JKW-KABUM-22-ZA-012-100

🚧 This website is under continued development. We appreciate your patience!

Previous Text Back to Volume PageNext Text

Wylie title	bzhi pa'i dbang dang rjes su 'brel ba rdo rje'i thol glu rig stong zung 'jug
Location	mkhyen brtse'i bka' 'bum Volume 22, sde tshan 12, Text 100, Pages 617-618 (Folios 137a5 to 137b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bzhi pa'i dbang dang rjes su 'brel ba rdo rje'i thol glu rig stong zung 'jug. In 'jam dbyangs mkhyen brtse'i dbang po'i bka' 'bum, Vol. 22: 617-618. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་དབང་བཞིའི་ལམ་ཁྱེར་དང་མཐུན་པར་མདོ་ཙམ་དུ་སྨོས་པ་འདི་ཡང་དུས་ཀྱི་རྒྱལ་པོ་ཚེས་བཅུའི་འདུ་བའི་ཚེ་གང་ཤར་དུ་བླངས་པ་ཛ་ཡནྟུ།།
	ces dbang bzhi'i lam khyer dang mthun par mdo tsam du smos pa 'di yang dus kyi rgyal po tshes bcu'i 'du ba'i tshe gang shar du blangs pa dza yan+tu

1 Texts in this Section (sde tshan or chos tshan)

100 617-618	བཞི་པའི་དབང་དང་རྗེས་སུ་འབྲེལ་བ་རྡོ་རྗེའི་ཐོལ་གླུ་རིག་སྟོང་ཟུང་འཇུག། bzhi pa'i dbang dang rjes su 'brel ba rdo rje'i thol glu rig stong zung 'jug Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བཞི་པའི་དབང་དང་རྗེས་སུ་འབྲེལ་བ་རྡོ་རྗེའི་ཐོལ་གླུ་རིག་སྟོང་ཟུང་འཇུག་ཅེས་བྱ་བ། ཨ་ཧོ། རྟག་ཆད་མཚན་མའི་ཆོས་ཀུན་ཟུང་འཇུག་ཏུ་རོལ་པས། །འཕོ་མེད་ལྷན་སྐྱེས་བདེ་སྟོང་དབྱེར་མེད་ཀྱི་ངོ་བོ། །ཉེར་ལེན་ཟག་བྲལ་བློ་འདས་གཉུག་མ་ཡི་གཤིས་ལུགས། །རིག་སྟོང་ཟུང་འཇུག་ཉིད་སྐུའི་བླ་མ་དེ་མཁྱེན་ནོ། །ཡེ་ཤེས་རྡོ་རྗེར་རོལ་པར་བྱིན་གྱིས་རང་རློབས་ཤིག །ངོ་བོ་སྟོང་ཉིད་བརྗོད་བྲལ་སྐྱེ་མེད་ཀྱི་ངང་ནས། །རང་བཞིན་གསལ་ཁྱབ་ཕྲ་བའི་ཡེ་ཤེས་སུ་སྨིན་པས། །ཐུགས་རྗེ་འཁོར་འདས་མཉམ་ཉིད་སྣ་ཚོགས་ཀྱི་རོལ་པ། །བསམ་གྱིས་མི་ཁྱབ་ཐ་མལ་ཡིད་དཔྱོད་ཀྱིས་མི་མཚོན། །ངང་བཞག་འདུ་འབྲལ་སྤངས་པའི་ཆོས་སྐུ་ཡི་ཀློང་དུ། །ལམ་མཆོག་གྲོལ་བཞིའི་གདིང་གིས་རྟོག་ཚོགས་ཀྱི་འཁྲུལ་པ། །སྐྱེ་འགག་སྔ་ཕྱི་བྲལ་བའི་ལྷུན་གྲུབ་ཀྱི་རོལ་པས། །དབྱེར་མེད་རྣམ་པ་ཀུན་གྱི་མཆོག་ལྡན་དུ་ཤར་རོ། །སྒྲོན་བཞིའི་འཛུམ་ཟེར་གསར་པའི་ཕོ་ཉ་ཡིས་བསུས་པས། །སྣང་བཞིའི་ལམ་དུ་མཚན་མའི་འཁྲུལ་ཆོས་ཀུན་ཟད་དེ། །ཐིག་ལེ་བཞི་ཡི་འགྲོས་ཀུན་དབུ་མ་རུ་བསྡམས་ནས། །ནང་གསལ་ཁྱད་ཆོས་དྲུག་ལྡན་སྐུ་བཞི་རུ་ཐིམ་མོ། །མཐར་ཐུག་གཟུང་འཛིན་ཡུལ་ལས་རྣམ་གྲོལ་གྱི་རིག་པ། །སོ་སྐྱེའི་བློ་ཡིས་མ་གོས་བསམ་བྲལ་གྱི་ངོ་བོར། །སྐུ་དང་ཡེ་ཤེས་མཛད་པ་ཕྲིན་ལས་ལ་རོལ་བས། །ལྷུན་གྱིས་གྲུབ་པའི་ཡེ་ཤེས་བརྙེས་པ་རུ་ཤོག་ཅིག །ཅེས་དབང་བཞིའི་ལམ་ཁྱེར་དང་མཐུན་པར་མདོ་ཙམ་དུ་སྨོས་པ་འདི་ཡང་དུས་ཀྱི་རྒྱལ་པོ་ཚེས་བཅུའི་འདུ་བའི་ཚེ་གང་ཤར་དུ་བླངས་པ་ཛ་ཡནྟུ།། །། ༈

[edit]

tshig dbang lam khyer gyi rdo rje'i thol glu rig stong zung 'jug/_ bzhi pa'i dbang dang rjes su 'brel ba rdo rje'i thol glu rig stong zung 'jug ces bya ba/__a ho/__rtag chad mtshan ma'i chos kun zung 'jug tu rol pas/__/'pho med lhan skyes bde stong dbyer med kyi ngo bo/__/nyer len zag bral blo 'das gnyug ma yi gshis lugs/__/rig stong zung 'jug nyid sku'i bla ma de mkhyen no/__/ye shes rdo rjer rol par byin gyis rang rlobs shig__/ngo bo stong nyid brjod bral skye med kyi ngang nas/__/rang bzhin gsal khyab phra ba'i ye shes su smin pas/__/thugs rje 'khor 'das mnyam nyid sna tshogs kyi rol pa/__/bsam gyis mi khyab tha mal yid dpyod kyis mi mtshon/__/ngang bzhag 'du 'bral spangs pa'i chos sku yi klong du/__/lam mchog grol bzhi'i gding gis rtog tshogs kyi 'khrul pa/__/skye 'gag snga phyi bral ba'i lhun grub kyi rol pas/__/dbyer med rnam pa kun gyi mchog ldan du shar ro/__/sgron bzhi'i 'dzum zer gsar pa'i pho nya yis bsus pas/__/snang bzhi'i lam du mtshan ma'i 'khrul chos kun zad de/__/thig le bzhi yi 'gros kun dbu ma ru bsdams nas/__/nang gsal khyad chos drug ldan sku bzhi ru thim mo/__/mthar thug gzung 'dzin yul las rnam grol gyi rig pa/__/so skye'i blo yis ma gos bsam bral gyi ngo bor/__/sku dang ye shes mdzad pa phrin las la rol bas/__/lhun gyis grub pa'i ye shes brnyes pa ru shog cig__/ces dbang bzhi'i lam khyer dang mthun par mdo tsam du smos pa 'di yang dus kyi rgyal po tshes bcu'i 'du ba'i tshe gang shar du blangs pa dza yan+tu//__//___!_