JKW-KABAB-07-JA-025

🚧 This website is under continued development. We appreciate your patience!

Previous Text Back to Volume PageNext Text

Wylie title	sman bla longs sku gtso 'khor lnga'i sgrub thabs dngos grub kyi bang mdzod kha 'phang bklag chog tu bkod pa
Location	mkhyen brtse'i bka' babs Volume 7, Text 25, Pages 743-768 (Folios 1a to 13b2)
Author	ཆོས་ཀྱི་གྲགས་པ་
Less details More details
Tertön	ཟུར་མཁར་མཉམ་ཉིད་རྡོ་རྗེ་ (zur mkhar mnyam nyid rdo rje)
Citation	Drikung Chungtsang, 1st. sman bla longs sku gtso 'khor lnga'i sgrub thabs dngos grub kyi bang mdzod kha 'phang bklag chog tu bkod pa. In Rdzong sar 'jam dbyangs mkhyen brtse'i dbang po'i bka' babs, Vol. 7: 743-768. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Sadhanas - Evocation Ritual - sgrub thabs
Cycle	སྨན་བླ་ལོངས་སྐུ་གཙོ་འཁོར་ལྔ་ (sman bla longs sku gtso 'khor lnga)
Deity	sman bla
Karchag page	JKW-KABAB-Volume-07-JA-Karchag
RTZ	In the Rinchen Terdzö: https://rtz.tsadra.org/index.php/Terdzo-HA-012
Colophon	Author colophon: །ཅེས་པ་བླ་མ་ལོངས་སྐུའི་སྒྲུབ་ཐབས་འདི་ཡང་རིན་པོ་ཆེ་གྲང་སྦྱོར་རིལ་ནག་ཆེ་འབྲིང་ཆུང་ངུའི་ཆ་ལག་ཏུ་སློབ་དཔོན་ཀོང་སྨན་རང་ཅག་པའི་གསོ་རིག་གི་སློབ་དཔོན་ཡིན་པ། དཀོན་མཆོག་རྒྱལ་མཚན་གྱིས་ཡང་ནས་ཡང་དུ་བསྐུལ་བའི་ངོར། བླ་སྒྲུབ་རྫོགས་པ་ཆེན་པོ་ཨ་ཏི་ཡོ་ག་དང་འབྲེལ་བར་བྱས་ཏེ། རིག་གནས་འདི་ལ་ངེས་པ་ཅུང་ཟད་རྙེད་པའི་དགེ་སློང་ཆོས་སྨྲ་བ་དྷརྨ་ཀཱིརྟིས་ཆུ་གླང་ས་ག་ཟླ་བའི་དགའ་བ་དང་པོ་ལ་རྨེའི་ཤོད་ཕུའི་སྒར་དུ་སྦྱར་བས་སརྦ་མངྒ་ལཾ། Editor colophon: དེ་ལྟར་རྗེ་འབྲི་གུང་པ་ཆེན་པོ་དཔལ་ཆོས་ཀྱི་གྲགས་པའི་གསུང་བཅོས་བསླད་མེད་པ་གཞིར་བཞག་ཐོག །ཤུགས་བསྟན་ཁ་སྐོང་མེད་དུ་མི་རུང་བའི་རིགས་རྣམས་ཀུན་མཁྱེན་བླ་མ་མཁྱེན་བརྩེའི་དབང་པོའི་གསུང་རྒྱུན་རྣམས་དཀྱུས་སུ་བསྡེབས་ཏེ་བཀོད་པ་པོ་ནི་བློ་གྲོས་མཐའ་ཡས་སོ། །དགེ་ལེགས་འཕེལ།།
	Author colophon: ces pa bla ma longs sku'i sgrub thabs 'di yang rin po che grang sbyor ril nag che 'bring chung ngu'i cha lag tu slob dpon kong sman rang cag pa'i gso rig gi slob dpon yin pa/__dkon mchog rgyal mtshan gyis yang nas yang du bskul ba'i ngor/__bla sgrub rdzogs pa chen po a ti yo ga dang 'brel bar byas te/__rig gnas 'di la nges pa cung zad rnyed pa'i dge slong chos smra ba d+harma kIrtis chu glang sa ga zla ba'i dga' ba dang po la rme'i shod phu'i sgar du sbyar bas sarba mang+ga laM Editor colophon: de ltar rje 'bri gung pa chen po dpal chos kyi grags pa'i gsung bcos bslad med pa gzhir bzhag thog__/shugs bstan kha skong med du mi rung ba'i rigs rnams kun mkhyen bla ma mkhyen brtse'i dbang po'i gsung rgyun rnams dkyus su bsdebs te bkod pa po ni blo gros mtha' yas so/__/dge legs 'phel/

Tibetan Text

Wylie

[edit]

༄༅། །སྨན་བླ་ལོངས་སྐུ་གཙོ་འཁོར་ལྔའི་སྒྲུབ་ཐབས་དངོས་གྲུབ་ཀྱི་བང་མཛོད་ཁ་འཕང་བཀླག་ཆོག་ཏུ་བཀོད་པ་བཞུགས་སོ།། གང་ཞིག་ལྷ་ལམ་སྒྲིབ་བྲལ་གསལ་མདངས་ཅན། །ཐུན་མཚམས་ལི་ཁྲིའི་བླ་གོས་བགོས་བཞིན་དུ། །རྨོངས་འཁྲུལ་ལེགས་པའི་ལམ་ནས་བསྟན་མཁས་པ། །སངས་རྒྱས་སྨན་གྱི་བླ་མ་སྤྱི་བོས་མཆོད། །ཁྱོད་གསུང་དམ་ཆོས་བདུད་རྩི་རོ་བརྒྱ་པ། །པ་སངས་སློབ་མས་མ་འཐུངས་བདུད་རྩིའི་བཅུད། །བཅུད་འཆང་དྷརྨཱ་སྭཱ་མའི་མཚན་ནས་བརྒྱུད། །བརྒྱུད་པའི་བླ་མ་མཆོག་རྣམས་རྒྱལ་གྱུར་ཅིག །དཀྱིལ་འཁོར་ཆ་རྫོགས་གཡུ་ཐོག་རྗེ་ལ་སོགས། །གདུང་སེལ་བསིལ་ཟེར་འགྱེད་པའི་མགོན་དེ་ཀུན། །དེང་དུས་ནུབ་རིའི་ཁྲི་ལ་གཟིམས་གྱུར་ནས། །ལོ་མང་ལོན་ཞིང་དེ་ལུགས་གསོ་དཔྱད་ཀྱང༌། །དེ་ཚེ་དམ་ཆོས་ཨ་ཏི་རྫོགས་པ་ཆེའི། །ཉམས་ལེན་སྨན་དཔྱད་ཟུང་འབྲེལ་གནས་མཆིས་པ། །ད་དུང་ཆུ་ཤིང་རུལ་བ་ལྟ་བུ་ཡི། །སྨན་པ་མང་པོས་ཉམས་ལེན་རྒྱང་བསྲིངས་ཏེ། །ལག་ལེན་འཁྱོགས་པོས་ལུས་ཅན་བསླུ་མཐོང་ནས། །དེ་དག་མ་བཟོད་དྭངས་བའི་བློ་གྲོས་ཀྱི། །རྣམ་དཔྱོད་སྤོབས་པའི་ཤིང་རྟས་མྱུར་དྲངས་ནས། །བླ་མ་ལོངས་སྤྱོད་རྫོགས་སྐུར་སྒྲུབ་པའི་ཐབས། །ཡི་གེའི་ལམ་དུ་འགོད་ཀྱིས་ཤེས་ལྡན་ཚོགས། །མོས་བློས་སྤྲོ་བ་བསྐྱེད་ལ་འདི་ལོངས་ཤིག །འདིར་འཇུག་པའི་གང་ཟག་གིས་བྱ་བའི་རིམ་པ་ལ་གཉིས། བཅས་བཤམས་དང༌། ཆོ་གའི་རིམ་པའོ། །དང་པོ་ནི། གནས་གཙང་ཞིང་དབེན་པར་སྨན་བླའི་སྐུ་བརྙན་བྲིས་འབུར་གང་རིགས་ཀྱི་མདུན་སྟེགས་ཀྱི་ཁར་དབུས་སུ་མཉྫིའི་སྟེང་མཎྜལ་གྱི་ངོས་སུ། རྡུལ་ཚོན་གྱིས་པདྨ་འདབ་བཞི་ལྟེ་བ་མུ་ཁྱུད་དང་བཅས་པ། །དབུས་མཐིང་ག །ཕྱོགས་བཞི་ཕྱོགས་མདོག །མུ་ཁྱུད་མཛེས་ཚོན་ཅན་བྲིས་ལ་བཀོད། དེ་མདུན་སྨན་བླའི་གཏོར་མ་དཀར་ཟླུམ་དཀར་གསུམ་མངར་གསུམ་སྨན་སྣས་བྲན་པ། དེའི་མདུན་དུ་ཆོས་སྲུང་གཏོར་མ་དམར་གཏོར་ཟུར་གསུམ་གཅིག་ལ། འཁོར་དེ་ལས་ཆུང་བ་བརྒྱད་ཀྱིས་བསྐོར་བ། ཤ་ཁྲག་དང་ཆང་ཕུད་ཀྱིས་བྲན་པའི་གཡས་གཡོན་ཏུ་སྨན་རག །ཤར་ནས་བརྩམས་ཏེ་གཡས་བསྐོར་གྱིས་ཆུ་གཉིས་སྔོན་འགྲོའི་ཉེར་སྤྱོད་མཚམས་འཛིན་གྱི་མེ་ཏོག་དང་བཅས་པ། ཉེ་ལོགས་ཅི་བདེ་བར་གཏོར་མ་དང་ཤ་ཆང༌། སྨན་ཕུད་སོགས་ཚོགས་ཀྱི་ཡོ་བྱད་དང༌། སྔོན་གཏོར། ཆད་ཐོ་དང༌། བརྟན་མའི་གཏོར་མ་བཅས་འདུ་བྱ། རྡོ་རྗེ་དྲིལ་བུ་ཌཱ་མ་རུ་དང་ནང་མཆོད་ཀྱང་ཉེར་བསྡོགས་བྱའོ། །གཉིས་པ་ཆོ་གའི་རིམ་པ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ནི། བརྒྱུད་འདེབས་རྒྱས་བསྡུས་གང་རུང་བྱ། སྔོན་འགྲོ་གཏོར་མ་བཏང་བ་ནི། རང་ཉིད་སྐད་ཅིག་གིས་དཔལ་ཧེ་རུ་ཀ་ཁྲོ་གཏུམ་བཟོད་པར་དཀའ་བའི་གཟི་བརྗིད་བསྐལ་པའི་མེ་ལྟར་འབར་བའི་སྐུར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ། ལན་གསུམ་གྱིས་བརླབ། བྷུ་མི་པ་ཏི་པ་རི་ཝཱ་ར་བཛྲ་ས་མཱ་ཛཿས་སྤྱན་དྲངས། སྠཱ་ན་པ་ཏི་ཀྵེ་ཏྲ་པཱ་ལཉྩ་ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་སོགས་ལན་གསུམ་གྱིས་བསྔོ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །སྔགས་སྤྱོད་དོན་དུ་ས་གཞི་འདི། །བདག་ཞུ་ཁྱེད་ཀྱིས་སྩལ་དུ་གསོལ། ཞེས་དང༌། མཆོད་སྦྱིན་གཏོར་མ་འདི་བཞེས་ལ་སོགས་ཀྱིས་ཕྲིན་ལས་བཅོལ། བྷཱུ་མི་པ་ཏི་ས་པ་རི་ཝཱ་ར་གཙྪས་གཤེགས་སུ་གསོལ་བ་དང་ཆབ་གཅིག །གང་དག་ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་ལ་ལྟ་བར་མི་དབང་བ་རྣམས་ས་ཕྱོགས་འདིར་མ་གནས་པར་གཞན་དུ་དེངས་ཤིག །ཅེས་དང༌། སུཾ་བྷ་ནིའི་སྔགས་དང་གུ་གུལ་ཡུངས་ཐུན་རོལ་མོའི་ཚམ་རྔམས་ཀྱིས་བགེགས་བསྐྲད། དེ་ནས་སྐྱབས་སེམས་ནི། བླ་མ་མཆོག་གསུམ་རྒྱལ་བ་རྒྱ་མཚོའི་ཚོགས་འཁོར་དང་བཅས་པ་ཨོཾ་བཛྲ་ས་མཱ་ཛཿས་སྐྱབས་ཡུལ་མཁའ་ཁྱབ་ཏུ་སད་པའི་སྤྱན་སྔར། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་བསྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། དཀོན་མཆོག་གསུམ་ལ་བདག་སྐྱབས་སོགས་རྒྱུན་བཤགས་དང༌། སེམས་ཅན་ཐམས་ཅད་བདེ་བ་སོགས་ཀྱིས་ཚད་མེད་བཞི་སྒོམ་མཐར། ཛཿཧཱུྃ་བྃ་ཧོཿས་ཚོགས་ཞིང་རྣམས་རང་ལ་ཐིམ་པར་གྱུར། བར་འདིར་སྤྲོ་ན་བླ་མའི་རྣལ་འབྱོར་བྱ་བ་ནི། རང་གི་སྤྱི་བོར་པདྨ་འདབ་མ་བཞིའི་དབུས་སུ་ཟླ་བའི་དཀྱིལ་འཁོར་གྱི་སྟེང་དུ། དུས་གསུམ་སངས་རྒྱས་ཐམས་ཅད་འདུས་པའི་བདག་ཉིད་མ་ཧཱ་གུ་ཎ་སྐུ་མདོག་དཀར་ལ་དམར་བའི་མདངས་ཆགས་པ། གཟི་བརྗིད་ཀྱི་དཔལ་རབ་ཏུ་འབར་བའི་སངས་རྒྱས་སྨན་པའི་རྒྱལ་པོ་དང་དབྱེར་མ་མཆིས་པ་ཞལ་གཅིག་ཕྱག་གཉིས་ཕྱག་གཡས་ཨ་རུ་རའི་སྡོང་པོ་འབྲང་བུ་སུམ་ལྡན་དཀུར་བརྟེན་པ། གཡོན་བདུད་རྩིས་གང་བའི་བུམ་པ་གུར་གུམ་གཞོན་ནུའི་ཁ་རྒྱན་ཅན་བསྣམས་པ། །དབུ་སྐྲ་ནག་པོ་སིལ་བུར་གྱུར་པ། སྐུ་ལ་དར་དཀར་པོའི་ན་བཟའ། མཆིན་ཁའི་སྐེ་རགས། ཞབས་རྗེན་ཕྱེད་སྐྱིལ་གྱིས་བག་དྲོའུ་རེ་བཞུགས་པའི་མདུན་དུ་ལྷ་མོ་དཀར་མོ་རིན་པོ་ཆེའི་པི་ཝང་བསྒྱུར་བ། གཡས་སུ་སེར་མོ་བྱ་རྒོད་རྐང་གི་གླིང་བུ་བསྒྱུར་བ། རྒྱབ་ཏུ་དམར་མོ་མི་རྐང་གི་གླིང་བུ་བསྒྱུར་བ། གཡོན་དུ་ལྗང་མོ་དངུལ་དཀར་གྱི་མེ་ལོང་སྟོན་པ། ཐམས་ཅད་ཀྱང་སྙན་ཆ་འཁྲོལ་བ། སྐུ་གསུང་ཐུགས་ལས་འོད་ཟེར་འཕྲོས་པས་རང་བཞིན་གྱི་གནས་ནས་སངས་རྒྱས་དང་བྱང་ཆུབ་སེམས་དཔའ་སྨན་སྐྱོང་སྲུང་མའི་ཚོགས་དང་བཅས་པ་སྐད་ཅིག་གིས་སྤྱན་དྲངས། བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་གྱུར། ཨོཾ་མ་ཧཱ་གུ་ཎ་སིདྡྷི་ཧཱུྃ། ཞེས་ཅི་ནུས་བཟླ། བླ་མའི་སྐུ་གསུང་ཐུགས་ལས་འཆི་མེད་བདུད་རྩིའི་རྒྱུན་བབས་པས་རང་གི་ལུས་ངག་ཡིད་གསུམ་ལ་ཐིམ། དབང་བཞི་ཐོབ་ཅིང་རྒྱུད་བཞི་སྨིན། མཐར་བླ་མ་འོད་དུ་ཞུ་སྟེ་རང་ལ་ཐིམ་པས་བྱིན་རླབས་རྒྱུད་ལ་ཞུགས་པར་གྱུར། ཅེས་གཡུ་ཐོག་སྙིང་ཐིག་གེགས་སེལ་ཆ་ལག་གི་ཟུར་རྒྱན་ལས་འབྱུང་བ་ལྟར་བྱ། བསྡུ་ན་མ་གྲུབ་ཀྱང་འགལ་བ་མེད་དོ། །དེ་ནས་མཆོད་པ་བྱིན་རླབས་ནི། ལས་སྔགས་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་གནས་ཁང་འོག་མིན་ལྟ་ན་སྡུག་པའི་ཞིང་ཁམས་སུ་གསལ་བའི་དབུས་སུུ་མཆོད་པའི་བྱེ་བྲག་བསམ་གྱིས་མི་ཁྱབ་པ་ནམ་མཁའ་མཛོད་ཀྱི་འཁོར་ལོའི་སྤྲིན་ཆེན་པོར་གྱུར། ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ། གི་བར་དང༌། ཨོཾ་བཛྲ་གཎྜེ་ར་ཎི་ཏ་སོགས་རོལ་མོ་དང་བཅས་པས་བྱིན་དབབ་བོ། །གཉིས་པ་དངོས་གཞི་བདག་མདུན་བསྐྱེད་པ་ནི། སྭ་བྷཱ་ཝས་སྦྱང༌། སྟོང་པའི་ངང་ལས་པད་ཟླའི་གདན་ལ་རང་ཉིད་སངས་རྒྱས་སྨན་གྱི་བླ་སྐུ་མདོག་བཻ་ཌཱུརྻ་ལྟར་འཚེར་བ་མཚན་དང་དཔེ་བྱད་ཀྱི་དཔལ་མངའ་བ། ཕྱག་གཡས་ས་གནོན་དང་གཡོན་མཉམ་གཞག་མཛད་པ། ཆོས་གོས་གསུམ་དང་ལྡན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་མདུན་དུ་པདྨ་འདབ་མ་བཞི་པའི་ལྟེ་བར་པྃ་ལས་པདྨ་དཀར་པོ་དང་ཨ་ལས་ཟླ་བའི་དཀྱིལ་འཁོར་ཉ་གང་བའི་གདན་ལ་དུས་གསུམ་གྱི་སངས་རྒྱས་ཐམས་ཅད་ཡོངས་སུ་འདུས་པའི་ངོ་བོ་སངས་རྒྱས་སྨན་གྱི་བླ་བཻཌཱུརྻ་འོད་ཀྱི་རྒྱལ་པོ་སྐུ་མདོག་ནམ་མཁའ་གཡའ་དག་པ་ལྟ་བུ། ཨུཏྤལ་ལྟར་དཀྱུས་རིང་བའི་སྤྱན་ཟུར་འགྲོ་བའི་གདུལ་བྱ་ལ་ཕྱོགས་བཅུར་གཟིགས་པ། དབུ་སྐྲ་མཐོན་ཀ་སྤྱི་བོར་བཅིངས་པའི་ཕྱེད་སིལ་བུར་རྒྱབ་ཏུ་ཕྱོགས་པ། ཐོར་ཅོག་གི་རྩེ་མོར་ནོར་བུུ་རིན་པོ་ཆེ་དང་གཡས་གཡོན་དུ་ཉི་ཟླའི་དཀྱིལ་འཁོར་གྱིས་སྤྲས་པས་འགྲོ་བ་ཐམས་ཅད་ཀྱི་དབུལ་ཕོངས་དང་ཚ་གྲང་གི་ནད་ལས་སྐྱོབ་པ། རིན་པོ་ཆེ་སྣ་ཚོགས་དབུ་རྒྱན་ལ་མི་བསྐྱོད་པ་གཙོ་བོར་གྱུར་པའི་རིགས་ལྔས་སྤྲས་པ། ཕྱག་གཡས་མཆོག་སྦྱིན་གྱི་ཕྱག་རྒྱས་འདབ་མ་དང་བཅས་པའི་ཨ་རུ་ར་རྣམ་པར་རྒྱལ་བ་དང༌། གཡོན་མཉམ་གཞག་གིས་སྨན་གྱི་བདུད་རྩིས་གང་བའི་ལྷུང་བཟེད་བསྣམས་པ། དར་དཀར་པོ་དང་དམར་པོའི་སྟོད་གཡོག་དང་སྨད་གཡོགས་འཆང་བ། རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྐུ་མཚན་དང་དཔེ་བྱད་ཀྱིས་སྤྲས་པ། གསུང་དབྱངས་ཡན་ལག་དྲུག་ཅུ་དང་ལྡན་ཞིང་ཐུགས་ཏིང་ངེ་འཛིན་བརྒྱ་ཕྲག་དུ་མ་ལ་སྙོམས་པར་ཞུགས་པ། དེ་ལ་གསོ་རིག་བརྒྱུད་པའི་བླ་མ་རྣམས་ཀྱིས་སྐོར་ནས་བཞུགས་པ། མདུན་གྱི་འདབ་མ་ལ་སྨན་གྱི་ལྷ་མོ་དཀར་མོ་ཕྱག་གཉིས་རིན་པོ་ཆེའི་པི་ཝང་བསྒྱུར་བ། གཡས་སུ་ལྷ་མོ་སེར་མོ་ཕྱག་གཉིས་བྱ་རྒོད་ཀྱི་རྐང་གླིང་བསྒྱུར་བ། རྒྱབ་ཏུ་ལྷ་མོ་དམར་མོ་ཕྱག་གཉིས་མི་རྐང་གི་གླིང་བུ་འབུད་པ། གཡོན་དུ་ལྷ་མོ་ལྗང་གུ་ཕྱག་གཉིས་དངུལ་དཀར་གྱི་མེ་ལོང་འཛིན་པ། བཞི་ཀའང་ལོ་བཅུ་དྲུག་ལོན་པའི་ན་ཚོད་ཅན་སྐྲ་སིལ་བུར་གྲོལ་བ། མེ་ཏོག་དང་དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་ཞབས་ཕྱེད་སྐྱིལ་གྱིས་བཅོམ་ལྡན་འདས་ལ་འདུད་པའི་ཚུལ་གྱིས་བཞུགས་པ། མུ་ཁྱུད་ལ་སྨན་གྱི་སྲུང་མ་ཞང་བློན་ཆེན་པོ་དང་དྲང་སྲོང་ལྷ་ཀླུ་གཟའ་སྐར་རྒྱལ་པོ་བཙན་བདུད་གིང་གི་ཚོགས་ཀྱིས་ཏིལ་གྱི་གང་བུ་ལྟར་གང་བས་གཙོ་བོའི་ཕྱོགས་སུ་ཐལ་མོ་སྦྱར་ཏེ་འཁོད་པ། དབུས་སུ་གཙོ་འཁོར་ལྔའི་གནས་གསུམ་གྱི་ཡི་གེ་གསུམ་དང་དྲེགས་བྱེད་རྣམས་ཀྱི་སྙིང་གའི་རང་རང་གི་ས་བོན་ལས་འོད་འཕྲོས་པས་ཡེ་ཤེས་པ་རྣམས་རང་བཞིན་ཆོས་ཀྱི་དབྱིངས་ནས་སྤྱན་དྲངས་པར་གྱུར། ཡེ་ཤེས་སྤྱན་འདྲེན་པ་ནི། རྡོར་དྲིལ་སྤོས་དང་བཅས། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེ་རྣམས་སྦྱངས་ཤིང༌། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པ། །ཁྱེད་བཞེད་འགྲོ་དོན་མཛད་དུས་འདིར་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང༌། །མཐའ་ཡས་སེམས་ཅན་ཁམས་རྣམས་སྒྲོལ་བའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་གསོལ། །སྤྱན་དྲངས་པའི་ཡེ་ཤེས་པ་རྣམས་རང་རང་གི་དམ་ཚིག་པ་དང་དབྱེར་མེད་དུ་གྱུར། འཇིག་རྟེན་པ་རྣམས་ཀྱང་ཕྱོགས་ཐམས་ཅད་ནས་འདུས་ཏེ་སོ་སོའི་རྟེན་ལ་ཐིམ་པར་གྱུར། ཛཿཧཱུྃ་བྃ་ཧོཿ ས་མ་ཡ་ཛཿ ཏིཥྛ་ལྷན། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམ་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡ་སྟྭཾ། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་དང་བཅས་པ་བཛྲ་ས་མཱ་ཛཿ ཁྱེད་རྣམས་ཀྱིས་ལྷ་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ། ཞེས་གསུངས་ཤིང་བུམ་པའི་བདུད་རྩིས་དབང་བསྐུར། སྐུ་གང་དྲི་མ་དག །ཆུའི་ལྷག་མ་གྱེན་དུ་ལུད་པ་ལས། བདེ་ཆེན་དབུས་ཀྱི་བཅོམ་ལྡན་འདས་ལ་མི་བསྐྱོད་པ་དང་ལྷ་མོ་བཞི་ལ་སངས་རྒྱས་སྨན་གྱི་བླ་རེ་རེས་དབུར་བརྒྱན། འཇིག་རྟེན་པ་ཐམས་ཅད་ལ་རྡོ་རྗེ་རྩེ་དགུ་པ་རེ་རེས་རྒྱས་བཏབ་པར་གྱུར་པར་མོས། མཆོད་པ་ནི། མཆོད་ཡོན་ཕལ་ཆེར་མཆོད་ཡོན་བླ་བྲེ་དང༌། །མཆོད་ཡོན་བཀོད་པའི་འོད་ཟེར་རབ་བཀྱེ་ཞིང༌། །མཆོད་ཡོན་སྣ་ཚོགས་ཀུན་ཏུ་བཀྲམ་བྱས་ནས། །བདག་ཉིད་ཆེན་པོ་རྒྱལ་བ་སྲས་བཅས་མཆོད། །ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། མཆོད་ཡོན་གནས་སུ། ཞབས་བསིལ། མེ་ཏོག །གདུག་སྤོས། སྣང་གསལ། དྲི་མཆོག །ཞལ་ཟས། སིལ་སྙན་དང༌། ཨརྒྷཾ་གྱི་གནས་སུ། པཱདྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནི་བིདྱཱ། ཤབྡ་རྣམས་བཅུག་ནས་འབུལ་ཞིང༌། མཐར། ན་མསྶརྦ་བུདྡྷ་བོ་དྷི་ས་ཏྭ་བྷྱ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར་ཨཱ་བརྟཱ་ཡ་ཨཱ་བརྟྟེ་བྷྱཿསྭཱ་ཧཱ། ཞེས་པ་ཙམ་མམ། རྒྱས་པར་སྤྲོ་ན། འདོད་ཡོན་ལྔ། རྒྱལ་སྲིད་བདུན། བཀྲ་ཤིས་རྫས་རྟགས་གོས་ཟུང་སོགས་འབུལ་ཚིག་སྤྱི་ལྟར་གྱིས་དབུལ། གང་ལྟར་ཡང༌། མཐར་གཏོར་མ་ལས་སྔགས་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་གཏོར་སྣོད་རིན་པོ་ཆེ་དང་བྷནྡྷ་ལ་སོགས་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་བདུད་རྩིའི་རྒྱ་མཚོ་ཆེན་པོར་གྱུར། ཨ་ཀཱ་རོ་གསུམ་གྱིས་བྱིན་གྱིས་བརླབས་ལ། རྩ་སྔགས་མཇུག་ཏུ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་དང༌། གཏོར་མ་བདུད་རྩིའི་རྒྱ་མཚོ་ཆེན་པོ་འདི་སངས་རྒྱས་བཅོམ་ལྡན་འདས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོ་འཁོར་རིགས་བཞིའི་ལྷ་མོ་སྨན་གྱི་སྲུང་མ་མཆེད་བཞི་དང་བཅས་པ་ལ་འབུལ་ལོ། །བཞེས་ནས་བདག་དང་སེམས་ཅན་ཐམས་ཅད་གནས་སྐབས་སུ་རླུང་མཁྲིས་བད་ཀན་འདུས་པའི་ནད་ཚ་གྲང་གི་ཟུག་རྔུ་ཐམས་ཅད་ཞི་བ་དང༌། མཐར་ཐུག་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་མཛད་དུ་གསོལ། ཞེས་དང༌། འཇིག་རྟེན་པ་རྣམས་ལ། ཨོཾ་ལོ་ཀ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གཏོར་མ་བདུད་རྩིའི་རྒྱ་མཚོ་ཆེན་པོ་འདི་ཞང་བློན་ཆེན་པོ་དྲང་སྲོང་ལྷ་ཀླུ་གཟའ་སྐར་རྒྱལ་པོ་བཙན་བདུད་གིང་བཤན་ཕོ་ཉ་བཀའ་སྡོད་དྲེགས་པའི་སྲུང་མ་འཁོར་དང་བཅས་པས། ཚིམ་ཞིང་དགྱེས་པར་བཞེས་ལ་རུ་ང་དང་ཕྲག་དོག་ཀོ་ལོང་གདུག་སེམས་ཞི་སྟེ། ཞི་བ་དུལ་བ་བྱང་ཆུབ་ཀྱི་སེམས་དང་ལྡན་པས་བདག་གི་གནས་སྐབས་དང་མཐར་ཐུག་གི་བར་ཆད་དང་མི་མཐུན་པའི་ཕྱོགས་རིས་ངན་པ་ཐམས་ཅད་ཞི་བར་མཛོད་ཅིག །ལེགས་པ་བརྒྱ་དང་སྤྲོད། ཉེས་པསྟོང་དང་བསྣོལ་ཅིག །བསམ་པའི་དོན་སྒྲུབས། བདག་གི་ཚེ་དང་བསོད་ནམས་སྙན་གྲགས་མངའ་ཐང་ལོངས་སྤྱོད་དཔལ་དང་འབྱོར་པ་ཐམས་ཅད་ཟླ་བ་ཡར་གྱི་ངོ་འམ་དབྱར་དུས་ཀྱི་མཚོ་ལྟར་གོང་ནས་གོང་དུ་འཕེལ་ཞིང་རྒྱས་པར་མཛོད་ཅིག །ཅེས་བརྗོད། དེ་ནས་བསྟོད་པ་ནི། རྡོ་རྗེ་དང་དྲིལ་བུ་འཛིན་པས་འདི་སྐད་དོ། །ཆོས་དབྱིངས་རྣམ་དག་འདུས་མ་བྱས་ཡིན་ཡང༌། །སྤྲུལ་པའི་ཆོ་འཕྲུལ་སྣང་བརྙན་སྨན་གྱི་བླ། །དུས་གསུམ་བདེ་གཤེགས་ཀུན་གྱི་ངོ་བོ་ཉིད། །བཻཌཱུརྻ་ཡི་འོད་ལ་ཕྱག་འཚལ་ལོ། །སྐུ་མདོག་མཐིང་ག་ནམ་མཁའ་དྲི་བྲལ་ལྟར། །མཚན་དཔེའི་དཔལ་འབར་དར་དང་རིན་ཆེན་བརྒྱན། །སྐྲ་མཆོག་བུང་བ་ཕྱེད་བཅིངས་རྒྱབ་ཏུ་གྲོལ། །ཕྱག་གཉིས་མཆོག་སྦྱིན་མཉམ་བཞག་མཛད་ཕྱག་འཚལ། །ཁྱོད་གསུང་མི་ཟད་རྒྱན་གྱི་འཁོར་ལོ་ཡི། །དབྱངས་ཀྱི་ང་རོ་དྲུག་ཅུའི་བྱེ་བྲག་ལས། །དྲང་ངེས་ཆོས་ཀུན་ལྷུག་པར་སྟོན་མཛད་ཅིང༌། །འགྲོ་བའི་ནད་སེལ་སྐྱབས་མཆོག་ལ་ཕྱག་འཚལ། །ཐུགས་ཀྱི་གསང་བ་དཔག་ཡས་ཟབ་གསལ་ཆེ། །རྒྱ་མཚོ་ཆེ་ལྟར་གཏིང་མཐའ་རྙོག་པ་མེད། །མི་ཟད་ཏིང་འཛིན་དུ་མར་དབང་བསྒྱུར་བས། །ངེས་པའི་དོན་སྟོན་མཛད་ལ་ཕྱག་འཚལ་ལོ། །ཁྱོད་གསུང་དམ་ཆོས་བདུད་རྩིའི་རྒྱུན་བཟང་པོས། །གང་གི་བློ་གྲོས་བུམ་པ་ལེགས་བཀང་ནས། །ཐར་འདོད་ཡོངས་ལ་ལེགས་ལམ་སྟོན་མཛད་པ། །བརྒྱུད་པའི་བླ་མ་རྣམས་ལ་ཕྱག་འཚལ་བསྟོད། །ཕྱོགས་བཞི་རིགས་བཞིའི་སྨན་སྲུང་ལྷ་མོ་བཞི། །དཀར་སེར་དམར་ལྗང་རིན་ཆེན་དར་གྱིས་མཛེས། །རང་རང་རྟགས་ཀྱི་ཕྱག་མཚན་དང་བཅས་ཏེ། །གཙོ་ལ་འདུད་ཚུལ་བཞུགས་ལ་ཕྱག་འཚལ་བསྟོད། །ཕྱི་རོལ་ཞང་བློན་དྲང་སྲོང་གཟའ་སྐར་དང༌། །ལྷ་ཀླུ་རྒྱལ་བཙན་གིང་བདུད་དྲེགས་བྱེད་ཚོགས། །བཅོམ་ལྡན་འདས་ལ་འདུད་ཚུལ་ཐལ་སྦྱར་བཞུགས། །སྨན་གྱི་སྲུང་མ་དྲེགས་བྱེད་ཚོགས་ལ་བསྟོད། ཅེས་བསྟོད། བཟླས་པ་བྱ་བ་ནི། རང་གི་ཐུགས་ཀར་ཟླ་བའི་དཀྱིལ་འཁོར་གྱི་དབུས་སུ་ཧཱུྃ་གི་མཐར་རྩ་སྔགས་ཀྱིས་བསྐོར་བ། མདུན་བསྐྱེད་ཀྱི་བཅོམ་ལྡན་འདས་ཀྱི་ཐུགས་ཙིཏྟ་དམར་པོ་པདྨ་རཱ་གའི་མདོག་ལྟ་བུར་ཟུར་དྲུག་པ། །ཟུར་དྲུག་པོ་དེ་དག་ལས་འོད་དང་འོད་ཟེར་རེ་རེའི་སྣ་ལ་ཐུབ་པ་དྲུག་འཕྲོས་པས་འགྲོ་བ་རིགས་དྲུག་གི་ཟུག་རྔུ་མ་རིག་པའི་ཚོགས་སེལ་བ། དེའི་དབུས་སུ་རྩ་ཀ་ཏི་ཤེལ་གྱི་སྦུ་གུ་ཅན་ཤེལ་དཀར་གྱི་ཀ་བ་བཙུག་པ་ལྟ་བུ་ལས་འོད་ཟེར་བརྒྱ་ཕྲག་དུ་མ་འཕྲོ་བ་ལས་ཞི་བ་དང་ཁྲོ་བོའི་རྣམ་པ་རིགས་བརྒྱ་འཕྲོ་བ། དེའི་རྩ་སྦུབས་སུ་པདྨ་དང་ཟླ་བའི་གདན་ལ་རྡོ་རྗེ་སྔོན་པོ་རྩེ་ལྔ་བསྒྲེང་ཐབས་སུ་གནས་པའི་ཡར་གྱི་རྭ་ལྔ་ལ་རིགས་ལྔ་ཡབ་ཡུམ་མཉམ་སྦྱོར་དུ་བཞུགས་ཤིང༌། མར་གྱི་རྭ་ལྔ་ལ་ཁྲག་འཐུང་རིགས་ལྔ་ཡབ་ཡུམ་འཁྲིལ་སྦྱོར་དུ་བཞུགས་པ། རྡོ་རྗེའི་ལྟེ་བར་ཉི་མའི་དཀྱིལ་འཁོར་གྱི་དབུས་སུ་ཧཱུྃ་སྔོན་པོ་བཻ་ཌཱུརྻ་ལྟ་བུའི་མཐར་རྩ་སྔགས་ཀྱིས་བསྐོར་བར་གྱུར་པ་དང༌། ལྷ་མོ་བཞིའི་ཐུགས་ཀར་ཟླ་བའི་གདན་རེ་རེའི་དབུས་སུ་མདུན་ནས་གཡས་བསྐོར་དུ་ཧ་རི་ནི་ས་དང༌། འཇིག་རྟེན་པ་རྣམས་ཀྱི་སྙིང་གར་རང་རང་གི་ས་བོན་གྱིས་མཚན་པར་གྱུར་པར་དམིགས་ཏེ། ཨོཾ་ན་མོ་བྷ་ག་ཝ་ཏེ། གུ་རུ་བཻཌཱུརྻ་པྲ་བྷཱ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐ། ཨོཾ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱཻ་རཱ་ཛ་ས་མུཏྒ་ཏེ། ཧ་རི་ནི་ས་མ་ཧཱ་སརྦ་སིདྡྷི་ཕ་ལ་ཧོཿ ཞེས་ཅི་མང་བཟླ་བར་བྱའོ། །མཐར་དབྱངས་གསལ་ཡིག་བརྒྱ་རྟེན་སྙིང་ལན་གསུམ་གསུམ་བརྗོད། སྔགས་ཙམ་གྱིས་མཆོད། བསྟོད་པ་ཤྭ་ལོ་ཀ་དང་པོ་དང་རྗེས་མ་གསུམ་ཙམ་གྱིས་བསྟོད། སྐབས་སྐབས་སུ་བཟླས་པས་སྐྱོ་ན་བརྒྱུད་པའི་བླ་མ་རྣམས་ལ་གསོལ་བ་འདེབས་པ་ནི། དཔག་ཡས་བསོད་ནམས་ཚོགས་གཉིས་ལས་འཁྲུངས་ཤིང༌། །མཚན་དཔེའི་དཔལ་འབར་བཻཌཱུརྻ་ཡི་མདོག །མཆོག་སྦྱིན་མཉམ་བཞག་ཕྱག་རྒྱས་འགྲོ་བ་སྐྱོབས། །སངས་རྒྱས་སྨན་གྱི་བླ་མ་ལ་གསོལ་བ་འདེབས། །དེས་གསུང་ཆོས་ཀུན་སྡུད་དང་ཞུ་བ་དང༌། །ལེགས་པར་སྟོན་སོགས་ཆོས་ཀྱི་མཛོད་འཛིན་པ། །ཡིད་ལས་སྐྱེས་དང་རིག་པའི་ཡེ་ཤེས་མཚན། །དྲང་སྲོང་རྣམ་གཉིས་ཞབས་ལ་གསོལ་བ་འདེབས། །རྒྱུན་ཤེས་ནབས་སོ་སྐྱེས་དང་ཐང་ལ་འབར། །དཀའ་གཉིས་སྤྱོད་དང་འདྲོབ་སྐྱོང་མེ་བཞིན་འཇུག །ལུག་ནག་རྒྱ་སྐྱེག་སྣ་དང་ཟླ་བའི་མཆོག །ལན་ཚྭའི་མཆོག་གི་ཞབས་ལ་གསོལ་བ་འདེབས། །དཔལ་ལྡན་ཕྲེང་བ་དཔལ་ལྡན་ཕུན་ཚོགས་དང༌། །བཤོལ་འགྲོ་སྐྱེས་དང་ཉི་མའི་སྙིང་པོ་དང༌། །ཟླ་བའི་འོད་ཟེར་དགེ་སློང་ཀུན་དགའ་བོ། །འཚོ་བྱེད་གཞོན་ནུའི་ཞབས་ལ་གསོལ་བ་འདེབས། །ཀླུ་སྒྲུབ་སྙིང་པོ་དཔལ་ལྡན་དགའ་བའི་མཚན། །ཟླ་བ་མངོན་དགའ་བཻ་རོ་ཙ་ན་དང༌། །ཁྲི་སྲོང་ལྡེའུ་བཙན་གྲྭ་པ་མངོན་ཤེས་ཅན། །དབུས་པ་དར་གྲགས་ཞབས་ལ་གསོལ་བ་འདེབས། །དགེ་སློང་དཀོན་སྐྱབས་གཡུ་ཐོག་ཡོན་ཏན་མགོན། །ཡེ་ཤེས་གཟུངས་དང་འབོ་སེ་ཀུན་ཏུ་དགའ། །འཛམ་གླིང་མགོན་དང་དྭགས་པོ་ཙཎྜ་པ། །འཚོ་མཛད་རྒྱལ་པོའི་ཞབས་ལ་གསོལ་བ་འདེབས། །ཚ་ལུང་པ་དང་གཡུ་ཐོག་མགོན་པོ་དང༌། །བན་མོ་ག་ག་གཞོན་ནུ་ཡེ་ཤེས་ཞབས། །དེ་སྲས་བྲང་ཏི་འཇམ་དཔལ་རྒྱལ་མཚན་དང༌། །གཡུ་ཐོག་ཉི་མའི་མགོན་ལ་གསོལ་བ་འདེབས། །གཟི་བརྗིད་འབར་དང་རྫ་སྟོན་སུམ་པ་དང༌། །ཞང་སྟོན་ཞིག་པོ་ལྷ་རྗེ་དགེ་བ་འབུམ། །སྨན་མོ་ཆེ་དང་རཏྣའི་མཚན་ཅན་དང༌། །རྩ་བརྒྱུད་བླ་མ་རྣམས་ལ་གསོལ་བ་འདེབས། །གཡུ་ཐོག་མགོན་ཁྱེད་སླར་ཡང་བྱང་ཕྱོགས་འདིར། །དགེ་སློང་ཚུལ་བཟུང་ཐོས་བསམ་སྒྲོན་མེ་སྦར། །འགྲོ་བ་ཀུན་གྱི་སྐྱབས་གཅིག་ཐུགས་རྗེ་ཅན། །མཉམ་ཉིད་རྡོ་རྗེའི་ཞབས་ལ་གསོལ་བ་འདེབས། །ཁྱོད་གསུང་ཆོས་མཛོད་འཛིན་པའི་ཐུགས་སྲས་བཞི། །དེ་ལས་འོངས་པའི་སློབ་བརྒྱུད་བྷནྡྷའི་ཕྲེང༌། །མ་ཆད་མ་ཉམས་ལེགས་སྟོན་གསེར་གྱི་ཟམ། །བརྒྱུད་འཛིན་སྨན་པའི་ཚོགས་ལ་གསོལ་བ་འདེབས། །ལྷ་མོ་མཆེད་བཞི་ནོར་སྦྱིན་ཞང་བློན་སོགས། །གསོ་རིག་རྒྱུད་དང་སྨན་གྱི་སྲུང་མའི་ཚོགས། །ཡེ་ཤེས་འཇིག་རྟེན་ཚུལ་འཛིན་སྤྲུལ་འཁོར་བཅས། །བཀའ་སྲུང་དྲེགས་བྱེད་ཚོགས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་ནི་སྐྱེ་བ་ཚེ་རབས་ཐམས་ཅད་དུ། །གསོ་དཔྱད་རིག་པའི་གནས་ལ་མཁས་པ་དང༌། །དྲང་སྲོང་བརྒྱུད་པ་ཟིན་པར་བྱིན་གྱིས་རློབས། །ནད་པས་སྨན་པ་ཐོས་སམ་མཐོང་བའི་ཚེ། །སྨན་གྱི་ནགས་སུ་སླེབ་པ་ཇི་བཞིན་དུ། །རླུང་འཁྲིས་བད་ཀན་འདུས་པ་ཚ་གྲང་ནད། །ངང་ངམ་ཤུགས་ཀྱིས་གྲོལ་བར་བྱིན་གྱིས་རློབས། །སྨན་པས་ནད་པ་བརྟགས་དཔྱད་བྱས་པའི་ཚེ། །དྲང་སྲོང་འཁོར་བཅས་ཐུགས་རྗེའི་ཆོ་འཕྲུལ་གྱིས། །མངོན་ཤེས་གཞན་རིག་མེ་ལོང་ཕྱིས་པ་བཞིན། །ནད་ཀྱི་མཚན་ཉིད་མཐོང་བར་བྱིན་གྱིས་རློབས། །སྨན་པས་ཁ་མར་བདག་གཡུ་འབྲུག་གི། །སྐད་ལ་རྨ་བྱ་སྤྲོ་ལྟར་ནད་པ་དེ། །འཚོ་བར་འགྱུར་སྙམ་དགའ་བའི་ཡིད་ཐོབ་ནས། །འཛུམ་པའི་བཞིན་བཅས་བདེ་བར་བྱིན་གྱིས་རློབས། །སྨན་གྱི་སྦྱོར་བ་རྩོམ་པར་བྱེད་པའི་ཚེ། །སྨན་གྱི་དྲི་ལ་སྦྲུལ་གྱིས་མ་གི་ཏིའི། །དྲི་ལ་འབྲོས་ལྟར་ནད་ཀྱི་གྲོང་ཁྱེར་ཚོགས། །སྐད་ཅིག་ཉིད་ལ་འཇོམས་པར་བྱིན་གྱིས་རློབས། །ཚ་བསིལ་སྦྱོར་བ་བསིལ་དྲོད་རྟར་བསྐྱོན་ནས། །ནད་པའི་ལྗགས་ཀྱི་དབང་པོ་དང་འཕྲད་ཚེ། །རོ་དྲུག་ནུས་བརྒྱད་ཡོན་ཏན་སྟོབས་འཕེལ་ཏེ། །ནད་ཀྱི་དགྲ་དཔུང་གཞོམ་པར་བྱིན་གྱིས་རློབས། །མགུར་མགྲིན་ཕོ་བར་སླེབས་ཚེ་མེ་དྲོད་ཀྱིས། །ཞུ་རྗེས་མངར་སྐྱུར་ཁ་བའི་ཚུལ་བྱུང་བས། །རླུང་འཁྲིས་བད་ཀན་འཕེལ་ཟད་འཁྲུགས་ལ་སོགས། །ནད་ཀྱི་གཡུལ་ངོ་ཟློག་པར་བྱིན་གྱིས་རློབས། །སྨན་རྣམས་ཞུ་རྗེས་ནད་རྗེས་ཆོད་པ་དང༌། །ལུས་ཟུང་སྟོབས་འཕེལ་ཚེ་ཡི་བར་ཆད་ཞི། །བསམ་པའི་དོན་ཀུན་ཆོས་བཞིན་འགྲུབ་པ་དང༌། །འཇིགས་མེད་རྡོ་རྗེའི་ལུས་མཆོག་ཐོབ་གྱུར་ཅིག །སེམས་ཅན་ཐམས་ཅད་ངན་སོང་གསུམ་སོགས་ཀྱི། །སྡུག་བསྔལ་མེ་རླབས་ཞི་ནས་ཆོས་གྲུབ་སྟེ། །ཐོས་བསམ་སྒོམ་པའི་བྱ་བ་ལ་སྦྱངས་ནས། །སྨན་པའི་རྒྱལ་པོའི་གོ་འཕང་ཐོབ་གྱུར་ཅིག །སངས་རྒྱས་སྨན་གྱི་བླ་མའི་ཐུགས་རྗེ་དང༌། །དྲང་སྲོང་རིག་འཛིན་ལྷ་དབང་མཐུ་རྩལ་དང༌། །ཆོས་དབྱིངས་རྣམ་པར་དག་པའི་བདེན་ཚིག་གིས། །སྨོན་ལམ་མྱུར་དུ་གྲུབ་པའི་རྒྱུར་གྱུར་ཅིག །ཅེས་གསོལ་འདེབས་སྨོན་ལམ་བྱ་ཞིང་བཟླས་པ་ལ་འབད་དོ། །བར་འདིར་བཀའ་སྲུང་ཞང་བློན་ཆེན་པོའི་གཏོར་བསྔོ་དཀོན་མཆོག་ཕྲིན་ལས་བཟང་པོའི་གསུང་སོགས་གང་རུང་བྱའོ། །གསུམ་པ་རྗེས་ཀྱི་ལས་རིམ་ལ། ཐོག་མར་ཚོགས་ཀྱི་ཡོ་བྱད་གང་འཛོམ་འདུ་བྱས་ལ་ལས་སྔགས་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཨ་ལས་ཐོད་པའི་སྒྱེད་པུ་གསུམ་གྱི་སྟེང་དུ་ཀ་པཱ་ལ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ་ཨོཾ་ཧཱུྃ་ཏྲཱྃ་ཨཱྃ་ཁྃ་ལས་དྲི་ཆེན་དྲི་ཆུ་རཀྟ་བྱང་སེམས་ཀླད་པ་རྣམས་ས་བོན་གྱིས་མཚན་པའི་སྟེང་དུ་ཧཱུྃ་ལཱྃ་མཱྃ་པཱྃ་ཏཱྃ་ལས་མི་དང་གླང་དང་ཁྱི་དང་གླང་པོ་ཆེ་དང་གྷོ་ར་རྣམས་ཀྱི་ཤ་རང་རང་གི་ས་བོན་གྱིས་མཚན་པ། ཟླ་བའི་ཁ་ཆོད་ཡི་གེ་གསུམ་གྱི་རྒྱས་བཏབ་པ། རླུང་གཡོས་མེ་སྦར་ཐོད་པ་དྲོས་རྫས་ཁོལ་བའི་རླངས་པ་ཡི་གེ་གསུམ་ལ་ཕོག །དེ་ལས་འོད་འཕྲོས་ཕྱོགས་བཅུའི་སངས་རྒྱས་ཐམས་ཅད་ཀྱི་སྐུ་གསུང་ཐུགས་འོད་ཟེར་གྱི་རྣམ་པར་བསྡུས་པ་ཡི་གེ་གསུམ་ལ་ཐིམ་ཞིང་ཟླ་བའི་ཁ་གཅོད་ཡི་གེ་གསུམ་དང་བཅས་པ་འོད་དུ་ཞུ། རྫས་སོ་སོ་ས་བོན་དང་བཅས་པ་ཡོངས་སུ་གྱུར་པ་ལས་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱི༔ ཞེས་ལན་གསུམ་བརྗོད། ཚོགས་ཕུད་ཆ་གསུམ་དུ་སྤྲོས་པའི་དང་པོ་དཀར་མངར་ཕུད་ཀྱིས་བྲན་པ་དཀར་ཟླུམ་དུ་ཁུར་ལ། ཧཱུྃ། ཆོས་དབྱིངས་རྣམ་དག་བདེ་ཆེན་ཕོ་བྲང་ནས། །སྨན་བླ་ལོངས་སྤྱོད་རྫོགས་སྐུ་གཤེགས་སུ་གསོལ། །སྨན་ཞལ་བདུད་རྩིའི་རྒྱ་མཚོ་ཆེན་པོ་ཡིས། །ག་ཎ་ཙཀྲའི་ལོངས་སྤྱོད་མཆོག་འབུལ་གྱི། །བཞེས་ནས་དབང་དང་དངོས་གྲུབ་སྩལ་དུ་གསོལ། སྨན་ཞལ་སོགསརྐང་པ་འོག་མ་གསུམ་རིགས་འགྲེས་ལ། ཀ་དག་འགྱུར་མེད་ལྷུན་གྲུབ་ཕོ་བྲང་ནས། །ཡིད་སྐྱེས་རིག་པའི་ཡེ་ཤེས་གནས་འདིར་གཤེགས། །སྨན་ཞལ༴ ག་ཎ༴ བཞེས་ནས༴ བདེ་ཆེན་མི་འགྱུར་འོག་མིན་གཞལ་ཡས་ནས། །རྒྱུན་ཤེས་ལ་སོགས་རྩ་བརྒྱུད་བླ་མ་ལ། །སྨན་ཞལ༴ ག་ཎ༴ བཞེས་ནས༴ བདེན་གཉིས་ཟུང་འཇུག་མཐའ་བྲལ་ཁང་བཟང་ནས། མཁས་གྲུབ་གཡུ་ཐོག་ཡོན་ཏན་མགོན་པོ་ལ། །སྨན་ཞལ༴ ག་ཎ༴ བཞེས་ནས༴ ཀློང་ཆེན་རིག་པ་རང་གྲོལ་མཁའ་ཀློང་ནས། །རྫོགས་ཆེན་རྣལ་འབྱོར་མཉམ་ཉིད་བཛྲ་ལ། །སྨན་ཞལ༴ ག་ཎ༴ བཞེས་ནས༴ གར་བཞུགས་ལྟ་ན་སྡུག་གི་གྲོང་ཁྱེར་ནས། །སྨན་སྲུང་རིགས་བཞིའི་ལྷ་མོ་མཆེད་བཞི་ལ། །སྨན་ཞལ༴ ག་ཎ༴ བཞེས་ནས༴ ཕྱོགས་བཅུ་ནམ་མཁའ་ཡངས་པའི་དཀྱིལ་འཁོར་ནས། །ཞང་བློན་ལ་སོགས་དྲེགས་པ་འཁོར་བཅས་ལ། །སྨན་ཞལ་བདུད་རྩིའི་རྒྱ་མཚོ་ཆེན་པོ་ཡིས། །ག་ཎ་ཙཀྲའི་ལོངས་སྤྱོད་མཆོག་འབུལ་གྱི། །བཞེས་ནས་དབང་དང་དངོས་གྲུབ་སྩལ་དུ་གསོལ། །ཞེས་འབུལ། བར་པ་ཤ་ཆང་གིས་བྲན་པ་ཆོས་ཆོས་སྲུང་གཏོར་མར་བསྟབས་ལ། སྐོང་བ་ནི། ཧཱུྃ། སྨན་གྱི་གྲོང་ཁྱེར་གཞལ་ཡས་ཆེན་པོ་འདིར། །ཕྱི་ནང་མཆོད་སྤྲིན་རྒྱ་མཚོར་བསྐྱིལ་བ་དང༌། །ཡེ་ཤེས་ཚོགས་ཀྱི་འཁོར་ལོ་དཔག་མེད་ཀྱིས། །བུདྡྷ་བདེ་བར་གཤེགས་པའི་ཐུགས་དམ་བསྐང༌། །སྨན་ཕུད་རིན་ཆེན་དར་དང་ཇ་ཕུད་དང༌། །ཀུན་ཏུ་བཟང་པོའི་མཆོད་པའི་བྱེ་བྲག་གིས། །བརྒྱུད་པའི་བླ་མ་རྣམས་ཀྱི་ཐུགས་དམ་བསྐང༌། །ཚ་གྲང་ནད་སེལ་བཟང་དྲུག་སྨན་ལ་སོགས། །རོ་ནུས་ལྡན་པའི་སྨན་སྣ་མང་པོ་དང༌། །དབང་པོ་སྣ་ལྔ་རིན་ཆེན་ཟས་ནོར་གྱིས། །སྨན་སྲུང་ལྷ་མོ་མཆེད་བཞིའི་ཐུགས་དམ་བསྐང༌། །ཤ་ཁྲག་རུས་པ་ནང་ཁྲོལ་རྣམ་པ་ལྔ། །དོན་སྙིང་ཀླད་པ་རྐང་དང་ཁུ་བ་དང༌། །བ་ལིཾ་ཤ་ཁྲག་རྒྱན་ལྡན་གཏོར་ཆེན་གྱིས། །ཞང་བློན་ལ་སོགས་དྲེགས་བྱེད་ཐུགས་དམ་བསྐང༌། །སྐོང་གྱུར་དངོས་གྲུབ་དམ་པ་དུས་འདིར་སྩོལ། །ཞེས་བསྐང༌། བཤགས་པ་བྱ་བ་ནི། བདག་ཅག་མ་རིག་དུ་མའི་དབང་གྱུར་པས། །སྐུ་གསུང་ཐུགས་དང་རྩ་བ་ཡན་ལག་གི །དམ་ཚིག་ཉམས་ཤིང་དུས་སུ་མ་བཤགས་པས། །འགལ་འཁྲུལ་ལོག་པར་གྱུར་པ་ཅི་མཆིས་པ། །རྩ་འགྲེལ་རྒྱུད་གཞུང་མ་ཐོས་མ་སྦྱངས་དང༌། །གདམས་ངག་བླ་མ་མ་བསྟེན་རྐུན་ཆོས་དང༌། །མཁས་གྲུབ་སློབ་དཔོན་མ་བསྟེན་རང་བཟོར་གྱུར། །མན་ངག་ལག་ལེན་འཕྱུགས་ཤིང་ནོར་བ་དང༌། །རྒྱལ་བའི་དགོངས་པ་མ་རྟོགས་འཁྲུལ་པར་སྤྱད། །དེ་སོགས་བཀའ་འགྲེལ་གཞུང་དང་ཅི་འགལ་བ། །ཆོས་བདག་སངས་རྒྱས་དྲུང་དུ་མཐོལ་ལོ་བཤགས། །མཁྱེན་ལྡན་ཁྱོད་ཀྱིས་ཅིས་ཀྱང་བཟོད་པར་རིགས། །རླུང་འཁྲིས་བད་ཀན་འདུས་པ་ཚ་གྲང་ནད། །རང་རང་གཉེན་པོའི་སྨན་རྣམས་ནོར་བ་དང༌། །རོ་ནུས་ཞུ་རྗེས་ལོག་པར་བསྡེབས་པ་དང༌། །ཁ་ཅིག་སྦྱོར་སྡེར་ཆད་ལྷག་འཁྲུལ་པ་དང༌། །རང་གིས་ཕན་སེམས་མོས་བློ་ཆེར་སྐྱེས་ནས། །ནད་ཀྱི་གཉེན་པོར་སྨན་རྣམས་ལེགས་སྦྱིན་ཡང༌། །སྔོན་ལས་དབང་གིས་དེ་དག་སྲོག་དོར་ཚེ། །བདག་ལ་བློ་གཏད་བཅས་ཀྱང་མ་སྐྱོབ་པས། །ཉེས་སྡིག་རྨོངས་པའི་འཁྲུལ་པ་ཅི་མཆིས་དང༌། སྨན་འགའི་ངོ་བོ་མ་རྟོགས་ནོར་བ་སོགས། །འཁྲུལ་བཅས་ནོངས་པ་བདག་ཡིད་མཆིས་པ་ཀུན། །སྨན་སྲུང་ལྷ་མོ་བཞི་ལ་མཐོལ་ཞིང་བཤགས། །བཟོད་པར་བཞེས་ལ་དངོས་གྲུབ་སྩལ་དུ་གསོལ། །གདམས་པའི་མན་ངག་ཟབ་ཁྱད་ལྡན་པ་འགའ། །ཆིག་བརྒྱུད་ཡིན་ཡང་དེ་ལས་འགལ་བ་དང༌། །དམ་མེད་འགའ་ལ་མན་ངག་བསྟན་པ་དང༌། །ཆོམ་རྐུན་ཟོག་པོ་དམ་ལོག་འགའ་ཞིག་ལ། །མན་ངག་སྦས་ཀྱང་འགའ་ཞིག་ཤོར་སྲིད་ཅིང༌། །ཐབས་ཀྱིས་རྐུ་ཞིང་གཞོག་སློང་བྱེད་པ་དང༌། །སློབ་དཔོན་གསང་ཞིང་རང་ཆེ་འབྱིན་པ་དང༌། །དོན་མེད་ཁྱད་གསོད་བྱེད་པའི་བདུད་རིས་འགས། །སློབ་མར་བརྫུས་ནས་གདམས་པ་སྦྱིན་ལ་སོགས། །རང་བློ་འཁྲུལ་པ་ཚད་མར་བཟུང་བྱས་པས། །ཞང་བློན་དྲེགས་བྱེད་ཚོགས་དང་འགལ་བ་ཀུན། །མཐོལ་ཞིང་བཤགས་སོ་བཟོད་པར་བཞེས་ནས་ཀྱང༌། །བདག་གི་བར་གཅོད་ཕྱོགས་ཀུན་ཞི་བ་དང༌། །བསམ་དོན་ཆོས་བཞིན་འགྲུབ་པའི་ཕྲིན་ལས་མཛོད། ཅེས་དང་ཡི་གེ་བརྒྱ་པ་བརྗོད་དོ། །དེ་ནས་བརྡ་དང་བརྡའི་འབུལ་ལེན་བཅས་ཚོགས་ལ་ཅི་དགར་ལོངས་སྤྱད་པའི་ལྷག་མ་བསྡུས་པའི་སྟེང༌། ཚོགས་ཕུད་ཆ་གསུམ་པ་བླུགས་ལ་ཤ་ཆང་གིས་བྲན་ཏེ། ཨོཾ་ཨཱ་ཀཱ་རོ་གསུམ་གྱིས་བྱིན་གྱིས་བརླབས་ལ། བདེ་གཤེགས་ཆོས་སྲུང་ཞང་བློན་དྲེགས་པའི་ཚོགས། །ཕོ་ཉ་འབུམ་ཕྲག་ཁྲོ་བོ་བྲན་གཡོག་དང༌། །བཀའ་སྡོད་སྡེ་བརྒྱད་འབྱུང་པོ་ལྷག་མའི་བདག །མ་ལུས་འཁོར་བཅས་འདིར་གཤེགས་ལྷག་མ་ལོངས། །བཅོལ་བའི་ལས་སྒྲུབ་ཆོས་ཀྱི་བྱ་ར་མཛོད། །བར་ཆད་རྐྱེན་དང་མཐའ་ཡི་དམག་དཔུང་ཟློག །ཕྲིན་ལས་རྣམ་བཞི་ལྷུན་གྱིས་གྲུབ་པར་མཛོད། ཅེས་ལྷག་མ་གཙང་སར་འབུལ་ལོ། །གལ་ཏེ་ཚོགས་ཚར་གྲངས་བྱེད་ན། ཨོཾ་ཨཱཿཧཱུྃ་ཧ་ཧོ་ཧྲཱིཿས་བརླབ། མཆོད་པ། སྐོང་བཤགས། ལྷག་མ་བཅས་ལ་གྲངས་བཟུང་ངོ། །དེ་ནས་ཐུགས་དམ་བསྐུལ་བ་ནི། ཧཱུྃ། རང་བཞིན་དག་པ་ཆོས་དབྱིངས་ཕོ་བྲང་ནས། །བུདྡྷ་རིགས་ཀྱི་སངས་རྒྱས་ཐུགས་དམ་བསྐུལ། །ཕྱོགས་བཞིར་པདྨ་ཟླ་བའི་གདན་སྟེང་ནས། །སྨན་སྲུང་ལྷ་མོ་མཆེད་བཞིས་ཐུགས་དམ་བསྐུལ། །ནམ་མཁའ་སྟོང་ལ་དབང་བསྒྱུར་ཕོ་བྲང་ནས། །ཞང་བློན་དྲེགས་བྱེད་ཚོགས་ཀྱི་ཐུགས་དམ་བསྐུལ། །མཆོད་སྦྱིན་གཏོར་མ་དགྱེས་བཞིན་གསོལ་ནས་ཀྱང༌། །བདག་གི་ལས་ཀྱི་འབྲས་བུ་མཆིས་པར་མཛོད། ཅེས་བསྐུལ་ཆད་མདོ་ནི། བྷྱོ༔ སྔོན་ཚེ་གནས་མཆོག་སྨན་གྱི་ནགས་ཚལ་དུ། །སྟོན་པ་སངས་རྒྱས་སྨན་གྱི་བླ་ཆེན་པོས། །གསོ་རིག་རྒྱུད་རྒྱལ་མང་དུ་གསུངས་པའི་ཚེ། །ཞང་བློན་ལ་སོགས་དྲེགས་བྱེད་འཁོར་བཅས་ཀྱིས། །རང་རང་མཐུ་རྩལ་ཆེ་བར་བསྟན་ནས་ཀྱང༌། །ཁས་བླངས་དམ་བཅས་ཇི་བཞིན་དེང་དགོངས་ལ། །འདིར་གཤེགས་དམ་རྫས་བདུད་རྩིའི་གཏོར་མ་ལོངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །དེ་འོག་བར་གྱི་བསྐལ་པའི་དབུས་མ་ལ། །ཆོས་རྒྱལ་ཆེན་པོ་ཁྲི་སྲོང་ལྡེའུ་བཙན་གྱིས། །བོད་འདིར་གསོ་རིག་རྒྱས་པར་མཛད་པའི་ཚེ། །དྲེགས་པ་སྡེ་བརྒྱད་མཐུ་རྩལ་ལྡན་རྣམས་ཀྱིས། །རང་རང་མཐུ་རྩལ་ཆེ་བར་བསྟན་ནས་ཀྱང༌། །ཁས་བླངས་དམ་བཅས་ཇི་བཞིན་དེང་དགོངས་ལ། །འདིར་གཤེགས་དམ་རྫས་བདུད་རྩིའི་གཏོར་མ་ལོངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །དེ་འོག་ད་ལྟ་བསྐལ་པའི་ཐ་མ་ལ། །བདག་སོགས་གསོ་རིག་བརྒྱུད་པ་འཛིན་རྣམས་ཀྱིས། །བཀའ་འགྲེལ་མན་ངག་ཉམས་སུ་བླངས་བའི་ཚེ། །སྨན་སྲུང་ལྷ་མོ་དྲེགས་བྱེད་ཚོགས་རྣམས་ཀྱིས། །རང་རང་མཐུ་རྩལ་ཆེ་བར་བསྟན་ནས་ཀྱང༌། །ཁས་བླངས་དམ་བཅས་ཇི་བཞིན་དེང་དགོངས་ལ། །འདིར་གཤེགས་དམ་རྫས་བདུད་རྩིའི་གཏོར་མ་ལོངས། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། དེ་ནས་བརྟན་མ་སྐྱོང་བ་ནི། །གོང་གི་དམར་གཏོར་དེ་ཕྱིར་བཏེགས་ཆབ་བྲན་ལ། བྷྱོཿ སྨན་གྱི་སྲུང་མ་ལྷ་མོ་མཆེད་བཞི་དང༌། །ཞང་བློན་ཆེན་པོ་རྡོ་རྗེ་བདུད་འདུལ་དང༌། །ལྷ་ཀླུ་བཙན་བདུད་གིང་བཤན་གཟའ་སྐར་ཚོགས། །བརྟན་མ་བཅུ་གཉིས་ཡ་སྐྱོང་འཁོར་དང་བཅས། །འདིར་བྱོན་སྔོན་གྱི་དམ་ཚིག་ཉེར་དགོངས་ཏེ། །ཤ་ཁྲག་བརྒྱན་པའི་གཏོར་མ་འདི་བཞེས་ལ། །བར་ཆད་རྐྱེན་དང་མི་མཐུན་གནོད་པའི་ཚོགས། །མཐའ་ཡི་དམག་དཔུང་གཡུལ་ངོ་ཟློག་པ་དང༌། །བསམ་དོན་འབད་མེད་ཆོས་བཞིན་འགྲུབ་པར་མཛོད། ཅེས་གཏོར་མ་གཙང་སར་འབུལ་ལོ། །དེ་ནས་ཨརྒྷཾ་སོགས་ཀྱིས་མཆོད། །སྨན་གྱི་བླ་མ་ཐུགས་རྗེའི་གཏེར། །སྨན་སྲུང་རིགས་ཀྱི་ལྷ་མོ་བཞི། །ཞང་བློན་ལ་སོགས་དྲེགས་པའི་ཚོགས། །འཁོར་དང་བཅས་ལ་བསྟོད་པར་བགྱི། །བདག་གིས་ལེགས་བྱས་དགེ་བ་འདིས་མཚོན་ཏེ། །ནད་རིགསས་མི་མཐུན་ཕྱོགས་ཀུན་རབ་ཞི་སྟེ། །བསམ་པའི་དོན་ཀུན་འབད་མེད་འགྲུབ་པ་དང༌། །གཙོ་བོ་ཁྱེད་བཞིན་བྱང་ཆུབ་རེག་གྱུར་ཅིག །ཅེས་བསྟོད་ཅིང་སྨོན་ལམ་གདབ་བོ། །དེ་ནས་མ་རྙེད་ཡོངས་སུ་མ་ཚང་དང་སོགས་དང་ཡིག་བརྒྱ་བརྗོད་ལ་ནོངས་པ་བཤགས། རྟེན་ཡོད་ན་ཡེ་ཤེས་པ་བརྟན་བཞུགས་སྤྱི་མཐུན་བྱ། རྟེན་མེད་ན། ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། ཨོཾ་བཛྲ་མུཿ ཡེ་ཤེས་པ་རྣམས་རང་བཞིན་གྱི་གནས་སུ་གཤེགས། ཞེས་གཤེགས་སུ་གསོལ། དེ་དག་གཉིས་ཀ་ལའང། དམ་ཚིག་པ་རང་ཉིད་ལ་ཐིམ་ཞིང༌། འཇིག་རྟེན་པ་རྣམས་ཀྱང་རང་རང་གི་གནས་སུ་གཤེགས་པར་གྱུར་པར་མོས་ཏེ། བཀྲ་ཤིས་དང་སྨོན་ལམ་རྒྱས་བསྡུས་སྐབས་དང་སྦྱར་ལ་བྱའོ། །འདིར་སྨྲས་པ། །བློ་གྲོས་ལང་ཚོ་དར་བའི་བཤེས་འཆང་མ། །རྣམ་དག་ཐོས་པ་མཆོག་གི་རྒྱུན་གྱིས་མཛེས། །རྣམ་དཔྱོད་ཤེས་རབ་མཆོག་གིས་ལྟ་བྱེད་ནས། །གདུང་སེལ་སྟོན་པ་མཆོག་ཁྱོད་དགྱེས་ཕྱིར་འབུལ། །སྔོན་ཆད་བོད་འདིར་གྲགས་པར་མ་གྱུར་པའི། །རིག་གནས་གསར་བུ་བ་ཞིག་འདི་མིན་ཕྱིར། །ཤེས་ལྡན་ཀུན་གྱི་དགོངས་རྒྱན་འདི་ལས་ཅི། །དེང་དུས་གསོ་དཔྱད་མཛད་པ་ཕལ་ཆེར་གྱིས། །རྣམ་གྲངས་ལག་ལེན་ལོང་བའི་ཁ་ཟས་བཞིན། །རང་ཉིད་འཚོ་ཙམ་ཉིད་ལས་གཞན་པ་ཅི། །གདུང་སེལ་བྱང་ཆུབ་སྒྲུབ་པའི་ཐབས་འདི་ཀུན། །ལོང་བས་གཡང་སར་ལམ་སྣ་བྱས་སྲིད་ན། །རང་ཕུང་གཞན་ལ་མི་ཕན་དེ་དང་མཚུངས། །དེ་ཕྱིར་སྨན་དཔྱད་བླ་སྒྲུབ་མཆོག་འདི་ནི། །ཁོ་བོས་གོ་སླར་ཕྱེ་བ་འདི་ཡིན་ནོ། །བདག་གིས་གསོ་དཔྱད་སློབ་དཔོན་མ་བསྟེན་ཞིང༌། །ཡན་ལག་དག་ཀྱང་མཁས་པར་མ་སྦྱངས་ཀྱང༌། །ལག་ལེན་བརྒྱད་དང་རྒྱུད་བཞི་ལ་སོགས་པ། །ཅུང་ཟད་བལྟས་པས་དོན་འགའ་ཁོང་དུ་ཆུད། །སྔོན་དུས་སྨོན་ལམ་བཟང་པོ་མཐུ་བཙན་པས། །སྦྱོར་བ་ཆེན་པོ་འགའ་ཞིག་དཔྱིས་ཕྱིན་རྟོགས། །དེ་ཕྱིར་ལྷག་བསམ་དག་པས་འདི་བཀྲུན་ནོ། །སྨན་བླ་ལོངས་སྐུའི་སྒྲུབ་ཐབས་འདི། །རིན་ཆེན་རིལ་ནག་རབ་གནས་ཀྱི། །དུས་སུ་བསྒྲུབ་པ་འདི་བྱས་ན། །ཤིན་ཏུ་ཟབ་ཕྱིར་བྲིས་པ་ཡིན། །རྒྱུན་ཁྱེར་ཉམས་ལེན་བྱས་ཀྱང་ཆོག །རིལ་ནག་ཆེ་ཆུང་གང་བྱེད་ཀྱང༌། །སྦྱོར་ཚེ་སྒྲུབ་པ་འདི་བྱ་ཞིང༌། །ཚོགས་འཁོར་རྟག་ཏུ་གཏོང་བ་གཅེས། །མཁས་པ་ཀུན་གྱི་དགོངས་རྒྱན་འདི། །ཤེས་ལྡན་ཡོངས་ཀྱི་ཐུགས་ལ་ཞོག །ཅེས་པ་བླ་མ་ལོངས་སྐུའི་སྒྲུབ་ཐབས་འདི་ཡང་རིན་པོ་ཆེ་གྲང་སྦྱོར་རིལ་ནག་ཆེ་འབྲིང་ཆུང་ངུའི་ཆ་ལག་ཏུ་སློབ་དཔོན་ཀོང་སྨན་རང་ཅག་པའི་གསོ་རིག་གི་སློབ་དཔོན་ཡིན་པ། དཀོན་མཆོག་རྒྱལ་མཚན་གྱིས་ཡང་ནས་ཡང་དུ་བསྐུལ་བའི་ངོར། བླ་སྒྲུབ་རྫོགས་པ་ཆེན་པོ་ཨ་ཏི་ཡོ་ག་དང་འབྲེལ་བར་བྱས་ཏེ། རིག་གནས་འདི་ལ་ངེས་པ་ཅུང་ཟད་རྙེད་པའི་དགེ་སློང་ཆོས་སྨྲ་བ་དྷརྨ་ཀཱིརྟིས་ཆུ་གླང་ས་ག་ཟླ་བའི་དགའ་བ་དང་པོ་ལ་རྨེའི་ཤོད་ཕུའི་སྒར་དུ་སྦྱར་བས་སརྦ་མངྒ་ལཾ། དེ་ལྟར་རྗེ་འབྲི་གུང་པ་ཆེན་པོ་དཔལ་ཆོས་ཀྱི་གྲགས་པའི་གསུང་བཅོས་བསླད་མེད་པ་གཞིར་བཞག་ཐོག །ཤུགས་བསྟན་ཁ་སྐོང་མེད་དུ་མི་རུང་བའི་རིགས་རྣམས་ཀུན་མཁྱེན་བླ་མ་མཁྱེན་བརྩེའི་དབང་པོའི་གསུང་རྒྱུན་རྣམས་དཀྱུས་སུ་བསྡེབས་ཏེ་བཀོད་པ་པོ་ནི་བློ་གྲོས་མཐའ་ཡས་སོ། །དགེ་ལེགས་འཕེལ།། །།

[edit]

@#/__/sman bla longs sku gtso 'khor lnga'i sgrub thabs dngos grub kyi bang mdzod kha 'phang bklag chog tu bkod pa bzhugs so//__gang zhig lha lam sgrib bral gsal mdangs can/__/thun mtshams li khri'i bla gos bgos bzhin du/__/rmongs 'khrul legs pa'i lam nas bstan mkhas pa/__/sangs rgyas sman gyi bla ma spyi bos mchod/__/khyod gsung dam chos bdud rtsi ro brgya pa/__/pa sangs slob mas ma 'thungs bdud rtsi'i bcud/__/bcud 'chang d+harmA swA ma'i mtshan nas brgyud/__/brgyud pa'i bla ma mchog rnams rgyal gyur cig__/dkyil 'khor cha rdzogs g.yu thog rje la sogs/__/gdung sel bsil zer 'gyed pa'i mgon de kun/__/deng dus nub ri'i khri la gzims gyur nas/__/lo mang lon zhing de lugs gso dpyad kyang*/__/de tshe dam chos a ti rdzogs pa che'i/__/nyams len sman dpyad zung 'brel gnas mchis pa/__/da dung chu shing rul ba lta bu yi/__/sman pa mang pos nyams len rgyang bsrings te/__/lag len 'khyogs pos lus can bslu mthong nas/__/de dag ma bzod dwangs ba'i blo gros kyi/__/rnam dpyod spobs pa'i shing rtas myur drangs nas/__/bla ma longs spyod rdzogs skur sgrub pa'i thabs/__/yi ge'i lam du 'god kyis shes ldan tshogs/__/mos blos spro ba bskyed la 'di longs shig__/'dir 'jug pa'i gang zag gis bya ba'i rim pa la gnyis/__bcas bshams dang*/__cho ga'i rim pa'o/__/dang po ni/__gnas gtsang zhing dben par sman bla'i sku brnyan bris 'bur gang rigs kyi mdun stegs kyi khar dbus su many+dzi'i steng maN+Dal gyi ngos su/__rdul tshon gyis pad+ma 'dab bzhi lte ba mu khyud dang bcas pa/__/dbus mthing ga__/phyogs bzhi phyogs mdog__/mu khyud mdzes tshon can bris la bkod/__de mdun sman bla'i gtor ma dkar zlum dkar gsum mngar gsum sman snas bran pa/__de'i mdun du chos srung gtor ma dmar gtor zur gsum gcig la/__'khor