JKW-KABUM-13-PA-023-017

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal stag lung pa chen po rig 'dzin tshe dbang bkra shis kyi dag snang rtsa ba gsum gyi las byang mdor bsdus snying po'i yang bcud
Location	mkhyen brtse'i bka' 'bum Volume 13, sde tshan 23, Text 17, Pages 551-557 (Folios 45a4 to 48a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	རིག་འཛིན་ཚེ་དབང་བཀྲ་ཤིས་ (rig 'dzin tshe dbang bkra shis)
Citation	'jam dbyangs mkhyen brtse'i dbang po. dpal stag lung pa chen po rig 'dzin tshe dbang bkra shis kyi dag snang rtsa ba gsum gyi las byang mdor bsdus snying po'i yang bcud. In 'jam dbyangs mkhyen brtse'i dbang po'i bka' 'bum, Vol. 13: 551-557. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang
Cycle	རྩ་གསུམ་སྙིང་པོའི་བཅུད་ཐིག་ (rtsa gsum snying po'i bcud thig)

1 Texts in this Section (sde tshan or chos tshan)

17 551-557	དཔལ་སྟག་ལུང་པ་ཆེན་པོ་རིག་འཛིན་ཚེ་དབང་བཀྲ་ཤིས་ཀྱི་དག་སྣང་རྩ་བ་གསུམ་གྱི་ལས་བྱང་མདོར་བསྡུས་སྙིང་པོའི་ཡང་བཅུད། dpal stag lung pa chen po rig 'dzin tshe dbang bkra shis kyi dag snang rtsa ba gsum gyi las byang mdor bsdus snying po'i yang bcud Activity Manual - las byang	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །དཔལ་སྟག་ལུང་པ་ཆེན་པོ་རིག་འཛིན་ཚེ་དབང་བཀྲ་ཤིས་ཀྱི་དག་སྣང་རྩ་བ་གསུམ་གྱི་ལས་བྱང་མདོར་བསྡུས་སྙིང་པོའི་ཡང་བཅུད་བཞུགས། །ན་མོ་གུ་རུ་པདྨཱ་ཀ་རཱ་ཡ། དེ་ལ་རྩ་གསུམ་སྙིང་པོའི་བཅུད་ཐིག་གི་ཕྲིན་ལས་ཤིན་ཏུ་མདོར་བསྡུས་པས་ཉམས་སུ་བླང་བའི་ཚུལ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ལ་གཉིས། ཆོ་གར་མ་གཏོགས་པའི་སྦྱོར་བ་དང་། ཆོ་གར་གཏོགས་པའི་སྦྱོར་བའོ། །དང་པོ་ནི། གནས་དབེན་ཞིང་ཉམས་དགའ་བར་བྱི་དོར་ལེགས་པར་བྱ། གུང་དུ་རྩ་བ་གསུམ་གྱི་སྐུ་གསུང་ཐུགས་ཀྱི་རྟེན་ཇི་ལྟར་རིགས་པ་དང་། དཀྱིལ་འཁོར་རས་བྲིས་སམ། ཚོམ་བུ། དེ་མིན་སྒྲུབ་གཏོར་གྱི་མདུན་དུ་སྨན་རཀ་གཏོར་མཆོད་སོགས་སྤྱི་ལྟར། དབང་སྐུར་སོགས་དང་འབྲེལ་ན་དབང་རྫས་སོགས་གཞུང་ལྟར་བཤམ། གཉིས་པ་ནི། དབང་ཐོབ་ཅིང་དམ་ཚིག་དང་ལྡན་པའི་རྣལ་འབྱོར་པས་བདེ་བའི་སྟན་ལ་བསམ་གཏན་གྱི་སྤྱོད་ལམ་དང་ལྡན་པས་འཁོད་དེ། ཚིག་བདུན་གསོལ་འདེབས་ཀྱིས་ཐོག་དྲངས་བརྒྱུད་འདེབས་རྒྱས་པ་གཞུང་ནས་འབྱུང་བ་ལྟར་རམ་བསྡུ་ན། སྤྲོས་བྲལ་ཆོས་དབྱིངས་སྐུ་གསུམ་གྱི་རྗེས། ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས། །སྤྲུལ་སྐུ་པད་འབྱུང་མཁའ་འགྲོ་མཚོ་རྒྱལ་དང་། །ལོ་ཆེན་བཻ་རོ་ཀ་བ་དཔལ་བརྩེགས་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །རིག་འཛིན་ཆེན་པོ་ཚེ་དབང་བཀྲ་ཤིས་ཞབས། །བཀའ་བབས་ཆོས་བདག་བརྒྱུད་ལྡན་བླ་མ་དང་། །བཀའ་དྲིན་མཉམ་མེད་རྩ་བའི་བླ་མ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །བྱིན་རླབས་དངོས་གྲུབ་ཕྲིན་ལས་ཀུན་གྱི་གཏེར། །བླ་མ་ཡི་དམ་མཁའ་འགྲོ་རབ་འབྱམས་དང་། །ཆོས་སྲུང་ནོར་ལྷ་གཏེར་བདག་ཚོགས་རྣམས་ལ། གསོལ་བ༴ དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་གཞན་ཐུན་མོང་ལམ་གྱིས་རྒྱུད་སྨིན་ཅིང་། །གསང་ཆེན་སྙིང་པོའི་མྱུར་ལམ་ལ་བརྟེན་ནས། །རིག་འཛིན་བླ་མའི་གོ་འཕང་མྱུར་ཐོབ་ཤོག །ཅེས་སྔོན་དུ་འགྲོ་བས། བགེགས་གཏོར་དངོས་སུ་བཤམས་པ་ཡོད་ན་རྃ་ཡྃ་ཁྃ་གིས་བསང་། ཨོཾ་ཨཱཿཧཱུྃ་ཧོཿས་བརླབ། ཨོཾ་སརྦ་བྷཱུ་ཏ་ཨཱ་ཀཪྵཱ་ཡ་ཛཿས་མགྲོན་དགུག །ཨོཾ་སརྦ་བིགྷཱན་ན་མསྶརྦ་ཏ་ཐཱ་ག་ཏ་སོགས་ལན་གསུམ་གྱིས་བསྔོ། ཧཱུྃ། །བླ་མ་རྣམས་ཀྱི་བྱིན་རླབས་དང་། །ཡི་དམ་ལྷ་ཡི་ཏིང་འཛིན་དང་། །མཁའ་འགྲོ་རྣམས་ཀྱི་མཐུ་རྩལ་གྱིས། །དངོས་གྲུབ་བར་ཆད་བྱེད་པའི་བགེགས། །ལོག་པར་འདྲེན་པའི་བདུད་ཀྱི་ཚོགས། འདི་རུ་མ་འདུག་གཞན་དུ་དེངས། ཧཱུྃ་ཧཱུྃ་ཨུཪྩ་ཊྚ་ཡ་ཕཊྲ། དང་སུམ་བྷ་སོགས་བརྗོད་པས་བསྐྲད། མཚམས་གཅོད་སྲུང་འཁོར་ནི། ཧྲཱིཿ བདག་ཉིད་འགྱུར་མེད་སོགས། སྐྱབས་འགྲོ་སེམས་བསྐྱེད། ཨོཾ་ཨཱཿཧཱུྃ། སྐྱབས་གནས་དམ་པ་སོགས། ཡན་ལག་བདུན་པ། ཨོཾ་ཨཱཿཧཱུྃ། ཆོས་རྣམས་ཐམས་ཅད་སོགས། མཆོད་པ་བྱིན་རླབས། །རྃ་ཡྃ་ཁྃ། ཨོཾ་ཨཱཿཧཱུྃ། རང་གི་གནས་གསུམ་སོགས་རིག་འཛིན་འཇའ་ཚོན་སྙིང་པོའི་ཡང་ཟབ་དཀོན་མཆོག་སྤྱི་འདུས་གཏེར་གཞུང་སོར་བཞག་ལྟར་བཏང་བས་རུང་སྟེ་འདི་གཉིས་གཏེར་ཁ་སྔ་ཕྱིའི་ཚུལ་དུ་གསུང་པས་སོ། །གཉིས་པ་དངོས་གཞི་ལ། དང་པོ་དམ་ཚིག་པ་བསྐྱེད་པ་ནི། ཨོཾ་སྭ་བྷཱ་ཝ་སོགས་ནས། རྒྱས་གདབ་བོ། །ཨོཾ་ཨཱཿཧཱུྃ། ཨོཾ་ཧཱུྃ་ཏྲྃ་ཧྲཱིཿཨཱཿ ཡེ་ཤེས་པ་སྤྱན་དྲང་པ་ནི། ཧཱུྃ། སྔོན་གྱི་སོགས་ནས། དངོས་གྲུབ་སྩོལ། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ། ཞེས་མང་དུ་བཟླ་ཞིང་བྱིན་དབབ། བཞུགས་སུ་གསོལ་བ་ནི། ཧྲཱིཿ ལྷུན་གྲུབ་བདེ་ཆེན་ཕོ་བྲང་འདིརཿ བླ་མ་རྩ་གསུམ་ལྷ་ཚོགས་རྣམས༔ དགྱེས་པའི་ཚུལ་གྱིས་བཞུགས་ནས་ཀྱང་༔ བྱིན་རློབས་དངོས་གྲུབ་རྣམ་གཉིས་སྩོལ༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་ས་མ་ཡ་ཏིཥྛ་ལྷན། ཕྱག་འཚལ་བ་ནི། ན་མོ། སྐྱེ་འགག་འགྱུར་མེད་ཕྲིན་ལས་རྫོགས༔ རང་བྱུང་ཐུགས་རྗེས་འགྲོ་རྣམས་སྒྲོལ༔ ཡིད་བཞིན་དངོས་གྲུབ་ཆར་འབེབས་པའི༔ རྩ་གསུམ་ལྷ་ལ་ཕྱག་འཚལ་ལོ༔ ཨ་ཏཱི་པུ་ཧོཿ པྲ་ཏཱིཙྪ་ཧོ༔ མཆོད་པ་འབུལ་བ་ནི། ལྗགས་སྒྲིག་ལྟར་རྒྱས་པར་བྱ་བའམ། བསྡུ་ན། ཨོཾ་ཨཱཿཧཱུྃ། མཆོད་འོས་ཕྱི་ནང་སོགས་དཀོན་མཆོག་སྤྱི་འདུས་གཏེར་གཞུང་སོར་བཞག་ལྟར་བྱ། བསྟོད་པ་ནི། གདོད་ནས་རྣམ་དག་རང་རིག་ལྷ༔ སྣང་ཚུལ་ཞི་དང་ཁྲོ་བོའི་ཚུལ༔ བླ་མ་ཡི་དམ་མཁའ་འགྲོ་ལ༔ གུས་པའི་ཡིད་ཀྱིས་ཕྱག་འཚལ་བསྟོད༔ ཅེས་དང་ཡི་གེ་བརྒྱ་པ་བརྗོད། བཟླས་པ་ནི། །དཀྱིལ་འཁོར་ལྷ་ཚོགས་ཐམས་ཅད་ཀྱི། །ཐུགས་ཀའི་ས་བོན་སྔགས་ཕྲེང་གི། །འོད་ཀྱིས་ཕྱོགས་བཅུའི་བདེ་གཤེགས་ཀྱི། །བྱིན་རླབས་བསྡུས་ཏེ་བདག་ལ་ཐིམ། །ཨོཾ་ཨཱཿཧཱུྃ་བཛྲ་གུ་རུ་པདྨ་དེ་ཝ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ། ཞེས་དངོས་གྲུབ་སྐུལ་བའི་བཟླས་པ་ཅི་ནུས་དང་། ཚིག་བདུན་གསོལ་འདེབས་ཀྱང་ལན་ཉེར་གཅིག་བརྗོད་ཅིང་གསོལ་བ་གདབ། མཐར་དབྱངས་གསལ་རྟེན་སྙིང་གིས་སྔགས་ཀྱི་ལྷག་ཆད་ཁ་བསྐང་ཞིང་བྱིན་རླབས་བརྟན་པར་བྱའོ། །གསུམ་པ་རྗེས་ཚོགས་མཆོད་ནི། ཧྲཱིཿ བདག་ཉིད་ལྷ་ཡི་སོགས་བྱིན་རླབས། རང་བཞིན་སྐུ་གསུམ་སོགས་སྤྱན་འདྲེན། ཨོཾ་ཨཱཿཧཱུྃ། ཚོགས་མཆོད་འོད་ཕུང་འབར་བ་བཞིན་སོགས་མཆོད་བཤགས་བསྒྲལ་གསུམ། སྐོང་རྫས་བསང་སྦྱང་། ནམ་མཁའི་སྔགས་རྒྱས་བརླབ། ཧྲཱིཿ མ་བཅོས་སྤྲོས་བྲལ་སོགས་དཀོན་མཆོག་སྤྱི་འདུས་ཀྱི་ཆ་ལག་རིག་འཛིན་འཇའ་ཚོན་སྙིང་པོའི་ལྗགས་སྒྲིག་ལྟར་མཐར་ཆགས་སུ་བཏང་། བར་འདིར་རྩ་གསུམ་ཆོས་སྲུང་གི་གཏོར་བསྔོ་བྱེད་པར་གསུངས་པས་ཟུར་བཀོལ་ལྟར་གྱི་རྗེས། ཨོཾ་ཨཱཿཧཱུྃ། བླ་མ་རྒྱ་མཚོ་སོགས་གནམ་ཕུད་ཕུལ་རྗེས་ཚོགས་ལ་རོལ། ལྷག་གཏོར་བྱིན་རླབས་སྔོན་དུ་འགྲོ་བས། ཨོཾ་ཨཱཿཧཱུྃ། ལྷག་ལ་དབང་བའི་སོགས་ཀྱིས་ལྷག་མ་བསྔོ། ཆད་མདོ། བརྟན་སྐྱོང་། གཏོར་བྲོ་རྣམས་དཀོན་མཆོག་སྤྱི་འདུས་སོར་བཞག་དང་། གཏང་རག་གི་མཆོད་བསྟོད་སྔོན་དུ་འགྲོ་བས། ཨོཾ་ཨཱཿཧཱུྃ། །བདག་གཞན་བླ་མེད་ཚོགས་མཆོད་འདི་དག་གིས། །སྡིག་སྒྲིབ་ཉམས་ཆགས་མ་ལུས་ཀུན་བྱང་སྟེ། །ཚེ་འདི་ཉིད་ལ་རིག་འཛིན་མཆོག་འགྲུབ་ཅིང་། །བྱིན་རླབས་རྩལ་དབང་གཟི་བྱིན་ནུས་མཐུར་ལྡན། །སྐུ་གསུམ་ཐུགས་ཀྱི་དངོས་གྲུབ་སྩལ་དུ་གསོལ། །ཀཱ་ཡ་ཝཱ་ཀ་ཙིཏྟ་སིདྡྷི་ཧཱུྃ། ཞེས་རྒྱུན་གྱི་དངོས་གྲུབ་གསོལ། མ་རྙེད་ཡོངས་སུ་མ་ཚང་དང་སོགས་ཀྱིས་ནོངས་པ་བཤགས། མདུན་བསྐྱེད་རྟེན་ཡོད་ན་བརྟན་བཞུགས་བྱ། གང་ལྟར་ཡང་། ཆོས་ཉིད་སྐྱེ་བ་མེད་པ་ལས། །འགག་མེད་དཀྱིལ་འཁོར་ལྷ་ཚོགས་ཤར། །འགག་པ་ཉིད་ན་འགག་མེད་པ། །སྤྲོས་བྲལ་ཀ་དག་ཀློང་དུ་ཐིམ། །ཞེས་ལྷར་སྣང་འོད་གསལ་དུ་བསྡུ། སླར་ཡང་རང་རིག་ལྷ་ཡི་སྐུ། །སྒོ་གསུམ་དཀྱིལ་འཁོར་རང་གསལ་བས། །སྣོད་བཅུད་གདོད་ནས་དག་པའི་ལྷ། །གཟུང་འཛིན་གཉིས་མེད་ཀློང་དུ་ཤར། །ཞེས་ཐུན་མཚམས་ཀྱི་ལྷ་སྐུར་ལྡང་། དགེ་བ་འདི་ཡིས་མྱུར་དུ་བདག །བླ་མ་རྩ་གསུམ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་བསྔོ་སྨོན་རྒྱས་བསྡུས་གང་འོས་དང་། ཤིས་བརྗོད་ནི། ཨེ་མ་ཧོ། །ཤེས་བྱའི་དོན་ལ་མ་རྨོངས་པའི། ཞེས་སོགས་ཇི་ལྟར་རིགས་པས་མཐའ་བརྟེན་ནས་མེ་ཏོག་གི་ཆར་ཕབ་པས་དགེ་ལེགས་སུ་བྱའོ།། །། ༈

