DKR-KABUM-09-TA-002

🚧 This website is under continued development. We appreciate your patience!

Previous Text Back to Volume PageNext Text

Wylie title	gter chen mchog gyur gling pa'i mtshan gyi sgra bshad rgyud gsum dang sbyar ba'i 'bel gtam gzhom med rdo rje'i dbyangs snyan
Location	dil mgo mkhyen brtse bka' 'bum Volume 9, Text 2, Pages 16-21 (Folios 1a to 6a6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Associated People	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Gter chen mchog gyur gling pa'i mtshan gyi sgra bshad rgyud gsum dang sbyar ba'i 'bel gtam gzhom med rdo rje'i dbyangs snyan. In Skyabs rje dil mgo mkhyen brtse rin po che'i bka' 'bum, Vol. 9: 16-21. Delhi: Shechen Publications, 1994.
Genre	Discourses - gtam
Colophon	།ཞེས་པའང་གཏེར་ཆེན་མཆོག་གི་གསུང་གི་གདན་ས་རྟེན་མཆོག་འགྱུར་མེད་གླིང་གི་མཆོག་སྤྲུལ་སྐུ་ཕྲེང་བཞི་པ་རིག་འཛིན་འགྱུར་མེད་རྡོ་རྗེ་མཆོག །འཕགས་པའི་ཡུལ་གྱི་བྱེ་བྲག་སྨིན་གྲོལ་ངེས་དོན་དགའ་ཚལ་དུ། ས་ལུག་ཆོ་འཕྲུལ་ཟླ་བའི་གྲལ་ཚེས་བཅུ་གསུམ་བགྲང་བྱེད་བདག་པོ་རྒྱུ་སྐར་རྒྱལ་དང་བརྩེ་བའི་འཕྲོད་སྦྱོར་དགེ་བར། སེང་གེའི་ཁྲིར་མངའ་གསོལ་བའི་ཚེ། འཇམ་མགོན་མཁྱེན་བརྩེའི་དབང་པོའི་མཚན་གྱི་བྱིན་རླབས་ཐོབ་པས་རྡོ་རྗེ་སློབ་དཔོན་གྱི་ཁུར་བཟུང་བ་འགྱུར་མེད་ཐེག་མཆོག་བསྟན་པའི་རྒྱལ་མཚན་དུ་འབོད་པས་བྲིས་པའི་རྟེན་འབྲེལ་གྱིས་འོད་གསལ་རྡོ་རྗེ་སྙིང་པོའི་བསྟན་པའི་ཤིང་རྟ་འདྲེན་ནུས་པའི་སྐྱེས་བུ་དམ་པའི་རྣམ་ཐར་དང་ཕྲིན་ལས་མཐར་ཕྱིན་པའི་རྒྱུར་སྨོན་པ་བཞིན་འགྲུབ་པར་གྱུར་ཅིག །དགེ་ལེགས་འཕེལ།།
	/zhes pa'ang gter chen mchog gi gsung gi gdan sa rten mchog 'gyur med gling gi mchog sprul sku phreng bzhi pa rig 'dzin 'gyur med rdo rje mchog_/'phags pa'i yul gyi bye brag smin grol nges don dga' tshal du/_sa lug cho 'phrul zla ba'i gral tshes bcu gsum bgrang byed bdag po rgyu skar rgyal dang brtse ba'i 'phrod sbyor dge bar/_seng ge'i khrir mnga' gsol ba'i tshe/_'jam mgon mkhyen brtse'i dbang po'i mtshan gyi byin rlabs thob pas rdo rje slob dpon gyi khur bzung ba 'gyur med theg mchog bstan pa'i rgyal mtshan du 'bod pas bris pa'i rten 'brel gyis 'od gsal rdo rje snying po'i bstan pa'i shing rta 'dren nus pa'i skyes bu dam pa'i rnam thar dang phrin las mthar phyin pa'i rgyur smon pa bzhin 'grub par gyur cig__/dge legs 'phel//

Tibetan Text

Wylie

[edit]

༄༅། །གཏེར་ཆེན་མཆོག་གྱུར་གླིང་པའི་མཚན་གྱི་སྒྲ་བཤད་རྒྱུད་གསུམ་དང་སྦྱར་བའི་འབེལ་གཏམ་གཞོམ་མེད་རྡོ་རྗེའི་དབྱངས་སྙན་ཞེས་བྱ་བ་བཞུགས་སོ།

