JKW-KABUM-24-YA-005

🚧 This website is under continued development. We appreciate your patience!

Previous Section Back to Volume PageNext Section

Wylie title	lkog gyur mtshon par byed pa ma 'ongs lung du bstan pa'i glu mi'am ci'i gling bu
Location	mkhyen brtse'i bka' 'bum Volume 24, sde tshan 5, Pages 227-230 (Folios 1a1 to 2b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lkog gyur mtshon par byed pa ma 'ongs lung du bstan pa'i glu mi'am ci'i gling bu. In 'jam dbyangs mkhyen brtse'i dbang po'i bka' 'bum, Vol. 24: 227-230. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	ཞེས་མཚོ་སྐྱེས་ཀུན་ཏུ་འཆང་བ་དགྱེས་པའི་འབངས་ཀྱིས་དོན་གྲུབ་ཅེས་པ་ས་མོ་ལུག་གི་ལོའི་ཆོ་འཕྲུལ་ཟླ་བར་བྲིས་པ་དོན་བཞིན་མཁྱེན་པ་ཡོད་ན་སྨྲ་བར་མཛོད་ཅིག།
	zhes mtsho skyes kun tu 'chang ba dgyes pa'i 'bangs kyis don grub ces pa sa mo lug gi lo'i cho 'phrul zla bar bris pa don bzhin mkhyen pa yod na smra bar mdzod cig

