JKW-KABUM-16-MA-024-002

🚧 This website is under continued development. We appreciate your patience!

Previous Text Back to Volume PageNext Text

Wylie title	thun mtshams su gtor ma 'bul
Location	mkhyen brtse'i bka' 'bum Volume 16, sde tshan 24, Text 2, Pages 191-193 (Folios 5a4 to 6a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. thun mtshams su gtor ma 'bul. In 'jam dbyangs mkhyen brtse'i dbang po'i bka' 'bum, Vol. 16: 191-193. Khams sde dge rdzong sar dgon: Rdzong sar blo gros phun tshogs, 2020.
Genre	Torma-offering Rituals - gtor chog
Cycle	ཇོ་ལུགས་སྒྲོལ་དཀར་ (jo lugs sgrol dkar)
Deity	sgrol ma yid bzhin 'khor lo

1 Texts in this Section (sde tshan or chos tshan)

2 191-193	ཐུན་མཚམས་སུ་གཏོར་མ་འབུལ། thun mtshams su gtor ma 'bul Torma-offering Rituals - gtor chog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཐུན་མཚམས་སུ་གཏོར་མ་འབུལ་ན། བཟླས་པའི་རྗེས་སུ་དབྱངས་གསལ་རྟེན་སྙིང་གིས་ལྷག་ཆད་ཁ་བསྐང་ཞིང་བྱིན་བརླབས་བརྟན་པར་བྱ། རང་གི་ཐུགས་ཀ་ནས་འོད་ཟེར་འཕྲོས་པས་འཕགས་མ་ཡིད་བཞིན་འཁོར་ལོ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་མདུན་གྱི་ནམ་མཁར་སྤྱན་དྲངས་ཤིང་བཞུགས་པར་གྱུར། མཎྜལ་རྒྱས་བསྡུས་གང་རིགས་འབུལ། གཏོར་མ་བསང་སྦྱང་། སྟོང་པའི་ངང་ལས་རིན་པོ་ཆེའི་སྣོད་དུ་འབྲུ་གསུམ་ཞུ་བ་ལས་གཏོར་མ་བདུད་རྩིའི་རྒྱ་མཚོ་འདོད་ཡོན་སྣ་ཚོགས་པའི་སྤྲིན་ཕུང་འཕྲོ་བར་གྱུར། ཨོཾ་ཨཱཿཧཱུྃ། གསུམ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་གཙོ་མོ་དང་། ཨ་ཀཱ་རོ་ལན་གསུམ་གྱིས་འཁོར་རྣམས་ལ་དབུལ། ཨོཾ་ཨཱརྱ་ཏཱ་རཱེ་ས་པ་རི་ཝ་ར་ཨརྒྷཾ་སོགས་ནས། ཤབྡ་པྲ་ཏིཙྪ་སྭཱ་ཧཱས་མཆོད། སངས་རྒྱས་ཐམས་ཅད་ཁྱོད་ལས་སྐྱེས། ཞེས་སོགས་དང་། གང་གི་ཐུགས་རྗེའི་འོད་དཀར་གྱིས། །མ་ལུས་འགྲོ་བའི་དོན་མཛད་ཅིང་། །མགོན་མེད་རྣམས་ཀྱི་མགོན་དང་སྐྱབས། །རྒྱལ་བ་སྲས་དང་བཅས་ལ་འདུད། །ཅེས་བསྟོད། མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་གསོལ། རྟེན་ཡོད་ན་བརྟན་བཞུགས་དང་། མེད་ན་བཛྲ་མུཿས་གཤེགས་སུ་གསོལ་བར་བྱའོ། །བསྙེན་པའི་ཚེ། །འདི་ཉིད་རྣལ་འབྱོར་བླ་མེད་སྒྲོལ་མ་མངོན་འབྱུང་སོགས་ནས་གསུང་པའི་ལྷ་ཡིན་ཀྱང་། ཀུན་སྤྱོད་རྒྱུད་སྡེ་འོག་མ་ལྟར་བྱེད་པ་བླ་མ་བརྒྱུད་པའི་ཕྱག་བཞེས་ཡིན་པས། གྲུབ་ན་ཁྲུས་དང་གཙང་སྦྲ་སོགས་ཀུན་སྤྱོད་རྒྱུད་སྡེ་འོག་མ་ལྟར་བྱེད། བསྙེན་ཚད་དུས་བསྙེན་ཟླ་བཅུ། གྲངས་བསྙེན་འབུམ་ཕྲག་བརྒྱའམ། ལས་རུང་ཙམ་ལ་འབུམ་ཕྲག་བཅུ་བཟླ། མཚན་མའི་བསྙེན་པ་དངོས་ཉམས་རྨི་ལམ་དུ་ཞལ་མཐོང་གསུང་ཐོས་ཕྱག་མཚན་རྙེད་པ། རྨི་ལམ་དུ་ཉི་ཟླ་ཤར་བ། ཤིང་ཏོག་ཟོས་པ། འོ་མ་དང་བདུད་རྩི་བཏུང་བ་སོགས་དགེ་བའི་མཚན་མ་མཐོང་བའི་བར་བཟླ་བར་བྱའོ། །སྔགས་འཁོར་གསལ་འདེབས་ཚུལ་ནི། ཐུགས་ཀའི་ཐད་དུ་ཟླ་བའི་རང་བཞིན་གྱི་འཁོར་ལོ་དཀར་པོ་རྩིབས་བརྒྱད་པ་དབུས་སུ་ཏཱྃ། དེའི་མཐའ་བསྐོར་དུ་མ་མ་ཨཱ་ཡུར་པུཎྱེ་ཛྙཱ་ན་པུཥྟིཾ་ཀུ་རུ། དེའི་མདུན་དུ་ཨོཾ། རྒྱབ་ཏུ་ཧཱ། རྩིབས་བརྒྱད་ལ་ཏཱ་རེ་ལ་སོགས་ཡིག་འབྲུ་བརྒྱད་ཁ་དོག་དཀར་གསལ་མི་གཡོ་བར་གནས་པར་གསལ་བཏབ་ནས་འོད་ཟེར་སྤྲོ་བསྡུ་སོགས་གཞུང་ལྟར་བྱའོ། ། ༈