༄༅། ཨོཾ་སྭ་སྟི་ཤྲཱི་བི་ཛ་ཡནྟུ། །དེ་ཡང་ཤེས་བྱའི་ཆོས་ཐམས་ཅད་མིང་ཚིག་གི་རྗེས་སུ་མཚོན་ནས་རྟོགས་དགོས་པ། མདོ་ལང་ཀར་གཤེགས་པ་ལས། །མིང་དུ་གདགས་པར་མ་མཛད་ན། །འཇིག་རྟེན་ཐམས་ཅད་རྨོངས་པར་འགྱུར། །དེ་བས་མགོན་པོ་ཐབས་མཁས་པས། །ཆོས་རྣམས་མིང་དུ་གདགས་པར་མཛད། །ཅེས་གསུངས་པ་དང༌། ཁྱད་པར་ཟབ་རྒྱས་ཀྱི་གསང་བ་ཟབ་མོ་རྣམས་ཀྱང་མིང་གིས་མཚོན་ནས་རྟོགས་དགོས་པ་པཎ་གྲུབ་ལྔ་བརྒྱའི་གཙུག་རྒྱན་བི་མ་ལ་མི་ཏྲས་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་རྩ་རྒྱུད་གསང་བའི་སྙིང་པོ་འཆད་པའི་མན་ངག་ལས། རབ་ལ་མཚན་བསྟན་འབྲིང་ལ་དབྱེ། །ཐ་མ་འབྲུ་གཉེར་དཀྲོལ་བའོ། །ཞེས་པའི་དགོངས་པ་མཐུན་པར་གསང་རྒྱུད་འཛིན་སྤེལ་གྱི་སྐྱེས་བུའི་མཚན་ལའང་རྒྱུད་ཀྱི་འཆད་ཚུལ་སྦྱར་ན་འཐད་པ་དང་བཅས་པ་སྟེ། རིག་འཛིན་རྩ་རྒྱུད་ཐོད་པའི་དུམ་བུ་ལས། སྟོན་བྱེད་གཙོ་དང་བསྡུ་བྱེད་འཁོར༔ བསྒྲུབ་བྱའི་ཆོས་དང་སྒྲུབ་བྱེད་ཀུན༔ རང་ལས་ལོགས་སུ་མ་ཡིན་ཏེ༔ ཡེ་ཤེས་ལྟར་དུ་ཀློང་དགུའི་དལ༔ ཞེས་སོགས་ཀྱིས་བསྟན་དོན་ལྟར་རྒྱུད་དོན་མངོན་གྱུར་གྱི་སྐྱེས་བུའི་རྟོགས་པ་ཆོས་སྐུའི་རང་བཞིན་མཚན་གྱིས་མཚོན་པའི་ཚུལ་ནི། སྙིགས་དུས་བསྟན་འགྲོའི་ཕན་བདེའི་དོན་དུ་བསམ་བཞིན་བྱོན་པའི་གུ་རུ་རིན་པོ་ཆེའི་རྒྱལ་ཚབ། གཏེར་འབྱིན་གྲུབ་ཐོབ་རྒྱ་མཚོའི་འཁོར་ལོས་སྒྱུར་བ། ཁྱད་པར་སུམ་ལྡན་གྱི་ཐུགས་རྗེའི་ཡས་སྤྲུལ་གྱི་སྐྱེས་བུ་དམ་པ། ཨོ་རྒྱན་མཆོག་གྱུར་བདེ་ཆེན་ཞིག་པོ་གླིང་པ་ཞེས་དོན་གྱི་རྒྱུ་མཚན་དང་འབྲེལ་བའི་ཟབ་གཏེར་གྱི་སྟོན་པ་ཆེན་པོའི་མཚན་གྱི་ཕྲིན་ལས། ཨོ་རྒྱན་གྱི་སློབ་དཔོན་ཆེན་པོ་པདྨ་སཾ་བྷ་ཝ། ཞི་ཁྲོ་རབ་འབྱམས་དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་སེམས་དཔའི་སྐུར་བཞེངས་ཏེ། རི་རབ་སུམ་ཅུ་རྩ་གཉིས་ཀྱི་རྡུལ་དང་མཉམ་པའི་དཔའ་བོ་མཁའ་འགྲོའི་དབུས་རྡོ་རྗེའི་གསུང་གི་དྲིལ་ཆེན་པོ་བསྒྲགས་པའི་དོན་གཞི་ལམ་འབྲས་བུའི་རྒྱུད་ཀྱི་ཟབ་དོན་དང་འབྲེལ་བ། ཐམས་ཅད་མཁྱེན་གཟིགས་མཁྱེན་བརྩེའི་དབང་པོའི་གཏེར་ཆེན་བླ་མའི་གསང་གསུམ་རྡོ་རྗེའི་ཆོས་བདུན་གྱི་ངོ་བོར་འཚོ་ཞིང་བཞེས་པའི་བདེན་ཚིག་རྡོ་རྗེའི་གསུང་གི་དོན་ལྟར་འཆད་པ་ལ། ཐོག་མར་རྟོགས་བྱ་གཞིའི་རྒྱུད། ཐུགས་སུ་ཆུད་པའི་རྟོགས་པ་མཐར་ཕྱིན་པའི་མཚན་དོན་ནི། གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །སངས་རྒྱས་ཀུན་དངོས་སེམས་དཔའ་ནི། །རྡོ་རྗེ་སེམས་དཔའ་བདེ་བའི་མཆོག །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །སངས་རྒྱས་ཐམས་ཅད་མཉམ་སྦྱོར་བ། །ལྷག་པ་ཡི་ནི་ལྷ་ཉིད་དོ། །ཅེས་གསུངས་པ་ལྟར་མཚན་གྱི་སྒྲ་བཤད་དང་པོ། གཞི་མཆོག་གྱུར་གླིང་པ་སྟེ། སྒྱུ་འཕྲུལ་དྲྭ་བའི་རྒྱུད་ཕྱི་མ་ལས། རྒྱུད་ནི་རྒྱུན་ཆགས་ལ་བཤད་དེ། །ཐབས་དང་རྒྱུ་ལས་འབྲས་བུའོ། །ཞེས་པ་ལྟར་གང་རྟོགས་པར་བྱ་བ་གཞི་ཡི་རྒྱུད་ཀྱི་དོན་ཏེ། དེའི་གནས་ལུགས་ནི་རྣམ་པ་ཀུན་གྱི་མཆོྃག་ལྡན་ཞེས་ངོ་བོ་སྟོང་པའི་ཆ་ནས་འཁོར་འདས་ཐམས་ཅད་ལ་ཁྱབ་ཀྱང་རྣམ་པ་གང་གི་ཕྱོགས་དང་རིས་སུ་ཆད་པ་མེད་པ། དེའི་རང་རྩལ་རྟོགས་ཏེ་ཡེ་ཤེས་ཀྱི་རང་སྣང་མངོན་དུ་གྱུརྃ་ན་མྱང་འདས་དང༌། སྐུ་དང་ཡེ་ཤེས་རང་ངོ་ན་རྫོགས་པ་ལ་ངོ་བོའི་གཞི་དང༌། ཕྱིར་བལྟས་ཀྱི་རང་རྒྱུད་གཟུང་འཛིན་དུ་ཞེན་པས་འཁོར་བ་ཞེས་པའང་གཞི་དེ་ལ་མ་སྤང་ལ་མི་ལྡན་པའི་ཚུལ་དུ་རྟོག་པས་བཏགས་པའི་གཞི་ཞེས་འཁྲུལ་གྲོལ་གཉིས་སུ་དབྱེ་ལ། གཞིའི་ངོ་བོ་ལ་བཟང་ངན་བྱར་མེད་པ་ནི་སྤྲུལ་གཞི་དངོས་ཏེ། འཇམ་པའི་རྡོ་རྗེ་གུ་ཎ་ས་མུ་དྲས་རྣམ་ཐར་གསོལ་འདེབས་ལས། ཀུན་ཁྱབ་བདེ་ཆེན་འོད་གསལ་ཆོས་ཀྱི་སྐུ། །འཁོར་འདས་སྙིང་པོ་མི་ཤིགས་ཐིག་ལེ་ཆེ། །དངོས་པོ་ཀུན་གྱི་ཁྱབ་བདག་གདོད་མའི་མགོན། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཞེས་གསུངས། འཁོར་འདས་ཐམས་ཅད་ཀྱི་སྤྱི་གཞི་ཡིན་ན་དེ་བླ་མའི་མཚན་དུ་བཤད་པས་ཆེ་བ་ཅི་ཞིག་སྟོན་སྙམ་ན། རྟོགས་བྱ་གཞིའི་རྒྱུད་ཅེས་གསུངས་པ་ལྟར། སྒྲ་ཚིག་རང་མཚན་དུ་ཞེན་པའི་ལུང་ལས་མ་བྱུང་བའི་མན་ངག་གི་མྱོང་བས། གཟུང་འཛིན་གྱི་སེམས་ལས་མ་བྱུང་བའི་ཡེ་ཤེས་མངོན་སུམ་དུ་རྟོགས་པས། བློས་བྱས་བཅོས་མའི་རྒྱུ་ལས་མ་བྱུང་བའི་འབྲས་བུ་ཡེ་གནས་ཀྱི་སངས་རྒྱས། བདག་ཅག་གི་སྟོན་པ་ཀུན་ཏུ་བཟང་པོ་དེས། བློས་སྒྲོ་བཏགས་འཁྲུལ་པ་བློ་བུར་བའི་སྒྲིབ་པ་ཐམས་ཅད། ཁྱད་ཆོས་དྲུག་གི་གདངས་དགོངས་པ་གཅིག་ཏུ་གྱུར་པས་ན་རྟོགས་པའི་ཡོན་ཏན་མངོན་གྱུར་གྱི་སངས་རྒྱས་སུ་བསྟན་པས་སྤང་བ་མཐར་ཕྱིན་པའི་ཡོན་ཏན་ཐམས་ཅད་ཤུགས་ལས་བསྟན་པ་སྟེ་རྩ་གསུམ་ཀུན་འདྲིལ་སྙིང་པོའི་རྒྱུད་ལས། བླ་མ་སངས་རྒྱས་ཐོག་མར་འབྱུང་བའི་དོན༔ རང་རིག་རྒྱལ་པོ་རང་གསལ་བླ་མའི་མཆོག༔ ཚོགས་མ་བསགས་པར་མཐོང་བ་ཀུན་ཏུ་བཟང༔ དེ་ཕྱིར་ཀུན་བཟང་སྔོན་དུའང་བླ་མ་བྱུང༔ ཞེས་གསུངས་པ་ལྟར་ཆོས་སྐུའི་དགོངས་པ་སངས་རྒྱས་ཐམས་ཅད་དང་གཉིས་སུ་མེད་པ་གྲོལ་ཟིན་པ་སྟོན་པས་ཁྱད་པར་དུ་འཕགས་པའོ། །དགོངས་པ་ཆོས་སྐུ་ལས་མ་གཡོས་ཀྱང་རང་བྱུང་ཐུགས་རྗེའི་ཡེ་ཤེས་སྲིད་ཞི་ཀུན་ལ་ཁྱབ་པ་དང༌། སྲིད་ཞི་མཉམ་ཉིད་ཀྱི་དགོངས་པ་སེམས་ཅན་ཀུན་ལ་དུས་གསུམ་རྒྱུན་ཆད་མེད་པར་འཇུག་པས་སྤྲུལ་པའི་རོལ་པ་བསམ་གྱིས་མི་ཁྱབ་ཀྱང་གདུལ་བྱ་ཕྱོགས་རེ་བ་ལ་དགོངས་ཏེ་གསུངས་པ་སྐྱེས་རབས་གསོལ་འདེབས་སུ་གསལ་བ་ལྟར་དངོས་དང་བརྒྱུད་ནས་བསྟན་འགྲོ་ལ་ཕན་བདེ་མི་ཟད་པ་འབྱུང་བའི་གནས་སུ་གྱུར་པའོ། །གཉིས་པ་རྟོགས་བྱེད་ལམ་གྱི་རྒྱུད་གསང་སྔགས་བླ་མེད་རྡོ་རྗེ་ཐེག་པའི་ས་ལམ་ཡོངས་སུ་རྫོགས་པའི་རྡོ་རྗེའི་རིག་འཛིན་ཆེན་པོའི་དབང་ཕྱུག་རྗེས་སུ་མཚོན་པའི་མཚན་ནི། བདེ་ཆེན་གླིང་པ་ཞེས་པ་རྡོ་རྗེ་ཐེག་པ་རྣལ་འབྱོར་བླ་མེད་ཀྱི་ལམ་ཐམས་ཅད་མཆོག་ཏུ་མི་འགྱུར་བའི་བདེྃ་བ་ཆེན་པོ་དང༌། རྣམ་ཀུན་མཆོག་ལྡན་གྱི་སྟོང་པ་ཆེནྃ་པོ་ཟུང་འཇུག་གི་རྣལ་འབྱོར་འབའ་ཞིག་ལས་འཕྲོས་པ་སྟེ། དཔལ་མཆོག་དང་པོ་ལས། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་བདེ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཅེས་གསུངས་པ་ལྟར་ཐོག་མར་སྨིན་པར་བྱེད་པ་རྡོ་རྗེའི་དབང་བཞི། བར་དུ་སྨིན་ཟིན་གྲོལ་བར་བྱེད་པ་རྡོ་རྗེའི་བསྐྱེད་རྫོགས་རིམ་པ་གཉིས། མཐར་ཐུག་དབང་བཞི་པའི་དོན་ཕྱག་རྒྱ་ཆེན་པོ་དང་བཅས་པ་ཐམས་ཅད་བདེ་སྟོང་མཆོག་ཏུ་མི་འགྱུར་བའི་ཡེ་ཤེས་ཁོ་ན་ལ་དངོས་དང་བརྒྱུད་ནས་གནད་དུ་བསྣུན་ནས་ལམ་དུ་བྱེད་པ་ལས་མི་འདའ་བས་སྨིན་གྲོལ་གྱི་ལམ་སྒྲ་ཇི་བཞིན་དུ་སྤྱོད་ནུས་པ་རྡོ་རྗེའི་རིགས་ཅན་རིན་པོ་ཆེ་ལྟ་བུའི་གང་ཟག་གིས་འཁོར་ལོས་བསྒྱུར་བའི་གསེར་གྱི་འཁོར་ལོ་རྩིབས་སྟོང་ལྟ་བུ་དེའི་རིག་འཛིན་རྣམ་པ་བཞིའི་སྤང་རྟོགས་ཀྱི་ཡོན་ཏན་གླིངྃ་བཞི་ལྟ་བུའི་ཁྱོན་མཐའ་དག་ལ་མངའ་དབང་བསྒྱུར་ཏེ་ས་ལམ་གྱི་ཡོན་ཏན་ཐམས་ཅད་མངོན་དུ་གྱུར་པྃ་མཚན་གྱིས་མཚོན་པས་རྡོ་རྗེའི་གསང་བ་མཐའ་དག་རང་བྱན་ཚུད་ནས། ཇི་སྐད་དུ། བྱར་མེད་འདི་ལ་གང་གནས་པ། །ལུས་ནི་གང་ཟག་ལྷ་མི་ཡང༌། །དགོངས་པ་ཆོས་ཉིད་སངས་རྒྱས་ཡིན། །འདི་ཡིས་སེམས་ཅན་དོན་བྱས་ན། །རྩོལ་སྒྲུབ་མི་བྱེད་བདེ་བར་འབྱུང༌། །ཞེས་གསུངས་པའི་རིགས་ཅན་དྲ་མ་ལྔ་ལ་སོགས་པ་ལྟ་བུར་བསྔགས་པའོ། །གསུམ་པ་རྟོགས་པ་མཐར་ཕྱིན་འབྲས་བུའི་སེམས་དཔའ་ཆེན་པོ་ཐུགས་རྗེ་ཡེ་སྤྲུལ་ཡིན་པའི་མཚན་ནི་ཞིག་པོ་གླིང་པ་སྟེ། དུས་འཁོར་བསྡུས་རྒྱུད་ལས། སེམས་ཉིད་དག་ན་མི་དེ་རྒྱལ་བའི་དབང་པོར་འགྱུར་ཏེ་རྒྱལ་བ་གཞན་གྱིས་ཅི་ཞིག་བྱ། །ཞེས་གསུངས་པ་ལྟར་ཀུན་རྫོབ་འཁྲུལ་པའི་ཆོས་ཐམས་ཅད་མེད་པ་གསལ་སྣང་ཙམ་ལས་དོན་ལ་སྐྱེ་འགག་གནས་དམིགས་འགྲོ་འོང་དང་བྲལ་བའི་དབྱིངས་རིག་གཉིས་སུ་མེད་པར་བཙན་ས་ཟིན་པས་གློ་བུར་བདེན་མེད་ཀྱི་འཁྲུལ་པ་ཐམས་ཅད་གཏད་མེད་ཆོས་སྐུ་ཟབ་གསལ་གཉིས་མེད་ཆེན་པོའི་ཀློང་དུ་ཞིགྃ་ནས་སྣང་སྤྱོད་ཡེ་ཤེས་ཆེན་པོའིྃ་རོལ་པར་འབྱམས་སུ་ཀླས་པ་ཀློང་ཆེན་གཞོན་ནུ་བུམ་སྐུའི་སྦུབས་སུ་ཆུབ་པས་ཀུན་བཟང་དང་པོའི་སངས་རྒྱས་དང་ཐ་མི་དད་པར་བཞུགས་ཀྱང་རང་བྱུང་ཐུགས་རྗེའི་འཇུག་པ་མཁའ་ཁྱབ་གདུལ་བྱའི་གླིངྃ་དུ་སྙོམས་པར་འཇུག་པས་སྐུ་ལྔ་ལྷུན་གྲུབ་རིག་འཛིན་རྡོ་རྗེ་ཐོད་ཕྲེང་རྩལ་དང་སྟོན་འཁོར་དགོངས་པ་མཉམ་པར་སྟོན་པྃ་སྟེ། འཇམ་དཔལ་གྱི་དོན་དམ་པའི་མཚན་ཡང་དག་པར་བརྗོད་པ་ལས། རྣམ་པར་ཤེས་པའི་ཆོས་ཉིད་འདས། །ཡེ་ཤེས་གཉིས་མེད་ཚུལ་འཆང་བ། །རྣམ་པར་རྟོག་མེད་ལྷུན་གྱིས་གྲུབ། །དུས་གསུམ་སངས་རྒྱས་ལས་བྱེད་པ། །ཞེས་གསུངས་པ་དེ་ལྟ་བུའི་བདག་ཉིད་ཆེན་པོ་དེ་སྔོན་གྱི་ཚེ་གངས་ཅན་ཆོས་ཀྱི་སྒྲོན་མེ་མཁན་སློབ་ཆོས་གསུམ་གྱིས་གངས་ཅན་དུ་ཕན་བདེའི་དགའ་སྟོན་སྤེལ་བའི་ཚེ། ཆོས་རྒྱལ་ཚངས་པ་ལྷའི་མེ་ཏོག་གི་ལྷ་སྲས་བར་པ་མུ་རུབ་བཙན་པོའི་རྣམ་པར་བསྟན་ནས་དཔའ་འཛངས་བརྟུལ་ཕོད་པས་མཐའ་བཞིའི་རྒྱལ་ཁམས་དབང་དུ་བསྡུས་ཏེ་བོད་འབངས་བདེ་ལ་བཀོད། མདོ་སྔགས་རིག་པའི་གནས་ཐམས་ཅད་ལ་མཁྱེན་པའི་རྩལ་རྒྱས་པས་ལྷ་སྲས་ལོ་ཙཱ་བ་ཞེས་མཁས་པའི་སྙན་པས་ཁྱབ། སློབ་དཔོན་སངས་རྒྱས་གཉིས་པས་ཟབ་གསང་གདམས་པའི་གསང་མཛོད་བརྟོལ་བས་སྐུ་ཚེ་དེ་ཉིད་ཀྱིས་འཕོ་ཆེན་རྡོ་རྗེའི་སྐུ་བརྙེས་ཏེ། མི་སློབ་འབྲས་བུའི་མཐར་སོན་ཀྱང་བོད་ཡུལ་གྱི་ཕྱི་མའི་གདུལ་བྱ་ལ་ཤིན་ཏུ་བརྩེ་བས་སྤྲུལ་པའི་རོལ་པ་རྒྱུན་མི་འཆད་པ་སྟོན་པ་སྟེ། ཁ་ལ་རོང་སྒོའི་གནས་ཡིག་ལས། རྒྱལ་བློན་ཐུགས་འགལ་སྤྱུགས་ན་ཡང༔ ད་དུང་བློ་སེམས་མ་ལོག་པས༔ བོད་ལ་ཕན་ཕྱིར་འདི་བཞིན་བྱས༔ ཕྱི་རབས་པ་རྣམས་དྲན་པར་གྱིས༔ ཞེས་གསུངས་པ་ལྟར་དུས་གསུམ་ཀུན་ཏུ་སྤྲུལ་པ་རྒྱུན་མི་འཆད་པ་སྟོན་པའི་ཡ་གྱལ། སྤྲུལ་པའི་གཏེར་ཆེན་རྒྱ་མཚོའི་འཁོར་ལོས་བསྒྱུར་བ་ཨོ་རྒྱན་མཆོག་གྱུར་གླིང་པ་ལ། སངས་རྒྱས་གཉིས་པ་ཨོ་རྒྱན་དུས་གསུམ་མཁྱེན་པས་རྡོ་རྗེའི་མཚན་གྱི་དོན་དང་མཐུན་པའི་འགྲེལ་བཤད་རང་བློའི་དཔོག་ཚོད་ཙམ་ལུང་དང་སྦྱར་ནས་སྤྲོས་པའོ། །ཞེས་པའང་གཏེར་ཆེན་མཆོག་གི་གསུང་གི་གདན་ས་རྟེན་མཆོག་འགྱུར་མེད་གླིང་གི་མཆོག་སྤྲུལ་སྐུ་ཕྲེང་བཞི་པ་རིག་འཛིན་འགྱུར་མེད་རྡོ་རྗེ་མཆོག །འཕགས་པའི་ཡུལ་གྱི་བྱེ་བྲག་སྨིན་གྲོལ་ངེས་དོན་དགའ་ཚལ་དུ། ས་ལུག་ཆོ་འཕྲུལ་ཟླ་བའི་གྲལ་ཚེས་བཅུ་གསུམ་བགྲང་བྱེད་བདག་པོ་རྒྱུ་སྐར་རྒྱལ་དང་བརྩེ་བའི་འཕྲོད་སྦྱོར་དགེ་བར། སེང་གེའི་ཁྲིར་མངའ་གསོལ་བའི་ཚེ། འཇམ་མགོན་མཁྱེན་བརྩེའི་དབང་པོའི་མཚན་གྱི་བྱིན་རླབས་ཐོབ་པས་རྡོ་རྗེ་སློབ་དཔོན་གྱི་ཁུར་བཟུང་བ་འགྱུར་མེད་ཐེག་མཆོག་བསྟན་པའི་རྒྱལ་མཚན་དུ་འབོད་པས་བྲིས་པའི་རྟེན་འབྲེལ་གྱིས་འོད་གསལ་རྡོ་རྗེ་སྙིང་པོའི་བསྟན་པའི་ཤིང་རྟ་འདྲེན་ནུས་པའི་སྐྱེས་བུ་དམ་པའི་རྣམ་ཐར་དང་ཕྲིན་ལས་མཐར་ཕྱིན་པའི་རྒྱུར་སྨོན་པ་བཞིན་འགྲུབ་པར་གྱུར་ཅིག །དགེ་ལེགས་འཕེལ།། །།

