JKCL-KABUM-03-GA-091

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal rdo rje gzhon nu'i bla ma brgyud pa'i gsol 'debs zhal skong bcas pa
Location	chos kyi blo gros bka' 'bum Volume 3, Text 91, Pages 359-367 (Folios 1a1 to 5a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpal rdo rje gzhon nu'i bla ma brgyud pa'i gsol 'debs zhal skong bcas pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 3: 359-367. Bir, H.P.: Khyentse Labrang, 2012.
Genre	Lineage Supplications - brgyud 'debs
Colophon	ཞེས་དཔལ་རྡོ་རྗེ་གཞོན་ནུའི་བླ་མ་བརྒྱུད་པ་རྣམས་ཀྱི་ཞལ་བསྐངས་དང་བཅས་པ་འདིའང་འཁོན་རིགས་ངག་དབང་ཀུན་དགའ་བསོད་ནམས་བར་དུ་བྱོན་པའི་བརྒྱུད་འདེབས་དགེའོ།།
	zhes dpal rdo rje gzhon nu'i bla ma brgyud pa rnams kyi zhal bskangs dang bcas pa 'di'ang 'khon rigs ngag dbang kun dga' bsod nams bar du byon pa'i brgyud 'debs dge'o

1 Texts in this Section (sde tshan or chos tshan)

359-367	དཔལ་རྡོ་རྗེ་གཞོན་ནུའི་བླ་མ་བརྒྱུད་པའི་གསོལ་འདེབས་ཞལ་སྐོང་བཅས་པ། dpal rdo rje gzhon nu'i bla ma brgyud pa'i gsol 'debs zhal skong bcas pa Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །དཔལ་རྡོ་རྗེ་གཞོན་ནུའི་བླ་མ་བརྒྱུད་པའི་གསོལ་འདེབས་ཞལ་སྐོང་བཅས་པ་བཞུགས། ། དཔལ་ལྡན་བསྟན་གཡོ་ཀུན་ཁྱབ་སྲིད་ཞིའི་བདག །རང་བཞིན་བརྗོད་པའི་མཐའ་བྲལ་ཆོས་ཀྱི་དབྱིངས། །འགྱུར་མེད་རང་རིག་འོད་གསལ་བདེ་བ་ཆེ། །ཆོས་སྐུ་ཀུན༷་ཏུ༷་བཟ༷ང་པོ༷་ལ་གསོལ་བ་འདེབས། །རྣམ་དག་དེ་བཞིན་ཉིད་ལས་མ་གཡོས་ཀྱང་། །དག་པའི་འཁོར་གྱི་སྣང་ངོར་ཁ་སྦྱོར་སྐུ། །རབ་མཛེས་མཚན་དཔེའི་དཔལ་འབར་ལོངས་སྤྱོད་རྫོགས། །ཟུང་འཇུག་རྡོ༷་རྗེ༷་སེམ༷ས་དཔའ་ལ་གསོལ་བ་འདེབས། །ཨོ་ཌཱི་ཡ་ནར་རྒྱལ་པོའི་རིགས་འཁྲུངས་ཤིང་། །གངས་རིའི་ལྗོངས་འདིར་མ་རུང་ཀུན་བཏུལ་ནས། །དཔག་ཡས་བྱིན་རླབས་དངོས་གྲུབ་ཆར་འབེབས་པ། །སྤྲུལ་སྐུ་པ༷དྨ་འབྱུང༷་གན༷ས་ལ་གསོལ་བ་འདེབས། །འཕགས་ཡུལ་རིག་གནས་རྒྱ་མཚོའི་གྲུར་ཞུགས་ཏེ། །དམ་ཆོས་ནོར་བུའི་དེད་དཔོན་ཀླ྄ུ༷་དབ྄༷ང་པོ། །གྲུབ་གཉིས་པར་ཞུགས་དགེ་བསྙེན་ཚུལ་འཛིན་གང་། །རྡོ༷་རྗེ༷་རི༷ན་ཆེ༷ན་རྣམ་གཉིས་ལ༴ འཁོར་འདས་སྒྱུ་མར་རྟོགས་པའི་ཤེས༷་རབ༷་དང་། །དམིགས་མེད་ཐུགས་རྗེའི་ཡོ༷ན་ཏན༷་དང་ལྡན་པའི། །དམ་པའི་ཚུལ་བཞིན་བསླབ་གསུམ་ཁྲིམས་ཀྱི་མཛེས། །བླ་མ་རྒྱལ༷་པོའི༷་མཐའ་ཅན་ལ་གསོལ་བ་འདེབས། །ཟབ་གསལ་རྡོ༷་རྗེའི༷་སྐུ་ཉིད་མངོན་གྱུར་ཀྱང་། །ཐ་མལ་ཚུལ་བསྟན་གཙུ༷ག་གཏོ༷ར་ཤེས་རབ་མཚན། དགེ་ལེགས་གཞི་གྱུར་བྱང་ཆུབ་ཐུགས་མངའ་བ། །འགྲོ་བའི་སྐྱབ྄༷ས་གནས་མཆོག་གྱུར༴ །གཅིག་ཏུ་དགེ༷་བའི་ཆོས་ལ་ཐུགས་གཞོལ་ཞིང་། །ཡང་དག་ངེས་པའི་དོན་མཐོ༷ང་རིགས་སྔགས་འཆང་། །གླང་གི་བྲག་ལ་རྡོ་རྗེ་གཞོན་ནུའི་ཞལ། །ལེགས་གཟིགས་འཁོན་སྟོན་བལ༷་པོ༷་ལ༷༴ །སྔ་འགྱུར་ན༷་བཟ༷འི་རིང་ལུགས་རྣམས་ཀྱི་མཆོག །སྒྲུབ་ལ་བརྩོན་མཛད་གྲུབ་པའི་བློ༷་གྲོས་ཅན། །གསང་སྔགས་མཐུ་ཡི་དམ་ཅན་བྲན་དུ་འཕེལ། །འཁོ༷ན་རོ༷ག་ཤེས༷་ར༷བ་ཚུལ༷་ཁྲིམས་ལ༴ །དྲི་མེད་དཀོ༷ན་མཆོ༷ག་གདུང་འཛིན་ཆོས་ཀྱི་ཁྲིར། །ཐེག་མཆོག་འཁོར་ལོར་བསྒྱུར་བའི་རྒྱལ༷་པོ༷་གང་། །སྙིགས་དུས་གངས་ཅན་དཔལ་གྱུར་སྤྲུལ་པའི་སྐུ། །བླ་ཆེན་ཀུན༷་དག༷འ་སྙིང༷་པོ་ལ༴ །དེ་སྲས་འཇམ་པའི་དབྱངས་ཀྱི་བྱིན་བརླབས་པ། །རིག་གནས་ཀུན་མཁྱེན་བསོ༷ད་ནམ༷ས་རྩེ༷་མོ༷་དང་། ༧། རྒྱལ་བའི་མཁྱེན་བརྩེ་གཅིག་བསྡུས་རྡོ་རྗེ་འཛིན། །རྗེ་བཙུན་གྲག༷ས་པ༷་རྒྱལ༷་མཚ༷ན་ལ༴ །ཟབ་མོའི་ལམ་གྱི་རང་གི་རྒྱུད་སྨིན་ནས། །གཞན་ཡང་བརྩེ་བའི་ཐུགས་མངའ་དཔ༷ལ་ཆེ༷ན་འོད། །མཁྱེན་རབ་ཐོགས་མེད་འཇིག་རྟེན་ཀུན་གྱི་མིག །སྒྲ་བསྒྱུར་ཀུན༷་དག༷འ་རྒྱལ༷་མཚ༷ན་ལ་གསོལ༴ །རྗེ་བཙུན་མཆོག་ལས་འཁྲུལ་མེད་གདམས་པ་རྣམས། །ལེགས་ནོས་གཞན་ལ་འཆད་མཁས་འོད྄༷་ལྡན྄༷་པ། །ཆོས་ཀུན༷་དག༷འ་བཞིའི་ངོ་བོར་རོ་གཅིག་རྟོགས། །རྡོ༷་རྗེ༷་གསུམ་དང་དབྱེར་མེད་ལ༴ །མཆོ༷ག་ཏུ་གཞན་ལ་ཕན་པའི་ཐུགས་ལྡན་ཞིང་། །སྐད་གཉིས་སྨྲ་བ་ལེ༷གས་པ༷འི་བློ༵་གྲོས༷་ཅན། །གཞུང་ལུགས་མན་ངག་ཀུན༷་འདུས་དགའ༷་བའི་ཚལ། །བསོད༷་ནམས་ཡེ་ཤེས་མཐར་ཕྱིན་ལ༴ །རྣམ་མང་གསུངས་རབ་མཐའ་དག་ལེགས་སྦྱངས་ནས། །གདམས་པའི་མཛོད་འཛིན་རི༷ན་ཆེན༷་རྒྱལ༷་མཚ༷ན་དང་། །བསླབ་གྲོལ་ངུར་སྨིག་གར་གྱི་མཛེས་པའི་སྐུ། །ཆོས་རྗེ་བསོ༷ད་ནམ༷ས་རྒྱལ༷་མཚན་ལ༴ །སྙན་བརྒྱུད་ལུང་དང་རིག་པའི་གཏེར་མངའ་བ། །རྒྱལ་བའི་སྲས་པོ་ཤེས༷་ར༷བ་རྡོ༷་རྗེ༷་དང་། །དཔག་ཡས་འགྲོ་ལ་བྱམས་དང་སྙིང་རྗེ་ཡི། །མཁ༷ན་པོ༷་ཐུག༷ས་རྗེ༷་ཤེས༷་ར༷བ་ལ༴ ཟུང་འཇུག་དབུ་མའི་ལམ་གྱི་རྒྱུད་གྲོལ་ནས། །གྲུབ་པའི་སྔག༷ས་འཆ༷ང་དྷ༷རྨ༷་ཀི༷་རྟི༷འི་ཞབས། །རབ་དགེའི་སྤྱོད་པས་གཞན་དོན་ལ་དགོངས་པ། །འཕ༷གས་པ༷་ནམ༷་མཁ༷འི་སྙིང༷་པོ༷་ལ༴ །འཇམ་པའི་དབྱངས་ཀྱི་རྗེས་སུ་བཟུང་མཐུ་ལྡན། །སྦས་པའི་རྣལ་འབྱོར་ནམ་མཁའ་རྒྱལ་མཚན་ཞབས། །ལྷག་པའི་ལྷ་དང་དབྱེར་མེད་འཁོར་ལོའི་མགོན། །རྒྱ༷་ག༷ར་ཤེ༷ས་ར༷བ་རྒྱལ༷་མཚ༷ན་ལ༴ །དཔལ་ལྡན་མཐུ་སྟོབས་མགོན་པོའི་བྱིན་བརླབས་ཤིང་། །རིམ་གཉིས་ཏིང་འཛིན་མཆོག་ལ་མངའ་བརྙེས་པ། །མང་ཐོས་བློ་གསལ་རྣམ་དག་ཁྲིམས་ཀྱི་མཛེས། །འཇམ་དབྱངས་ཀུན༷་དག༷འ་བསོ༷ད་ནམ༷ས་ལ༷༴ །ལྷ་མཆོག་ངག་གི་དབང་པོས་རྗེས་བཟུང་ཞིང་། །ཆོས་ཀྱི་སྦྱིན་པའི་སྙན་པས་གྲགས་པ་ཅན། །བཀའ་གདམས་བསྟན་པའི་སྲོག་ཤིང་སེམས་དཔའ་ཆེ། །སྤྱན་སྔ་ཆོས་ཀྱི་སྤྱན་ལྡན་ལ༴ །སྔོན་ཚེ་ཆོས་ཀྱི་རྒྱལ་པོ་ཚུལ་ཁྲིམས་བར། །ཕྱི་མར་ང༷ག་དབ༷ང་ཆོ༷ས་ཀྱི་གྲག༷ས་པ་ཞེས། །དུས་འདིར་སྤྱན་སྔ་བྱམས་པ་ཀུན་དགེའི་མཚན། །སྤྲུལ་པའི་སྐྱེས་མཆོག་དམ་པར༴ དུས་གསུམ་རྒྱལ་བའི་རྣམ་འཕྲུལ་ས་སྐྱ་པ། །རྡོ་རྗེ་འཆང་དངོས་ཀུན་དགའི་མཚན་ཅན་གྱི། །བསྟན་པ་རིན་ཆེན་ཕྱོགས་བཅུར་སྤེལ་མཛད་པའི། །སྔ༷གས་འཆ༷ང་ངག་གི༷་དབ༷ང་པོ༷་ལ༴ །སྨིན་བྱེད་དབང་གི་ཆུ་བོས་རྒྱུད་སྦྱངས་ནས། །གདམས་པ་ཉམས་ལེན་ཆུ་བོ་མཐར་ཕྱིན་ཏེ། །སྐལ་བཟང་འགྲོ་ལ་རྣམ་འདྲེན་ལམ་སྟོན་པའི། །འཇམ་དབྱངས་བསོ༷ད་ནམ༷ས་དབ༷ང་པོ༷་ལ། །ཀུན྄༷་ཏུ་འགྲོ་ལ་བརྩེ་བའི་རྗེས་ཆགས་ནས། །དགའ་བཞིའི་དཔལ་སྟེར་གྲུབ་པའི་ས་ལ་བཀོད། །དོན༷་གཉིས་ལྷུན་གྲུབ༷་བདེ་སྟོང་ལེགས་རོལ་པ། །ཡོངས་འཛིན་དཔལ་ལྡན་བླ་མར༴ ཁྲག་འཐུང་ལྔ་བཅུའི་གཙོ་བོ་ཀཱི་ལ་ཡ། །སྙིགས་དུས་ལོག་འདྲེན་འདུལ་བའི་དཔའ་བོ་རུ། །ལེགས་བཞེས་གོས་དཀར་ལྕང་ལོ་མཛེས་པའི་སྐུ། །དྲིན་ཅན་ཀུན༷་དགའ༷་བསོ༷ད་ནམ༷ས་ལ༴ །མཁས་གྲུབ་ཀུན་གྱི་མཆོག་གྱུར་བླ་མ་རྗེ། །ལུང་རྟོགས་ཟབ་དོན་ནོར་བུས་ལེགས་ཕྱུག་པའི། །སྤྲུལ་པའི་སྐུ་མཆོག་འགྲོ་བའི་སྐྱབས་གནས་མཆོག །བདག་ཆེན་བསོ༷ད་ན༷མས་དབ༷ང་ཕྱུག༷་ལ༴ །འཆི་མེད་རིགས་སྔགས་གྲུབ་པའི་སྐུ་བརྙེས་ཤིང་། །མཐའ་ཀླས་འགྲོ་ལ་ལེགས་པའི་ལམ་སྟོན་པ། །ཆོས་ཀྱི་རྒྱལ་པོ་ལྷ་བཅས་སྐྱེ་རྒུའི་མགོན། །ངག༷་དབ༷ང་ཀུན༷་དག༷འ་བཀྲ༷་ཤིས༷་ལ༴ །དཀོན་མཆོག་གསུམ་གྱི་བསྟན་པའི་སྲོག་ཤིང་མཆོག །ཆོས་ཀྱི་རྒྱལ་པོ་འཛམ་གླིང་སྐྱེ་རྒུའི་མགོན། །རྡོ་རྗེ་འཛིན་པ་ངུར་སྨྲིག་འཆང་བའི་གཙོ། །བླ་ཆེན་དཀོ༷ན་མཆོ༷ག་རྒྱལ་པོ་ལ༴ །དཔག་མེད་༧རྒྱལ་བ་ཀུན་གྱི་ཕྲིན་ལས་ཅན། །རྩོད་མེད་མཁས་གྲུབ་བྱེ་བའི་གཙུག་གི་རྒྱན། །རིས་མེད་འགྲོ་ལ་བྱམས་དང་བརྩེ་བའི་བདག །སྔགས་འཆང་བསོ༷ད་ནམ༷ས་རི༷ན་ཆེ༷ན་ལ༴ །སྲིད་གསུམ་དྲེགས་པའི་ཚོགས་རྣམས་གཟི་གྱིས་མནན། །ཐེག་གསུམ་ཆོས་ཀྱི་སྒྲ་དབྱངས་རྟག་སྒྲོགས་ཤིང་། །རིགས་གསུམ་གདུལ་བྱའི་ཚོགས་རྣམས་སྨིན་མཛད་པ། །འཇམ་མགོན་ཀུན༷་དག༷འ་བློ༷་གྲོས༷་ལ་གསོལ༴ །འཇིག་རྟེན་སྐྱེ་རྒུ་ཀུན་གྱི་གཙུག་ཏོར་ཆེར། །ཞབས་སེན་ཉི་མ་ནོར་བུ་བསྟོད་ཙམ་གྱི། །སྲིད་ཞིའི་གདུང་བ་མཐའ་དག་སེལ་མཛད་པ། །མཐུ་ཆེན་དབ༷ང་སྡུད༷་སྙིང༷་པོ་ལ༴ །འོད་གསལ་འཆི་མེད་རིགས་ཀྱི་ཐིག་ལེ་ལས། །རིགས་སྔགས་གྲུབ་པའི་དབང་པོར་སྐུ་བཞེངས་ཏེ། །འཁོར་བའི་སྡུག་བསྔལ་ཀུན་ནས་སེལ་བའི་དཔལ། །པ༷དྨ་བདུད༷་འདུལ༷་དབང་ཕྱུག་ལ༴ །སྔོན་ཚེ་ཉན་ཐོས་མཆོག་གྱུར་མོའུ་འགའ་བུ། །ཕྱི་རབས་འདུལ་དོན་ཀུན་དགའ་རྣམ་རྒྱལ་ཞེས། །དེང་འདིར་དྲིན་ཅན་བླ་མ་གདོད་མའི་མགོན། །ངག་དབང་ཀུན༷་དག༷འ་རྒྱལ༷་མཚ༷ན་ལ༴ །ཐེག་ཆེན་བྱང་ཆུབ་སེམས་ཀྱིས་ཐུགས་རྒྱུད་གཏམས། །གཞན་ཡང་སྙིང་རྗེའི་འགྲོ་རྣམས་དབང་དུ་འདུས། །ཐམས་ཅད་མཁྱེན་པའི་རྒྱལ་སར་བཀྲི་མཛད་པ། །སྔགས་འཆང་བཀྲ་ཤིས་རིན་ཆེན་ལ༴ །བླ་མཆོག་ང༷ག་གི་དབ༷ང་པོའི་ཡེ་ཤེས་སྐུ། །འཇིག༷ས་མེད༷་གྲུབ་པའི་དཔའ་བོའི་སྐུ་བཞེངས་ཏེ། །དམ་ཆོས་ཟབ་མོའི་དབ༷ང་འབྱོར་རྒྱལ༷་བའི་སྲས། །རྡོ་རྗེ་འཛིན་པ་ཆེན་པོར་ལ༴ །མཐའ་ཡས་འགྲོ་ཀུན་འཁོར་བའི་སྡུག་བསྔལ་ལས། །གྲོལ་ཕྱིར་མི་ཡི་ཚུལ་དུ་གོས་དཀར་འཆང་། །ཀུན་བཟང་རིགས་བཞིའི་དགོངས་པ་རབ་བརྙེས་པས། །དྲག༷་ཤུལ༷་ཕྲིན༷་ལ༷ས་རིན༷་ཆེན༷་ལ༴ །གཞི་ལམ་འབྲས་གསུམ་གཅིག་པའི་དགོངས་མཉམ་རྡོལ། །རྒྱ་བོད་ས་སྐྱོང་ཆེན་པོས་གཙུག་ནོར་ཆེ། །རྒྱལ་བསྟན་བདག་པོ་མངའ་གསོལ་རྡོ་རྗེ་འཆང་། །ངག་དབང་མཐུ༷་སྟོབ༷ས་དབང་ཕྱུག་ལ༴ །མདོ་རྒྱུད་རྒྱ་མཚོ་ལྟ་བུའི་མཛོད་བཟུང་ནས། །རིས་མེད་གྲུབ་མཐའི་ཆོས་ཀྱི་འཁོར་ལོ་བསྐོར། །མཁས་གྲུབ་བྱེ་བའི་གཙུག་རྒྱན་ས་སྐྱ་པ། །ངག་དབང་ཀུན༷་དག༷འ་བསོ༷ད་ནམ༷ས་ལ་གསོལ་བ་འདེབས། །དངོས་དང་བརྒྱུད་པའི་རྡོ་རྗེ་སློབ་དཔོན་སོགས༴ ཞེས་དཔལ་རྡོ་རྗེ་གཞོན་ནུའི་བླ་མ་བརྒྱུད་པ་རྣམས་ཀྱི་ཞལ་བསྐངས་དང་བཅས་པ་འདིའང་འཁོན་རིགས་ངག་དབང་ཀུན་དགའ་བསོད་ནམས་བར་དུ་བྱོན་པའི་བརྒྱུད་འདེབས་དགེའོ།། །།

[edit]