de las chung ba brgyad kyis bskor ba/__sha khrag dang chang phud kyis bran pa'i g.yas g.yon tu sman rag__/shar nas brtsams te g.yas bskor gyis chu gnyis sngon 'gro'i nyer spyod mtshams 'dzin gyi me tog dang bcas pa/__nye logs ci bde bar gtor ma dang sha chang*/__sman phud sogs tshogs kyi yo byad dang*/__sngon gtor/__chad tho dang*/__brtan ma'i gtor ma bcas 'du bya/__rdo rje dril bu DA ma ru dang nang mchod kyang nyer bsdogs bya'o/__/gnyis pa cho ga'i rim pa la gsum/__sngon 'gro/__dngos gzhi/__rjes so/__/dang po ni/__brgyud 'debs rgyas bsdus gang rung bya/__sngon 'gro gtor ma btang ba ni/__rang nyid skad cig gis dpal he ru ka khro gtum bzod par dka' ba'i gzi brjid bskal pa'i me ltar 'bar ba'i skur gyur/__oM badz+ra a mr-i ta kuN+Da lI ha na ha na hU~M phaT kyis bsang*/__swa b+hA was sbyang*/__stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M/__lan gsum gyis brlab/__b+hu mi pa ti pa ri wA ra badz+ra sa mA dzaHsa spyan drangs/__s+thA na pa ti k+She tra pA lany+tsa na mas+sarba ta thA ga te b+h+yo bi shwa sogs lan gsum gyis bsngo/__gang dag 'dir gnas lha dang klu/__/gnod sbyin srin po'am gzhan dag la/__/sngags spyod don du sa gzhi 'di/__/bdag zhu khyed kyis stsal du gsol/__zhes dang*/__mchod sbyin gtor ma 'di bzhes la sogs kyis phrin las bcol/__b+hU mi pa ti sa pa ri wA ra gats+tshas gshegs su gsol ba dang chab gcig__/gang dag nag po'i phyogs la mngon par dga' ba'i 'byung po gdug pa can gsang spyod la lta bar mi dbang ba rnams sa phyogs 'dir ma gnas par gzhan du dengs shig__/ces dang*/__suM b+ha ni'i sngags dang gu gul yungs thun rol mo'i tsham rngams kyis bgegs bskrad/__de nas skyabs sems ni/__bla ma mchog gsum rgyal ba rgya mtsho'i tshogs 'khor dang bcas pa oM badz+ra sa mA dzaHsa skyabs yul mkha' khyab tu sad pa'i spyan sngar/__sangs rgyas chos dang tshogs kyi mchog rnams la/__/byang chub bar du bdag ni skyabs su mchi/__/bdag gis bsnyen bsgrub bgyis pa'i bsod nams kyis/__/'gro la phan phyir sangs rgyas 'grub par shog__/lan gsum/__dkon mchog gsum la bdag skyabs sogs rgyun bshags dang*/__sems can thams cad bde ba sogs kyis tshad med bzhi sgom mthar/__dzaHhU~M ba~M hoHsa tshogs zhing rnams rang la thim par gyur/__bar 'dir spro na bla ma'i rnal 'byor bya ba ni/__rang gi spyi bor pad+ma 'dab ma bzhi'i dbus su zla ba'i dkyil 'khor gyi steng du/__dus gsum sangs rgyas thams cad 'dus pa'i bdag nyid ma hA gu Na sku mdog dkar la dmar ba'i mdangs chags pa/__gzi brjid kyi dpal rab tu 'bar ba'i sangs rgyas sman pa'i rgyal po dang dbyer ma mchis pa zhal gcig phyag gnyis phyag g.yas a ru ra'i sdong po 'brang bu sum ldan dkur brten pa/__g.yon bdud rtsis gang ba'i bum pa gur gum gzhon nu'i kha rgyan can bsnams pa/__/dbu skra nag po sil bur gyur pa/__sku la dar dkar po'i na bza'/__mchin kha'i ske rags/__zhabs rjen phyed skyil gyis bag dro'u re bzhugs pa'i mdun du lha mo dkar mo rin po che'i pi wang bsgyur ba/__g.yas su ser mo bya rgod rkang gi gling bu bsgyur ba/__rgyab tu dmar mo mi rkang gi gling bu bsgyur ba/__g.yon du ljang mo dngul dkar gyi me long ston pa/__thams cad kyang snyan cha 'khrol ba/__sku gsung thugs las 'od zer 'phros pas rang bzhin gyi gnas nas sangs rgyas dang byang chub sems dpa' sman skyong srung ma'i tshogs dang bcas pa skad cig gis spyan drangs/__badz+ra sa ma ya dzaH__dzaHhU~M ba~M hoH__gnyis su med par gyur/__oM ma hA gu Na sid+d+hi hU~M/__zhes ci nus bzla/__bla ma'i sku gsung thugs las 'chi med bdud rtsi'i rgyun babs pas rang gi lus ngag yid gsum la thim/__dbang bzhi thob cing rgyud bzhi smin/__mthar bla ma 'od du zhu ste rang la thim pas byin rlabs rgyud la zhugs par gyur/__ces g.yu thog snying thig gegs sel cha lag gi zur rgyan las 'byung ba ltar bya/__bsdu na ma grub kyang 'gal ba med do/__/de nas mchod pa byin rlabs ni/__las sngags kyis bsang*/__swa b+hA was sbyang*/__stong pa'i ngang las gnas khang 'og min lta na sdug pa'i zhing khams su gsal ba'i dbus su+u mchod pa'i bye brag bsam gyis mi khyab pa nam mkha' mdzod kyi 'khor lo'i sprin chen por gyur/__oM badz+ra ar+g+haM nas/__shab+da AHhU~M/__gi bar dang*/__oM badz+ra gaN+De ra Ni ta sogs rol mo dang bcas pas byin dbab bo/__/gnyis pa dngos gzhi bdag mdun bskyed pa ni/__swa b+hA was sbyang*/__stong pa'i ngang las pad zla'i gdan la rang nyid sangs rgyas sman gyi bla sku mdog bai DUr+Ya ltar 'tsher ba mtshan dang dpe byad kyi dpal mnga' ba/__phyag g.yas sa gnon dang g.yon mnyam gzhag mdzad pa/__chos gos gsum dang ldan pa/__zhabs rdo rje'i skyil mo krung gis bzhugs pa'i mdun du pad+ma 'dab ma bzhi pa'i lte bar pa~M las pad+ma dkar po dang a las zla ba'i dkyil 'khor nya gang ba'i gdan la dus gsum gyi sangs rgyas thams cad yongs su 'dus pa'i ngo bo sangs rgyas sman gyi bla baiDUr+Ya 'od kyi rgyal po sku mdog nam mkha' g.ya' dag pa lta bu/__ut+pal ltar dkyus ring ba'i spyan zur 'gro ba'i gdul bya la phyogs bcur gzigs pa/__dbu skra mthon ka spyi bor bcings pa'i phyed sil bur rgyab tu phyogs pa/__thor cog gi rtse mor nor bu+u rin po che dang g.yas g.yon du nyi zla'i dkyil 'khor gyis spras pas 'gro ba thams cad kyi dbul phongs dang tsha grang gi nad las skyob pa/__rin po che sna tshogs dbu rgyan la mi bskyod pa gtso bor gyur pa'i rigs lngas spras pa/__phyag g.yas mchog sbyin gyi phyag rgyas 'dab ma dang bcas pa'i a ru ra rnam par rgyal ba dang*/__g.yon mnyam gzhag gis sman gyi bdud rtsis gang ba'i lhung bzed bsnams pa/__dar dkar po dang dmar po'i stod g.yog dang smad g.yogs 'chang ba/__rin po che'i rgyan sna tshogs kyis brgyan pa/__zhabs rdo rje'i skyil mo krung gis bzhugs pa/__sku mtshan dang dpe byad kyis spras pa/__gsung dbyangs yan lag drug cu dang ldan zhing thugs ting nge 'dzin brgya phrag du ma la snyoms par zhugs pa/__de la gso rig brgyud pa'i bla ma rnams kyis skor nas bzhugs pa/__mdun gyi 'dab ma la sman gyi lha mo dkar mo phyag gnyis rin po che'i pi wang bsgyur ba/__g.yas su lha mo ser mo phyag gnyis bya rgod kyi rkang gling bsgyur ba/__rgyab tu lha mo dmar mo phyag gnyis mi rkang gi gling bu 'bud pa/__g.yon du lha mo ljang gu phyag gnyis dngul dkar gyi me long 'dzin pa/__bzhi ka'ang lo bcu drug lon pa'i na tshod can skra sil bur grol ba/__me tog dang dar dang rin po che'i rgyan sna tshogs kyis brgyan pa zhabs phyed skyil gyis bcom ldan 'das la 'dud pa'i tshul gyis bzhugs pa/__mu khyud la sman gyi srung ma zhang blon chen po dang drang srong lha klu gza' skar rgyal po btsan bdud ging gi tshogs kyis til gyi gang bu ltar gang bas gtso bo'i phyogs su thal mo sbyar te 'khod pa/__dbus su gtso 'khor lnga'i gnas gsum gyi yi ge gsum dang dregs byed rnams kyi snying ga'i rang rang gi sa bon las 'od 'phros pas ye shes pa rnams rang bzhin chos kyi dbyings nas spyan drangs par gyur/__ye shes spyan 'dren pa ni/__rdor dril spos dang bcas/__ma lus sems can kun gyi mgon gyur cing*/__/bdud sde dpung bcas mi bzad 'joms mdzad lha/__/dngos rnams ma lus ji bzhin mkhyen gyur pa'i/__/bcom ldan 'khor bcas gnas 'dir gshegs su gsol/__/bcom ldan bskal pa grangs med du ma ru/__/'gro la brtse phyir thugs rje rnams sbyangs shing*/__/smon lam rgya chen dgongs pa yongs rdzogs pa/__/khyed bzhed 'gro don mdzad dus 'dir lags na/__/de phyir chos dbyings pho brang lhun grub nas/__/rdzu 'phrul byin rlabs sna tshogs ston mdzad cing*/__/mtha' yas sems can khams rnams sgrol ba'i phyir/__/yongs dag 