དེ་ཡང་དབང་གི་སྤྱི་དོན་འཆད་པ་ལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	de yang dbang gi spyi don 'chad pa la
Location	mkhyen brtse'i bka' 'bum Volume 3, sde tshan 1, Text 27, Pages 549-577 (Folios 275a4 to 289a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. de yang dbang gi spyi don 'chad pa la. In 'jam dbyangs mkhyen brtse'i dbang po'i bka' 'bum, Vol. 3: 549-577. Khams sde dge rdzong sar dgon: Rdzong sar blo gros phun tshogs, 2020.
Genre	Overviews - spyi don  ·  Empowerment Ritual - dbang chog - dbang skur

1 Texts in this Section (sde tshan or chos tshan)

27 549-577	དེ་ཡང་དབང་གི་སྤྱི་དོན་འཆད་པ་ལ། de yang dbang gi spyi don 'chad pa la Overviews - spyi don   ·   Empowerment Ritual - dbang chog - dbang skur	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དེ་ཡང་དབང་གི་སྤྱི་དོན་འཆད་པ་ལ། གང་གིས་འཆད་ན། རྩ་རྒྱུད་ཀུན་འདུས་རིག་པའི་མདོ་དང་། བཤད་རྒྱུད་དགོངས་པ་འདུས་པ། གཞན་ཡང་རྔམས་གློག་དང་། ཧེ་རུ་ཀ་འདུས་པ་སོགས་མདོའི་རྒྱུད་ལུང་དགོངས་འགྲེལ་དང་བཅས་པ་དང་། དྲུག་གསུམ་འདི་ནས་དྲུག་རྒྱུད་ཀྱི་དུམ་བུ་དང་། བཅུ་གཉིས་སློབ་དཔོན་བདེ་བ་གསལ་མཛད་ཀྱི་མཛད། བཅོ་བརྒྱད་ཀྱི་མན་ངག་རྣམས་རྩ་བར་བཟུང་ནས་བླ་མ་བརྒྱུད་པའི་ཕྱག་བཞེས་ལྟར་འཆད་པའོ། །ཇི་ལྟར་འཆད་པ་ལ་གསུམ་སྟེ། རྟོགས་ལྡན་འཇུག་པའི་ཕྱིར་བརྒྱུད་པའི་ལོ་རྒྱུས་བརྗོད་པས་ ཡིད་ཆེས་བསྐྱེད་པ། བཤད་བྱའི་དོན་ཁོང་དུ་ཆུད་ཕྱིར་སྔོན་རྗེས་ཀྱི་ཆུ་བོ་བཞིའི་དབང་གི་རང་བཞིན་གཏན་ལ་དབབ་པ། གདུལ་བྱ་སྤྲོ་བ་བསྐྱེད་ཕྱིར་འཆད་ཉན་གྱི་ཕན་ཡོན་བསྟན་པས་མཇུག་བསྡུ་བའོ། །གཉིས་པ་ལ་གསུམ་སྟེ། སྔོན་འཇུག་དང་རྗེས་འཇུག་གི་དབང་གཉིས་ཀྱི་དབྱེ་བ་སྤྱིར་བསྟན། དེ་ལས་རྗེས་འཇུག་གི་དབང་གི་གོ་དོན་བྱེ་བྲག་ཏུ་བཤད། དེ་བསྐུར་བའི་ཕྱག་བཞེས་ཀྱིས་མཐའ་དཔྱད་པའོ། །དང་པོ་ལ། སྔོན་བྱུང་གི་དབང་ནི་སློབ་དཔོན་རྫོགས་པའི་སངས་རྒྱས་ཀྱིས། སློབ་མ་རྒྱུའི་ཐེག་པའི་མི་སློབ་ལམ་པའམ། སྔགས་རང་ལུགས་ཀྱི་མཐར་ལམ་པ། ཆོས་ལྔ་དང་ལྡན་པའི་རྒྱལ་ཚབ་སྐྱེས་བུ་དམ་པར་གྱུར་པ་རྣམས་ལ་ཡེ་ཤེས་རང་སྣང་ལས་གྲུབ་པའི་རང་བཞིན་གྱི་དཀྱིལ་འཁོར་དུ་འབྲས་དུས་ཀྱི་དབང་བསྐུར་བས། མཐར་ཐུག་གི་འབྲས་བུའི་གོ་འཕང་ཐོབ་པའི་རྟགས་རྒྱལ་བའི་ཞིང་ཀུན་ཏུ་ཡོངས་སུ་གྲགས་ཤིང་སྣང་བར་གྱུར་པའོ། །ཆོས་ལྔ་ནི། རྒྱལ་བ་ཀུན་གྱི་རྒྱུད་དུ་བྱུང་བ། མཚན་དང་དཔེ་བྱད་ཀྱི་རྟགས་དང་ལྡན་པ། ཆོས་ཤེས་པ། བསྡུ་བའི་འཁོར་དང་ལྡན་པ། དབང་བཅུ་ཐོབ་པའོ། །དེ་ཡང་ཚུལ་བསྟན་གྱི་དབང་དུ། དགའ་ལྡན་དུ་དམ་པ་ཏོག་དཀར་པོར་རྒྱུད་ཆུ་དང་། འོག་མིན་དུ་དོན་གྲུབ་ཀྱི་ཡེ་ཤེས་ཀྱི་ལུས་ལ་འབྱུང་ཆུ། ཐུབ་པའི་དབང་པོ་བྱང་ཆུབ་ཤིང་དྲུང་དུ་གྲགས་པའི་ཆུ་བོ། གསང་བའི་བདག་པོར་དབང་བསྒྱུར་གྱི་ཁང་བཟང་དང་གྱད་ཡུལ་གྱི་གནས་སུ་གསང་བའི་ཆུ་བོ་བྱིན་པའོ། །རྗེས་འཇུག་གི་དབང་ལ་གཉིས་ལས། ལམ་པའི་དབང་ལའང་འདུན་པ་སེམས་པ་དང་། རིགས་ཆེན་འབྱེད་པ་སྟེ་ཚོགས་སྦྱོར་གཉིས་རྒྱུད་ཀྱི་ཆུ་བོའི་རྒྱུ་དང་། མཐོང་ལམ་དབུགས་ཆེན་འབྱིན་པ་འབྱུང་ཆུའི་རྒྱུ་དང་། སྒོམ་ལམ་ལུང་ཆེན་གྲགས་པའི་ཆུ་བོའི་རྒྱུ་དང་། མཐར་ལམ་རྩལ་ཆེན་རྫོགས་པ་ནི་རྫོགས་པའི་ཆུ་བོའི་རྒྱུའོ། །རྗེས་འཇུག་ལས་དང་པོ་པ་ལ་ཡོ་ག་བཞི་རྫོགས་ཀྱི་དབང་སྟེ་འོག་ཏུ་འཆད་དོ། །དེ་ལྟར་ཡང་དབང་དོན་བསྡུས་པ་ལས། སེམས་ཅན་རྣམས་ཀྱི་དོན་ཆེད་དུ། །དབང་གི་དོན་རྣམས་བསྡུ་བར་བྱ། །ཆུ་བོ་ཆེན་པོ་བཞི་རྣམས་ལ། །སྔོན་བྱུང་དང་ནི་རྗེས་སུ་འཇུག །སྔོན་བྱུང་ཆུ་བོ་རྣམ་བཞི་ལ། །ཡུལ་དང་དབང་པོ་དགོས་ཆེད་དང་། །ཐབས་དང་རྟགས་དང་གནས་དང་དྲུག །རྗེས་འཇུག་ལམ་པ་དང་པོ་གཉིས། །ལམ་པ་ཆུ་བོ་རྣམ་བཞི་ལ། །རྒྱུ་དང་ཐོབ་དང་མི་ཐོབ་དང་། །ཡུལ་དང་སྣོད་དང་ཁྱད་པར་རྟགས། །བདུན་གྱིས་འདི་ཡི་དོན་བསྡུས་པའོ། །རྗེས་འཇུག་ལས་ཀྱི་དང་པོ་ལ། །ཆུ་བོ་བཞི་ཡིས་དབང་བསྐུར་བ། །ཡོ་ག་ལ་སོགས་ཐེག་དྲུག་ལ། །ཕྱི་དབང་རྒྱུད་ཀྱི་ཆུ་བོས་བྱ། །བསྐྱེད་པ་མ་ཧཱ་ཡོ་ག་ལ། །ནང་དབང་འབྱུང་བའི་ཆུ་བོས་བྱ། །རྫོགས་པ་ཨ་ནུ་ཡོ་ག་ལ། །སྒྲུབ་དབང་གྲགས་པའི་ཆུ་བོས་བྱ། །རྫོགས་ཆེན་ཨ་ཏི་ཡོ་ག་ལ། །གསང་དབང་རྫོགས་པའི་ཆུ་བོས་བྱ། །བཅུ་དང་བཅུ་གཅིག་བཅུ་གསུམ་དང་། །རྣམ་པ་གཉིས་ཀྱིས་རྫོགས་པའོ། །ཞེས་སོ། །གཉིས་པ་རྗེས་འཇུག་གི་དབང་གི་གོ་དོན་བྱེ་བྲག་ཏུ་བཤད་པ་ནི། འདིར་རྗེས་འཇུག་ལས་དང་པོ་པའི་དབང་གཙོ་ཆེ་བ་ཡིན་ནོ། །དེ་ལ་གསུམ་སྟེ། དབང་གི་ངོ་བོ། ངེས་ཚིག །དབྱེ་བའོ། །དང་པོ་ནི། ཧེ་རུ་ཀ་འདུས་པ་ལས། གང་གིས་གང་ལ་དབང་བསྐུར་བས། །རྒྱུད་དག་ནུས་པ་ཐོབ་ཕྱིར་དབང་། །ཞེས་པའི་དོན་བྱེད་པ་པོ་དང་། ལས་དང་། བྱེད་པ་སྟེ་གསུམ་མོ། །གཉིས་པ་ནི། ཨ་བྷི་ཥིཉྩའི་སྒྲ་ལས་དྲངས་ན། མན་ངག་གསང་བ་ལས། ཁྱད་པར་ཅན་གྱི་ནུས་འཇོག་ཅིང་། །རྒྱུན་མི་འཆད་དང་འཁྲུ་ཕྱིར་རོ། །ཞེས་སོ། །གསུམ་པ་དབྱེ་བ་ལ་བཞི་སྟེ། བསྐུར་བྱ་ཆུ་བོ་བཞིའི་དབྱེ་བ། ཐོབ་བྱེད་༢རྒྱུ་རྐྱེན་༤གྱི་སྒོ་ནས་དབྱེ་བ། འབྲས་བུ་བྲལ་ཐོབ་ཀྱི་སྒོ་ནས་དབྱེ་བ། སྤང་བླང་སྐྱོན་ཡོན་གྱི་སྒོ་ནས་དབྱེ་བའོ། །དང་པོ་ནི། རྩ་རྒྱུད་ལས། འདུས་པ་ཆེན་པོའི་རྣལ་འབྱོར་པ། །སྲིད་པ་གསུམ་གྱིས་ཕྱག་བྱས་པའི། །བླ་མའི་ས་ལ་གནས་པ་ཡི། །དབང་མཆོག་སུམ་ཅུ་རྩ་དྲུག་ཡིན། །ཕྱི་ཡི་དབང་དང་ནང་གི་དབང་། །སྒྲུབ་པའི་དབང་དང་གསང་བའི་དབང་། །བཅུ་དང་བཅུ་གཅིག་བཅུ་གསུམ་དང་། །རྣམ་པ་གཉིས་ཀྱིས་རྫོགས་པར་འགྱུར། །ཞེས་དང་། བཤད་རྒྱུད་དགོངས་འདུས་ལས། །ལ་ལས་ནི་རྒྱུད་ཀྱི་ཆུ་བོའི་དབང་བྱིན་ནོ། །ལ་ལས་ནི་འབྱུང་བའི་ཆུ་བོའི་དབང་བྱིན་ནོ། །ལ་ལས་ནི་གྲགས་པའི་ཆུ་བོའི་དབང་བྱིན་ནོ། །ལ་ལས་ནི་རྫོགས་པའི་ཆུ་བོའི་དབང་བྱིན་ནོ། །ཞེས་དང་། རྔམས་གློག་ལས་ཀྱང་། དང་པོ་ཕྱི་ཡི་དབང་བཅུ་བསྐུར། །དེ་ནས་ནང་དབང་བཅུ་དང་གཅིག །དེ་ནས་སྒྲུབ་དབང་བཅུ་དང་གསུམ། །ཐ་མར་གསང་བ་རྣམ་པ་གཉིས། །བཅུ་ཕྲག་གསུམ་དང་དྲུག་དག་གིས། །དབང་མཆོག་དམ་པ་བསྐུར་བ་ཡིན། །ཞེས་པས་འདུས་པ་མདོའི་དབང་ལ་ཕྱེ་ན་ཆུ་བོ་བཞི་སྟེ། ཕྱི་དབང་རྒྱུད་ཀྱི་ཆུ་བོ་དང་། ནང་དབང་འབྱུང་བའི་ཆུ་བོ་དང་། སྒྲུབ་དབང་གྲགས་པའི་ཆུ་བོ་དང་། གསང་དབང་རྫོགས་པའི་ཆུ་བའོ། །མཚན་ཉིད་རིམ་བཞིན་ཆུ་བོ་བཞིའི་ནང་ཚན་གང་ཞིག །རང་ཐོབ་བྱེད་འདུས་པ་མདོའི་རྩ་བའི་དཀྱིལ་འཁོར་ཐུན་ཐུན་མིན་གང་རུང་ངམ། བསྙེན་པ་དང་འབྲེལ་བ་ཡན་ལག་གི་དཀྱིལ་འཁོར་སོ་སོར་ཕྱེ་བ་གང་རིགས་མ་བརྟེན་ནས་བསྐུར་བས། སློབ་བུའི་རྒྱུད་ལ་ཡོ་ག་མན་ཆད་ཐེག་པ་དྲུག་༡ལྷ་མི ༡། ཉན༢། རང་༣། བྱང་སེམས༤། བྱ་སྐྱོད༥། རྣལ་འབྱོར༦། སོ་སོ་རང་རང་གི་སྤངས་ཐོབ་དང་། རིགས་འདྲའི་ཡོན་ཏན་ཆ་དེ་དང་དེ་སྐྱེས་སམ་སྐྱེ་རུང་གི་དགེ་བའི་ས་བོན་གསོས་ཐེབས་ཤིང་། རང་འབྲས་ནང་དབང་བསྐུར་རུང་གི་སྐལ་པ་ཅན་དུ་བསྒྲུབས་པ་དེ་ཕྱི་དབང་གི་མཚན་ཉིད། དབྱེ་ན། ཕྱི་དབང་རྩ་བ་བཅུའམ། དེ་ལས་ཕྱེ་བའི་བྱེ་བྲག་བརྒྱ་རྩ་བརྒྱད་ལ་སོགས་པའོ། །ཆུ་བོ་བཞིའི་ནང་ཚན་གང་ཞིག །རང་ཐོབ་བྱེད་འདུས་པ་མདོའི་རྩ་བའི་དཀྱིལ་འཁོར་ཐུན་ཐུན་མིན་གང་རུང་ངམ། ཉེ་བསྙེན་གྱི་ཡན་ལག་དང་འབྲེལ་བ་ཚོགས་ཆེན་འདུས་པ་ཐུན་མོང་གི་དཀྱིལ་འཁོར་ལ་བརྟེན་ནས་བསྐུར་བས། སློབ་བུའི་རྒྱུད་ལ་མ་ཧཱ་ཡོ་གའི་སྤངས་ཐོབ་དང་རིགས་འདྲའི་ཡོན་ཏན་སྐྱེས་སམ་སྐྱེ་རུང་གི་ས་བོན་ཐེབས་ཤིང་། རང་འབྲས་སྒྲུབ་དབང་བསྐུར་རུང་གི་སྐལ་བ་ཅན་དུ་གྱུར་པ་དེ་ནང་དབང་གི་མཚན་ཉིད། དབྱེ་ན། ནང་དབང་རྩ་བ་བཅུ་གཅིག་གམ། དེ་ལས་ཕྱེ་བའི་བྱེ་བྲག་དྲུག་བརྒྱ་དང་དྲུག་ལ་སོགས་པའོ། །ཆུ་བོ་བཞིའི་ནང་ཚན་གང་ཞིག །རང་ཐོབ་བྱེད་འདུས་པ་མདོའི་རྩ་བའི་དཀྱིལ་འཁོར་གཉིས་གང་རུང་ངམ། སྒྲུབ་པའི་ཡན་ལག་དང་འབྲེལ་བ་ཚོགས་ཆེན་འདུས་པ་ཐུན་མོང་མ་ཡིན་པའི་དཀྱིལ་འཁོར་ལ་བརྟེན་ནས་དབང་བསྐུར་བས། སློབ་བུའི་རྒྱུད་ལ་ཨ་ནུའི་ཐེག་པ་རང་ལུགས་ཀྱི་སྤངས་ཐོབ་ཀྱི་རིགས་སུ་གནས་པའི་ཡོན་ཏན་སྐྱེས་སམ་སྐྱེ་རུང་གི་ནུས་པ་ཁྱད་པར་ཅན་གསོས་ཐེབས་ཤིང་། རང་འབྲས་གསང་དབང་བསྐུར་རུང་གི་སྐལ་བ་ཅན་དུ་བསྒྲུབས་པ་དེ་སྒྲུབ་དབང་གི་མཚན་ཉིད། དབྱེ་ན། སྒྲུབ་དབང་རྩ་བ་བཅུ་གསུམ་མམ། དེ་ལས་ཕྱེ་བའི་བྱེ་བྲག་བརྒྱ་དང་བཅོ་ལྔ་ལ་སོགས་པའོ། །ཆུ་བོ་བཞིའི་ནང་ཚན་གང་ཞིག །རང་ཐོབ་བྱེད་འདུས་པ་མདོའི་རྩ་བའི་དཀྱིལ་འཁོར་གཉིས་གང་རུང་ངམ། སྒྲུབ་པ་ཆེན་པོའི་ཡན་ལག་དང་འབྲེལ་བ་ཡན་ལག་གི་དཀྱིལ་འཁོར་ཁྱད་པར་བ་ལ་བརྟེན་ནས་བསྐུར་བས། སློབ་བུའི་རྒྱུད་ལ་ཨ་ཏི་ཡོ་གའི་སྤངས་ཐོབ་ཀྱི་ཡོན་ཏན་དང་རིགས་འདྲའི་ཨ་ནུ་རང་ལུགས་ཀྱི་རྫོགས་རིམ་མཐར་ཐུག་གསང་བ་བྱང་སེམས་རྣམ་པ་གཉིས་ཀྱི་ཡེ་ཤེས་སྐྱེས་སམ་སྐྱེ་རུང་གི་ནུས་པ་ཁྱད་པར་ཅན་དུ་བསྒྲུབས་པ་དེ་གསང་དབང་རྫོགས་པའི་ཆུ་བོའི་མཚན་ཉིད། དབྱེ་ན། ཀུན་རྫོབ་བྱང་སེམས་ཀྱི་དབང་ལུས་ལ་བསྐུར་བ་དང་། དོན་དམ་བྱང་སེམས་ཀྱི་དབང་སེམས་ལ་བསྐུར་བའོ། །ཐོབ་བྱེད་ཀྱི་དབྱེ་བ་སོགས་ནི་འདིར་མ་བྲིས་སོ། །གསུམ་པ་རྗེས་འཇུག་གི་དབང་བསྐུར་བའི་ཕྱག་བཞེས་ཀྱི་མཐའ་དཔྱད་པ་ནི། རྒྱུད་ལུགས་མདོ་རྩ་བའི་དཀྱིལ་འཁོར་དུ་མདོ་དབང་དངོས་སུམ་ཅུ་རྩ་དྲུག་བསྐུར་ཚུལ། མན་ངག་ལུགས་མདོ་ཡོངས་རྫོགས་ཀྱི་དཀྱིལ་འཁོར་དུ་ཐེག་པ་ཐམས་ཅད་འདུས་པའི་མདོ་དབང་རྩ་བ་སོ་དྲུག་ལས་ཡན་ལག་རགས་པ་བརྒྱད་བརྒྱ་སོ་གཅིག་ཏུ་ཕྱེ་ནས་བསྐུར་ཚུལ། དེ་གཉིས་ད་ལྟའི་དུས་ཀྱི་ཕྱག་ལེན་ལྟར་གཅིག་ཏུ་བསྒྲིལ་ནས་བསྐུར་བའི་འདོར་ལེན་བྱ་ཚུལ་ལོ། །དང་པོ་ལ་གཉིས་ཏེ། རྩ་བའི་དཀྱིལ་འཁོར་ངོས་བཟུང་བ་དང་། དེར་རྒྱུད་ལས་དངོས་བསྟན་གྱི་དབང་སོ་དྲུག་བསྐུར་ཚུལ་བཤད་པའོ། །དང་པོ་ནི། ཐུན་མོང་དང་ཐུན་མོང་མ་ཡིན་པ་རྩ་བའམ་ཁྱད་པར་གྱི་དཀྱིལ་འཁོར་གཉིས། ཞེས་སམ། ཡང་ན་ཐུན་ཐུན་མིན་གྱི་ཚོགས་ཆེན་འདུས་པའི་དཀྱིལ་འཁོར་ཞེས་བྱ་བ་གཉིས་སུ་འགྱུར་ཏེ། ཇི་ལྟར་ཞེ་ན། ཐུན་མོང་མ་ཡིན་པའི་དཀྱིལ་འཁོར་ནི། རྩ་རྒྱུད་ཚོགས་ཆེན་འདུས་པའི་སྒྲུབ་ལུགས་ཀྱི་ལེའུ་ལས་བཤད་པའི་དུར་ཁྲོད་གསང་བ་མཆོག་གི་དཀྱིལ་འཁོར་ཞེས་གྲགས་པའི་ཁྲོ་དཀྱིལ་དང་། བཤད་རྒྱུད་རྔམས་གློག་ནས་བཤད་པའི་ཞི་དཀྱིལ་གཉིས་སྦྲེལ་བ་དེ་ཡིན་ཏེ། དེ་ཉིད་ཡན་ལག་གི་དཀྱིལ་འཁོར་སོ་སོར་ཕྱེ་བ་མདོ་ཡོངས་རྫོགས་ཀྱི་སྐབས་སུ་སྒྲུབ་དབང་གྲགས་པའི་ཆུ་བོའི་དཀྱིལ་འཁོར་དུ་ཡིན་པས་ན། ཐུན་མོང་མ་ཡིན་པ་མདོ་རྩ་བའམ་ཁྱད་པར་བའི་དཀྱིལ་འཁོར་ཞེས་བཏགས་སོ། །རྩ་བའི་དཀྱིལ་འཁོར་ཐུན་མོང་བ་ནི། ཧེ་རུ་ཀ་འདུས་པའི་རྒྱུད་ལས་གསུངས་པའི་ཁྲོ་དཀྱིལ་དང་། རྔམས་གློག་ཏུ་གསུངས་པའི་ཞི་དཀྱིལ་གཉིས་སྦྲེལ་བའི་ཞི་ཁྲོའི་དཀྱིལ་འཁོར་གཉིས། མདོ་ཡོངས་རྫོགས་ཀྱི་ཚེ་འདི་ཉིད་ནང་དབང་འབྱུང་ཆུའི་དཀྱིལ་འཁོར་ཡིན་པས་ན། མ་ཧཱའི་དཀྱིལ་འཁོར་དང་ཐུན་མོང་དུ་གྱུར་པ་གང་ཞིག །མོས་སློབ་ཙམ་ལ་གྲགས་གསང་གི་ཆུ་བོ་གཉིས་ཀྱང་དཀྱིལ་འཁོར་འདི་ཉིད་དུ་བསྐུར་དུ་རུང་བས་རྩ་བའི་དཀྱིལ་འཁོར་དུའང་འགྱུར་བའི་ཕྱིར། ཐུན་མོང་བའི་རྩ་བའི་དཀྱིལ་འཁོར་ཞེས་བཏགས་པ་ཡིན་ནོ། །གཉིས་པ་ལ་གསུམ་སྟེ། བསྐུར་བྱའི་དབང་སོ་དྲུག་རྒྱུད་ལས་བཤད་ཚུལ། དེ་རྩ་དཀྱིལ་ཐུན་ཐུན་མིན་གང་རུང་དུ་རྫོགས་པར་བསྐུར་རུང་བའི་འཐད་པ་ཇི་ལྟར་བསྐུར་བའི་ཆོ་གའི་ཁྱད་པར་བཤད་པའོ། །དང་པོ་ནི། རྩ་རྒྱུད་རྔམས་གློག་ལས་ཇི་ལྟར་གསུངས་པ་བཞིན། དང་པོ་ཕྱི་དབང་རྒྱུད་ཀྱི་ཆུ་བོ་ལ། བཀའ་རྟགས་༡ཕྱག་རྒྱའི། རྟགས་ཀྱི་༢མཚན་མའི། ཤེས་རབ་གཟུངས་༣ཀྱི། བཀྲ་ཤིས་བུམ་༤པའི། བཀྲ་ཤིས་རྫས་༥བརྒྱད་ཀྱི། རིན་ཆེན་སྣ་༦བདུན་གྱི། གདན་༧ཁྲིའི། རྒྱན་ཆ་རྟགས་༨ཀྱི། མིང་༩གི །འཁོར་༡༠ལོའི་དབང་སྟེ་ཕན་དབང་ངམ་ཕྱི་དབང་བཅུ། གཉིས་པ་ནང་དབང་འབྱུང་བའི་ཆུ་བོ་ལ། གསང་༡བ་ཉན་ཅིང་ཀློག་པའི། རྣམ་༢བཞི་ལས་ཀྱི། རྒྱལ་ཐེབས་༣འཆད་པའི། རྡོ་རྗེ་རྒྱལ་༤པོར་དབང་བསྐུར་བའི། ཟིལ་༥གནོན་གདན་གྱི། ཁྱད་པར་༦རིན་ཆེན་སྣ་བདུན་གྱི། ཕྱག་རྒྱ་༧གཟུགས་བརྙན་གྱི། ཡེ་ཤེས་ཐུགས་༨ཀྱི། སྐུ་གསུང་༩ཐུགས་ཀྱི། བདུད་འདུལ་༡༠བཀྲ་ཤིས་རྫས་ཀྱི། གསང་བ་༡༡མིང་གི་དབང་སྟེ། ནང་ནུས་པའི་དབང་༼༢༡༽བཅུ་གཅིག །གསུམ་པ་སྒྲུབ་དབང་གྲགས་པའི་ཆུ་བོ་ནི། ཤེས་༡རབ་རིག་པའི་དབང་། སྙིང་རྗེ་རྟགས་༢ཀྱི་དབང་། འགྲོ་དོན་རྫོགས་༣པའི། དུག་གསུམ་༤གཏིང་ནས་སྤྲུགས་པའི། སྲིད་གསུམ་༥སྒྲོལ་བའི། སྐྱོན་གྱིས་མ་༦ གོས་པའི། ལས་རྣམས་༧རྫོགས་པའི། གཉིས་མེད་༨འཁྲིལ་པའི། གསང་༩བ་སྦྱོར་བའི། འདོད་༡༠ཡོན་ལོངས་སྤྱོད་ཀྱི། སྒྲུབ་༡༡པའི་རྒྱལ་པོའི། སྒྲུབ་༡༢རྫས་ཐམས་ཅད་ཀྱི། གཉིས་༡༣མེད་མིང་གི་དབང་སྟེ། ཆུ་བོ་བཞི་༣༤ཕན་ནུས་ཟབ་གསུམ་དུ་བསྡུ་བའི་ཚེ། འདིའང་ནུས་དབང་གི་ནང་ཚན་ཏེ་བཅུ་གསུམ་མོ། །བཞི་པ་གསང་དབང་རྫོགས་པའི་ཆུ་བོ་ནི། ཀུན་རྫོབ་༡བྱང་སེམས་ཀྱི་དབང་ལུས་དང་། དོན་དམ་བྱང་སེམས་ཀྱི་༢དབང་སེམས་ལ་བསྐུར་ཚུལ་གཉིས་ཏེ། གསང་བ་༼༤༦༽ཟབ་མོའི་དབང་གཉིས་སོ། །དེ་ཡང་རྔམས་གློག་ལས། གསང་བ་དམ་པ་སྦྱིན་པར་བྱ། །དཀར་དམར་འདྲེས་པའི་བྱང་ཆུབ་སེམས། །བུ་མཆོག་དེ་ཡི་ལྕེ་ལ་བཞག །ཅེས་ཀུན་རྫོབ་བྱང་སེམས་གསང་དབང་གི་ཁོངས་སུ་ཤེར་དབང་སྦས་པ་བླ་མའི་མན་ངག་ལ་ལྟོས་དགོས་ཏེ། དེ་ཡང་གསང་དབང་ལ་བླ་མ་ཡབ་ཡུམ་གྱི་ལུས་དཀྱིལ་དང་། ཤེས་དབང་ལ་ཕྱག་རྒྱ་མའི་མཁའ་གསང་གི་དཀྱིལ་འཁོར་གཉིས་འཇུག་བྱའི་དཀྱིལ་འཁོར་ཡིན་ལ་མཚོན་བྱེད་ཀྱི་བརྡ། གསང་རྫས་དང་མན་ངག་གི་དཀྱིལ་འཁོར་ལ་བརྟེན་ནས། ལྕེ་ལ་བཞག་ཅེས་པས། གསང་དབང་བླ་མ་ཡབ་ཡུམ་གྱི་བྱང་སེམས་དངོས་སུ་ལྕེ་ལ་བཞག་པ་དང་། ཤེར་དབང་ནི་སློབ་བུ་ཉིད་ཤེས་རབ་མ་དང་སྙོམས་པར་ཞུགས་པའི་ཁུ་རྡུལ་གསང་རྩ་ཕན་ཚུན་ལྟེམས་པ་ཡབ་ཀྱི་གསང་བ་རྡོ་རྗེའི་ལྕེ་ལ་བཞག་ནས་བསྐུར་བས་འབྱུང་ལྡོག་གི་དགའ་བ་བཞི་ལ་ངོ་སྤྲོད་པའོ། །གཉིས་པ་ནི། རྩ་དཀྱིལ་ཐུན་མིན་དུ་དབང་བསྐུར་ཚུལ་འགྲེལ་པ་ལུང་བསྟན་མ་དང་། ཐུན་མོང་དུ་དབང་བསྐུར་ཚུལ་སྒྲོ་ཕུག་པའི་གསང་སྔགས་ལུང་གི་འདུས་པ་མདོའི་མཛད་བྱང་ཞེས་པར་གསལ་བའི་ཕྱིར་རོ། །གསུམ་པ་ནི། ལམ་རིམ་ལས། གཞི་དང་གཞུང་གི་རྫོགས་པར་འགྱུར། །ཕུན་སུམ་ཚོགས་པ་ལྔ་གཞི་ལ། །བསྙེན་སྒྲུབ་བཞི་ཡིས་གཞུང་བསྲང་བའང་། །ཞེས་པས། ཕུན་སུམ་ཚོགས་པ་ལྔས་༡སྟོན་པ་འཁོར་༢གནས་༣ཡོ་༤བྱད་དུས༥། སྒྲུབ་པའི་གཞི་བཟུང་བ་དང་། བསྙེན་སྒྲུབ་ཡན་ལག་བཞིས་སྒྲུབ་པའི་གཞུང་བསྲང་བའོ། །ཕྱི་མ་ལའང་སྨིན་སློབ་དང་། མོས་སློབ་གཉིས་ལས། ཕྱི་མའི་དབང་དུ་བྱས་ན་ལྷ་ལུས་དཀྱིལ་དུ་བཀོད་ནས་དུས་གྲངས་རྟགས་ཀྱི་གཞིའི་བསྙེན་པ་རྫོགས་པར་བྱ་བ་ནི་སྔོན་དུ་བྱ་བ་དང་། སྒྲུབ་དབང་གི་རྫས་གསོག་ཅིང་ས་བརྟག་བསླང་སྦྱང་བ་སོགས་བསྙེན་པའི་ཡན་ལག་དངོས་ལ་བཅུ་གཉིས། ཚོན་གྱིས་བྲི་བ་སོགས་ཉེ་བསྙེན་ལ་དོན་བཅུ་བདུན། ཕྲིན་ལས་ཀྱི་གཞུང་བསྲང་བ་སོགས་སྒྲུབ་པའི་ཆོས་བཅུ། གྲུབ་པའི་རྟགས་བྱུང་བ་དང་དངོས་གྲུབ་ཀྱི་རྫས་བཤམ་ཞིང་སྦྱིན་སྲེག་བྱ་བ། དངོས་གྲུབ་བླང་བ་དབང་བསྐུར་བ་སོགས་སྒྲུབ་ཆེན་གྱི་ཆོས་བཅུ་གཅིག་གོ །གཉིས་པ་མན་ངག་ལུགས་མདོ་ཡོངས་རྫོགས་ཀྱི་དཀྱིལ་འཁོར་དུ་ཐེག་པ་ཐམས་ཅད་འདུས་པའི་མདོ་དབང་རྩ་བ་སོ་དྲུག་ལས་ཡན་ལག་རགས་པ་བརྒྱད་བརྒྱ་སོ་གཅིག་ཏུ་ཕྱེ་ནས་བསྐུར་ཚུལ་ནི། སློབ་དཔོན་ཆེན་པོ་བདེ་བ་གསལ་མཛད་ཀྱི་ལས་ཐོའི་དགོངས་པ་ཡིན་པས་མན་ངག་གི་ལུགས་ཞེས་བྱ་སྟེ། དེ་ཡང་འདིར་མོས་སློབ་གཙོ་ཆེའི་དབང་དུ་བྱས་ཏེ། ཕུན་སུམ་ཚོགས་པ་ལྔས་གཞི་བཟུང་བ་དང་། བསྙེན་སྒྲུབ་བཞིས་གཞུང་བསྲང་བ་དང་འབྲེལ་བར་ཆུ་བོ་བཞིའི་དབང་བསྐུར་ཚུལ་ལོ། །དེ་ཡང་བསྙེན་པའི་ཡན་ལག་ཕྱི་དབང་རྒྱུད་ཀྱི་ཆུ་བོ། ཉེ་བསྙེན་གྱི་ཡན་ལག་ནང་དབང་འབྱུང་བའི་ཆུ་བོ། སྒྲུབ་པའི་ཡན་ལག་སྒྲུབ་དབང་གྲགས་པའི་ཆུ་བོ། སྒྲུབ་ཆེན་གྱི་ཡན་ལག་གསང་དབང་རྫོགས་པའི་ཆུ་བོ་བསྐུར་བའི་རིམ་པའོ། །དང་པོ་ལའང་། གང་དུ་བསྐུར་བའི་དཀྱིལ་འཁོར་དང་། གང་བསྐུར་བྱའི་དབང་གཉིས་ལས། དང་པོ་ནི། དབང་དོན་བསྡུས་པ་ལས། ཡོ་ག་ལ་སོགས་ཐེག་དྲུག་ལ། །ཕྱི་དབང་རྒྱུད་ཀྱི་ཆུ་བོས་བྱ། །ཞེས་པས། ལྷ་མི་ནས་ཡོ་གའི་བར་བྱ་སྤྱོད་གཅིག་ཏུ་བྱས་པའི་དཀྱིལ་འཁོར་དྲུག་ཏུ་སྣང་བ་རིགས་བསྡུས་ན་མདོ་རྒྱུད་གཉིས་ལས། དང་པོ་མདོ་ལ། ནུབ་དང་པོ་ས་ཆོག་དང་དགེ་བའི་དཔུང་བསྐྱེད་པ་སོགས་བསྒྲུབས་ཤིང་། ཕྱག་རྡོར་ངན་སོང་གནས་འདྲེན་གྱི་དཀྱིལ་འཁོར་དུ་མཆོག་དབང་བཅུ་དྲུག་བསྐུར་བས་རྒྱུད་སྦྱོང་ཞིང་སྣོད་དུ་རུང་བར་བྱས་ནས། ནུབ་གཉིས་པ་ནས་བཟུང་། ལྷ་མི། ཉན་ཐོས། རང་རྒྱལ། བྱང་སེམས་བཞིའི་དཀྱིལ་འཁོར་བཤམ་སྒྲུབ་དབང་བསྐུར་སོགས་ཇི་ལྟར་རིགས་པར་བྱ་བའོ། །གཉིས་པ་རྒྱུད་ནི། ཀྲི་ཡ་རྩ་བའི་ལྷ་རིགས་གསུམ་ཉི་ཤུ་རྩ་གཅིག་གི་དཀྱིལ་འཁོར་དང་། ཡོ་ག་རྡོ་རྗེ་དབྱིངས་ཀྱི་དཀྱིལ་འཁོར་བཤམ་སྒྲུབ་སོགས་སོ། །གཉིས་པ་གང་བསྐུར་བྱའི་དབང་ནི། ལས་ཐོར། ཕྱི་དབང་རྩ་བ་བཅུ་པོ་ལ། །ཡན་ལག་བརྒྱ་རྩ་བརྒྱད་དུ་བསྐུར། །ཅེས་པས་ཕྱི་དབང་རྩ་བ་བཅུ་ནི། དབང་དོན་རྣམ་འབྱེད་ལས། དང་པོ་རྒྱལ་པོ་བཀའ་རྟགས་༢༠དབང་། །གཉིས་པ་རྟགས་ཀྱི་མཚན་མའི་༢༠དབང་། །གསུམ་པ་ཐུགས་རྗེ་གཟུངས་ཀྱི་༡༢དབང་། །བཞི་པ་ཤེས་རབ་བུམ་པའི་དབང་། །ལྔ་པ་ཁྱད་པར་གདན་གྱི་༣དབང་། །དྲུག་པ་རྒྱལ་སྲིད་རིན་ཆེན་༡དབང་། །བདུན་པ་བཀྲ་ཤིས་རྫས་ཀྱི་༡༦དབང་། །བརྒྱད་པ་ཤེས་བྱ་མ་རྨོངས་༧དབང་། །དགུ་པ་མཛེས་པ་རྒྱན་ཆའི་༦དབང་། །བཅུ་པ་དབང་བསྒྱུར་མིང་གི་༢དབང་། །ཞེས་སོ། །དེ་ནས་རགས་པ་བརྒྱ་རྩ་བརྒྱད་དུ་དབྱེ་བ་ནི། དབང་དོན་རྒྱ་ཆེར་འབྱེད་པ་ལས། ༡ དང་པོ་རྒྱལ་པོའི་བཀའ་རྟགས་ཉི་ཤུ་ནི། ཅོད་པན་ལྷ་མོ་སེང་གེ་གླང་པོ་ཆེ། །རས་གོས་ཁྲུས་བུམ་མིང་འདོགས་རྒྱན་བྱེ་བྲག །ཡི་གེ་མདའ་གཞུ་བཙུན་མོ་ཤིང་རྟའི་དབང་། །ཆིབས་མཆོག་ཤན་གྲི་བསེག་པར་ན་བཟའ་དུར། །འབྲས་ཆན་རྩྭ་སྟན་སྦྲང་རྩི་བུར་སྦྲང་སྟེ། །རྒྱ་ཆེ་རོལ་པའི་འགྲོ་འདུལ་མཚན་ཉིད་དབང་། ༢ གཉིས་པ་མཚན་མ་རྟགས་དབང་ཉེར་དྲུག་ནི། །རི་རབ་མཆོད་རྟེན་དཔག་བསམ་ཤིང་རྒྱ་མཚོ། །ས་གཞི་བདུད་རྩི་ངང་པ་ཁྲི་རྐང་དབང་། །མེ་ཏོག་རྔ་ཡབ་རྡུལ་ཡབ་སྦྲང་ཡབ་དང་། །བླ་བྲེ་རྒྱལ་མཚན་གདུགས་དང་ཉ་རྒྱ་དང་། །སྐ་རགས་སྤོས་ལྔ་སྙིང་པོ་རིན་ཆེན་ལྔ། །འབྲུ་ལྔ་སྟག་ཚེར་སེང་ཚེར་ཤུ་དག་དང་། །དབང་ལག་ཀཎྜ་ཀ་སྟེ་ཀྲི་ཡའི་དབང་། །ཕྱག་ན་རྡོ་རྗེ་དབང་བསྐུར་རྒྱུད་ལས་བཀྲོལ། ༣ །གསུམ་པ་ཐུགས་རྗེ་གཟུངས་དབང་བཅུ་གཅིག་ལ། །སྐུ་གཟུགས་ཕྱག་རྒྱ་གསུང་གཟུངས་ཡིག་འབྲུ་དང་། །ཐུགས་ཀྱི་གསེར་ཐུར་མེ་ལོང་འཁོར་ལོ་དུང་། །ཡོན་ཏན་མེ་ཏོག་ཕྲེང་བ་ཕྲིན་ལས་ལ། །རྡོ་རྗེ་རིན་ཆེན་པདྨ་རྒྱ་གྲམ་མོ། ༤ །བཞི་པ་ཤེས་རབ་བུམ་པ་གཅིག་པུ་ཉིད། ༥ །ལྔ་པ་ཁྱད་པར་གདན་དབང་༢ཟིལ་གནོན་གྱི། །སེང་གེ་མུན་སེལ་ཉི་མ་ཚ་སེལ་ཟླ། ༦ །དྲུག་པ་རྒྱལ་སྲིད་རིན་ཆེན་བཅུ་དྲུག་ནི། །འཁོར་ལོ་རྟ་མཆོག་གླང་པོ་ནོར་བུ་དང་། །བློན་པོ་བཙུན་མོ་དམག་དཔོན་རིན་ཆེན་བདུན། །རལ་གྲི་མདའ་གཞུ་གནམ་རལ་ཤན་གྲི་དང་། །ཞྭ་དང་ཁབ་སྐུད་ན་བཟའ་ཕྱག་མཆོག་དང་། །ཀྲྀཥྞའི་པགས་གདན་ཉེ་བའི་རནྟ་དགུ། ༧ ། བདུན་པ་བཀྲ་ཤིས་རྫས་དབང་བཅུ་དྲུག་ནི། །ཡུངས་ཀར་ཞོ་ཕོར་རྩྭ་དཱུར་ལི་ཁྲི་མཚལ། །མེ་ལོང་འབུད་དུང་གིའུ་ཝཾ་བིལྦ་རྫས། །དཔལ་བེའུ་འཁོར་ལོ་པདྨ་རྒྱལ་མཚན་དང་། །བུམ་པ་གདུགས་དུང་གསེར་ཉ་བཀྲ་ཤིས་རྟགས། ༨ །བརྒྱད་པ་ཤེས་བྱ་མ་རྨོངས་དབང་བདུན་ནི། །རྒྱ་གྲམ་ཅོད་པན་པཱུ་ཛ་ཀ་བ་ལི། །ཆག་ཤིང་འཆད་པོད་རྡོ་རྗེ་དྲིལ་བུའི་དབང་། ༩ །དགུ་པ་མཛེས་པའི་རྒྱན་ཆའི་དབང་དྲུག་ནི། །དབུ་རྒྱན་དཔུང་རྒྱན་ཞབས་གདུབ་ཕྱག་གདུབ་དང་། །དོ་ཤལ་དར་གྱི་ཅོད་པན་དབང་བསྐུར་རོ། ༡༠ །བཅུ་པ་རྒྱུ་དང་འབྲས་བུའི་མིང་དབང་སྟེ། །དཀོན་མཆོག་སློབ་དཔོན་ཕ་རོལ་ཕྱིན་ལས་གྲས། །འཇིག་རྟེན་ཐ་མལ་ཞེན་ལྡོག་རྒྱུ་ཡི་མིང་། །རྡོ་རྗེ་དབང་ཕྱུག་ཅེས་པ་འབྲས་བུའི་མིང་། །དེ་ལྟར་ཕྱི་དབང་རྒྱུད་ཀྱི་ཆུ་བོ་ལ། །དབང་དོན་རྒྱས་པ་ཡན་ལག་བརྒྱ་རྩ་བརྒྱད། །ཅེས་གསུངས་པས། དང་པོ་རྒྱལ་པོ་བཀའ་རྟགས་ཉི་ཤུའི་དབང་ནི་མཚན་ཉིད་ཐེག་པའི་དབང་སྟེ། དེ་ཡང་ལྷ་མི་ལ་ཅོད་པན་ནས་བཙུན་མོའི་བར་བཅུ་གཅིག་དང་། དེ་སྟེང་རྒྱ་བོད་ཀྱི་ཡི་གེའི་དབང་། ཉན་ཐོས་ལ་ཁྲུས་བུམ་དང་། མིང་དབང་གི་སྟེང་དུ་ཤིང་རྟ་ནས་སྦྲང་རྩིའི་བར་བརྒྱད་དང་། དེ་སྟེང་མུ་ནེའི་གཟུངས་དབང་། རང་རྒྱལ་ལ། བུམ་པ། མིང་། ཤན་གྲི། ངུར་སྨྲིག །རྩྭ་གདན། སྦྲང་རྩི་སྟེ་དྲུག་གི་སྟེང་། རྟེན་འབྲེལ་བཅུ་གཉིས་ཀྱི་གཟུགས། བྱང་སེམས་ཐེག་པར་རྒྱལ་པོའི་བཀའ་རྟགས་ཀྱི་དབང་ཉི་ཤུ་ཚང་མ། ཀྲི་ཡའི་དཀྱིལ་འཁོར་དུ་མཚན་མ་རྟགས་དབང་ཉེར་དྲུག །ཡོ་གའི་དཀྱིལ་འཁོར་དུ་གསུམ་པ་ཐུགས་རྗེ་གཟུངས་དབང་བཅུ་གཅིག་ནས། བཅུ་པ་རྒྱུ་དང་འབྲས་བུའི་མིང་དབང་གི་བར་ཏེ་དྲུག་ཅུ་རྩ་གཉིས་བསྐུར་བའོ། །དེ་ལྟར་ཕྱི་དབང་བརྒྱ་རྩ་བརྒྱད་ཀྱི་སྟེང་། ལྷ་མི་ཉན་རང་གསུམ་ལ་དེའི་ནང་ནས་བཏུས་ཤིང་རང་རང་གི་སྒོས་ཆོས་ལྷག་པོ་དང་བཅས་སུམ་ཅུ་སོ་གཅིག་འབྱུང་བ་རྣམས་བསྣན་པས་ཕྱི་དབང་ཆིག་བརྒྱ་སོ་དགུར་འགྱུར་ཞིང་། དེ་རྣམས་རྫས་དབང་རྐྱང་པའི་གྲངས་ཡིན་ལ། ད་དུང་སོ་སོའི་ལྷ་དབང་བསྐུར་དགོས་པས། ཕྱི་དབང་གི་སྐབས་འདིར་དཀྱིལ་འཁོར་གྱི་ལྷ་གྲངས་དབྱེ་བསྡུའི་ཁྱད་པར་ལས་གྲངས་མཐའ་གཅིག་ཏུ་བཟུང་དཀའོ། །གཉིས་པ་ཉེ་བསྙེན་གྱི་ཡན་ལག་ཏུ་ནང་དབང་འབྱུང་བའི་ཆུ་བོ་བསྐུར་བ་ལ། གང་དུ་བསྐུར་བའི་དཀྱིལ་འཁོར་དང་། གང་བསྐུར་བྱའི་དབང་གཉིས་ལས། དང་པོ་ནི། བསྐྱེད་པ་མ་ཧཱ་ཡོ་ག་ལ། །ནང་དབང་འབྱུང་བའི་ཆུ་བོས་བྱ། །ཞེས་པས་ནང་དབང་གང་དུ་བསྐུར་བའི་མ་ཧཱ་ཡོ་གའི་དཀྱིལ་འཁོར་ནི། ཚོགས་ཆེན་འདུས་པ་ཐུན་མོང་བའི་དཀྱིལ་འཁོར་ཏེ། དེ་ཡང་སྟ་གོན། དཀྱིལ་འཁོར་བཞེངས་སྒྲུབ། དེར་འཇུག་པའོ། །གཉིས་པ་གང་བསྐུར་བྱའི་དབང་ནི། ལས་ཐོར། དེ་ལ་ནང་དབང་བཅུ་གཅིག་པོ། །ཡན་ལག་དྲུག་བརྒྱ་དྲུག་གིས་བསྐུར། །འབྱུང་ཆུ་རབ་གནས་ལས་ཐོའོ། །ཞེས་གསུངས་ཏེ། དེ་ལ་ནང་དབང་རྩ་བ་བཅུ་གཅིག་ནི། དབང་དོན་རྣམ་འབྱེད་ལས། དེ་ནས་ནང་དུ་འཇུག་པར་བྱ། །དང་པོ་གསང་བ་ཉན་པའི་༡དབང་། །གཉིས་པ་རྣམ་བཞི་ལས་ཀྱི་༡དབང་། །གསུམ་པ་རྒྱལ་ཐེབས་འཆད་པའི་༡དབང་། །བཞི་པ་རྡོ་རྗེ་རྒྱལ་པོའི་དབང་། །ལྔ་པ་ཟིལ་གནོན་གདན་གྱི་དབང་། །དྲུག་པ་ཁྱད་པར་རིན་ཆེན་༧དབང་། །བདུན་པ་ཕྱག་རྒྱ་གཟུགས་༥༨༣བརྙན་དབང་། །བརྒྱད་པ་ཡེ་ཤེས་ཐུགས་ཀྱི་༡དབང་། །དགུ་པ་སྐུ་གསུང་ཐུགས་ཀྱི་༡དབང་། །བཅུ་པ་བདུད་འདུལ་བཀྲ་ཤིས་དབང་། །བཅུ་གཅིག་གསང་བ་མིང་གི་༡དབང་། །ཞེས་སོ། །དེ་ལས་ཡན་ལག་དྲུག་བརྒྱ་དྲུག་ཏུ་དབྱེ་བ་ནི། དབང་དོན་རྒྱ་ཆེར་འབྱེད་པ་ལས། །དང་པོ་གསང་བ་ཉན་དབང་རྣ་བ་ལ། །རཏྣ་རིགས་ཀྱི་དབང་བསྐུར་བསྒྲགས་རྫས་བྱིན། །གཉིས་པ་རྣམ་བཞི་ལས་དབང་ལག་པ་ལ། །ལས་ཀྱི་རིགས་ཀྱི་བསྐུར་དང་བསྒྲགས་རྫས་བྱིན། །གསུམ་པ་རྒྱལ་ཐེབས་འཆད་དབང་ལྕེ་ལ་སྟེ། །པདྨ་རིགས་ཀྱི་བསྐུར་དང་བསྒྲག་རྫས་བྱིན། །བཞི་པ་རྡོ་རྗེ་རྒྱལ་དབང་སྤྱི་བོ་ལ། །དེ་བཞིན་རིགས་ཀྱི་བསྐུར་དང་བསྒྲགས་རྫས་བྱིན། །ལྔ་པ་ཟིལ་གནོན་གདན་དབང་རྐང་པ་ལ། །འཇིག་རྟེན་དྲེགས་པ་ཁྱོ་ཤུགས་གདན་དབང་བསྐུར། །དྲུག་པ་ཐུན་མོང་མ་ཡིན་རཏྣ་བདུན། །འཁོར་ལོས་དབང་བསྐུར་སྐྱེ་བ་བཞིར་དབང་བསྒྱུར། །བཙུན་མོ་འབྱུང་བ་བཞི་ཡིས་མཉེས་པ་འབུལ། །དམག་དཔོན་ཚུལ་དགྲས་ཕ་རོལ་དམག་དཔུང་འཇོམས། །ཁྱིམ་བདག་ཚད་མེད་བཞི་ཡིས་ཆབ་སྲིད་འཛིན། །གླང་ཆེན་སྟོབས་བཅུས་བདག་དང་གཞན་དོན་མཛད། །རྟ་མཆོག་རྫུ་འཕྲུལ་མྱུར་མགྱོགས་གནས་སླེབས་བྱེད། །ནོར་བུ་རིན་ཆེན་རྣམ་བཞིས་རེ་འདོད་སྐོང་། །བདུན་པ་ཕྱག་རྒྱ་གཟུགས་བརྙན་དབང་བསྐུར་བ། །དཀྱིལ་འཁོར་དགུ་བརྩེགས་དཔལ་གྱི་ཕྱག་རྒྱའི་རིམ། །ཀུན་གྱི་སྤྱི་དཔལ་ཀུན་བཟང་བདེ་ཆེན་དཀྱིལ། །ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་དང་། །ཆེ་མཆོག་ཡབ་ཡུམ་ཆོས་སྐུ་རྫོགས་པའི་དཀྱིལ། །ཁྲག་འཐུང་འབར་བ་རྩ་བའི་དཀྱིལ་འཁོར་དང་། །ཌཱ་ཀི་ལས་ཀྱི་དཀྱིལ་འཁོར་སུམ་ཅུ་གཉིས། །སྐྱེས་བུ་གིང་ཆེན་བཅོ་བརྒྱད་སོབ་བའི་དཀྱིལ། །ཁྲག་འཐུང་རོལ་དཀྱིལ་སྤྲུལ་པའི་དཀྱིལ་འཁོར་དང་། །མགྱོགས་འགྲོ་ཡིད་ཀྱི་དཀྱིལ་འཁོར་ཕྱོགས་ཕོ་ཉ། །དམ་ཚིག་ཆེན་པོ་མ་སྲིང་འོག་ཕོ་ཉ། །རྡོ་རྗེ་འཆང་གི་དཀྱིལ་འཁོར་སློབ་དཔོན་དབང་། །བདེ་ཆེན་གཅིག་དང་བཞི་བཅུ་རྩ་གཉིས་དང་། །ཆེ་མཆོག་གཉིས་དང་བདུན་ཅུ་རྩ་བརྒྱད་དང་། །དྲུག་ཅུ་བཞི་བཅུ་སོ་གཉིས་བཅོ་བརྒྱད་བདུན། །བཞི་དང་སུམ་བརྒྱ་དཀྱིལ་འཁོར་བརྒྱད་ལྷའི་གྲངས། །དཀྱིལ་འཁོར་ཐ་མ་བྱིན་རླབས་སློབ་དཔོན་དབང་། །དཀྱིལ་འཁོར་དགུ་ཡི་རིམ་པ་སློབ་དཔོན་གདན། །མ་གཏོགས་ལྷ་ལ་ལྔ་བརྒྱ་བརྒྱད་ཅུ་གསུམ། །བརྒྱད་པ་ཡེ་ཤེས་ཐུགས་དབང་གནས་ལྔར་བསྐུར། །ཡེ་ཤེས་ལྔའམ་དགུ་རྟགས་མར་མེ་བྱིན། །དགུ་པ་སྐུ་གསུང་ཐུགས་ཀྱི་དབང་བསྐུར་བ། །སྤྱི་བོ་ལྕེ་སྙིང་ལྟེ་བ་གསང་གནས་སུ། །སྐུ་གསུང་ཐུགས་ཡོན་ཕྲིན་ལས་ལྔ་རེ་རེ། །ཕྱག་རྒྱ་སྔགས་དང་ཏིང་འཛིན་ལྡན་པས་བསྐུར། །བཅུ་པ་བདུད་འདུལ་བཀྲ་ཤིས་རྫས་བརྒྱད་ལུས། །བཅུ་གཅིག་གསང་བའི་མིང་དབང་རྣ་སྙིང་ལ། །རྡོ་རྗེ་རྩལ་ཀྱི་ཐིག་ལེ་སྦྱིན་པར་བྱ། །དེས་ན་ནང་དབང་འབྱུང་བའི་ཆུ་བོ་ལ། །དྲུག་བརྒྱ་དྲུག་ཏུ་ཕྱེས་པ་བསྐུར་བར་བྱ། །ཞེས་སོ། །གསུམ་པ་སྒྲུབ་པའི་ཡན་ལག་ཏུ་སྒྲུབ་དབང་གྲགས་པའི་ཆུ་བོ་བསྐུར་བ་ལ། གང་དུ་བསྐུར་བའི་དཀྱིལ་འཁོར་དང་། གང་བསྐུར་བྱའི་དབང་གཉིས་ལས། དང་པོ་ནི། དབང་དོན་བསྡུས་པ་ལས། རྫོགས་པ་ཨ་ནུ་ཡོ་ག་ལ། །སྒྲུབ་དབང་གྲགས་པའི་ཆུ་བོས་བྱ། །ཞེས་པས། སྒྲུབ་དབང་གང་དུ་བསྐུར་བ་ཨ་ནུ་ཡོ་གའི་དཀྱིལ་འཁོར་ནི། ཚོགས་ཆེན་འདུས་པ་ཐུན་མོང་མ་ཡིན་པའི་དཀྱིལ་འཁོར་ཏེ། རྩ་རྒྱུད་དུ་དེའི་སྒྲུབ་ལུགས་ཀྱི་ལེའུ་གསུངས་པས་དུར་ཁྲོད་གསང་བ་མཆོག་གི་དཀྱིལ་འཁོར་ཞེས་བྱ་བ་དེ་ཉིད་ཡིན་པས། དེ་བཤད་པ་ལ་དྲུག་སྟེ། མཚམས་བཅད་པ། གནས་འཁོར་ཡོ་བྱད་བརླབ་པ། དཀྱིལ་འཁོར་བཞེངས་པ། སྒྲུབ་ཅིང་མཆོད་པ། ནུབ་ཐ་མར་སློབ་དཔོན་འཇུག་ཅིང་དངོས་གྲུབ་བླང་བ། སློབ་མ་དཀྱིལ་འཁོར་དུ་གཞུག་པའོ། །གཉིས་པ་གང་བསྐུར་བྱའི་དབང་ནི། ལས་ཐོར། སྒྲུབ་དབང་བཅུ་གསུམ་ལས་ཀྱིས་བསྐུར། །གྲགས་པའི་ཆུ་བོའི་ལས་ཐོའོ། །ཞེས་གསུངས་ཏེ། དེ་ལ་སྒྲུབ་དབང་རྩ་བ་བཅུ་གསུམ་ནི། དབང་དོན་རྣམ་འབྱེད་ལས། དེ་དག་ཀུན་ལ་སྤྱོད་སྒྲུབ་པའི། །སྒྲུབ་པའི་དབང་རྣམས་བསྐུར་བར་བྱ། །དང་པོ་ཤེས་རབ་རིག་པའི་སེམས་ཡོན་གཏན་ཚིགས་བྱིན། །གཉིས་པ་སྙིང་རྗེ་རྟགས་དབང་ཉི་ཟླའི་འཁོར་ལོ་བྱིན། །གསུམ་པ་འགྲོ་དོན་རྫོགས་པའི་ཐང་གཤོལ་འབར་བ་བྱིན། །བཞི་པ་དུག་གསུམ་སྤྲུགས་པ་གྭའུ་རྣམ་གསུམ་བྱིན། །ལྔ་པ་སྲིད་གསུམ་སྒྲོལ་བའི་ཀ་ཏར་མཚོན་ཆ་བྱིན། །དྲུག་པ་སྐྱོན་གྱིས་མ་གོས་རྣམ་དག་པདྨ་བྱིན། །བདུན་པ་ལས་རྣམས་རྫོགས་པའི་ཏི་རའི་དབྱུག་པ་བྱིན། །བརྒྱད་པ་གཉིས་མེད་འཁྲིལ་བ་སྦྲུལ་ནག་ཆུན་པོ་བྱིན། །དགུ་པ་གསང་བ་ཤེས་རབ་ལྷ་མོའོ། །བཅུ་པ་ཀུན་ལ་དབང་པའི་འདོད་ཡོན་སྣ་ལྔ་བྱིན། །བཅུ་གཅིག་སྒྲུབ་པའི་རྒྱལ་པོ་དཀྱིལ་འཁོར་གཙོ་བོ་བྱིན། །བཅུ་གཉིས་ཐམས་ཅད་སྒྲུབ་པའི་སྒྲུབ་རྫས་ཐམས་ཅད་བྱིན། །བཅུ་གསུམ་གཉིས་སུ་མེད་པ་ཐིག་ལེ་མིང་གི་དབང་། །ཞེས་སོ། །དེ་ལ་ཡན་ལག་བརྒྱ་བཅོ་ལྔར་དབྱེ་བ་ནི། མཁས་གྲུབ་ཆེན་པོ་གཡུང་སྟོན་པས། བཞི་པ་གྭའུའི་དབང་ལ་གསུམ། །ལྔ་པ་མཚོན་ཆའི་དབང་ལ་དྲུག །བཅུ་པ་འདོད་ཡོན་དབང་ལ་ལྔ། །བཅུ་གཅིག་སྒྲུབ་པའི་རྒྱལ་པོའི་དབང་ལ་ལྔ། བཅུ་གཉིས་སྒྲུབ་རྫས་ཐམས་ཅད་ཀྱི་དབང་ལ་བརྒྱད་ཅུ་གྱ་བརྒྱད་དང་། ལྷག་མ་བརྒྱད་པོ་ལ་རེ་རེ་སྟེ། ཁྱོན་དྲིལ་པས་ཡན་ལག་བརྒྱ་དང་བཅོ་ལྔ་ཡོད་པར་གསུངས་པས། གྭའུའི་དབང་གསུམ་ནི། ཐོད་པ་ཚར་གསུམ་དམར་གྱིས་བཀང་བ་དང་། མཚོན་ཆ་དྲུག་ནི་གཡུང་སྟོན་པས་དྲུག་གི་གྲངས་ངེས་མཛད་ལ། རྔམས་གློག་ཏུ་མཚོན་ཆ་སྣ་ཚོགས་ཞེས་གསུངས། སྒྲུབ་རྫས་ཀྱི་དབང་ལ། སྒྲུབ་རྫས་ཐུན་མོང་བ་བཅོ་ལྔ་ནི། དབུ་རྒྱན། ཅོད་པན། བྷཉྫ། བྱང་སེམས། དྲི་ཆེན། མི་ཤ །རཀྟ། དྲི་ཆུ། རྡོར་དྲིལ། ཕུར་བུ། བདུད་རྩི། ཕྲེང་བ། ཡུངས་ཀར། མར་མེ། རྔེའུ་ཆུང་སྟེ་བཅོ་ལྔ་དང་། ཐུན་མོང་མ་ཡིན་པ་སྒྲུབ་རྫས་རོལ་པའི་ཆས་བཅུ་ནི། སྟག་ཤམ། གླང་ཀོ །ཞིང་ལྤགས། ཐོད་ཕྲེང་། སྦྲུལ་ཆུན། ཁྱུང་གཤོག །མེ་དཔུང་ཁྲག་གི་ཐིག་ལེ། ཞག་གི་ཟོ་རིས། ཐལ་ཆེན་གྱི་ཚོམ་བུ་བཅས། ཁྱད་པར་གྱི་སྒྲུབ་རྫས་ལ་སྤྱི་དང་། བྱེ་བྲག་གཉིས་ལས། སྤྱི་ལ་དཔལ་བཤོས། དབང་བཤོས། གསལ་ཤིང་གི་ཟླ་གམ། ཛ་གད། བཀྲ་ཤིས་གཙང་མའི་བམ། དག་པ་ལྷ་ཡི་རྫས་ཀྱི་བམ། མདའ། རལ་གྲི། མེ་ལོང་། ཕུར་བུ་བཞི་པོ་རེ་རེ་ལའང་བསྙེན་སྒྲུབ་བཞི་བཞི་སྟེ་བཅུ་དྲུག །ཚོན་སྐུད། དུར་ཁྲོད་རྒྱན་གྱི་ཆས། སྐུ་རྟེན་ཐོད་སྐུ། གསུང་རྟེན་ཐོད་པ། ཐུགས་རྟེན་རྡོ་རྗེ་དང་དྲིལ་བུ། གསང་བའི་རྔེའུ་ཆུང་། རྐང་གླིང་། བགྲང་ཕྲེང་རྣམས་དང་། བྱེ་བྲག་གི་སྒྲུབ་རྫས་ལ། གཤིན་རྗེ་གཤེད་ཀྱི་སྒོ་བྱང་། རྟ་མགྲིན་གྱི་སྒོ་བྱང་། ཡང་དག་གི་མར་མེ། ཆེ་མཆོག་གི་སྨན། རྡོ་རྗེ་གཞོན་ནུའི་བསྙེན་ཕུར་དང་མཚམས་ཕུར་སོ་སོར་བརྩིས་པས་བཅུ། མ་མོའི་མདོས་དང་། རཀྟ། དྲེགས་པའི་གཏོར་མ་དང་སྨན་ཕུད། དྲག་སྔགས་ཀྱི་ཞི་རྒྱས་དབང་དྲག་གི་ཧོམ་སྟེ་བཞི། དམར་གཏོར། ཀོང་ཟོར། འབྲུབ་ཁུང་ཉ་པོ་གདབ་ཕུར་རྣམས། རིག་འཛིན་གྱི་གཏོར་མ་དང་། སྨན་ཕུད། ཚེ་ཡི་འབྲང་རྒྱས་དང་ཚེ་ཆང་རྣམས་དྲིལ་བས་བརྒྱད་ཅུ་རྩ་བརྒྱད་དོ། །བཞི་བ་སྒྲུབ་ཆེན་གྱི་ཡན་ལག་གསང་དབང་རྫོགས་པའི་ཆུ་བོ་བསྐུར་བ་ནི། དབང་དོན་བསྡུས་པ་ལས། རྫོགས་ཆེན་ཨ་ཏི་ཡོ་ག་ལ། །གསང་དབང་རྫོགས་པའི་ཆུ་བོས་བྱ། །ཞེས་གསུངས་དེ་ལ་དབྱེ་ན། དབང་དོན་རྣམ་འབྱེད་ལས། སྒྲུབ་དབང་བཅུ་གསུམ་རྫོགས་པ་དང་། །གསང་བ་ཀུན་གྱི་བདག་ཡིན་པས། །དཀར་དམར་འདྲེས་པའི་བྱང་ཆུབ་སེམས། །དབང་ཐོབ་དེ་ཡི་ལྕེ་ལ་བཞག །གཉིས་མེད་དོན་དམ་བྱང་ཆུབ་སེམས། །དབང་ཐོབ་དེ་ཡི་སེམས་ལ་བཞག །ཅེས་པས་ཀུན་རྫོབ་བྱང་སེམས་ཀྱི་དབང་ལུས་ལ་བསྐུར་བ་དང་། དོན་དམ་བྱང་སེམས་ཀྱི་དབང་སེམས་ལ་བསྐུར་བ་གཉིས། དང་པོ་ལའང་དངོས་བསྟན་གསང་དབང་དང་། སྦས་དོན་ཤེར་དབང་བཅས་སོ། །དེ་ལྟར་ཡན་ལག་བརྒྱད་བརྒྱ་སོ་གཅིག་ལ་རགས་པ་ཟེར་བ་ནི། དབང་དོན་རྒྱ་ཆེར་འབྱེད་པ་ལས། བྱེ་བྲག་ཕྱེ་ན་བསམ་འདས་བརྗོད་མི་ལང་། །ཞེས་གསུངས་པ་ལྟར། ཡན་ལག་བརྒྱད་བརྒྱ་སོ་གཅིག་ལས་འཕྲོས་པའི་ཉིང་ལག་གི་དབྱེ་བ་ཕྱེ་ན་མཐའ་ཡས་པའི་ཕྱིར་རོ། །དེ་ལྟར་རྒྱུད་དང་མན་ངག་གི་ལུགས་གཉིས་ཀས་ཐེག་དགུའི་དབང་དང་ཡོ་ག་བཞི་རྫོགས་ཀྱི་དབང་རྫོགས་པ་ལ་འདྲ་བ་ཡིན་ཏེ། མདོ་རང་ལུགས་ཀྱི་དང་པོ་འགྱུར་བ་མ་ངེས་པ་ནས། ས་བཅུ་པ་རྫོགས་པ་སྤྱི་ཆིབས་ཀྱི་བར་ནོན་པར་བྱ་བའི་ཆེད་དུ་ལྷ་མི་ནས་བརྩམས་ཏེ་ཨ་ཏིའི་བར་བྱ་སྤྱོད་སོ་སོར་བགྲངས་པས་དབང་རིམ་བཅུ་བྱུང་བ་དེ་ཉིད་བྱ་སྤྱོད་གཅིག་ཏུ་བསྡུས་ནས་ཐེག་དགུ་དང་ཚུལ་འདྲ་བས་ཐེག་དགུའི་དབང་དུ་བཏགས་པ་གང་ཞིག །ཕྱི་དབང་རྒྱུད་ཀྱི་ཆུ་བོ་བཅུ་ཐོབ་པས་ས་བདུན་པ་དམིགས་པས་འབྲས་བུ་སྐྱེ་བའི་ས་མན་ཆོད་ནོན་ནས་ཡོ་ག་སྟེ་རྣལ་འབྱོར་དུ་འགྱུར། ནང་དབང་འབྱུང་བའི་ཆུ་བོ་བཅུ་གཅིག་ཐོབ་པས་ས་བརྒྱད་པ་གནས་པ་མི་འགྱུར་བའི་ས་ནོན་ནས་ཨ་ནུ་ཡོ་ག་སྟེ་རྣལ་འབྱོར་ཆེན་པོར་འགྱུར། སྒྲུབ་དབང་གྲགས་པའི་ཆུ་བོ་བཅུ་གསུམ་ཐོབ་པས་ས་དགུ་པ་བརྡལ་བ་ཆོས་ཉིད་ཀྱི་ས་ནོན་ནས་ཨ་ནུ་ཡོ་ག་སྟེ་རྗེས་སུ་རྣལ་འབྱོར་དུ་འགྱུར། གསང་དབང་རྫོགས་པའི་ཆུ་བོ་གཉིས་ནོན་པས་ས་བཅུ་རྫོགས་པ་སྤྱི་ཆིབས་ཀྱིས་ནོན་ནས་ཨ་ཏི་ཡོ་ག་སྟེ་ཤིན་ཏུ་རྣལ་འབྱོར་དུ་འགྱུར་པའི་ཕྱིར། དབང་དོན་རྣམ་འབྱེད་ལས། བཅུ་ཡིས་བྱང་ཆུབ་རིགས་ཅན་གྱུར། །བཅུ་གཅིག་གསང་བ་ནང་པར་འགྱུར། །བཅུ་གསུམ་བླ་མ་ཆེན་པོར་གྲགས། །གཉིས་ཀྱིས་ཐེག་དགུའི་དབང་རྫོགས་པའོ། །ཞེས་སོ། །གསུམ་པ་རྒྱུད་དང་མན་ངག་གི་ལུགས་དེ་གཉིས་ད་ལྟའི་དུས་ཀྱི་ཕྱག་ལེན་ལྟར་གཅིག་ཏུ་བསྒྲིལ་ནས་བསྐུར་བའི་དོན་འདོར་ལེན་བྱ་ཚུལ་ནི། ཐོག་མར་སྒོ་འབྱེད་ཀྱི་དབང་བཅུ་དྲུག་དང་། དེ་ནས་ལྷ་མི་ནས་ཡོ་གའི་ཡན་ལག་གི་དཀྱིལ་འཁོར་དྲུག་ཏུ་མན་ངག་ལུགས་མདོ་ཡོངས་རྫོགས་ལྟར་དང་། དེ་ནས་ཚོགས་ཆེན་འདུས་པ་ཐུན་མོང་པའི་རྩ་དཀྱིལ་དུ་རྒྱུད་ལུགས་ཀྱི་ཕྱི་དབང་རྩ་བ་བཅུ་དང་། རྒྱུད་དང་མན་ངག་ལུགས་ཀྱི་ནང་དབང་རྩ་བ་བཅུ་གཅིག་ལ་ཡན་ལག་དྲུག་བརྒྱ་དྲུག་གི་སྟེང་། རིག་འཛིན་སློབ་དཔོན་གྱི་དབང་དང་བཅས་པ་དང་། དཀྱིལ་འཁོར་དེ་ཉིད་དུ་སྒྲུབ་དབང་གྲགས་པའི་ཆུ་བོ་རྩ་བ་བཅུ་གསུམ་ལ་ཡན་ལག་བརྒྱ་བཅོ་ལྔར་ཕྱེ་སྟེ་བསྐུར་པའི་མཇུག་ཏུ་གསང་དབང་རྫོགས་པའི་ཆུ་བོ་གཉིས་ཀྱང་བསྡུས་པ་རེ་སྦྲེལ། སླར་ཡང་ཡན་ལག་གི་དཀྱིལ་འཁོར་དུ་མཆོག་དབང་གོང་མ་གཉིས་རྒྱས་པར་བསྐུར་ཞིང་། མཐའ་རྟེན་གཏད་རྒྱ་ཚེ་དབང་བཅས་རྫོགས་པར་མཛད་པ་སྟེ། ཕྱི་དབང་ལུགས་གཉིས་གྲངས་དང་བསྐུར་ཐབས་ཆེས་མི་མཐུན་པས་སོ་སོ་དང་། ནང་དབང་ལུགས་གཉིས་གཅིག་ཏུ་འབབས་པས་འདོར་ལེན་མ་དགོས། སྒྲུབ་དབང་རྩ་དཀྱིལ་དོར་ནས་རྒྱུད་ལུགས་ཉིད་གཙོ་བོར་བསྟན་ལ། གསང་དབང་རྫོགས་པའི་ཆུ་བོ་ནི། ཀུན་ལ་ཁྱབ་བརྡལ་དུ་བསྐུར་རུང་མི་རུང་གི་དབྱེ་བས་མདོ་རྒྱས་སུ་མཛད་པ་ཡིན་ནོ། །དེ་ལྟར་མཛད་པས་གནས་སྐབས་སུ་བྱ་སླ་ཞིང་། མཐར་ཐུག་སྲོལ་གཉིས་ཀ་མི་ནུབ་ཅིང་ཆབ་གཅིག་འཕེལ་བའི་དགོས་པ་ཁྱད་པར་ཅན་ཏེ། དཔེར་ན་རྡོར་ཕྲེང་སྟེང་བྱ་བཏུས་ཀྱི་དགེ་ལེགས་སུ་བྱེད་པའི་དཀྱིལ་འཁོར་གསུམ་བསྣན་ནས། དེ་གཉིས་ཀའི་དབང་རྫོགས་པར་མཛད་པ་བཞིན་ནོ། །དེ་ལ་སྤྱིར་འདུས་པ་མདོའི་དབང་འདི་ཉིད་གང་ཟག་ཐོས་པའི་ཤེས་རབ་ཅན་རྣམས་ལ་དབང་བསྐུར་བྱེད་པ། བསམ་པའི་ཤེས་རབ་ཅན་རྣམས་ལ་བཤད་པར་བྱེད་པ། སྒོམ་པའི་ཤེས་རབ་ཅན་རྣམས་ལ་འཁྲིད་དུ་འདེབས་པའི་ལུགས་དང་གསུམ་མོ། ། ༈

ཁྲོ་བོ་རྡོ་རྗེ་ལས་རིམ་ལས། སྡོམ་ནི་སྔོན་དུ་བྱ་བ་དང་། །ཏིང་འཛིན་ལྷག་བསྐྱེད་རང་བཞིན་དབབ། །དབང་པོའི་སྐྱོན་བསལ་མངའ་གསོལ་དང་། །ཁྲུས་གསོལ་བཀྲ་ཤིས་རས་ཀྱིས་འཕྱི། །མཆོད་པ་ཕྱི་ནང་གསང་གསུམ་དབུལ། །བདེན་པའི་བྱིན་རླབས་དམིགས་བརྟན་བཞུགས། །ཡོན་བདག་བསྐོར་ཕྱག་སྨོན་ལམ་གདབ། །ཅེས་རབ་གནས་ཀྱི་ཆོ་ག་ལ་དོན་དགུའམ་རྐང་པ་བདུན་དང་བརྒྱད་པ་གཉིས་པས་དོན་བརྒྱད་དུའང་བསྟན་པ་རིགས་བསྡུས་ན་ཐུན་མོང་སྦྱོར་དངོས་རྗེས་གསུམ་ལས། དང་པོ་ལའང་བདུན་གྱི། དང་པོ་བཤམ་བཀོད། གཉིས་པ་བདག་བསྐྱེད། གསུམ་པ་བུམ་བཟླས། བཞི་པ་རྒྱས་པའི་སྦྱིན་སྲེག །ལྔ་པ་རྟེན་གྱི་བགེགས་སྦྱང་བ། དྲུག་པ་དྲི་མ་སྦྱང་བ། བདུན་པ་ལྷ་མཆོད་ཅིང་གསོལ་བ་གདབ་པའོ། །གཉིས་པ་དངོས་གཞི་ལའང་བདུན་ཏེ། དང་པོ་དམ་ཚིག་བསྐྱེད་པ། གཉིས་པ་ཡེ་ཤེས་པ་སྤྱན་དྲང་ཞིང་བསྟིམ་པ། གསུམ་པ་དབང་པོའི་སྐྱོན་བསལ་བ། བཞི་པ་དངོས་པོའི་སྐྱོན་སྦྱང་བ། ལྔ་པ་ཆེ་བའི་ཡོན་ཏན་རྒྱན་ཆས་ཀྱིས་དབང་བསྐུར་ཞིང་མངའ་གསོལ་བ། དྲུག་པ་མཆོད་པས་མཉེས་པ་ཡོངས་སུ་བཟུང་བར་མངའ་དབུལ་བ། བདུན་པ་བདེན་པས་བྱིན་གྱིས་བརླབ་ཅིང་བརྟན་པར་བཞུགས་སུ་གསོལ་བའོ། །གསུམ་པ་རྗེས་ནི། སྨོན་ལམ་གདབ་ཅིང་ཡོན་བདག་གིས་བསྐོར་ཕྱག་བྱ་བའོ།། །། ༈

སྨིན་གླིང་མཁན་ཆེན་དྷརྨཱ་ཤྲཱིས་མཛད་པའི་མདོ་དབང་སྤྱི་དོན་གསལ་བྱེད་སྒྲོན་མེ་ལས། སློབ་དཔོན་དབང་བསྐུར་བའི་ཏིང་ངེ་འཛིན་གྱིས་དགོངས་པ་ལ་བཞུགས་པ་ཉིད་གཙོ་ཆེ་ཞིང་། དེའི་གྲོགས་སྔགས་དང་ཕྱག་རྒྱའང་ངེས་པར་གལ་ཆེ་སྟེ། ཏིང་ངེ་འཛིན་དང་བྲལ་བའི་དབང་བསྐུར་སྟེར་བ་རྒྱུད་སྡེ་རྣམས་སུ་ནམ་ཡང་མ་གསུངས་པའི་ཕྱིར་དང་། སྔགས་རྒྱའང་ཆ་རྐྱེན་དུ་མེད་ཐབས་མེད་པའི་ཕྱིར་རོ། །རྫས་ནི་མ་འབྱོར་ན་གནང་བའི་སྐབས་ཡོད་དོ། །དཔོན་སློབ་གཉིས་ཀ་ཀུན་སྤངས་ཀྱི་སྤྱོད་པ་ཅན་ལ་རྫས་དང་ཡོ་བྱད་ཅི་རིགས་པ་ནས་མཐའ་དག་སྤངས་པའི་བར་གྱིས་དབང་བསྐུར་སྦྱིན་པར་གསུངས་པའི་ཕྱིར། དེ་ལྟར་ཡང་དུས་འཁོར་བསྡུས་རྒྱུད་ལས། རྫས་རྣམས་མེད་པའི་མངོན་པར་དབང་བསྐུར་རྒྱལ་བའི་བདག་པོའི་བཀའ་ཡིས་ཀུན་སྤངས་ལ་ནི་སྦྱིན་པར་བྱ། །ཞེས་གསུངས་ཤིང་། སློབ་དཔོན་ཨ་བྷ་ཡཱ་ཀ་རས་ཀྱང་། འབྱོར་པ་དང་ལྡན་ཡང་རུང་ལྷག་པར་མོས་པ་བརྟན་པོ་ཅན་ལ་རྫས་ཀྱི་ནང་ཚན་གཟུགས་བརྙན་གྱི་དཀྱིལ་འཁོར་ལ་མ་བརྟེན་པར་ཏིང་ངེ་འཛིན་ཁོ་ནའི་དཀྱིལ་འཁོར་དུ་སྨིན་བྱེད་ཀྱི་དབང་བསྐུར་དུ་རུང་བར་བཤད་ན། གཞན་ལྟ་སྨོས་ཀྱང་ཅི་དགོས་སྙམ་མོ། །ཡང་བླ་མ་ཏིང་ངེ་འཛིན་གྱི་དགོངས་པ་དང་ལྡན་ཡང་། སློབ་མས་དམིགས་པ་ཇི་ལྟ་བ་བཞིན་འཛིན་པར་མི་ནུས་ན་དབང་ཇི་ལྟར་ཐོབ་ཅེ་ན། སློབ་མའི་རྒྱུད་ལ་དད་པ་དང་འདུན་པ་ཡོད་ན་དམིགས་པ་འཛིན་མི་ཤེས་ཀྱང་བླ་མའི་བྱིན་རླབས་ཀྱིས་དབང་ཐོབ་པ་ཡོད་དགོས་ཏེ། དཔེར་ན་རྟེན་གྱིས་དམིགས་པ་མི་འཛིན་ཀྱང་སྔགས་མཁན་གྱིས་རབ་གནས་ཀྱི་ཆོ་ག་རྣམ་དག་བགྱིས་པའི་བྱིན་རླབས་འཇུག་པ་ཡོད་དགོས་པའི་ཕྱིར། དེ་ལྟར་ཡང་སྡོམ་གསུམ་རབ་དབྱེ་ལས་ལྷ་ལ་རབ་ཏུ་གནས་པ་དང་། མི་ལ་དབང་བསྐུར་བྱ་བ་སོགས། ཞེས་དེ་གཉིས་དོན་མཚུངས་པར་བཤད་པའི་ཕྱིར། དེ་ལ་འདི་སྙམ་དུ། དབང་ནི་སློབ་མའི་རྒྱུད་ལ་གོ་འཕང་གི་ཆོས་འཇོག་བྱེད་ཡིན་པས་གཞན་སྟོབས་ཀྱིས་ནུས་པར་མ་ཟད། རང་སྟོབས་ཀྱིས་དམིགས་པ་འཛིན་པའང་ངེས་པར་དགོས་པ་མ་ཡིན་ནམ་ཞེ་ན། གོ་འཕང་གི་ཆོས་རྒྱུད་ལ་འཇོག་ནའང་དེར་མ་ངེས་ཏེ། དཔེར་ན་རྒྱལ་པོའི་བུ་རང་སྟོབས་ཀྱི་འཕྲུལ་དང་བློ་གྲོས་མེད་ནའང་ཡབ་རྒྱལ་པོས་ཅོད་པན་བཅིངས་ཏེ་རྒྱལ་སར་བཏོན་པས་འབངས་ལ་དབང་བསྒྱུར་བའི་ནུས་པ་ཐོབ་པ་ལྟར། རྒྱལ་པོའི་རིགས་དང་འདྲ་བའི་མཚུངས་ལྡན་གྱི་རྒྱུ་གང་ལ་མངའ་བའི་སློབ་མ་ཉིད། བླ་མ་ནུས་པ་ཅན་གྱིས་དཀྱིལ་འཁོར་དུ་བཅུག་ཅིང་དབང་བསྐུར་བས་རང་གི་གོ་འཕང་གི་ཆོས་ལ་དབང་སྒྱུར་ཐོབ་པ་ཡོད་དགོས་པའི་ཕྱིར་རོ། །ཞེས་དང་། རྐྱེན་སད་ཚུལ་ལ་བལྟོས་ནས་ནི། དབང་གི་རིམ་པ་དེ་ཁོ་ན་ལྟར་བསྐུར་དགོས་པའི་ངེས་པ་མེད་པར་ཐོག་མ་ཉིད་ནས་གང་ལ་མོས་བ་དེར་དབང་ནོད་ནས་དེའི་འཇུག་པ་དང་མཐུན་པའི་ལམ་སྒོམ་པའང་མི་འགལ་ཏེ། གངས་ཅན་འདིར་དུས་འཁོར་བ་ཆེན་པོ་དག་ཐོག་མ་ཉིད་ནས་དབང་གོང་མ་བསྐུར་ཏེ་སྦྱོར་དྲུག་གི་ལམ་ལ་འཇུག་པ་མཛད་པའི་ཕྱག་བཞེས་བཞིན་ནོ། །དེའི་འཐད་པ་ནི་དབང་གསུམ་པའི་དཔེ་ཙམ་ལ་བལྟོས་མི་དགོས་པའི་བཞི་བའི་སྣོད་ལྡན་དེས། ཐོག་མ་ནས་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་རིག་པ་རྩལ་གྱི་དབང་ནོད་ནས། དེ་ཁོ་ན་ཉིད་ཀྱི་ལམ་ལ་བསླབ་པའང་མི་འགལ་བས་ན་རིམ་གྱིས་བ་དེ་ཡང་ཚེ་འདི་ཁོ་ན་ལ་བརྩེགས་དགོས་པས་ཁྱབ་པ་མ་ཡིན་ནོ། །ཞེས་གསུངས།། །། ༈

[edit]

de yang dbang gi spyi don 'chad pa la/ de yang dbang gi spyi don 'chad pa la/__gang gis 'chad na/__rtsa rgyud kun 'dus rig pa'i mdo dang /__bshad rgyud dgongs pa 'dus pa/__gzhan yang rngams glog dang /__he ru ka 'dus pa sogs mdo'i rgyud lung dgongs 'grel dang bcas pa dang /_drug gsum 'di nas drug rgyud kyi dum bu dang /__bcu gnyis slob dpon bde ba gsal mdzad kyi mdzad/__bco brgyad kyi man ngag rnams rtsa bar bzung nas bla ma brgyud pa'i phyag bzhes ltar 'chad pa'o/__/ji ltar 'chad pa la gsum ste/__rtogs ldan 'jug pa'i phyir brgyud pa'i lo rgyus brjod pas _yid ches bskyed pa/__bshad bya'i don khong du chud phyir sngon rjes kyi chu bo bzhi'i dbang gi rang bzhin gtan la dbab pa/__gdul bya spro ba bskyed phyir 'chad nyan gyi phan yon bstan pas mjug bsdu ba'o/__/gnyis pa la gsum ste/__sngon 'jug dang rjes 'jug gi dbang gnyis kyi dbye ba spyir bstan/__de las rjes 'jug gi dbang gi go don bye brag tu bshad/__de bskur ba'i phyag bzhes kyis mtha' dpyad pa'o/__/dang po la/__sngon byung gi dbang ni slob dpon rdzogs pa'i sangs rgyas kyis/__slob ma rgyu'i theg pa'i mi slob lam pa'am/__sngags rang lugs kyi mthar lam pa/__chos lnga dang ldan pa'i rgyal tshab skyes bu dam par gyur pa rnams la ye shes rang snang las grub pa'i rang bzhin gyi dkyil 'khor du 'bras dus kyi dbang bskur bas/__mthar thug gi 'bras bu'i go 'phang thob pa'i rtags rgyal ba'i zhing kun tu yongs su grags shing snang bar gyur pa'o/__/chos lnga ni/__rgyal ba kun gyi rgyud du byung ba/__mtshan dang dpe byad kyi rtags dang ldan pa/__chos shes pa/__bsdu ba'i 'khor dang ldan pa/__dbang bcu thob pa'o/__/de yang tshul bstan gyi dbang du/__dga' ldan du dam pa tog dkar por rgyud chu dang /__'og min du don grub kyi ye shes kyi lus la 'byung chu/__thub pa'i dbang po byang chub shing drung du grags pa'i chu bo/__gsang ba'i bdag por dbang bsgyur gyi khang bzang dang gyad yul gyi gnas su gsang ba'i chu bo byin pa'o/__/rjes 'jug gi dbang la gnyis las/__lam pa'i dbang la'ang 'dun pa sems pa dang /__rigs chen 'byed pa ste tshogs sbyor gnyis rgyud kyi chu bo'i rgyu dang /__mthong lam dbugs chen 'byin pa 'byung chu'i rgyu dang /__sgom lam lung chen grags pa'i chu bo'i rgyu dang /__mthar lam rtsal chen rdzogs pa ni rdzogs pa'i chu bo'i rgyu'o/__/rjes 'jug las dang po pa la yo ga bzhi rdzogs kyi dbang ste 'og tu 'chad do/__/de ltar yang dbang don bsdus pa las/__sems can rnams kyi don ched du/__/dbang gi don rnams bsdu bar bya/__/chu bo chen po bzhi rnams la/__/sngon byung dang ni rjes su 'jug__/sngon byung chu bo rnam bzhi la/__/yul dang dbang po dgos ched dang /__/thabs dang rtags dang gnas dang drug__/rjes 'jug lam pa dang po gnyis/__/lam pa chu bo rnam bzhi la/__/rgyu dang