[edit]

dpal stag lung pa chen po rig 'dzin tshe dbang bkra shis kyi dag snang rtsa ba gsum gyi las byang mdor bsdus snying po'i yang bcud/ @#/_/dpal stag lung pa chen po rig 'dzin tshe dbang bkra shis kyi dag snang rtsa ba gsum gyi las byang mdor bsdus snying po'i yang bcud bzhugs/__/na mo gu ru pad+mA ka rA ya/__de la rtsa gsum snying po'i bcud thig gi phrin las shin tu mdor bsdus pas nyams su blang ba'i tshul la gsum/__sbyor ba/__dngos gzhi/__rjes so/__/dang po la gnyis/__cho gar ma gtogs pa'i sbyor ba dang /__cho gar gtogs pa'i sbyor ba'o/__/dang po ni/__gnas dben zhing nyams dga' bar byi dor legs par bya/__gung du rtsa ba gsum gyi sku gsung thugs kyi rten ji ltar rigs pa dang /__dkyil 'khor ras bris sam/__tshom bu/__de min sgrub gtor gyi mdun du sman raka gtor mchod sogs spyi ltar/__dbang skur sogs dang 'brel na dbang rdzas sogs gzhung ltar bsham/__gnyis pa ni/__dbang thob cing dam tshig dang ldan pa'i rnal 'byor pas bde ba'i stan la bsam gtan gyi spyod lam dang ldan pas 'khod de/__tshig bdun gsol 'debs kyis thog drangs brgyud 'debs rgyas pa gzhung nas 'byung ba ltar ram bsdu na/__spros bral chos dbyings sku gsum gyi rjes/__chos sku snang mtha' longs sku spyan ras gzigs/__/sprul sku pad 'byung mkha' 'gro mtsho rgyal dang /__/lo chen bai ro ka ba dpal brtsegs la/__/gsol ba 'debs so mchog thun dngos grub stsol/__/rig 'dzin chen po tshe dbang bkra shis zhabs/__/bka' babs chos bdag brgyud ldan bla ma dang /__/bka' drin mnyam med rtsa ba'i bla ma la/__/gsol ba 'debs so mchog thun dngos grub stsol/__/byin rlabs dngos grub phrin las kun gyi gter/__/bla ma yi dam mkha' 'gro rab 'byams dang /__/chos srung nor lha gter bdag tshogs rnams la/__gsol ba=__de ltar gsol ba btab pa'i byin rlabs kyis/__/bdag gzhan thun mong lam gyis rgyud smin cing /__/gsang chen snying po'i myur lam la brten nas/__/rig 'dzin bla ma'i go 'phang myur thob shog__/ces sngon du 'gro bas/__bgegs gtor dngos su bshams pa yod na ra~M ya~M kha~M gis bsang /__oM AHhU~M hoHsa brlab/__oM sarba b+hU ta A kaR+ShA ya dzaHsa mgron dgug__/oM sarba big+hAn na mas+sarba ta