JKW-KABAB-20-WA-016

🚧 This website is under continued development. We appreciate your patience!

Previous Text Back to Volume PageNext Text

Wylie title	na mo gu ru badz+ra ku mA ra ya/ snyan brgyud phur pa'i gnad tig gi bsnyen sgrub nyams su len pa la sogs
Location	mkhyen brtse'i bka' babs Volume 20, Text 16, Pages 203-211 (Folios 1a1 to 5a1)
Author	འཇམ་མགོན་ཀོང་སྤྲུལ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Associated People	པྲ་བྷ་ཧསྟི་ (Prabhahasti)
Citation	'jam mgon kong sprul. na mo gu ru badz+ra ku mA ra ya snyan brgyud phur pa'i gnad tig gi bsnyen sgrub nyams su len pa la sogs. In Rdzong sar 'jam dbyangs mkhyen brtse'i dbang po'i bka' babs, Vol. 20: 203-211. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Recitation Manual - bsnyen yig
Cycle	ཕྲིན་ལས་ཕུར་པའི་གནད་ཏིག་ (phrin las phur pa'i gnad tig)
Deity	rdo rje phur pa
Karchag page	JKW-KABAB-Volume-20-WA-Karchag
Colophon	།ཞེས་པའང་ལུང་ཟིན་སྤྲུལ་པའི་ཆོས་རྒྱལ་རིན་པོ་ཆེ་དཔལ་ལྡན་འཆི་མེད་རྟག་པའི་རྡོ་རྗེས་ཉམས་བཞེས་གསལ་འདེབས་སུ་ཀུ་སཱ་ལི་བློ་གྲོས་མཐའ་ཡས་ཀྱིས་ཕུལ་བ་དགེ་ལེགས་འཕེལ། །སརྦ་དཱ་མངྒ་ལཾ།།
	zhes pa'ang lung zin sprul pa'i chos rgyal rin po che dpal ldan 'chi med rtag pa'i rdo rjes nyams bzhes gsal 'debs su ku sA li blo gros mtha' yas kyis phul ba dge legs 'phel/__/sarba dA mang+ga laM/

Tibetan Text

Wylie

[edit]

༄༅༅། །ན་མོ་གུ་རུ་བཛྲ་ཀུ་མཱ་ར་ཡ། སྙན་བརྒྱུད་ཕུར་པའི་གནད་ཏིག་གི་བསྙེན་སྒྲུབ་ཉམས་སུ་ལེན་པ་ལ་སྦྱོར་དངོས་རྗེས་གསུམ་ལས། དང་པོ་སྦྱོར་བ་ཡོ་བྱད་ཀྱི་གཤོམ་ནི། དམ་ཚིག་གི་བྲིས་སྐུ་སོགས་རྟེན་བཀྲམས་པའི་མདུན་གྱི་སྟེགས་བུའམ་གཏོར་གདན་དུ་འཛོམ་ན་རས་བྲིས་ཀྱི་དཀྱིལ་འཁོར་བཀྲམ། མ་འཛོམ་ན་མཎྜལ་སྟེང་མེ་ཏོག་སྔོན་པོའི་ཚོམ་བུ་གཙོ་བོ་གཅིག །འཁོར་བཅུ་དང༌། དེ་རྒྱབ་སྒོ་བཞིའི་ཚུལ་དུ་བཞི་བཀོད་པའི་ཁར་འཕྲུལ་སྟེགས་སྟེང་ཨེ་ཁྲོམ་ལ་བསྙེན་ཕུར་ཡུངས་དཀར་གྱི་ཐུམ་བཏགས་པ་ལ་བྱུགས་བདུག་བྲབ་གསུམ་གྱིས་གཟི་བྱིན་བསྐྱེད་པ་བཀོད། མདུན་དུ་མཆོད་གཏོར་དཔལ་བཤོས་མཐེབ་ཀྱུས་བཅུས་བསྐོར་བའི་གཡས་སུ་སྨིན་ལུགས་དམ་ཅན་སྤྱི་གཏོར། གཡོན་དུ་ཕུར་སྲུང་བཅུ་དྲུག་གི་གཏོར་སྤུངས། གསུམ་ཀ་དར་གདུགས་མཐིང་ག་བཅས། དེའི་གཡས་གཡོན་དུ་སྨན་རག་ཆུ་གཉིས་ཉེར་སྤྱོད་ཕྲེང་ཚར་རམ་བསྐོར་བཤམ། རྒྱབ་ངོས་སུ་ཚེ་འབྲང་བུམ་གཟུགས། གཡས་གཡོན་དུ་མངར་གསུམ་དང་སྦྱར་བའི་ཚེ་རིལ་ཆང༌། ཚེ་འདའ་དར་སྣ་མེ་ལོང་གཡུ་བྱང་ནྲྀ་ཡིག་བཏགས་པ་རྣམས་བཞག །གཞན་ཡང་སྔོན་འགྲོ་དཀར་བགེགས། གཏེར་སྲུང་གཏོར་འབུལ། ཚོགས་བྱེད་ན་དེའི་ཆས་དང༌། ཆད་བརྟན། ཉེར་མཁོ་རྣམས་ཚོགས་པར་བྱའོ། །གཉིས་པ་ལ་བསྙེན་སྒྲུབ་ལས་སྦྱོར་གསུམ་ལས། དང་པོ་ནི། སྔོན་འགྲོ་སྣ་སེལ་སཱཙྪ་ཆུ་གཏོར། གསུང་རབས་ཀློག་པ། བཤགས་སྦྱོང་སོགས་སྤྱི་འགྲེ་ལྟར་ཅི་འགྲུབ་བྱ། ཕྱི་དྲོ་ཞིག་ནས་ཐུན་གྱི་དབུ་བརྩམས་ཏེ་རྣམ་འཇོམས་ཀྱིས་བསྒྲུབས་པའི་ཁྲུས་ཆབ་ཀྱིས་གནས་ཁང་ཡོ་བྱད་ཐམས་ཅད་ལ་འཐོར། དཀར་གཏོར་སྤྱི་འགྲོ་བཏང༌། སྒོ་དྲུང་དུ་ཐོ་དཀར་པོ་བཙུག་པ་ལ་རྒྱལ་ཆེན་བསྐྱེད་བསྟིམས་སམ་གཏོར་འབུལ་ཡང་སྤྱི་ལྟར་བྱ་ཚིག་བདུན་དང་སྤྲོས་བྲལ་བདེ་ཆེན་ལྟ་བུའི་བརྒྱུད་འདེབས་བཏང༌།་་་་བརྒྱུད་འདེབས་དང་ལས་བྱང་རྗེས་སུ་ཆོག་བསྒྲིག་བྱས་པ་ཡོད་པས་ཡིག་ཆ་གཞན་དུ་བཙལ་མི་དགོས་མཆན། སྐྱབས་འགྲོ་སེམས་བསྐྱེད་ཡང་དག་ཟབ་ཏིག་ཁ་བསྒྱུར་ཅན་ཚར་གསུམ། བགེགས་གཏོར་བྱིན་བརླབས་བསྔོ་བ་རྣམས་སྨིན་ལུགས་ལྟར་སྤྱི་འགྲོ་བྱས། གུ་གུལ་བདུག །ཡུངས་ཐུན་དང་སུམ་བྷ་ནིའི་དྲག་སྔགས་ཀྱིས་བགེགས་བསྐྲད། གཏེར་གཞུང་སྲུང་བའི་སྐབས་ལྟར་སྲུང་འཁོར་བསྒོམས་ལ་སྲུང་སྔགས་ལན་མང་དུ་བརྗོད། ཉིན་དང་པོ་ཕུར་པ་བྱིན་བརླབ་ནི། བསྡུས་པ་གཏེར་གཞུང་དབུ་ནས་འབྱུང་བ་དེས་ཀྱང་འཐུས་མོད། ས་ཕུར་ལྟར་གྲུབ་ན་ལེགས་པས་སྔགས་སོ་སོར་བརྗོད་ལ་བྱུག་བདུག་བྲབ་གསུམ་དང༌། བྱིན་རླབས་རྣམས་དེ་ལྟར་བྱས་ལ། ཨེ་ཁྲམ་དུ་བརྟན་པར་གཟུག །གཏེར་གཞུང༌། སངས་རྒྱས་ཐམས་ཅད་འདུས་པའི་བདག༔ སོགས་དང་སྔགས་མང་དུ་བརྗོད། དེ་ནས་མཆོད་པ་བྱིན་རླབས། རྃ་ཡྃ་ཁྃ༔ རྣམ་དག་ཆོས་དབྱིངས་ངང་ཉིད་ལས༔ རང་བྱུང་མཆོད་པའི་སྤྲིན་ཕུང་འདི༔ ཀུན་བཟང་མཆོད་པའི་སྤྲིན་ལྟ་བུས༔ དཔག་ཡས་ནམ་མཁའ་གང་བར་གྱུར༔ ཨོཾ་བཛྲ་ཨརྒྷཾ་སོགས་ནས། ཤཔྡ་པཱུ་ཛ་ས་མ་ཡེ་ཧཱུྃ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ། ལན་གསུམ་བརྗོད། དེ་ནས་མངོན་རྟོགས་ཏིང་ངེ་འཛིན་རྣམ་གསུམ་ནས་བདག་མདུན་དབྱེར་མེད་དུ་བྱས་ལ་དམ་ཚིག་གི་དཀྱིལ་འཁོར་རྫོགས་པར་བསྐྱེད། ཡེ་ཤེས་པ་སྤྱན་དྲངས་ནས་བསྟིམ། ཕྱག་མཆོད་བསྟོད་པའི་བར་དུ་བཏང༌། དེ་ནས་ཛབ྄་དམིགས་བསྙེན་པ་མ་རྫོགས་བར་དུ་སྔགས་ཕྲེང་ཡབ་ཡུམ་ཞལ་དུ་འཁོར་བ་དོ་ལིའམ་མགལ་མེ་བསྐོར་བ་ལྟ་བུ་ཁོ་ནར་དམིགས་པ་གཏད་ལ་ཀཱི་ལ་འབྲུ་དགུ་པ་བཟླ་དགོས་པས། ཐོག་མར་ཕྲེང་བ་བྱིན་རླབས་སྤྱི་འགྲེའམ། དབྱངས་གསལ་དང༌། ཨོཾ་རུ་ཙི་ར་མ་ཎ་པྲ་བརྟ་ན་ཡེ་སྭཱ་ཧཱ། ཞེས་ལན་བདུན་བརྗོད་པས་བྱིན་བརླབས་ནས་བཟླས་པ་ལ་འཇུག །ཐུན་མཐར་སྒྲུབ་སྔགས་ཕྲེང་སྐོར་ཙམ་བཟླ། དབྱངས་གསལ་ཡིག་བརྒྱ་རྟེན་སྙིང་རྣམས་ལན་གསུམ་གསུམ་བརྗོད་པས་ལྷག་ཆད་ཁ་བསྐང་ཞིང་བརྟན་པར་བྱ། ཡེ་ཤེས་ལྷ་ཚོགས་སོགས་ཀྱིས་སྟོང་ཚིག་ཕུལ། དགོང་ཐུན་འདིའི་མཇུག་ཏུ་བཀའ་སྲུང་སྤྱི་བྱེ་བྲག་གི་གཏོར་འབུལ་རེ་གྲུབ་དགོས་པས། སྤྱིར་སྨིན་ལུགས་དམ་ཅན་སྤྱི་གཏོར་ཉིད་ལེགས་ཤིང༌། བསྟོད་པའི་འཕྲོས་སུ་བྱེ་བྲག་ཕུར་སྲུང་གཏོར་ཆོག་རེ་དགོས་པས། སྐབས་འདིར་ཕུར་སྲུང་གཏོར་འབུལ་ས་ཕུར་ལྟར་མཛད་ན་ལེགས་ཤིང༌། ཉུང་དགོས་སྐབས་སྨིན་ལུགས་རྗེས་འབྲང་ནང་གསལ་དེས་ཀྱང་ཆོག །སྐབས་འདིར་དགོང་རེ་བཞིན་གྲུབ་ན་ལེགས་ཤིང༌། མ་གྲུབ་ན་ཉིན་དང་པོ་དང༌། ཉ་སྟོང་བརྒྱད་གསུམ། བསྙེན་སྒྲུབ་ལས་གསུམ་སོ་སོར་གྲུབ་པའི་སྐབས་ཐམས་ཅད་ཀྱི་རྗེས་རྣམས་ལ་ཚོགས་མཆོད་རེ་ཕུལ་དགོས་པས་འདོན་ཆ་ཡང་དག་ཟབ་ཏིག་ནས་ལེན་དགོས། ཚོགས་ཀྱི་ཐོག་མར་བརྗོད་མེད་དོན་བཤགས་ཡེ་ཤེས་སྐུ་མཆོག་ཚར་རེ་གསུངས་པ་ཕྱག་ལེན་ཡིན་ཅིང༌། དེ་འཕྲོས་སྨན་གཏོར་རཀྟ་མར་མེའི་སྐོང་བ་བཅས་པའང་ཚར་རེ་མ་ཆགས་ན་ལེགས། དེ་ནས་ཚོགས་བྱིན་རླབས་ནས་ལྷག་མའི་བར་དུ་གཏོང༌། ལྷག་མ་སྒྲུབ་པ་མ་གྲོལ་བར་སྣོད་གཅིག་ཏུ་ཁེབས་ཀྱིས་བཀབ། དེ་ནས་ཚོགས་མགྲོན་ལ་གཏང་རག་མཆོད་བསྟོད་ལས་བྱང་ལྟར་དང༌། མ་རྙེད་ཡོངས་སུ་སོགས་དང་ཡིག་བརྒྱ་བརྗོད་ལ་ནོངས་བཤགས་བྱ། འདིར་ནི་རྟེན་དང་སོགས་ཀྱིས་བརྟན་བཞུགས་བྱ། བདག་བསྐྱེད་འོད་གསལ་དུ་བསྡུ་ཞིང་ཐུན་མཚམས་ཀྱི་ལྷར་ལྡངས་པ་དང༌། བསྔོ་སྨོན་ཤིས་བརྗོད་རྣམས་ཟབ་ཏིག་ལྟར་བྱ། ཟབ་ཏིག་ལས་བླང་དགོས་རིགས་ཚོགས་མ་གཏོགས་གཞན་ཀུན་མཁྱེན་བླ་མ་ཉིད་ཀྱིས་མཛད་པའི་རྒྱུན་ཁྱེར་ལ་ཆ་ཚང་ཡོད་པས་དེ་ལྟར་གནང་བས་འཐུས། འདི་མན་ཆད་ཐུན་གཞན་རྣམ་ལ་དཀར་བགེགས་བསྔོ་བ་དང་བགེགས་བསྐྲད་རྣམས་མི་དགོས་པས། སྲོད་ཐུན་ལ་ཚིག་བདུན་གསོལ་འདེབས། ལེའུ་བདུན་མ་ནས། དཔལ་ཆེན་རྡོ་རྗེ་གཞོན་ནུའི་དགོངས་པ་ཡིས། སོགས་ཚིག་རྐང་ལྔ། བསྐལ་པ་མེ་ལྟར་འབར་བའི་གཞལ་ཡས་སོགས་ཚིག་རྐང་ལྔ་གསུང་སྲོལ་སྣང༌། དེ་ནས་སྐྱབས་སེམས། སྲུང་འཁོར་གསལ་འདེབས། མཆོད་པ་བྱིན་བརླབས། མངོན་རྟོགས་ནས་བསྟོད་པའི་བར་དང༌། ཕྲེང་བ་བྱིན་བརླབས་བཅས་བསྙེན་ཐུན་བཟུང༌། ཐུན་འཇུག་སྒྲུབ་སྔགས་ཁ་སྐོང་སྟོང་ཚིགས་སོགས་ནས། འོད་གསལ་བསྡུ་ལྡངས། བསྔོ་སྨཽན་ཤིས་བརྗོད་བཅས་ཉལ་བའི་རྣལ་འབྱོར་ལ་འཇུག །ཐུན་རེ་རེ་བཞིན་མཆོད་པ་ཁ་གསོས་ལ་བདུད་རྩིས་བྲན་པའང་མ་ཆགས་པར་བྱ། ཕྱིར་ནང་ཐོར་ཐུན་ལ་ལྡངས་བའི་རྣལ་འབྱོར་གྱིས་ལྡངས། ངག་བྱིན་བརླབས། བདུད་རྩི་རིལ་བུའམ་ཆོས་སྨན་མྱང༌། ཚིག་བདུན་ནས་བརྩམ། མཇུག་གི་ཤིས་བརྗོད་བར་སྲོད་ཐུན་དང་འདྲ། དེ་ལྟ་བུའི་སྔ་དྲོ། ཕྱི་དྲོ། སྲོད་ཐུན་ཏེ་ཐུན་བཞིའམ། ཐོར་ཐུན་མི་ལྕོགས་ན། སྔ། ཕྱི། སྲོད་ཐུན་གསུམ་གཅོད་ལུགས་དེ་ཁོ་ན་ལྟར་ལ། ཕྱི་ཐུན་ནམ་དགོངས་ཐུན་གཤམ་དུ་གཏོར་འབུལ་མ་ཆགས་པ་དང༌། ཚོགས་མཆོད་ནམ་གྲུབ་ཀྱང་སྐབས་དེར་ཕུལ་ལུགས་ཉིན་དང་པོར་སྨོས་པ་ལྟར་རོ། །དེ་ལྟ་བུས་བསྙེན་པ་རབ་འབུམ་ཕྲག་བཅུ། མ་གྲུབ་ན་བདུན་རྫོགས་པ་དང༌། །གཉིས་པ་སྒྲུབ་པ་ནི་མཆོད་གཏོར་ཁ་གསོ། དཀར་བསྔོ་བ་བགེགས་བསྐྲད་བསྐྱར་གྲུབ་ན་ལེགས། སྲུང་འཁོར་གསལ་འདེབས། འདོན་འགྲིགས་སྔར་ལྟར་ལ་བཟླས་པའི་ཐོག་མར་སྒྲུབ་སྔགས་ལ། ཕཊ་ཛཿབཏགས་པས་མདུན་དཀྱིལ་གྱི་གོ་སར་ཛབ྄་ཁང་དབྱེ། ཐོག་མར་འབྲུ་དགུ་སྟོང་ཕྲག་ཙམ་བཟླ། དེ་ནས་དོ་ལི་ལ་སྤྲོ་བསྡུའི་དམིགས་གནད་སྦྱར་ཏེ་སྒྲུབ་སྔགས་བཅུ་བཞི་པ་བཟླས་པའི་དངོས་གཞི་བྱ། ཐུན་མཇུག་གི་བྱ་བ་སྔར་དང་འདྲ་བ་ལས་ཛབ྄་ཁང་རང་ལ་བསྡུ་བ་ཙམ་ཁྱད་པར་རོ། །དེ་ལྟ་བུའི་སྒྲུབ་སྔགས་འབུམ་ཚོ་བཅུ་བཞི་ནི་ཚད་ཡིན་ལ། བྱེ་བ་བཟླས་ཀྱང་ཆོག་པ་གཏེར་གཞུང་ལས་གསུངས་སོ། །དེ་ལྟར་སྒྲུབ་པ་ཐེམས་ནས་གསུམ་པ་ལས་སྦྱོར་ནི། འདོན་འགྲིགས་དང་དམིགས་གནད་ཀྱི་གཞི་སྒྲུབ་པའི་སྐབས་དང་འདྲ་བ་ལས་བསྙེན་སྒྲུབ་སྔགས་སྟོང་རྩ་རེ་ཙམ་དང༌། སྒྲུབ་སྔགས་ལ་སྤུ་གྲི་བཏགས་པ་བཟླ། ཐུན་རྗེས་སོགས་འདྲ། དམིགས་པ་རང་གི་ཐུགས་ཀའི་འོད་ཟེར་མདུན་བསྐྱེད་ལ་ཕོག །དེ་ལས་འོད་ཟེར་ཚ་ཞིང་རྩུབ་པ་འཕྲོས། ཁྲོ་བཅུ་ཕྲ་ཐབས་སྒོ་མ་དམ་ཅན་རྣམས་ལ་ཕོག་པས་དེ་རྣམས་ལས་སྤྲུལ་པའི་ཕོ་ཉ་དཔག་ཏུ་མེད་པ་འཕྲོས། བྱང་ཆུབ་སྒྲུབ་པ་ལ་བར་དུ་གཅོད་ཅིང་བསྟན་འགྲོ་ལ་འཚེ་བའི་དགྲ་བགེགས་ཐམས་ཅད་མངོན་སྤྱོད་དྲག་པོའི་ཕྲིན་ལས་དྲུག་གིས་མིང་ཙམ་ཡང་མེད་པར་རྡུལ་དུ་བརླག་པར་བསམ། སྔགས་གྲངས་ཁྲི་ཕྲག་ཏུ་གསུངས་ཀྱང་གོང་དུ་སྒྲུབ་སྔགས་མང་དུ་མ་སོང་ན་སྟོང་ཕྲག་ལས་མང་མི་བྱའོ། །གསུམ་པ་རྗེས་ནི་བཀྲ་ཤིས་པའི་ཆེད་དུ་མཐའ་རྒྱས་ཚེའི་སྒྲུབ་པ་སྦྱོར་ཏེ། བསྙེན་སྒྲུབ་ལས་གསུམ་གྲུབ་པའི་ཐོར་ཐུན་ནམ་སྔ་དྲོ་ནས་དབུ་བཙུགས། འདོན་འགྲིགས་སྔ་མ་ལྟར་ལ། བསྙེན་སྒྲུབ་བཟླས་པ་ཁྱུགས་ཙམ་སོང་རྗེས་གཏེར་གཞུང་གཤམ་གྱི། བདག་མདུན་བཛྲ་ཀུ་མཱ་རའི། སོགས་ཀྱི་བཟླས་དམིགས་དང༌། སྒྲུབ་སྔགས་གཤམ་དུ་ཚེ་ཤམ་སྦྱར་བ་བཟླ། ཐུན་མཐར་མདའ་དར་དམར་པོ་གཡབས་ལ་ཚེ་འགུགས་བྱ། ཐུན་རྗེས་སྔ་མ་རྣམས་དང་མཚུངས། འདི་ལ་སྤྱིར་ཇི་ཙམ་མང་ན་ལེགས་ཀྱང༌། གྲངས་གཙོར་བྱེད་ན་འབུམ་ཕྲག་ལས་མི་ཉུང་བ་དང༌། ཞག་གཙོར་བྱེད་ན་བདུན་ལས་མི་ཉུང་བ་བྱའོ། །དེ་ལྟར་བསྙེན་སྒྲུབ་མཐའ་རྒྱས་བཅས་གྲུབ་པའི་ཐོར་ཐུན་ལྟ་བུར་མཆོད་པ་རྒྱས་པ་དང་གཏོར་འབུལ་ཚོགས་མཆོད་སོགས་བཟང་དུ་བཤམས། ཕྲིན་ལས་བཟླས་པ་ཚེ་སྒྲུབ་ཁ་སྐོང་སྟོང་ཚིགས་བཅས་སོང་ནས་སྲུང་མའི་གཏོར་ཆོག །བཤགས་སྐོང༌། ཚོགས་མཆོད་ཕུལ། ལྷག་མ་སྔར་བསགས་པ་རྣམས་དང་བཅས་ཕྱི་རོལ་དུ་བཏང༌། ཆད་མདོ་དང་མཉམ་དུ་བཀའ་སྲུང་གཏོར་མའང་ཕྱི་རོལ་དུ་འབུལ་ཞིང་བསྟན་མ་བསྐྱང༌། མཆོད་བསྟོད་ཕུལ། སྒྲུབ་སྔགས་ལ། ཀཱ་ཡ་སིདྡྷི་ཨོཾ། ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱི༔ བཏགས་པ་བརྒྱ་རྩ་སོགས་ཅི་འགྲུབ་བཟླ། མདུན་བསྐྱེད་ཀྱི་གནས་གསུམ་ནས་སྐུ་གསུང་ཐུགས་ཀྱི་དངོས་གྲུབ་ཐམས་ཅད་འོད་ཟེར་དང་འབྲུ་གསུམ་དཀར་དམར་མཐིང་གསུམ་ཆར་བབས་པ་ལྟར་འཕྲོས་ནས་རང་གི་གནས་གསུམ་དུ་ཐིམ་པས་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་བསམས་ལ་ཟབ་ཏིག་ལྟར་དངོས་གྲུབ་བསྐུལ་ཚིག་བརྗོད་ལ། སྒྲུབ་རྟེན་ཕུར་བུ། ཚེ་འབྲང་རྣམས་གནས་གསུམ་དུ་གཏུགས། ཚེ་རིལ་ཆང་རོལ། དེ་ནས་ནོངས་བཤགས། བརྟན་བཞུགས་ཕྱིར་སྔར་ལྟར་དང༌། བླ་མ་ཡི་དམ་ལྟ་བུའི་བསྔོ་སྨོན། ཞལ་ནས་གསུངས་པས་ཐོག་དྲངས་ཤིས་བརྗོད་རྒྱས་པར་བྱ། གྲུབ་ན་ཁ་སྐོང་དུ་ཞི་བའི་སྦྱིན་སྲེག་བསྙེན་སྒྲུབ་ཀྱི་བཅུ་ཆ་དགོས་པ་སྨིན་ལུགས་ལས་ཐམས་ཅད་པ་ལྟ་བུས་ཆོག་ཅིང་་་་་་་འདིའི་སྦྱིན་སྲེག་ཆོས་བློའི་ཆོག་བསྒྲིག་ཡོད་མཆན། འབྲེལ་འཇོག་བསྙེན་སྒྲུབ་ཟླ་གཅིག་མ་ལྟ་བུ་ལ། བསྙེན་པ་བདུན་ཕྲག་གཉིས། སྒྲུབ་པ་བདུན་ཕྲག་གཉིས། ལས་སྦྱོར་ཉིན་གཅིག་ཚེ་སྒྲུབ་ཞག་གསུམ་ཙམ་བྱའོ། །ཞེས་པའང་ལུང་ཟིན་སྤྲུལ་པའི་ཆོས་རྒྱལ་རིན་པོ་ཆེ་དཔལ་ལྡན་འཆི་མེད་རྟག་པའི་རྡོ་རྗེས་ཉམས་བཞེས་གསལ་འདེབས་སུ་ཀུ་སཱ་ལི་བློ་གྲོས་མཐའ་ཡས་ཀྱིས་ཕུལ་བ་དགེ་ལེགས་འཕེལ། །སརྦ་དཱ་མངྒ་ལཾ།། །།

[edit]