thob dang mi thob dang /__/yul dang snod dang khyad par rtags/__/bdun gyis 'di yi don bsdus pa'o/__/rjes 'jug las kyi dang po la/__/chu bo bzhi yis dbang bskur ba/__/yo ga la sogs theg drug la/__/phyi dbang rgyud kyi chu bos bya/__/bskyed pa ma hA yo ga la/__/nang dbang 'byung ba'i chu bos bya/__/rdzogs pa a nu yo ga la/__/sgrub dbang grags pa'i chu bos bya/__/rdzogs chen a ti yo ga la/__/gsang dbang rdzogs pa'i chu bos bya/__/bcu dang bcu gcig bcu gsum dang /__/rnam pa gnyis kyis rdzogs pa'o/__/zhes so/__/gnyis pa rjes 'jug gi dbang gi go don bye brag tu bshad pa ni/__'dir rjes 'jug las dang po pa'i dbang gtso che ba yin no/__/de la gsum ste/__dbang gi ngo bo/__nges tshig__/dbye ba'o/__/dang po ni/__he ru ka 'dus pa las/__gang gis gang la dbang bskur bas/__/rgyud dag nus pa thob phyir dbang /__/zhes pa'i don byed pa po dang /__las dang /__byed pa ste gsum mo/__/gnyis pa ni/__a b+hi Shiny+tsa'i sgra las drangs na/__man ngag gsang ba las/__khyad par can gyi nus 'jog cing /__/rgyun mi 'chad dang 'khru phyir ro/__/zhes so/__/gsum pa dbye ba la bzhi ste/__bskur bya chu bo bzhi'i dbye ba/__thob byed 2rgyu rkyen 4gyi sgo nas dbye ba/__'bras bu bral thob kyi sgo nas dbye ba/__spang blang skyon yon gyi sgo nas dbye ba'o/__/dang po ni/__rtsa rgyud las/__'dus pa chen po'i rnal 'byor pa/__/srid pa gsum gyis phyag byas pa'i/__/bla ma'i sa la gnas pa yi/__/dbang mchog sum cu rtsa drug yin/__/phyi yi dbang dang nang gi dbang /__/sgrub pa'i dbang dang gsang ba'i dbang /__/bcu dang bcu gcig bcu gsum dang /__/rnam pa gnyis kyis rdzogs par 'gyur/__/zhes dang /__bshad rgyud dgongs 'dus las/__/la las ni rgyud kyi chu bo'i dbang byin no/__/la las ni 'byung ba'i chu bo'i dbang byin no/__/la las ni grags pa'i chu bo'i dbang byin no/__/la las ni rdzogs pa'i chu bo'i dbang byin no/__/zhes dang /__rngams glog las kyang /__dang po phyi yi dbang bcu bskur/__/de nas nang dbang bcu dang gcig__/de nas sgrub dbang bcu dang gsum/__/tha mar gsang ba rnam pa gnyis/__/bcu phrag gsum dang drug dag gis/__/dbang mchog dam pa bskur ba yin/__/zhes pas 'dus pa mdo'i dbang la phye na chu bo bzhi ste/__phyi dbang rgyud kyi chu bo dang /__nang dbang 'byung ba'i chu bo dang /__sgrub dbang grags pa'i chu bo dang /__gsang dbang rdzogs pa'i chu ba'o/__/mtshan nyid rim bzhin chu bo bzhi'i nang tshan gang zhig__/rang thob byed 'dus pa mdo'i rtsa ba'i dkyil 'khor thun thun min gang rung ngam/__bsnyen pa dang 'brel ba yan lag gi dkyil 'khor so sor phye ba gang rigs ma brten nas bskur bas/__slob bu'i rgyud la yo ga man chad theg pa drug 1lha mi_1/__nyan2/__rang 3/__byang sems4/__bya skyod5/__rnal 'byor6/__so so rang rang gi spangs thob dang /__rigs 'dra'i yon tan cha de dang de skyes sam skye rung gi dge ba'i sa bon gsos thebs shing /__rang 'bras nang dbang bskur rung gi skal pa can du bsgrubs pa de phyi dbang gi mtshan nyid/__dbye na/__phyi dbang rtsa ba bcu'am/__de las phye ba'i bye brag brgya rtsa brgyad la sogs pa'o/__/chu bo bzhi'i nang tshan gang zhig__/rang thob byed 'dus pa mdo'i rtsa ba'i dkyil 'khor thun thun min gang rung ngam/__nye bsnyen gyi yan lag dang 'brel ba tshogs chen 'dus pa thun mong gi dkyil 'khor la brten nas bskur bas/__slob bu'i rgyud la ma hA yo ga'i spangs thob dang rigs 'dra'i yon tan skyes sam skye rung gi sa bon thebs shing /__rang 'bras sgrub dbang bskur rung gi skal ba can du gyur pa de nang dbang gi mtshan nyid/__dbye na/__nang dbang rtsa ba bcu gcig gam/__de las phye ba'i bye brag drug brgya dang drug la sogs pa'o/__/chu bo bzhi'i nang tshan gang zhig__/rang thob byed 'dus pa mdo'i rtsa ba'i dkyil 'khor gnyis gang rung ngam/__sgrub pa'i yan lag dang 'brel ba tshogs chen 'dus pa thun mong ma yin pa'i dkyil 'khor la brten nas dbang bskur bas/__slob bu'i rgyud la a nu'i theg pa rang lugs kyi spangs thob kyi rigs su gnas pa'i yon tan skyes sam skye rung gi nus pa khyad par can gsos thebs shing /__rang 'bras gsang dbang bskur rung gi skal ba can du bsgrubs pa de sgrub dbang gi mtshan nyid/__dbye na/__sgrub dbang rtsa ba bcu gsum mam/__de las phye ba'i bye brag brgya dang bco lnga la sogs pa'o/__/chu bo bzhi'i nang tshan gang zhig__/rang thob byed 'dus pa mdo'i rtsa ba'i dkyil 'khor gnyis gang rung ngam/__sgrub pa chen po'i yan lag dang 'brel ba yan lag gi dkyil 'khor khyad par ba la brten nas bskur bas/__slob bu'i rgyud la a ti yo ga'i spangs thob kyi yon tan dang rigs 'dra'i a nu rang lugs kyi rdzogs rim mthar thug gsang ba byang sems rnam pa gnyis kyi ye shes skyes sam skye rung gi nus pa khyad par can du bsgrubs pa de gsang dbang rdzogs pa'i chu bo'i mtshan nyid/__dbye na/__kun rdzob byang sems kyi dbang lus la bskur ba dang /__don dam byang sems kyi dbang sems la bskur ba'o/__/thob byed kyi dbye ba sogs ni 'dir ma bris so/__/gsum pa rjes 'jug gi dbang bskur ba'i phyag bzhes kyi mtha' dpyad pa ni/__rgyud lugs mdo rtsa ba'i dkyil 'khor du mdo dbang dngos sum cu rtsa drug bskur tshul/__man ngag lugs mdo yongs rdzogs kyi dkyil 'khor du theg pa thams cad 'dus pa'i mdo dbang rtsa ba so drug las yan lag rags pa brgyad brgya so gcig tu phye nas bskur tshul/__de gnyis da lta'i dus kyi phyag len ltar gcig tu bsgril nas bskur ba'i 'dor len bya tshul lo/__/dang po la gnyis te/__rtsa ba'i dkyil 'khor ngos bzung ba dang /__der rgyud las dngos bstan gyi dbang so drug bskur tshul bshad pa'o/__/dang po ni/__thun mong dang thun mong ma yin pa rtsa ba'am khyad par gyi dkyil 'khor gnyis/__zhes sam/__yang na thun thun min gyi tshogs chen 'dus pa'i dkyil 'khor zhes bya ba gnyis su 'gyur te/__ji ltar zhe na/__thun mong ma yin pa'i dkyil 'khor ni/__rtsa rgyud tshogs chen 'dus pa'i sgrub lugs kyi le'u las bshad pa'i dur khrod gsang ba mchog gi dkyil 'khor zhes grags pa'i khro dkyil dang /__bshad rgyud rngams glog nas bshad pa'i zhi dkyil gnyis sbrel ba de yin te/__de nyid yan lag gi dkyil 'khor so sor phye ba mdo yongs rdzogs kyi skabs su sgrub dbang grags pa'i chu bo'i dkyil 'khor du yin pas na/__thun mong ma yin pa mdo rtsa ba'am khyad par ba'i dkyil 'khor zhes btags so/__/rtsa ba'i dkyil 'khor thun mong ba ni/__he ru ka 'dus pa'i rgyud las gsungs pa'i khro dkyil dang /_rngams glog tu gsungs pa'i zhi dkyil gnyis sbrel ba'i zhi khro'i dkyil 'khor gnyis/__mdo yongs rdzogs kyi tshe 'di nyid nang dbang 'byung chu'i dkyil 'khor yin pas na/__ma hA'i dkyil 'khor dang thun mong du gyur pa gang zhig__/mos slob tsam la grags gsang gi chu bo gnyis kyang dkyil 'khor 'di nyid du bskur du rung bas rtsa ba'i dkyil 'khor du'ang 'gyur ba'i phyir/__thun mong ba'i rtsa ba'i dkyil 'khor zhes btags pa yin no/__/gnyis pa la gsum ste/__bskur bya'i dbang so drug rgyud las bshad tshul/__de rtsa dkyil thun thun min gang rung du rdzogs par bskur rung ba'i 'thad pa ji ltar bskur ba'i cho ga'i khyad par bshad pa'o/__/dang po ni/__rtsa rgyud rngams glog las ji ltar gsungs pa bzhin/__dang po phyi dbang rgyud kyi chu bo la/__bka' rtags 1phyag rgya'i/__rtags kyi 2mtshan ma'i/__shes rab gzungs 3kyi/__bkra shis bum 4pa'i/__bkra shis rdzas 5brgyad kyi/__rin chen sna 6bdun gyi/__gdan 7khri'i/__rgyan cha rtags 8kyi/__ming 9gi__/'khor 10lo'i dbang ste phan dbang ngam phyi dbang bcu/__gnyis pa nang dbang 'byung ba'i chu bo la/__gsang 1ba nyan cing klog pa'i/__rnam 2bzhi las kyi/__rgyal thebs 3'chad pa'i/__rdo rje rgyal 4por dbang bskur ba'i/__zil 5gnon gdan gyi/__khyad par 6rin chen sna bdun gyi/__phyag rgya 7gzugs brnyan gyi/__ye shes thugs 8kyi/__sku gsung 9thugs kyi/__bdud 'dul 10bkra shis rdzas kyi/__gsang ba 11ming gi dbang ste/__nang nus pa'i dbang (21)bcu gcig__/gsum pa sgrub dbang grags pa'i chu bo ni/__shes 1rab rig pa'i dbang /__snying rje rtags 2kyi dbang /__'gro don rdzogs 3pa'i/__dug gsum 4gting nas sprugs pa'i/__srid gsum 5sgrol ba'i/__skyon gyis ma 6_gos pa'i/__las rnams 7rdzogs pa'i/__gnyis