thA ga ta sogs lan gsum gyis bsngo/__hU~M/__/bla ma rnams kyi byin rlabs dang /__/yi dam lha yi ting 'dzin dang /__/mkha' 'gro rnams kyi mthu rtsal gyis/__/dngos grub bar chad byed pa'i bgegs/__/log par 'dren pa'i bdud kyi tshogs/__'di ru ma 'dug gzhan du dengs/__hU~M hU~M uR+tsa T+Ta ya phaT+ra/__dang sum b+ha sogs brjod pas bskrad/__mtshams gcod srung 'khor ni/__hrIH__bdag nyid 'gyur med sogs/__skyabs 'gro sems bskyed/__oM AHhU~M/__skyabs gnas dam pa sogs/__yan lag bdun pa/__oM AHhU~M/__chos rnams thams cad sogs/__mchod pa byin rlabs/__/ra~M ya~M kha~M/__oM AHhU~M/__rang gi gnas gsum sogs rig 'dzin 'ja' tshon snying po'i yang zab dkon mchog spyi 'dus gter gzhung sor bzhag ltar btang bas rung ste 'di gnyis gter kha snga phyi'i tshul du gsung pas so/__/gnyis pa dngos gzhi la/__dang po dam tshig pa bskyed pa ni/__oM swa b+hA wa sogs nas/__rgyas gdab bo/__/oM AHhU~M/__oM hU~M tra~M hrIHAH__ye shes pa spyan drang pa ni/__hU~M/__sngon gyi sogs nas/__dngos grub stsol/__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M/__zhes mang du bzla zhing byin dbab/__bzhugs su gsol ba ni/__hrIH__lhun grub bde chen pho brang 'diraH__bla ma rtsa gsum lha tshogs rnams:__dgyes pa'i tshul gyis bzhugs nas kyang :__byin rlobs dngos grub rnam gnyis stsol:__oM AHhU~M gu ru de ba DA ki nI sa ma ya tiSh+Tha lhan/__phyag 'tshal ba ni/__na mo/__skye 'gag 'gyur med phrin las rdzogs:__rang byung thugs rjes 'gro rnams sgrol:__yid bzhin dngos grub char 'bebs pa'i:__rtsa gsum lha la phyag 'tshal lo:__a tI pu hoH__pra tIts+tsha ho:__mchod pa 'bul ba ni/__ljags sgrig ltar rgyas par bya ba'am/__bsdu na/__oM AHhU~M/__mchod 'os phyi nang sogs dkon mchog spyi 'dus gter gzhung sor bzhag ltar bya/__bstod pa ni/__gdod nas rnam dag rang rig lha:__snang tshul zhi dang khro bo'i tshul:__bla ma yi dam mkha' 'gro la:__gus pa'i yid kyis phyag 'tshal bstod:__ces dang yi ge brgya pa brjod/__bzlas pa ni/__/dkyil 'khor lha tshogs thams cad kyi/__/thugs ka'i sa bon sngags phreng gi/__/'od kyis phyogs bcu'i bde gshegs kyi/__/byin rlabs bsdus te bdag la thim/__/oM AHhU~M badz+ra gu ru pad+ma de wa DA ki nI sarba sid+d+hi