@#/____/dpal rdo rje gzhon nu'i bla ma brgyud pa'i gsol 'debs zhal skong bcas pa bzhugs/____/ dpal ldan bstan g.yo kun khyab srid zhi'i bdag__/rang bzhin brjod pa'i mtha' bral chos kyi dbyings/____/'gyur med rang rig 'od gsal bde ba che/____/chos sku kunaX tuX bzaXng poX la gsol ba 'debs/____/rnam dag de bzhin nyid las ma g.yos kyang /____/dag pa'i 'khor gyi snang ngor kha sbyor sku/____/rab mdzes mtshan dpe'i dpal 'bar longs spyod rdzogs/____/zung 'jug rdoX rjeX semaXs dpa' la gsol ba 'debs/____/o DI ya nar rgyal po'i rigs 'khrungs shing /____/gangs ri'i ljongs 'dir ma rung kun btul nas/____/dpag yas byin rlabs dngos grub char 'bebs pa/____/sprul sku paXd+ma 'byungaX gnaXs la gsol ba 'debs/____/'phags yul rig gnas rgya mtsho'i grur zhugs te/____/dam chos nor bu'i ded dpon klu?X dba?Xng po/____/grub gnyis par zhugs dge bsnyen tshul 'dzin gang /____/rdoX rjeX riXn cheXn rnam gnyis la=__'khor 'das sgyu mar rtogs pa'i shesaX rabaX dang /____/dmigs med thugs rje'i yoXn tanaX dang ldan pa'i/____/dam pa'i tshul bzhin bslab gsum khrims kyi mdzes/____/bla ma rgyalaX po'iX mtha' can la gsol ba 'debs/____/zab gsal rdoX rje'iX sku nyid mngon gyur kyang /____/tha mal tshul bstan gtsuXg gtoXr shes rab mtshan/__dge legs gzhi gyur byang chub thugs mnga' ba/____/'gro ba'i skyaba?Xs gnas mchog gyur=____/gcig tu dgeX ba'i chos la thugs gzhol zhing /____/yang dag nges pa'i don mthoXng rigs sngags 'chang /____/glang gi brag la rdo rje gzhon nu'i zhal/____/legs gzigs 'khon ston b.laX poX laX=____/snga 'gyur naX bzaX'i ring lugs rnams kyi mchog__/sgrub la brtson mdzad grub pa'i bloX gros can/____/gsang sngags mthu yi dam can bran du 'phel/____/'khoXn roXg shesaX raXb tshulaX khrims la=____/dri med dkoXn mchoXg gdung 'dzin chos kyi khrir/____/theg mchog 'khor lor bsgyur ba'i rgyalaX poX gang /____/snyigs dus gangs can dpal gyur sprul pa'i sku/____/bla chen kunaX dgaX' snyingaX po la=____/de sras 'jam pa'i dbyangs kyi byin brlabs pa/____/rig gnas kun mkhyen bsoXd namaXs rtseX moX dang /__7/__rgyal ba'i mkhyen brtse gcig bsdus rdo rje 'dzin/____/rje btsun gragaXs paX