JKW-KABUM-15-BA-030-007

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs rje chen po sdug bsngal rang grol gyi bsnyen pa bya tshul
Location	mkhyen brtse'i bka' 'bum Volume 15, sde tshan 30, Text 7, Pages 577-581 (Folios 9a2 to 11a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jam dbyangs mkhyen brtse'i dbang po. thugs rje chen po sdug bsngal rang grol gyi bsnyen pa bya tshul. In 'jam dbyangs mkhyen brtse'i dbang po'i bka' 'bum, Vol. 15: 577-581. Khams sde dge rdzong sar dgon: Rdzong sar blo gros phun tshogs, 2020.
Genre	Recitation Manual - bsnyen yig
Cycle	གསང་སྒྲུབ་ཐུགས་རྗེ་ཆེན་པོ་སྡུག་བསྔལ་རང་གྲོལ་ (gsang sgrub thugs rje chen po sdug bsngal rang grol)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Deity	thugs rje chen po

1 Texts in this Section (sde tshan or chos tshan)

7 577-581	ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་བསྙེན་པ་བྱ་ཚུལ། thugs rje chen po sdug bsngal rang grol gyi bsnyen pa bya tshul Recitation Manual - bsnyen yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཨོཾ་སྭསྟི། ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་བསྙེན་པ་བྱ་ཚུལ་ལ། བསྙེན་པ་རྐྱང་པ་གཏོང་ཚུལ་དང་། བསྙེན་སྒྲུབ་ལས་གསུམ་སྦྲགས་ནས་བྱ་ཚུལ་ལོ། །དང་པོ་ནི། གནས་དབེན་པར་བསམ་གཏན་གྱི་ཁང་བུར་ཕྱག་དར་བྱ་ཞིང་། ཐུགས་རྗེ་ཆེན་པོའི་སྣང་བརྙན་སོགས་སྐུ་གསུང་ཐུགས་ཀྱི་རྟེན་ཇི་ལྟར་རིགས་པ་དགྲམ། བསྙེན་རྐྱང་ཙམ་ལ་མདུན་བསྐྱེད་ཀྱི་རྟེན་བཤམ་མ་གྲུབ་ཀྱང་འགལ་བ་མེད་པས། སྨན་རག་གཏོར་གསུམ་དང་། ཆུ་གཉིས་སྔོན་འགྲོའི་ཉེར་སྤྱོད་བཀོད་མཛེས་སུ་བཤམ། གཟའ་སྐར་བཟང་བའི་ཕྱི་དྲོའི་ཆར་སྔོན་འགྲོ་དང་། ལས་བྱང་གི་སྐྱབས་སེམས་ཡན་ལག་བདུན་པ་བཅས་སོང་མཚམས། དཀར་གཏོར་སྡེ་བརྒྱད་གསེར་སྐྱེམས་དང་། དེ་ནས་རང་ཉིད་རྟ་མགྲིན་དུ་གསལ་བས་བགེགས་གཏོར་བྱིན་རླབས་བསྔོ་ཞིང་ཕྱི་རོལ་དུ་དོར་བ་དང་ལྷན་ཅིག་སྒོ་རྩར་རྒྱལ་ཆེན་ཐོ་འཛུགས་རྒྱས་བསྡུས་གང་རིགས་བྱ། ནང་དུ་ལོགས་ལ་སྲུང་འཁོར་ནས་བཟླས་པའི་བར། བཟླས་པ་འོས་མཚམས་རྗེས་མཆོད་བསྟོད་དང་། གསོལ་འདེབས་ཞལ་མཐོང་མ། ནོངས་བཤགས་ནས་བཀྲ་ཤིས་བར་ལས་བྱང་ལྟར་བྱའོ། །དེ་ནས་སྲོད་ཐུན་ལའང་ལས་བྱང་གཞུང་བསྲངས་ལ་སྐྱབས་སེམས་ནས་བཟུང་གོང་ལྟར་ལ། འདི་མན་ཐུན་རྣམས་ལ་བགེགས་གཏོར་དངོས་སུ་བསྔོ་མི་དགོས་པས། ཨོཾ་ཨཱཿཧཱུྃ་གིས་བྱིན་རླབས་དང་། འདོད་ཡོན་གཏོར་མ་འདི་ལོངས་ལ༔ ཞེས་པའི་ཚིག་རྐང་བསྐྱུར་བས་འཐུས། སང་ཉིན་ནས་བཟུང་ཐོར་ཐུན། སྔ་ཐུན། ཕྱི་ཐུན། སྲོད་ཐུན་ཏེ་ཐུན་བཞིའི་རིམ་པས་ལས་བྱང་གཞུང་བསྲངས་ལ་གཙོ་བོར་ཡིག་བདུན་ཁོ་ན་བཟླ། ཐུན་གཤམ་དུ་ལྷ་མོ་བཞིའི་སྔགས་ཀྱང་ཕྲེང་སྐོར་རེ་ཙམ་བཟླས་པས་འཐུས། དེ་ལྟ་བུའི་རིམ་པས་གྲངས་བསྙེན་བྱེད་པའམ། དུས་བསྙེན་བྱེ་བ་བཞི། རྟགས་བསྙེན་གཞུང་གསལ་ལྟར་ཏེ་འདི་གསུམ་གང་འགྲུབ་རང་གི་བློ་ནུས་དང་བསྟུན་ནས་རུང་། གང་ལྟར་ཡང་། རྩ་བའི་གྲངས་བསྙེན་རྫོགས་ནས་ལྷ་མོ་བཞིའི་སྔགས་གཙོ་བོར་བཏོན་ནས། སོ་སོར་རྩ་བསྙེན་གྱི་བཅུ་ཆ་རེ་ཙམ་བཟླ་གྲུབ་ན་ལེགས། དེ་ནས་མཚམས་གྲོལ་ཁར་སང་གྲོལ་རྒྱུའི་དོ་ནུབ་ནས་ཚོགས་གཏོར་གསར་བ་ཅི་འབྱོར་བཤམ། ནང་པར་སྔ་བར་ལངས་ལ་ལས་བྱང་གཞུང་བསྲང་བ་ནས་ཚོགས་མཆོད་སྐོང་བའི་བར་བྱ། དེ་ནས་ཡེ་ཤེས་སྐུ་མཆོག་དང་ཡི་གེ་བརྒྱ་པས་འཁོན་གཅུགས་སྦྱངས། དངོས་གྲུབ་ཀྱི་རྫས་ལ་བྱིན་འབེབས་ལས་བྱང་ལྟར་བྱ། སྔགས་རྣམས་ཀྱི་མཐར། ཀཱ་ཡ་ཝཱ་ཀ་ཙིཏྟ་ཨ་ལ་ལ་སིདྡྷི་ཕ་ལ་ཧཱུྃ། ཞེས་བཏགས་པ་བརྒྱ་སྟོང་སོགས་གང་འགྲུབ་བཟླས་པས་ཐུགས་རྒྱུད་བསྐུལ། སྐྱ་རེངས་ཤར་བ་དང་བསྟུན་མཆོད་བསྟོད་སྔོན་དུ་འགྲོ་བས། ཧཱུྃ༔ ཐུགས་རྗེ་ཆེན་པོའི་ལྷ་ཚོགས་རྣམས༔ བསྙེན་ཅིང་སོགས་པའི་ཚིག་གིས་དངོས་གྲུབ་བསྐུལ་ཏེ། མདུན་གྱི་སྒྲུབ་གཏོར་ཡོད་ན་དེ་ཉིད་ལྷར་གསལ་བའམ། སྒྲུབ་གཏོར་ལོགས་སུ་མེད་ནའང་སྨན་རག་གཏོར་གསུམ་གྱི་གཏོར་མ་དེ་ཀ་སྐད་ཅིག་གིས་ལྷར་གསལ་བ་གནས་གསུམ་དུ་བཞག་ཅིང་། གཏོར་ཟན་དངོས་གྲུབ་ཏུ་བསམས་ལ་ཅུང་ཟད་མྱངས་ཤིང་སྔར་ཤུལ་དུ་བཞག་ཚོགས་ལ་རོལ། ལྷག་མ་ནས་བཟུང་གཏོར་བྲོ་བར་གཞུང་ལྟར་དང་མཆོད་བསྟོད། ནོངས་བཤགས་ནས་བཀྲ་ཤིས་བར་མཐར་དབྱུང་། སྦྱིན་སྲེག་གྲུབ་ན་འདི་ཉིན་ནས་བཟུང་སྟེ་ཉིན་གཉིས་གསུམ་བྱ་ཞིང་། དེའང་རིག་འཛིན་ཞི་དྲག་གི་སྦྱིན་སྲེག་གམ། ཡུམ་ཀའི་མེ་མཆོད་ལ་ཁ་བསྒྱུར་བས་མཐུས། མ་གྲུབ་ན་སྔགས་ཀྱི་ལྷག་ཆད་ཁ་བསྐངས་བར་དམིགས་ཏེ་ཡི་གེ་བརྒྱ་པ་མང་དུ་བཟླ། དེ་ནས་རྒྱལ་ཐོའི་བར་གཏང་རག་གི་མཆོད་གཏོར་བཤམས་ལ་ཕུལ་ཞིང་། ནོངས་བཤགས། གཤེགས་གསོལ་བྱས་ནས་མཚམས་རིམ་གྱིས་གྲོལ་ལོ། ། ༈ ཚོགས་ནི་བྱུང་ན་ཉིན་རེ་བཞིན་ཕྱི་ཐུན་གྱི་མཇུག་ཏུ་ཚར་རེ་ཆགས་མེད་བྱ། དེ་ཙམ་མ་བྱུང་ན་ཡར་མར་གྱི་ཚེས་བཅུ་ལྟ་བུའི་དུས་ཆེན་གྱི་སྐབས་ཅི་འགྲུབ་བྱས་པས་འཐུས། ། ༈ གཏོར་མ་སྒྲུབ་གཏོར་དཔེའུ་རིས་ལྟར་བཅས་པ་ཡོད་ན་སྟེགས་ཀྱི་གོང་དུ་བཤམས་ནས་བདག་མདུན་དབྱེར་མེད་ཀྱི་ལྷར་བསྐྱེད། དེའི་མདུན་བང་རིམ་ལྟ་བུའི་སྟེང་དུ་སྨན་རཀ་གཏོར་གསུམ་སྤྱི་འགྲེ་དང་། དེའི་མདུན་དུ་ཉེར་སྤྱོད་སྦྲེང་ཚར་དུ་བཤམ། སྒྲུབ་གཏོར་བཅའ་མ་གྲུབ་ཀྱང་འགལ་བ་ཆེར་མེད་པས་སྨན་རཀ་གཏོར་གསུམ་སྤྱི་ཁྱབ་ཁོ་ནས་ཀྱང་ཆོག་གོ། །། ༈ གཞན་ལས་བྱང་གི་དོན་ནི་གོ་དོན་དཀའ་འགྲེལ་སོགས་ལས་ཤེས་ཤིང་། མཚམས་ཀྱི་སྐབས་སྤང་བླང་བྱ་ཚུལ་སོགས་བསྙེན་མཚམས་སྤྱི་ལྟར་ཤེས་པར་བྱའོ། ། ༈ གཉིས་པ་བསྙེན་སྒྲུབ་ལས་གསུམ་སྦྲགས་ནས་བྱ་ཚུལ་ནི་པྲ་ཁྲིད་བཞིན་ཡིན་ཀྱང་སྒྲུབ་རྫས་བླ་རྡོ་སྲོག་འཁོར་སོགས་ཐུང་གིས་འཛོམ་དཀའ་ཞིང་། འདོན་ལུགས་སོགས་ཀྱང་ངག་ཁྲིད་ཞིབ་ཆ་བྱུང་ན་མ་གཏོགས་ཡི་གེ་ཉུང་ངུས་ཤེས་པར་མི་ནུས་པས། དེས་ན་ད་རེས་རེ་ཞིག་གོང་གསལ་བསྙེན་རྐྱང་ཙམ་མཛད་ནས་སླར་རིམ་གྱིས་བསྙེན་སྒྲུབ་ལས་གསུམ་རྒྱས་པར་མཛད་ན་ལེགས་སོ། །མངྒ་ལཾ། ། ༈

[edit]

thugs rje chen po sdug bsngal rang grol gyi bsnyen pa bya tshul/ @#/_/oM swasti/__thugs rje chen po sdug bsngal rang grol gyi bsnyen pa bya tshul la/__bsnyen pa rkyang pa gtong tshul dang /__bsnyen sgrub las gsum sbrags nas bya tshul lo/__/dang po ni/__gnas dben par bsam gtan gyi khang bur phyag dar bya zhing /__thugs rje chen po'i snang brnyan sogs sku gsung thugs kyi rten ji ltar rigs pa dgram/__bsnyen rkyang tsam la mdun bskyed kyi rten bsham ma grub kyang 'gal ba med pas/__sman rag gtor gsum dang /__chu gnyis sngon 'gro'i nyer spyod bkod mdzes su bsham/__gza' skar bzang ba'i phyi dro'i char sngon 'gro dang /__las byang gi skyabs sems yan lag bdun pa bcas song mtshams/__dkar gtor sde brgyad gser skyems dang /__de nas rang nyid rta mgrin du gsal bas bgegs gtor byin rlabs bsngo zhing phyi rol du dor ba dang lhan cig sgo rtsar rgyal chen tho 'dzugs rgyas bsdus gang rigs bya/__nang du logs la srung 'khor nas bzlas pa'i bar/__bzlas pa 'os mtshams rjes mchod bstod dang /__gsol 'debs zhal mthong ma/__nongs bshags nas bkra shis bar las byang ltar bya'o/__/de nas srod thun la'ang las byang gzhung bsrangs la skyabs sems nas bzung gong ltar la/__'di man thun rnams la bgegs gtor dngos su bsngo mi dgos pas/__oM AHhU~M gis byin rlabs dang /__'dod yon gtor ma 'di longs la:__zhes pa'i tshig rkang bskyur bas 'thus/__sang nyin nas bzung thor thun/__snga thun/__phyi thun/__srod thun te thun bzhi'i rim pas las byang gzhung bsrangs la gtso bor yig bdun kho na bzla/__thun gsham du lha mo bzhi'i sngags kyang phreng skor re tsam bzlas pas 'thus/__de lta bu'i rim pas grangs bsnyen byed pa'am/__dus bsnyen bye ba bzhi/__rtags bsnyen gzhung gsal ltar te 'di gsum gang 'grub rang gi blo nus dang bstun nas rung /__gang ltar yang /__rtsa ba'i grangs bsnyen rdzogs nas lha mo bzhi'i sngags gtso bor bton nas/__so sor rtsa bsnyen gyi bcu cha re tsam bzla grub na legs/__de nas mtshams grol khar sang grol rgyu'i do nub nas tshogs gtor gsar ba ci 'byor bsham/__nang par snga bar langs la las byang gzhung bsrang ba nas tshogs mchod skong ba'i bar bya/__de nas ye shes sku mchog dang yi ge brgya pas 'khon gcugs