@##/__/na mo gu ru badz+ra ku mA ra ya/__snyan brgyud phur pa'i gnad tig gi bsnyen sgrub nyams su len pa la sbyor dngos rjes gsum las/__dang po sbyor ba yo byad kyi gshom ni/__dam tshig gi bris sku sogs rten bkrams pa'i mdun gyi stegs bu'am gtor gdan du 'dzom na ras bris kyi dkyil 'khor bkram/__ma 'dzom na maN+Dal steng me tog sngon po'i tshom bu gtso bo gcig__/'khor bcu dang*/__de rgyab sgo bzhi'i tshul du bzhi bkod pa'i khar 'phrul stegs steng e khrom la bsnyen phur yungs dkar gyi thum btags pa la byugs bdug brab gsum gyis gzi byin bskyed pa bkod/__mdun du mchod gtor dpal bshos mtheb kyus bcus bskor ba'i g.yas su smin lugs dam can spyi gtor/__g.yon du phur srung bcu drug gi gtor spungs/__gsum ka dar gdugs mthing ga bcas/__de'i g.yas g.yon du sman rag chu gnyis nyer spyod phreng tshar ram bskor bsham/__rgyab ngos su tshe 'brang bum gzugs/__g.yas g.yon du mngar gsum dang sbyar ba'i tshe ril chang*/__tshe 'da' dar sna me long g.yu byang nr-i yig btags pa rnams bzhag__/gzhan yang sngon 'gro dkar bgegs/__gter srung gtor 'bul/__tshogs byed na de'i chas dang*/__chad brtan/__nyer mkho rnams tshogs par bya'o/__/gnyis pa la bsnyen sgrub las sbyor gsum las/__dang po ni/__sngon 'gro sna sel sAts+tsha chu gtor/__gsung rabs klog pa/__bshags sbyong sogs spyi 'gre ltar ci 'grub bya/__phyi dro zhig nas thun gyi dbu brtsams te rnam 'joms kyis bsgrubs pa'i khrus chab kyis gnas khang yo byad thams cad la 'thor/__dkar gtor spyi 'gro btang*/__sgo drung du tho dkar po btsug pa la rgyal chen bskyed bstims sam gtor 'bul yang spyi ltar bya tshig bdun dang spros bral bde chen lta bu'i brgyud 'debs btang*/ brgyud 'debs dang las byang rjes su chog bsgrig byas pa yod pas yig cha gzhan du btsal mi dgos mchan/__skyabs 'gro sems bskyed yang dag zab tig kha bsgyur can tshar gsum/__bgegs gtor byin brlabs bsngo ba rnams smin lugs ltar spyi 'gro byas/__gu gul bdug__/yungs thun dang sum b+ha ni'i drag sngags kyis bgegs bskrad/__gter gzhung srung ba'i skabs ltar srung 'khor bsgoms la srung sngags lan mang du brjod/__nyin dang po phur pa byin brlab ni/__bsdus pa gter gzhung dbu nas 'byung ba des kyang 'thus mod/__sa phur ltar grub na legs pas sngags so sor brjod la byug bdug brab gsum dang*/__byin rlabs rnams de ltar byas la/__e khram du brtan par gzug__/gter gzhung*/__sangs rgyas thams cad 'dus pa'i bdag:__sogs dang sngags mang du brjod/__de nas mchod pa byin rlabs/__ra~M ya~M kha~M:__rnam dag chos dbyings ngang nyid las:__rang byung mchod pa'i sprin phung 'di:__kun bzang mchod pa'i sprin lta bus:__dpag yas