'khor dang bcas te gshegs su gsol/__/spyan drangs pa'i ye shes pa rnams rang rang gi dam tshig pa dang dbyer med du gyur/__'jig rten pa rnams kyang phyogs thams cad nas 'dus te so so'i rten la thim par gyur/__dzaHhU~M ba~M hoH__sa ma ya dzaH__tiSh+Tha lhan/__bcom ldan 'dir ni byon pa legs/__/bdag cag bsod nam skal bar ldan/__/bdag gi mchod yon bzhes slad du/__/'di nyid du ni bzhugs su gsol/__/pad+ma ka ma lA ya s+t+waM/__slar yang thugs ka'i sa bon las 'od zer 'phros/__dbang gi lha rigs lnga 'khor dang bcas pa badz+ra sa mA dzaH__khyed rnams kyis lha la mngon par dbang bskur du gsol/__zhes gsol ba btab pas/__oM sarba ta thA ga ta a b+hi She ka ta sa ma ya shrI hU~M/__zhes gsungs shing bum pa'i bdud rtsis dbang bskur/__sku gang dri ma dag__/chu'i lhag ma gyen du lud pa las/__bde chen dbus kyi bcom ldan 'das la mi bskyod pa dang lha mo bzhi la sangs rgyas sman gyi bla re res dbur brgyan/__'jig rten pa thams cad la rdo rje rtse dgu pa re res rgyas btab par gyur par mos/__mchod pa ni/__mchod yon phal cher mchod yon bla bre dang*/__/mchod yon bkod pa'i 'od zer rab bkye zhing*/__/mchod yon sna tshogs kun tu bkram byas nas/__/bdag nyid chen po rgyal ba sras bcas mchod/__/oM sarba ta thA ga ta ar+g+haM pra tIts+tsha swA hA/__de bzhin du/__mchod yon gnas su/__zhabs bsil/__me tog__/gdug spos/__snang gsal/__dri mchog__/zhal zas/__sil snyan dang*/__ar+g+haM gyi gnas su/__pAd+yaM/__puSh+pe/__d+hU pe/__A lo ke__/gan+d+he/__ni bid+yA/__shab+da rnams bcug nas 'bul zhing*/__mthar/__na mas+sarba bud+d+ha bo d+hi sa twa b+h+ya/__oM sarba bid pU ra pU ra/__su ra su ra A brtA ya A bar+t+te b+h+yaHswA hA/__zhes pa tsam mam/__rgyas par spro na/__'dod yon lnga/__rgyal srid bdun/__bkra shis rdzas rtags gos zung sogs 'bul tshig spyi ltar gyis dbul/__gang ltar yang*/__mthar gtor ma las sngags kyis bsang*/__swa b+hA was sbyang*/__stong pa'i ngang las gtor snod rin po che dang b+han+d+ha la sogs pa'i snod yangs shing rgya che ba'i nang du gtor ma kha dog dri ro nus pa phun sum tshogs par bdud rtsi'i rgya mtsho chen por gyur/__a kA ro gsum gyis byin gyis brlabs la/__rtsa sngags mjug tu/__i daM ba liM ta kha kha khA hi khA hi/__gsum dang*/__gtor ma bdud rtsi'i rgya mtsho chen po 'di sangs rgyas bcom ldan 'das sman gyi bla bai DUr+Ya 'od kyi rgyal po 'khor rigs bzhi'i lha mo sman gyi srung ma mched bzhi dang bcas pa la 'bul lo/__/bzhes nas bdag dang sems can thams cad gnas skabs su rlung mkhris bad kan 'dus pa'i nad tsha grang gi zug rngu thams cad zhi ba dang*/__mthar thug sangs rgyas kyi go 'phang rin po che thob par mdzad du gsol/__zhes dang*/__'jig rten pa rnams la/__oM lo ka pA la sa pa ri wA ra i daM ba liM ta kha kha khA hi khA hi/__gtor ma bdud rtsi'i rgya mtsho chen po 'di zhang blon chen po drang srong lha klu gza' skar rgyal po btsan bdud ging bshan pho nya bka' sdod dregs pa'i srung ma 'khor dang bcas pas/__tshim zhing dgyes par bzhes la ru nga dang phrag dog ko long gdug sems zhi ste/__zhi ba dul ba byang chub kyi sems dang ldan pas bdag gi gnas skabs dang mthar thug gi bar chad dang mi mthun pa'i phyogs ris ngan pa thams cad zhi bar mdzod cig__/legs pa brgya dang sprod/__nyes pastong dang bsnol cig__/bsam pa'i don sgrubs/__bdag gi tshe dang bsod nams snyan grags mnga' thang longs spyod dpal dang 'byor pa thams cad zla ba yar gyi ngo 'am dbyar dus kyi mtsho ltar gong nas gong du 'phel zhing rgyas par mdzod cig__/ces brjod/__de nas bstod pa ni/__rdo rje dang dril bu 'dzin pas 'di skad do/__/chos dbyings rnam dag 'dus ma byas yin yang*/__/sprul pa'i cho 'phrul snang brnyan sman gyi bla/__/dus gsum bde gshegs kun gyi ngo bo nyid/__/baiDUr+Ya yi 'od la phyag 'tshal lo/__/sku mdog mthing ga nam mkha' dri bral ltar/__/mtshan dpe'i dpal 'bar dar dang rin chen brgyan/__/skra mchog bung ba phyed bcings rgyab tu grol/__/phyag gnyis mchog sbyin mnyam bzhag mdzad phyag 'tshal/__/khyod gsung mi zad rgyan gyi 'khor lo yi/__/dbyangs kyi nga ro drug cu'i bye brag las/__/drang nges chos kun lhug par ston mdzad cing*/__/'gro ba'i nad sel skyabs mchog la phyag 'tshal/__/thugs kyi gsang ba dpag yas zab gsal che/__/rgya mtsho che ltar gting mtha' rnyog pa med/__/mi zad ting 'dzin du mar dbang bsgyur bas/__/nges pa'i don ston mdzad la phyag 'tshal lo/__/khyod gsung dam chos bdud rtsi'i rgyun bzang pos/__/gang gi blo gros bum pa legs bkang nas/__/thar 'dod yongs la legs lam ston mdzad pa/__/brgyud pa'i bla ma rnams la phyag 'tshal bstod/__/phyogs bzhi rigs bzhi'i sman srung lha mo bzhi/__/dkar ser dmar ljang rin chen dar gyis mdzes/__/rang rang rtags kyi phyag mtshan dang bcas te/__/gtso la 'dud tshul bzhugs la phyag 'tshal bstod/__/phyi rol zhang blon drang srong gza' skar dang*/__/lha klu rgyal btsan ging bdud dregs byed tshogs/__/bcom ldan 'das la 'dud tshul thal sbyar bzhugs/__/sman gyi srung ma dregs byed tshogs la bstod/__ces bstod/__bzlas pa bya ba ni/__rang gi thugs kar zla ba'i dkyil 'khor gyi dbus su hU~M gi mthar rtsa sngags kyis bskor ba/__mdun bskyed kyi bcom ldan 'das kyi thugs tsit+ta dmar po pad+ma rA ga'i mdog lta bur zur drug pa/__/zur drug po de dag las 'od dang 'od zer re re'i sna la thub pa drug 'phros pas 'gro ba rigs drug gi zug rngu ma rig pa'i tshogs sel ba/__de'i dbus su rtsa ka ti shel gyi sbu gu can shel dkar gyi ka ba btsug pa lta bu las 'od zer brgya phrag du ma 'phro ba las zhi ba dang khro bo'i rnam pa rigs brgya 'phro ba/__de'i rtsa sbubs su pad+ma dang zla ba'i gdan la rdo rje sngon po rtse lnga bsgreng thabs su gnas pa'i yar gyi rwa lnga la rigs lnga yab yum mnyam sbyor du bzhugs shing*/__mar gyi rwa lnga la khrag 'thung rigs lnga yab yum 'khril sbyor du bzhugs pa/__rdo rje'i lte bar nyi ma'i dkyil 'khor gyi dbus su hU~M sngon po bai DUr+Ya lta bu'i mthar rtsa sngags kyis bskor bar gyur pa dang*/__lha mo bzhi'i thugs kar zla ba'i gdan re re'i dbus su mdun nas g.yas bskor du ha ri ni sa dang*/__'jig rten pa rnams kyi snying gar rang rang gi sa bon gyis mtshan par gyur par dmigs te/__oM na mo b+ha ga wa te/__gu ru baiDUr+Ya pra b+hA rA dzA ya/__ta thA ga tA ya/__ar+ha te samyak+saM bud+d+hA ya/__tad+ya tha/__oM b+hai Sha dz+ye b+hai Sha dz+ye ma hA b+hai Sha dz+yai rA dza sa mut+ga te/__ha ri ni sa ma hA sarba sid+d+hi pha la hoH__zhes ci mang bzla bar bya'o/__/mthar dbyangs gsal yig brgya rten snying lan gsum gsum brjod/__sngags tsam gyis mchod/__bstod pa shwa lo ka dang po dang rjes ma gsum tsam gyis bstod/__skabs skabs su bzlas pas skyo na brgyud pa'i bla ma rnams la gsol ba 'debs pa ni/__dpag yas bsod nams tshogs gnyis las 'khrungs shing*/__/mtshan dpe'i dpal 'bar baiDUr+Ya yi mdog__/mchog sbyin mnyam bzhag phyag rgyas 'gro ba skyobs/__/sangs rgyas sman gyi bla ma la gsol ba 'debs/__/des gsung chos kun sdud dang zhu ba dang*/__/legs par ston sogs chos kyi mdzod 'dzin pa/__/yid las skyes dang rig pa'i ye shes mtshan/__/drang srong rnam gnyis zhabs la gsol ba 'debs/__/rgyun shes nabs so skyes dang thang la 'bar/__/dka' gnyis spyod dang 'drob skyong me bzhin 'jug__/lug nag rgya skyeg sna dang zla ba'i mchog__/lan tshwa'i mchog gi zhabs la gsol ba 'debs/__/dpal ldan phreng ba dpal ldan phun tshogs dang*/__/bshol 'gro skyes dang nyi ma'i snying po dang*/__/zla ba'i 'od zer dge slong kun dga' bo/__/'tsho byed gzhon nu'i zhabs la gsol ba 