JKW-KABUM-06-CHA-001-003: Difference between revisions
No edit summary |
m (Text replacement - "Khyentse Metadata" to "Text") |
||
(3 intermediate revisions by one other user not shown) | |||
Line 1: | Line 1: | ||
{{ | {{Text | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|citation=[['jam dbyangs mkhyen brtse'i dbang po]]. ''''. In '''jam dbyangs mkhyen brtse'i dbang po'i bka' 'bum'', Vol. 6: | |fulltitletib=སྔོན་འགྲོ་དངོས་གཞིའི་ལས་དང་པོ་པ་ལ་ཕན་པའི་ཚིག་གི་བདུད་རྩི། | ||
|fulltitle=sngon 'gro dngos gzhi'i las dang po pa la phan pa'i tshig gi bdud rtsi | |||
|citation=[['jam dbyangs mkhyen brtse'i dbang po]]. ''sngon 'gro dngos gzhi'i las dang po pa la phan pa'i tshig gi bdud rtsi''. In '''jam dbyangs mkhyen brtse'i dbang po'i bka' 'bum'', Vol. 6: 47-63. Khams sde dge rdzong sar dgon: Rdzong sar blo gros phun tshogs, 2020. | |||
|collectiontitle=mkhyen brtse'i bka' 'bum | |collectiontitle=mkhyen brtse'i bka' 'bum | ||
|collectiontitletib=མཁྱེན་བརྩེའི་བཀའ་འབུམ་ | |collectiontitletib=མཁྱེན་བརྩེའི་བཀའ་འབུམ་ | ||
|author='jam dbyangs mkhyen brtse'i dbang po | |author='jam dbyangs mkhyen brtse'i dbang po | ||
|editor= | |editor= | ||
|authortib=འཇམ་དབྱངས་མཁྱེན་བརྩེའི་དབང་པོ་ | |authortib=འཇམ་དབྱངས་མཁྱེན་བརྩེའི་དབང་པོ་ | ||
|editortib= | |editortib= | ||
|tibgenre=Preliminary Practices - sngon 'gro, Generation Stage - bskyed rim | |||
|terma=No | |terma=No | ||
|sabcadcategory=Four | |sabcadcategory=Four | ||
Line 18: | Line 21: | ||
|textnuminvol=001 | |textnuminvol=001 | ||
|textsubnumber=003 | |textsubnumber=003 | ||
|pagenumbers=47-63 | |||
|totalpages=17 | |||
|beginfolioline=24a4 | |||
|endfolioline=32a5 | |||
|totalfolios=9 | |||
|multivolumework=No | |multivolumework=No | ||
|rectonotes=sde tshan 1 | |rectonotes=sde tshan 1 | ||
|versonotes=mkhyen brtse'i bka' 'bum | |versonotes=mkhyen brtse'i bka' 'bum | ||
|colophontib=།ཞེས་པའང་སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་གོ་དོན་ཅུང་ཟད་སྨོས་པ་སྟེ། འདི་ཙམ་གྱིས་ཀྱང་ལས་དང་པོ་པ་ལས་ཀྱང་ཆེས་དང་པོར་གྱུར་པའི་བློ་གྲོས་ཤིན་ཏུ་དམན་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། | |||
|colophonwylie=zhes pa'ang sngon 'gro dang dngos gzhi'i lam spyir 'jug pa'i go don cung zad smos pa ste/__'di tsam gyis kyang las dang po pa las kyang ches dang por gyur pa'i blo gros shin tu dman pa rnams la phan pa rgya chen po 'byung ba'i rgyur gyur cig__/sarba mang+ga laM/ | |||
|pdflink=File:JKW-KABUM-06-CHA-001.pdf | |pdflink=File:JKW-KABUM-06-CHA-001.pdf | ||
}} | }} | ||
Line 26: | Line 36: | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP| | {{TibP|སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་ཟིན་བྲིས་ལས་དང་པོ་པ་ལ་ཕན་པའི་ཚིག་གི་བདུད་རྩི་ཞེས་བྱ་བ་བཞུགས་སོ། །ན་མོ་གུ་རུ་བྷྱཿ དེ་ལ་འདིར་རྟེན་གྱི་གང་ཟག་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་རྣམས་ཀྱིས། ཚེ་འདིའི་བདེ་སྐྱིད་དང་། འཁོར་བའི་བདེ་བ་དང་། རང་དོན་ཡིད་བྱེད་ལ་མ་ཆགས་པ་གསུམ་གྱིས་བློ་སྦྱངས་ཏེ་མྱུར་ལམ་རྡོ་རྗེ་ཐེག་པའི་ལམ་ཟབ་མོ་ལ་ནན་ཏན་དུ་བསླབ་པར་བྱ་བ་ཡིན་ཏེ། དང་པོ་གསུམ་གྱི་དབང་དུ་བྱས་ན། དལ་འབྱོར་རྙེད་དཀའ་བསམ་པས་འཆི་བ་མི་རྟག་པའི་གཞི་ཐེང་བ་དང་། འཆི་བ་མི་རྟག་པ་བསྒོམས་པས་ཚེ་འདིའི་མངོན་ཞེན་ལྡོག་པ་དང་། འཁོར་བའི་ཉེས་དམིགས་ཤེས་པས་སྲིད་པའི་ཕུན་ཚོགས་ལ་ངེས་པར་འབྱུང་བ་དང་། ལས་རྒྱུ་འབྲས་བསམ་པས་བླང་དོར་གྱི་འཇུག་ལྡོག་མ་འཆོལ་བ་དང་། དཀོན་མཆོག་ལ་སྐྱབས་སུ་འགྲོ་བས་ལམ་ལོག་པ་ལས་བློ་ལྡོག་པ་དང་། བྱང་ཆུབ་ཏུ་སེམས་བསྐྱེད་པས་ལམ་དམན་པ་ལས་ཁྱད་པར་དུ་བྱ་བ་སྟེ་དྲུག་ལས། དང་པོ་ནི། ད་རེས་རང་གཞན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་བའི་ཕྱིར་དམ་པའི་ཆོས་རྣམ་པར་དག་པ་ཞིག་བསྒྲུབ་དགོས། དེ་བསྒྲུབ་པའི་རྟེན་ནི་དལ་འབྱོར་གྱི་མི་ལུས་འདི་ཁོ་ན་ལས་གཞན་དུ་མ་དམིགས་ཤིང་། རྟེན་འདི་ཡང་། ངོ་བོ་དང་། རྒྱུ་དང་། གྲངས་དང་། དཔེ་རྣམས་ཀྱི་སྒོ་ནས་ཞིབ་མོར་བསམ་ན་ད་ལན་ཙམ་མ་གཏོགས་ཕྱིས་ནས་ཡང་ནས་ཡང་དུ་རྙེད་པར་དཀའ་བའི་ཚུལ། ངན་སོང་གསུམ་དུ་སྐྱེས་ན་ནི་སྡུག་བསྔལ་གྱི་སྡུག་བསྔལ་དོས་དྲགས་པས་མི་ཁོམས། ལྷ་རྣམས་ནི་འདོད་ཡོན་ལ་གཡེང་བས་མི་ཁོམས། སངས་རྒྱས་མ་བྱོན་པའི་ཞིང་ངམ། བྱོན་ཀྱང་ཆོས་མ་དར་བའི་མཐའ་འཁོབ་ཀླ་ཀློའམ། ལས་འབྲས་ལ་ཡིད་མི་ཆེས་པའི་ལོག་ལྟ་ཅན་དང་། ཆོས་ཀྱི་བླང་དོར་མི་ཤེས་པའི་གླེན་ཅིང་ངག་ལྐུག་པ་རྣམས་སུ་སྐྱེས་ན་ཆོས་ཀྱི་སྣང་བ་དང་བྲལ་བས་ན་མི་ཁོམས་པ་སྟེ། སྐྱོན་གྱི་ལྡོག་ཆ་བརྒྱད་པོ་དེ་དང་བྲལ་བའི་མི་ལུས་ནི་ཆོས་སྒྲུབ་པའི་ལོང་ཡོད་དུ་ཁོམས་པས་ངོ་བོ་དལ་བ་ཞེས་བྱ་ལ། དེའི་ཁྱད་པར་གྱི་ཆོས་མིའི་ལུས་སུ་སྐྱེས་པ་གཞིར་བཞག་ནས། དེ་ཡང་ཡུལ་དབུས་ཆོས་དར་སར་སྐྱེས་པ། དབང་པོ་སྒོ་ལྔ་ཚང་བ། མཚམས་མེད་ལྔ་ལས་གང་ཡང་རུང་བ་མ་བྱས་པས་ལས་མཐའ་མ་ལོག་པ། སངས་རྒྱས་ཀྱི་གསུང་རབ་ལ་དད་པས་འཇུག་པ་གནས་ལ་དད་པ་སྟེ་རང་རྒྱུད་ཀྱིས་བསྡུས་པའི་འབྱོར་བ་ལྔ་དང་། སངས་རྒྱས་འཇིག་རྟེན་དུ་བྱོན་པ། དེས་ཆོས་གསུངས་པ། གསུངས་པའི་བསྟན་པ་གནས་པ། བསྟན་པའི་རྗེས་སུ་བདག་གཞན་འཇུག་པ་ཡོད་པ། ཆོས་དང་ཟང་ཟིང་གི་མཐུན་རྐྱེན་སྦྱོར་བ་ཡོད་པ་སྟེ་གཞན་རྒྱུད་ཀྱིས་བསྡུས་པའི་འབྱོར་པ་ལྔ་ལས། རང་འབྱོར་དང་དལ་བ་ནི་གནས་གཅིག་པ་ཡིན་ལ། དེ་ལྟ་བུའི་ཁྱད་ཆོས་མཐའ་དག་ཚང་བ་ཤིན་ཏུའང་དཀོན་པས་ན་ངོ་བོའི་སྒོ་ནས་རྙེད་པར་དཀའ་བ་ཡིན་ནོ། །དེ་ཙམ་དུ་དཀའ་བའང་སེམས་ཅན་གྱི་ནང་ནས་ངན་སོང་གི་རྒྱུ་སྡིག་པའི་ལས་བྱེད་པ་ནི་ཤིན་ཏུ་མང་། མཐོ་རིས་ཀྱི་རྒྱུ་དགེ་བ་བྱེད་པ་ནི་ཆེས་ཉུང་། དེ་ལས་ཀྱང་དལ་འབྱོར་གྱི་ལུས་སྐྱོན་མེད་པའི་རྒྱུ་ཚུལ་ཁྲིམས་རྣམ་པར་དག་པ་བསྲུང་བ་ནི་སྲིད་མཐའ་ཙམ་དུ་འདུག་པས་ན་རྒྱུ་ཡི་སྒོ་ནས་ཀྱང་རྙེད་པར་དཀའ་ལ། རྒྱུ་དེས་བསྐྱེད་པའི་འབྲས་བུ་རང་གི་ངོས་ནས་ཀྱང་། ངན་སོང་གསུམ་ནི་ས་ཆེན་པོའི་རྡུལ་བཞིན་དུ་མཐའ་མེད། མཐོ་རིས་ནི་སེན་མོའི་སྟེང་གི་རྡུལ་བཞིན་ཤིན་ཏུ་ཉུང་བར་ལུང་ལས་གསུངས་པར་མ་ཟད། མཐོང་ཆོས་སུའང་ངན་སོང་གསུམ་གྱི་ནང་ནས་ཉུང་ཤོས་དུད་འགྲོ་བྱིངས་ན་གནས་པ་ནི་ཆང་འགགས་ཀྱི་སྦང་མ་བཞིན་བསམ་གྱིས་མི་ཁྱབ། ཁ་འཐོར་ཀྱང་ས་གཞི་རི་ཀླུང་ཁེངས་པ་ཙམ་དུ་འདུག་སྟེ། དཔེར་ན་དབྱར་དུས་སྔོ་ཕུང་གཅིག་ལ་གནས་པའི་སེམས་ཅན་ཀྱང་མཐའ་མི་འདུག །དེ་ལ་ལྟོས་ན་ལྷ་དང་མིའི་འགྲོ་བ་ནི་སྲིད་མཐའ་ཙམ་དང་། དེ་ལས་ཀྱང་སྤྱིར་མིའི་འགྲོ་བ་དང་། ཁྱད་པར་ཆོས་ལྡན་གྱི་མི་ལུས་ནི་སྲིད་མཐའ་ཙམ་དུ་འདུག་པས་གྲངས་ཀྱི་སྒོ་ནས་ཀྱང་རྙེད་པར་དཀའ་བ་དང་། གཞན་ཡང་རྒྱ་མཚོ་ཆེན་པོ་མཐའ་མེད་པར་གཉའ་ཤིང་བུ་ག་གཅིག་པ་ཕྱོགས་ཐམས་ཅད་དུ་བསྐྱོད་པ་ཞིག་ཡོད་པའི་དབང་དུ་བྱས་ཏེ་དེའི་སྟེང་ན་རུ་སྦལ་ལོང་བ་ལོ་བརྒྱ་ཕྲག་རེ་ན་རྒྱ་མཚོའི་སྟེང་དུ་ལན་རེ་འོང་བའི་མགྲིན་པ་གཉའ་ཤིང་གི་བུ་གར་ཚུད་པའི་སྐབས་ཀྱང་སྲིད་མོད་ཀྱི། མི་ལུས་ཐོབ་པ་ནི་དེ་ལས་ཀྱང་དཀའ་བར་ལུང་ལས་གསུངས་པས་མཚོན་དཔེ་ཡི་སྒོ་ནས་ཀྱང་རྙེད་པར་དཀའ་ཞིང་། རྙེད་དཀའ་བ་ཁོ་ནར་མ་ཟད། རྙེད་ན་དོན་གྱི་མཆོག་ཆེན་པོ་དང་ལྡན་པ་ཡིན་ཏེ། རང་ཉིད་ཀྱི་བསམ་སྦྱོར་གྱིས་ནུས་ན་ཚེ་འདིའི་བདེ་སྐྱིད་དང་། ཕྱི་མ་ལྷ་མིའི་གོ་འཕང་དང་། ཐེག་པ་འོག་མའི་མྱང་འདས་དང་། བླ་ན་མེད་པའི་བྱང་ཆུབ་རྣམས་ཀྱང་བདེ་བླག་ཏུ་བསྒྲུབ་ནུས་པའི་ཕྱིར་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་བརྒྱ་སྟོང་གི་ཆར་ཡང་མི་མཚོན་པ་འདི་ལྟ་བུ་ཞིག་ཐོབ་པའི་སྐབས་སུ། རྟེན་དེ་ལ་སྙིང་པོ་ལོན་པའི་ཆོས་རྣམ་པར་དག་པ་ཞིག་ཅི་ནས་ཀྱང་བསྒྲུབ་པར་བྱ་དགོས་སོ། །གཉིས་པ་ནི། ཆོས་དེ་ཡང་མྱུར་དུ་བརྩོན་པས་བསྒྲུབ་དགོས་ཀྱི། ལེ་ལོ་དང་ཕྱི་བཤོལ་གྱི་དབང་དུ་སོང་ན་སྤྱིར་འདུས་བྱས་ཐམས་ཅད་མི་རྟག་པས་ཁྱབ་ཅིང་། བྱེ་བྲག་ཏུ་སེམས་ཅན་གྱི་ཁམས་ན་སྐྱེས་ནས་མ་ཤི་བར་ཚེ་ཐར་དུ་ལུས་པ་སུ་ཡང་མེད། ད་ལྟའི་རང་དང་བཅས་པའི་འགྲོ་བ་ཐམས་ཅད་ཀྱང་འཆི་བ་ལས་མ་འདས། དེ་ཡང་ན་སོ་རྒན་གཞོན་བར་མའི་རྩིས་གདབ་མེད་པར་འཆི་བ་གློ་བུར་དུ་འོང་བས་ནམ་འཆི་ཆ་མེད། ལུས་ནི་ཆུའི་ལྦུ་བ་ལྟར་སྲན་ཆུང་། དབུགས་ནི་སྟོན་ཀའི་ན་བུན་བཞིན་དུ་ཡལ་སྐྱེན། སེམས་ནི་དམུས་ལོང་ཐང་སྟོང་དུ་འཁྱམས་པ་བཞིན་གར་འགྲོའི་རང་དབང་མེད། ཕན་དུ་རེ་བའི་ཟས་གོས་ཚུན་ཆད་ཀྱིས་ཀྱང་འཆི་བའི་རྐྱེན་བྱེད་པས་འཆི་རྐྱེན་མང་། དུས་ལ་བབས་པ་ན་ཐབས་གང་གིས་ཀྱང་མི་བཟློག་པས་གསོན་རྐྱེན་ཉུང་། མདོར་ན་ཚེ་འདི་ཕྱི་གཉིས་ཀྱི་བར་ལ་དབུགས་བྲེང་བྲེང་བ་འདི་ཀ་ལས་མེད། འདི་ནམ་ཆད་ན་ཚེ་ཕྱི་མར་སླེབས་པས་སང་དང་ཚེ་ཕྱི་མའང་གང་སྔ་མི་ཤེས། སྐབས་དེར་ལོངས་སྤྱོད་དང་དབང་ཕྱུག་སྟོབས་དང་སྙན་གྲགས་ལ་སོགས་པ་ཆེན་པོས་ཁྱབ་པ་ཞིག་ཡོད་ཀྱང་རྡུལ་ཕྲ་རབ་ཙམ་ཡང་རྗེས་སུ་མི་འབྲང་ཞིང་། དམ་པའི་ཆོས་མ་གཏོགས་གཞན་གང་གིས་ཀྱང་མི་ཕན་པས་མི་ཚེ་ཡུད་ཙམ་པ་སྤྲིན་བར་གྱི་ཉི་ཞུར་ལྟ་བུ་འདི་ལ་ཚེ་འདིའི་བདེ་སྐྱིད་སྙན་གསུམ་ལ་མ་ཆགས་པར་འཆི་ཆོས་གཤའ་མ་ཞིག་དེ་རིང་ནས་བྱ་བར་ཐག་བཅད་ཅིང་ལག་ཏུ་བླང་ངོ་། །གསུམ་པ་ནི། དེ་ལྟར་ཤི་བའི་རྗེས་སུ་ཅང་མེད་དུ་སོང་ན་དྲགས་མོད། རང་ཅག་ལས་ཉོན་མ་ཟད་པ་རྣམས་ལས་དང་ལས་ཀྱི་འབྲས་བུ་འབའ་ཞིག་ལ་བརྟེན་ནས་རང་དབང་མེད་པར་འཁོར་བའི་གནས་སུ་ཡང་ནས་ཡང་དུ་སྐྱེ་དགོས། འཁོར་བའང་ངན་འགྲོ་དང་བདེ་འགྲོ་གཉིས་ལས་མི་འདའ། དེ་ལས་ངན་སོང་གསུམ་དུ་སྐྱེས་ན་སེམས་ཅན་དམྱལ་བ་པ་རྣམས་ལ་ཚ་གྲང་གཅོད་གཏུབ་ཀྱི་སྡུག་བསྔལ། ཡི་དྭགས་རྣམས་ལ་བཀྲེས་སྐོམ་བྲེལ་ཕོངས་ཀྱི་སྡུག་བསྔལ། དུད་འགྲོ་རྣམས་ལ་གླེན་ལྐུགས་བཀོལ་སྤྱོད་ཀྱི་སྡུག་བསྔལ་ཏེ་བཟོད་པར་དཀའ་བའི་སྡུག་བསྔལ་ཡུན་རིང་ལ་དོས་དྲགས་པས་མནར་བ་དང་། གལ་ཏེ་བདེ་འགྲོར་སྐྱེས་སུ་ཟིན་ཀྱང་། མི་རྣམས་ལ་སྐྱེ་རྒ་ན་འཆི་སོགས་རྩ་བ་དང་ཡན་ལག་གི་སྡུག་བསྔལ་བསམ་གྱིས་མི་ཁྱབ། ལྷ་མ་ཡིན་རྣམས་ཕྲག་དོག་གི་དབང་གིས་འཐབ་ཅིང་རྩོད་པས་ལུས་སེམས་སྐད་ཅིག་ཀྱང་རྣལ་དུ་མི་གནས། ཁམས་འོག་མའི་ལྷ་རྣམས་འཆི་འཕོ་བའི་སྔ་ལྟས་ཀྱིས་ཆེས་ཆེར་གདུང་བ་སྟེ་འགྱུར་བའི་སྡུག་བསྔལ་དང་། ཁམས་གོང་མའི་ལྷ་རྣམས་ཟག་བཅས་ཀྱི་དགེ་བའི་འཕེན་ཤུགས་རྫོགས་པ་ན་ལོག་པར་ལྟ་བས་སེམས་བསླད་དེ་གནས་རིས་འོག་མ་རྣམས་སུ་ལྟུང་བའི་ཕྱིར་ཁྱབ་པ་འདུ་བྱེད་ཀྱི་སྡུག་བསྔལ་ཏེ། མདོར་ན་མེའི་རང་བཞིན་ཚ་བ་ལས་མ་འདས་པ་བཞིན། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་གནས་དང་། གྲོགས་དང་། ཡོ་བྱད་ཀྱི་རང་བཞིན་ཁོ་ན་ལས་མ་འདས་པར་ཤེས་ནས་ངེས་འབྱུང་གི་བློ་ཤུགས་དྲག་ཏུ་བསྐྱེད་པར་བྱའོ། །བཞི་པ་ནི། དེ་ལྟ་བུའི་འཁོར་བ་ལས་ཐར་པའི་འཇུག་སྒོ་ནི་ལས་འབྲས་སྨིན་ཚུལ་ལ་ཡིད་ཆེས་ཤིང་བླང་དོར་མ་ནོར་བ་ཞིག་དགོས་ཏེ། སྤྱིར་ལས་འབྲས་ལ་དབྱེ་ན་བསམ་གྱིས་མི་ཁྱབ་ཀྱང་། བསྡུ་ན་མི་དགེ་བ་དང་། དགེ་བ་དང་། ལུང་མ་བསྟན་གྱི་ལས་གསུམ་དུ་འདུས་པ་ལས། དང་པོ་མི་དགེ་བའི་ལས་ལ་གཙོ་ཆེ་བའི་དབང་དུ་བྱས་ན་ལུས་ངག་ཡིད་ཀྱི་ལས་ལམ་རྣམ་པ་བཅུར་བཞག་སྟེ། དེའང་བསམས་བཞིན་དུ་སྲོག་ཆགས་ཕྲ་མོ་གྲོག་སྦུར་ཡན་ཆད་ཀྱི་སྲོག་གཅོད་པ། གཞན་གྱི་ནོར་ལ་མཐུ་དང་འཇབ་བུའི་སྒོ་ནས་མ་བྱིན་པར་ལེན་པ། འཁྲིག་པ་སྤྱོད་པའི་ཡུལ་མ་ཡིན་པ་བསྟེན་པའི་འདོད་པས་ལོག་པར་གཡེམ་པ། བདེན་པ་ལས་གཞན་དུ་འདུ་ཤེས་བསྒྱུར་ནས་སྨྲས་པས་ཕ་རོལ་པོ་མགོ་རྨོངས་པར་བྱེད་པའི་རྫུན་སྨྲ་བ། གཞན་གྱི་ཡིད་ལ་ཟུག་རྔུ་བསྐྱེད་པའི་ཚིག་