med 8'khril pa'i/__gsang 9ba sbyor ba'i/__'dod 10yon longs spyod kyi/__sgrub 11pa'i rgyal po'i/__sgrub 12rdzas thams cad kyi/__gnyis 13med ming gi dbang ste/__chu bo bzhi 34phan nus zab gsum du bsdu ba'i tshe/__'di'ang nus dbang gi nang tshan te bcu gsum mo/__/bzhi pa gsang dbang rdzogs pa'i chu bo ni/__kun rdzob 1byang sems kyi dbang lus dang /__don dam byang sems kyi 2dbang sems la bskur tshul gnyis te/__gsang ba (46)zab mo'i dbang gnyis so/__/de yang rngams glog las/__gsang ba dam pa sbyin par bya/__/dkar dmar 'dres pa'i byang chub sems/__/bu mchog de yi lce la bzhag__/ces kun rdzob byang sems gsang dbang gi khongs su sher dbang sbas pa bla ma'i man ngag la ltos dgos te/__de yang gsang dbang la bla ma yab yum gyi lus dkyil dang /__shes dbang la phyag rgya ma'i mkha' gsang gi dkyil 'khor gnyis 'jug bya'i dkyil 'khor yin la mtshon byed kyi brda/__gsang rdzas dang man ngag gi dkyil 'khor la brten nas/__lce la bzhag ces pas/__gsang dbang bla ma yab yum gyi byang sems dngos su lce la bzhag pa dang /__sher dbang ni slob bu nyid shes rab ma dang snyoms par zhugs pa'i khu rdul gsang rtsa phan tshun ltems pa yab kyi gsang ba rdo rje'i lce la bzhag nas bskur bas 'byung ldog gi dga' ba bzhi la ngo sprod pa'o/__/gnyis pa ni/__rtsa dkyil thun min du dbang bskur tshul 'grel pa lung bstan ma dang /__thun mong du dbang bskur tshul sgro phug pa'i gsang sngags lung gi 'dus pa mdo'i mdzad byang zhes par gsal ba'i phyir ro/__/gsum pa ni/__lam rim las/__gzhi dang gzhung gi rdzogs par 'gyur/__/phun sum tshogs pa lnga gzhi la/__/bsnyen sgrub bzhi yis gzhung bsrang ba'ang /__/zhes pas/__phun sum tshogs pa lngas 1ston pa 'khor 2gnas 3yo 4byad dus5/__sgrub pa'i gzhi bzung ba dang /__bsnyen sgrub yan lag bzhis sgrub pa'i gzhung bsrang ba'o/__/phyi ma la'ang smin slob dang /__mos slob gnyis las/__phyi ma'i dbang du byas na lha lus dkyil du bkod nas dus grangs rtags kyi gzhi'i bsnyen pa rdzogs par bya ba ni sngon du bya ba dang /__sgrub dbang gi rdzas gsog cing sa brtag bslang sbyang ba sogs bsnyen pa'i yan lag dngos la bcu gnyis/__tshon gyis bri ba sogs nye bsnyen la don bcu bdun/__phrin las kyi gzhung bsrang ba sogs sgrub pa'i chos bcu/__grub pa'i rtags byung ba dang dngos grub kyi rdzas bsham zhing sbyin sreg bya ba/__dngos grub blang ba dbang bskur ba sogs sgrub chen gyi chos bcu gcig go__/gnyis pa man ngag lugs mdo yongs rdzogs kyi dkyil 'khor du theg pa thams cad 'dus pa'i mdo dbang rtsa ba so drug las yan lag rags pa brgyad brgya so gcig tu phye nas bskur tshul ni/__slob dpon chen po bde ba gsal mdzad kyi las tho'i dgongs pa yin pas man ngag gi lugs zhes bya ste/__de yang 'dir mos slob gtso che'i dbang du byas te/__phun sum tshogs pa lngas gzhi bzung ba dang /__bsnyen sgrub bzhis gzhung bsrang ba dang 'brel bar chu bo bzhi'i dbang bskur tshul lo/__/de yang bsnyen pa'i yan lag phyi dbang rgyud kyi chu bo/__nye bsnyen gyi yan lag nang dbang 'byung ba'i chu bo/__sgrub pa'i yan lag sgrub dbang grags pa'i chu bo/__sgrub chen gyi yan lag gsang dbang rdzogs pa'i chu bo bskur ba'i rim pa'o/__/dang po la'ang /__gang du bskur ba'i dkyil 'khor dang /__gang bskur bya'i dbang gnyis las/__dang po ni/__dbang don bsdus pa las/__yo ga la sogs theg drug la/__/phyi dbang rgyud kyi chu bos bya/__/zhes pas/__lha mi nas yo ga'i bar bya spyod gcig tu byas pa'i dkyil 'khor drug tu snang ba rigs bsdus na mdo rgyud gnyis las/__dang po mdo la/__nub dang po sa chog dang dge ba'i dpung bskyed pa sogs bsgrubs shing /__phyag rdor ngan song gnas 'dren gyi dkyil 'khor du mchog dbang bcu drug bskur bas rgyud sbyong zhing snod du rung bar byas nas/__nub gnyis pa nas bzung /__lha mi/__nyan thos/__rang rgyal/__byang sems bzhi'i dkyil 'khor bsham sgrub dbang bskur sogs ji ltar rigs par bya ba'o/__/gnyis pa rgyud ni/__kri ya rtsa ba'i lha rigs gsum nyi shu rtsa gcig gi dkyil 'khor dang /__yo ga rdo rje dbyings kyi dkyil 'khor bsham sgrub sogs so/__/gnyis pa gang bskur bya'i dbang ni/__las thor/__phyi dbang rtsa ba bcu po la/__/yan lag brgya rtsa brgyad du bskur/__/ces pas phyi dbang rtsa ba bcu ni/__dbang don rnam 'byed las/__dang po rgyal po bka' rtags 20dbang /__/gnyis pa rtags kyi mtshan ma'i 20dbang /__/gsum pa thugs rje gzungs kyi 12dbang /__/bzhi pa shes rab bum pa'i dbang /__/lnga pa khyad par gdan gyi 3dbang /__/drug pa rgyal srid rin chen 1dbang /__/bdun pa bkra shis rdzas kyi 16dbang /__/brgyad pa shes bya ma rmongs 7dbang /__/dgu pa mdzes pa rgyan cha'i 6dbang /__/bcu pa dbang bsgyur ming gi 2dbang /__/zhes so/__/de nas rags pa brgya rtsa brgyad du dbye ba ni/__dbang don rgya cher 'byed pa las/__1__dang po rgyal po'i bka' rtags nyi shu ni/__cod pan lha mo seng ge glang po che/__/ras gos khrus bum ming 'dogs rgyan bye brag__/yi ge mda' gzhu btsun mo shing rta'i dbang /__/chibs mchog shan gri bseg par na bza' dur/__/'bras chan rtswa stan sbrang rtsi bur sbrang ste/__/rgya che rol pa'i 'gro 'dul mtshan nyid dbang /__2__gnyis pa mtshan ma rtags dbang nyer drug ni/__/ri rab mchod rten dpag bsam shing rgya mtsho/__/sa gzhi bdud rtsi ngang pa khri rkang dbang /__/me tog rnga yab rdul yab sbrang yab dang /__/bla bre rgyal mtshan gdugs dang nya rgya dang /__/ska rags spos lnga snying po rin chen lnga/__/'bru lnga stag tsher seng tsher shu dag dang /__/dbang lag kaN+Da ka ste kri ya'i dbang /__/phyag na rdo rje dbang bskur rgyud las bkrol/__3_/gsum pa thugs rje gzungs dbang bcu gcig la/__/sku gzugs phyag rgya gsung gzungs yig 'bru dang /__/thugs kyi gser thur me long 'khor lo dung /__/yon tan me tog phreng ba phrin las la/__/rdo rje rin chen pad+ma rgya gram mo/__4_/bzhi pa shes rab bum pa gcig pu nyid/__5__/lnga pa khyad par gdan dbang 2zil gnon gyi/__/seng ge mun sel nyi ma tsha sel zla/__6__/drug pa rgyal srid rin chen bcu drug ni/__/'khor lo rta mchog glang po nor bu dang /__/blon po btsun mo dmag dpon rin chen bdun/__/ral gri mda' gzhu gnam ral shan gri dang /__/zhwa dang khab skud na bza' phyag mchog dang /__/kr-iSh+Na'i pags gdan nye ba'i ran+ta dgu/__7__/_bdun pa bkra shis rdzas dbang bcu drug ni/__/yungs kar zho phor rtswa dUr li khri mtshal/__/me long 'bud dung gi'u waM bilba rdzas/__/dpal be'u 'khor lo pad+ma rgyal mtshan dang /__/bum pa gdugs dung gser nya bkra shis rtags/__8__/brgyad pa shes bya ma rmongs dbang bdun ni/__/rgya gram cod pan pU dza ka ba li/__/chag shing 'chad pod rdo rje dril bu'i dbang /__9_/dgu pa mdzes pa'i rgyan cha'i dbang drug ni/__/dbu rgyan dpung rgyan zhabs gdub phyag gdub dang /__/do shal dar gyi cod pan dbang bskur ro/__10_/bcu pa rgyu dang 'bras bu'i ming dbang ste/__/dkon mchog slob dpon pha rol phyin las gras/__/'jig rten tha mal zhen ldog rgyu yi ming /__/rdo rje dbang phyug ces pa 'bras bu'i ming /__/de ltar phyi dbang rgyud kyi chu bo la/__/dbang don rgyas pa yan lag brgya rtsa brgyad/__/ces gsungs pas/__dang po rgyal po bka' rtags nyi shu'i dbang ni mtshan nyid theg pa'i dbang ste/__de yang lha mi la cod pan nas btsun mo'i bar bcu gcig dang /__de steng rgya bod kyi yi ge'i dbang /__nyan thos la khrus bum dang /__ming dbang gi steng du shing rta nas sbrang rtsi'i bar brgyad dang /__de steng mu ne'i gzungs dbang /__rang rgyal la/__bum pa/__ming /__shan gri/__ngur smrig__/rtswa gdan/__sbrang rtsi ste drug gi steng /__rten 'brel bcu gnyis kyi gzugs/__byang sems theg par rgyal po'i bka' rtags kyi dbang nyi shu tshang ma/__kri ya'i dkyil 'khor du mtshan ma rtags dbang nyer drug__/yo ga'i dkyil 'khor du gsum pa thugs rje gzungs dbang bcu gcig nas/__bcu pa rgyu dang 'bras bu'i ming dbang gi bar te drug cu rtsa gnyis bskur ba'o/__/de ltar phyi dbang brgya rtsa brgyad kyi steng /__lha mi nyan rang gsum la de'i nang nas btus shing rang rang gi sgos chos lhag po dang bcas sum cu so gcig 'byung ba rnams bsnan pas phyi dbang chig brgya so dgur 