DKYD-DZINDROL-023

🚧 This website is under continued development. We appreciate your patience!

Previous Text Back to Volume PageNext Text

Wylie title	zab mo gcod kyi spyi brgyud gsol 'debs
Location	mdo mkhyen brtse 'dzin grol Volume 1, Text 23, Pages 241-242 (Folios 1a1 to 1b5)
Author	འཇིགས་མེད་འཕྲིན་ལས་འོད་ཟེར་
Less details More details
Citation	Dodrupchen, 1st. Zab mo gcod kyi spyi brgyud gsol 'debs. In Mdo mkhyen brtse ye shes rdo rje'i dgongs gter gcod 'dzin pa rang grol gyi 'don chog gi skor, (The Natural Liberation of Grasping, The Chod Teaching of Do Khyentse Yeshe Dorje): 241-242. Delhi: Shechen Publications, 2020.
Genre	Lineage Supplications - brgyud 'debs
Karchag page	DKYD-DZINDROL-Karchag
Colophon	།ཅེས་པ་ཟབ་མོ་གཅོད་ཀྱི་དགོངས་དོན་ཇི་བཞིན་བརྒྱུད་པའི་གསོལ་འདེབས་དོན་བསྡུས་འདི་རྒྱལ་ཁམས་པ་ཀུན་བཟང་གཞན་ཕན་གྱིས་བྱང་ཕྱོགས་མཚོ་སྔོན་ནས་བྲིས་སོ། །དགེའོ། །དགེའོ། །དགེའོ།།
	/ces pa zab mo gcod kyi dgongs don ji bzhin brgyud pa'i gsol 'debs don bsdus 'di rgyal khams pa kun bzang gzhan phan gyis byang phyogs mtsho sngon nas bris so/_/dge'o/_/dge'o/_/dge'o//

Tibetan Text

[edit]

༄༅། །ཟབ་མོ་གཅོད་ཀྱི་སྤྱི་བརྒྱུད་གསོལ་འདེབས། །ན་མོ་གུ་རུ། ཡུམ་ཆེན་ཤེར་ཕྱིན་སྟོན་པ་བཅོམ་ལྡན་འདས། །འཇམ་དཔལ་སྨྲ་སེང་རྗེ་བཙུན་སྒྲོལ་མ་དང་། །བདེ་བའི་དངོས་གྲུབ་ཨཱརྱ་དེ་བ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །དམ་པ་སངས་རྒྱས་བསོད་ནམས་བླ་མ་དང་། །ལབ་ཀྱི་སྒྲོན་མ་རྒྱལ་བ་དོན་ཀུན་གྲུབ། ཁུ་སྒོམ་ཆོས་སེང་དོལ་པ་ཟང་ཐལ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །རྒྱ་ནག་གཅེར་བུ་སངས་རྒྱས་རབ་སྟོན་དང་། །རྟོགས་ལྡན་དགེ་སློང་ཞེན་མེད་རས་པ་མཆོག །སངས་རྒྱས་སྟོན་པ་མཁས་གྲུབ་ཆོས་རྗེ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །བཀྲ་ཤིས་མཚན་དང་རྡོ་རྗེའི་མཚན་ཅན་དང་། །ཀུན་དགའི་མཚན་དང་ཆོས་ཀྱི་རྒྱལ་མཚོ་དང་། །རྒོད་ཕྲུག་རས་པ་དུར་ཁྲོད་རས་ཆེན་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །སངས་རྒྱས་བློ་གྲོས་ཆོས་ཀྱི་བློ་གྲོས་དང་། །སྣ་ཚོགས་རང་གྲོལ་བསྟན་འཛིན་གྲགས་པ་དང་། །མདོ་སྔགས་བསྟན་འཛིན་ཕྲིན་ལས་ལྷུན་གྲུབ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །གཏེར་བདག་གླིང་པ་ལོ་ཆེན་དྷརྨ་ཤྲཱི། །འགྱུར་མེད་སྐལ་བཟང་འགྱུར་མེད་བསྟན་འཕེལ་དང་། །བསྟན་འཛིན་ཆོས་རྒྱལ་ཀུན་བཟང་གཞན་ཕན་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །ཡི་དམ་ལྷ་ཚོགས་མ་དང་མཁའ་འགྲོ་མ། །མ་མགོན་ལྕམ་དྲལ་ཆོས་སྲུང་དམ་ཅན་དང་། །གཅོད་ཡུལ་བརྒྱུད་པའི་བླ་མའི་ཚོགས་རྣམས་ཀྱིས། །བདག་གི་སྒོ་གསུམ་བྱིན་གྱིས་བརླབས་ནས་ཀྱང་། །གསང་གསུམ་མཐུ་ནུས་ཐོབ་པར་མཛད་དུ་གསོལ། །རང་དོན་ཀུན་ཟད་གཞན་དོན་འབད་མེད་འབྱུང་། །བདུད་བཞི་ཟིལ་ནོན་ས་ལམ་མཐར་ཕྱིན་ཅིང་། །མ་ཅིག་ཡུམ་ཆེན་དགོངས་དོན་མངོན་གྱུར་ནས། །རབ་འབྱམས་ཕྲིན་ལས་འཇུག་པ་མཐའ་ཡས་ཀྱིས། །མ་ལུས་འགྲོ་ཀུན་རྣམ་མཁྱེན་སར་འགོད་ཤོག །ཅེས་པ་ཟབ་མོ་གཅོད་ཀྱི་དགོངས་དོན་ཇི་བཞིན་བརྒྱུད་པའི་གསོལ་འདེབས་དོན་བསྡུས་འདི་རྒྱལ་ཁམས་པ་ཀུན་བཟང་གཞན་ཕན་གྱིས་བྱང་ཕྱོགས་མཚོ་སྔོན་ནས་བྲིས་སོ། །དགེའོ། །དགེའོ། །དགེའོ།། །།