JKCL-KABUM-11-DA-104

🚧 This website is under continued development. We appreciate your patience!

Previous Text Back to Volume PageNext Text

Wylie title	a mye mgo rdo'i bsang mchod
Location	chos kyi blo gros bka' 'bum Volume 11, Text 104, Pages 513 (Folios 1a1 to 1a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. a mye mgo rdo'i bsang mchod. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: 513. Bir, H.P.: Khyentse Labrang, 2012.
Genre	Smoke Offerings - bsangs mchod - lha bsang
Deity	a mye mgo rdo
Colophon	ཅེས་པའང་ཆོས་ཀྱི་བློ་གྲོས་པས་སོ། །དགེའོ།།
	ces pa'ang chos kyi blo gros pas so/__/dge'o//

1 Texts in this Section (sde tshan or chos tshan)

513	ཨ་མྱེ་མགོ་རྡོའི་བསང་མཆོད། a mye mgo rdo'i bsang mchod Smoke Offerings - bsangs mchod - lha bsang	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ཨ་མྱེ་མགོ་རྡོའི་བསང་མཆོད་བཞུགས་སོ། ཨ་མྲྀ་ཏས་བསང་། སྭཱ་བྷཱ་ཝས་སྦྱངས། སྟོང་པའི་ངང་ལས་མཆོད་བསྲེག་རྫས་རྣམས་ཀུན། །ངོ་བོ་ཡེ་ཤེས་ཟག་མེད་བདུད་རྩིའི་སྤྲིན། །དགྱེས་རྒུར་འཆར་བ་མི་ཟད་ནམ་མཁའི་མཛོད། །བློ་ཡིས་སྤྲུལ་ཞིང་འགྲོན་རྣམས་ཚིམ་བྱེད་གྱུར། །ཨོཾ་ཨཱཿཧཱུྃ། ལན་གསུམ། རྩ་གསུམ་འདུས་ཞལ་མཚོ་སྐྱེས་རྡོ་རྗེ་ཡིས། །དམ་ལ་བཞག་པའི་དཀར་ཕྱོགས་སྐྱོང་བའི་རྒྱལ། །དགེ་བསྙེན་དབང་གྲགས་རྡོ་རྗེ་སྐུ་མདོག་ནག །ཞལ་གཅིག་ཕྱག་གཉིས་ཕྱག་གཡས་དགྲ་སྟ་འཕྱར། །གཡོན་པས་མདུང་དར་ནོར་བུ་དབང་རྒྱལ་བསྣམས། །བེར་ནག་གསོལ་ཞིང་རལ་བ་ཐུར་དུ་འཕྱང་། །ཐུགས་ཀར་སྲིད་གསུམ་གསལ་བའི་མེ་ལོང་དཔྱང་། །སག་ལྷྭམ་གསོལ་ཞིང་རྟ་དམར་སྟེང་ན་འགྱིང་། །ཡབ་ཡུམ་འཁོར་བཅས་འདིར་གཤེགས་བསང་མཆོད་བཞེས། །དམ་ཉམས་གྲིབ་ཀྱི་མནོལ་བ་སངས་གྱུར་ཅིག །རྒྱལ་ཁམས་སྤྱི་དང་ཁྱད་པར་ཡུལ་ཕྱོགས་འདིར། །མི་ནད་ཕྱུག་ནད་དུས་འཁྲུག་རྒྱུན་ཆད་ཅིང་། །ཞིང་ལ་བཙའ་འབུ་སད་སེར་རིགས་མཐའ་དག །ཞི་བས་བཀྲ་ཤིས་དཔལ་གཡང་དངོས་གྲུབ་སྩོལ། །གཏོར་མ་སྐྱེམས་ཕུད་གཙང་སར་མཆོད། ཅེས་པའང་ཆོས་ཀྱི་བློ་གྲོས་པས་སོ། །དགེའོ།། །།

[edit]

a mye mgo rdo'i bsang mchod bzhugs so/__a mr-i tas bsang /__swA b+hA was sbyangs/__stong pa'i ngang las mchod bsreg rdzas rnams kun/__/ngo bo ye shes zag med bdud rtsi'i sprin/__/dgyes rgur 'char ba mi zad nam mkha'i mdzod/__/blo yis sprul zhing 'gron rnams tshim byed gyur/__/oM AHhU~M/__lan gsum/__rtsa gsum 'dus zhal mtsho skyes rdo rje yis/__/dam la bzhag pa'i dkar phyogs skyong ba'i rgyal/__/dge bsnyen dbang grags rdo rje sku mdog nag__/zhal gcig phyag gnyis phyag g.yas dgra sta 'phyar/__/g.yon pas mdung dar nor bu dbang rgyal bsnams/__/ber nag gsol zhing ral ba thur du 'phyang /__/thugs kar srid gsum gsal ba'i me long dpyang /__/sag l+h+wam gsol zhing rta dmar steng na 'gying /__/yab yum 'khor bcas 'dir gshegs bsang mchod bzhes/__/dam nyams grib kyi mnol ba sangs gyur cig__/rgyal khams spyi dang khyad par yul phyogs 'dir/__/mi nad phyug nad dus 'khrug rgyun chad cing /__/zhing la btsa' 'bu sad ser rigs mtha' dag__/zhi bas bkra shis dpal g.yang dngos grub stsol/__/gtor ma skyems phud gtsang sar mchod/__ces pa'ang chos kyi blo gros pas so/__/dge'o//__//