JKW-KABAB-06-CHA-039

🚧 This website is under continued development. We appreciate your patience!

Previous Text Back to Volume PageNext Text

Wylie title	mkha' 'gro gsang ba kun 'dus kyi 'pho rdzas bsdu ba'i rim pa
Location	mkhyen brtse'i bka' babs Volume 6, Text 39, Pages 539-540 (Folios 1a1 to 1b3)
Author	ཨ་འཛོམས་འབྲུག་པ་འགྲོ་འདུལ་དཔའ་བོ་རྡོ་རྗེ་
Less details More details
Tertön	ཇོ་མོ་སྨན་མོ་, འཇམ་དབྱངས་མཁྱེན་བརྩེའི་དབང་པོ་ (jo mo sman mo, 'jam dbyangs mkhyen brtse'i dbang po)
Citation	a 'dzoms 'brug pa 'gro 'dul dpa' bo rdo rje. mkha' 'gro gsang ba kun 'dus kyi 'pho rdzas bsdu ba'i rim pa. In Rdzong sar 'jam dbyangs mkhyen brtse'i dbang po'i bka' babs, Vol. 6: 539-540. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Ritual Substances - rdzas  ·  Transference of Consciousness - 'pho ba
Cycle	མཁའ་འགྲོ་གསང་བ་ཀུན་འདུས་ (mkha' 'gro gsang ba kun 'dus)
Karchag page	JKW-KABAB-Volume-06-CHA-Karchag
RTZ	In the Rinchen Terdzö: https://rtz.tsadra.org/index.php/Terdzo-NGI-079
Colophon	།ཞེས་ཉེར་མཁོའི་ཆེད་དུ་ལམ་འདི་ལ་གཅིག་ཏུ་གུས་ཤིང་གཏེར་ཆེན་དམ་པའི་ཞབས་རྡུལ་སྤྱི་བོར་ལེན་པའི་འབངས་ཐ་འགྲོ་འདུལ་པས་ཁྱེར་བདེར་བཀོད་པའི་དགེ་བས་འགྲོ་ཀུན་རྡོ་རྗེ་བཙུན་མོས་རྗེས་སུ་བཟུང་ཞིང་བདེ་ཆེན་མཁའ་སྤྱོད་གནས་སུ་འདོད་རྒུར་རྩེན་པའི་རྒྱུར་གྱུར་ཅིག །དགེའོ། །དགེའོ། །དགེའོ།།
	zhes nyer mkho'i ched du lam 'di la gcig tu gus shing gter chen dam pa'i zhabs rdul spyi bor len pa'i 'bangs tha 'gro 'dul pas khyer bder bkod pa'i dge bas 'gro kun rdo rje btsun mos rjes su bzung zhing bde chen mkha' spyod gnas su 'dod rgur rtsen pa'i rgyur gyur cig__/dge'o/__/dge'o/__/dge'o//

Tibetan Text

Wylie

[edit]

༄༅། ན་མོ་གུ་རུ་ཀརྨ་ཌཱ་ཀི་ནི་ཡེ། །མཁའ་འགྲོ་གསང་བ་ཀུན་འདུས་ཀྱི་འཕོ་རྫས་བསྡུ་བའི་རིམ་པ་ནི། རྫས་དང་སྣོད་སོགས་གཞུང་ནས་ཇི་སྐད་བཤད་ལྟར་དང༌། སྒྲུབ་ཐབས་དངོས་ནི། སྒོས་སྒྲུབ་ཡིན་ན་སྐྱབས་སེམས་སྔོན་དུ་འགྲོ་བ་དང༌། ཕྲིན་ལས་རྒྱས་པ་དང་འབྲེལ་ཚེ་གཞུང་གི་ལྷ་བསྐྱེད། སྣང་སྟོང་ཟུང་འཇུག་ཆེན་པོར་བསྒོམ༔ བར་སོང་ནས། ཧཱུྃ་རང་བྱུང་ཡེ་ཤེས་ཕྱག་རྒྱའི་འཕྲུལ༔ ཐོད་པ་ལྷ་ཡི་གཞལ་ཡས་ཁང་༔ རིག་གྲོལ་དམ་རྫས་རྡུལ་གྱི་གྲངས༔ བཅོམ་ལྡན་ཀརྨ་དྷཱ་ཀི་ནི༔ ཞལ་ཕྱག་རྒྱན་དང་ཆ་ལུགས་རྫོགས༔ སྣང་སྟོང་བདེ་ཆེན་སྒྱུ་མའི་སྐུ༔ མ་འདྲེས་འཇའ་ཚོན་ལྟ་བུར་གསལ༔ ཨོཾ་ཨཱཿཧཱུྃ་བཛྲ་ཛྙཱ་ན་སོགས་ཀྱི་སྔགས་དོན་གྱིས་ང་རྒྱལ་བཟུང་བ་སོགས་གཞུང་ལྟར། བཟླས་པ་སོང་འཕྲལ། ཨོཾ་ས་ཀརྨ་དྷཱ་ཀི་ནཱི་ཛྙཱ་ན་པྲ་ཝེ་ཤ་ཡ་ཕཊ༔ ཅེས་རྫས་ལ་དམིགས་ཏེ་འོད་ཟེར་སྤྲོ་བསྡུ་བཟླས་པ་ལ་འབད། སྒོས་སྒྲུབ་བྱེད་ཚེ༔ སྣང་སྟོང་བདེ་ཆེན་སྒྱུ་མའི་སྐུའི༔ གནས་གསུམ་ཡི་གེའི་འོད་ཟེར་གྱིས༔ འོག་མིན་གནས་ཡུལ་དུར་ཁྲོད་ནས༔ ཡེ་ཤེས་སྤྱན་དྲངས་དབྱེད་མེད་བསམ༔ ལྷུན་གྲུབ་དམ་ཚིག་དཀྱིལ་འཁོར་ཆེ༔ ཡེ་ཤེས་འཁོར་ལོ་དབྱེར་མེད་གཤེགས༔ འདུ་འབྲལ་མེད་པའི་ངང་དུ་བཞུགས༔ གཉིས་མེད་བརྡའ་ཡིས་ཕྱག་བགྱིའོ༔ ཨོཾ་ཛྙཱ་ན་བྷཱ་ར་ཧི་ཨཱ་བེ་ཤ་ཡ་ཕེཾ་ཕེཾ་ཛཿཧཱུྃ་བྃ་ཧོ༔ ས་མ་ཡ༔ ཏིཥྛ་ལྷན༔ ཨ་ཏི་པུ་ཧོ༔ ཨ་ལ་ལ་ཧོ༔ ཨོཾ་ཨཱཿཧཱུྃ༔ ཡུལ་ཀུན་སྟོང་གཟུགས་མཆོད་པའི་སྤྲིན༔ དབང་པོ་སྒྱུ་མའི་བདེ་བས་རོལ༔ བདེ་སྟོང་དབྱེར་མེད་ཐིག་ལེའི་སྐུ༔ རྡོ་རྗེ་བཙུན་མོར་ཕྱག་འཚལ་བསྟོད༔ གོང་གི་བཟླས་དམིགས་རྟགས་ཐོན་སོགས་ཇི་ལྟར་རིགས་པར་བྱའོ། །མཐར་ཡེ་ཤེས་པ་གཤེགས། དམ་ཚིག་པ་འོད་དུ་ཞུ་བས་དམ་རྫས་དང་དབྱེར་མེད་དུ་གྱུར་པར་མོས། སུ་པྲ་ཏིཥྛ་ལྟ་བུའི་བརྟན་བཞུགས་ཀྱང་བྱས་པས་དོན་འགྲུབ་བོ། །ཞེས་ཉེར་མཁོའི་ཆེད་དུ་ལམ་འདི་ལ་གཅིག་ཏུ་གུས་ཤིང་གཏེར་ཆེན་དམ་པའི་ཞབས་རྡུལ་སྤྱི་བོར་ལེན་པའི་འབངས་ཐ་འགྲོ་འདུལ་པས་ཁྱེར་བདེར་བཀོད་པའི་དགེ་བས་འགྲོ་ཀུན་རྡོ་རྗེ་བཙུན་མོས་རྗེས་སུ་བཟུང་ཞིང་བདེ་ཆེན་མཁའ་སྤྱོད་གནས་སུ་འདོད་རྒུར་རྩེན་པའི་རྒྱུར་གྱུར་ཅིག །དགེའོ། །དགེའོ། །དགེའོ།། །།