[edit]

@#/__/gter chen mchog gyur gling pa'i mtshan gyi sgra bshad rgyud gsum dang sbyar ba'i 'bel gtam gzhom med rdo rje'i dbyangs snyan zhes bya ba bzhugs so/__oM swa sti shrI bi dza yan+tu/_/de yang shes bya'i chos thams cad ming tshig gi rjes su mtshon nas rtogs dgos pa/_mdo lang kar gshegs pa las/_/ming du gdags par ma mdzad na/_/'jig rten thams cad rmongs par 'gyur/_/de bas mgon po thabs mkhas pas/_/chos rnams ming du gdags par mdzad/_/ces gsungs pa dang*/_khyad par zab rgyas kyi gsang ba zab mo rnams kyang ming gis mtshon nas rtogs dgos pa paN grub lnga brgya'i gtsug rgyan bi ma la mi tras rdo rje sems dpa' sgyu 'phrul drwa ba rtsa rgyud gsang ba'i snying po 'chad pa'i man ngag las/_rab la mtshan bstan 'bring la dbye/_/tha ma 'bru gnyer dkrol ba'o/_/zhes pa'i dgongs pa mthun par gsang rgyud 'dzin spel gyi skyes bu'i mtshan la'ang rgyud kyi 'chad tshul sbyar na 'thad pa dang bcas pa ste/_rig 'dzin rtsa rgyud thod pa'i dum bu las/_ston byed gtso dang bsdu byed 'khor:_bsgrub bya'i chos dang sgrub byed kun:_rang las logs su ma yin te:_ye shes ltar du klong dgu'i dal:_zhes sogs kyis bstan don ltar rgyud don mngon gyur gyi skyes bu'i rtogs pa chos sku'i rang bzhin mtshan gyis mtshon pa'i tshul ni/_snyigs dus bstan 'gro'i phan bde'i don du bsam bzhin byon pa'i gu ru rin po che'i rgyal tshab/_gter 'byin grub thob rgya mtsho'i 'khor los sgyur ba/_khyad par sum ldan gyi thugs rje'i yas sprul gyi skyes bu dam pa/_o rgyan mchog gyur bde chen zhig po gling pa zhes don gyi rgyu mtshan dang 'brel ba'i zab gter gyi ston pa chen po'i mtshan gyi phrin las/_o rgyan gyi slob dpon chen po pad+ma saM b+ha wa/_zhi khro rab 'byams dkyil 'khor rgya mtsho'i khyab bdag rdo rje sems dpa'i skur bzhengs te/_ri rab sum cu rtsa gnyis kyi rdul dang mnyam pa'i dpa' bo mkha' 'gro'i dbus rdo rje'i gsung gi dril chen po bsgrags pa'i don gzhi lam 'bras bu'i rgyud kyi zab don dang 'brel ba/_thams cad mkhyen gzigs mkhyen brtse'i dbang po'i gter chen bla ma'i gsang gsum rdo rje'i chos bdun gyi ngo bor 'tsho zhing bzhes pa'i bden tshig rdo rje'i gsung gi don ltar 'chad pa la/_thog mar rtogs bya gzhi'i rgyud/_thugs su chud pa'i