JKW-KABUM-06-CHA-002-008

🚧 This website is under continued development. We appreciate your patience!

Previous Text Back to Volume PageNext Text

Wylie title	dam pa'i chos 'dul ba las brtsams pa'i tshigs su bcad pa
Location	mkhyen brtse'i bka' 'bum Volume 6, sde tshan 2, Text 8, Pages 193-194 (Folios 31a1 to 31b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dam pa'i chos 'dul ba las brtsams pa'i tshigs su bcad pa. In 'jam dbyangs mkhyen brtse'i dbang po'i bka' 'bum, Vol. 6: 193-194. Khams sde dge rdzong sar dgon: Rdzong sar blo gros phun tshogs, 2020.
Genre	Vinaya Texts - 'dul ba

1 Texts in this Section (sde tshan or chos tshan)

8 193-194	དམ་པའི་ཆོས་འདུལ་བ་ལས་བརྩམས་པའི་ཚིགས་སུ་བཅད་པ། dam pa'i chos 'dul ba las brtsams pa'i tshigs su bcad pa Vinaya Texts - 'dul ba	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དམ་པའི་ཆོས་འདུལ་བ་ལས་བརྩམས་པའི་ཚིགས་སུ་བཅད་པ་ནི། དམ་ཆོས་འདུལ་བ་གང་ཆེན་མཚོ། །དགག་སྒྲུབ་གནང་བའི་རླབས་ཕྲེང་ཅན། །གཏིང་མཐའ་མེད་པ་བདུད་རྩིའི་མཆོག །བྱང་ཆུབ་བར་དུ་ཐོབ་གྱུར་ཅིག །ས་གསུམ་འཇིག་རྟེན་སྣང་བའི་ཕུལ། །ཐུབ་མཆོག་ཞལ་གྱི་བུམ་བཟང་ལས། །དྲང་སྲོང་ལྷུང་བའི་ནགས་ཚལ་དུ། །བདེན་བཞིའི་ཟིལ་དངར་ཐོག་མར་དབྱེ། །སླར་ཡང་ཡུལ་དང་དུས་དང་ནི། །གང་ཟག་སོ་སོའི་ངོར་བྱས་ཏེ། །གཅིག་ཏུ་བཀག་དང་གཅིག་ཏུ་གནང་། །རྗེས་སུ་བཅས་དང་བསྒྲུབས་པ་ཡི། །ཚུལ་གནས་ཁྲིམས་ཀྱི་དྲིལ་ཆེན་བསྒྲགས། །དེ་ཚེ་ཡིད་སྲུབ་དཔུང་བཅས་ཀུན། །མྱ་ངན་ཁོང་བུར་ཚུད་པ་དང་། །ལྷར་བཅས་དགའ་བའི་འཛུམ་དཀར་གྲོལ། །ཨེ་མ་གང་ལས་ཚུལ་གང་གིས། །ཇི་ལྟར་ངེས་པར་གང་དུ་འབྱུང་། །དེ་ལྟའི་ཚུལ་ལ་ལེགས་དཔྱད་ན། །ལམ་འདིའི་བརྗོད་བྱ་གསལ་བར་མཐོང་། །མཐའ་དང་ཟད་དུ་མེད་པ་ཡི། །སྡུག་བསྔལ་འབྱུང་གནས་འཁོར་བ་ལས། །གདོན་བྱེད་ཚུལ་ཁྲིམས་རྣམ་དག་པས། །ཏིང་ངེ་འཛིན་དང་ཤེས་རབ་སྐྱེ། །དེ་ཡང་ཡོན་ཏན་མཐའ་དག་གི། །རྟེན་དང་གནས་དང་འབྱུང་ཁུངས་ཀྱི། །སོ་སོར་ཐར་པའི་སྡོམ་པ་ཡང་། །ཡང་དག་བླང་དང་སྲུང་བ་དང་། །ཕྱིར་ཞིང་བཅོས་པའི་གཞི་བཅུ་བདུན། །འཆད་དང་སྒྲུབ་ལ་ཐོགས་མེད་པས། །འགྱོད་པ་མེད་པའི་ཚུལ་ཁྲིམས་ཀྱིས། །སེམས་ནི་རྣམ་པར་གཡེང་ལས་བཟློག །དེ་ཚེ་ཆོས་རབ་རྣམ་འབྱེད་པའི། །སོ་སོར་རྟོག་པའི་ཡེ་ཤེས་མེས། །སྲིད་པའི་རྩ་བ་བསྲེགས་བྱས་ཏེ། །ཉོན་མོངས་དགྲ་རྣམས་བཅོམ་པ་ལས། །བྱང་ཆུབ་གསུམ་གྱི་འབྲས་བུར་འགྲུབ། །དེ་བས་ཡང་སྲིད་ཐམས་ཅད་དུ། །རྙེད་དཀའ་དལ་རྟེན་དོན་ཡོད་པའི། །ཚུལ་གནས་ཁྲིམས་ཀྱིས་དགེ་བྱས་པས། །རྣམ་པར་གྲོལ་བ་ཉིད་གྱུར་ཅིག ། ༈

[edit]

dam pa'i chos 'dul ba las brtsams pa'i tshigs su bcad pa/ dam pa'i chos 'dul ba las brtsams pa'i tshigs su bcad pa ni/_dam chos 'dul ba gang chen mtsho/__/dgag sgrub gnang ba'i rlabs phreng can/__/gting mtha' med pa bdud rtsi'i mchog__/byang chub bar du thob gyur cig__/sa gsum 'jig rten snang ba'i phul/__/thub mchog zhal gyi bum bzang las/__/drang srong lhung ba'i nags tshal du/__/bden bzhi'i zil dngar thog mar dbye/__/slar yang yul dang dus dang ni/__/gang zag so so'i ngor byas te/__/gcig tu bkag dang gcig tu gnang /__/rjes su bcas dang bsgrubs pa yi/__/tshul gnas khrims kyi dril chen bsgrags/__/de tshe yid srub dpung bcas kun/__/mya ngan khong bur tshud pa dang /__/lhar bcas dga' ba'i 'dzum dkar grol/__/e ma gang las tshul gang gis/__/ji ltar nges par gang du 'byung /__/de lta'i tshul la legs dpyad na/__/lam 'di'i brjod bya gsal bar mthong /__/mtha' dang zad du med pa yi/__/sdug bsngal 'byung gnas 'khor ba las/__/gdon byed tshul khrims rnam dag pas/__/ting nge 'dzin dang shes rab skye/__/de yang yon tan mtha' dag gi/__/rten dang gnas dang 'byung khungs kyi/__/so sor thar pa'i sdom pa yang /__/yang dag blang dang srung ba dang /__/phyir zhing bcos pa'i gzhi bcu bdun/__/'chad dang sgrub la thogs med pas/__/'gyod pa med pa'i tshul khrims kyis/__/sems ni rnam par g.yeng las bzlog__/de tshe chos rab rnam 'byed pa'i/__/so sor rtog pa'i ye shes mes/__/srid pa'i rtsa ba bsregs byas te/__/nyon mongs dgra rnams bcom pa las/__/byang chub gsum gyi 'bras bur 'grub/__/de bas yang srid thams cad du/__/rnyed dka' dal rten don yod pa'i/__/tshul gnas khrims kyis dge byas pas/__/rnam par grol ba nyid gyur cig____/_!_