1 Texts in this Section (sde tshan or chos tshan)

227-230	ལྐོག་གྱུར་མཚོན་པར་བྱེད་པ་མ་འོངས་ལུང་དུ་བསྟན་པའི་གླུ་མིའམ་ཅིའི་གླིང་བུ། lkog gyur mtshon par byed pa ma 'ongs lung du bstan pa'i glu mi'am ci'i gling bu Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ལྐོག་གྱུར་མཚོན་པར་བྱེད་པ་མ་འོངས་ལུང་དུ་བསྟན་པའི་གླུ་མིའམ་ཅིའི་གླིང་བུ་ཞེས་བྱ་བ། ཨ་ཧོ། མཆོད་བརྗོད་ལྔ་ལྡན་འཇའ་ཟེར་འཁྲུགས་པའི་ཡེ་ཤེས་ཀྱི་འོད་ཀློང་། །འོག་མིན་པདྨ་དྲྭ་བའི་དགའ་ཚལ་གྱི་དབུས་ན། །ང་ཡི་བླ་མ་མཚོ་སྐྱེས་རྡོ་རྗེ་དེ་བཞུགས་ཡོད། །བྱིན་རླབས་ཆར་ཆེན་ཕོབ་ཅིག་ཨོ་རྒྱན་གྱི་ཆོས་རྗེ། །ཤར་ལུས་མདོར་བསྟན་ཕྱོགས་ཌཱ་ཀི་འདུ་བའི་པི་ཝང་གི་སྙན་ཀྲེ་ཤོད་པདྨ་བརྩེགས་པའི་ཡུལ་འགྱུར། །ལྷོ་མོན་སྨྱུག་མའི་ཚལ་གྱི་ཁུ་བྱུག་ཁུ་བྱུག་དང་ཆོས་མཚུང་གི་སྐྱེས་བུ་གིས་བླངས་ཏེ། །དབྱར་སྐྱེས་མྱུ་གུ་ཚེ་ཡི་བར་ཆད་སེལ་ཞིང་འཆི་མེད་ཀྱི་འདྲེན་པའི་སྐྱོ་གྲོགས་ལ་ཕེབས་དང་། །ཉམས་དགའི་བསྟན་འགྲོའི་པད་ཚལ་རྒྱས་པ་པདྨོ་རྒྱས་པའི་ངོ་མཚར་ཞིག་ཡོད་དོ། །མཁའ་དབྱིངས་དྭངས་པར་ཤར་བའི་དབང་པོ་ཡི་ཚེ་འདིར་སྣང་གི་བྱ་བཞག་གཞུ་རིས། །སྐེད་པར་ལན་བདུན་མདུད་པའི་བཀྲག་མདངས་ཀྱི་མཚར་སྡུག །རི་བྲག་ཚང་ཚིང་ཅན་ལུས་ངག་ཡིད་གསུམ་ཆོས་བརྒྱད་ལ་གཡེང་བ་། གྱི་མགུལ་པ་རུ་འཁྱུད་ན། །བྱིས་པའི་མིག་སྔར་བཀྲ་པའི་ལྟད་ཚེ་འདིར་བདེ་བ་ལྟར་སྣང་མོ་ཞིག་ཡོད་དོ། །དུར་ཁྲོད་འཇིགས་སུ་རུང་དཀོར་ནག་ཟ་གདུལ་བྱ་གྲོང་ཆོག་འགྲིམ་པ་ནི་བའི་ནགས་ཚལ་གྱི་དོར་ར། །ཅིར་ཡང་རྒྱུ་ཞིང་སྤྱོད་པའི་མི་སྲུན་གྱི་ཅེ་སྤྱང་། །ཚིམ་མེད་རོ་ལ་ཞེན་པའི་སྣང་ཚུལ་འདིར་ལྟོས་དང་། །སྐྱོ་ཤས་གཏིང་ནས་སློང་བའི་སྐྱུགས་སྨན་ཞིག་ཡོད་དོ། །ཨ་མྲ་སྙེ་མ་སྨིན་པའི་ཁ་ཟས་ཀྱི་ཡོ་ལོངས། །ཀླད་མེད་ཁ་ཏྭའི་ཚོགས་ཀྱིས་མཆུ་ཐོ་རུ་ཐོགས་བཞིན། །ཡིད་ལ་སྲེད་པས་བཅིང་བའི་ཡི་དྭགས་འདིར་སོམས་དང་། །གད་མོ་ཁོང་ནས་འཁྲུགས་པའི་སྙིང་སྐྲན་ཞིག་ཡོད་དོ། །སྐྱེད་བུ་རང་གི་སྒོ་གསུམ་གདོད་ནས་དག་པ་གསེར་དུ་སོང་བའི་དབུལ་ཕོངས་ཀྱི་བླུན་པོ། །རིན་ཐང་གཞན་ལ་དེ་ངོ་མ་ཤེས་ཏེ་གཞན་ཞིག་ནས་ཟབ་དོན་རྟོགས་པར་འདོད་ན་འཚོལ་བའི་ཆེ་ཐབས་ཀྱི་བྲེལ་བས། །ཚེ་གང་ཤ་ཐང་ལྟར་སྣང་ཆོས་ལ་བསྙད་པའི་བྱ་བ་སོགས་ཆད་པའི་གྱ་གྱུ་འདིར་གཟིགས་དང་། །ཅིས་ཀྱང་དགོས་མེད་སྟོན་པའི་སློབ་དཔོན་ཞིག་ཡོད་དོ། །སྟོན་གནམ་ཆོས་དང་འཇིག་རྟེན་གྱི་བྱ་བ་གང་ཡང་མ་འགྲུབ་པའི་ཚུལ་དཔེས་བསྟན་པ་སྒྲིབ་མེད་ངོགས་སུ་སྤྲིན་དཀར་གྱི་ཉམས་འགྱུར། །གྲངས་མེད་འཁོར་བའི་རྩེད་འཇོའི་བྱུང་གནས་དང་འགྲོ་གསུམ། །ཅི་བྱས་ལག་རྗེས་མེད་པའི་སྟོང་ཆེན་འདིར་གཟིགས་དང་། །གྲུབ་པའི་དུས་ཚོད་བྲལ་བའི་བརྡ་སྟོན་ཞིག་ཡོད་དོ། །དེ་བས་ན་སྒྲུབ་པ་ཉམས་ལེན་བྱེད་དགོས་པར་གདམ་བྱེ་མའི་ཁང་བཟང་བསྐྲུན་པའི་ཅོལ་ཆུང་གི་བྱིས་པ། །འཐོར་རླུང་དྲག་པོའི་ཤུགས་ཀྱིས་རང་ས་རུ་རྡིབ་ཚེ། །ཤ་ཐང་ཆད་ཆད་གཙེར་བའི་སྨྲེ་སྔགས་བུ་སློབ་འཁོར་གཡོགས་སོགས་ཀྱི་ཆོས་བརྒྱད་ལ་གཡེང་བའི་ངང་ནས་འཆི་བ་ལ་ཕྱོགས་པའི་ཚུལ། འདིར་སོམས་དང་། །དོན་མེད་དུཿཁས་མནར་བའི་མཚོན་བྱེད་ཅིག་ཡོད་དོ། །གཏན་ཚིག་འདིས་དངོས་བསྟན། དུ་བདེ་བའི་བྲག་སུལ་མལ་རང་རིག་བདེ་བ་ཆེན་པོ་འོག་ཏུ་བཅུག་ནས། །འཕྲལ་དུ་ཉམས་དགའི་ཐང་གང་ཤར་སྤང་བླང་བྲལ་བའི་སྤྱོད་པ་ལ་བག་ཡངས་སུ་དཀྱུ་བས། །གཞག་ཏུ་མེད་པའི་རང་རིག་ལྷན་སྐྱེས་ཡེ་ཤེས་བསལ་བཞག་བྲལ་བ་དེ་ཉིད་ལས་ཟིན་པའི་སྐྱེས་བུའམ། གཅོང་ནད་ཀྱི་ཐེབས་པ་ལྟར་རང་བཞིན་ལྷུག་པར་བསྐྱངས་བའི་སྐྱེས་བུ་རི་བོང་གི་གཟུགས་སུ་བཀོད་པའོ། །སྦས་དོན་དུ་ཚིག་རྐང་དང་པོས་གྲོལ་ལམ། གཉིས་པ་དང་གསུམ་པས་ཐབས་ལམ་ཉེ་རྒྱུ་བསྟན་པའོ། །གཅོང་ཅན་རི་བོང་འདིར་སོམས་དང་། །ལྐོག་ཏུ་གྱུར་པའི་རྣམ་ཐར་རྗེས་དཔག་ཏུ་ཡོད་དོ། །ཨ་ཀྱང་རྩེད་མོ་ཡིན་མོད་སྟོང་པ་དང་རྟེན་འབྱུང་། །ཟུང་འཇུག་སྟོང་དང་རྟེན་འབྱུང་རྟོགས་པའི་རྣལ་འབྱོར་པ་ཇི་ལྟར་བྱས་ཀྱང་བདེ་བར་བསྟན་སྒྱུ་མའི་སློབ་དཔོན་མངོན་སུམ་གྱི་བཀོད་པ། །ཅི་བྱས་ཉམས་འོག་ཚུད་པའི་བློ་བདེ་འདིར་སོམས་དང་། །འཕྲལ་ཡུན་ཀུན་ཏུ་དགེ་བའི་ས་བོན་བྱང་ཆུབ་སེམས་པའི་སྤྱོད་པ་དོན་ཡོད་པར་བསྟན་པའོ། །ཞིག་ཡོད་དོ། །ཨ་ཧོ་གསལ་ལ་མི་གསལ་དར་དིར་གྱི་གླིང་བུ། །བྱ་བ་བཏང་བཞག་གཉིས་མིན་མཛུབ་མོ་ཡིས་སྦྲེང་བར། །རང་གི་བྱ་བ་བྱེད་པ་དང་མི་བྱེད་པ་ཐེ་ཚོམ་གྱི་སྐབས་ཞིག་ལ་ལུང་བསྟན་འདིས་དོན་ཤེས་ནས་ཇི་བཞིན་སྤྱོད་དགོས་པར་བསྟན། རྩེ་གཅིག་དཀྱུས་ཐང་མ་ཆོད་རི་དྭགས་ཚོགས་ཉོན་དང་། མཛུམ་མོས་བཙན་པ་མཚོན་པའི་བརྡ་སྤྲོད་ཅིག་ཡོད་དོ། །ཨོཾ་མ་ཎི་པདྨེ་ཧཱུྃ་ཧྲཱིཿ ཞེས་མཚོ་སྐྱེས་ཀུན་ཏུ་འཆང་བ་དགྱེས་པའི་འབངས་ཀྱིས་དོན་གྲུབ་ཅེས་པ་ས་མོ་ལུག་གི་ལོའི་ཆོ་འཕྲུལ་ཟླ་བར་བྲིས་པ་དོན་བཞིན་མཁྱེན་པ་ཡོད་ན་སྨྲ་བར་མཛོད་ཅིག། །།