rtogs pa mthar phyin pa'i mtshan don ni/_gsang ba mchog gi dgyes pa na/_/thams cad bdag nyid rtag tu bzhugs/_/sangs rgyas kun dngos sems dpa' ni/_/rdo rje sems dpa' bde ba'i mchog_/'di ni rang byung bcom ldan 'das/_/gcig pu rab tu che ba'i lha/_/sangs rgyas thams cad mnyam sbyor ba/_/lhag pa yi ni lha nyid do/_/ces gsungs pa ltar mtshan gyi sgra bshad dang po/_gzhi mchog gyur gling pa ste/_sgyu 'phrul drwa ba'i rgyud phyi ma las/_rgyud ni rgyun chags la bshad de/_/thabs dang rgyu las 'bras bu'o/_/zhes pa ltar gang rtogs par bya ba gzhi yi rgyud kyi don te/_de'i gnas lugs ni rnam pa kun gyi mcho~Mg ldan zhes ngo bo stong pa'i cha nas 'khor 'das thams cad la khyab kyang rnam pa gang gi phyogs dang ris su chad pa med pa/_de'i rang rtsal rtogs te ye shes kyi rang snang mngon du gyura~M na myang 'das dang*/_sku dang ye shes rang ngo na rdzogs pa la ngo bo'i gzhi dang*/_phyir bltas kyi rang rgyud gzung 'dzin du zhen pas 'khor ba zhes pa'ang gzhi de la ma spang la mi ldan pa'i tshul du rtog pas btags pa'i gzhi zhes 'khrul grol gnyis su dbye la/_gzhi'i ngo bo la bzang ngan byar med pa ni sprul gzhi dngos te/_'jam pa'i rdo rje gu Na sa mu dras rnam thar gsol 'debs las/_kun khyab bde chen 'od gsal chos kyi sku/_/'khor 'das snying po mi shigs thig le che/_/dngos po kun gyi khyab bdag gdod ma'i mgon/_/rje btsun bla ma'i zhabs la gsol ba 'debs/_/zhes gsungs/_'khor 'das thams cad kyi spyi gzhi yin na de bla ma'i mtshan du bshad pas che ba ci zhig ston snyam na/_rtogs bya gzhi'i rgyud ces gsungs pa ltar/_sgra tshig rang mtshan du zhen pa'i lung las ma byung ba'i man ngag gi myong bas/_gzung 'dzin gyi sems las ma byung ba'i ye shes mngon sum du rtogs pas/_blos byas bcos ma'i rgyu las ma byung ba'i 'bras bu ye gnas kyi sangs rgyas/_bdag cag gi ston pa kun tu bzang po des/_blos sgro btags 'khrul pa blo bur ba'i sgrib pa thams cad/_khyad chos drug gi gdangs dgongs pa gcig tu gyur pas na rtogs pa'i yon tan mngon gyur gyi sangs rgyas su bstan pas spang ba mthar phyin pa'i yon tan thams cad shugs las bstan pa ste rtsa gsum kun 'dril snying po'i rgyud las/_bla ma sangs rgyas thog mar 'byung ba'i don:_rang rig rgyal po rang gsal bla ma'i mchog:_tshogs ma bsags par mthong ba kun tu bzang:_de phyir kun bzang sngon du'ang bla ma byung:_zhes gsungs pa ltar chos sku'i dgongs pa sangs rgyas thams cad dang gnyis su med pa grol zin pa ston pas khyad par du 'phags pa'o/_/dgongs pa chos sku las ma g.yos kyang rang byung thugs rje'i ye shes srid zhi kun