pha la hU~M/__zhes dngos grub skul ba'i bzlas pa ci nus dang /__tshig bdun gsol 'debs kyang lan nyer gcig brjod cing gsol ba gdab/__mthar dbyangs gsal rten snying gis sngags kyi lhag chad kha bskang zhing byin rlabs brtan par bya'o/__/gsum pa rjes tshogs mchod ni/__hrIH__bdag nyid lha yi sogs byin rlabs/__rang bzhin sku gsum sogs spyan 'dren/__oM AHhU~M/__tshogs mchod 'od phung 'bar ba bzhin sogs mchod bshags bsgral gsum/__skong rdzas bsang sbyang /__nam mkha'i sngags rgyas brlab/__hrIH__ma bcos spros bral sogs dkon mchog spyi 'dus kyi cha lag rig 'dzin 'ja' tshon snying po'i ljags sgrig ltar mthar chags su btang /__bar 'dir rtsa gsum chos srung gi gtor bsngo byed par gsungs pas zur bkol ltar gyi rjes/__oM AHhU~M/__bla ma rgya mtsho sogs gnam phud phul rjes tshogs la rol/__lhag gtor byin rlabs sngon du 'gro bas/__oM AHhU~M/__lhag la dbang ba'i sogs kyis lhag ma bsngo/__chad mdo/__brtan skyong /__gtor bro rnams dkon mchog spyi 'dus sor bzhag dang /__gtang rag gi mchod bstod sngon du 'gro bas/__oM AHhU~M/__/bdag gzhan bla med tshogs mchod 'di dag gis/__/sdig sgrib nyams chags ma lus kun byang ste/__/tshe 'di nyid la rig 'dzin mchog 'grub cing /__/byin rlabs rtsal dbang gzi byin nus mthur ldan/__/sku gsum thugs kyi dngos grub stsal du gsol/__/kA ya wA ka tsit+ta sid+d+hi hU~M/__zhes rgyun gyi dngos grub gsol/__ma rnyed yongs su ma tshang dang sogs kyis nongs pa bshags/__mdun bskyed rten yod na brtan bzhugs bya/__gang ltar yang /__chos nyid skye ba med pa las/__/'gag med dkyil 'khor lha tshogs shar/__/'gag pa nyid na 'gag med pa/__/spros bral ka dag klong du thim/__/zhes lhar snang 'od gsal du bsdu/__slar yang rang rig lha yi sku/__/sgo gsum dkyil 'khor rang gsal bas/__/snod bcud gdod nas dag pa'i lha/__/gzung 'dzin gnyis med klong du shar/__/zhes thun mtshams kyi lha skur ldang /__dge ba 'di yis myur du bdag__/bla ma rtsa gsum 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs bsngo smon rgyas bsdus gang 'os dang /__shis brjod ni/__e ma ho/__/shes bya'i don la ma rmongs pa'i/_zhes sogs ji ltar rigs pas mtha' brten nas me tog gi char phab pas dge legs su bya'o//___//_!_