nam mkha' gang bar gyur:__oM badz+ra ar+g+haM sogs nas/__shap+da pU dza sa ma ye hU~M:__sarba pany+tsa a mr-i ta rak+ta ba liM ta AHhU~M/__lan gsum brjod/__de nas mngon rtogs ting nge 'dzin rnam gsum nas bdag mdun dbyer med du byas la dam tshig gi dkyil 'khor rdzogs par bskyed/__ye shes pa spyan drangs nas bstim/__phyag mchod bstod pa'i bar du btang*/__de nas dzaba? dmigs bsnyen pa ma rdzogs bar du sngags phreng yab yum zhal du 'khor ba do li'am mgal me bskor ba lta bu kho nar dmigs pa gtad la kI la 'bru dgu pa bzla dgos pas/__thog mar phreng ba byin rlabs spyi 'gre'am/__dbyangs gsal dang*/__oM ru tsi ra ma Na pra brta na ye swA hA/__zhes lan bdun brjod pas byin brlabs nas bzlas pa la 'jug__/thun mthar sgrub sngags phreng skor tsam bzla/__dbyangs gsal yig brgya rten snying rnams lan gsum gsum brjod pas lhag chad kha bskang zhing brtan par bya/__ye shes lha tshogs sogs kyis stong tshig phul/__dgong thun 'di'i mjug tu bka' srung spyi bye brag gi gtor 'bul re grub dgos pas/__spyir smin lugs dam can spyi gtor nyid legs shing*/__bstod pa'i 'phros su bye brag phur srung gtor chog re dgos pas/__skabs 'dir phur srung gtor 'bul sa phur ltar mdzad na legs shing*/__nyung dgos skabs smin lugs rjes 'brang nang gsal des kyang chog__/skabs 'dir dgong re bzhin grub na legs shing*/__ma grub na nyin dang po dang*/__nya stong brgyad gsum/__bsnyen sgrub las gsum so sor grub pa'i skabs thams cad kyi rjes rnams la tshogs mchod re phul dgos pas 'don cha yang dag zab tig nas len dgos/__tshogs kyi thog mar brjod med don bshags ye shes sku mchog tshar re gsungs pa phyag len yin cing*/__de 'phros sman gtor rak+ta mar me'i skong ba bcas pa'ang tshar re ma chags na legs/__de nas tshogs byin rlabs nas lhag ma'i bar du gtong*/__lhag ma sgrub pa ma grol bar snod gcig tu khebs kyis bkab/__de nas tshogs mgron la gtang rag mchod bstod las byang ltar dang*/__ma rnyed yongs su sogs dang yig brgya brjod la nongs bshags bya/__'dir ni rten dang sogs kyis brtan bzhugs bya/__bdag bskyed 'od gsal du bsdu zhing thun mtshams kyi lhar ldangs pa dang*/__bsngo smon shis brjod rnams zab tig ltar bya/__zab tig las blang dgos rigs tshogs ma gtogs gzhan kun mkhyen bla ma nyid kyis mdzad pa'i rgyun khyer la cha tshang yod pas de ltar gnang bas 'thus/__'di man chad thun gzhan rnam la dkar bgegs bsngo ba dang bgegs bskrad rnams mi dgos pas/__srod thun