རྩུབ་འབྱིན་པ། ཕན་ཚུན་མཛའ་བ་དག་དབྱེ་བའི་ཕྲ་མ་སྨྲ་བ། ཚིག་སྔ་མ་གསུམ་ལས་གཞན་པའི་བཞད་གད་སོགས་ཉོན་མོངས་པ་སྐྱེད་པའི་ངག་འཁྱལ། གཞན་གྱི་དཔལ་འབྱོར་སོགས་རང་གིས་ཐོབ་པར་འདོད་པའི་བརྣབ་སེམས། ཕ་རོལ་པོ་ཉེས་པར་གྱུར་ན་ཅི་མ་རུང་སྙམ་པའི་གནོད་སེམས། ལས་འབྲས་ཀྱི་རྣམ་གཞག་ཀུན་རྫོབ་ཏུའང་མེད་པར་སེམས་པའི་ལོག་ལྟ་རྣམས་ཀུན་སློང་ཤུགས་ཆེ་འབྲིང་ཆུང་གསུམ་དང་། ཞེ་སྡང་དང་། འདོད་ཆགས་དང་། གཏི་མུག་ལས་རྗེས་སུ་སྐྱེས་པའི་དབང་གིས་ངན་སོང་གསུམ་དུ་རིམ་པར་སྐྱེ་བ་ནི་རྣམ་སྨིན་གྱི་འབྲས་བུ་ཡིན་ལ། བྱེད་པ་རྒྱུ་མཐུན་གྱིས་རྣམ་སྨིན་གྱི་འཕེན་པ་ཟད་ནས་མཐོ་རིས་སུ་སྐྱེས་ཀྱང་སྲོག་གཅོད་པ་སོགས་ལ་དེ་དང་དེའི་བག་ཆགས་ཀྱི་ནུས་པ་སད་པས་སླར་ཡང་སྡུག་བསྔལ་གྱི་རྒྱུ་མུ་མཐའ་མེད་པ་འདུ་བྱེད་པ་དང་། མྱོང་བ་རྒྱུ་མཐུན་གྱིས། སྲོག་གཅོད་པས་ཚེ་ཐུང་བ། མ་བྱིན་བླངས་པས་ལོངས་སྤྱོད་དབུལ་བ། འདོད་ལོག་གིས་ཁྱིམ་ཐབས་དགྲ་ཟླ་དང་བཅས་པ། རྫུན་གྱིས་བདེན་པར་མི་འཛིན་པ། ཕྲ་མས་མཛའ་བཤེས་དང་བྱེ་བ། ཚིག་རྩུབ་ཀྱིས་མི་སྙན་པ་ཐོས་པ། ངག་འཁྱལ་གྱིས་ཚིག་མི་བཙུན་པ། བརྣབ་སེམས་ཀྱིས་རེ་བ་འཇོམས་པ། གནོད་སེམས་ཀྱིས་ཡིད་དུ་མི་འོང་བ། ལོག་ལྟས་ལྟ་བ་ངན་པ་རྒྱུད་ལ་སྐྱེ་བ་རྣམས་དང་། བདག་པོའི་འབྲས་བུ་ཕྱིའི་ཡུལ་ལ་སྨིན་ཏེ། སྲོག་གཅོད་སོགས་ཀྱི་གོ་རིམ་དང་མཚུངས་པར། ས་ཕྱོགས་གཟི་ཆུང་སེར་ཆར་མོད། །རྡུལ་འཁྲིག་དྲི་ང་མཐོ་དམན་ཅན། །ཚྭ་སྒོ་ཅན་སོགས་དུས་ལོག་དང་། །འབྲས་བུ་ཕྲ་ཁ་ཆུང་ངུ་མེད། །ཅེས་སོ། །དགེ་བ་ནི། སྲོག་གཅོད་སྤངས་པ་སོགས་བཅུ་སྟེ། སོ་སོའི་འབྲས་བུར། ཀུན་སློང་ཤུགས་ཆེ་འབྲིང་ཆུང་བའི་དབང་གིས་རྣམ་སྨིན་གྱི་འབྲས་བུ་མཐོ་རིས་གསུམ་དང་། བྱེད་པ་རྒྱུ་མཐུན་རང་རང་གི་ལས་ལ་སྤྲོ་བས་བདེ་བ་ནས་བདེ་བར་འགྲོ་བའི་རྒྱུ་བྱེད་པ་དང་། མྱོང་བ་རྒྱུ་མཐུན་ཚེ་རིང་ཞིང་འབྱོར་པ་ལྡན་པ་སོགས་དང་། བདག་པོའི་འབྲས་བུར་ས་ཕྱོགས་གཟི་མདངས་ཆེ་བ་རྣམས་སུ་སྐྱེ་བས་མཚོན་མི་དགེ་བའི་འབྲས་བུ་རྣམས་ལས་ལྡོག་སྟེ་འབྱུང་བ་ཡིན་ལ། ལུང་མ་བསྟན་ནི། དགེ་མི་དགེའི་ལས་གང་ཡང་མིན་པའི་འགྲོ་འཆག་ཉལ་འདུག་སོགས་ཏེ། དེའི་འབྲས་བུ་ཡང་བདེ་སྡུག་གང་ཡང་འབྱིན་མི་ནུས་པའོ། །ཚུལ་དེ་ལྟ་བས་ན། སྡུག་བསྔལ་གྱི་རྒྱུ་མི་དགེ་བ་སྲོག་དང་བསྡོས་ཏེ་སྤང་ཞིང་། བདེ་བའི་རྒྱུ་དགེ་བ་ཆ་ཕྲ་མོ་ནས་ཀྱང་ཅི་ནུས་སུ་བསྒྲུབ། ལུང་མ་བསྟན་གྱི་ལས་རྣམས་ཀྱང་བསམ་སྦྱོར་གང་ཡང་རུང་བའི་སྒོ་ནས་དགེ་བར་བསྒྱུར་བའི་ཐབས་ལ་མཁས་པར་བྱའོ། །ལྔ་པ་ནི། དཔེར་ན་ནག་ཅན་བཙོན་དོང་དུ་ཚུད་པ་གནས་སྐབས་སུ་ཆད་ལས་སྣ་ཚོགས་ཀྱིས་མནར་ཞིང་། མཐར་གསོད་པར་ངེས་པས་དེ་ལས་སྐྱོབ་ནུས་པ་ཞིག་ཕ་འབོད་མ་འབོད་བྱེད་པ་ལྟར། རང་རེ་རྣམས་ཀྱང་ཟག་བཅས་ཀྱི་དགེ་བས་མཐོ་རིས་གསུམ་ཙམ་དུ་སྐྱེས་ཀྱང་སྡུག་བསྔལ་གྱི་རང་བཞིན་ལས་མ་འདས་པས། འཁོར་བའི་སྡུག་བསྔལ་མཐའ་དག་སྐྱོབ་ནུས་པའི་སྐྱབས་གནས་ཞིག་ལ་བློ་གཏོད་ནས་སྐྱབས་སུ་འགྲོ་དགོས་ཤིང་། དེ་ཡང་གང་ལ་སྐྱབས་སུ་འགྲོ་བའི་ཡུལ་ནི། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ཁོ་ན་ཡིན་ལ། གང་གིས་སྐྱབས་སུ་འགྲོ་བའི་གང་ཟག་ནི། རང་ཉིད་ཀྱིས་ཐོག་དྲངས་པའི་སེམས་ཅན་ཐམས་ཅད་ཀྱིས། ཇི་ལྟར་སྐྱབས་སུ་འགྲོ་བའི་ཚུལ་ནི། འདི་ནས་བྱང་ཆུབ་མ་ཐོབ་ཀྱི་བར་དུ་སྐྱིད་སྡུག་ལེགས་ཉེས་ཅི་བྱུང་ཡང་ཁྱེད་ཁོ་ན་མཁྱེན་ནོ་སྙམ་པའི་རེ་ལྟོས་ལིང་སྐྱུར་གྱི་ཚུལ་གྱིས་བློ་རྩེ་གཅིག་ཏུ་གཏོད་པ་དང་དེ་ལྟར་སྐྱབས་སུ་སོང་བའི་བསླབ་བྱ་ནི། དུས་རྟག་ཏུ་དཀོན་མཆོག་གསུམ་རྗེས་སུ་དྲན་པས་སྐྱབས་སུ་འགྲོ་བ་དང་། རྐྱེན་ཇི་ལྟ་བུ་བྱུང་ཡང་དཀོན་མཆོག་གསུམ་མི་གཏོང་ཞིང་། སྐྱབས་དང་རེ་ལྟོས་གཞན་ནས་མི་འཚོལ་བ་སོགས་རྒྱ་ཆེར་ཤེས་པར་བྱའོ། །དྲུག་པ་ནི། འདི་ལྟར་ནམ་མཁའ་ལ་ཤར་གྱི་ནམ་མཁའ་གཅིག་པུའི་མཐའ་ཡང་ཚད་བཟུང་དུ་མེད་པ་བཞིན་ཕྱོགས་ཐམས་ཅད་ཀྱི་ནམ་མཁའ་ལའང་ཚད་མེད། དེ་ཐམས་ཅད་སེམས་ཅན་གྱི་ཁམས་ཀྱིས་ཁྱབ། དེ་རེ་རེས་ཀྱང་རང་གི་སྐྱེ་བ་ཐོག་མ་མ་མཆིས་པ་ནས་ཕ་མ་ཡང་ཡང་བྱས་ཤིང་། བྱས་རེས་བཞིན་དུ་གནོད་པ་ཐམས་ཅད་ལས་བསྐྱབས། བརྩེ་བའི་སེམས་ཀྱིས་བཟུང་། བྱམས་པའི་སྤྱོད་པས་བསྐྱངས། ཕན་པ་ཅི་ནུས་སུ་བསྒྲུབས་པའི་དྲིན་ཅན་ཁོ་ན་ཡིན་པས། འདི་ཐམས་ཅད་འཁོར་བ་སྡུག་བསྔལ་གྱི་གསེབ་ཏུ་བཞག་ནས། རང་གཅིག་པུ་ཐར་པས་ཅི་ཞིག་ཕན། དེ་བས་ན་འདི་དག་བདེ་བ་འདོད་ཅིང་སྡུག་བསྔལ་མི་འདོད་པ་ཤ་སྟག་ཏུ་སྣང་བས། བདེ་བ་དང་ལྡན་ཅིང་སྡུག་བསྔལ་དང་བྲལ་བ་བདག་གིས་བྱའོ་སྙམ་པའི་བྱམས་པ་དང་སྙིང་རྗེ་ལྷག་བསམ་གྱི་བློ་ཁྱད་པར་ཅན་སྔོན་དུ་འགྲོ་བས། དེའི་ཆེད་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའང་རྒྱུ་མེད་རྐྱེན་མེད་ལས་མི་འབྱུང་བས། རྒྱུ་རྐྱེན་གྱི་གཙོ་བོ་ཚུལ་ཁྲིམས་རྣམ་པར་དག་པས་གཞི་བཟུང་། ཐོས་བསམ་སྒོམ་གསུམ་གྱིས་རྒྱུད་སྦྱངས། ཁྱད་པར་ངེས་འབྱུང་དང་། བྱང་ཆུབ་ཀྱི་སེམས་དང་། ཡང་དག་པའི་ལྟ་བ་དང་། རྡོ་རྗེའི་རྣལ་འབྱོར་ཟབ་མོའི་ཐབས་ལ་བརྟེན་ནས་ཚེ་འདི་ཁོ་ནར་ཟུང་འཇུག་གི་གོ་འཕང་མངོན་དུ་བྱའོ་སྙམ་པའི་བསམ་སྦྱོར་གྱིས་དུས་འདའ་བར་བྱའོ། །དེ་རྣམས་ནི་རྫོགས་པ་ཆེན་པོ་སྙིང་ཏིག་གི་སྐབས། མི་རྟག་སྡུག་བསྔལ་བྱང་སེམས་སྦྱང་། །ཞེས་དང་། གསུང་ངག་རིན་པོ་ཆེར་སྔོན་འགྲོ་སྣང་བ་གསུམ་གྱིས་གཞི་བཅའ་བ་དང་། བྱང་ཆུབ་ལམ་གྱི་རིམ་པའི་སྐྱེས་བུ་གསུམ་གྱི་བློ་སྦྱངས་དང་། ཕྱག་ཆེན་སོགས་ཀྱིས་བློ་ལྡོག་བཞི་སྐྱབས་སེམས་དང་བཅས་པ་སྟེ་ཐེག་པ་འོག་མ་གཉིས་དང་ཐུན་མོང་བའི་ལམ་མཐའ་དག་རྫོགས་པར་བསྟན་པ་ཡིན་ནོ། །གཉིས་པ་རྡོ་རྗེ་ཐེག་པ་ཐུན་མོང་མ་ཡིན་པའི་ཉམས་ལེན་ནི། རྡོ་རྗེ་རྩེ་མོ་ལས། སྨིན་པ་དང་ནི་གྲོལ་བའི་ལམ། །སངས་རྒྱས་བྱང་ཆུབ་བསྟེན་པའི་ཆོས། །ཞེས་སྨིན་གྲོལ་ཡན་ལག་དང་བཅས་པར་འདུ་བ་ལས། འདིར་བླ་མེད་ཐུན་མོང་མ་ཡིན་པའི་དབང་དུ་བྱས་ཏེ། རྒྱུ་དུས་ཀྱི་དབང་བཞི་ཕྱིན་ཅི་མ་ལོག་པས་རྒྱུད་སྨིན་ནས་ལམ་ལ་འཇུག་པ་ལའང་སྔོན་འགྲོ་དང་དངོས་གཞི་གཉིས་ཀྱི་དང་པོ་ལ་སྡིག་སྒྲིབ་སྦྱོང་བྱེད་རྡོར་སེམས་ཀྱི་སྒོམ་བཟླས། ཚོགས་བསགས་པའི་ཐབས་མཎྜལ་གྱི་རིམ་པ། བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་ཏེ་གསུམ་ལས། དང་པོ་ནི། དངོས་གཞིའི་ཉམས་རྟོགས་སྐྱེ་བའི་འགལ་རྐྱེན་ནི་སྡིག་སྒྲིབ་ཡིན་ལ། དེ་སྦྱོང་བྱེད་ཀྱི་ཐབས་བསམ་གྱིས་མི་ཁྱབ་ཀྱང་། མཐར་ཐུག་པ་རྡོ་རྗེ་སེམས་དཔའི་སྒོམ་བཟླས་ཏེ། དེ་ཡང་སྟོབས་བཞི་ལས་ཐུན་མོང་མ་ཡིན་པའི་སྐྱབས་ཡུལ་བསྒོམ་པ་གཞན་རྒྱུད་དང་། བྱང་ཆུབ་ཀྱི་སེམས་བསྒོམ་པ་རང་རྒྱུད་ཀྱི་རྟེན་གྱི་སྟོབས། སེམས་ཅན་ཐམས་ཅད་དོན་དམ་པར་རང་བཞིན་གྱིས་རྣམ་པར་དག་པའི་སངས་རྒྱས་ཀྱི་སྙིང་པོ་ཅན་ཡིན་ནའང་། གནས་སྐབས་དེ་ལྟར་མ་རྟོགས་པའི་དབང་གིས་སྔར་བསགས་པའི་སྡིག་ལྟུང་ལ་འགྱོད་སེམས་ཤུགས་དྲག་ཏུ་བསྐྱེད་པ་སུན་འབྱིན་པའི་སྟོབས། ད་ནི་ཕྱིན་ཆད་སྲོག་ལ་བབས་ཀྱང་སྡིག་པའི་ལས་མི་བྱ་སྙམ་པ་ཉེས་པ་ལས་ལྡོག་པའི་སྟོབས། སྔར་བྱས་ཀྱི་གཉེན་པོར་བླ་མ་རྡོ་རྗེ་སེམས་དཔའི་རྣལ་འབྱོར་བསྒོམ་ཞིང་གསང་སྔགས་ཟབ་མོ་བཟླ་བ་དང་། བདུད་རྩི་འབེབས་སྦྱོངས་བ་དམིགས་པས་བཀྲུ་བ་དང་། ཡེ་ཤེས་ཀྱི་མེས་བསྲེག་པ་སོགས་དམིགས་རྣམ་ཁྱད་པར་ཅན་བསྟེན་གོམས་སུ་བྱ་བ་གཉེན་པོ་ཀུན་ཏུ་སྤྱོད་པའི་སྟོབས་ཏེ། དེ་ལྟ་བུའི་སྒོ་ནས་སྡིག་པ་དག་པའི་རྟགས་མ་བྱུང་གི་བར་དུ་འབད་ཅིང་། རྒྱུན་དུའང་རྣལ་འབྱོར་འདི་དང་མ་བྲལ་བར་བྱའོ། །གཉིས་པ་ནི། ཉམས་རྟོགས་སྐྱེ་བའི་མཐུན་རྐྱེན་ནི་ཚོགས་བསགས་པ་ཡིན་ཅིང་། དེ་ལའང་འཇུག་སྒོ་བསམ་གྱིས་མི་ཁྱབ་ཀྱང་། མདོ་སྔགས་ཟུང་འཇུག་གི་ཚོགས་བསགས་པའི་ཐབས་ཁྱད་པར་ཅན་མཎྜལ་འདིར་འདུ་བས། རིན་པོ་ཆེ་སོགས་ཀྱིས་མཎྜལ་ཕྱིས་ལ་དྲི་བཟང་པོའི་ཆུས་བྱུགས་པར་བརླན་དང་བཅས་པའི་མེ་ཏོག་གི་ཚོམ་བུ་བཀོད་ཅིང་། རྒྱུ་རང་གི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་ལས་བྱུང་བ། ངོ་བོ་གླིང་བཞི་རི་རབ་དང་བཅས་པའི་བཀོད་པ་མཛེས་ཤིང་འབྱོར་བའི་ཁྱད་པར་བསམ་གྱིས་མི་ཁྱབ་པས་བརྒྱན་པ། ཡུལ་ནམ་མཁའི་མཐའ་ཐམས་ཅད་ཁྱབ་པ། དུས་འཁོར་བ་ཇི་སྲིད་མ་སྟོང་གི་བར་དུ་རྒྱུན་མི་འཆད་པར་བསམས་ལ་བླ་མ་དང་དཀོན་མཆོག་གསུམ་ལ་ལྟོས་མེད་དུ་ཕུལ་བས་བདག་གཞན་སེམས་ཅན་ཐམས་ཅད་ཚོགས་གཉིས་རྫོགས་པར་བལྟ་བའོ། །གསུམ་པ་ནི། རྟོགས་པ་རང་གི་ངོ་བོ་མཐར་ཐུག་པ་ནི་ལྷན་ཅིག་སྐྱེས་བའི་ཡེ་ཤེས་མངོན་དུ་བྱ་བ་ཉིད་ཡིན་ལ། དེ་བླ་མའི་བྱིན་རླབས་དང་། བྱིན་རླབས་འཇུག་པ་མོས་གུས་ཁོ་ན་ལ་རགས་ལས་པས། རང་ལ་ལམ་དངོས་སུ་སྟོན་པའི་བླ་མ་དེ་ཉིད་སྤངས་རྟོགས་ཀྱི་ངོས་ནས་སངས་རྒྱས་དང་མཚུངས་ཤིང་། བཀའ་དྲིན་གྱི་ངོས་ནས་སངས་རྒྱས་ལས་ལྷག་པར་ཐག་བཅད་ཅིང་ངེས་ཤེས་བསྐྱེད་པར་བྱ་སྟེ། དེ་ཡང་སངས་རྒྱས་བསྒྲུབ་པའི་ཉེར་ལེན་གྱི་རྒྱུ་ནི་སྤྲོས་བྲལ་བདེ་བར་གཤེགས་པའི་སྙིང་པོ་ཉིད་ཡིན་ལ། ལྷན་ཅིག་བྱེད་རྐྱེན་ནི་སངས་རྒྱས་ཀྱི་བྱིན་རླབས་ཡིན་ཅིང་། བྱིན་རླབས་དེ་རང་རྒྱུད་ལ་འཇུག་པ་ནི་མོས་གུས་ཀྱི་ཉེར་ལེན་ཡིན་མོད། ད་ལྟ་སངས་རྒྱས་དངོས་ནི་མི་བཞུགས་པས། རང་ལ་སྣང་བའི་སངས་རྒྱས་ནི་བླ་མ་མཚན་ཉིད་དང་ལྡན་པ་དེ་ཡིན་ལ། དེའི་རྒྱུ་མཚན་ཀྱང་བླ་མའི་ཞལ་ནས་ཆོས་རྣམ་པར་རིག་བྱེད་སློབ་མའི་རྒྱུད་ལ་འཕོ་བ་ནི་སངས་རྒྱས་ཀྱི་བསྟན་པ་ཡིན་ཅིང་། གལ་ཏེ་དེ་སངས་རྒྱས་ཀྱི་བསྟན་པ་མ་ཡིན་ན་སྟོན་པ་སངས་རྒྱས་མྱ་ངན་ལས་འདས་པའི་ཕྱི་ལོར་དེ་ནས་བསྟན་པ་རྒྱུན་ཆད་པར་བྱེད་དགོས་ན་དེ་ལྟར་འདོད་པ་ནི་སུ་ཞིག་ཡོད། དེས་ན་སངས་རྒྱས་ཀྱི་ཡེ་ཤེས་བདག་པོར་སོང་བ་ལས་ཆོས་ཀྱི་རྣམ་པར་རིག་བྱེད་སློབ་མའི་རྒྱུད་ལ་འཕོ་བར་ནུས་པ་ཡིན་གྱི། སངས་རྒྱས་ཀྱི་ཡེ་ཤེས་བདག་པོར་མ་སོང་ན་ཆོས་ཚིག་གཅིག་ཀྱང་སྨྲ་བར་མི་ནུས་སོ། །དེ་ལྟར་བླ་མའི་གསུང་དེ་སངས་རྒྱས་ཀྱི་གསུང་ཡིན་ཙ་ན། སྐུ་དང་ཐུགས་ཀྱང་སངས་རྒྱས་ཀྱི་སྐུ་དང་ཐུགས་ཡིན་པ་ལས་འོས་ཅི་ཡོད། འོན་ཀྱང་མཚན་དཔེ་ཀུན་རྫོགས་སུ་མི་མཐོང་བ་ནི་རང་གི་བློ་གྲོས་ཀྱི་སྐྱོན་ཏེ་མཁྲིས་ནད་ཅན་ལ་དུང་དཀར་སེར་པོར་སྣང་བ་བཞིན་ནོ་སྙམ་དུ་བསམས་ལ་སངས་རྒྱས་དངོས་སུ་ཐག་བཅད། དེར་མ་ཟད་རང་རེ་རྣམས་ལས་ཉོན་གྱི་དབང་གིས་སངས་རྒྱས་དངོས་ཀྱི་སྐུ་མཇལ་ཞིང་གསུང་ཐོས་པའི་སྐབས་མེད་པས། བླ་མས་དེའི་བྱ་བ་མཐའ་དག་རྫོགས་པར་མཛད་པའི་ཕྱིར་བཀའ་དྲིན་ཆེས་ལྷག་པར་ངེས་ཤེས་བསྐྱེད་ནས། རྒྱུ་དུས་ཀྱི་དབང་གི་དུས་སུ་བླ་མའི་ཕུང་ཁམས་སྐྱེ་མཆེད་གདན་གསུམ་ཚང་བའི་ལྷར་བཞེངས་ཤིང་ངོ་སྤྲད་པ་ལྟར་རྡོ་རྗེ་འཆང་སོགས་ལྷར་བསྐྱེད་པའམ། བླ་མ་སྐུ་དངོས་སུ་བསྒོམས་ཀྱང་རུང་སྟེ། ཁྲོམ་ཚོགས་སམ། ཐོ་བརྩེགས་སམ། ཀུན་འདུས་ནོར་བུ་ལུགས་གང་ཡང་རུང་བར་གསལ་བཏབ་ཅིང་། དེ་ཡང་སྐུ་མཚན་དཔེའི་གཟི་བྱིན་དང་ལྡན་པ། གསུང་ཆོས་ཀྱི་སྒྲ་དབྱངས་སྒྲོག་པ། ཐུགས་ཟབ་གསལ་དབྱེར་མེད་བདེ་ཆེན་གྱི་ཡེ་ཤེས་ཀྱི་རང་བཞིན། ཡོན་ཏན་དང་ཕྲིན་ལས་བདག་རྒྱུད་བྱིན་གྱིས་རློབ་པའི་བདག་ཉིད་ཆེན་པོར་མངོན་སུམ་དུ་བཞུགས་པར་བསམས་ལ་མོས་གུས་མཆི་མ་འཁྲུགས་པ་དང་བཅས་ཏེ་གསོལ་བ་གདབ་པའི་མཐར་དབང་བཞི་བླང་བ་དང་དེ་ཁོ་ན་ཉིད་ལ་བློ་བཞག་པར་བྱའོ། །གཉིས་པ་དངོས་གཞི་ལ། སྔགས་ལམ་གྱི་སྦྱང་བྱར་གྱུར་པའི་སྡུག་བསྔལ་ནི་དོན་དུ་ཐ་མལ་གྱི་སྣང་ཞེན་ཉིད་ཡིན་ལ། སྣང་ཙམ་དེ་ཉིད་ལྷར་བྱིན་གྱིས་བརླབ་པའི་ཕྱིར་བསྐྱེད་རིམ་དང་དེར་ཞེན་པའི་རྟོག་པ་ཡེ་ཤེས་སུ་སྒྱུར་བར་བྱེད་པ་ལ་རྫོགས་རིམ་སྟེ། རིམ་པ་གཉིས་སུ་ལམ་མཐའ་དག་འདུ་བ་ན། ཐོག་མར་བུམ་དབང་གི་ལམ་བསྐྱེད་པའི་རིམ་པ་མཐར་སོན་པས་སྔགས་ཀྱི་ཚོགས་ལམ་ཆེན་པོའི་བར་དུ་བགྲོད་ནས། དེ་ལ་གསང་དབང་གི་ལམ་རླུང་དང་གཏུམ་མོས་བོགས་དབྱུང་བས་སྦྱོར་ལམ་དྲོད་དང་རྩེ་མོ་དག་ཐོབ། ཤེར་དབང་གི་ལམ་ཡིད་དང་། དངོས་ཀྱི་ཕྱག་རྒྱའི་ཉེ་རྒྱུས་ལྷན་སྐྱེས་དཔེ་ཡི་ཡེ་ཤེས་བཟོད་པ་དང་ཆོས་མཆོག་དག་བསྐྱེད་པའི་མཐར། མཐོང་ལམ་ས་དང་པོར་དབང་བཞི་པའི་ལམ་རྫོགས་པ་ཆེན་པོ་ཀ་དག་དོན་གྱི་ཡེ་ཤེས་མངོན་སུམ་དུ་རྟོགས། དེ་ཉིད་རིག་གདངས་རྡོ་རྗེ་ལུ་གུ་རྒྱུད་དང་ཟུང་དུ་འབྲེལ་བར་བསྒོམས་པས་ས་ལྷག་མ་རྣམས་མིག་འཕྲུལ་ལྟ་བུར་བགྲོད་པའི་མཐར་ཆོས་ཅན་གྱི་སྣང་བ་ཐམས་ཅད་ཤིན་ཏུ་རྣམ་པར་དག་པའི་འོད་གསལ་གྱི་དབྱིངས་སུ་ཟད་ནས། སླར་མི་སློབ་པའི་ཟུང་འཇུག་འཕོ་བ་ཆེན་པོའི་སྐུས་ནམ་མཁའ་ཇི་སྲིད་ཀྱི་བར་དུ་འགྲོ་བའི་དོན་མཛད་པ་སྟེ། དེ་དག་གི་གྲངས་ངེས་པ་དང་། གོ་རིམ་ངེས་པ་དང་། སྔ་ཕྱིའི་འབྲེལ་བ་དང་། ཇི་ལྟར་བསྒོམ་པའི་གནད་སོགས་མཁས་ཤིང་དངོས་གྲུབ་བརྙེས་པའི་རྡོ་རྗེའི་སློབ་དཔོན་དམ་པའི་ཞལ་ལས་རྟོགས་པར་བྱ་ཞིང་། འདིར་བཤད་པའང་ལམ་སོ་སོ་མཐར་ཕྱིན་པའི་ངེས་རྫོགས་ཀྱི་དབང་དུ་བྱས་ཀྱི། མོས་སློབ་རྗེས་མཐུན་པ་ལ་ནི་དེ་ལྟ་བུའི་ཁྱབ་པ་མེད་པའི་ཕྱིར་དངོས་བཏགས་ཀྱི་རིམ་པའང་བློ་གྲོས་ཞིབ་མོས་ཕྱེད་པར་བྱ་བ་ཤིན་ཏུ་གལ་ཆེའོ། །ཞེས་པའང་སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་གོ་དོན་ཅུང་ཟད་སྨོས་པ་སྟེ། འདི་ཙམ་གྱིས་ཀྱང་ལས་དང་པོ་པ་ལས་ཀྱང་ཆེས་དང་པོར་གྱུར་པའི་བློ་གྲོས་ཤིན་ཏུ་དམན་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། །། ༈}} | ||
སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་ཟིན་བྲིས་ལས་དང་པོ་པ་ལ་ཕན་པའི་ཚིག་གི་བདུད་རྩི་ཞེས་བྱ་བ་བཞུགས་སོ། །ན་མོ་གུ་རུ་བྷྱཿ དེ་ལ་འདིར་རྟེན་གྱི་གང་ཟག་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་རྣམས་ཀྱིས། ཚེ་འདིའི་བདེ་སྐྱིད་དང་། འཁོར་བའི་བདེ་བ་དང་། རང་དོན་ཡིད་བྱེད་ལ་མ་ཆགས་པ་གསུམ་གྱིས་བློ་སྦྱངས་ཏེ་མྱུར་ལམ་རྡོ་རྗེ་ཐེག་པའི་ལམ་ཟབ་མོ་ལ་ནན་ཏན་དུ་བསླབ་པར་བྱ་བ་ཡིན་ཏེ། དང་པོ་གསུམ་གྱི་དབང་དུ་བྱས་ན། དལ་འབྱོར་རྙེད་དཀའ་བསམ་པས་འཆི་བ་མི་རྟག་པའི་གཞི་ཐེང་བ་དང་། འཆི་བ་མི་རྟག་པ་བསྒོམས་པས་ཚེ་འདིའི་མངོན་ཞེན་ལྡོག་པ་དང་། འཁོར་བའི་ཉེས་དམིགས་ཤེས་པས་སྲིད་པའི་ཕུན་ཚོགས་ལ་ངེས་པར་འབྱུང་བ་དང་། ལས་རྒྱུ་འབྲས་བསམ་པས་བླང་དོར་གྱི་འཇུག་ལྡོག་མ་འཆོལ་བ་དང་། དཀོན་མཆོག་ལ་སྐྱབས་སུ་འགྲོ་བས་ལམ་ལོག་པ་ལས་བློ་ལྡོག་པ་དང་། བྱང་ཆུབ་ཏུ་སེམས་བསྐྱེད་པས་ལམ་དམན་པ་ལས་ཁྱད་པར་དུ་བྱ་བ་སྟེ་དྲུག་ལས། དང་པོ་ནི། ད་རེས་རང་གཞན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་བའི་ཕྱིར་དམ་པའི་ཆོས་རྣམ་པར་དག་པ་ཞིག་བསྒྲུབ་དགོས། དེ་བསྒྲུབ་པའི་རྟེན་ནི་དལ་འབྱོར་གྱི་མི་ལུས་འདི་ཁོ་ན་ལས་གཞན་དུ་མ་དམིགས་ཤིང་། རྟེན་འདི་ཡང་། ངོ་བོ་དང་། རྒྱུ་དང་། གྲངས་དང་། དཔེ་རྣམས་ཀྱི་སྒོ་ནས་ཞིབ་མོར་བསམ་ན་ད་ལན་ཙམ་མ་གཏོགས་ཕྱིས་ནས་ཡང་ནས་ཡང་དུ་རྙེད་པར་དཀའ་བའི་ཚུལ། ངན་སོང་གསུམ་དུ་སྐྱེས་ན་ནི་སྡུག་བསྔལ་གྱི་སྡུག་བསྔལ་དོས་དྲགས་པས་མི་ཁོམས། ལྷ་རྣམས་ནི་འདོད་ཡོན་ལ་གཡེང་བས་མི་ཁོམས། སངས་རྒྱས་མ་བྱོན་པའི་ཞིང་ངམ། བྱོན་ཀྱང་ཆོས་མ་དར་བའི་མཐའ་འཁོབ་ཀླ་ཀློའམ། ལས་འབྲས་ལ་ཡིད་མི་ཆེས་པའི་ལོག་ལྟ་ཅན་དང་། ཆོས་ཀྱི་བླང་དོར་མི་ཤེས་པའི་གླེན་ཅིང་ངག་ལྐུག་པ་རྣམས་སུ་སྐྱེས་ན་ཆོས་ཀྱི་སྣང་བ་དང་བྲལ་བས་ན་མི་ཁོམས་པ་སྟེ། སྐྱོན་གྱི་ལྡོག་ཆ་བརྒྱད་པོ་དེ་དང་བྲལ་བའི་མི་ལུས་ནི་ཆོས་སྒྲུབ་པའི་ལོང་ཡོད་དུ་ཁོམས་པས་ངོ་བོ་དལ་བ་ཞེས་བྱ་ལ། དེའི་ཁྱད་པར་གྱི་ཆོས་མིའི་ལུས་སུ་སྐྱེས་པ་གཞིར་བཞག་ནས། དེ་ཡང་ཡུལ་དབུས་ཆོས་དར་སར་སྐྱེས་པ། དབང་པོ་སྒོ་ལྔ་ཚང་བ། མཚམས་མེད་ལྔ་ལས་གང་ཡང་རུང་བ་མ་བྱས་པས་ལས་མཐའ་མ་ལོག་པ། སངས་རྒྱས་ཀྱི་གསུང་རབ་ལ་དད་པས་འཇུག་པ་གནས་ལ་དད་པ་སྟེ་རང་རྒྱུད་ཀྱིས་བསྡུས་པའི་འབྱོར་བ་ལྔ་དང་། སངས་རྒྱས་འཇིག་རྟེན་དུ་བྱོན་པ། དེས་ཆོས་གསུངས་པ། གསུངས་པའི་བསྟན་པ་གནས་པ། བསྟན་པའི་རྗེས་སུ་བདག་གཞན་འཇུག་པ་ཡོད་པ། ཆོས་དང་ཟང་ཟིང་གི་མཐུན་རྐྱེན་སྦྱོར་བ་ཡོད་པ་སྟེ་གཞན་རྒྱུད་ཀྱིས་བསྡུས་པའི་འབྱོར་པ་ལྔ་ལས། རང་འབྱོར་དང་དལ་བ་ནི་གནས་གཅིག་པ་ཡིན་ལ། དེ་ལྟ་བུའི་ཁྱད་ཆོས་མཐའ་དག་ཚང་བ་ཤིན་ཏུའང་དཀོན་པས་ན་ངོ་བོའི་སྒོ་ནས་རྙེད་པར་དཀའ་བ་ཡིན་ནོ། །དེ་ཙམ་དུ་དཀའ་བའང་སེམས་ཅན་གྱི་ནང་ནས་ངན་སོང་གི་རྒྱུ་སྡིག་པའི་ལས་བྱེད་པ་ནི་ཤིན་ཏུ་མང་། མཐོ་རིས་ཀྱི་རྒྱུ་དགེ་བ་བྱེད་པ་ནི་ཆེས་ཉུང་། དེ་ལས་ཀྱང་དལ་འབྱོར་གྱི་ལུས་སྐྱོན་མེད་པའི་རྒྱུ་ཚུལ་ཁྲིམས་རྣམ་པར་དག་པ་བསྲུང་བ་ནི་སྲིད་མཐའ་ཙམ་དུ་འདུག་པས་ན་རྒྱུ་ཡི་སྒོ་ནས་ཀྱང་རྙེད་པར་དཀའ་ལ། རྒྱུ་དེས་བསྐྱེད་པའི་འབྲས་བུ་རང་གི་ངོས་ནས་ཀྱང་། ངན་སོང་གསུམ་ནི་ས་ཆེན་པོའི་རྡུལ་བཞིན་དུ་མཐའ་མེད། མཐོ་རིས་ནི་སེན་མོའི་སྟེང་གི་རྡུལ་བཞིན་ཤིན་ཏུ་ཉུང་བར་ལུང་ལས་གསུངས་པར་མ་ཟད། མཐོང་ཆོས་སུའང་ངན་སོང་གསུམ་གྱི་ནང་ནས་ཉུང་ཤོས་དུད་འགྲོ་བྱིངས་ན་གནས་པ་ནི་ཆང་འགགས་ཀྱི་སྦང་མ་བཞིན་བསམ་གྱིས་མི་ཁྱབ། ཁ་འཐོར་ཀྱང་ས་གཞི་རི་ཀླུང་ཁེངས་པ་ཙམ་དུ་འདུག་སྟེ། དཔེར་ན་དབྱར་དུས་སྔོ་ཕུང་གཅིག་ལ་གནས་པའི་སེམས་ཅན་ཀྱང་མཐའ་མི་འདུག །དེ་ལ་ལྟོས་ན་ལྷ་དང་མིའི་འགྲོ་བ་ནི་སྲིད་མཐའ་ཙམ་དང་། དེ་ལས་ཀྱང་སྤྱིར་མིའི་འགྲོ་བ་དང་། ཁྱད་པར་ཆོས་ལྡན་གྱི་མི་ལུས་ནི་སྲིད་མཐའ་ཙམ་དུ་འདུག་པས་གྲངས་ཀྱི་སྒོ་ནས་ཀྱང་རྙེད་པར་དཀའ་བ་དང་། གཞན་ཡང་རྒྱ་མཚོ་ཆེན་པོ་མཐའ་མེད་པར་གཉའ་ཤིང་བུ་ག་གཅིག་པ་ཕྱོགས་ཐམས་ཅད་དུ་བསྐྱོད་པ་ཞིག་ཡོད་པའི་དབང་དུ་བྱས་ཏེ་དེའི་སྟེང་ན་རུ་སྦལ་ལོང་བ་ལོ་བརྒྱ་ཕྲག་རེ་ན་རྒྱ་མཚོའི་སྟེང་དུ་ལན་རེ་འོང་བའི་མགྲིན་པ་གཉའ་ཤིང་གི་བུ་གར་ཚུད་པའི་སྐབས་ཀྱང་སྲིད་མོད་ཀྱི། མི་ལུས་ཐོབ་པ་ནི་དེ་ལས་ཀྱང་དཀའ་བར་ལུང་ལས་གསུངས་པས་མཚོན་དཔེ་ཡི་སྒོ་ནས་ཀྱང་རྙེད་པར་དཀའ་ཞིང་། རྙེད་དཀའ་བ་ཁོ་ནར་མ་ཟད། རྙེད་ན་དོན་གྱི་མཆོག་ཆེན་པོ་དང་ལྡན་པ་ཡིན་ཏེ། རང་ཉིད་ཀྱི་བསམ་སྦྱོར་གྱིས་ནུས་ན་ཚེ་འདིའི་བདེ་སྐྱིད་དང་། ཕྱི་མ་ལྷ་མིའི་གོ་འཕང་དང་། ཐེག་པ་འོག་མའི་མྱང་འདས་དང་། བླ་ན་མེད་པའི་བྱང་ཆུབ་རྣམས་ཀྱང་བདེ་བླག་ཏུ་བསྒྲུབ་ནུས་པའི་ཕྱིར་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་བརྒྱ་སྟོང་གི་ཆར་ཡང་མི་མཚོན་པ་འདི་ལྟ་བུ་ཞིག་ཐོབ་པའི་སྐབས་སུ། རྟེན་དེ་ལ་སྙིང་པོ་ལོན་པའི་ཆོས་རྣམ་པར་དག་པ་ཞིག་ཅི་ནས་ཀྱང་བསྒྲུབ་པར་བྱ་དགོས་སོ། །གཉིས་པ་ནི། ཆོས་དེ་ཡང་མྱུར་དུ་བརྩོན་པས་བསྒྲུབ་དགོས་ཀྱི། ལེ་ལོ་དང་ཕྱི་བཤོལ་གྱི་དབང་དུ་སོང་ན་སྤྱིར་འདུས་བྱས་ཐམས་ཅད་མི་རྟག་པས་ཁྱབ་ཅིང་། བྱེ་བྲག་ཏུ་སེམས་ཅན་གྱི་ཁམས་ན་སྐྱེས་ནས་མ་ཤི་