[edit]

thun mtshams su gtor ma 'bul/ thun mtshams su gtor ma 'bul na/__bzlas pa'i rjes su dbyangs gsal rten snying gis lhag chad kha bskang zhing byin brlabs brtan par bya/__rang gi thugs ka nas 'od zer 'phros pas 'phags ma yid bzhin 'khor lo la sangs rgyas dang byang chub sems dpa'i tshogs kyis bskor ba mdun gyi nam mkhar spyan drangs shing bzhugs par gyur/__maN+Dal rgyas bsdus gang rigs 'bul/__gtor ma bsang sbyang /__stong pa'i ngang las rin po che'i snod du 'bru gsum zhu ba las gtor ma bdud rtsi'i rgya mtsho 'dod yon sna tshogs pa'i sprin phung 'phro bar gyur/__oM AHhU~M/__gsum/__oM tA re tut+tA re tu re i daM ba liM ta kha kha khA hi khA hi/__lan bdun gyis gtso mo dang /__a kA ro lan gsum gyis 'khor rnams la dbul/__oM Ar+ya tA rA+e sa pa ri wa ra ar+g+haM sogs nas/__shab+da pra tits+tsha swA hAs mchod/__sangs rgyas thams cad khyod las skyes/__zhes sogs dang /__gang gi thugs rje'i 'od dkar gyis/__/ma lus 'gro ba'i don mdzad cing /__/mgon med rnams kyi mgon dang skyabs/__/rgyal ba sras dang bcas la 'dud/__/ces bstod/__mchod sbyin gtor ma 'di bzhes la/__/sogs kyis phrin las gsol/__rten yod na brtan bzhugs dang /__med na badz+ra muHsa gshegs su gsol bar bya'o/__/bsnyen pa'i tshe/__/'di nyid rnal 'byor bla med sgrol ma mngon 'byung sogs nas gsung pa'i lha yin kyang /__kun spyod rgyud sde 'og ma ltar byed pa bla ma brgyud pa'i phyag bzhes yin pas/__grub na khrus dang gtsang sbra sogs kun spyod rgyud sde 'og ma ltar byed/__bsnyen tshad dus bsnyen zla bcu/__grangs bsnyen 'bum phrag brgya'am/__las rung tsam la 'bum phrag bcu bzla/__mtshan ma'i bsnyen pa dngos nyams rmi lam du zhal mthong gsung thos phyag mtshan rnyed pa/__rmi lam du nyi zla shar ba/__shing tog zos pa/__'o ma dang bdud rtsi btung ba sogs dge ba'i mtshan ma mthong ba'i bar bzla bar bya'o/__/sngags 'khor gsal 'debs tshul ni/__thugs ka'i thad du zla ba'i rang bzhin gyi 'khor lo dkar po rtsibs brgyad pa dbus su tA~M/__de'i mtha' bskor du ma ma A yur puN+ye dz+nyA na puSh+tiM ku ru/__de'i mdun du oM/__rgyab tu hA/__rtsibs brgyad la tA re la sogs yig 'bru brgyad kha dog dkar gsal mi g.yo bar gnas par gsal btab nas 'od zer spro bsdu sogs gzhung ltar bya'o/__/_!