JKW-KABUM-22-ZA-012-030

🚧 This website is under continued development. We appreciate your patience!

Previous Text Back to Volume PageNext Text

Wylie title	tshogs kyi 'khor lo'i rtogs pa brjod pa'i rdo rje'i thol glu tshim pa drug ldan gyi rol mo
Location	mkhyen brtse'i bka' 'bum Volume 22, sde tshan 12, Text 30, Pages 444-446 (Folios 50b2 to 51b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. tshogs kyi 'khor lo'i rtogs pa brjod pa'i rdo rje'i thol glu tshim pa drug ldan gyi rol mo. In 'jam dbyangs mkhyen brtse'i dbang po'i bka' 'bum, Vol. 22: 444-446. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Feast Offering - tshogs mchod - tshogs kyi 'khor lo  ·  Vajra Songs - rdo rje'i glu
Colophon	།ཞེས་པའང་དུས་གསུམ་མཁྱེན་པ་ཨོ་རྒྱན་ཆེན་པོས་ལྷ་སྲས་མཆོག་གྲུབ་རྒྱལ་པོར་བཀའ་འདུས་ཆོས་ཀྱི་རྒྱ་མཚོའི་དཀྱིལ་འཁོར་དུ་སྨིན་གྲོལ་མཛད་པའི་གནས། དཔལ་གཡོ་རུ་ཁྲ་འབྲུག་གི་གནྡྷོ་ལའི་ཁྱམས་སྟོད་དུ་ཀུན་ལྡན་ཆུ་སྟོད་ཟླ་བའི་གྲལ་ཚེས་༨དགེ་བར་ཚོགས་ཀྱི་མཆོད་པ་བརྒྱ་ཕྲག་ཐལ་བར་བགྱིས་པའི་རྗེས་ཐོག་ཏུའོ།།
	zhes pa'ang dus gsum mkhyen pa o rgyan chen pos lha sras mchog grub rgyal por bka' 'dus chos kyi rgya mtsho'i dkyil 'khor du smin grol mdzad pa'i gnas/__dpal g.yo ru khra 'brug gi gan+d+ho la'i khyams stod du kun ldan chu stod zla ba'i gral tshes 8dge bar tshogs kyi mchod pa brgya phrag thal bar bgyis pa'i rjes thog tu'o