la tshig bdun gsol 'debs/__le'u bdun ma nas/__dpal chen rdo rje gzhon nu'i dgongs pa yis/__sogs tshig rkang lnga/__bskal pa me ltar 'bar ba'i gzhal yas sogs tshig rkang lnga gsung srol snang*/__de nas skyabs sems/__srung 'khor gsal 'debs/__mchod pa byin brlabs/__mngon rtogs nas bstod pa'i bar dang*/__phreng ba byin brlabs bcas bsnyen thun bzung*/__thun 'jug sgrub sngags kha skong stong tshigs sogs nas/__'od gsal bsdu ldangs/__bsngo smaun shis brjod bcas nyal ba'i rnal 'byor la 'jug__/thun re re bzhin mchod pa kha gsos la bdud rtsis bran pa'ang ma chags par bya/__phyir nang thor thun la ldangs ba'i rnal 'byor gyis ldangs/__ngag byin brlabs/__bdud rtsi ril bu'am chos sman myang*/__tshig bdun nas brtsam/__mjug gi shis brjod bar srod thun dang 'dra/__de lta bu'i snga dro/__phyi dro/__srod thun te thun bzhi'am/__thor thun mi lcogs na/__snga/__phyi/__srod thun gsum gcod lugs de kho na ltar la/__phyi thun nam dgongs thun gsham du gtor 'bul ma chags pa dang*/__tshogs mchod nam grub kyang skabs der phul lugs nyin dang por smos pa ltar ro/__/de lta bus bsnyen pa rab 'bum phrag bcu/__ma grub na bdun rdzogs pa dang*/__/gnyis pa sgrub pa ni mchod gtor kha gso/__dkar bsngo ba bgegs bskrad bskyar grub na legs/__srung 'khor gsal 'debs/__'don 'grigs sngar ltar la bzlas pa'i thog mar sgrub sngags la/__phaT dzaHbtags pas mdun dkyil gyi go sar dzaba? khang dbye/__thog mar 'bru dgu stong phrag tsam bzla/__de nas do li la spro bsdu'i dmigs gnad sbyar te sgrub sngags bcu bzhi pa bzlas pa'i dngos gzhi bya/__thun mjug gi bya ba sngar dang 'dra ba las dzaba? khang rang la bsdu ba tsam khyad par ro/__/de lta bu'i sgrub sngags 'bum tsho bcu bzhi ni tshad yin la/__bye ba bzlas kyang chog pa gter gzhung las gsungs so/__/de ltar sgrub pa thems nas gsum pa las sbyor ni/__'don 'grigs dang dmigs gnad kyi gzhi sgrub pa'i skabs dang 'dra ba las bsnyen sgrub sngags stong rtsa re tsam dang*/__sgrub sngags la spu gri btags pa bzla/__thun rjes sogs 'dra/__dmigs pa rang gi thugs ka'i 'od zer mdun bskyed la phog__/de las 'od zer tsha zhing rtsub pa 'phros/__khro bcu phra thabs sgo ma dam can rnams la phog pas de rnams las sprul pa'i pho nya dpag tu med pa 'phros/__byang chub sgrub pa la bar du gcod cing bstan 'gro la 'tshe ba'i dgra bgegs thams cad mngon spyod drag po'i phrin las drug gis ming tsam yang med par rdul du brlag par bsam/__sngags grangs khri phrag tu gsungs kyang gong du sgrub sngags mang du ma song na stong phrag las mang mi bya'o/__/gsum pa rjes ni bkra shis pa'i ched du mtha' rgyas tshe'i sgrub pa sbyor te/__bsnyen sgrub las gsum grub pa'i thor thun nam snga dro nas dbu btsugs/__'don 'grigs snga ma ltar la/__bsnyen sgrub bzlas pa khyugs tsam song rjes gter gzhung gsham gyi/__bdag mdun badz+ra ku mA ra'i/__sogs kyi bzlas dmigs dang*/__sgrub sngags gsham du tshe sham sbyar ba bzla/__thun mthar mda' dar dmar po g.yabs la tshe 'gugs bya/__thun rjes snga ma rnams dang mtshungs/__'di la spyir ji tsam mang na legs kyang*/__grangs gtsor byed na 'bum phrag las mi nyung ba dang*/__zhag gtsor byed na bdun las mi nyung ba bya'o/__/de ltar bsnyen sgrub mtha' rgyas bcas grub pa'i thor thun lta bur mchod pa rgyas pa dang gtor 'bul tshogs mchod sogs bzang du bshams/__phrin las bzlas pa tshe sgrub kha skong stong tshigs bcas song nas srung ma'i gtor chog__/bshags skong*/__tshogs mchod phul/__lhag ma sngar bsags pa rnams dang bcas phyi rol du btang*/__chad mdo dang mnyam du bka' srung gtor ma'ang phyi rol du 'bul zhing bstan ma bskyang*/__mchod bstod phul/__sgrub sngags la/__kA ya sid+d+hi oM/__wA ka sid+d+hi AH__tsit+ta sid+d+hi hU~M/__sarba sid+d+hi hrI:__btags pa brgya rtsa sogs ci 'grub bzla/__mdun bskyed kyi gnas gsum nas sku gsung thugs kyi dngos grub thams cad 'od zer dang 'bru gsum dkar dmar mthing gsum char babs pa ltar 'phros nas rang gi gnas gsum du thim pas dbang dang byin rlabs dngos grub ma lus pa thob par bsams la zab tig ltar dngos grub bskul tshig brjod la/__sgrub rten phur bu/__tshe 'brang rnams gnas gsum du gtugs/__tshe ril chang rol/__de nas nongs bshags/__brtan bzhugs phyir sngar ltar dang*/__bla ma yi dam lta bu'i bsngo smon/__zhal nas gsungs pas thog drangs shis brjod rgyas par bya/__grub na kha skong du zhi ba'i sbyin sreg bsnyen sgrub kyi bcu cha dgos pa smin lugs las thams cad pa lta bus chog cing 'di'i sbyin sreg chos blo'i chog bsgrig yod mchan/__'brel 'jog bsnyen sgrub zla gcig ma lta bu la/__bsnyen pa bdun phrag gnyis/__sgrub pa bdun phrag gnyis/__las sbyor nyin gcig tshe sgrub zhag gsum tsam bya'o/__/zhes pa'ang lung zin sprul pa'i chos rgyal rin po che dpal ldan 'chi med rtag pa'i rdo rjes nyams bzhes gsal 'debs su ku sA li blo gros mtha' yas kyis phul ba dge legs 'phel/__/sarba dA mang+ga laM//__//