sbyangs/__dngos grub kyi rdzas la byin 'bebs las byang ltar bya/__sngags rnams kyi mthar/__kA ya wA ka tsit+ta a la la sid+d+hi pha la hU~M/__zhes btags pa brgya stong sogs gang 'grub bzlas pas thugs rgyud bskul/__skya rengs shar ba dang bstun mchod bstod sngon du 'gro bas/__hU~M:__thugs rje chen po'i lha tshogs rnams:__bsnyen cing sogs pa'i tshig gis dngos grub bskul te/__mdun gyi sgrub gtor yod na de nyid lhar gsal ba'am/__sgrub gtor logs su med na'ang sman rag gtor gsum gyi gtor ma de ka skad cig gis lhar gsal ba gnas gsum du bzhag cing /__gtor zan dngos grub tu bsams la cung zad myangs shing sngar shul du bzhag tshogs la rol/__lhag ma nas bzung gtor bro bar gzhung ltar dang mchod bstod/__nongs bshags nas bkra shis bar mthar dbyung /__sbyin sreg grub na 'di nyin nas bzung ste nyin gnyis gsum bya zhing /__de'ang rig 'dzin zhi drag gi sbyin sreg gam/__yum ka'i me mchod la kha bsgyur bas mthus/__ma grub na sngags kyi lhag chad kha bskangs bar dmigs te yi ge brgya pa mang du bzla/__de nas rgyal tho'i bar gtang rag gi mchod gtor bshams la phul zhing /__nongs bshags/__gshegs gsol byas nas mtshams rim gyis grol lo/___/__!_tshogs ni byung na nyin re bzhin phyi thun gyi mjug tu tshar re chags med bya/__de tsam ma byung na yar mar gyi tshes bcu lta bu'i dus chen gyi skabs ci 'grub byas pas 'thus/___/__!_gtor ma sgrub gtor dpe'u ris ltar bcas pa yod na stegs kyi gong du bshams nas bdag mdun dbyer med kyi lhar bskyed/__de'i mdun bang rim lta bu'i steng du sman raka gtor gsum spyi 'gre dang /__de'i mdun du nyer spyod sbreng tshar du bsham/__sgrub gtor bca' ma grub kyang 'gal ba cher med pas sman raka gtor gsum spyi khyab kho nas kyang chog go/__//_!_gzhan las byang gi don ni go don dka' 'grel sogs las shes shing /__mtshams kyi skabs spang blang bya tshul sogs bsnyen mtshams spyi ltar shes par bya'o/___/__!_gnyis pa bsnyen sgrub las gsum sbrags nas bya tshul ni pra khrid bzhin yin kyang sgrub rdzas bla rdo srog 'khor sogs thung gis 'dzom dka' zhing /__'don lugs sogs kyang ngag khrid zhib cha byung na ma gtogs yi ge nyung ngus shes par mi nus pas/__des na da res re zhig gong gsal bsnyen rkyang tsam mdzad nas slar rim gyis bsnyen sgrub las gsum rgyas par mdzad na legs so/__/mang+ga laM/___/__!