DKR-KABUM-22-ZA-020

🚧 This website is under continued development. We appreciate your patience!

Previous Text Back to Volume PageNext Text

Wylie title	'bras mo gshong gnas kyi mdo byang/ oM AH hU~M ma hA gu ru sogs
Location	dil mgo mkhyen brtse bka' 'bum Volume 22, Text 20, Pages 187-188 (Folios 1a1 to 2b4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ག་གྱུར་གླིང་པ་ (Khyentse, Dilgo)
Citation	Khyentse, Dilgo. 'bras mo gshong gnas kyi mdo byang oM AH hU~M ma hA gu ru sogs. In Skyabs rje dil mgo mkhyen brtse rin po che'i bka' 'bum, Vol. 22: 187-188. Delhi: Shechen Publications, 1994.
Genre	Pilgrimage Guides - gnas yig
Colophon	ཞེས་སོ་སོའི་སྐྱེ་བོའི་འཁྲུལ་རྟོག་གི་སྣང་ཆ་ལ་ཡིད་རྟོན་མ་མཆིས་ཀྱང༌། སངས་རྒྱས་ཀརྨ་པ་ཆེན་པོའི་ཐུན་མིན་ཐུགས་བརྩེའི་བཀའ་ལུང་གསེར་གྱི་སྒྲོམ་བུ་ཚངས་གནས་སུ་ཕེབས་པ་དང༌། མཁྱེན་རྟོགས་རྨད་བྱུང་རྗེ་དབོན་རིན་པོ་ཆེས་ཀྱང་བཀའ་བསྩལ་བཞིན་རང་གི་འཁྲུལ་སྣང་གནས་མཆོག་འདི་ཉིད་ཟངས་མདོག་དཔལ་རིའི་ཞིང་ཁམས་སུ་ངེས་པ་རྙེད་པ་དང༌། བཀའ་སྲུང་ཚེ་རིང་མཆེད་ལྔའི་ཕྲིན་ལས་བཏང་བའི་སྐབས་ཡེ་ཤེས་ཌཱ་ཀི་ལྔས་རྡོ་རྗེའི་གླུ་ལས་ཇི་ལྟར་གསལ་བ་བཞིན་མཚོ་སྐྱེས་རྒྱལ་བ་གཉིས་པའི་ཕྲིན་ལས་ཀྱི་གདུགས་དཀར་པོར་ངལ་འཚོ་ཐོབ་པའི་རིག་པ་འཛིན་པ་པདྨ་གར་དབང་མདོ་སྔགས་གླིང་པས་བཤད་སྒྲུབ་ཆོས་འཁོར་སྒང་དུ་བྲིས་པ་སྲིད་ཞིའི་གཙུག་རྒྱན་བཀའ་བརྒྱུད་རྒྱལ་བ་ཡབ་སྲས་ཀྱི་ཕྲིན་ལས་རྟག་ཁྱབ་ལྷུན་གྲུབ་འབྱུང་བའི་རྟེན་འབྲེལ་མཆོག་ཏུ་དགེ་བར་གྱུར་ཅིག །ཤྲཱི་བི་ཛ་ཡནྟུ།
	zhes so so'i skye bo'i 'khrul rtog gi snang cha la yid rton ma mchis kyang*/_sangs rgyas karma pa chen po'i thun min thugs brtse'i bka' lung gser gyi sgrom bu tshangs gnas su phebs pa dang*/_mkhyen rtogs rmad byung rje dbon rin po ches kyang bka' bstsal bzhin rang gi 'khrul snang gnas mchog 'di nyid zangs mdog dpal ri'i zhing khams su nges pa rnyed pa dang*/_bka' srung tshe ring mched lnga'i phrin las btang ba'i skabs ye shes DA ki lngas rdo rje'i glu las ji ltar gsal ba bzhin mtsho skyes rgyal ba gnyis pa'i phrin las kyi gdugs dkar por ngal 'tsho thob pa'i rig pa 'dzin pa pad+ma gar dbang mdo sngags gling pas bshad sgrub chos 'khor sgang du bris pa srid zhi'i gtsug rgyan bka' brgyud rgyal ba yab sras kyi phrin las rtag khyab lhun grub 'byung ba'i rten 'brel mchog tu dge bar gyur cig_/shrI bi dza yan+tu/

Tibetan Text

Wylie

[edit]

ཨོཾ་ཨཱཿཧཱུྃ་མ་ཧཱ་གུ་རུ་སརྦ་སིདྡྷི་ཧཱུྃ༔ སྲིད་ཞི་ཀུན་ཁྱབ་ཀུན་བཟང་འོད་མི་འགྱུར༔ བདེ་བ་ཆེན་པོ་རིགས་ལྔའི་ཐོད་ཕྲེང་རྩལ༔ མཁའ་ཁྱབ་འགྲོ་སྒྲོལ་ཐུགས་རྗེའི་ཕྲིན་ལས་རྒྱུན༔ ཕྱོགས་དུས་ཀུན་ཏུ་བསམ་མི་ཁྱབ་བརྡལ་ཞིང༔ ཁྱད་པར་གངས་ཅན་བོད་ཀྱི་གདུལ་བྱའི་ངོར༔ རྟག་ཏུ་མི་གཡེལ་མཛད་པ་གང་འདུལ་གྱི༔ ངོ་མཚར་སྣང་བ་བསམ་མི་ཁྱབ་གང་བས༔ ཤིན་ཏུ་སྙིགས་མ་རྩོད་དུས་འགྲོ་སྐྱོབ་ཕྱིར༔ སྦས་པའི་གནས་ལྗོངས་ལྷོ་མོན་འབྲས་མོ་གཤོང༔ རིག་འཛིན་ལྷ་དང་མཁའ་འགྲོའི་བསྟི་གནས་ཆེ༔ རྡོ་རྗེའི་ཡེ་ཤེས་ཆེན་པོའི་བྱིན་བརླབས་པའི༔ ཆ་ཤས་ཡིད་འོང་མཆོག་གི་ས་འཛིན་ཁྱོན༔ པདྨའི་རྒྱལ་ཚབ་འགྲོ་སྒྲོལ་དེད་དཔོན་ཆེ༔ རྒྱལ་བ་ཀུན་གྱི་ཕྲིན་ལས་མངའ་བདག་མཆོག༔ མཐོན་མཐིང་ཅོད་པན་འཆང་བའི་རོལ་གར་གྱིས༔ བྱིན་གྱིས་བརླབས་པའི་ཕོ་བྲང་པདྨ་འོད༔ སྐུ་གསུམ་འདུས་པའི་གཞལ་མེད་ཁང་ཆེན་པོ༔ ལུང་རྟོགས་ཆོས་ཀྱི་མཛོད་ཆེན་རང་བརྡོལ་ཞིང༔ མཁས་གྲུབ་རིག་འཛིན་ཀུན་ཏུ་ཚོགས་པའི་ཞིང༔ ཟངས་མདོག་དཔལ་གྱི་རི་མཆོག་དངོས་ཡིན་པས༔ རྡུལ་གཅིག་ཁྱོན་གནས་རྡུལ་སྙེད་རྒྱལ་བའི་ཞིང༔ སྐུ་གསུམ་བདེ་བ་ཆེན་པོའི་དཀྱིལ་འཁོར་ལ༔ ཡི་དམ་ཞི་ཁྲོ་རབ་འབྱམས་དངོས་སུ་བཞུགས༔ གནས་གསུམ་ཌཱ་ཀི་དཔའ་བོ་དུས་སུ་འདུ༔ རྒྱུད་གསུམ་ཆོས་སྲུང་སྤྱི་དང་ཁྱད་པར་དུ༔ རྡོ་རྗེ་བེར་ཆེན་ལྕམ་དྲལ་མགར་བ་ནག༔ སངས་རྒྱས་བསྟན་སྐྱོང་ཉམས་པ་རྩད་ནས་སྒྲོལ༔ གནས་འདི་འཕགས་ཆེན་སྤྲུལ་པ་རྒྱུན་མི་ཆད༔ ཁྱད་པར་རིགས་གསུམ་རྒྱལ་བའི་རྣམ་འཕྲུལ་འབྱུང༔ སངས་རྒྱས་བསྟན་པ་བཤད་སྒྲུབ་ལས་ཀྱིས་སྐྱོང༔ ཡི་དམ་གང་སྒྲུབ་དངོས་གྲུབ་ཕྲིན་ལས་མྱུར༔ ཁྱད་པར་འཕགས་མཆོག་འགྲོ་འདུལ་སྤྱན་རས་གཟིགས༔ པདྨ་ཞི་ཁྲོ་གྲུབ་པའི་རྣལ་འབྱོར་འབྱུང༔ དགོངས་པའི་རྩལ་སྦོར་ནང་གི་ས་ལམ་རྫོགས༔ འབྲེལ་ཚད་དོན་ལྡན་ཕྲིན་ལས་འགག་མེད་སྟོན༔ རྒྱལ་ཡུམ་རྡོ་རྗེ་ཕག་མོ་ལ་སོགས་པའི༔ ཞིང་སྔགས་ལྷན་སྐྱེས་མཁའ་འགྲོས་སྟོང་གྲོགས་བྱེད༔ ཁྱད་པར་ལྷ་སྨན་ཚེ་ཡི་དབང་ཕྱུག་དང༔ བརྟན་སྐྱོང་ཡ་མས་མེལ་ཚེའི་མི་གཡེལ་སྐྱོང༔ རྡོ་རྗེ་འབར་བ་སེང་ཆེན་དགྲ་ལྷའི་རྒྱལ༔ དཔའ་རྟུལ་དྭངས་སྨན་ཚོགས་ཀྱིས་བདུད་བགེགས་བསྒྲལ༔ དོན་གཉིས་ལྷུན་གྲུབ་ཕན་བདེ་འབྱུང་བའི་གནས༔ རྒྱལ་བའི་དཀྱིལ་འཁོར་ངེས་པར་ཡོངས་རྫོགས་བཞུགས༔ དད་མོས་ཡིད་ཆེས་ངེས་པས་གསོལ་བཏབ་སྟེ༔ འབྲེལ་ཚད་དོན་ལྡན་རྡོ་རྗེའི་གནས་ཡིན་པས༔ ངེས་ཤེས་བསྐྱེད་ལ་བཤད་སྒྲུབ་ཕྲིན་ལས་སྐྱོང༔ དད་མོས་ཕྱག་བསྐོར་རྩ་གསུམ་བསྙེན་སྒྲུབ་དང༔ མ་དང་མཁའ་འགྲོའི་ཚོགས་སྐོང་མེ་མཆོད་འབུལ༔ མ་མོའི་མདོས་ཆོག་གསོལ་མཆོད་འཁྲུགས་བསྐང་གཅེས༔ འབྲེལ་ཚད་དོན་ལྡན་ཚེ་འདིའི་བར་ཆད་སེལ༔ ནད་གདོན་ཀུན་ཞི་ཚེ་བསོད་རླུང་རྟ་འཕེལ༔ ལས་ཉོན་སྒྲིབ་སྦྱང་འདི་ཕྱིའི་བདེ་ལེགས་འབྱུང༔ དེ་ཕྱིར་དག་སྣང་གཙང་སྦྲ་ཤིན་ཏུ་གཅེས༔ ཉམས་ཆག་བསགས་ན་གནས་བདག་འཁྲུགས་ཤིང་མནོལ༔ མི་ཕྱུགས་ནད་ལྡང་གློ་བུར་བར་ཆད་འབྱུང༔ དེ་ཉིད་བཟློག་ཕྱིར་རྡོ་རྗེ་ཕུར་པ་ཡི༔ བསྙེན་སྒྲུབ་ལས་སྦྱོར་རྟག་པར་ཡང་ཡང་འབད༔ དུས་ཀུན་བག་ཡོད་སྤྱོད་པས་རྒྱུད་བསྡམ་ནས༔ ལས་བཞི་མཆོག་གི་དངོས་གྲུབ་འབད་མེད་འགྲུབ༔ སྐབས་སུ་ཞི་བ་བསང་དང་ཁྱད་པར་སྐྱེམས༔ དར་སྣ་རླུང་རྟས་མཆོད་ཅིང་རི་ཁྲུས་བྱ༔ མདོས་གླུད་མཁོ་དགུའི་རྫས་དང་ཚོགས་འཁོར་འབད༔ བཀྲ་ཤིས་དགེ་མཚན་འབྱུང་བར་གདོན་མི་ཟ༔ ས་མ་ཡ༔ ཞེས་སོ་སོའི་སྐྱེ་བོའི་འཁྲུལ་རྟོག་གི་སྣང་ཆ་ལ་ཡིད་རྟོན་མ་མཆིས་ཀྱང༌། སངས་རྒྱས་ཀརྨ་པ་ཆེན་པོའི་ཐུན་མིན་ཐུགས་བརྩེའི་བཀའ་ལུང་གསེར་གྱི་སྒྲོམ་བུ་ཚངས་གནས་སུ་ཕེབས་པ་དང༌། མཁྱེན་རྟོགས་རྨད་བྱུང་རྗེ་དབོན་རིན་པོ་ཆེས་ཀྱང་བཀའ་བསྩལ་བཞིན་རང་གི་འཁྲུལ་སྣང་གནས་མཆོག་འདི་ཉིད་ཟངས་མདོག་དཔལ་རིའི་ཞིང་ཁམས་སུ་ངེས་པ་རྙེད་པ་དང༌། བཀའ་སྲུང་ཚེ་རིང་མཆེད་ལྔའི་ཕྲིན་ལས་བཏང་བའི་སྐབས་ཡེ་ཤེས་ཌཱ་ཀི་ལྔས་རྡོ་རྗེའི་གླུ་ལས་ཇི་ལྟར་གསལ་བ་བཞིན་མཚོ་སྐྱེས་རྒྱལ་བ་གཉིས་པའི་ཕྲིན་ལས་ཀྱི་གདུགས་དཀར་པོར་ངལ་འཚོ་ཐོབ་པའི་རིག་པ་འཛིན་པ་པདྨ་གར་དབང་མདོ་སྔགས་གླིང་པས་བཤད་སྒྲུབ་ཆོས་འཁོར་སྒང་དུ་བྲིས་པ་སྲིད་ཞིའི་གཙུག་རྒྱན་བཀའ་བརྒྱུད་རྒྱལ་བ་ཡབ་སྲས་ཀྱི་ཕྲིན་ལས་རྟག་ཁྱབ་ལྷུན་གྲུབ་འབྱུང་བའི་རྟེན་འབྲེལ་མཆོག་ཏུ་དགེ་བར་གྱུར་ཅིག །ཤྲཱི་བི་ཛ་ཡནྟུ།