[edit]

lkog gyur mtshon par byed pa ma 'ongs lung du bstan pa'i glu mi'am ci'i gling bu/ @#/_/lkog gyur mtshon par byed pa ma 'ongs lung du bstan pa'i glu mi'am ci'i gling bu zhes bya ba/__a ho/__mchod brjod lnga ldan 'ja' zer 'khrugs pa'i ye shes kyi 'od klong /__/'og min pad+ma drwa ba'i dga' tshal gyi dbus na/__/nga yi bla ma mtsho skyes rdo rje de bzhugs yod/__/byin rlabs char chen phob cig o rgyan gyi chos rje/__/shar lus mdor bstan phyogs DA ki 'du ba'i pi wang gi snyan kre shod pad+ma brtsegs pa'i yul 'gyur/__/lho mon smyug ma'i tshal gyi khu byug khu byug dang chos mtshung gi skyes bu gis blangs te/__/dbyar skyes myu gu tshe yi bar chad sel zhing 'chi med kyi 'dren pa'i skyo grogs la phebs dang /__/nyams dga'i bstan 'gro'i pad tshal rgyas pa pad+mo rgyas pa'i ngo mtshar zhig yod do/__/mkha' dbyings dwangs par shar ba'i dbang po yi tshe 'dir snang gi bya bzhag gzhu ris/__/sked par lan bdun mdud pa'i bkrag mdangs kyi mtshar sdug__/ri brag tshang tshing can lus ngag yid gsum chos brgyad la g.yeng ba /__gyi mgul pa ru 'khyud na/__/byis pa'i mig sngar bkra pa'i ltad tshe 'dir bde ba ltar snang mo zhig yod do/__/dur khrod 'jigs su rung dkor nag za gdul bya grong chog 'grim pa ni ba'i nags tshal gyi dor ra/__/cir yang rgyu zhing spyod pa'i mi srun gyi ce spyang /__/tshim med ro la zhen pa'i snang tshul 'dir ltos dang /__/skyo shas gting nas slong ba'i skyugs sman zhig yod do/__/a mra snye ma smin pa'i kha zas kyi yo longs/__/klad med kha twa'i tshogs kyis mchu tho ru thogs bzhin/__/yid la sred pas bcing ba'i yi dwags 'dir soms dang /__/gad mo khong nas 'khrugs pa'i snying skran zhig yod do/__/skyed bu rang gi sgo gsum gdod nas dag pa gser du song ba'i dbul phongs kyi blun po/__/rin thang gzhan la de ngo ma shes te gzhan zhig nas zab don rtogs par 'dod na 'tshol ba'i che thabs kyi brel bas/__/tshe gang sha thang ltar snang chos la bsnyad pa'i bya ba sogs chad pa'i gya gyu 'dir gzigs dang /__/cis kyang dgos med ston pa'i slob dpon zhig yod do/__/ston gnam chos dang 'jig rten gyi bya ba gang yang ma 'grub pa'i tshul dpes bstan pa sgrib med ngogs su sprin dkar gyi nyams 'gyur/__/grangs med 'khor ba'i rtsed 'jo'i byung gnas dang 'gro gsum/__/ci byas lag rjes med pa'i stong chen 'dir gzigs dang /__/grub pa'i dus tshod bral ba'i brda ston zhig yod do/__/de bas na sgrub pa nyams len byed dgos par gdam bye ma'i khang bzang bskrun pa'i col chung gi byis pa/__/'thor rlung drag po'i shugs kyis rang sa ru rdib tshe/__/sha thang chad chad gtser ba'i smre sngags bu slob 'khor g.yogs sogs kyi chos brgyad la g.yeng ba'i ngang nas 'chi ba la phyogs pa'i tshul/__'dir soms dang /__/don med duHkhas mnar ba'i mtshon byed cig yod do/__/gtan tshig 'dis dngos bstan/__du bde ba'i brag sul mal rang rig bde ba chen po 'og tu bcug nas/__/'phral du nyams dga'i thang gang shar spang blang bral ba'i spyod pa la bag yangs su dkyu bas/__/gzhag tu med pa'i rang rig lhan skyes ye shes bsal bzhag bral ba de nyid las zin pa'i skyes bu'am/__gcong nad kyi thebs pa ltar rang bzhin lhug par bskyangs ba'i skyes bu ri bong gi gzugs su bkod pa'o/___/sbas don du tshig rkang dang pos grol lam/__gnyis pa dang gsum pas thabs lam nye rgyu bstan pa'o/__/gcong can ri bong 'dir soms dang /__/lkog tu gyur pa'i rnam thar rjes dpag tu yod do/__/a kyang rtsed mo yin mod stong pa dang rten 'byung /__/zung 'jug stong dang rten 'byung rtogs pa'i rnal 'byor pa ji ltar byas kyang bde bar bstan sgyu ma'i slob dpon mngon sum gyi bkod pa/__/ci byas nyams 'og tshud pa'i blo bde 'dir soms dang /__/'phral yun kun tu dge ba'i sa bon byang chub sems pa'i spyod pa don yod par bstan pa'o/__/zhig yod do/__/a ho gsal la mi gsal dar dir gyi gling bu/__/bya ba btang bzhag gnyis min mdzub mo yis sbreng bar/__/rang gi bya ba byed pa dang mi byed pa the tshom gyi skabs zhig la lung bstan 'dis don shes nas ji bzhin spyod dgos par bstan/__rtse gcig dkyus thang ma chod ri dwags tshogs nyon dang /__mdzum mos btsan pa mtshon pa'i brda sprod cig yod do/__/oM ma Ni pad+me hU~M hrIH__zhes mtsho skyes kun tu 'chang ba dgyes pa'i 'bangs kyis don grub ces pa sa mo lug gi lo'i cho 'phrul zla bar bris pa don bzhin mkhyen pa yod na smra bar mdzod cig/__//