JKW-KABUM-20-WA-001-015

Previous Text Back to Volume PageNext Text

Wylie title	bla ma dam pa saM g+ha sA ga rar phul ba'i mchid lan
Location	mkhyen brtse'i bka' 'bum Volume 20, sde tshan 1, Text 15, Pages 37-38 (Folios 19a2 to 19b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bla ma dam pa saM g+ha sA ga rar phul ba'i mchid lan. In 'jam dbyangs mkhyen brtse'i dbang po'i bka' 'bum, Vol. 20: 37-38. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan
Colophon	།དེ་བ་ས་པ་ཊ་ཀཾ་མཉྫུ་གྷོ་ཥཱཏ།།
	de ba sa pa Ta kaM many+dzu g+ho ShAta

1 Texts in this Section (sde tshan or chos tshan)

15 37-38	བླ་མ་དམ་པ་སཾ་གྷ་སཱ་ག་རར་ཕུལ་བའི་མཆིད་ལན། bla ma dam pa saM g+ha sA ga rar phul ba'i mchid lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བླ་མ་དམ་པ་སཾ་གྷ་སཱ་ག་རར་ཕུལ་བའི་མཆིད་ལན། ཨོཾ་སྭསྟི་ཀུརྦནྟུ། །མཛེས་སྐུའི་སྣང་བརྙན་ཡིད་ལ་དྲན་པའི་མོད། །དུས་མིན་འཆི་བའི་རྒུད་པ་དྲུང་འབྱིན་ཞིང་། །ཚེ་དང་ཡེ་ཤེས་མཆོག་གི་དཔལ་སྟེར་བ། །བཅོམ་ལྡན་འཆི་མེད་མགོན་པོས་ཁྱེད་ལ་སྲུངས། ༡ །གུས་པའི་ཡིད་ནི་དཔྱིད་ཀྱི་ནགས་ཀླུང་ན། །ངལ་འཚོའི་པདྨོ་བཞིན་དུ་རྒྱས་གྱུར་ཏེ། །ཚིག་གི་སྦྲང་རྩི་དོན་གྱི་ཟིལ་དངར་ཅན། །མཁྱེན་བརྩེའི་གཟིགས་པའི་འབབ་སྟེགས་མཛེས་ཕྱིར་རྒྱུ། ༢ །ཟླ་བ་ཙནྡན་ཆུ་དང་ག་བུར་གྱིས། །མི་མཚོན་ཞི་བསིལ་དམ་པ་མངོན་བརྙེས་བཞིན། །གཞན་ཕྱིར་མཐུན་པར་འཇུག་པའི་སྒྱུ་འཕྲུལ་གྱིས། །དེང་འདིར་བསྟན་པའི་ཉི་མ་གཅིག་ཏུ་གྱུར། ༣ །དེ་ཚེ་བསླབ་གྲོལ་རིག་པའི་ལང་ཚོ་དང་། །གྲགས་སྙན་ནོར་བུའི་རྣ་རྒྱན་ཟུང་མཛེས་པའི། །འཚོ་གཞེས་དགེ་བའི་ངག་གིས་རྣ་བ་ལ། །སྔོན་མེད་བདུད་རྩིའི་དཔལ་ནི་ཅིར་ཡང་བྱིན། ༤ །ལྷག་པར་ཟབ་རྒྱས་གདམས་པའི་མཛོད་འཆང་ཞིང་། །དེས་ཀྱང་སྐལ་བཟང་རྗེས་སུ་བཟུང་བ་དང་། །དེ་ཡི༷ས་ངེས་གསང་བསྟན་པའི་བཤད་སྒྲུབ་ཀྱི། །རྒྱལ་རྔ་སྲིད་རྩེར་སྒྲོགས་འདི་ཁྱོད་ཀྱི་མཐུ། ༥ །འདི་ན་མ་སྦྱངས་མི་མཁས་གཞན་དབང་གིས། །ཡུན་རིང་ཁུར་བཞིན་ནོན་པའི་དངོས་ངན་ཀྱ ང་། །བླ་མའི་བྱིན་རླབས་ཁོ་ནས་དབུགས་དབྱུང་ཕྱིར། །འདུ་ཤེས་གསུམ་གྱི་མལ་དུ་བདེ་བར་མཆིས། ༦ །སླད་ནས་འཆི་མེད་གྲུབ་པའི་དགེ་མཚན་དང་། །ཕྲིན་ལས་འཇིག་རྟེན་གསུམ་ན་སྙོམས་འཇུག་བཞིན། །འདིར་ཡང་ལྷག་པར་དགྱེས་པའི་འཛུམ་དཀར་གྱིས། ། རྟག་ཏུ་བསྐྱང་བའི་བཀའ་དྲིན་སྔར་བཞིན་སྩོལ། ༧ །དེ་བ་ས་པ་ཊ་ཀཾ་མཉྫུ་གྷོ་ཥཱཏ།། །། ༈

[edit]

bla ma dam pa saM g+ha sA ga rar phul ba'i mchid lan/ bla ma dam pa saM g+ha sA ga rar phul ba'i mchid lan/___oM swasti kurban+tu/___/mdzes sku'i snang brnyan yid la dran pa'i mod/___/dus min 'chi ba'i rgud pa drung 'byin zhing /___/tshe dang ye shes mchog gi dpal ster ba/___/bcom ldan 'chi med mgon pos khyed la srungs/___1_/gus pa'i yid ni dpyid kyi nags klung na/___/ngal 'tsho'i pad+mo bzhin du rgyas gyur te/___/tshig gi sbrang rtsi don gyi zil dngar can/___/mkhyen brtse'i gzigs pa'i 'bab stegs mdzes phyir rgyu/___2__/zla ba tsan+dan chu dang ga bur gyis/___/mi mtshon zhi bsil dam pa mngon brnyes bzhin/___/gzhan phyir mthun par 'jug pa'i sgyu 'phrul gyis/___/deng 'dir bstan pa'i nyi ma gcig tu gyur/___3__/de tshe bslab grol rig pa'i lang tsho dang /___/grags snyan nor bu'i rna rgyan zung mdzes pa'i/___/'tsho gzhes dge ba'i ngag gis rna ba la/___/sngon med bdud rtsi'i dpal ni cir yang byin/___4__/lhag par zab rgyas gdams pa'i mdzod 'chang zhing /___/des kyang skal bzang rjes su bzung ba dang /___/de yiXs nges gsang bstan pa'i bshad sgrub kyi/___/rgyal rnga srid rtser sgrogs 'di khyod kyi mthu/___5__/'di na ma sbyangs mi mkhas gzhan dbang gis/___/yun ring khur bzhin non pa'i dngos ngan kya_nga /_/bla ma'i byin rlabs kho nas dbugs dbyung phyir/___/'du shes gsum gyi mal du bde bar mchis/__6__/slad nas 'chi med grub pa'i dge mtshan dang /___/phrin las 'jig rten gsum na snyoms 'jug bzhin/___/'dir yang lhag par dgyes pa'i 'dzum dkar gyis/__/_rtag tu bskyang ba'i bka' drin sngar bzhin stsol/___7_/de ba sa pa Ta kaM many+dzu g+ho ShAta//__//_!__