la khyab pa dang*/_srid zhi mnyam nyid kyi dgongs pa sems can kun la dus gsum rgyun chad med par 'jug pas sprul pa'i rol pa bsam gyis mi khyab kyang gdul bya phyogs re ba la dgongs te gsungs pa skyes rabs gsol 'debs su gsal ba ltar dngos dang brgyud nas bstan 'gro la phan bde mi zad pa 'byung ba'i gnas su gyur pa'o/__/gnyis pa rtogs byed lam gyi rgyud gsang sngags bla med rdo rje theg pa'i sa lam yongs su rdzogs pa'i rdo rje'i rig 'dzin chen po'i dbang phyug rjes su mtshon pa'i mtshan ni/_bde chen gling pa zhes pa rdo rje theg pa rnal 'byor bla med kyi lam thams cad mchog tu mi 'gyur ba'i bde~M ba chen po dang*/_rnam kun mchog ldan gyi stong pa chena~M po zung 'jug gi rnal 'byor 'ba' zhig las 'phros pa ste/_dpal mchog dang po las/_thog mtha' med pa'i sems dpa' ni/_/rdo rje sems dpa' bde ba che/_/kun tu bzang po kun bdag nyid/_/rdo rje snyems tshul bdag po'i bdag_/ces gsungs pa ltar thog mar smin par byed pa rdo rje'i dbang bzhi/_bar du smin zin grol bar byed pa rdo rje'i bskyed rdzogs rim pa gnyis/_mthar thug dbang bzhi pa'i don phyag rgya chen po dang bcas pa thams cad bde stong mchog tu mi 'gyur ba'i ye shes kho na la dngos dang brgyud nas gnad du bsnun nas lam du byed pa las mi 'da' bas smin grol gyi lam sgra ji bzhin du spyod nus pa rdo rje'i rigs can rin po che lta bu'i gang zag gis 'khor los bsgyur ba'i gser gyi 'khor lo rtsibs stong lta bu de'i rig 'dzin rnam pa bzhi'i spang rtogs kyi yon tan glinga~M bzhi lta bu'i khyon mtha' dag la mnga' dbang bsgyur te sa lam gyi yon tan thams cad mngon du gyur pa~M mtshan gyis mtshon pas rdo rje'i gsang ba mtha' dag rang byan tshud nas/_ji skad du/_byar med 'di la gang gnas pa/_/lus ni gang zag lha mi yang*/_/dgongs pa chos nyid sangs rgyas yin/_/'di yis sems can don byas na/_/rtsol sgrub mi byed bde bar 'byung*/_/zhes gsungs pa'i rigs can dra ma lnga la sogs pa lta bur bsngags pa'o/_/gsum pa rtogs pa mthar phyin 'bras bu'i sems dpa' chen po thugs rje ye sprul yin pa'i mtshan ni zhig po gling pa ste/_dus 'khor bsdus rgyud las/_sems nyid dag na mi de rgyal ba'i dbang por 'gyur te rgyal ba gzhan gyis ci zhig bya/_/zhes gsungs pa ltar kun rdzob 'khrul pa'i chos thams cad med pa gsal snang tsam las don la skye 'gag gnas dmigs 'gro 'ong dang bral ba'i dbyings rig gnyis su med par btsan sa zin pas glo bur bden med kyi 'khrul pa thams cad gtad med chos sku zab gsal gnyis med chen po'i klong du zhiga~M nas snang spyod ye shes chen po'i~M rol par 'byams su klas pa klong chen gzhon nu