan cig gnas pa dang /__bag la nyal rags 'bring phra gsum gyi sgrib pa rnams rim par dag nas/__sa gong ma gong ma la sbyor ba'i g.yo ba byang chub kyi sems la sogs te sems bcu po dpe skar ma phra mo lta bu la sogs sa bcu dang sbyar nas bgrod par rtsa rgyud kun 'dus kyi le'u gnyis pa sogs mdo'i rtsa bshad kyi rgyud dang man ngag rnams las rgya cher gsungs so/_/de rnams slob pa'i lam bzhis ji ltar bsdus tshul ni/__sa dang po dang gnyis pa gnyis tshogs lam 'dun pa sems pa'i rnal 'byor gyis bsdus te/__de thob pas spyan dang mngon shes dang rdzu 'phrul phra mos sprul sgyur nus pa sogs thun mong gi dngos grub rnams rim gyis grub cing sangs rgyas sprul pa'i sku'i zhal mthong ba sogs tshogs lam gyi yon tan rnams 'char ro/__/de nas sa gsum pa bzhi pa lnga pa gsum ni sbyor lam rigs chen 'byed pa'i rnal 'byor gyis bsdus te/__de rlung sems tsam gyi lha sku grub cing /__nyin snang mtshan snang gi bar mtshams med bar thams cad sgyu ma lta bur rtogs pa sogs sbyor lam gyi yon tan rnams 'char ro/__/de nyid du tshogs kyi spyod pa'i nye rgyu spyad pas/__khu rdul rlung yid kyi 'gyur pa rags pa bcom ste/__'jigs pa lnga dang bral zhing zag pa zad nas/__drug pa brten pas khyad par du 'gro ba'i sa mthong lam dbugs chen phyin pa'i rnal 'byor gyis bsdus pa/__chos nyid rang mtshan mngon sum du mthong ba'i stobs kyis bde stong ye shes 'od gsal gyi lha sku grub cing /__yon tan brgya phrag bcu gnyis la dbang thob/__longs sku rigs lnga'i zhing bgrod nas chos nyan pa sogs mthong lam gyi yon tan thams cad 'char ro/__/de nas mthong lam 'od gsal las langs pa'i rjes la mngon rtogs/__bdun pa dmigs pas 'bras bu skye ba'i sa sgom lam lung chen thob pa'i rnal 'byor gyis bsdus pa thob pas chos nyid rtogs pa'i ye shes dang dag pa lha sku'i snang ba rgyun mi 'chad pa zung 'jug gi sku 'grub cing /__de nas sa brgyad pa dgu pa/__bcu pa gsum ni mthar lam rtsal chen rdzogs pa'i rnal 'byor gyis bsdus pa yin la/__de ltar bsgom mthar gyi lam gyi sa bzhi po de thun mong ba ltar na/__sgom lam rgyun mtha' dang bcas pa'i sa dgus bsdus pas na/__de rnams su sngar mthong lam gyi yon tan brgya phrag bcu gnyis po de stong du 'gyur nas/__zhing khams brjod du med pa bye ba khrag khrig brgya stong phrag bcu'i rdul shin tu phra ba snyed dang mnyam pa'i bar du rim bar 'phel zhing /__cho 'phrul bzhi dang /__dbang bcu la sogs pa'i yon tan rnams 'char ba yin no/__/de ltar slob pa'i lam bzhir zung 'jug gi lam nyams su blangs pas mthar phyin pa'i 'bras bu mi slob pa'i lam brnyes te/__mdo sde rgyan las/__sgom pa tha ma rdzogs nas ni/__/'od zer chen pos dbang bskur ba/__/zhes 'byung ba ltar sngags kyi theg par/__slob lam gyi rtse mo sa bcu rgyun gyi tha mar 'dod chags chen po'i lam gyi 'bras bu'i dbang bskur bas dga' bzhi lugs 'byung ldog gi mthar khu rdul phra mo steng 'og tu 'gag cing /__de'i skad cig gnyis par rlung