'debs/__/klu sgrub snying po dpal ldan dga' ba'i mtshan/__/zla ba mngon dga' bai ro tsa na dang*/__/khri srong lde'u btsan grwa pa mngon shes can/__/dbus pa dar grags zhabs la gsol ba 'debs/__/dge slong dkon skyabs g.yu thog yon tan mgon/__/ye shes gzungs dang 'bo se kun tu dga'/__/'dzam gling mgon dang dwags po tsaN+Da pa/__/'tsho mdzad rgyal po'i zhabs la gsol ba 'debs/__/tsha lung pa dang g.yu thog mgon po dang*/__/ban mo ga ga gzhon nu ye shes zhabs/__/de sras brang ti 'jam dpal rgyal mtshan dang*/__/g.yu thog nyi ma'i mgon la gsol ba 'debs/__/gzi brjid 'bar dang rdza ston sum pa dang*/__/zhang ston zhig po lha rje dge ba 'bum/__/sman mo che dang rat+na'i mtshan can dang*/__/rtsa brgyud bla ma rnams la gsol ba 'debs/__/g.yu thog mgon khyed slar yang byang phyogs 'dir/__/dge slong tshul bzung thos bsam sgron me sbar/__/'gro ba kun gyi skyabs gcig thugs rje can/__/mnyam nyid rdo rje'i zhabs la gsol ba 'debs/__/khyod gsung chos mdzod 'dzin pa'i thugs sras bzhi/__/de las 'ongs pa'i slob brgyud b+han+d+ha'i phreng*/__/ma chad ma nyams legs ston gser gyi zam/__/brgyud 'dzin sman pa'i tshogs la gsol ba 'debs/__/lha mo mched bzhi nor sbyin zhang blon sogs/__/gso rig rgyud dang sman gyi srung ma'i tshogs/__/ye shes 'jig rten tshul 'dzin sprul 'khor bcas/__/bka' srung dregs byed tshogs la gsol ba 'debs/__/de ltar gsol ba btab pa'i byin rlabs kyis/__/bdag ni skye ba tshe rabs thams cad du/__/gso dpyad rig pa'i gnas la mkhas pa dang*/__/drang srong brgyud pa zin par byin gyis rlobs/__/nad pas sman pa thos sam mthong ba'i tshe/__/sman gyi nags su sleb pa ji bzhin du/__/rlung 'khris bad kan 'dus pa tsha grang nad/__/ngang ngam shugs kyis grol bar byin gyis rlobs/__/sman pas nad pa brtags dpyad byas pa'i tshe/__/drang srong 'khor bcas thugs rje'i cho 'phrul gyis/__/mngon shes gzhan rig me long phyis pa bzhin/__/nad kyi mtshan nyid mthong bar byin gyis rlobs/__/sman pas kha mar bdag g.yu 'brug gi/__/skad la rma bya spro ltar nad pa de/__/'tsho bar 'gyur snyam dga' ba'i yid thob nas/__/'dzum pa'i bzhin bcas bde bar byin gyis rlobs/__/sman gyi sbyor ba rtsom par byed pa'i tshe/__/sman gyi dri la sbrul gyis ma gi ti'i/__/dri la 'bros ltar nad kyi grong khyer tshogs/__/skad cig nyid la 'joms par byin gyis rlobs/__/tsha bsil sbyor ba bsil drod rtar bskyon nas/__/nad pa'i ljags kyi dbang po dang 'phrad tshe/__/ro drug nus brgyad yon tan stobs 'phel te/__/nad kyi dgra dpung gzhom par byin gyis rlobs/__/mgur mgrin pho bar slebs tshe me drod kyis/__/zhu rjes mngar skyur kha ba'i tshul byung bas/__/rlung 'khris bad kan 'phel zad 'khrugs la sogs/__/nad kyi g.yul ngo zlog par byin gyis rlobs/__/sman rnams zhu rjes nad rjes chod pa dang*/__/lus zung stobs 'phel tshe yi bar chad zhi/__/bsam pa'i don kun chos bzhin 'grub pa dang*/__/'jigs med rdo rje'i lus mchog thob gyur cig__/sems can thams cad ngan song gsum sogs kyi/__/sdug bsngal me rlabs zhi nas chos grub ste/__/thos bsam sgom pa'i bya ba la sbyangs nas/__/sman pa'i rgyal po'i go 'phang thob gyur cig__/sangs rgyas sman gyi bla ma'i thugs rje dang*/__/drang srong rig 'dzin lha dbang mthu rtsal dang*/__/chos dbyings rnam par dag pa'i bden tshig gis/__/smon lam myur du grub pa'i rgyur gyur cig__/ces gsol 'debs smon lam bya zhing bzlas pa la 'bad do/__/bar 'dir bka' srung zhang blon chen po'i gtor bsngo dkon mchog phrin las bzang po'i gsung sogs gang rung bya'o/__/gsum pa rjes kyi las rim la/__thog mar tshogs kyi yo byad gang 'dzom 'du byas la las sngags kyis bsang*/__swa b+hA was sbyang*/__stong pa'i ngang las a las thod pa'i sgyed pu gsum gyi steng du ka pA la phyi dkar la nang dmar ba yangs shing rgya che ba'i nang du oM hU~M trA~M A~M kha~M las dri chen dri chu rak+ta byang sems klad pa rnams sa bon gyis mtshan pa'i steng du hU~M lA~M mA~M pA~M tA~M las mi dang glang dang khyi dang glang po che dang g+ho ra rnams kyi sha rang rang gi sa bon gyis mtshan pa/__zla ba'i kha chod yi ge gsum gyi rgyas btab pa/__rlung g.yos me sbar thod pa dros rdzas khol ba'i rlangs pa yi ge gsum la phog__/de las 'od 'phros phyogs bcu'i sangs rgyas thams cad kyi sku gsung thugs 'od zer gyi rnam par bsdus pa yi ge gsum la thim zhing zla ba'i kha gcod yi ge gsum dang bcas pa 'od du zhu/__rdzas so so sa bon dang bcas pa yongs su gyur pa las bdud rtsi'i rgya mtsho chen por gyur/__oM AHhU~M ha ho hrI:__zhes lan gsum brjod/__tshogs phud cha gsum du spros pa'i dang po dkar mngar phud kyis bran pa dkar zlum du khur la/__hU~M/__chos dbyings rnam dag bde chen pho brang nas/__/sman bla longs spyod rdzogs sku gshegs su gsol/__/sman zhal bdud rtsi'i rgya mtsho chen po yis/__/ga Na tsakra'i longs spyod mchog 'bul gyi/__/bzhes nas dbang dang dngos grub stsal du gsol/__sman zhal sogasarkang pa 'og ma gsum rigs 'gres la/__ka dag 'gyur med lhun grub pho brang nas/__/yid skyes rig pa'i ye shes gnas 'dir gshegs/__/sman zhal=__ga Na=__bzhes nas=__bde chen mi 'gyur 'og min gzhal yas nas/__/rgyun shes la sogs rtsa brgyud bla ma la/__/sman zhal=__ga Na=__bzhes nas=__bden gnyis zung 'jug mtha' bral khang bzang nas/__mkhas grub g.yu thog yon tan mgon po la/__/sman zhal=__ga Na=__bzhes nas=__klong chen rig pa rang grol mkha' klong nas/__/rdzogs chen rnal 'byor mnyam nyid badz+ra la/__/sman zhal=__ga Na=__bzhes nas=__gar bzhugs lta na sdug gi grong khyer nas/__/sman srung rigs bzhi'i lha mo mched bzhi la/__/sman zhal=__ga Na=__bzhes nas=__phyogs bcu nam mkha' yangs pa'i dkyil 'khor nas/__/zhang blon la sogs dregs pa 'khor bcas la/__/sman zhal bdud rtsi'i rgya mtsho chen po yis/__/ga Na tsakra'i longs spyod mchog 'bul gyi/__/bzhes nas dbang dang dngos grub stsal du gsol/__/zhes 'bul/__bar pa sha chang gis bran pa chos chos srung gtor mar bstabs la/__skong ba ni/__hU~M/__sman gyi grong khyer gzhal yas chen po 'dir/__/phyi nang mchod sprin rgya mtshor bskyil ba dang*/__/ye shes tshogs kyi 'khor lo dpag med kyis/__/bud+d+ha bde bar gshegs pa'i thugs dam bskang*/__/sman phud rin chen dar dang ja phud dang*/__/kun tu bzang po'i mchod pa'i bye brag gis/__/brgyud pa'i bla ma rnams kyi thugs dam bskang*/__/tsha grang nad sel bzang drug sman la sogs/__/ro nus ldan pa'i sman sna mang po dang*/__/dbang po sna lnga rin chen zas nor gyis/__/sman srung lha mo mched bzhi'i thugs dam bskang*/__/sha khrag rus pa nang khrol rnam pa lnga/__/don snying klad pa rkang dang khu ba dang*/__/ba liM sha khrag rgyan ldan gtor chen gyis/__/zhang blon la sogs dregs byed thugs dam bskang*/__/skong gyur dngos grub dam pa dus 'dir stsol/__/zhes bskang*/__bshags pa bya ba ni/__bdag cag ma rig du ma'i dbang gyur pas/__/sku gsung thugs dang rtsa ba yan lag gi__/dam tshig nyams shing dus su ma bshags pas/__/'gal 'khrul log par gyur pa ci mchis pa/__/rtsa 'grel rgyud gzhung ma thos ma sbyangs dang*/__/gdams ngag bla ma ma bsten rkun chos dang*/__/mkhas grub slob dpon ma bsten rang bzor gyur/__/man ngag lag len 'phyugs shing nor ba dang*/__/rgyal ba'i dgongs pa ma rtogs 'khrul par spyad/__/de sogs bka' 'grel gzhung dang ci 'gal ba/__/chos bdag sangs rgyas drung du mthol lo bshags/__/mkhyen ldan khyod kyis cis kyang bzod par rigs/__/rlung 'khris bad kan 'dus pa tsha grang nad/__/rang rang gnyen po'i sman rnams nor ba dang*/__/ro nus zhu rjes log par bsdebs pa dang*/__/kha cig sbyor sder chad