བར་ཚེ་ཐར་དུ་ལུས་པ་སུ་ཡང་མེད། ད་ལྟའི་རང་དང་བཅས་པའི་འགྲོ་བ་ཐམས་ཅད་ཀྱང་འཆི་བ་ལས་མ་འདས། དེ་ཡང་ན་སོ་རྒན་གཞོན་བར་མའི་རྩིས་གདབ་མེད་པར་འཆི་བ་གློ་བུར་དུ་འོང་བས་ནམ་འཆི་ཆ་མེད། ལུས་ནི་ཆུའི་ལྦུ་བ་ལྟར་སྲན་ཆུང་། དབུགས་ནི་སྟོན་ཀའི་ན་བུན་བཞིན་དུ་ཡལ་སྐྱེན། སེམས་ནི་དམུས་ལོང་ཐང་སྟོང་དུ་འཁྱམས་པ་བཞིན་གར་འགྲོའི་རང་དབང་མེད། ཕན་དུ་རེ་བའི་ཟས་གོས་ཚུན་ཆད་ཀྱིས་ཀྱང་འཆི་བའི་རྐྱེན་བྱེད་པས་འཆི་རྐྱེན་མང་། དུས་ལ་བབས་པ་ན་ཐབས་གང་གིས་ཀྱང་མི་བཟློག་པས་གསོན་རྐྱེན་ཉུང་། མདོར་ན་ཚེ་འདི་ཕྱི་གཉིས་ཀྱི་བར་ལ་དབུགས་བྲེང་བྲེང་བ་འདི་ཀ་ལས་མེད། འདི་ནམ་ཆད་ན་ཚེ་ཕྱི་མར་སླེབས་པས་སང་དང་ཚེ་ཕྱི་མའང་གང་སྔ་མི་ཤེས། སྐབས་དེར་ལོངས་སྤྱོད་དང་དབང་ཕྱུག་སྟོབས་དང་སྙན་གྲགས་ལ་སོགས་པ་ཆེན་པོས་ཁྱབ་པ་ཞིག་ཡོད་ཀྱང་རྡུལ་ཕྲ་རབ་ཙམ་ཡང་རྗེས་སུ་མི་འབྲང་ཞིང་། དམ་པའི་ཆོས་མ་གཏོགས་གཞན་གང་གིས་ཀྱང་མི་ཕན་པས་མི་ཚེ་ཡུད་ཙམ་པ་སྤྲིན་བར་གྱི་ཉི་ཞུར་ལྟ་བུ་འདི་ལ་ཚེ་འདིའི་བདེ་སྐྱིད་སྙན་གསུམ་ལ་མ་ཆགས་པར་འཆི་ཆོས་གཤའ་མ་ཞིག་དེ་རིང་ནས་བྱ་བར་ཐག་བཅད་ཅིང་ལག་ཏུ་བླང་ངོ་། །གསུམ་པ་ནི། དེ་ལྟར་ཤི་བའི་རྗེས་སུ་ཅང་མེད་དུ་སོང་ན་དྲགས་མོད། རང་ཅག་ལས་ཉོན་མ་ཟད་པ་རྣམས་ལས་དང་ལས་ཀྱི་འབྲས་བུ་འབའ་ཞིག་ལ་བརྟེན་ནས་རང་དབང་མེད་པར་འཁོར་བའི་གནས་སུ་ཡང་ནས་ཡང་དུ་སྐྱེ་དགོས། འཁོར་བའང་ངན་འགྲོ་དང་བདེ་འགྲོ་གཉིས་ལས་མི་འདའ། དེ་ལས་ངན་སོང་གསུམ་དུ་སྐྱེས་ན་སེམས་ཅན་དམྱལ་བ་པ་རྣམས་ལ་ཚ་གྲང་གཅོད་གཏུབ་ཀྱི་སྡུག་བསྔལ། ཡི་དྭགས་རྣམས་ལ་བཀྲེས་སྐོམ་བྲེལ་ཕོངས་ཀྱི་སྡུག་བསྔལ། དུད་འགྲོ་རྣམས་ལ་གླེན་ལྐུགས་བཀོལ་སྤྱོད་ཀྱི་སྡུག་བསྔལ་ཏེ་བཟོད་པར་དཀའ་བའི་སྡུག་བསྔལ་ཡུན་རིང་ལ་དོས་དྲགས་པས་མནར་བ་དང་། གལ་ཏེ་བདེ་འགྲོར་སྐྱེས་སུ་ཟིན་ཀྱང་། མི་རྣམས་ལ་སྐྱེ་རྒ་ན་འཆི་སོགས་རྩ་བ་དང་ཡན་ལག་གི་སྡུག་བསྔལ་བསམ་གྱིས་མི་ཁྱབ། ལྷ་མ་ཡིན་རྣམས་ཕྲག་དོག་གི་དབང་གིས་འཐབ་ཅིང་རྩོད་པས་ལུས་སེམས་སྐད་ཅིག་ཀྱང་རྣལ་དུ་མི་གནས། ཁམས་འོག་མའི་ལྷ་རྣམས་འཆི་འཕོ་བའི་སྔ་ལྟས་ཀྱིས་ཆེས་ཆེར་གདུང་བ་སྟེ་འགྱུར་བའི་སྡུག་བསྔལ་དང་། ཁམས་གོང་མའི་ལྷ་རྣམས་ཟག་བཅས་ཀྱི་དགེ་བའི་འཕེན་ཤུགས་རྫོགས་པ་ན་ལོག་པར་ལྟ་བས་སེམས་བསླད་དེ་གནས་རིས་འོག་མ་རྣམས་སུ་ལྟུང་བའི་ཕྱིར་ཁྱབ་པ་འདུ་བྱེད་ཀྱི་སྡུག་བསྔལ་ཏེ། མདོར་ན་མེའི་རང་བཞིན་ཚ་བ་ལས་མ་འདས་པ་བཞིན། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་གནས་དང་། གྲོགས་དང་། ཡོ་བྱད་ཀྱི་རང་བཞིན་ཁོ་ན་ལས་མ་འདས་པར་ཤེས་ནས་ངེས་འབྱུང་གི་བློ་ཤུགས་དྲག་ཏུ་བསྐྱེད་པར་བྱའོ། །བཞི་པ་ནི། དེ་ལྟ་བུའི་འཁོར་བ་ལས་ཐར་པའི་འཇུག་སྒོ་ནི་ལས་འབྲས་སྨིན་ཚུལ་ལ་ཡིད་ཆེས་ཤིང་བླང་དོར་མ་ནོར་བ་ཞིག་དགོས་ཏེ། སྤྱིར་ལས་འབྲས་ལ་དབྱེ་ན་བསམ་གྱིས་མི་ཁྱབ་ཀྱང་། བསྡུ་ན་མི་དགེ་བ་དང་། དགེ་བ་དང་། ལུང་མ་བསྟན་གྱི་ལས་གསུམ་དུ་འདུས་པ་ལས། དང་པོ་མི་དགེ་བའི་ལས་ལ་གཙོ་ཆེ་བའི་དབང་དུ་བྱས་ན་ལུས་ངག་ཡིད་ཀྱི་ལས་ལམ་རྣམ་པ་བཅུར་བཞག་སྟེ། དེའང་བསམས་བཞིན་དུ་སྲོག་ཆགས་ཕྲ་མོ་གྲོག་སྦུར་ཡན་ཆད་ཀྱི་སྲོག་གཅོད་པ། གཞན་གྱི་ནོར་ལ་མཐུ་དང་འཇབ་བུའི་སྒོ་ནས་མ་བྱིན་པར་ལེན་པ། འཁྲིག་པ་སྤྱོད་པའི་ཡུལ་མ་ཡིན་པ་བསྟེན་པའི་འདོད་པས་ལོག་པར་གཡེམ་པ། བདེན་པ་ལས་གཞན་དུ་འདུ་ཤེས་བསྒྱུར་ནས་སྨྲས་པས་ཕ་རོལ་པོ་མགོ་རྨོངས་པར་བྱེད་པའི་རྫུན་སྨྲ་བ། གཞན་གྱི་ཡིད་ལ་ཟུག་རྔུ་བསྐྱེད་པའི་ཚིག་རྩུབ་འབྱིན་པ། ཕན་ཚུན་མཛའ་བ་དག་དབྱེ་བའི་ཕྲ་མ་སྨྲ་བ། ཚིག་སྔ་མ་གསུམ་ལས་གཞན་པའི་བཞད་གད་སོགས་ཉོན་མོངས་པ་སྐྱེད་པའི་ངག་འཁྱལ། གཞན་གྱི་དཔལ་འབྱོར་སོགས་རང་གིས་ཐོབ་པར་འདོད་པའི་བརྣབ་སེམས། ཕ་རོལ་པོ་ཉེས་པར་གྱུར་ན་ཅི་མ་རུང་སྙམ་པའི་གནོད་སེམས། ལས་འབྲས་ཀྱི་རྣམ་གཞག་ཀུན་རྫོབ་ཏུའང་མེད་པར་སེམས་པའི་ལོག་ལྟ་རྣམས་ཀུན་སློང་ཤུགས་ཆེ་འབྲིང་ཆུང་གསུམ་དང་། ཞེ་སྡང་དང་། འདོད་ཆགས་དང་། གཏི་མུག་ལས་རྗེས་སུ་སྐྱེས་པའི་དབང་གིས་ངན་སོང་གསུམ་དུ་རིམ་པར་སྐྱེ་བ་ནི་རྣམ་སྨིན་གྱི་འབྲས་བུ་ཡིན་ལ། བྱེད་པ་རྒྱུ་མཐུན་གྱིས་རྣམ་སྨིན་གྱི་འཕེན་པ་ཟད་ནས་མཐོ་རིས་སུ་སྐྱེས་ཀྱང་སྲོག་གཅོད་པ་སོགས་ལ་དེ་དང་དེའི་བག་ཆགས་ཀྱི་ནུས་པ་སད་པས་སླར་ཡང་སྡུག་བསྔལ་གྱི་རྒྱུ་མུ་མཐའ་མེད་པ་འདུ་བྱེད་པ་དང་། མྱོང་བ་རྒྱུ་མཐུན་གྱིས། སྲོག་གཅོད་པས་ཚེ་ཐུང་བ། མ་བྱིན་བླངས་པས་ལོངས་སྤྱོད་དབུལ་བ། འདོད་ལོག་གིས་ཁྱིམ་ཐབས་དགྲ་ཟླ་དང་བཅས་པ། རྫུན་གྱིས་བདེན་པར་མི་འཛིན་པ། ཕྲ་མས་མཛའ་བཤེས་དང་བྱེ་བ། ཚིག་རྩུབ་ཀྱིས་མི་སྙན་པ་ཐོས་པ། ངག་འཁྱལ་གྱིས་ཚིག་མི་བཙུན་པ། བརྣབ་སེམས་ཀྱིས་རེ་བ་འཇོམས་པ། གནོད་སེམས་ཀྱིས་ཡིད་དུ་མི་འོང་བ། ལོག་ལྟས་ལྟ་བ་ངན་པ་རྒྱུད་ལ་སྐྱེ་བ་རྣམས་དང་། བདག་པོའི་འབྲས་བུ་ཕྱིའི་ཡུལ་ལ་སྨིན་ཏེ། སྲོག་གཅོད་སོགས་ཀྱི་གོ་རིམ་དང་མཚུངས་པར། ས་ཕྱོགས་གཟི་ཆུང་སེར་ཆར་མོད། །རྡུལ་འཁྲིག་དྲི་ང་མཐོ་དམན་ཅན། །ཚྭ་སྒོ་ཅན་སོགས་དུས་ལོག་དང་། །འབྲས་བུ་ཕྲ་ཁ་ཆུང་ངུ་མེད། །ཅེས་སོ། །དགེ་བ་ནི། སྲོག་གཅོད་སྤངས་པ་སོགས་བཅུ་སྟེ། སོ་སོའི་འབྲས་བུར། ཀུན་སློང་ཤུགས་ཆེ་འབྲིང་ཆུང་བའི་དབང་གིས་རྣམ་སྨིན་གྱི་འབྲས་བུ་མཐོ་རིས་གསུམ་དང་། བྱེད་པ་རྒྱུ་མཐུན་རང་རང་གི་ལས་ལ་སྤྲོ་བས་བདེ་བ་ནས་བདེ་བར་འགྲོ་བའི་རྒྱུ་བྱེད་པ་དང་། མྱོང་བ་རྒྱུ་མཐུན་ཚེ་རིང་ཞིང་འབྱོར་པ་ལྡན་པ་སོགས་དང་། བདག་པོའི་འབྲས་བུར་ས་ཕྱོགས་གཟི་མདངས་ཆེ་བ་རྣམས་སུ་སྐྱེ་བས་མཚོན་མི་དགེ་བའི་འབྲས་བུ་རྣམས་ལས་ལྡོག་སྟེ་འབྱུང་བ་ཡིན་ལ། ལུང་མ་བསྟན་ནི། དགེ་མི་དགེའི་ལས་གང་ཡང་མིན་པའི་འགྲོ་འཆག་ཉལ་འདུག་སོགས་ཏེ། དེའི་འབྲས་བུ་ཡང་བདེ་སྡུག་གང་ཡང་འབྱིན་མི་ནུས་པའོ། །ཚུལ་དེ་ལྟ་བས་ན། སྡུག་བསྔལ་གྱི་རྒྱུ་མི་དགེ་བ་སྲོག་དང་བསྡོས་ཏེ་སྤང་ཞིང་། བདེ་བའི་རྒྱུ་དགེ་བ་ཆ་ཕྲ་མོ་ནས་ཀྱང་ཅི་ནུས་སུ་བསྒྲུབ། ལུང་མ་བསྟན་གྱི་ལས་རྣམས་ཀྱང་བསམ་སྦྱོར་གང་ཡང་རུང་བའི་སྒོ་ནས་དགེ་བར་བསྒྱུར་བའི་ཐབས་ལ་མཁས་པར་བྱའོ། །ལྔ་པ་ནི། དཔེར་ན་ནག་ཅན་བཙོན