JKW-KABUM-22-ZA-012-021

🚧 This website is under continued development. We appreciate your patience!

Previous Text Back to Volume PageNext Text

Wylie title	sprul pa'i sku gu ru mtshan brgyad la gsol ba 'debs pa'i rdo rje'i thol glu rig 'dzin DA ki'i rgyud mang
Location	mkhyen brtse'i bka' 'bum Volume 22, sde tshan 12, Text 21, Pages 400-402 (Folios 28b6 to 29b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sprul pa'i sku gu ru mtshan brgyad la gsol ba 'debs pa'i rdo rje'i thol glu rig 'dzin DA ki'i rgyud mang. In 'jam dbyangs mkhyen brtse'i dbang po'i bka' 'bum, Vol. 22: 400-402. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Vajra Songs - rdo rje'i glu
Deity	gu ru mtshan brgyad
Colophon	།ཅེས་པའང་དུས་གསུམ་མཁྱེན་པ་པདྨ་ཀ་རས་ཡེ་ཤེས་སྒྱུ་མའི་སྐུས་བྱིན་གྱིས་བརླབས་པའི་ཟངས་ཡག་བྲག་ཏུ་གཏད་མེད་ཀུན་ཏུ་རྒྱུ་བ་པདྨའི་མིང་གིས་གསོལ་བ་བཏབ་པའོ།།
	ces pa'ang dus gsum mkhyen pa pad+ma ka ras ye shes sgyu ma'i skus byin gyis brlabs pa'i zangs yag brag tu gtad med kun tu rgyu ba pad+ma'i ming gis gsol ba btab pa'o

1 Texts in this Section (sde tshan or chos tshan)

21 400-402	སྤྲུལ་པའི་སྐུ་གུ་རུ་མཚན་བརྒྱད་ལ་གསོལ་བ་འདེབས་པའི་རྡོ་རྗེའི་ཐོལ་གླུ་རིག་འཛིན་ཌཱ་ཀིའི་རྒྱུད་མང་། sprul pa'i sku gu ru mtshan brgyad la gsol ba 'debs pa'i rdo rje'i thol glu rig 'dzin DA ki'i rgyud mang Supplications - gsol 'debs   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སྤྲུལ་པའི་སྐུ་གུ་རུ་མཚན་བརྒྱད་ལ་གསོལ་བ་འདེབས་པའི་རྡོ་རྗེའི་ཐོལ་གླུ་རིག་འཛིན་ཌཱ་ཀིའི་རྒྱུད་མངས་ཅེས་བྱ་བ། ཨོཾ་ཨཱཿཧཱུྃ། འཆི་མེད་བདེ་ཆེན་གཉུག་མའི་ཞལ། །ཟུང་འཇུག་གྲུབ་པའི་ཐིག་ལེ་ཅན། །བརྟུལ་ཞུགས་སྤྱོད་པ་ཡོངས་ཀྱི་རྗེ། །མཚོ་སྐྱེས་རྡོ་རྗེ་ལ་ཕྱག་འཚལ། །གཟུང་འཛིན་འཁྲུལ་སྣང་རྒྱུར་བཅས་པ། །བདེ་སྟོང་དྷཱུ་ཏིར་དག་པ་ལས། །ཟག་བྲལ་མཆོག་ཏུ་དགྱེས་པའི་གར། །པདྨ་སཾ་བྷ་ལ་ཕྱག་འཚལ། །སོ་སོར་རྟོག་པའི་ཤེས་རབ་ཀྱིས། །ལེགས་པའི་བློ་གྲོས་རབ་བརྙེས་པས། །ཇི་ལྟ་ཇི་སྙེད་མཁྱེན་པའི་གཏེར། །བློ་ལྡན་མཆོག་སྲེད་ལ་ཕྱག་འཚལ། །རྡུལ་མུན་སྙིང་སྟོབས་ཁམས་གསུམ་པོ། །རིག་སྟོང་ཕྱག་རྒྱར་དབང་བྱས་པས། །གདོད་མའི་གོ་འཕང་ཆེར་གཤེགས་པ། །པདྨ་རྒྱལ་པོ་ལ་ཕྱག་འཚལ། །དངོས་ཀུན་འོད་གསལ་དྭངས་མའི་སྦུབས། །ལྷུན་གྲུབ་བུམ་སྐུར་བསྐྱིལ་བ་ལས། །འཆི་མེད་དཔྱིད་དུ་སྨིན་པའི་གར། །ཉི་མ་འོད་ཟེར་ལ་ཕྱག་འཚལ། །སེམས་དང་སེམས་བྱུང་བདུད་བཞིའི་དཔུང་། །ཡེ་ཤེས་སྒྱུ་མའི་མཐུས་བཅོམ་པས། །བྱང་ཆུབ་སྙིང་པོ་མངོན་བགྱིས་པའི། །ཤཱཀྱ་སེང་གེ་ལ་ཕྱག་འཚལ། །ཀུན་ཏུ་རྟོག་པའི་རླུང་སེམས་གཟུགས། །ཡོངས་གྲུབ་དབུ་མར་ཟོས་པའི་སྟོབས། །གཙུག་ཏོར་གདེངས་ཀར་རབ་སྨིན་པ། །སེང་གེ་སྒྲ་སྒྲོགས་ལ་ཕྱག་འཚལ། །གཅིག་དང་དུ་མ་ལས་འདས་པའི། །རྣམ་ཀུན་མཆོག་ལྡན་མཚན་དཔེའི་ཞལ། །འབར་གཡོ་བརྟན་པའི་ཕྱག་རྒྱ་ཅན། །རྡོ་རྗེ་གྲོ་ལོད་ལ་ཕྱག་འཚལ། །དེ་ལྟར་གུས་པས་གསོལ་བཏབ་པས། །མཐར་ཐུག་འཕོ་བའི་བག་ཆགས་རྒྱུན། །བདེ་ཆེན་ཡེ་ཤེས་ཀྱིས་བཅོམ་པས། །སྐུ་གསུམ་མི་ཕྱེད་གྲུབ་གྱུར་ཅིག །ཅེས་པའང་དུས་གསུམ་མཁྱེན་པ་པདྨ་ཀ་རས་ཡེ་ཤེས་སྒྱུ་མའི་སྐུས་བྱིན་གྱིས་བརླབས་པའི་ཟངས་ཡག་བྲག་ཏུ་གཏད་མེད་ཀུན་ཏུ་རྒྱུ་བ་པདྨའི་མིང་གིས་གསོལ་བ་བཏབ་པའོ།། །། ༈