lhag 'khrul pa dang*/__/rang gis phan sems mos blo cher skyes nas/__/nad kyi gnyen por sman rnams legs sbyin yang*/__/sngon las dbang gis de dag srog dor tshe/__/bdag la blo gtad bcas kyang ma skyob pas/__/nyes sdig rmongs pa'i 'khrul pa ci mchis dang*/__sman 'ga'i ngo bo ma rtogs nor ba sogs/__/'khrul bcas nongs pa bdag yid mchis pa kun/__/sman srung lha mo bzhi la mthol zhing bshags/__/bzod par bzhes la dngos grub stsal du gsol/__/gdams pa'i man ngag zab khyad ldan pa 'ga'/__/chig brgyud yin yang de las 'gal ba dang*/__/dam med 'ga' la man ngag bstan pa dang*/__/chom rkun zog po dam log 'ga' zhig la/__/man ngag sbas kyang 'ga' zhig shor srid cing*/__/thabs kyis rku zhing gzhog slong byed pa dang*/__/slob dpon gsang zhing rang che 'byin pa dang*/__/don med khyad gsod byed pa'i bdud ris 'gas/__/slob mar brdzus nas gdams pa sbyin la sogs/__/rang blo 'khrul pa tshad mar bzung byas pas/__/zhang blon dregs byed tshogs dang 'gal ba kun/__/mthol zhing bshags so bzod par bzhes nas kyang*/__/bdag gi bar gcod phyogs kun zhi ba dang*/__/bsam don chos bzhin 'grub pa'i phrin las mdzod/__ces dang yi ge brgya pa brjod do/__/de nas brda dang brda'i 'bul len bcas tshogs la ci dgar longs spyad pa'i lhag ma bsdus pa'i steng*/__tshogs phud cha gsum pa blugs la sha chang gis bran te/__oM A kA ro gsum gyis byin gyis brlabs la/__bde gshegs chos srung zhang blon dregs pa'i tshogs/__/pho nya 'bum phrag khro bo bran g.yog dang*/__/bka' sdod sde brgyad 'byung po lhag ma'i bdag__/ma lus 'khor bcas 'dir gshegs lhag ma longs/__/bcol ba'i las sgrub chos kyi bya ra mdzod/__/bar chad rkyen dang mtha' yi dmag dpung zlog__/phrin las rnam bzhi lhun gyis grub par mdzod/__ces lhag ma gtsang sar 'bul lo/__/gal te tshogs tshar grangs byed na/__oM AHhU~M ha ho hrIHsa brlab/__mchod pa/__skong bshags/__lhag ma bcas la grangs bzung ngo/__/de nas thugs dam bskul ba ni/__hU~M/__rang bzhin dag pa chos dbyings pho brang nas/__/bud+d+ha rigs kyi sangs rgyas thugs dam bskul/__/phyogs bzhir pad+ma zla ba'i gdan steng nas/__/sman srung lha mo mched bzhis thugs dam bskul/__/nam mkha' stong la dbang bsgyur pho brang nas/__/zhang blon dregs byed tshogs kyi thugs dam bskul/__/mchod sbyin gtor ma dgyes bzhin gsol nas kyang*/__/bdag gi las kyi 'bras bu mchis par mdzod/__ces bskul chad mdo ni/__b+h+yo:__sngon tshe gnas mchog sman gyi nags tshal du/__/ston pa sangs rgyas sman gyi bla chen pos/__/gso rig rgyud rgyal mang du gsungs pa'i tshe/__/zhang blon la sogs dregs byed 'khor bcas kyis/__/rang rang mthu rtsal che bar bstan nas kyang*/__/khas blangs dam bcas ji bzhin deng dgongs la/__/'dir gshegs dam rdzas bdud rtsi'i gtor ma longs/__/rnal 'byor bcol ba'i phrin las 'grub par mdzod/__/de 'og bar gyi bskal pa'i dbus ma la/__/chos rgyal chen po khri srong lde'u btsan gyis/__/bod 'dir gso rig rgyas par mdzad pa'i tshe/__/dregs pa sde brgyad mthu rtsal ldan rnams kyis/__/rang rang mthu rtsal che bar bstan nas kyang*/__/khas blangs dam bcas ji bzhin deng dgongs la/__/'dir gshegs dam rdzas bdud rtsi'i gtor ma longs/__/rnal 'byor bcol ba'i phrin las 'grub par mdzod/__/de 'og da lta bskal pa'i tha ma la/__/bdag sogs gso rig brgyud pa 'dzin rnams kyis/__/bka' 'grel man ngag nyams su blangs ba'i tshe/__/sman srung lha mo dregs byed tshogs rnams kyis/__/rang rang mthu rtsal che bar bstan nas kyang*/__/khas blangs dam bcas ji bzhin deng dgongs la/__/'dir gshegs dam rdzas bdud rtsi'i gtor ma longs/__/rnal 'byor bcol ba'i phrin las 'grub par mdzod/__de nas brtan ma skyong ba ni/__/gong gi dmar gtor de phyir btegs chab bran la/__b+h+yoH__sman gyi srung ma lha mo mched bzhi dang*/__/zhang blon chen po rdo rje bdud 'dul dang*/__/lha klu btsan bdud ging bshan gza' skar tshogs/__/brtan ma bcu gnyis ya skyong 'khor dang bcas/__/'dir byon sngon gyi dam tshig nyer dgongs te/__/sha khrag brgyan pa'i gtor ma 'di bzhes la/__/bar chad rkyen dang mi mthun gnod pa'i tshogs/__/mtha' yi dmag dpung g.yul ngo zlog pa dang*/__/bsam don 'bad med chos bzhin 'grub par mdzod/__ces gtor ma gtsang sar 'bul lo/__/de nas ar+g+haM sogs kyis mchod/__/sman gyi bla ma thugs rje'i gter/__/sman srung rigs kyi lha mo bzhi/__/zhang blon la sogs dregs pa'i tshogs/__/'khor dang bcas la bstod par bgyi/__/bdag gis legs byas dge ba 'dis mtshon te/__/nad rigasas mi mthun phyogs kun rab zhi ste/__/bsam pa'i don kun 'bad med 'grub pa dang*/__/gtso bo khyed bzhin byang chub reg gyur cig__/ces bstod cing smon lam gdab bo/__/de nas ma rnyed yongs su ma tshang dang sogs dang yig brgya brjod la nongs pa bshags/__rten yod na ye shes pa brtan bzhugs spyi mthun bya/__rten med na/__oM/__khyed kyis sems can don kun mdzad/__/rjes su mthun pa'i dngos grub stsol/__/sangs rgyas yul du gshegs nas kyang*/__/slar yang 'byon par mdzad du gsol/__oM badz+ra muH__ye shes pa rnams rang bzhin gyi gnas su gshegs/__zhes gshegs su gsol/__de dag gnyis ka la'ang/__dam tshig pa rang nyid la thim zhing*/__'jig rten pa rnams kyang rang rang gi gnas su gshegs par gyur par mos te/__bkra shis dang smon lam rgyas bsdus skabs dang sbyar la bya'o/__/'dir smras pa/__/blo gros lang tsho dar ba'i bshes 'chang ma/__/rnam dag thos pa mchog gi rgyun gyis mdzes/__/rnam dpyod shes rab mchog gis lta byed nas/__/gdung sel ston pa mchog khyod dgyes phyir 'bul/__/sngon chad bod 'dir grags par ma gyur pa'i/__/rig gnas gsar bu ba zhig 'di min phyir/__/shes ldan kun gyi dgongs rgyan 'di las ci/__/deng dus gso dpyad mdzad pa phal cher gyis/__/rnam grangs lag len long ba'i kha zas bzhin/__/rang nyid 'tsho tsam nyid las gzhan pa ci/__/gdung sel byang chub sgrub pa'i thabs 'di kun/__/long bas g.yang sar lam sna byas srid na/__/rang phung gzhan la mi phan de dang mtshungs/__/de phyir sman dpyad bla sgrub mchog 'di ni/__/kho bos go slar phye ba 'di yin no/__/bdag gis gso dpyad slob dpon ma bsten zhing*/__/yan lag dag kyang mkhas par ma sbyangs kyang*/__/lag len brgyad dang rgyud bzhi la sogs pa/__/cung zad bltas pas don 'ga' khong du chud/__/sngon dus smon lam bzang po mthu btsan pas/__/sbyor ba chen po 'ga' zhig dpyis phyin rtogs/__/de phyir lhag bsam dag pas 'di bkrun no/__/sman bla longs sku'i sgrub thabs 'di/__/rin chen ril nag rab gnas kyi/__/dus su bsgrub pa 'di byas na/__/shin tu zab phyir bris pa yin/__/rgyun khyer nyams len byas kyang chog__/ril nag che chung gang byed kyang*/__/sbyor tshe sgrub pa 'di bya zhing*/__/tshogs 'khor rtag tu gtong ba gces/__/mkhas pa kun gyi dgongs rgyan 'di/__/shes ldan yongs kyi thugs la zhog__/ces pa bla ma longs sku'i sgrub thabs 'di yang rin po che grang sbyor ril nag che 'bring chung ngu'i cha lag tu slob dpon kong sman rang cag pa'i gso rig gi slob dpon yin pa/__dkon mchog rgyal mtshan gyis yang nas yang du bskul ba'i ngor/__bla sgrub rdzogs pa chen po a ti yo ga dang 'brel bar byas te/__rig gnas 'di la nges pa cung zad rnyed pa'i dge slong chos smra ba d+harma kIrtis chu glang sa ga zla ba'i dga' ba dang po la rme'i shod phu'i sgar du sbyar bas sarba mang+ga laM/__de ltar rje 'bri gung pa chen po dpal chos kyi grags pa'i gsung bcos bslad med pa gzhir bzhag thog__/shugs bstan kha skong med du mi rung ba'i rigs rnams kun mkhyen bla ma mkhyen brtse'i dbang po'i gsung rgyun rnams dkyus su bsdebs te bkod pa po ni blo gros mtha' yas so/__/dge legs 'phel//__//