་དོང་དུ་ཚུད་པ་གནས་སྐབས་སུ་ཆད་ལས་སྣ་ཚོགས་ཀྱིས་མནར་ཞིང་། མཐར་གསོད་པར་ངེས་པས་དེ་ལས་སྐྱོབ་ནུས་པ་ཞིག་ཕ་འབོད་མ་འབོད་བྱེད་པ་ལྟར། རང་རེ་རྣམས་ཀྱང་ཟག་བཅས་ཀྱི་དགེ་བས་མཐོ་རིས་གསུམ་ཙམ་དུ་སྐྱེས་ཀྱང་སྡུག་བསྔལ་གྱི་རང་བཞིན་ལས་མ་འདས་པས། འཁོར་བའི་སྡུག་བསྔལ་མཐའ་དག་སྐྱོབ་ནུས་པའི་སྐྱབས་གནས་ཞིག་ལ་བློ་གཏོད་ནས་སྐྱབས་སུ་འགྲོ་དགོས་ཤིང་། དེ་ཡང་གང་ལ་སྐྱབས་སུ་འགྲོ་བའི་ཡུལ་ནི། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ཁོ་ན་ཡིན་ལ། གང་གིས་སྐྱབས་སུ་འགྲོ་བའི་གང་ཟག་ནི། རང་ཉིད་ཀྱིས་ཐོག་དྲངས་པའི་སེམས་ཅན་ཐམས་ཅད་ཀྱིས། ཇི་ལྟར་སྐྱབས་སུ་འགྲོ་བའི་ཚུལ་ནི། འདི་ནས་བྱང་ཆུབ་མ་ཐོབ་ཀྱི་བར་དུ་སྐྱིད་སྡུག་ལེགས་ཉེས་ཅི་བྱུང་ཡང་ཁྱེད་ཁོ་ན་མཁྱེན་ནོ་སྙམ་པའི་རེ་ལྟོས་ལིང་སྐྱུར་གྱི་ཚུལ་གྱིས་བློ་རྩེ་གཅིག་ཏུ་གཏོད་པ་དང་དེ་ལྟར་སྐྱབས་སུ་སོང་བའི་བསླབ་བྱ་ནི། དུས་རྟག་ཏུ་དཀོན་མཆོག་གསུམ་རྗེས་སུ་དྲན་པས་སྐྱབས་སུ་འགྲོ་བ་དང་། རྐྱེན་ཇི་ལྟ་བུ་བྱུང་ཡང་དཀོན་མཆོག་གསུམ་མི་གཏོང་ཞིང་། སྐྱབས་དང་རེ་ལྟོས་གཞན་ནས་མི་འཚོལ་བ་སོགས་རྒྱ་ཆེར་ཤེས་པར་བྱའོ། །དྲུག་པ་ནི། འདི་ལྟར་ནམ་མཁའ་ལ་ཤར་གྱི་ནམ་མཁའ་གཅིག་པུའི་མཐའ་ཡང་ཚད་བཟུང་དུ་མེད་པ་བཞིན་ཕྱོགས་ཐམས་ཅད་ཀྱི་ནམ་མཁའ་ལའང་ཚད་མེད། དེ་ཐམས་ཅད་སེམས་ཅན་གྱི་ཁམས་ཀྱིས་ཁྱབ། དེ་རེ་རེས་ཀྱང་རང་གི་སྐྱེ་བ་ཐོག་མ་མ་མཆིས་པ་ནས་ཕ་མ་ཡང་ཡང་བྱས་ཤིང་། བྱས་རེས་བཞིན་དུ་གནོད་པ་ཐམས་ཅད་ལས་བསྐྱབས། བརྩེ་བའི་སེམས་ཀྱིས་བཟུང་། བྱམས་པའི་སྤྱོད་པས་བསྐྱངས། ཕན་པ་ཅི་ནུས་སུ་བསྒྲུབས་པའི་དྲིན་ཅན་ཁོ་ན་ཡིན་པས། འདི་ཐམས་ཅད་འཁོར་བ་སྡུག་བསྔལ་གྱི་གསེབ་ཏུ་བཞག་ནས། རང་གཅིག་པུ་ཐར་པས་ཅི་ཞིག་ཕན། དེ་བས་ན་འདི་དག་བདེ་བ་འདོད་ཅིང་སྡུག་བསྔལ་མི་འདོད་པ་ཤ་སྟག་ཏུ་སྣང་བས། བདེ་བ་དང་ལྡན་ཅིང་སྡུག་བསྔལ་དང་བྲལ་བ་བདག་གིས་བྱའོ་སྙམ་པའི་བྱམས་པ་དང་སྙིང་རྗེ་ལྷག་བསམ་གྱི་བློ་ཁྱད་པར་ཅན་སྔོན་དུ་འགྲོ་བས། དེའི་ཆེད་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའང་རྒྱུ་མེད་རྐྱེན་མེད་ལས་མི་འབྱུང་བས། རྒྱུ་རྐྱེན་གྱི་གཙོ་བོ་ཚུལ་ཁྲིམས་རྣམ་པར་དག་པས་གཞི་བཟུང་། ཐོས་བསམ་སྒོམ་གསུམ་གྱིས་རྒྱུད་སྦྱངས། ཁྱད་པར་ངེས་འབྱུང་དང་། བྱང་ཆུབ་ཀྱི་སེམས་དང་། ཡང་དག་པའི་ལྟ་བ་དང་། རྡོ་རྗེའི་རྣལ་འབྱོར་ཟབ་མོའི་ཐབས་ལ་བརྟེན་ནས་ཚེ་འདི་ཁོ་ནར་ཟུང་འཇུག་གི་གོ་འཕང་མངོན་དུ་བྱའོ་སྙམ་པའི་བསམ་སྦྱོར་གྱིས་དུས་འདའ་བར་བྱའོ། །དེ་རྣམས་ནི་རྫོགས་པ་ཆེན་པོ་སྙིང་ཏིག་གི་སྐབས། མི་རྟག་སྡུག་བསྔལ་བྱང་སེམས་སྦྱང་། །ཞེས་དང་། གསུང་ངག་རིན་པོ་ཆེར་སྔོན་འགྲོ་སྣང་བ་གསུམ་གྱིས་གཞི་བཅའ་བ་དང་། བྱང་ཆུབ་ལམ་གྱི་རིམ་པའི་སྐྱེས་བུ་གསུམ་གྱི་བློ་སྦྱངས་དང་། ཕྱག་ཆེན་སོགས་ཀྱིས་བློ་ལྡོག་བཞི་སྐྱབས་སེམས་དང་བཅས་པ་སྟེ་ཐེག་པ་འོག་མ་གཉིས་དང་ཐུན་མོང་བའི་ལམ་མཐའ་དག་རྫོགས་པར་བསྟན་པ་ཡིན་ནོ། །གཉིས་པ་རྡོ་རྗེ་ཐེག་པ་ཐུན་མོང་མ་ཡིན་པའི་ཉམས་ལེན་ནི། རྡོ་རྗེ་རྩེ་མོ་ལས། སྨིན་པ་དང་ནི་གྲོལ་བའི་ལམ། །སངས་རྒྱས་བྱང་ཆུབ་བསྟེན་པའི་ཆོས། །ཞེས་སྨིན་གྲོལ་ཡན་ལག་དང་བཅས་པར་འདུ་བ་ལས། འདིར་བླ་མེད་ཐུན་མོང་མ་ཡིན་པའི་དབང་དུ་བྱས་ཏེ། རྒྱུ་དུས་ཀྱི་དབང་བཞི་ཕྱིན་ཅི་མ་ལོག་པས་རྒྱུད་སྨིན་ནས་ལམ་ལ་འཇུག་པ་ལའང་སྔོན་འགྲོ་དང་དངོས་གཞི་གཉིས་ཀྱི་དང་པོ་ལ་སྡིག་སྒྲིབ་སྦྱོང་བྱེད་རྡོར་སེམས་ཀྱི་སྒོམ་བཟླས། ཚོགས་བསགས་པའི་ཐབས་མཎྜལ་གྱི་རིམ་པ། བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་ཏེ་གསུམ་ལས། དང་པོ་ནི། དངོས་གཞིའི་ཉམས་རྟོགས་སྐྱེ་བའི་འགལ་རྐྱེན་ནི་སྡིག་སྒྲིབ་ཡིན་ལ། དེ་སྦྱོང་བྱེད་ཀྱི་ཐབས་བསམ་གྱིས་མི་ཁྱབ་ཀྱང་། མཐར་ཐུག་པ་རྡོ་རྗེ་སེམས་དཔའི་སྒོམ་བཟླས་ཏེ། དེ་ཡང་སྟོབས་བཞི་ལས་ཐུན་མོང་མ་ཡིན་པའི་སྐྱབས་ཡུལ་བསྒོམ་པ་གཞན་རྒྱུད་དང་། བྱང་ཆུབ་ཀྱི་སེམས་བསྒོམ་པ་རང་རྒྱུད་ཀྱི་རྟེན་གྱི་སྟོབས། སེམས་ཅན་ཐམས་ཅད་དོན་དམ་པར་རང་བཞིན་གྱིས་རྣམ་པར་དག་པའི་སངས་རྒྱས་ཀྱི་སྙིང་པོ་ཅན་ཡིན་ནའང་། གནས་སྐབས་དེ་ལྟར་མ་རྟོགས་པའི་དབང་གིས་སྔར་བསགས་པའི་སྡིག་ལྟུང་ལ་འགྱོད་སེམས་ཤུགས་དྲག་ཏུ་བསྐྱེད་པ་སུན་འབྱིན་པའི་སྟོབས། ད་ནི་ཕྱིན་ཆད་སྲོག་ལ་བབས་ཀྱང་སྡིག་པའི་ལས་མི་བྱ་སྙམ་པ་ཉེས་པ་ལས་ལྡོག་པའི་སྟོབས། སྔར་བྱས་ཀྱི་གཉེན་པོར་བླ་མ་རྡོ་རྗེ་སེམས་དཔའི་རྣལ་འབྱོར་བསྒོམ་ཞིང་གསང་སྔགས་ཟབ་མོ་བཟླ་བ་དང་། བདུད་རྩི་འབེབས་སྦྱོངས་བ་དམིགས་པས་བཀྲུ་བ་དང་། ཡེ་ཤེས་ཀྱི་མེས་བསྲེག་པ་སོགས་དམིགས་རྣམ་ཁྱད་པར་ཅན་བསྟེན་གོམས་སུ་བྱ་བ་གཉེན་པོ་ཀུན་ཏུ་སྤྱོད་པའི་སྟོབས་ཏེ། དེ་ལྟ་བུའི་སྒོ་ནས་སྡིག་པ་དག་པའི་རྟགས་མ་བྱུང་གི་བར་དུ་འབད་ཅིང་། རྒྱུན་དུའང་རྣལ་འབྱོར་འདི་དང་མ་བྲལ་བར་བྱའོ། །གཉིས་པ་ནི། ཉམས་རྟོགས་སྐྱེ་བའི་མཐུན་རྐྱེན་ནི་ཚོགས་བསགས་པ་ཡིན་ཅིང་། དེ་ལའང་འཇུག་སྒོ་བསམ་གྱིས་མི་ཁྱབ་ཀྱང་། མདོ་སྔགས་ཟུང་འཇུག་གི་ཚོགས་བསགས་པའི་ཐབས་ཁྱད་པར་ཅན་མཎྜལ་འདིར་འདུ་བས། རིན་པོ་ཆེ་སོགས་ཀྱིས་མཎྜལ་ཕྱིས་ལ་དྲི་བཟང་པོའི་ཆུས་བྱུགས་པར་བརླན་དང་བཅས་པའི་མེ་ཏོག་གི་ཚོམ་བུ་བཀོད་ཅིང་། རྒྱུ་རང་གི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་ལས་བྱུང་བ། ངོ་བོ་གླིང་བཞི་རི་རབ་དང་བཅས་པའི་བཀོད་པ་མཛེས་ཤིང་འབྱོར་བའི་ཁྱད་པར་བསམ་གྱིས་མི་ཁྱབ་པས་བརྒྱན་པ། ཡུལ་ནམ་མཁའི་མཐའ་ཐམས་ཅད་ཁྱབ་པ། དུས་འཁོར་བ་ཇི་སྲིད་མ་སྟོང་གི་བར་དུ་རྒྱུན་མི་འཆད་པར་བསམས་ལ་བླ་མ་དང་དཀོན་མཆོག་གསུམ་ལ་ལྟོས་མེད་དུ་ཕུལ་བས་བདག་གཞན་སེམས་ཅན་ཐམས་ཅད་ཚོགས་གཉིས་རྫོགས་པར་བལྟ་བའོ། །གསུམ་པ་ནི། རྟོགས་པ་རང་གི་ངོ་བོ་མཐར་ཐུག་པ་ནི་ལྷན་ཅིག་སྐྱེས་བའི་ཡེ་ཤེས་མངོན་དུ་བྱ་བ་ཉིད་ཡིན་ལ། དེ་བླ་མའི་བྱིན་རླབས་དང་། བྱིན་རླབས་འཇུག་པ་མོས་གུས་ཁོ་ན་ལ་རགས་ལས་པས། རང་ལ་ལམ་དངོས་སུ་སྟོན་པའི་བླ་མ་དེ་ཉིད་སྤངས་རྟོགས་ཀྱི་ངོས་ནས་སངས་རྒྱས་དང་མཚུངས་ཤིང་། བཀའ་དྲིན་གྱི་ངོས་ནས་སངས་རྒྱས་ལས་ལྷག་པར་ཐག་བཅད་ཅིང་ངེས་ཤེས་བསྐྱེད་པར་བྱ་སྟེ། དེ་ཡང་སངས་རྒྱས་བསྒྲུབ་པའི་ཉེར་ལེན་གྱི་རྒྱུ་ནི་སྤྲོས་བྲལ་བདེ་བར་གཤེགས་པའི་སྙིང་པོ་ཉིད་ཡིན་ལ། ལྷན་ཅིག་བྱེད་རྐྱེན་ནི་སངས་རྒྱས་ཀྱི་བྱིན་རླབས་ཡིན་ཅིང་། བྱིན་རླབས་དེ་རང་རྒྱུད་ལ་འཇུག་པ་ནི་མོས་གུས་ཀྱི་ཉེར་ལེན་ཡིན་མོད། ད་ལྟ་སངས་རྒྱས་དངོས་ནི་མི་བཞུགས་པས། རང་ལ་སྣང་བའི་སངས་རྒྱས་ནི་བླ་མ་མཚན་ཉིད་དང་ལྡན་པ་དེ་ཡིན་ལ། དེའི་རྒྱུ་མཚན་ཀྱང་བླ་མའི་ཞལ་ནས་ཆོས་རྣམ་པར་རིག་བྱེད་སློབ་མའི་རྒྱུད་ལ་འཕོ་བ་ནི་སངས་རྒྱས་ཀྱི་བསྟན་པ་ཡིན་ཅིང་། གལ་ཏེ་དེ་སངས་རྒྱས་ཀྱི་བསྟན་པ་མ་ཡིན་ན་སྟོན་པ་སངས་རྒྱས་མྱ་ངན་ལས་འདས་པའི་ཕྱི་ལོར་དེ་ནས་བསྟན་པ་རྒྱུན་ཆད་པར་བྱེད་དགོས་ན་དེ་ལྟར་འདོད་པ་ནི་སུ་ཞིག་ཡོད། དེས་ན་སངས་རྒྱས་ཀྱི་ཡེ་ཤེས་བདག་པོར་སོང་བ་ལས་ཆོས་ཀྱི་རྣམ་པར་རིག་བྱེད་སློབ་མའི་རྒྱུད་ལ་འཕོ་བར་ནུས་པ་ཡིན་གྱི། སངས་རྒྱས་ཀྱི་ཡེ་ཤེས་བདག་པོར་མ་སོང་ན་ཆོས་ཚིག་གཅིག་ཀྱང་སྨྲ་བར་མི་ནུས་སོ། །དེ་ལྟར་བླ་མའི་གསུང་དེ་སངས་རྒྱས་ཀྱི་གསུང་ཡིན་ཙ་ན། སྐུ་དང་ཐུགས་ཀྱང་སངས་རྒྱས་ཀྱི་སྐུ་དང་ཐུགས་ཡིན་པ་ལས་འོས་ཅི་ཡོད། འོན་ཀྱང་མཚན་དཔེ་ཀུན་རྫོགས་སུ་མི་མཐོང་བ་ནི་རང་གི་བློ་གྲོས་ཀྱི་སྐྱོན་ཏེ་མཁྲིས་ནད་ཅན་ལ་དུང་དཀར་སེར་པོར་སྣང་བ་བཞིན་ནོ་སྙམ་དུ་བསམས་ལ་སངས་རྒྱས་དངོས་སུ་ཐག་བཅད། དེར་མ་ཟད་རང་རེ་རྣམས་ལས་ཉོན་གྱི་དབང་གིས་སངས་རྒྱས་དངོས་ཀྱི་སྐུ་མཇལ་ཞིང་གསུང་ཐོས་པའི་སྐབས་མེད་པས། བླ་མས་དེའི་བྱ་བ་མཐའ་དག་རྫོགས་པར་མཛད་པའི་ཕྱིར་བཀའ་དྲིན་ཆེས་ལྷག་པར་ངེས་ཤེས་བསྐྱེད་ནས། རྒྱུ་དུས་ཀྱི་དབང་གི་དུས་སུ་བླ་མའི་ཕུང་ཁམས་སྐྱེ་མཆེད་གདན་གསུམ་ཚང་བའི་ལྷར་བཞེངས་ཤིང་ངོ་སྤྲད་པ་ལྟར་རྡོ་རྗེ་འཆང་སོགས་ལྷར་བསྐྱེད་པའམ། བླ་མ་སྐུ་དངོས་སུ་བསྒོམས་ཀྱང་རུང་སྟེ། ཁྲོམ་ཚོགས་སམ། ཐོ་བརྩེགས་སམ། ཀུན་འདུས་ནོར་བུ་ལུགས་གང་ཡང་རུང་བར་གསལ་བཏབ་ཅིང་། དེ་ཡང་སྐུ་མཚན་དཔེའི་གཟི་བྱིན་དང་ལྡན་པ། གསུང་ཆོས་ཀྱི་སྒྲ་དབྱངས་སྒྲོག་པ། ཐུགས་ཟབ་གསལ་དབྱེར་མེད་བདེ་ཆེན་གྱི་ཡེ་ཤེས་ཀྱི་རང་བཞིན། ཡོན་ཏན་དང་ཕྲིན་ལས་བདག་རྒྱུད་བྱིན་གྱིས་རློབ་པའི་བདག་ཉིད་ཆེན་པོར་མངོན་སུམ་དུ་བཞུགས་པར་བསམས་ལ་མོས་གུས་མཆི་མ་འཁྲུགས་པ་དང་བཅས་ཏེ་གསོལ་བ་གདབ་པའི་མཐར་དབང་བཞི་བླང་བ་དང་དེ་ཁོ་ན་ཉིད་ལ་བློ་བཞག་པར་བྱའོ། །གཉིས་པ་དངོས་གཞི་ལ། སྔགས་ལམ་གྱི་སྦྱང་བྱར་གྱུར་པའི་སྡུག་བསྔལ་ནི་དོན་དུ་ཐ་མལ་གྱི་སྣང་ཞེན་ཉིད་ཡིན་ལ། སྣང་ཙམ་དེ་ཉིད་ལྷར་བྱིན་གྱིས་བརླབ་པའི་ཕྱིར་བསྐྱེད་རིམ་དང་དེར་ཞེན་པའི་རྟོག་པ་ཡེ་ཤེས་སུ་སྒྱུར་བར་བྱེད་པ་ལ་རྫོགས་རིམ་སྟེ། རིམ་པ་གཉིས་སུ་ལམ་མཐའ་དག་འདུ་བ་ན། ཐོག་མར་བུམ་དབང་གི་ལམ་བསྐྱེད་པའི་རིམ་པ་མཐར་སོན་པས་སྔགས་ཀྱི་ཚོགས་ལམ་ཆེན་པོའི་བར་དུ་བགྲོད་ནས། དེ་ལ་གསང་དབང་གི་ལམ་རླུང་དང་གཏུམ་མོས་བོགས་དབྱུང་བས་སྦྱོར་ལམ་དྲོད་དང་རྩེ་མོ་དག་ཐོབ། ཤེར་དབང་གི་ལམ་ཡིད་དང་། དངོས་ཀྱི་ཕྱག་རྒྱའི་ཉེ་རྒྱུས་ལྷན་སྐྱེས་དཔེ་ཡི་ཡེ་ཤེས་བཟོད་པ་དང་ཆོས་མཆོག་དག་བསྐྱེད་པའི་མཐར། མཐོང་ལམ་ས་དང་པོར་དབང་བཞི་པའི་ལམ་རྫོགས་པ་ཆེན་པོ་ཀ་དག་དོན་གྱི་ཡེ་ཤེས་མངོན་སུམ་དུ་རྟོགས། དེ་ཉིད་རིག་གདངས་རྡོ་རྗེ་ལུ་གུ་རྒྱུད་དང་ཟུང་དུ་འབྲེལ་བར་བསྒོམས་པས་ས་ལྷག་མ་རྣམས་མིག་འཕྲུལ་ལྟ་བུར་བགྲོད་པའི་མཐར་ཆོས་ཅན་གྱི་སྣང་བ་ཐམས་ཅད་ཤིན་ཏུ་རྣམ་པར་དག་པའི་འོད་གསལ་གྱི་དབྱིངས་སུ་ཟད་ནས། སླར་མི་སློབ་པའི་ཟུང་འཇུག་འཕོ་བ་ཆེན་པོའི་སྐུས་ནམ་མཁའ་ཇི་སྲིད་ཀྱི་བར་དུ་འགྲོ་བའི་དོན་མཛད་པ་སྟེ། དེ་དག་གི་གྲངས་ངེས་པ་དང་། གོ་རིམ་ངེས་པ་དང་། སྔ་ཕྱིའི་འབྲེལ་བ་དང་། ཇི་ལྟར་བསྒོམ་པའི་གནད་སོགས་མཁས་ཤིང་དངོས་གྲུབ་བརྙེས་པའི་རྡོ་རྗེའི་སློབ་དཔོན་དམ་པའི་ཞལ་ལས་རྟོགས་པར་བྱ་ཞིང་། འདིར་བཤད་པའང་ལམ་སོ་སོ་མཐར་ཕྱིན་པའི་ངེས་རྫོགས་ཀྱི་དབང་དུ་བྱས་ཀྱི། མོས་སློབ་རྗེས་མཐུན་པ་ལ་ནི་དེ་ལྟ་བུའི་ཁྱབ་པ་མེད་པའི་ཕྱིར་དངོས་བཏགས་ཀྱི་རིམ་པའང་བློ་གྲོས་ཞིབ་མོས་ཕྱེད་པར་བྱ་བ་ཤིན་ཏུ་གལ་ཆེའོ། །ཞེས་པའང་སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་གོ་དོན་ཅུང་ཟད་སྨོས་པ་སྟེ། འདི་ཙམ་གྱིས་ཀྱང་ལས་དང་པོ་པ་ལས་ཀྱང་ཆེས་དང་པོར་གྱུར་པའི་བློ་གྲོས་ཤིན་ཏུ་དམན་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། །། ༈}} | |||
</onlyinclude> | </onlyinclude> | ||
{{TsagliCall}} | {{TsagliCall}} |
Latest revision as of 16:59, 1 June 2024
Wylie title | sngon 'gro dngos gzhi'i las dang po pa la phan pa'i tshig gi bdud rtsi | ![]() |
---|---|---|
Location | mkhyen brtse'i bka' 'bum Volume 6, sde tshan 1, Text 3, Pages 47-63 (Folios 24a4 to 32a5) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Citation | 'jam dbyangs mkhyen brtse'i dbang po. sngon 'gro dngos gzhi'i las dang po pa la phan pa'i tshig gi bdud rtsi. In 'jam dbyangs mkhyen brtse'i dbang po'i bka' 'bum, Vol. 6: 47-63. Khams sde dge rdzong sar dgon: Rdzong sar blo gros phun tshogs, 2020. | |
Genre | Preliminary Practices - sngon 'gro · Generation Stage - bskyed rim | |
Colophon |
།ཞེས་པའང་སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་གོ་དོན་ཅུང་ཟད་སྨོས་པ་སྟེ། འདི་ཙམ་གྱིས་ཀྱང་ལས་དང་པོ་པ་ལས་ཀྱང་ཆེས་དང་པོར་གྱུར་པའི་བློ་གྲོས་ཤིན་ཏུ་དམན་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། | |
zhes pa'ang sngon 'gro dang dngos gzhi'i lam spyir 'jug pa'i go don cung zad smos pa ste/__'di tsam gyis kyang las dang po pa las kyang ches dang por gyur pa'i blo gros shin tu dman pa rnams la phan pa rgya chen po 'byung ba'i rgyur gyur cig__/sarba mang+ga laM/ |
1 Texts in this Section (sde tshan or chos tshan)