rgyalaX mtshaXn la=____/zab mo'i lam gyi rang gi rgyud smin nas/____/gzhan yang brtse ba'i thugs mnga' dpaXl cheXn 'od/____/mkhyen rab thogs med 'jig rten kun gyi mig__/sgra bsgyur kunaX dgaX' rgyalaX mtshaXn la gsol=____/rje btsun mchog las 'khrul med gdams pa rnams/____/legs nos gzhan la 'chad mkhas 'oda?X ldana?X pa/____/chos kunaX dgaX' bzhi'i ngo bor ro gcig rtogs/____/rdoX rjeX gsum dang dbyer med la=____/mchoXg tu gzhan la phan pa'i thugs ldan zhing /____/skad gnyis smra ba leXgs paX'i blo~X grosaX can/____/gzhung lugs man ngag kunaX 'dus dga'aX ba'i tshal/____/bsodaX nams ye shes mthar phyin la=____/rnam mang gsungs rab mtha' dag legs sbyangs nas/____/gdams pa'i mdzod 'dzin riXn chenaX rgyalaX mtshaXn dang /____/bslab grol ngur smig gar gyi mdzes pa'i sku/____/chos rje bsoXd namaXs rgyalaX mtshan la=____/snyan brgyud lung dang rig pa'i gter mnga' ba/____/rgyal ba'i sras po shesaX raXb rdoX rjeX dang /____/dpag yas 'gro la byams dang snying rje yi/____/mkhaXn poX thugaXs rjeX shesaX raXb la=__zung 'jug dbu ma'i lam gyi rgyud grol nas/____/grub pa'i sngagaXs 'chaXng d+haXrmaX kiX rtiX'i zhabs/____/rab dge'i spyod pas gzhan don la dgongs pa/____/'phaXgs paX namaX mkhaX'i snyingaX poX la=____/'jam pa'i dbyangs kyi rjes su bzung mthu ldan/____/sbas pa'i rnal 'byor nam mkha' rgyal mtshan zhabs/____/lhag pa'i lha dang dbyer med 'khor lo'i mgon/____/rgyaX gaXr sheXs raXb rgyalaX mtshaXn la=____/dpal ldan mthu stobs mgon po'i byin brlabs shing /____/rim gnyis ting 'dzin mchog la mnga' brnyes pa/____/mang thos blo gsal rnam dag khrims kyi mdzes/____/'jam dbyangs kunaX dgaX' bsoXd namaXs laX=____/lha mchog ngag gi dbang pos rjes bzung zhing /____/chos kyi sbyin pa'i snyan pas grags pa can/____/bka' gdams bstan pa'i srog shing sems dpa' che/____/spyan snga chos kyi spyan ldan la=____/sngon tshe chos kyi