[edit]

skya_oM AHhU~M ma hA gu ru sarba sid+d+hi hU~M:_srid zhi kun khyab kun bzang 'od mi 'gyur:_bde ba chen po rigs lnga'i thod phreng rtsal:_mkha' khyab 'gro sgrol thugs rje'i phrin las rgyun:_phyogs dus kun tu bsam mi khyab brdal zhing:_khyad par gangs can bod kyi gdul bya'i ngor:_rtag tu mi g.yel mdzad pa gang 'dul gyi:_ngo mtshar snang ba bsam mi khyab gang bas:_shin tu snyigs ma rtsod dus 'gro skyob phyir:_sbas pa'i gnas ljongs lho mon 'bras mo gshong:_rig 'dzin lha dang mkha' 'gro'i bsti gnas che:_rdo rje'i ye shes chen po'i byin brlabs pa'i:_cha shas yid 'ong mchog gi sa 'dzin khyon:_pad+ma'i rgyal tshab 'gro sgrol ded dpon che:_rgyal ba kun gyi phrin las mnga' bdag mchog:_mthon mthing cod pan 'chang ba'i rol gar gyis:_byin gyis brlabs pa'i pho brang pad+ma 'od:_sku gsum 'dus pa'i gzhal med khang chen po:_lung rtogs chos kyi mdzod chen rang brdol zhing:_mkhas grub rig 'dzin kun tu tshogs pa'i zhing:_zangs mdog dpal gyi ri mchog dngos yin pas:_rdul gcig khyon gnas rdul snyed rgyal ba'i zhing:_sku gsum bde ba chen po'i dkyil 'khor la:_yi dam zhi khro rab 'byams dngos su bzhugs:_gnas gsum DA ki dpa' bo dus su 'du:_rgyud gsum chos srung spyi dang khyad par du:_rdo rje ber chen lcam dral mgar ba nag:_sangs rgyas bstan skyong nyams pa rtsad nas sgrol:_gnas 'di 'phags chen sprul pa rgyun mi chad:_khyad par rigs gsum rgyal ba'i rnam 'phrul 'byung:_sangs rgyas bstan pa bshad sgrub las kyis skyong:_yi dam gang sgrub dngos grub phrin las myur:_khyad par 'phags mchog 'gro 'dul spyan ras gzigs:_pad+ma zhi khro grub pa'i rnal 'byor 'byung:_dgongs pa'i rtsal sbor nang gi sa lam rdzogs:_'brel tshad don ldan phrin las 'gag med ston:_rgyal yum rdo rje phag mo la sogs pa'i:_zhing sngags lhan skyes mkha' 'gros stong grogs byed:_khyad par lha sman tshe yi dbang phyug dang:_brtan skyong ya mas mel tshe'i mi g.yel skyong:_rdo rje 'bar ba seng chen dgra lha'i rgyal:_dpa' rtul dwangs sman tshogs kyis bdud bgegs bsgral:_don gnyis lhun grub phan bde 'byung ba'i gnas:_rgyal ba'i dkyil 'khor nges par yongs rdzogs bzhugs:_dad mos yid ches nges pas gsol btab ste:_'brel tshad don ldan rdo rje'i gnas yin pas:_nges shes bskyed la bshad sgrub phrin las skyong:_dad mos phyag bskor rtsa gsum bsnyen sgrub dang:_ma dang mkha' 'gro'i tshogs skong me mchod 'bul:_ma mo'i mdos chog gsol mchod 'khrugs bskang gces:_'brel tshad don ldan tshe 'di'i bar chad sel:_nad gdon kun zhi tshe bsod rlung rta 'phel:_las nyon sgrib sbyang 'di phyi'i bde legs 'byung:_de phyir dag snang gtsang sbra shin tu gces:_nyams chag bsags na gnas bdag 'khrugs shing mnol:_mi phyugs nad ldang glo bur bar chad 'byung:_de nyid bzlog phyir rdo rje phur pa yi:_bsnyen sgrub las sbyor rtag par yang yang 'bad:_dus kun bag yod spyod pas rgyud bsdam nas:_las bzhi mchog gi dngos grub 'bad med 'grub:_skabs su zhi ba bsang dang khyad par skyems:_dar sna rlung rtas mchod cing ri khrus bya:_mdos glud mkho dgu'i rdzas dang tshogs 'khor 'bad:_bkra shis dge mtshan 'byung bar gdon mi za:_sa ma ya:_zhes so so'i skye bo'i 'khrul rtog gi snang cha la yid rton ma mchis kyang*/_sangs rgyas karma pa chen po'i thun min thugs brtse'i bka' lung gser gyi sgrom bu tshangs gnas su phebs pa dang*/_mkhyen rtogs rmad byung rje dbon rin po ches kyang bka' bstsal bzhin rang gi 'khrul snang gnas mchog 'di nyid zangs mdog dpal ri'i zhing khams su nges pa rnyed pa dang*/_bka' srung tshe ring mched lnga'i phrin las btang ba'i skabs ye shes DA ki lngas rdo rje'i glu las ji ltar gsal ba bzhin mtsho skyes rgyal ba gnyis pa'i phrin las kyi gdugs dkar por ngal 'tsho thob pa'i rig pa 'dzin pa pad+ma gar dbang mdo sngags gling pas bshad sgrub chos 'khor sgang du bris pa srid zhi'i gtsug rgyan bka' brgyud rgyal ba yab sras kyi phrin las rtag khyab lhun grub 'byung ba'i rten 'brel mchog tu dge bar gyur cig_/shrI bi dza yan+tu/