JKCL-KABUM-10-THA-031

🚧 This website is under continued development. We appreciate your patience!

Previous Text Back to Volume PageNext Text

Wylie title	oM swasti/ rtsa gsum 'dus pa'i spyi dpal chen po ni/ seng chen gnam brag 'di zhes pa
Location	chos kyi blo gros bka' 'bum Volume 10, Text 31, Pages 309-310 (Folios 1a1 to 1b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. oM swasti rtsa gsum 'dus pa'i spyi dpal chen po ni seng chen gnam brag 'di zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 309-310. Bir, H.P.: Khyentse Labrang, 2012.
Genre	Place or Sacred Site Guides - gnas bshad - skor tshad
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/sengchen-namdrak
Colophon	།ཞེས་པའང་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་ཤིང་ལུག་ཟླ་༧ཚེས་༡། སེང་བྲག་ཕུ་ནས་བྲིས་པ་དགེ་ལེགས་སུ་གྱུར་ཅིག །མངྒ་ལཾ།།
	/zhes pa'ang mkhyen brtse'i sprul ming 'dzin pa chos kyi blo gros pas shing lug zla 7tshes 1/__seng brag phu nas bris pa dge legs su gyur cig__/mang+ga laM//

1 Texts in this Section (sde tshan or chos tshan)

309-310	ཨོཾ་སྭསྟི། རྩ་གསུམ་འདུས་པའི་སྤྱི་དཔལ་ཆེན་པོ་ནི། སེང་ཆེན་གནམ་བྲག་འདི་ཞེས་པ། oM swasti/ rtsa gsum 'dus pa'i spyi dpal chen po ni/ seng chen gnam brag 'di zhes pa Place or Sacred Site Guides - gnas bshad - skor tshad	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ཨོཾ་སྭསྟི། རྩ་གསུམ་འདུས་པའི་སྤྱི་དཔལ་ཆེན་པོ་ནི། །མ་ཧཱ་གུ་རུ་རྡོ་རྗེ་ཐོད་ཕྲེང་རྩལ། །ཐུགས་རྗེ་བྱིན་རླབས་གློག་ལྟར་མྱུར་བ་ཡི། །བདེན་པས་བྱིན་བརླབ་ཤིས་པ་སྩལ་དུ་གསོལ། །ཞེས་སྭསྟི་ཀ་མ་ལ་ཡི་དབྱངས་སྙན་གྱི་མེ་ཏོག་འཐོར་བས་སྐབས་ཕྱེས་ཏེ། མདོ་ཁམས་གནས་ཆེན་ཉེར་ལྔའི་ཡ་གྱལ་ཡོན་ཏན་ཕྲིན་ལས་ཀྱི་གནས་སེང་ཆེན་གནམ་བྲག་འདི། སྔོན་དུས་གཏེར་ཆེན་བདུད་འདུལ་རྡོ་རྗེས་གནས་ཞལ་ཕྱེས་ཤིང་གནས་ཡིག་རྒྱས་པར་བཀོད་པ་དང་། དུས་ཕྱིས་གཏེར་ཆེན་མཆོག་གྱུར་བདེ་ཆེན་གླིང་པས་ཟབ་གཏེར་རྒྱ་ཆེར་སྤྱན་དྲངས་པར་མཛད་པའི་གནས་འདིར། དུས་ཀྱི་རྒྱལ་པོ་དབང་ཆེན་སྤྲེལ་གྱི་ལོ་ཡི་ཟླ་བ་ལྔ་པ། དྲུག་པ། བདུན་པ་གསུམ་དང་། ཡང་སྦྲུལ་ལོའི་སྦྲུལ་ཟླ་དང་པོ་ལ་མཆོག་གླིང་གིས་ཟབ་གཏེར་འདོན་པའི་དུས་ཆེན་ཡིན་པས། ལོ་དང་ཟླ་བ་དེ་རྣམས་ཀྱི་སྐབས་སུ། བསྙེན་སྒྲུབ། ཚོགས་སྐོང་། སྦྱིན་བསྲེག་སོགས་དང་། བསྐོར་བ་རེ་ལ་མ་ཎི་དུངས་ཕྱུར་བདུན་རེའི་ཕན་ཡོན་བདུད་འདུལ་རྡོ་རྗེས་ཡོད་པར་གསུངས་ཤིང་། དེའང་གུ་རུ་རིན་པོ་ཆེའི་རྡོ་རྗེའི་གསུང་ལས། ད་ནི་གནས་ཀྱི་ཕན་ཡོན་བརྗོད་པ་ནི༔ ཕྱག་བསྐོར་བྱས་ཚད་ངན་སོང་སྐྱེ་སྒོ་ཆོད༔ བསྐུར་བསྟི་བྱས་ན་མཐོ་རིས་གནས་སུ་སྐྱེ༔ ཚོགས་འཁོར་ལན་གཅིག་བསོད་ནམས་ཚོགས་ཆེན་རྫོགས༔ ཚོགས་འཁོར་ལན་གཉིས་ལས་ཀྱི་རྣམ་སྨིན་སྦྱོང་༔ ཚོགས་འཁོར་ལན་གསུམ་ཨོ་རྒྱན་པདྨ་བདག༔ དངོས་ཉམས་རྨི་ལམ་བརྡ་ཡི་ཚུལ་དུ་མཇལ༔ ཚོགས་འཁོར་བརྒྱ་རྩ་མཁའ་སྤྱོད་གནས་སུ་སྐྱེ༔ མཆོག་ཐོབ་འདོད་ན་རྩེ་གཅིག་བསྒྲུབ་པས་འགྲུབ༔ འབྲེལ་ཚད་དོན་ལྡན་གནས་མཆོག་ཨེ་མ་ཧོཿཞེས་གསུངས་པ་ལ་དད་གུས་དྲག་པོས་དྲན་པ་ཉེར་བར་བཞག་སྟེ། དགེ་སྒྲུབ་སྡིག་སྤངས་སྤྱི་དང་། ཁྱད་པར་རྔོན་རི་དྭགས་བསད་པ་སོགས་མི་བྱ་ཞིང་གནས་འདུས་སྐབས་སུ་བསྐོར་ཕྱག་མཆོད་འབུལ་སོགས་ལ་བརྩོན་ན་ནད་གདོན་བར་ཆད་ཞི་ཞིང་། བསམ་རྒུ་ཡིད་བཞིན་འགྲུབ་པ་ལ་ཐེ་ཚོམ་མེད་པས་ཐར་འདོད་སྐྱེ་འགྲོ་རྣམས་དད་བརྩོན་དྲག་པོས་འབད་པར་རིགས་སོ། །ཞེས་པའང་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་ཤིང་ལུག་ཟླ་༧ཚེས་༡། སེང་བྲག་ཕུ་ནས་བྲིས་པ་དགེ་ལེགས་སུ་གྱུར་ཅིག །མངྒ་ལཾ།། །།