'gyur zhing /__de rnams rdzas dbang rkyang pa'i grangs yin la/__da dung so so'i lha dbang bskur dgos pas/__phyi dbang gi skabs 'dir dkyil 'khor gyi lha grangs dbye bsdu'i khyad par las grangs mtha' gcig tu bzung dka'o/__/gnyis pa nye bsnyen gyi yan lag tu nang dbang 'byung ba'i chu bo bskur ba la/__gang du bskur ba'i dkyil 'khor dang /__gang bskur bya'i dbang gnyis las/__dang po ni/__bskyed pa ma hA yo ga la/__/nang dbang 'byung ba'i chu bos bya/__/zhes pas nang dbang gang du bskur ba'i ma hA yo ga'i dkyil 'khor ni/__tshogs chen 'dus pa thun mong ba'i dkyil 'khor te/__de yang sta gon/__dkyil 'khor bzhengs sgrub/__der 'jug pa'o/__/gnyis pa gang bskur bya'i dbang ni/__las thor/__de la nang dbang bcu gcig po/__/yan lag drug brgya drug gis bskur/__/'byung chu rab gnas las tho'o/__/zhes gsungs te/__de la nang dbang rtsa ba bcu gcig ni/__dbang don rnam 'byed las/__de nas nang du 'jug par bya/__/dang po gsang ba nyan pa'i 1dbang /__/gnyis pa rnam bzhi las kyi 1dbang /__/gsum pa rgyal thebs 'chad pa'i 1dbang /__/bzhi pa rdo rje rgyal po'i dbang /__/lnga pa zil gnon gdan gyi dbang /__/drug pa khyad par rin chen 7dbang /__/bdun pa phyag rgya gzugs 583brnyan dbang /__/brgyad pa ye shes thugs kyi 1dbang /__/dgu pa sku gsung thugs kyi 1dbang /__/bcu pa bdud 'dul bkra shis dbang /__/bcu gcig gsang ba ming gi 1dbang /__/zhes so/__/de las yan lag drug brgya drug tu dbye ba ni/__dbang don rgya cher 'byed pa las/__/dang po gsang ba nyan dbang rna ba la/__/rat+na rigs kyi dbang bskur bsgrags rdzas byin/__/gnyis pa rnam bzhi las dbang lag pa la/__/las kyi rigs kyi bskur dang bsgrags rdzas byin/__/gsum pa rgyal thebs 'chad dbang lce la ste/__/pad+ma rigs kyi bskur dang bsgrag rdzas byin/__/bzhi pa rdo rje rgyal dbang spyi bo la/__/de bzhin rigs kyi bskur dang bsgrags rdzas byin/__/lnga pa zil gnon gdan dbang rkang pa la/__/'jig rten dregs pa khyo shugs gdan dbang bskur/__/drug pa thun mong ma yin rat+na bdun/__/'khor los dbang bskur skye ba bzhir dbang bsgyur/__/btsun mo 'byung ba bzhi yis mnyes pa 'bul/__/dmag dpon tshul dgras pha rol dmag dpung 'joms/__/khyim bdag tshad med bzhi yis chab srid 'dzin/__/glang chen stobs bcus bdag dang gzhan don mdzad/__/rta mchog rdzu 'phrul myur mgyogs gnas slebs byed/__/nor bu rin chen rnam bzhis re 'dod skong /__/bdun pa phyag rgya gzugs brnyan dbang bskur ba/__/dkyil 'khor dgu brtsegs dpal gyi phyag rgya'i rim/__/kun gyi spyi dpal kun bzang bde chen dkyil/__/zhi ba rdo rje dbyings kyi dkyil 'khor dang /__/che mchog yab yum chos sku rdzogs pa'i dkyil/__/khrag 'thung 'bar ba rtsa ba'i dkyil 'khor dang /__/DA ki las kyi dkyil 'khor sum cu gnyis/__/skyes bu ging chen bco brgyad sob ba'i dkyil/__/khrag 'thung rol dkyil sprul pa'i dkyil 'khor dang /__/mgyogs 'gro yid kyi dkyil 'khor phyogs pho nya/__/dam tshig chen po ma sring 'og pho nya/__/rdo rje 'chang gi dkyil 'khor slob dpon dbang /__/bde chen gcig dang bzhi bcu rtsa gnyis dang /__/che mchog gnyis dang bdun cu rtsa brgyad dang /__/drug cu bzhi bcu so gnyis bco brgyad bdun/__/bzhi dang sum brgya dkyil 'khor brgyad lha'i grangs/__/dkyil 'khor tha ma byin rlabs slob dpon dbang /__/dkyil 'khor dgu yi rim pa slob dpon gdan/__/ma gtogs lha la lnga brgya brgyad cu gsum/__/brgyad pa ye shes thugs dbang gnas lngar bskur/__/ye shes lnga'am dgu rtags mar me byin/__/dgu pa sku gsung thugs kyi dbang bskur ba/__/spyi bo lce snying lte ba gsang gnas su/__/sku gsung thugs yon phrin las lnga re re/__/phyag rgya sngags dang ting 'dzin ldan pas bskur/__/bcu pa bdud 'dul bkra shis rdzas brgyad lus/__/bcu gcig gsang ba'i ming dbang rna snying la/__/rdo rje rtsal kyi thig le sbyin par bya/__/des na nang dbang 'byung ba'i chu bo la/__/drug brgya drug tu phyes pa bskur bar bya/__/zhes so/__/gsum pa sgrub pa'i yan lag tu sgrub dbang grags pa'i chu bo bskur ba la/__gang du bskur ba'i dkyil 'khor dang /__gang bskur bya'i dbang gnyis las/__dang po ni/__dbang don bsdus pa las/__rdzogs pa a nu yo ga la/__/sgrub dbang grags pa'i chu bos bya/__/zhes pas/__sgrub dbang gang du bskur ba a nu yo ga'i dkyil 'khor ni/__tshogs chen 'dus pa thun mong ma yin pa'i dkyil 'khor te/__rtsa rgyud du de'i sgrub lugs kyi le'u gsungs pas dur khrod gsang ba mchog gi dkyil 'khor zhes bya ba de nyid yin pas/__de bshad pa la drug ste/__mtshams bcad pa/__gnas 'khor yo byad brlab pa/__dkyil 'khor bzhengs pa/__sgrub cing mchod pa/__nub tha mar slob dpon 'jug cing dngos grub blang ba/__slob ma dkyil 'khor du gzhug pa'o/__/gnyis pa gang bskur bya'i dbang ni/__las thor/__sgrub dbang bcu gsum las kyis bskur/__/grags pa'i chu bo'i las tho'o/__/zhes gsungs te/__de la sgrub dbang rtsa ba bcu gsum ni/__dbang don rnam 'byed las/__de dag kun la spyod sgrub pa'i/__/sgrub pa'i dbang rnams bskur bar bya/__/dang po shes rab rig pa'i sems yon gtan tshigs byin/__/gnyis pa snying rje rtags dbang nyi zla'i 'khor lo byin/__/gsum pa 'gro don rdzogs pa'i thang gshol 'bar ba byin/__/bzhi pa dug gsum sprugs pa gwa'u rnam gsum byin/__/lnga pa srid gsum sgrol ba'i ka tar mtshon cha byin/__/drug pa skyon gyis ma gos rnam dag pad+ma byin/__/bdun pa las rnams rdzogs pa'i ti ra'i dbyug pa byin/__/brgyad pa gnyis med 'khril ba sbrul nag chun po byin/__/dgu pa gsang ba shes rab lha mo'o/__/bcu pa kun la dbang pa'i 'dod yon sna lnga byin/__/bcu gcig sgrub pa'i rgyal po dkyil 'khor gtso bo byin/__/bcu gnyis thams cad sgrub pa'i sgrub rdzas thams cad byin/__/bcu gsum gnyis su med pa thig le ming gi dbang /__/zhes so/__/de la yan lag brgya bco lngar dbye ba ni/__mkhas grub chen po g.yung ston pas/__bzhi pa gwa'u'i dbang la gsum/__/lnga pa mtshon cha'i dbang la drug__/bcu pa 'dod yon dbang la lnga/__/bcu gcig sgrub pa'i rgyal po'i dbang la lnga/__bcu gnyis sgrub rdzas thams cad kyi dbang la brgyad cu gya brgyad dang /__lhag ma brgyad po la re re ste/__khyon dril pas yan lag brgya dang bco lnga yod par gsungs pas/__gwa'u'i dbang gsum ni/__thod pa tshar gsum dmar gyis bkang ba dang /__mtshon cha drug ni g.yung ston pas drug gi grangs nges mdzad la/__rngams glog tu mtshon cha sna tshogs zhes gsungs/__sgrub rdzas kyi dbang la/__sgrub rdzas thun mong ba bco lnga ni/__dbu rgyan/__cod pan/__b+hany+dza/__byang sems/__dri chen/__mi sha__/rak+ta/__dri chu/__rdor dril/__phur bu/__bdud rtsi/__phreng ba/__yungs kar/__mar me/__rnge'u chung ste bco lnga dang /__thun mong ma yin pa sgrub rdzas rol pa'i chas bcu ni/__stag sham/__glang ko__/zhing lpags/__thod phreng /__sbrul chun/__khyung gshog__/me dpung khrag gi thig le/__zhag gi zo ris/__thal chen gyi tshom bu bcas/__khyad par gyi sgrub rdzas la spyi dang /__bye brag gnyis las/__spyi la dpal bshos/__dbang bshos/__gsal shing gi zla gam/__dza gad/__bkra shis gtsang ma'i bam/__dag pa lha yi rdzas kyi bam/__mda'/__ral gri/__me long /__phur bu bzhi po re re la'ang bsnyen sgrub bzhi bzhi ste bcu drug__/tshon skud/__dur khrod rgyan gyi chas/__sku rten thod sku/__gsung rten thod pa/__thugs rten rdo rje dang dril bu/__gsang ba'i rnge'u chung /__rkang gling /__bgrang phreng rnams dang /__bye brag gi sgrub rdzas la/__gshin rje gshed kyi sgo byang /__rta mgrin gyi sgo byang /__yang dag gi mar me/__che mchog gi sman/__rdo rje gzhon nu'i bsnyen phur dang mtshams phur so sor brtsis pas bcu/__ma mo'i mdos dang /__rak+ta/__dregs pa'i gtor ma dang sman phud/__drag sngags kyi zhi rgyas dbang drag gi hom ste bzhi/__dmar gtor/__kong zor/__'brub khung nya po gdab phur rnams/__rig 'dzin gyi gtor ma dang /__sman phud/__tshe yi 'brang rgyas dang tshe chang rnams dril bas brgyad cu rtsa brgyad do/__/bzhi ba sgrub chen gyi yan lag gsang dbang rdzogs pa'i chu bo bskur ba ni/__dbang don bsdus pa las/__rdzogs chen a ti yo ga la/__/gsang dbang rdzogs pa'i chu bos bya/__/zhes gsungs de la dbye na/__dbang don rnam 'byed las/__sgrub dbang bcu gsum rdzogs pa dang /__/gsang ba kun gyi bdag yin pas/__/dkar dmar 'dres pa'i byang chub sems/__/dbang thob de yi lce la bzhag__/gnyis med don dam byang chub sems/__/dbang thob de yi sems la bzhag__/ces pas kun rdzob byang sems kyi dbang lus la bskur ba dang /__don dam byang sems kyi dbang sems la bskur ba gnyis/__dang po la'ang dngos bstan gsang dbang dang /__sbas don sher dbang bcas so/__/de ltar yan lag brgyad brgya so gcig la rags pa zer ba ni/__dbang don rgya cher 'byed pa las/__bye brag phye na bsam 'das brjod mi lang /__/zhes gsungs pa ltar/__yan lag brgyad brgya so gcig las 'phros pa'i nying lag gi dbye ba phye na mtha' yas pa'i phyir ro/__/de ltar rgyud dang man ngag gi lugs gnyis kas theg dgu'i dbang dang yo ga bzhi rdzogs kyi dbang rdzogs pa la 'dra ba yin te/__mdo rang lugs kyi dang po 'gyur ba ma nges pa nas/__sa bcu pa rdzogs pa spyi chibs kyi bar non par bya ba'i ched du lha mi nas brtsams te a ti'i bar bya spyod so sor bgrangs pas dbang rim bcu byung ba de nyid bya spyod gcig tu bsdus nas theg dgu dang tshul 'dra bas theg dgu'i dbang du btags pa gang zhig__/phyi dbang rgyud kyi chu bo bcu thob pas sa bdun pa dmigs pas 'bras bu skye ba'i sa man chod non nas yo ga ste rnal 'byor du 'gyur/__nang dbang 'byung ba'i chu bo bcu gcig thob pas sa brgyad pa gnas pa mi 'gyur ba'i sa non nas a nu yo ga ste rnal 'byor chen por 'gyur/__sgrub dbang grags pa'i chu bo bcu gsum thob pas sa dgu pa brdal ba chos nyid kyi sa non nas a nu yo ga ste rjes su rnal 'byor du 'gyur/__gsang dbang rdzogs pa'i chu bo gnyis non pas sa bcu rdzogs pa spyi chibs kyis non nas a ti yo ga ste shin tu rnal 'byor du 'gyur pa'i phyir/__dbang don rnam 'byed las/__bcu yis byang chub rigs can gyur/__/bcu gcig gsang ba nang par 'gyur/__/bcu gsum bla ma chen por grags/__/gnyis kyis theg dgu'i dbang rdzogs pa'o/__/zhes so/__/gsum pa rgyud dang man ngag gi lugs de gnyis da lta'i dus kyi phyag len ltar gcig tu bsgril nas bskur ba'i don 'dor len bya tshul ni/__thog mar sgo 'byed kyi dbang bcu drug dang /__de nas lha mi nas yo ga'i yan lag gi dkyil 'khor drug tu man ngag lugs mdo yongs rdzogs ltar dang /__de nas tshogs chen 'dus pa thun mong pa'i rtsa dkyil du rgyud lugs kyi phyi dbang rtsa ba bcu dang /__rgyud dang man ngag lugs kyi nang dbang rtsa ba bcu gcig la yan lag drug brgya drug gi steng /__rig 'dzin slob dpon gyi dbang dang bcas pa dang /__dkyil 'khor de nyid du sgrub dbang grags pa'i chu bo rtsa ba bcu gsum la yan lag brgya bco lngar phye ste bskur pa'i mjug tu gsang dbang rdzogs pa'i chu bo gnyis kyang bsdus pa re sbrel/__slar yang yan lag gi dkyil 'khor du mchog dbang gong ma gnyis rgyas par bskur zhing /__mtha' rten gtad rgya tshe dbang bcas rdzogs par mdzad pa ste/__phyi dbang lugs gnyis grangs dang bskur thabs ches mi mthun pas so so dang /__nang dbang lugs gnyis gcig tu 'babs pas 'dor len ma dgos/__sgrub dbang rtsa dkyil dor nas rgyud lugs nyid gtso bor bstan la/__gsang dbang rdzogs pa'i chu bo ni/__kun la khyab brdal du bskur rung mi rung gi dbye bas mdo rgyas su mdzad pa yin no/__/de ltar mdzad pas gnas skabs su bya sla zhing /__mthar thug srol gnyis ka mi nub cing chab gcig 'phel ba'i dgos pa khyad par can te/__dper na rdor phreng steng bya btus kyi dge legs su byed pa'i dkyil 'khor gsum bsnan nas/__de gnyis ka'i dbang rdzogs par mdzad pa bzhin no/__/de la spyir 'dus pa mdo'i dbang 'di nyid gang zag thos pa'i shes rab can rnams la dbang bskur byed pa/__bsam pa'i shes rab can rnams la bshad par byed pa/__sgom pa'i shes rab can rnams la 'khrid du 'debs pa'i lugs dang gsum mo/___/__!_ khro bo rdo rje las rim las/__sdom ni sngon du bya ba dang /_/ting 'dzin lhag bskyed rang bzhin dbab/__/dbang po'i skyon bsal mnga' gsol dang /_/khrus gsol bkra shis ras kyis 'phyi/__/mchod pa phyi nang gsang gsum dbul/__/bden pa'i byin rlabs dmigs brtan bzhugs/__/yon bdag bskor phyag smon lam gdab/__/ces rab gnas kyi cho ga la don dgu'am rkang pa bdun dang brgyad pa gnyis pas don brgyad du'ang bstan pa rigs bsdus na thun mong sbyor dngos rjes gsum las/__dang po la'ang bdun gyi/__dang po bsham bkod/__gnyis pa bdag bskyed/__gsum pa bum bzlas/__bzhi pa rgyas pa'i sbyin sreg__/lnga pa rten gyi bgegs sbyang ba/__drug pa dri ma sbyang ba/__bdun pa lha mchod cing gsol ba gdab pa'o/__/gnyis pa dngos gzhi la'ang bdun te/__dang po dam tshig bskyed pa/__gnyis pa ye shes pa spyan drang zhing bstim pa/__gsum pa dbang po'i skyon bsal ba/__bzhi pa dngos po'i skyon sbyang ba/__lnga pa che ba'i yon tan rgyan chas kyis dbang bskur zhing mnga' gsol ba/__drug pa mchod pas mnyes pa yongs su bzung bar mnga' dbul ba/__bdun pa bden pas byin gyis brlab cing brtan par bzhugs su gsol ba'o/__/gsum pa rjes ni/__smon lam gdab cing yon bdag gis bskor phyag bya ba'o//___//__!_ _smin gling mkhan chen d+harmA shrIs mdzad pa'i mdo dbang spyi don gsal byed sgron me las/__slob dpon dbang bskur ba'i ting nge 'dzin gyis dgongs pa la bzhugs pa nyid gtso che zhing /__de'i grogs sngags dang phyag rgya'ang nges par gal che ste/__ting nge 'dzin dang bral ba'i dbang bskur ster ba rgyud sde rnams su nam yang ma gsungs pa'i phyir dang /__sngags rgya'ang cha rkyen du med thabs med pa'i phyir ro/__/rdzas ni ma 'byor na gnang ba'i skabs yod do/__/dpon slob gnyis ka kun spangs kyi spyod pa can la rdzas dang yo byad ci rigs pa nas mtha' dag spangs pa'i bar gyis dbang bskur sbyin par gsungs pa'i phyir/__de ltar yang dus 'khor bsdus rgyud las/__rdzas rnams med pa'i mngon par dbang bskur rgyal ba'i bdag po'i bka' yis kun spangs la ni sbyin par bya/__/zhes gsungs shing /__slob dpon a b+ha yA ka ras kyang /__'byor pa dang ldan yang rung lhag par mos pa brtan po can la rdzas kyi nang tshan gzugs brnyan gyi dkyil 'khor la ma brten par ting nge 'dzin kho na'i dkyil 'khor du smin byed kyi dbang bskur du rung bar bshad na/__gzhan lta smos kyang ci dgos snyam mo/__/yang bla ma ting nge 'dzin gyi dgongs pa dang ldan yang /__slob mas dmigs pa ji lta ba bzhin 'dzin par mi nus na dbang ji ltar thob ce na/__slob ma'i rgyud la dad pa dang 'dun pa yod na dmigs pa 'dzin mi shes kyang bla ma'i byin rlabs kyis dbang thob pa yod dgos te/__dper na rten gyis dmigs pa mi 'dzin kyang sngags mkhan gyis rab gnas kyi cho ga rnam dag bgyis pa'i byin rlabs 'jug pa yod dgos pa'i phyir/__de ltar yang sdom gsum rab dbye las lha la rab tu gnas pa dang /__mi la dbang bskur bya ba sogs/__zhes de gnyis don mtshungs par bshad pa'i phyir/__de la 'di snyam du/__dbang ni slob ma'i rgyud la go 'phang gi chos 'jog byed yin pas gzhan stobs kyis nus par ma zad/__rang stobs kyis dmigs pa 'dzin pa'ang nges par dgos pa ma yin nam zhe na/__go 'phang gi chos rgyud la 'jog na'ang der ma nges te/__dper na rgyal po'i bu rang stobs kyi 'phrul dang blo gros med na'ang yab rgyal pos cod pan bcings te rgyal sar bton pas 'bangs la dbang bsgyur ba'i nus pa thob pa ltar/__rgyal po'i rigs dang 'dra ba'i mtshungs ldan gyi rgyu gang la mnga' ba'i slob ma nyid/__bla ma nus pa can gyis dkyil 'khor du bcug cing dbang bskur bas rang gi go 'phang gi chos la dbang sgyur thob pa yod dgos pa'i phyir ro/__/zhes dang /__rkyen sad tshul la bltos nas ni/__dbang gi rim pa de kho na ltar bskur dgos pa'i nges pa med par thog ma nyid nas gang la mos ba der dbang nod nas de'i 'jug pa dang mthun pa'i lam sgom pa'ang mi 'gal te/__gangs can 'dir dus 'khor ba chen po dag thog ma nyid nas dbang gong ma bskur te sbyor drug gi lam la 'jug pa mdzad pa'i phyag bzhes bzhin no/__/de'i 'thad pa ni dbang gsum pa'i dpe tsam la bltos mi dgos pa'i bzhi ba'i snod ldan des/__thog ma nas don dam byang chub sems kyi dkyil 'khor du rig pa rtsal gyi dbang nod nas/__de kho na nyid kyi lam la bslab pa'ang mi 'gal bas na rim gyis ba de yang tshe 'di kho na la brtsegs dgos pas khyab pa ma yin no/__/zhes gsungs//___//__!