[edit]

sprul pa'i sku gu ru mtshan brgyad la gsol ba 'debs pa'i rdo rje'i thol glu rig 'dzin DA ki'i rgyud mang /__ sprul pa'i sku gu ru mtshan brgyad la gsol ba 'debs pa'i rdo rje'i thol glu rig 'dzin DA ki'i rgyud mangs ces bya ba/__oM AHhU~M/__'chi med bde chen gnyug ma'i zhal/__/zung 'jug grub pa'i thig le can/__/brtul zhugs spyod pa yongs kyi rje/__/mtsho skyes rdo rje la phyag 'tshal/__/gzung 'dzin 'khrul snang rgyur bcas pa/__/bde stong d+hU tir dag pa las/__/zag bral mchog tu dgyes pa'i gar/__/pad+ma saM b+ha la phyag 'tshal/__/so sor rtog pa'i shes rab kyis/__/legs pa'i blo gros rab brnyes pas/__/ji lta ji snyed mkhyen pa'i gter/__/blo ldan mchog sred la phyag 'tshal/__/rdul mun snying stobs khams gsum po/__/rig stong phyag rgyar dbang byas pas/__/gdod ma'i go 'phang cher gshegs pa/__/pad+ma rgyal po la phyag 'tshal/__/dngos kun 'od gsal dwangs ma'i sbubs/__/lhun grub bum skur bskyil ba las/__/'chi med dpyid du smin pa'i gar/__/nyi ma 'od zer la phyag 'tshal/__/sems dang sems byung bdud bzhi'i dpung /__/ye shes sgyu ma'i mthus bcom pas/__/byang chub snying po mngon bgyis pa'i/__/shAkya seng ge la phyag 'tshal/__/kun tu rtog pa'i rlung sems gzugs/__/yongs grub dbu mar zos pa'i stobs/__/gtsug tor gdengs kar rab smin pa/__/seng ge sgra sgrogs la phyag 'tshal/__/gcig dang du ma las 'das pa'i/__/rnam kun mchog ldan mtshan dpe'i zhal/__/'bar g.yo brtan pa'i phyag rgya can/__/rdo rje gro lod la phyag 'tshal/__/de ltar gus pas gsol btab pas/__/mthar thug 'pho ba'i bag chags rgyun/__/bde chen ye shes kyis bcom pas/__/sku gsum mi phyed grub gyur cig__/ces pa'ang dus gsum mkhyen pa pad+ma ka ras ye shes sgyu ma'i skus byin gyis brlabs pa'i zangs yag brag tu gtad med kun tu rgyu ba pad+ma'i ming gis gsol ba btab pa'o//__//___!