[edit]

oM swasti/__rtsa gsum 'dus pa'i spyi dpal chen po ni/__/ma hA gu ru rdo rje thod phreng rtsal/__/thugs rje byin rlabs glog ltar myur ba yi/__/bden pas byin brlab shis pa stsal du gsol/__/zhes swasti ka ma la yi dbyangs snyan gyi me tog 'thor bas skabs phyes te/__mdo khams gnas chen nyer lnga'i ya gyal yon tan phrin las kyi gnas seng chen gnam brag 'di/__sngon dus gter chen bdud 'dul rdo rjes gnas zhal phyes shing gnas yig rgyas par bkod pa dang /__dus phyis gter chen mchog gyur bde chen gling pas zab gter rgya cher spyan drangs par mdzad pa'i gnas 'dir/__dus kyi rgyal po dbang chen sprel gyi lo yi zla ba lnga pa/__drug pa/__bdun pa gsum dang /__yang sbrul lo'i sbrul zla dang po la mchog gling gis zab gter 'don pa'i dus chen yin pas/__lo dang zla ba de rnams kyi skabs su/__bsnyen sgrub/__tshogs skong /__sbyin bsreg sogs dang /__bskor ba re la ma Ni dungs phyur bdun re'i phan yon bdud 'dul rdo rjes yod par gsungs shing /__de'ang gu ru rin po che'i rdo rje'i gsung las/__da ni gnas kyi phan yon brjod pa ni:__phyag bskor byas tshad ngan song skye sgo chod:__bskur bsti byas na mtho ris gnas su skye:__tshogs 'khor lan gcig bsod nams tshogs chen rdzogs:__tshogs 'khor lan gnyis las kyi rnam smin sbyong :__tshogs 'khor lan gsum o rgyan pad+ma bdag:__dngos nyams rmi lam brda yi tshul du mjal:__tshogs 'khor brgya rtsa mkha' spyod gnas su skye:__mchog thob 'dod na rtse gcig bsgrub pas 'grub:__'brel tshad don ldan gnas mchog e ma hoHzhes gsungs pa la dad gus drag pos dran pa nyer bar bzhag ste/__dge sgrub sdig spangs spyi dang /__khyad par rngon ri dwags bsad pa sogs mi bya zhing gnas 'dus skabs su bskor phyag mchod 'bul sogs la brtson na nad gdon bar chad zhi zhing /__bsam rgu yid bzhin 'grub pa la the tshom med pas thar 'dod skye 'gro rnams dad brtson drag pos 'bad par rigs so/__/zhes pa'ang mkhyen brtse'i sprul ming 'dzin pa chos kyi blo gros pas shing lug zla 7tshes 1/__seng brag phu nas bris pa dge legs su gyur cig__/mang+ga laM//___//