phra mo 'gags pas/__'gyur ba de myong ba'i shes rig phra mo'ang rgyun chad pa na/__spyi mdo las/__gzhan nas ma byung rang byung ba/__/zhes dang /__lung bstan pa las/__tha ma yid bzhin nor bu ltar/__/ma bsags zad 'phel med pa'i sku/__/gdul bya'i don snang dngos gzhi med/__/lhun grub yon tan rang snang ba'o/__/zhes gsungs pa ltar gzhi la yon tan lhun grub tu bzhugs pa nyid mngon du gyur pa tsam las/__don dam par dri ma sngar yod bsal rgyu dang yon tan sngar med sgrub tu med kyang /__snang lugs la glo bur gyi dri ma mtha' dag bral stobs kyis spangs rtogs yon tan gsar du thob pa ltar snang ste/__mi slob pa'i zung 'jug 'bras bu'i chos lnga'am nyi shu rtsa lnga dbyer med lhun grub kyi ngo bo sku bzhi ye shes lnga'i bdag nyid dpal kun tu bzang po'i go 'phang la dbang 'byor bas/__rtag khyab lhun gyis grub pa'i phrin las kyi don mdzad do/__/de ltar yang don bsdus las/__'bras bu nyid ni rdzogs sangs rgyas/__/sku gsung thugs dang yon tan las/__/nyi shu rtsa lnga bsdus mtha' yas/__/lhun rdzogs rnam kun mkhyen pa'o/__/zhes gsungs so/___/__!_ saM gra ha sU tra'i dbang gi spyi don rgyud lung man ngag gi gnad gsal byed sgron me las/__de yang phyogs bcu dus gsum gyi de bzhin gshegs pa thams cad kyi dgongs pa zung 'jug ro gcig tu bzhugs pa'i bdag nyid/_'phags mchog rnams kyi thugs su legs par chud cing /_thar 'dod kyi skyes bu rnams kyis rtogs par bya ba'i yul ni/__dbyings dang ye shes zung du 'jug pa'i mtshan nyid can/__dkyil 'khor rnam gsum dbyer med sras rtsa ba byang chub sems kyi dkyil 'khor du chos thams cad ye nas sangs rgyas pa nyid de/__spyi mdo dgongs pa 'dus pa las/__thams cad bdag nyid der gcig pas/__/ye nas sangs rgyas bde chen nyid/__/skye 'gags med pa'i snying po yin/__/bya byed med pa'i dkyil 'khor gsum/__/ye nas grub zin lhun gyis grub/__/ces gsungs/__/de yang dkyil 'khor rnam gsum gang zhe na/__snang srid 'khor 'das kyis bsdus pa'i chos thams cad sems kyi rang rtsal du 'du zhing /__sems nyid skye med spros pa dang bral ba ni yum kun tu bzang mo'i mkha' klong rnam par dag pa ye ji bzhin pa'i dkyil 'khor te/__de las/__thams cad kyi rang bzhin gang lags pa de ma bcos ma bslad ma byung ma skyes ji bzhin pa'i de kho na nyid ye ji bzhin pa'i dkyil 'khor du mthong lags so/__/zhes so/__/de nyid thams cad du ma 'gags par rang snang ris med kun khyab tu shar ba ni/__kun tu bzang po rang byung gi ye shes rang bzhin lhun grub kyi dkyil 'khor te/__thams cad kyis de nyid du sangs rgyas te kun la khyab pa'i slad du rang bzhin lhun gyis grub pa'i dkyil 'khor du mthong lags so/__/zhes so/__/de gnyis kyang ngo bo tha mi dad par zung 'jug tu gnas pa ni/__dbyings dang ye shes gnyis su med pa'i sras bde ba chen po rtsa ba byang chub sems kyi dkyil 'khor te/__thams cad rtsa ba byang chub sems kyi dkyil 'khor du mthong lags so/__/zhes gsungs pa'i phyir/__/zhes so/___/__!_