bum sku'i sbubs su chub pas kun bzang dang po'i sangs rgyas dang tha mi dad par bzhugs kyang rang byung thugs rje'i 'jug pa mkha' khyab gdul bya'i glinga~M du snyoms par 'jug pas sku lnga lhun grub rig 'dzin rdo rje thod phreng rtsal dang ston 'khor dgongs pa mnyam par ston pa~M ste/_'jam dpal gyi don dam pa'i mtshan yang dag par brjod pa las/_rnam par shes pa'i chos nyid 'das/_/ye shes gnyis med tshul 'chang ba/_/rnam par rtog med lhun gyis grub/_/dus gsum sangs rgyas las byed pa/_/zhes gsungs pa de lta bu'i bdag nyid chen po de sngon gyi tshe gangs can chos kyi sgron me mkhan slob chos gsum gyis gangs can du phan bde'i dga' ston spel ba'i tshe/_chos rgyal tshangs pa lha'i me tog gi lha sras bar pa mu rub btsan po'i rnam par bstan nas dpa' 'dzangs brtul phod pas mtha' bzhi'i rgyal khams dbang du bsdus te bod 'bangs bde la bkod/_mdo sngags rig pa'i gnas thams cad la mkhyen pa'i rtsal rgyas pas lha sras lo tsA ba zhes mkhas pa'i snyan pas khyab/_slob dpon sangs rgyas gnyis pas zab gsang gdams pa'i gsang mdzod brtol bas sku tshe de nyid kyis 'pho chen rdo rje'i sku brnyes te/_mi slob 'bras bu'i mthar son kyang bod yul gyi phyi ma'i gdul bya la shin tu brtse bas sprul pa'i rol pa rgyun mi 'chad pa ston pa ste/_kha la rong sgo'i gnas yig las/_rgyal blon thugs 'gal spyugs na yang:_da dung blo sems ma log pas:_bod la phan phyir 'di bzhin byas:_phyi rabs pa rnams dran par gyis:_zhes gsungs pa ltar dus gsum kun tu sprul pa rgyun mi 'chad pa ston pa'i ya gyal/_sprul pa'i gter chen rgya mtsho'i 'khor los bsgyur ba o rgyan mchog gyur gling pa la/_sangs rgyas gnyis pa o rgyan dus gsum mkhyen pas rdo rje'i mtshan gyi don dang mthun pa'i 'grel bshad rang blo'i dpog tshod tsam lung dang sbyar nas spros pa'o/_/zhes pa'ang gter chen mchog gi gsung gi gdan sa rten mchog 'gyur med gling gi mchog sprul sku phreng bzhi pa rig 'dzin 'gyur med rdo rje mchog_/'phags pa'i yul gyi bye brag smin grol nges don dga' tshal du/_sa lug cho 'phrul zla ba'i gral tshes bcu gsum bgrang byed bdag po rgyu skar rgyal dang brtse ba'i 'phrod sbyor dge bar/_seng ge'i khrir mnga' gsol ba'i tshe/_'jam mgon mkhyen brtse'i dbang po'i mtshan gyi byin rlabs thob pas rdo rje slob dpon gyi khur bzung ba 'gyur med theg mchog bstan pa'i rgyal mtshan du 'bod pas bris pa'i rten 'brel gyis 'od gsal rdo rje snying po'i bstan pa'i shing rta 'dren nus pa'i skyes bu dam pa'i rnam thar dang phrin las mthar phyin pa'i rgyur smon pa bzhin 'grub par gyur cig__/dge legs 'phel//_//