rgyal po tshul khrims bar/____/phyi mar ngaXg dbaXng choXs kyi gragaXs pa zhes/____/dus 'dir spyan snga byams pa kun dge'i mtshan/____/sprul pa'i skyes mchog dam par=__dus gsum rgyal ba'i rnam 'phrul sa skya pa/____/rdo rje 'chang dngos kun dga'i mtshan can gyi/____/bstan pa rin chen phyogs bcur spel mdzad pa'i/____/sngaXgs 'chaXng ngag giX dbaXng poX la=____/smin byed dbang gi chu bos rgyud sbyangs nas/____/gdams pa nyams len chu bo mthar phyin te/____/skal bzang 'gro la rnam 'dren lam ston pa'i/____/'jam dbyangs bsoXd namaXs dbaXng poX la/____/kuna?X tu 'gro la brtse ba'i rjes chags nas/____/dga' bzhi'i dpal ster grub pa'i sa la bkod/____/donaX gnyis lhun grubaX bde stong legs rol pa/____/yongs 'dzin dpal ldan bla mar=__khrag 'thung lnga bcu'i gtso bo kI la ya/____/snyigs dus log 'dren 'dul ba'i dpa' bo ru/____/legs bzhes gos dkar lcang lo mdzes pa'i sku/____/drin can kunaX dga'aX bsoXd namaXs la=____/mkhas grub kun gyi mchog gyur bla ma rje/____/lung rtogs zab don nor bus legs phyug pa'i/____/sprul pa'i sku mchog 'gro ba'i skyabs gnas mchog__/bdag chen bsoXd naXms dbaXng phyugaX la=____/'chi med rigs sngags grub pa'i sku brnyes shing /____/mtha' klas 'gro la legs pa'i lam ston pa/____/chos kyi rgyal po lha bcas skye rgu'i mgon/____/ngagaX dbaXng kunaX dgaX' bkraX shisaX la=____/dkon mchog gsum gyi bstan pa'i srog shing mchog__/chos kyi rgyal po 'dzam gling skye rgu'i mgon/____/rdo rje 'dzin pa ngur smrig 'chang ba'i gtso/____/bla chen dkoXn mchoXg rgyal po la=____/dpag med 7rgyal ba kun gyi phrin las can/____/rtsod med mkhas grub bye ba'i gtsug gi rgyan/____/ris med 'gro la byams dang brtse ba'i bdag__/sngags 'chang bsoXd namaXs riXn cheXn la=____/srid gsum dregs pa'i tshogs rnams gzi gyis mnan/____/theg gsum chos kyi sgra dbyangs rtag sgrogs shing /____/rigs gsum gdul bya'i tshogs rnams smin mdzad