1 Texts in this Section (sde tshan or chos tshan)

30 444-446	ཚོགས་ཀྱི་འཁོར་ལོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ཚིམ་པ་དྲུག་ལྡན་གྱི་རོལ་མོ། tshogs kyi 'khor lo'i rtogs pa brjod pa'i rdo rje'i thol glu tshim pa drug ldan gyi rol mo Autobiographies - Expressions of Realization - rtogs brjod   ·   Feast Offering - tshogs mchod - tshogs kyi 'khor lo   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཚོགས་ཀྱི་འཁོར་ལོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ཚིམ་པ་དྲུག་ལྡན་གྱི་རོལ་མོ་ཅེས་བྱ་བ། ཨ་ཧོ། འཆི་མེད་རྣམ་ཀུན་མཆོག་ལྡན་ཡེ་ཤེས་ཀྱི་སྒྱུ་འཕྲུལ། །འཆི་མེད་འོད་གསལ་གཉུག་མའི་མཚན་དཔེ་རུ་ཤར་བས། །འཆི་མེད་བདུད་རྩིའི་དགའ་སྟོན་སྐལ་བཟང་ལ་སྦྱིན་པའི། །འཆི་མེད་མཚོ་སྐྱེས་རྡོ་རྗེ་སྙིང་དབུས་ནས་དྲན་བྱུང་། །འཆི་མེད་རིག་འཛིན་འགྲུབ་པར་བྱིན་གྱིས་རང་རློབས་ཤིག །ཏིང་ངེ་འཛིན་གྱིས་སྤྲུལ་པའི་སྣང་སྟོང་གི་དཀྱིལ་འཁོར། །ཐབས་ཤེས་ཟུང་འཇུག་མཆོད་པའི་སྤྲིན་ཕུང་གིས་ཚིམས་པས། །བདེ་སྟོང་མཆོག་ཏུ་མི་འགྱུར་དངོས་གྲུབ་ལ་སྦྱོར་བའི། །འཕོ་མེད་སྦྱིན་པའི་ཕ་རོལ་ཕྱིན་པ་འདི་ཨ་ཧོ། །སྙིང་དབུས་མི་ཤིགས་ཐིག་ལེ་ཡོངས་གྲུབ་ཀྱི་དཀྱིལ་འཁོར། །ལྷན་སྐྱེས་ཡེ་ཤེས་འགུགས་པའི་བདུད་རྩི་ཡིས་ཚིམས་པས། །རླུང་སེམས་ཐིག་ལེའི་བྱེད་པ་དྷཱུ་ཏཱི་རུ་སྦྱོར་བའི། །ཟག་བྲལ་ཚུལ་ཁྲིམས་ཕ་རོལ་ཕྱིན་པ་འདི་ཨ་ཧོ། །ཡིད་ཆོས་དབུ་མར་ཐིམ་པའི་དྲེགས་ཚོགས་ཀྱི་དཀྱིལ་འཁོར། །ཕུང་ལྔའི་དྭངས་མ་འཆིང་བའི་གཏོར་མ་ཡིས་ཚིམས་པས། །གཟོད་ནས་རྣམ་པར་དག་པའི་ཡེ་ཤེས་ལ་སྦྱོར་བའི། །འོད་གསལ་བཟོད་པའི་ཕ་རོལ་ཕྱིན་པ་འདི་ཨ་ཧོ། །འདའ་དཀའི་དམ་ཚིག་ཉམས་མེད་རྣལ་འབྱོར་གྱི་དཀྱིལ་འཁོར། །བཟའ་བཅའ་བཏུང་བར་བཅས་པའི་འདོད་ཡོན་གྱིས་ཚིམ་པས། །སྨིན་གྲོལ་ཉེ་རྒྱུའི་ལམ་ལ་གཡེལ་མེད་དུ་སྦྱོར་བའི། །རང་གྲོལ་བརྩོན་འགྲུས་ཕ་རོལ་ཕྱིན་པ་འདི་ཨ་ཧོ། །ཕུང་པོ་ཁམས་དང་སྐྱེ་མཆེད་གདན་གསུམ་གྱི་དཀྱིལ་འཁོར། །གྲགས་སྟོང་རྡོ་རྗེའི་གླུ་ཡི་ཟློས་གར་གྱིས་ཚིམས་པས། །ཐ་མལ་འཁྲུལ་པའི་སྣང་ཞེན་ལྷ་སྐུ་རུ་སྦྱོང་བའི། །ཞི་གནས་བསམ་གཏན་ཕ་རོལ་ཕྱིན་པ་འདི་ཨ་ཧོ། །རྩ་གསུམ་འཁོར་ལོ་བཞི་ལྡན་རང་བྱུང་གི་དཀྱིལ་འཁོར། །ཆར་ཡང་ལྡོག་ཁྱབ་བསྲེ་བའི་བདེ་བ་ཡིས་ཚིམས་པས། །སྟོང་ཆེན་རྡོ་རྗེ་བཙུན་མོའི་སྒྱུ་མ་ལ་སྦྱོར་བའི། །ལྷག་མཐོང་ཤེས་རབ་ཕ་རོལ་ཕྱིན་པ་འདི་ཨ་ཧོ། །དེ་སྐད་ཕྱི་ནང་གཞན་གསུམ་དབྱེར་མེད་ཀྱི་དཀྱིལ་འཁོར། །དྲུག་ལྡན་ཚོགས་ཀྱི་མཆོད་པའི་འདུ་བ་ཡིས་ཚིམས་པས། །ངེས་དོན་ཕ་རོལ་ཕྱིན་པའི་ཉེ་ལམ་ལ་སྦྱོར་བའི། །རྟོགས་པ་བརྗོད་པའི་རྡོ་རྗེའི་ཐོལ་གླུ་འདི་ཨ་ཧོ། །ཞེས་པའང་དུས་གསུམ་མཁྱེན་པ་ཨོ་རྒྱན་ཆེན་པོས་ལྷ་སྲས་མཆོག་གྲུབ་རྒྱལ་པོར་བཀའ་འདུས་ཆོས་ཀྱི་རྒྱ་མཚོའི་དཀྱིལ་འཁོར་དུ་སྨིན་གྲོལ་མཛད་པའི་གནས། དཔལ་གཡོ་རུ་ཁྲ་འབྲུག་གི་གནྡྷོ་ལའི་ཁྱམས་སྟོད་དུ་ཀུན་ལྡན་ཆུ་སྟོད་ཟླ་བའི་གྲལ་ཚེས་༨དགེ་བར་ཚོགས་ཀྱི་མཆོད་པ་བརྒྱ་ཕྲག་ཐལ་བར་བགྱིས་པའི་རྗེས་ཐོག་ཏུའོ།། །། ༈

[edit]

tshogs kyi 'khor lo'i rtogs pa brjod pa'i rdo rje'i thol glu tshim pa drug ldan gyi rol mo/ tshogs kyi 'khor lo'i rtogs pa brjod pa'i rdo rje'i thol glu tshim pa drug ldan gyi rol mo ces bya ba/__a ho/__'chi med rnam kun mchog ldan ye shes kyi sgyu 'phrul/__/'chi med 'od gsal gnyug ma'i mtshan dpe ru shar bas/__/'chi med bdud rtsi'i dga' ston skal bzang la sbyin pa'i/__/'chi med mtsho skyes rdo rje snying dbus nas dran byung /__/'chi med rig 'dzin 'grub par byin gyis rang rlobs shig__/ting nge 'dzin gyis sprul pa'i snang stong gi dkyil 'khor/__/thabs shes zung 'jug mchod pa'i sprin phung gis tshims pas/__/bde stong mchog tu mi 'gyur dngos grub la sbyor ba'i/__/'pho med sbyin pa'i pha rol phyin pa 'di a ho/__/snying dbus mi shigs thig le yongs grub kyi dkyil 'khor/__/lhan skyes ye shes 'gugs pa'i bdud rtsi yis tshims pas/__/rlung sems thig le'i byed pa d+hU tI ru sbyor ba'i/__/zag bral tshul khrims pha rol phyin pa 'di a ho/__/yid chos dbu mar thim pa'i dregs tshogs kyi dkyil 'khor/__/phung lnga'i dwangs ma 'ching ba'i gtor ma yis tshims pas/__/gzod nas rnam par dag pa'i ye shes la sbyor ba'i/__/'od gsal bzod pa'i pha rol phyin pa 'di a ho/__/'da' dka'i dam tshig nyams med rnal 'byor gyi dkyil 'khor/__/bza' bca' btung bar bcas pa'i 'dod yon gyis tshim pas/__/smin grol nye rgyu'i lam la g.yel med du sbyor ba'i/__/rang grol brtson 'grus pha rol phyin pa 'di a ho/__/phung po khams dang skye mched gdan gsum gyi dkyil 'khor/__/grags stong rdo rje'i glu yi zlos gar gyis tshims pas/__/tha mal 'khrul pa'i snang zhen lha sku ru sbyong ba'i/__/zhi gnas bsam gtan pha rol phyin pa 'di a ho/__/rtsa gsum 'khor lo bzhi ldan rang byung gi dkyil 'khor/__/char yang ldog khyab bsre ba'i bde ba yis tshims pas/__/stong chen rdo rje btsun mo'i sgyu ma la sbyor ba'i/__/lhag mthong shes rab pha rol phyin pa 'di a ho/__/de skad phyi nang gzhan gsum dbyer med kyi dkyil 'khor/__/drug ldan tshogs kyi mchod pa'i 'du ba yis tshims pas/__/nges don pha rol phyin pa'i nye lam la sbyor ba'i/__/rtogs pa brjod pa'i rdo rje'i thol glu 'di a ho/__/zhes pa'ang dus gsum mkhyen pa o rgyan chen pos lha sras mchog grub rgyal por bka' 'dus chos kyi rgya mtsho'i dkyil 'khor du smin grol mdzad pa'i gnas/__dpal g.yo ru khra 'brug gi gan+d+ho la'i khyams stod du kun ldan chu stod zla ba'i gral tshes 8dge bar tshogs kyi mchod pa brgya phrag thal bar bgyis pa'i rjes thog tu'o//__//___!_