[edit]

@#/__na mo gu ru karma DA ki ni ye/___/mkha' 'gro gsang ba kun 'dus kyi 'pho rdzas bsdu ba'i rim pa ni/__rdzas dang snod sogs gzhung nas ji skad bshad ltar dang*/__sgrub thabs dngos ni/___sgos sgrub yin na skyabs sems sngon du 'gro ba dang*/__phrin las rgyas pa dang 'brel tshe gzhung gi lha bskyed/__snang stong zung 'jug chen por bsgom:__bar song nas/___hU~M rang byung ye shes phyag rgya'i 'phrul:__thod pa lha yi gzhal yas khang :__rig grol dam rdzas rdul gyi grangs:__bcom ldan karma d+hA ki ni:__zhal phyag rgyan dang cha lugs rdzogs:__snang stong bde chen sgyu ma'i sku:__ma 'dres 'ja' tshon lta bur gsal:__oM AHhU~M badz+ra dz+nyA na sogs kyi sngags don gyis nga rgyal bzung ba sogs gzhung ltar/__bzlas pa song 'phral/__oM sa karma d+hA ki nI dz+nyA na pra we sha ya phaT:__ces rdzas la dmigs te 'od zer spro bsdu bzlas pa la 'bad/__sgos sgrub byed tshe:__snang stong bde chen sgyu ma'i sku'i:__gnas gsum yi ge'i 'od zer gyis:__'og min gnas yul dur khrod nas:___ye shes spyan drangs dbyed med bsam:___lhun grub dam tshig dkyil 'khor che:__ye shes 'khor lo dbyer med gshegs:__'du 'bral med pa'i ngang du bzhugs:__gnyis med brda' yis phyag bgyi'o:___oM dz+nyA na b+hA ra hi A be sha ya pheM pheM dzaHhU~M ba~M ho:__sa ma ya:__tiSh+Tha lhan:__a ti pu ho:__a la la ho:__oM AHhU~M:__yul kun stong gzugs mchod pa'i sprin:__dbang po sgyu ma'i bde bas rol:__bde stong dbyer med thig le'i sku:__rdo rje btsun mor phyag 'tshal bstod:__gong gi bzlas dmigs rtags thon sogs ji ltar rigs par bya'o/__/mthar ye shes pa gshegs/__dam tshig pa 'od du zhu bas dam rdzas dang dbyer med du gyur par mos/__su pra tiSh+Tha lta bu'i brtan bzhugs kyang byas pas don 'grub bo/__/zhes nyer mkho'i ched du lam 'di la gcig tu gus shing gter chen dam pa'i zhabs rdul spyi bor len pa'i 'bangs tha 'gro 'dul pas khyer bder bkod pa'i dge bas 'gro kun rdo rje btsun mos rjes su bzung zhing bde chen mkha' spyod gnas su 'dod rgur rtsen pa'i rgyur gyur cig__/dge'o/__/dge'o/__/dge'o//___//