pa/____/'jam mgon kunaX dgaX' bloX grosaX la gsol=____/'jig rten skye rgu kun gyi gtsug tor cher/____/zhabs sen nyi ma nor bu bstod tsam gyi/____/srid zhi'i gdung ba mtha' dag sel mdzad pa/____/mthu chen dbaXng sdudaX snyingaX po la=____/'od gsal 'chi med rigs kyi thig le las/____/rigs sngags grub pa'i dbang por sku bzhengs te/____/'khor ba'i sdug bsngal kun nas sel ba'i dpal/____/paXd+ma bdudaX 'dulaX dbang phyug la=____/sngon tshe nyan thos mchog gyur mo'u 'ga' bu/____/phyi rabs 'dul don kun dga' rnam rgyal zhes/____/deng 'dir drin can bla ma gdod ma'i mgon/____/ngag dbang kunaX dgaX' rgyalaX mtshaXn la=____/theg chen byang chub sems kyis thugs rgyud gtams/____/gzhan yang snying rje'i 'gro rnams dbang du 'dus/____/thams cad mkhyen pa'i rgyal sar bkri mdzad pa/____/sngags 'chang bkra shis rin chen la=____/bla mchog ngaXg gi dbaXng po'i ye shes sku/____/'jigaXs medaX grub pa'i dpa' bo'i sku bzhengs te/____/dam chos zab mo'i dbaXng 'byor rgyalaX ba'i sras/____/rdo rje 'dzin pa chen por la=____/mtha' yas 'gro kun 'khor ba'i sdug bsngal las/____/grol phyir mi yi tshul du gos dkar 'chang /____/kun bzang rigs bzhi'i dgongs pa rab brnyes pas/____/dragaX shulaX phrinaX laXs rinaX chenaX la=____/gzhi lam 'bras gsum gcig pa'i dgongs mnyam rdol/____/rgya bod sa skyong chen pos gtsug nor che/____/rgyal bstan bdag po mnga' gsol rdo rje 'chang /____/ngag dbang mthuX stobaXs dbang phyug la=____/mdo rgyud rgya mtsho lta bu'i mdzod bzung nas/____/ris med grub mtha'i chos kyi 'khor lo bskor/____/mkhas grub bye ba'i gtsug rgyan sa skya pa/____/ngag dbang kunaX dgaX' bsoXd namaXs la gsol ba 'debs/____/dngos dang brgyud pa'i rdo rje slob dpon sogs=__zhes dpal rdo rje gzhon nu'i bla ma brgyud pa rnams kyi zhal bskangs dang bcas pa 'di'ang 'khon rigs ngag dbang kun dga' bsod nams bar du byon pa'i brgyud 'debs dge'o//____//_